Linguistic DNA - Concept Modelling Demonstrator

Word A	Word B	Word C	Word D	Occurrence	Frequency Band	MI	MI Band	Prominent
water_n	drink_v	eat_v	wine_n	18,017	5	9.0842	4	true

ID	Title	Author	Corrected Date of Publication (TCP Date of Publication)	STC	Words	Pages
A01994	Here begynneth a lytell treatyse called the gouernall of helthe with ye medecyne of ye stomacke; Governal of health.	Lydgate, John, 1370?-1451?, Medicina stomachi.; Joannes, de Burgundia, 14th cent, attributed name.; Montagnana, Bartolomeo, fl. 1422-1460, attributed name.	1506 (1506)	STC 12139; ESTC S114852	13,550	26

it for a souerayne notabylyte who y t eteth ofte mylk fysshe ofte katche therof a lepre or a whyte scabbe Also oft to vse hye coloured wyne mylke togyd briÌ„geth a man to both lepre and scabbe here none suffyseth of qualyte of metes as to the quantyte vnderstond that thy mete ne thy drynke sholde be no more but as thy kyndly helthe myghte ouercom it elles thy body shall wast thy vertues vexe feble And for the quantyte of metes drynkes may not certenly be spewed loke how thou felyst it hath done the moost good and suche quaÌ„tyte vse Â¶ Ferdermore vnderstonde that no man sholde ete anone after his exercyse ne anone after he were bathed but fyrste rest hym a whyle so that he hungre thenne whan he wyll ete yf he be a ryche man set tofore hym many meetes of whiche y t one is better than that other For a fecysyon sayth it shal better saue hym beter nourysshe hym skyll why for mete y t is taken with delyte the stomacke hugely coueyteth hastely katcheth longe holdeth well defyeth that mete that is best defyeth is moost nourysshynge for mannes body Truly other mete y t is not defyed is taken with fulsoÌ„nes defyeth not well for why a man desyre more moton theÌ„ a capon y e moton shall rather be eten so of all other metes But there y t is moche dystaunce in qualyte of metes we may not doo thus also beware y t it be none erraunt appetyte as in women y t ben with chylde though it otherwhyle be ye shall it not alway be denyed Ferthermore as Galyen sayth y t at one mele meÌ„ sholde not ete dyuers metes therfore at morowe ete but brede alone at euen flesshe alone for whan two dyuers metes ben take at one male of theÌ„ come two euylles one in eyther by it selfe a nother in them both togyder in themselfe for then one trauayleth to torne in to grete and heuy humours and that other in to subtyll and lyght in them both for if subtyll mete go before it is fyrst defyed and goeth forth and draweth with hyÌ„ the grete metes vndefyed and yf the grete metes goo fyrste to fore than the subtyll mete is not medefyed may not for the grete go forth so it wexeth corrupte And whiche of these maners euer it be alway it is euyll but more euyll it is that the subtyll folowe the grete for the chaufynge and chaungynge in to kynde of raunes may be holpen but the chaungynge in to corrupcyon neuer or selden and of wonder harde is holpen Â¶ And therto accordeth Galyen a fycysyon other doctours but neuertheles peraduenture a contraryous custome longe vsed may do awaye the corrupcyon Â¶ Also wete well that vertue of defyenge is ofte broken whan rawe mete is put on halfe soden for th one rawnes sheueth out the other so the halfe soden is corrupte Moreouer that no man ete so moche y t the stomak be euyed therwith ne that his appetyte cease But who y t vseth grete exercyse and to moche selde and therwith eteth vnruly and contyneth it he shall dye by sodeyn dethe or shall fele wycked syknes ye thoughe his mete were ryght good for by cause his degestyon is corrupte therfore kepe well thy stomak from to moche mete drynke And it so myshap ony tyme anone with water and oyle of suche other spue it out anone and than slepe and yf thou may not slepe walke softely vp and downe and .xxiiii. houres ete not after ne drynke not than ete a lytell with a draught of good clene wyne so the wyne be not to grete ne of hyghe colour on the thyrde daye haue some exercyse be bathed than ete a lytell after after slepe thou may than vse this electuare dyatryon as sayth a fycysyon Two cause be of sykenesses y t is dyuerse metes longe syttyÌ„ge moche etyÌ„ge of dyuerse metes for of them ben gendred dyuers humours some good some euyll longe syttynge for then the mete y t is fyrste take is defyed or the laste begynne to defye and so that is defyed draweth with hym to y e lyuer y t is vndefyed and so these two ben cause of grete sykenesses Also as olde wyse men saynge maÌ„shold neuer ete his fyll at one mele in takynge dyuers metes for as a wyseman sayth no thynge is worse than to multeply metes so to sytte longe therat for thy he sayth y t men in olde tyme were satysfyed at morowe w t brede alone therw t they sayd resonably the more mete sholde be towarde euyn but the custome were contrary for a uycenne sayth y t hole men sholde better ete at ayenst nyght then on morowe for the kyndly hete is closed wtin theÌ„ gadereth about y e bowelles netheles flewmatyk meÌ„ ete not to cold for they nede but lytel exercise to meue her kyÌ„dly hete whiche mo weete by the morow But now the moost vsage is here agayne amonge many men it is fouÌ„de more holsoÌ„ to ete by day then by nyght parauenture y t is skyll of custome And therfore thus sayth a wyse man short souper lyght souper is seldeÌ„ greuous grete soupers noyen as leches teche we rede it ofte openly also as a uycenne sayth bytwene two etynges .xi. houres to be is ê“fytable so ete thryes in two dayes as to daye twyes and to morowe but ones and so to contynue forth so y t yf errour fall in twyes etynge and soo agayn warde for that one must be ameÌ„ded by that other sythe it is harde to lyue without errour in moreouer vnderstonde that men that haue good vnderstondynge etynge for they wolde lyue but they that gone by flesshelynes wolde lyue for to ete ontrary to nature Â¶ And wytte thou wel that too a coleryk mannes stomacke whan the vertue is stronge and grete hete greate metes ben good As be of porke grete venyson grete bestly fysshes rough grete brede salte mete flesshe halfe soden grete myghty coloured wyne yf y e hete of the stomacke be feble yf he haue but lytell exercyse y e metes aforsayd wolde moch noye hym-but to suche a stomacke gyue subtyll metes as chekens small fysshes of stony rennyÌ„ge water rere egges brede well baken well soured small wyne of clene oryent colour not depe suche other Â¶ But these metes sholde be corrupte of an hote stomacke yf the vertu dygestyffe be in y e mene tyme of dyetyng as capons hennes partryches suche other Also and gouernauÌ„ce of helth fle all cessyuous metes namely these but yf it be for a medycyne fle also al frutes and all herbes y t ben not good as these namely cole wortes letuse for they make malyÌ„colyous blode GalyeÌ„ sayth y t my fader euer forbad me y t I sholde ete no newe frutes grene yf

I wolde be without sykenesse whyle he lyued so dyd I was also wtout sykenesse whan he was deed I ete frutes caught y e feuers after y t I caught connynge to kepe myselfe I kepte me from frutes And I had nomore y e feuers but yf it were a lytel sharp feuer called offymera all my frendes y t kepte my doctryne kepte theÌ„ froÌ„ frutes had theyr helth Arnolde a grete clerke sayth thus In lente loÌ„ge vsage of stoppyÌ„ge metes as fysshe pese potage therfor it is profytable fyrst to ete porrey of pesen for this is a war that wyse men hath coÌ„mended thus it is made do pesen in fayre water all nyght in the same water boyle them on the morowe a good whyle then clense theÌ„ and kepe the clensyng and whanne mete tyme cometh do therto a lytell wyne pouder of spyknard a lytell saffron clene small salte then boyle it on a walme so ete it for it openeth clenseth well the capytall veynes of y e lyuer y e wayes ofte of y e vryne kepeth fro the stone grauelles namely yf y e forsayd pesyn be soden in the forsayd water with persely Â¶ How a man sholde behaue hym in his drynke THe lesse ye drynke at mete y e better it is euer so it be mesurably taken for a man sholde not at mete drynke moche lest it make mete to swyÌ„me in his stomak wherfore meÌ„ sholde dryÌ„ke a lytell so y t the mete be well medled teÌ„pred togyder And then lette it be a longe whyle or y u drynke ayen thaÌ„ drynke a grete draught at ones ne drynke not to moche after y e fyrste morcell in no maner of wyse but drynke ofte a lytell a lytel of smal clene wyne best accordynge to helth gouernyÌ„ge of thy coÌ„plexyon nature for helth of body is clene small claret wyne not to newe ne to myghty so it be wel proporsyonly tempered with y e quantyte of clene water More ouer no man be so hardy to drynke fastynge colde water nor after y t he hath accompanyed with a woman nor after grete trauayle nor after exercyse tyll he haue fyrste rested hym nor by nyght namely yf he haue gloue tofore for why longe slepe and fast slepynge is cure therto Â¶ What shall be done after mete AFter whanne thou haste ete thou sholdest stonde or walke a lytell softely vp and downe tyll thy mete goo downe to the botom of the stomacke and thenne slepe a lytell yf that thou be vsed therto bothe y e day and the nyght namely slepe fyrst on thy ryght syde for that is kyndly for thy dygestyon shall be better for theÌ„n lyeth thy lyuer vnder thy stomack as fyre vnder a caudron And after thy fyrste slepe torne on thy lefte syde y t thy ryght syde may be rested of thy longe lyeng theron And whan thou hast layen theron a good whyle slepte turne ayen on thy ryghte syde there slepe all nyght forth loke y t thou lye not to streyght ne to croked with thy legges but in a meane bytwene streyght croked And in no wyse lye not vpryght for theÌ„ wyll the superfluytes abyde within the turne to wycked greuous euylles contrary to helth Also to ly grouelynge on the wombe is good so y t thy brethe be not greuyd therw t y e heuyer the gretter thy mete be the more thou haste taken therof euer the lenger thy nyght slepe be euer the subtyler y t thy mete be and y e lesse thou haue euer the lesse sholde thy slepe be For slepe is full helpy to olde men for it maketh them moyst and therfore sayth Galyen whan he was olde he ete letuses with spyces for he wolde slepe the better More ouer slepe is full helpy to the dygestyon of thy metes but not anone after that thou hast eten for thou myghtest be strangled Also wytte thou that yf a man byfore auauntyssyed of his body moche slepe then is not gode for hym for it wyll waste his moystenes and of one thynge beware that to longe slepe or to shorte febleth a mannes body and breketh it And after thou hast eteÌ„ take no latuaryes nor other hote thynges for they turne thy mete to corrupcyon nor anone after thou haste ete renne not nor ryde not to faste for then euery streÌ„ge meuynge thynge turneth thy mete to corrupcyon also y e vertu dygestyffe is nourysshed thrugh rest also after mete tofore asmoch as y u mayst sle wrath sorow peÌ„cyfulnesse ryght as tofore me exercyses beÌ„ good so after mete they noye rest is best Moreouer Aueroys sayth ryght as colde water caste in a potte boylynge letteth y e boylynge for a tyme so to drynke after mete namely sone letteth y e dygestyon maketh it to cease for a tyme therfore it is not good after mete to drynke moche tyll the mete be defyed but after mete to suffre thrust somwhat is good And yf y u wylte easely voyde thy stomacke stande after thy souper tyll y u be wery or walke a thousande paces wytte thou y t glotery whan thy mete defyeth not well what euer y e case be bathynge ne blode lettynge ne exercyse ben not good but rest slepe abstynence dyatryon pypyon Exercyse is not good for therby sholde thycke rawe humours be lole then therof the lymmes sholde be nourysshed y t were euyll for why in suche exercyse y e kyndly hete is not comforted but more febled strauÌ„glyd for y e rawe humours are dyssolued for ryght as water quencheth fyre so rawe humours quencheth kyndly helth Â¶ Of noyes of euyll gouernaunce THere beÌ„ many y t only not vse euyl gouernauÌ„ce iÌ„ metes dryÌ„kes but also mayÌ„tene it as they seyen beÌ„ well at ease well defyen they scorne leches otherwyse men that vse good gouernaunce for they byleue y t they sholde be excused of theyr errour by ther loÌ„ge custome for why custome is a ful streÌ„gth in kepyÌ„g of maÌ„nes body And y e sayd GalyeÌ„ thus custome is better defyed wherfor thus sayth AuyceeÌ„ euyll mete vsed is better theÌ„ good mete not vsed y e coÌ„trary of all these sayth CoÌ„stantyne as it semeth thus glad they not y t vse euyll mete though they be not now hurte aft they shall not so escape herte meÌ„ may say y e custom accordeth w t kyÌ„de or if it accorde it shal be holdeÌ„ if it accorde not be not roted it shall be caste away but not sodenly but lytell lytell Â¶ For thy though it seme theÌ„ y t good gouernaylle of custome that they ben well by reason of custome vertue strength or aege Â¶ Nethelesse her vertues wastynge pryuely so euery day they ordeyn theÌ„ to lepre or to sodeyn dethe As they y t longe tyme vse befe

Selected quad for the lemma: water_n

Text snippets containing the quad