Selected quad for the lemma: spirit_n

Word A	Word B	Word C	Word D	Occurrence	Frequency Band	MI	MI Band	Prominent
spirit_n	abide_v	able_a	lord_n	160	3	3.7109	3	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A03488	A deuout treatyse called the tree [and] xii. frutes of the holy goost; Tree and xii. frutes of the holy goost.		1535 (1535)	STC 13608; ESTC S109432	96,385	208

braunche of an olyue tree By the olyue is vnderstande Peas and by the culuer the holy goost whiche betokeneth that all goostly folke in whome the holy goost dwelleth sholde euer bere peas bothe in theyr brest in theyr mouthe and styre other to peas as saynt Martyn oyde whose mouthe was euer in spekynge eyther of Chryst / or mercy / or peas and soo made peas among other Also it semeth wel that peas is a precyous fruyte in that that our lorde bought the fruyte with his deare precyous blood / soo that he made peas therby throughout all the worlde ¶ Also it is wel proued that it is a precious fruyt for all martyrs toke theyr dethe to bryng peas among vs. Therfore sory may al they be that refuse so precious a fruyte whiche our lorde his aungels all his apostles all his dyscyples and all his martyrs sayntes set so moch therby This precyous fruyte our lorde Iesu hath left to his spouse holy chyrche that all her chyldren may take ynough therof yf they wyl ☞ But now to knowe veryly peas thou shalt vnderstande that there is two maner of peas of good folke One is peas of hertes here ī this lyfe and peas euerlastyng in another lyfe By the fyrst peas we may come to the second peas Therfore true it is the our lorde sayth Math .v. Beati pacifici qm̄ filij dei vocabunt Blyssed be they that be peasyble for they be called goddes chyldren All suche be called peasyble that be louers of peas / whiche alway besy them to reforme peas kepe peas fyrst in hymself / and seconds ryly in other Peas in hymself is for to make the flesshe subiect to the spyrite and for to make the styrynges of the soule subiecte to the ouer parte of reason Be therfore syster fyrst a maker of peas with in thyself makynge thy body subiecte to thy soule and than a maker of peas of other For thou canst not be a very maker of peas of other but yf thou be fyrst in peas within thy selfe This fyrst peas lyeth in repressing of all carnal lustes desires and that the lawe of the flesshe repugne not the lawe of the soule but that the body serue the soule vnder trybute that is for to serue the soule as a seruaunt serueth the body and elles there shal no peas be The body is as a seruaunt to whome it longeth for to serue the sou●e is as a lady to whome it lōgeth for to haue the soueraynte whan the seruaunt taketh awaye from y● lady her herytage than is there a greate erthquake as Salomon sayth ꝓuerb .xxx. Vnum est per quod terra mouetur quando an cilla heres fuerit domine sue ❧ There is one greate thyng he sayth whiche causeth the erthquake and that is whan the seruaunt is heyre of the lady The body whiche is the seruaūt is than the ladyes neyre whan he by fleshly lyuȳg ●ereth away the herytage of the soule so myspendeth it by the whiche the soule that is lady is depryued from spyrytuall and endlesse delytes And this causeth an erthquake that is the erth which is thy flesh may not suffre vertues to growe in the soule but ouertorneth all the edyfyenge and buyldyng of vertue vp and downe Alas that suche a wretched seruaūt shold ouercome suche a gentyll lady of our lordes kynne yf there shold be very peas betwene them two nedes the seruaunt must come and lowe herself to her lady That is she must be compelled to obey to the soule and to all the profytes the longe to the soule for to be dylygent who so can make the flesshe to lowe he shall haue peas ynough in himself be able to make peas amonges other Though thou fele sōtyme styrīges of thy flesshe to synne yf reason folowe not deme it not consent but onely a felynge whiche is called but a tourneyment betwene the soule and the body Trowest thou that therfore that thou hast lost peas Naye syster as longe as thou neuer consentest for to be ouercome There is no maner of thynge forboden the in all suche tourney mētes betwene the soule and the body but onely consent in the felynge of ony suche temptacyons Playne not and saye that thou hast loste peas bycause that thou doost fele great temptacions of thy flesshe For as long as thou cōsentest not to suche temptacyons thy peas is not broken The seconde peas that I dyde make mencyon of is peas of herte and that is whan all the styringes and moueinges of the soule be made subiecte and obedyēt vnto the ouer parte of reason This peas is all inwarde and it cometh of affection of a ryght intent yf thyn affection be clene thyne intent be ryght for to profyte in vertue anone without ony delay our lorde wyll delyuer the from all vnquyetnesse of herte make thy conscyence a peasyble dwellyng place of ryght wysnesse This peas of conscyence whiche is called peas of herte is nothyng elles but a maner of ernest and a taste of that ioye peas whiche is euerlastyng in heuen And the we shall haue at the last yf we kepe very peas and rest Also they that haue rested them here from wicked workes there shall they rest from endlesse trybulacion Of these bothe peases that is of cōscyence of ioye our blyssed lorde made his testament The fyrst peas whiche is called peas of hert he bequethed here to his dysciples whā he sayd Io. xiiii Pacem relinquo vobis My peas I bequethe to you The second peas whiche is peas of endlesse blysse he bequethed to suche that kepe the fyrst peas whan he sayd Ioh. xiiii Pacem meā do vobis My peas endlesly I gyue to you The fyrst is not now in this erthe to vertuous folke ful stable namely for troubles and vnquyetnesse which many vertuous folke fele somtyme among And no wonder for all such peas is but the relyef and almesse of heuenly peas which is gyuen to the poore in spyryte syttyng at the gates of Ierusalem abyding there some peas sēt from our lordes table The almes that cometh fro a lordes table is not always able to be eaten For somtyme among in such almesse be founde bones bare from flesshe and other fragmentes which be not able for to be eaten So such peas that is graunted of our lorde to clene hertes here in erth is somtime ful barayne from rest quyetnesse as is a bone fro flesshe And yet all such maner vnquietnesse cometh from our lordes table of heuen for to proue a soule ☞ Lo syster blyssed be all such that be thus peasyble which bothe make peas betwene the soule body and also kepe peas in herte For they be made our lordes chambrelayns in as moche as they make redy for hym in theyr own hertes soules a resting place as Dauyd sayth Ps lxxv In pace factus est locus eius His place he sayeth is made in peas whan the

outwarde worldly goodes for the loue of heuenly goodes so now put them out of thy mynde as moche as thou mayst / and haue mynde of the vowe of pouerte not to haue one pynne mo to thy heed than is taxed in thy holy rule Be none other in thy soule than thou apperest outwarde in thyn habyte For of al synnes ypocrisy is a peryllous synne / namely amonge relygious folke Good sister be well ware of that cursed synne ypocrisy / and kepe the from al maner curyosite and superfluyte whiche ben very deedly enmyes to the holy pouerte of relygigion ☞ whan ony maner temptacyon of worldely couetousnesse is at ony tyme presented vnto thy soule anone haue mynd of the moost blissed pouerte of our worthy sauyour Iesu chryst thy chosen spouse and of the moost holy virgin his moder in worshyp of whome thy relygion is grounded Of the pouerte of Chryst and his blyssed moder beryth wytnesse the poore cryb and few clothes which he was wrapped in at his byrth Se now what pouerte he suffred in his begynnyng / and also all the tyme of his beyng in this lyfe who was euer poorer thā he For he sayth hymself in his holy gospell Uulpes foueas habent et volucres celi nidos filiꝰ autem homims non habet vbi caput suum reclinet That is Foxes he sayth haue dennes and holes to hyde them in and byrdes haue nestes but the sone of the vyrgyn is soo poore in erthe that he hath not wherin he maylye his heed Also that he loued pouerte at his endynge that is in his passyon / the blyssed crosse whiche he hyng vpon bereth wytnesse where herde euer ony man or woman that ony body in his dethe what passyon soeuer he shall suffre ▪ sholde be denied his clothes for to couer them wt. Or if he axed drynke shold it not be gyuen to hym yes rather than fayle water But our lorde Chryst Iesu in his holy passyon hong naked vpon the crosse And whan he was athyrst tasted galle with eysell for his drynk Lo syster where herdest thou euer an hyer pouerte ☞ Of this pouerte and other suche thou must haue mynde that thou mayst suffre the better pouerte of relygyon If thou hast meate and drynke clothyng and a boke to loke vpon / it is inough to the. And yf thou hast more than these and namely more than is assigned in thy rule or more than thou hast leue of thy souerayne to haue thinke that thou arte ryght ferre from our lordes blyssed pouerte / and his holy moder ¶ Good syster folowe this holy pouerte that thou mayst deserue for to haue that kyngdom whiche is ordeyned for poore in spyryte / as our blyssed lorde ꝓmyseth hymself where he sayth Bearti pauperes spiritu quoniam ipsorum est regnum celorum Blyssed be tho he sayth that be poore in spyryte for theyrs of ryght is the kyngdom of heuē for theyr herytage If thus thy water bowes be lopped away thou mayst growe ryght hye in deuocyon and contemplation ¶ what sholde be thy hye growyng Truely but deuocyon in prayers For as doctours sayen prayer is no thyng els but ascension or lyftyng vp of the soule to god by deuocyon which is deuyded parted in two partes / that is in to vocall prayer mentall prayer Vocall prayer is prayer made by mouthe accordyng with the soule Mentall prayer is all onely of the soule or mynde with sylde spekyng of the mouthe To vocall prayer that is euery day to serue our lorde Iesus and his blyssed moder in sayng matyns pryme tierce sext none euensong complyn thou art boūde by thy relygion but yf thou be lawfully letted And therfore to these I councell the to haue a zeale and a loue to say them distinctly and apertly with a pronoūcyng of thy wordes gyuing therto the intent of thyn herte / so that thy tōge be not in the quere and thyn herte in the town In suche sayenges as moche as thou mayst eschewe distraction And that thou may so do make there dy afore after the councell of Salomon where he sayth thus Fili accedēs ad seruitutem dei sta in timore prepara animam tuam ad temptationē That is ▪ whan thou goest to the seruice of god stande there in drede make redy thy soule for to withstand temptacion For than wycked spirites ben right besy for to let deuout soules from the good spede of prayer by immyssions of theyr subtyll temptacyons we haue neuer so many temptatyōs whan we be out of the quere as whan we be in the quere of gods seruyce ❧ Therfore I councel the for eschewyng of all euagacions cast downe thyn eyes vnto a certayn place all the tyme of dyuine seruyce be it nyght be it day ymaginyng in thy herte as though thou se lyeng afore the Christ Iesu streyned vpon the crosse And he with the crosse togyder lyft vpon hygh with woundes bledyng And in that lyfting than lift vp thyn tyes suynge after and renne from wounde to wounde and so sigh and sob pryuely Now for the nayles now for the thorns now for the spete now for the crowne now for the fete now for the handes / and so thanke him for his passyon whiche he suffred for the. ¶ And among all suche goostly medytacions loke in ones or ofter if thou mayst and entre in to his herte by the wounde of his syde wherin thou shalt fynde all maner treasour of pyte There are harbo towe for charyte and in the name of god entre a goddes behalfe Quenche thy thurste there with plente of haboundaunce of his moost blissed blode For he sayth hymselfe Quiscitit veniat ad me et bibat He that thursteth come to me and drynk Of suche deuocion in dyuine seruyce our lorde is hyghly pleased Blyssed aungelles nygh at hand to such a soule / and not onely aungels but also our lorde hymselfe speketh to suche a soule thus occupied sayth Doughter aske what thou wylte and thou shalt haue it ☞ O now is this a voyce of grete ioye and gladnesse Answere agayne and say to hym in thy thought Lorde I desyre nothyng els but that I and all tho which trusten and shal trust vpon thy grete mercy may be admytted amonges thy chosen people in thy heuenly blysse And as the holy prophete Dauyd sayth Ad let andum in leticia gentes tue For to ioye in gladnesse among thy chosen people ☞ Lo syster suche thoughtes whyle thou standest indyuyne seruyce sholde fyll thy hert with so moche gladnesse loue and swetenesse / that thou shalt be lothe to thynke on ony other thynge vnder god Also yf thou myghtest haue medytacion than of his blissed moder Mary entryng in to the quere beryng Iesu her blyssed sone in her holy armes / vysytig now one now another the syngen deuoutly and corageously in dyuine seruyce without dulnes or slepynes ouerpassing all suche that ben sluggisshe and stepy or slouthfull