Selected quad for the lemma: cause_n

Word A	Word B	Word C	Word D	Occurrence	Frequency Band	MI	MI Band	Prominent
cause_n	good_a	great_a	king_n	5,512	5	3.6764	3	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06812	Here begynneth a lytell treatyse or booke named Johan Mau[n]deuyll knyght born in Englonde in the towne of saynt Albone [and] speketh of the wayes of the holy londe towarde Jherusalem, [and] of marueyles of Ynde [and] of other dyuerse cou[n]trees.; Itinerarium. English	Mandeville, John, Sir.; Jean, d'Outremeuse, 1338-ca. 1399, attributed name.	1499 (1499)	STC 17247; ESTC S108363	76,208	190

without wolle men ete the best and the fruyte also that is a grete meruayle Neuertheles I sayd theym that I helde that for no meruayle for I sayd in my coūtree are trees that bere fruyte that become byrdes fleynge they are good to ete that that falleth in water lyued that that falleth on the erthe deyed they had grete meruayle of this In this londe and many other about ther are trees that bere clowes and nutmygges canell and many other spyc● ▪ and there are vynes that here so grete grapes that a stronge man shall haue ynough to do to bere a cluster of the grapes In that same londe are the hylles of Caspye that men calle Vber amonge those hylles are the Iewes of the .x. hyndes enclo sed within that men calle Gog and Magog and they may not come out on no syde There was en closed .xxij. kynges with theyr folke that dwelled betwene the hylles of Syche and kyng Alexander chased theym thyder amonge those hylles for he trusted to haue enclosed theym there thorugh werkynge of men but he myght not whan he sawe that he myght not he prayed to god that he wolde fulfylle that he had begonne god herde his prayer enclosed the hylles togyder so that the Iewes dwelle there as they were locked in there is hylles all about theym but at that one syde there is the see of Caspye And some men myght aske there is a see on one syde why go they not out there for there to answere I that all yf it be called a see it is no see but a stange standynge amonge hylles it is the grettest stange of all the worlde yf they wente ouer the see they wote not where for to aryue for they can no speche but theyr owne And ye shall vnderstande that the Iewes haue no lawe of theyr owne lawe in all the worlde but they that dwelle in those hylles yet they paye trybute for theyr londe to the quene of Armony And somtyme it is so that some of the Iewes go ouer the hylles but many men may not passe there togyder for the hylles are so grete so hygh Neuertheles men say in that coūtree there by that in the tyme of Antecryste they shall do moche harme to crysten men therfore all the Iewes that dwelle in dyuerse partyes of the worlde lere for to speke Ebrewe for they hope that the Iewes that dwelle amonge the hylles aforsayd shall come out of the hylles they speke all Ebrewe not elles and than shall thyse Iewes speke Ebrewe to theym lede theym in to crystendome for to destroye crysten men For thyse Iewes saye they wote by theyr prophecyes that those Iewes that are amonge those hylles of Caspye shall come out crysten men shall be in theyr subgeccōn as they be vnder crysten men And yf ye wyll wete how they shall fynde the passage out as I haue vn derstande I shall tell you In tyme of Antecryll a foxe shall make his denne in the same place whe re kyng Alexander dyde make the gates he shall dygge in the erthe so longe tyll he perce it thrugh vnto that he come amonge the Iewes And whan they see this foxe they shall haue grete meruayle of hym for they sawe neuer suche beest for other beestes haue they amonge theym many and they shall chase this foxe pursue hym vnto that he be fledde agayne in to his hole that he came fro And than shall they dygge after as he wente vnto they come to the gates that Alexander dyde make of grete stones well dyght with syment they shall 〈◊〉 thyse gates so shall they fynde the yssue ¶ Of the londe of Bactry and of many gryffons and other beestes ca. lxxxv FRom this londe men shall go vnto the londe of Bactry where are many wycked men and fell In that londe are trees that bere wolle as it were shepe of whiche they make clothe In this londe are many Ypotaynes that dwelle somtyme on londe somtyme on water are half man and half hors they ete not but men whan they may gete theym In this londe are many gryffons mo re than in other places some saye they haue the body before as an egle behynde as a lyon and they saye soth for they are made so but the gryffon hath a body gretter than viij lyons and gretter stal worthyer than an hondred egles For certaynly he wyll bere to his nest fleynge an hors a man vpon his backe or two oxen yocked samen as they go at plough for he hath longe nayles on his feet and grete as it were hornes of oxen and of those they make cuppes there to drynke of and of his rybbes they make bowes to shote ¶ Of the waye for to go to prester Iohans londe whiche is Emperour of Ynde ca. lxxxvi ARo this londe of Bactry men goo many a dayes Iourney to the londe of prester Iohn that is a grete Emperour of Ynde and men calle his londe the yle of Pantoxore This Emperour prester Iohan holdeth grete londes many good cytees good townes in his kyngdom many grete yles large For this londe of Ynde is all depar ted in yles by cause of grete flodes that come out of Paradyse also in the see are many grete yles The best cyte that is in the yle of Pantoxore is cal led Nyse for that is a noble cyte ryche Prester Iohan hath vnder hym many kynges many dy uerse people and his londe is good and ryche but not so ryche as the londe of the grete Chane for marchaūtes come not so moche thyder as they do in to the londe of the grete Chane for it is to lon ge a waye And also they fynde in the yle of Cathay all that they haue nede of as spycery clothes of golde and other rychesse And all yf they myght haue better chepe in the londe of preester Iohan than in the londe of Cathay and more fyner neuertheles they wolde lette it for the longe waye grete peryls in the see for there are many places in the see where are grete Roches of a stone that is called adamande the whiche of his owne kynde draweth to hym yron and for as moche that there sholde passe no shyp that had nayles of yron for it sholde drawe it to hym therfore they dare not wende in to that coūtree with shyppes for drede of adamandes I wente ones in that see and sa we as longe as it had ben a grete yle of trees and stockes and braunches growynge and the shypman sayd to me that those was of grete shyppes that were dwellynge there thorugh the vertue of the adamandes and of thynges that were in the shyppes were those trees sprongen and waxen and suche Roches are there many in dyuerse places of that see and therfore dare no shypman passe that waye And an other also

sholde brynge his eldest sone before hym slee his owne sone with his owne hondes smyte of theyr heedes as soone they dyde his byddynge And whan he sawe they made no lettynge of that he badde theym do than badde he theym folowe his baner than he put in subgeccyon all the londes about hym ¶ How the grete Chane was hydde vnder a tree so scaped his enmyes by cause of a byrde ca. lxix ANd it befelle on a daye that the Chane ro de with a fewe men to see the londe that he hadde wonne he met with a grete multytude of his enemyes there he was cast downe of his hors his hors slayne And whan his men sawe hym at the erthe they wende he had be deed fled the enemyes folowed after and whan he sawe his enemyes were ferre he hydde hym in a busshe for the wood was thycke there whan they were come agayn fro the chasse they went to seke amon ge the wood yf ony were hydde there they foūde many And as they came to the place where he was they sawe a byrde sytte vpon a tree the whiche by r de men calle an oule than sayd they that there was no man for that byrde sate there so went they awaye thus was the Chane saued fro deth so he wente awaye on a nyght to his owne men whiche were gladde of his comynge And fro that tyme hyderwardes men of that cōutree haue do gre te worshyp to that byrde for that cause they wor shyp that byrde aboue all the byrdes of the worlde And than he assembled all his men rode vpon his enemyes destroyed theym And whan he had wonne all the londes that were about hym he helde them in subgeccyon And whan the Chane had wonne all the londes to moūt Belyan the whyte knyght come to hym in a vysyon agayne sayd vnto hym Chane the wyll of god is that thou pas se the moūt Belyan and thou shalt wynne many londes for thou shalt fynde no passage go thou to moūt Belyan that is vpon the see syde knele .ix. tymes theron agaynst the eest in the worshyp of god he shall shewe the a waye how thou shalt passe the Chane dyde so and anone the see that touched the hylle withdrowe hym shewed hym a fayre waye of .ix. foot brood bytwene the hylle and the see and so he passed ryght well with all his men and than he wanne the londe of Cathay that is the moost londe and the grettest of all the worlde and for those .ix. knelynges the .ix. foot of waye the Chane the men of Tartary haue the nombre of .ix. in grete worshyp ¶ Of the grete Chanes letters and the wrytynge about his seale ca. lxx than saye those men with a loude boys to all the halle now he stylle a whyle than sayth one of y● phylosophres eche man make reuerence enclyne to themperour that is goddes sone lorde of the worl de for now is tyme houre than all men enclyne to hym knele on the erthe and than byddeth the phylosophre theym ryse vp agayne at an other houre an other phylosophre byddeth theȳ all put theyr fynger in theyr eerys they do so at an other houre an other phylosophre byddeth that all men shall laye theyr honde on theyr heed they do so than he byddeth theym take awaye they do so and thus fro houre to houre they bydde dyuerse thynges I asked pryuely what this sholde mene and one of the maysters sayd that the enclynynge the knelynge on the erthe at that tyme hath this token that all those men that kneled so shall euermore be true to themperour that for no gyfte ne hetynge they shall neuer be traytours ne fals to hȳ And the puttynge of y● fynger in the eere hath this token that none of those shall here none ylle be spokey of the Emperour or his coūseyll And ye shall vnderstande that men dyght no thynge clothes brede drynke nor none suche thynges to themperour but at certayne houres that the phylosophres telle yf ony man reyse warre ayenst that Emperour in what coūtree so it be thyse phylosophres wote it soone tell the Emperour or his coūseyll and he sendeth men thyder for he hath many men And he hath many men to kepe byrdes as garfaukons sperhaukes faucons gentyls laners sacres popyniayes that are spekynge many other x. thousande olyfaūtes baboynes marmosettes other he hath euer about hym many physycyens more than two hondred that are crysten men and. xx sa rasyns but he trusteth more in crysten men than in sarasyns And there is in that coūtree many ba rons other seruaūtes that are crysten conuerted to the good fayth thorugh prechynge of good crysten men that dwelle there but there are many that wyll not that men wete that they are crysten ¶ Of the grete rychesse of this Emperour and of his dyspendynge ca. lxxij THis Emperour is a grete lorde for he may dyspende what he wyll without nombre by cause he spended nother syluer nother golde he made no moneye but of leder or skynnes and this same moneye gooth thorugh all his londe and of the syluer golde buylded he his palays And he hath in his chambre a pyler of golde in the whiche is a Ruby and a carbuncle of a foot longe the whiche lyghteth all his chambre by nyght he hath many other precyous stones rubyes but this is the moost This Emperour dwelleth in the somer towardes the North in a cyte that men calle Saydus and there it is colde ynough and in the wynter he dwelleth in a cyte that men calle Camalach and there it is ryght hote but for the moost parte is he to Cadon that is not ferre thens ¶ Of the ordynaūce of the lordes of themperour whan he rydeth from one coūtree to another or to warre ca. lxxiij ANd whan this grete Chane shall tyde frō one coūtree to an other they ordeyne four oostes of people of whiche the fyrst gooth before a dayes Iourneye for that oost lyeth at euen where the Emperour shall lye on the morowe there is plente of vytayls And an other oost cometh at the ryght syde of hym and an other at the lyfte syde in eche oost is moche folke And than cometh the fourth oost behynde hym a bowe draught there is more men in than in ony of the other And ye shall vnderstande that y● Emperour rydeth on no hors but whan he wyll go to ony secrete place with a pryue meyne where he wyll not be knowen but he rydeth in a charyotte with four wheles there vpon is a chambre made of a tree that men calle lignū aloes that cometh out of Paradyse terrestre that chambre is couered with plates of fyne golde and precyous stones perles and four olyfaūtes

mele whyte and hony wyne and venym are drawen out of other trees in the same maner do it in vessels to kepe In that yle is a deed see that is a water that hath no groūde yf ony thynge falle therin it shall neuer be foūde besyde that see groweth grete canne vnder theyr rotes men fynde precyous stones of grete ver tue for he that bereth one of those stones vpon hym ther may no yron dere hȳ ne drawe blood on hym therfore they that haue those stones fyght full hardely for there may no quarell ne suche thynge dere theym therfore they that knowe the maner make theyr quarels without yron so they slee theym ¶ Of the kyngdom of Talonach where the kyng hath many wyues ca. lviij THan is there an other yle that men calle Talonach that is a grete londe plenteuous of goodes and fysshes as ye shall here herafter ¶ And the kyng of this londe hath as many wyues as he wyll a thousande mo lyeth neuer by one of theym but ones And that londe hath a meruayle that is in no other londe For all maner fysshes of thee cometh there ones a yere one after other lyeth theym nere the londe somtyme on the londe so lye thre dayes men of that londe come thyd take of theym what he wyll than go those fysshes awaye an other maner cometh lyeth also thre dayes men take of theȳ thus do all maner fysshes tyll al haue be there men haue taken what they wyll And men wote not the cause why it is But they of that coūtree saye that those fysshes come so thyder to doo worshyp to theyr kyng for they saye he is the moost worthyest kyng of the worlde for he hath so many wyues and geteth so many childern of theym And that same kynge hath xiiij M. olyfaūtes or moo whiche be all tame they be all fedde of the men of his coūtree for his pleasure by cause that he may haue theym redy to his honde whan he hath ony warre ayenst ony other kynges or prynces than he doth put vpon theyr backes castels men of warre as the vse is of that londe lyke wyse do other kynges prynces there about ¶ Of the ylonde called Raso where men be hanged as they are syke ca. lix ANd fro this yle men go vnto an other yle that men calle Raso and men of this yle whan that theyr frendes are syke and that they byleue surely that they shall deye they take theym and hange hym vp all quycke on a tree saye it is better that byrdes that are angels of god ete them than wormes of the erthe Fro thens men go to an yle there the men are of ylle kynde for the nourys she hoūdes for to strangle men And whan theyr frendes are syke that they hope they shall deye they do those hoūdes strangle theym for they wyll not that they deye a kyndly deth for than sholde they suffre to grete payne as they saye whan they are thus deed they ete theyr flesshe for veneson ¶ Of the ylonde of Melke where in dwelled ylle people ca. lx all men are as bestes not resonable they dwell in caues for they haue no wytte to make theȳ hou ses and they ete adders they speke not but they make suche a noyse as adders do one to an other ▪ they make no force of rychesse but of a stone ● hath fourty colours it is called Traconyt after that yle but they knowe not the vertue therof but they coueyte it for the grete fayrenes And fro this yle men go to an yle that men calle Sylo this yle is more than hondred myle about and there in be many serpentes whiche are grete with yelowe strypes and they haue four feet with short legges grete clawes some be of fyue fadem of lengthe and some of viij and some of x. and some more some lesse and be called Cocodrylles and there are also many wylde bestes olyfaūtes And in this yle and in many yles there about are many wylde ghees with two heedes and there be also in that countree whyte lyons and many other 〈◊〉 meruayllous beestes and yf I sholde telle 〈◊〉 fall to longe 〈◊〉 called Dodyn wherin are ma 〈◊〉 euyll condycyons ca. lxij theyr eyen are in theyr shulders theyr mouth is on theyr brest An other yle are men that haue no heed ne eyen theyr mouth is behynde in theyr shulds And in an other yle are men that haue platte faces without nose and without eyen but they haue two smale rounde holes in stede of eyen and they haue a platte mouth without lyppes And in an other yle are men also that haue theyr faces all platte without eyen or mouth and without nose but they haue theyr eyen and theyr mouth behynde on theyr shulders And in an other yle are foule men that haue the lyppe aboue the mouth to grete that whan they slepe in the sonne they couer all theyr face with the lyppe And in an other yle are lytell men as dwarfs haue no mouth but a lytell roūde hole thrugh that hole they ete theyr mete with a pype and they haue no tonge they speke not but they blowe wysple and so make sygnes one to an other And in an other yle are men with hangynge eeres vnto theyr knees And in an other yle are wylde men with hangynge eeres and haue feet lyke an hors may renne fast and they take wylde beestes ete theym And in an other yle are men that go on theyr hondes feet lyke beestes are all rough wyll lepe vpon a tree lyke cattes or apes And in an other yle are men that go euer vpon theyr knees merueylously and haue on euery foot viij 〈◊〉 And in an other yle is folke that is bothe men women haue membres of bothe for to engendre with and whan they wyll they vse both on a tyme the other an other tyme they gete childern whan they vse the membre of man they bere childern whan they vse the membre of woman Many other maner of folke is in this yles therabout of whom it were to longe to telle all ¶ Of the kyngdome named Mancy is the best kyngdome of the worlde ca. lxiij TO goo fro this yle towarde the eest many Iourneys a man shall fynde a kyngdom that is called Mancy this in Ynde the more it is moost delectable plente of goodes of all the worl de In this londe dwell crysten men sarasyns for it is a grete londe therin is ij M. grete cytees other many townes In this londe no man goth on beggynge for theris no power man the men ha ue berdes thynne of here as it were cattes In this londe are fayre women therfore some men calle y● londe Albany