Selected quad for the lemma: sense_n

Word A	Word B	Word C	Word D	Occurrence	Frequency Band	MI	MI Band	Prominent
sense_n	catholic_n	church_n	visible_a	1,693	5	9.4123	5	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A14159	The refutation of ane ansuer made be Schir Iohne Knox to ane letter send be Iames Tyrie, to his vmquhyle brother. Sett furth be Iames Tyrie.	Tyrie, James, 1543-1597.; Knox, John, ca. 1514-1572. Answer to a letter of a Jesuit named Tyrie.	1573 (1573)	STC 24476; ESTC S101283	83,074	128

as lauchfull ministers gif the kirk at ony tyme had bene inuisible it followis necessarli● that the ministers quha dois immediatlie succeid thairefter becaus they haue nocht ressauit thir power and authoritie be the kirk considdering it wes as than inuisible be destitute of all authoritie of lauchfull pastoures suay that na man can be bound or obleist be the law of God to obey thame of the quhilk the extreme ruine and exterminione of the kirk dois necesserlie follow And to be schort I wald domand gif zour kirk this mony hundreth zearis hes followit and embraced that maner of wirschiping of God and administratione of sacramentis quhilk the catholick kirk or as ze call it the papisticall kirk hes followit or nocht Gif ze ansuer that it hes followit sic maner of wir schining of God as the Catholick kirk then I collect necessarlie that zour haill kirk wes composet of hypocritis that is of thame quha exterio● lie professit ane religione and in wartlie ane vther and suay it culd nocht be the kirk of God becaus in our beleif we say I beleue the catholick kirk Gif ze ansuer that zour kirk hes wirschiped God in ane vther maner that is as ze do now and follow it the lyk administratione of sacramentis as ze do than I collect necessarlie that it wes visible becaus it is nocht possible that in ane assemblie or congregatione of men thay be diuers maners of worschiping of God and of the administratione of Sacramētis onles the ane pairt be knawin to the vther suay of necessitie thay aucht bayth to be visible I pretermit that in all contrais quhair the name of Christ euer hes bene professit thair is historeis maist faythfullie contenand the beginning cours and continuall progres of the kirk euin vnto this present aige bot quhow ony historicall narratioun culd haue correspondit to ane inuisibll kirk I can nocht full alie perceaue As to the authoritie of the ancient fatheres pastoures councels or assembleis of Christian men as said is be ane vniuersall consent thay confirme this to be trew in safar that all the ministers of the world can nocht be able to produce ane in the contrar quha in ony aige hes bene estemit as ane lauchfull pastour of the kirk This is the trew citie collocat on the montan quhilk can nocht behid This is the bricht lanterne quhilk can nocht be put onder ane firlot this is the tabernacle of Christ collocat nocht in the darknes bot in the sone This is the hous of God in the quhilk magnisicens and halines or to be found euin to the end Lat zou nocht heirfoir sa gretumlie be abused in zour awin phantasticall imaginations as to beleue that quhilk is repugnant to sa manifest scriptures and cleir testimoneis of the maist ancient fathers and to conclude contrar to the vniuersall consent of the haill warld afoir zour zou Bot perchance Schir Iohne knox hes fum demonstratione or necessar argument be the quhilk he is mouit to say the kirk to be inuisible thairfore I thocht expedient to adduce his resson and motiue in that part we beleue says he the kirk to be catholick thairfoir it is inuisibill Thus is ane argument treulie maist subtile and strenthie be the quhilk Schir Iohne knox prouis necessarlie gif he prouis ony thing that his kirk is as z●t inuisible Becaus gif he wer domandit quhether gif he beleuis the Catholick kirk or nocht Gif he ansueris he beleuis nocht than he wantis the maist chief article of his beleif Gif he ansuer that he beleuis it than according to his argument it followis necessarlie that it is as zit inuisible Thairfoir he is constranit to grant that of the forsaid article of the faith it can be naways prouen the kirk at ony tyme to be inuisible For quhen the apostoles authoriset and setfurth thais articles thay did acknawlege the kirk Bot gif Schir Iohne knox had bene in thais days be this argument he wald haue necessarlie collected the contrar euin aganis the apostolis thame selues Bot to proceid I will declair the ground quhairupon zour ignorance is foundet We beleif the Catholick kirk and neuertheles we see the pastouris of it we se the externall administratioun of the sacramentis we see the outwart signes and ceremoneis of religioun zit to acknawlege thame quha vsis sie exercise of religione to be the trew kirk of God and gouernit be his halie spreit it is necessare we haue fayth suay at all tyme we beleue the halie and Catholick kirk nocht obstant all exteriour appareill quhilk is obiected to oure senses As for exemple the heretikes seis euidentlie the pastour● quhairof the Catholick kirk consistes bot in respect altogether thay inlaik the verteu of faith beleuis it nocht to be the trew kirk thairfoir necessarlie fayth is requeseit to beleue the kirk euin quhen it is maist visible Nor zit as ze do maist freuolie and falslie affirme Thomas beleued that quhilk he saw bot that quhilk he saw nocht he saw Christ as concerning his humane nature bot be faith he beleued him to be God Quhairfoir it is manisest that zour argument adduced to preif the inuisibilie of the kirk is vane and of nastrenth Quhair ze conclude the kirk of God to tak the wingis of ane Egle ▪ and flee in the desert ze cleirlie declair zour self ane fals propheit in respect that Christ hes commandit ws expreslie to se●k him in his kirk and hes na les expreslie forbiddin to seik him in the desert Thairfoir his kirk can nocht be in the desert Bot grant and to zou that it had bene in the desert ze suld haue schawin at mair lenth quhow lang thair it hade remanit and maist cheiflie of all ●old haue declarit be quhome as principall instrumēt●● it had bene brocht furth of the desert For as to ws we haue sene nane of thame quhome ze say to haue bene in the desert bot ane forloppen companie of monkis and freris nocht out of the desert bot of the closter to embrace the libertie of zour euangell suay I feir grethumlee that in quhatsumeuer desert zour kirk wes afoir zou it do as zit thair in remane Thus I am constranit to say becaus thair is na thing in the quhilk ze vant mair nor that Christ hes reseruet to him selfe mony thousandis quha hes nocht bowit thair knie to Baal As to zou all considdering ze haue embraced samtyme our religioun gif it be fals ze haue all bowit zour knies to Baal thairfoir of necessitie ze mon all pas to the desert to serce and inquyre thame quh●me Christ hes reserued to him self and quha hes nocht bowit as zit thair knies to Baal Forther gif zour kirk afoir Iohne Caluin wes in the desert and

Bot to the effect zour iuglarie he ●nderstand I will oppin and manifest that quhilk deceaues zou and the rest of zour ministres coucerning the authoritie of the ancient fatheris of the kirk we acknawlege the fatheris to haue bene men as ze do and that thay micht haue fall●n in sindrie kynd of errouris lyk as at sumtyme thay haue fallin albeid becaus thay did at all tymes continew thame selues within the Catholick kirk thair errouris culd on na wais ingendre ony preiudice to thair saluatioun Bot quhair we do vse thair authorities for confirmatioun of our faith we adduce thame onlie as witnes to ws of that religion quhilk the catholik kirk during thair tyme did imbrace Suay of necessite ze ar constranit other to deny that to be the trew kirk quhilk thay did acknawlage or to embrace that doctrine quhilk in thair tyme the trew and catholick kirk imbraced As be exemple Ireneus testifies that in his tyme the sacrifice of the bodie and bloode of Christ wes offerit throucht the haill warld suay dois testifie Iustine martyr And to pretermit the rest S. Augustene in ane thousand places Gif ze permit nocht sic sacrificies to be offeret in zour kirk it is necessar to zou to confes that S. Augustene did nocht acknawlage the trew kirk nor the rest of the fathers in lykmaner cited of befoir Thairfoir we vse thair testimoneis as ane necessar argument to be certifiet of that faith and religioun quhilk euer hes bene taucht in the kirk of God sen it begouth quhilk we do according to S. Paulis counsall quha says that Christ hes geuin his doctours and pastouris to the effect we be nocht seduced and allured with euerie licht doctrine quhilk ze on the vther pairt will nawais acknawlage euerie ane excogitane to him self ane new forme of religioun contar to that quhilk hath bene establischet be the vniuersall consent of all nations and maist cleielie expressed in the word of God THE REST OF KNOX ansuer IT appeareth to ws be the hole progres of Maister Tyries letter that he and his factioun can acknowledge no kirk which in all ages hes not bene visible to the eyes of men hauing lykwais a visible successioū For first he affirmes that the kirk wherof the propheit Isaias speakes should be manifest and visible through all the world And heare last he allegeth that we can cum in no place where we sall not find that religioun spred at the least in mony persones And thairof he cōcludes that if we can not proue the like of our religioun it followis that it is not the trew Religioun If Maiste● Tytie recant not this assertioun he must correct his crede And where vniuerselly befor we vse to say cred● sanctam ecclesiā c He must say 〈◊〉 sanctā ecclesiam For if thare be no kirk vpon the face of the earth but that which is visible than vane it wer to vs to say ▪ I beleue the holie kirk vniuersall but considērlie we might affirme I see the holie kirk If Maister Tyrie will say we may bothe se and beliue and be our sight our faith may be strenghned For Thomas saw the wondes in the handis feat and syde of Christ Iesus and beleue● ād so may we se the kirk and yet beleue it If we sh●uld grant so far to Maister Tyrie yet wer his argument nothing helped For the questione is not whether that we may notifie those thinges that we ar bound to beleue But the questioun is if that we ar not bound to beleue those thinges which somtymes ar vterlie remoued from the externall senses of men Maister Tyrie will acknowledge no kirk except that which hes bene and is visible ▪ we in the contrare acknowlegde and reuera●●● the spous of Christ Iesus somtymes exyled from the 〈◊〉 receauing somtymes the winges of an egle that she may fle to the wyldernes wher of God and not of man she hath her place prepared we reuerence her which doeth complane that she hath bene desolat barrane a 〈◊〉 and a vāderar to and fro That spous of Iesus Christ 〈◊〉 so lytill of hir successioun visible to mannes ey●● that she is roft in admiratioun who should haue nurished her childrene during the tyme of her baniuemēt If Maister Tyrie be so well sene in the ancient writters as in his writting he wold shaw him self to be then can he not be ignorāt that it is not without great caus that the holie goist hath taught ws to say I beleue the holie kirk vniuersall To wit becaus that oftentymes it is that the kirk 〈◊〉 is so afflicted yea the beautie thereof is so obscured to the most part of the world that the synagoge of Sathā vsurpes the tytle of the tieu kirk and Babilone is preferred to Herusalē So that the elect ar compell●d to complane and say we se oure owen signs now is thair no propheit any moir amonges ws Let the days of Helias and his complent witnes whether that the kirk of God is alwayes so visible that it may be pointed furth whith the singer of man Thus we wreit schortlie to gif occasion to Maister Tyrie and to suche as ar blinded with that errour more deaply to considder that artickle of thair beleue and not so rashely to condempne suche as God of his mercy calis from darknes to light Now to the rest of his litter THE REFVTATION HEir I pray the readar to considder diligētlie this inu●sible kirk of Schir Iohne knox be the quhilk he is constrani● to grant that the Doctours and pastouris cited of bēsoir dois naway appertene to the kirk of God for it is maist certane that that kirk quhilk thay acknawleges wes visible ād manifest to the warld Morower the kirk to be inuisible it is maist erronious and repugnant to all scriptures for quhat can be more manifest and clier nor that quhilk of befoir wes cited of Isaias the portes of the kirk sall euer be patent baith nicht and day And that quhilk almaist all the prophets with ane v●ce dois testifie that the kingdome and inheritāce of Christ ▪ salbe mair triumphand and glorious nor euer wes ●ny empyre or kingdome afoir him and that it sall continew in the former magnificence to the end of the warld Bot Sr. Iohne knox of lait illuminat be sum new ent husiasme or reuelatioun will be the contrar that Sathan his maister posseid all visible kingdomes nations citeis and that Christ for his inheritance hes reserued onlie to him self ane inuisible kingdome Christ in lykwais the ondoubted fundatour of his awin kirk sp●ik and to his apostolis quhome he had constitute and ordanit pastoures thair of schaweth the same to be visible at all tyme saying ane citie situat vpon ane montan can nocht be onknawen or hid thairby willing his apostolis and pastours to schene euin as