Selected quad for the lemma: word_n
Text snippets containing the quad
ID |
Title |
Author |
Corrected Date of Publication (TCP Date of Publication) |
STC |
Words |
Pages |
A16033
|
[Sermon on Luke VIII]
|
Alcock, John, 1430-1500.
|
1497
(1497)
|
STC 285; ESTC S110089
|
26,620
|
52
|
W C wynkyn de worde Ihesus clamabat Qui habet aures audiendi audiat Luc. viij THyse wordes ben wryten in the gospell of this daye And thus to be englysshed IhÌu our sauyour made a proclamacoÌn with a hyghe grete voyce to the people that came to here hym sayenge Euery man whiche hath eeres of herynge may yf he be well dysposed here what is sayd vnto hym ¶ Bede sayth that thyse wordes ben oft tyme repetyd both in the gospelles in the appocalypsis and hath in them grete mysterye of the pleasure of god almyghty ¶ SayÌt Ierom in the chapytre vpon Iohn sheweth that all the sermons prechynges that Cryste Ihesu made he sayd them cuÌ magno clamore by the whiche he certyfyed the people that he preched vnto the grete zele affeccyon that he had to the we le of ther soules that they sholde be desyrous to here the worde of god by the whiche they sholde be delyuered fro all mortalyte and be made by it filias dei per adopcioneÌ Â¶ Fyue proclamacoÌns specyally made by Cryste IhÌu I note in his holy gospelles whiche ben of that auctoryte that who so euer wol not here them indeuour hym to kepe them shall neuer come to euerlastynge Ioye Wherfore frendes geue better eere take more hede to them ¶ The fyrst proclamacoÌn I note in the gospel of this daye where he called the people that came fro cytees townes borughes shewed to them a parable of sede whiche was sowe in dyuerse places not conuenyent for the growynge therof perysshed but that whiche was sowe in good tylth erth multeplyed encresed meruayllously to the grete ryches of him that sewe it Cryste Ihesu calleth this sede his worde by the whiche all thynge is made multeplyed hath theyr beynge as it is wryten i. q. i. Inter catholicam OiÌm reruÌ recreacio et oiÌm recreacio fuit in verbo Psal. Verbo dmÌ celi firmati suÌt Et gene i. Dixit et facta sunt et xxxiij q. h. c. Quid ergo ¶ And ryght as sedes sowe bryngeth forth infenyte corne to the sustenauÌce of man Ryght so the worde of god sowen in mannes soule bryngeth forth infenyte vertues as is noted i. q. i. c. Interrogo vos ¶ Man is the perfeccyon of the hole werke of god He made heuen creatures celestyall Inuysyble to vs that be mortall creatures here in erth And made man other creatures here in erthe terrestryall but the perfeccoÌn of his werke is the coniunccoÌn of the soule whiche is celestyall to the body that is terrestryall for the whiche body all thynge that is made here in erthe as tree fruyte beestes foule fysshe and all other are create to fede serue the body the body to serue the soule and the soule oonly to serue almyghty god And therfore it is wryten de penitencijs dist i. recreatê° Sicut aiÌa est vita corporis ita deus est vita aiÌe ¶ And ryght as almyghty god hath purueyed for mete to the sustenaunce of the body in lyke wyse he hath ordeyned spyrytuall meete for the sustenauÌce of the soule whiche is his worde as he sayth Math. iiijo. and wryten extra de officio or c. Inter cetera Non iÌ solo pane viuit homo sed in oÌni verbo qd êcedit de ore dei ¶ By the vertue of his blessyd worde he hath ordeyned that the materyall brede whiche fedeth the body shall be transformed in to his flesshe blood and it to be most precyous mete to fede the soule of man Therfore Dauyd sayth in the psalme Afferte dnÌo Vox dmÌ in magnificencia That is to be vnderstonde that the voys of the worde of our lorde hath the vertue of magnyfycence that is whan his seruaunt in due fourme accordyng to his lawe ordened sayth the wordes vpon the materyall brede there is that magnyfycence in the wordes that incoÌtynenty that whiche was materyall brede is conuerted in to his flesshe the materyall wyne in to his blood Whiche season the angelles in heuen in the Immolacyon ben there present in mynystrynge doynge sacrefyce to theyr maker as it is wryten de con dist ij Quis fideliuÌ And of this ye sholde not gretly meruayle For a yonge mayden our lady saynt Mary whan she sayd thyse v. wordes Fiat michi scdm verbuÌ tuuÌ God man were knytte togyder in her wombe And so verbuÌ caro factuÌ est In lykewyse whan the preest sayth thyse v. wordes hoc est emÌ corpus meuÌ there is togyder in that materyall hoste god man the same whiche was born of our lady hanged vpon the crosse that rose from deth to lyf ascended to heuen And is shal be iudex viuorum et mortuorum And all faythfull crysten men whiche in true lyf fayth ben fed with it viuuÌt iÌ eternuÌ And so it is viaticuÌ to strength mannes soule to come ad monteÌ oreb to the presence of the trynyte Deê° fecit ex bonitate celuÌ terraÌ ex ê¯passione redemit genê° huÌanuÌ ex êmissione misit in terraÌ spmÌ scmÌ et ex sua suÌma caritate quotidie pascit nos eiê° corêe sanguiÌe vt essemê° caro de carne eius et os de ossibus So frendes who so hereth this proclamacoÌn thus made by the sone of god and called to ete of this blessyd meete wyll not he shall neuer come to heuen The seconde proclamacoÌn that Cryst made is wryten IohÌ vijo. xxxiij q. h. tuÌc saluabitur where he sayd Si qis sitit venit ad me bibet who so euer lyste drynke lete hym come drynke of my drynke he shal neuer after be thursty For ryght as he called them before to ete of his brede ryght so now he calleth theym to drynke of his drynke This drynke frendes is the blessyd blood water that was lete out of Crystis syde whan he hanged on the crosse clene blood of our redempcoÌn clere water of our regeneracoÌn And not flegma as the heretyke sayth as is declared de SuÌ tri et fi catho in clc And of this blood water that passed out of Crystys syde all the sacramentes of the chirche in whom all our saluacoÌn helth lyeth in hath theyr effect as is noted in c. cuÌ Martha extra de ce missarum And ryght as water wassheth and clenieth al fylth ryght so the sacrament of Bapteme wassheth maÌnes soule fro al maner syÌne oryginal mortal venyal is called Ianua sacrameÌtorum And this sacrament hath his effecte by the worde of god as Dauyd sayth in the psalme Afferte Vox dmÌ suê aquas deê° maiestatê intonuit dnÌs suê aquas multas ryght as whan Cryst was baptyzed the fader shewed his pleasure in voce the sone in carne nraÌ the holy ghost in speÌ coluÌbe And all the angelles were there present at the reuerence
xij sones of whoÌ cometh the. xij tribus of Isrl ¶ And as Lyre sayth the kyngdom of Isrl was kept by a longe season in the succession of Dauyd after his dyscesse not for ther merytes but for the goodnes truthe of Dauyd therfore it is wryten In bonis iustorum exaltabitur ciuitas in êdicoÌe eorum erit laudacio et in bnÌdiccoÌe iustorum exaltabit ciuitas That cyte whiche is replenysshed with good true men is exalted to it all good men haue good wyll to enhabyte therin And whan a wycked man deyeth therin to them it is a grete reioysynge And the blessyng of god whiche true Iuste men haue concerueth the cyte in prosperyte ¶ And Archedeken in rosario c. hoc auteÌ xxx dist sayth Si iusti fuerimê° debemê° deo honoreÌ sanctis imitacoÌem defunctis ê¯passioneÌ ê xio. amoreÌ peccato odiuÌ diabole ê¯tinuuÌ belluÌ Fyrste thou muste do honour worshyp to almyggty god with body soule as thy creatour And in token therof to yelde vnto hyÌ tythes oblacoÌns other sacrefyces Qr eiê° est terra et plenitudo eiê° viij dist c. Quo iure And secondly to folowe example of holy sayntes A preest to folowe saynt Peter the apostles saynt Martyn saynt Nycholas holy confessours And laye men to folowe Zachee Whiche sayd to Cryste Si aliqueÌ defraudaui reddo quadrupluÌ Yf I haue doo ony man wronge or desceyued hym I woll make amendes with due satysfaccyon or elles I knowe well I can not be called a Iuste man haue god in my hous The thyrde to haue coÌpassyon of them whiche be departed the worlde and praye for them And who soo haue ony goodes of thers to dyspose do it not causeth them to lye in payne It is a grete offence frendes to desceyue a man that is a lyue but moche more to desceyue hym whiche is deed And all brekers of a mannes laste wyll be acursed as ye haue herde ofte tymes The fourth ye muste loue your neyghbour as your selfe desceyue hym not lyke as ye wolde not be desceyued yourself neyther in worde nor dede ¶ And good frendes note oo worde what I shal saye to you whiche Iohn crysostom sayth in .c. eicieÌs lxxxviij dist to al them that vseth choppyng chauÌgynge what occupacoÌn they be of he byddeth them beware in theyr byeng sellyng that they vse no othes periury nor desceyte for al suche marchauÌtes Cryst bete out of the temple the prophete sayth Quia noÌ cognoui negociacoÌes iÌtroibo iÌ poteÌcias dmÌ I knewe neuer suche vntrue byers sellars entre in to the kyngdom of heuen And he putteth an example of a man whiche syfueth or fanneth corn the good corn falleth thrugh there remayneth but stones other harlatrye Ryght so a man that hath goten with othes lyes fasehede his goodes lete hym restore all that he hath goten by that waye there remayneth to hymself but synne The fyfth is we sholde hate synne Synne is that thynge whiche is contrary to all Iustyce forbode by the lawe of god as is wryten .xv. q. i. c. i. in fie And as longe as a man is in dedly synne he is drede in the syght of god called seruê° peccati a seruaunt of the deuyll ¶ And Ancelme sayth whan a man is in dedly synne all creatures made by almyghty god abhorreth hyÌ And therfore sayth Seneca as the glo noteth xv q. i. c. merito Si scireÌ deos ignoscituros hoiÌes eciaÌ nescituros adhuc dedignarer peccare And he that seaseth not to be in dedly synne but contynewe therin he shall haue this punysshment to forgete god whan he deyeth to aske hym mercy as saynt Gregory noteth in a sermon de InnoceÌ noted xxxij q. v. c. Sicut cuÌ glo IohÌ et Guid. No man can lyue so perfytly here ocupyed in the worlde but he must falle in to vanyal synne that ben put awaye dyuersly as by sayeng his prÌ nrÌ by holy water by almes dede by tuncoÌn made on his brest by fastyng by anelyng by general confessyon by blessyng of the bysshop preest beyng at masse and by contrycoÌn of thy synne whiche all ben noted de pe dist iij. de quotidianis cum glo IoheÌs et Guido et ex de pe et re c. OiÌbus ê hostienÌ Â¶ The vi laste is to contynewe batayle euer with the deuyll And who so euer woll haue the vyctory of hyÌ he must arme hyÌ with humylyte whiche is the vertue that he hateth moost in man here in the erthe whiche vertue he forsoke in heuen therfore he is called the kynge of all proude men Iob .xli. et .xiij. dist Nulli ê Guido ¶ I fere frendes that he is a grete kyng ouer many folkes moche people in this londe now a dayes as apperyth by theyr araye many gooth in his clothynge excedynge theyr power offyce blood dygnyte And ryght as the deuyl presumed to be lyke almyghty god excedynge his ordre degree so caste out of heuen and is shal be in euerlastynge payne Ryght soo all proude men now beynge in this londe werynge theyr garmentes in fourme maner of them that put Cryste to deth his sayntes as ye may se in storyes of pycture therof The abhomynacoÌn of theyr clothynge mysshappe therof is ferre out of reason that it passeth my wytte to shewe the vnthryftenesse therof the paynes put in holy scrypture whiche they shall suffre for theyr mysbehauour in this behalfe And therfore almyghty god sayth thyse wordes wryten Sophonie io. Visitabo suê oeÌs q i induti suÌt veste êegrina I shall punysshe all them that bryngeth in newe shape of garmentes whiche causeth my people to falle to wantennesse in varyauÌce of theyr araye Therfore saynt Ierom sayth vpon this text Sanguis ftÌis tui clamat vindictaÌ ad me who so euer bryngeth in a wronge custome in to a cyte or ony shape of garmentes whiche sholde cause synne amonge the people as longe as it is vsed he shall neuer come in heuen ¶ Frendes I remembre dayes here before in my yongthe that there was a vertuous monke of Bury called Lydgate whiche wrote ma ny noble hystoryes made many vertuous balettê to the encrease of vertue oppressyon of vyce And amonge other he made a treatyse called Galand all the kyndred of Galand he dyscryued therin I suppose yf galantes vnderstode the progeny they wolde refuse to be of that felyshyp kyndred The occasyon of makynge this boke was whan englysshe men were bete out had loste Fraunce Gascoyn Gyon Normandye came home dysguysed in theyr garments in euery parte of theyr bodyes whiche englyssh men sawe neuer before And many folowed the lewde abhomynable garmentes in so moche that all good men cryed out of them And this good monke in detestacyon of theyr synne wretchednesse made the sayd boke in balette wyse And the repete of euery balett was this Englonde may wayle that euer Galand came here And in short season after were grete surreccoÌns murdre of lordes other as I doubte not many that lyueth can remembre it I praye god they may amende them that we be not punysshed for them wayle theyr wretchednesse for by cause we suffre the subgettes of the kyng of pryde to dwelle amonge vs. ¶ Frendes I saye the wordes of Cryst vnto you whiche I toke to my tyme. Qui habet aures audiendi audiat that thyse wordes whiche ye haue herde by my symplenesse by your materyall eeres may be vnderstonde also by your Inwarde eeres of your soule by true Intellecte so put in execusyon For I saye vnto you as saynt Ierom sayth in an epystle saynt Austen in lyke wyse ê noÌ suÌt nuge et friuola que dixi vobis Sed suÌt scripture et verba dei And therfore saynt Poul sayth Syres take good hede at the lawe of god perfourme it in that you is qia deê° noÌ irridetur he wyl not be laughed to scorne but punysshe them that by worde or dede despyseth his coÌmauÌdement ¶ Thenne frendes I ende thus besechynge eche one of you to remembre kepe the fyue proclamacyons whiche I haue shewed vnto you And ye of the spyrytualte to calle to mynde your bylle of remembrauÌce to be holy in your conuersacoÌn And ye maysters of the temporalte to remembre your bylle of Iustyce truthe to god man And yf ye haue grace thus to do I answere dare promyse in the name of Cryste Ihesu ye shall haue Ioye that the eye may not se nor herte can thynke nor tonge can speke to the whiche god brynge all Amen ¶ Enprynted at Westmynstre by Wynken de worde W C