Selected quad for the lemma: order_n

Word A	Word B	Word C	Word D	Occurrence	Frequency Band	MI	MI Band	Prominent
order_n	aaron_n	abide_v	successor_n	15	3	8.4264	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A01556	Ane breif gathering of the halie signes, sacrifices and sacramentis institutit of God sen the creation of the warlde. And of the trew originall of the sacrifice of the messe. Translatit out of Frenche into Scottis be ane faithful brother; Sommaire recueil des signes sacrez. English.	Stewart, William, d. 1569.; Bèze, Théodore de, 1519-1605, attributed name.	1565 (1565)	STC 11684; ESTC S117946	77,193	93

space of 700. ȝeirs or yairabout son ye incarnatioū of Iesus Christ yair hes not bene onie Emperouris Kingis Kingis or Princis at Rome yat euer walde haif embrasit ye Law of Iesus Christ The quhilk I haif thocht gude summarlie to deduce to ye end yat ye Reader finde not strange gif I haif deducit ye Sacrifice of ye Messe to haif tane ye beginning fra ye ancient Religioun institutit be Numa Pompilius mai● yan 700. ȝeiris before ye incarnatioun of Iesus Christ and yairafter alswa yis same sacrifice hes bene continewit be ye Idolatrous Romains growin auld and hardnit in yair Pompilian religiō quhilk thay walde neuer giue ouer Bot to ye end yat nathing be hid of ye Romain histories yat may darkin ye cleirnes of ye veritie during the tyrannie and vsurpatiouns of ye forsaidis natiouns in Italie yair was erectit ane litil exarchat or dominion at Rauēna The ȝeir of Christ 572. Plati Blond Volaterran quhilk was cōtinewit about 183. ȝeirs vntil that it was rest be a Bischop yat sould haif cled him self with it and appropriat it to Saint Peters chaire be a donatioun or demissioun practisit of Pepin Paul emil. li. bl●nd lib 10 in ye ȝeir 758. in recompense of ye tyrannie exercisit be Zacharie ye Greik Bischop of Rome yat spoilȝit ye trew airis of ye Kingdome of France to wit Chilperik or Childerik quhame he causit close in a Monkrie to make the Kingdome fall to ye said Pepin Sone of Charles Martell ye bastard This donatioū of Pepin in yis wise maid to the Bischop of rome was ye first beginning of ye gretest of Romaine Papis quha hes retenit vnto yis day yis preeminence or exarchat of Rauenna yair are passit 800. ȝeiris with ane greit nomber of townis langis ye Adriatik See left to yaim be Pepin Blond lib. ● d●ead 2. Paul Em●l lib. 2. aganis ye forbiddingis expressit of Constantinus yan Rigning Emperour of ye Orient in Grecia In ye meane tyme yat yis litil exarchat was continewit at Rauenna lang tyme before ye donatioun of Pepin ye Bischop of yat place The ȝeir of ●hrist 588. seing yat yair war na ma Emperouris at Rome bot was gouernit and tyrannously reulit be Barbarous pepil and vnfaithful Sabellic liftit his hornis in sick sorte yat he walde prefer him self to the Bischop of Rome and to qualifie him self to be head of ye Kirk he and his successouris Bischoppis of Rauenna swa lang as ye dominion continewit This was ye first litil Antichrist yat wald enterprise ye tyrannie in ye Kirk to follow the eardlie tyrannie of ye Exarchat or ye dominioun Thairafter yair raise anuther greiter Antichrist in Constantinopil callit Iohne Bischop of yat place The ȝeir of Christ 600. Blond lib. 8. Gregor lib. 4. Epist cap 29. quha seing ye Occidentall Empire of Rome brocht to nocht and yat of Constantinopil liftit on hich he walde alswa follow ye tyrannie of ye warld and yairof to make a spirituall in ye Kirk of Iesus Christ he causit declaire him self be ane counsel haldin at his plesure Ecumenik Bischop yat is to say Vniuersal and head of ye hail Kirk Bot sune after ye grete Bischoppis of Rome The ȝeir of Christ 604. Plati Sabellic The ȝeir of Christ 612. pat swa gude ordour yairvnto yat be treasone ye Emperour Maurice was crewellie slaine in Constantinopil he his wife his houshalde be ye wickit Phocas quha for recompense of yis detestabil murther committit be ye knawlege of the Romain Kirk euer contrare to Iesus Christ causit declaire Boniface ye thride of yat Name general head of ye Kirk of God enterprising abuif ye authoritie of the grete and Eternall Sacrificer cheif Preist onelie spous head of his Kirk Iesus Christ Quha could better discriue ane Antichrist yan him yat enterpris is a tyrannie in the Kirk of God a monifaulde Math. 28. Mariage in ye spousit Kirk of Iesus Christ and yat walde attribute vnto him self the power yat Iesus Christ hes reseruit vnto him self to be perpetuallie with his Kirk be ye vertew of ye halie gaist Math. 23. Luc. 11. Marc. 2. to gide and gouerne ye samin Sick ane as yis may he not of iust ressone be callit ane Antichrist yat preasis him self directlie to gainstād ye halie Euangil of Iesus Christ quha forbade ye Apostils quhan he sent yaim to furthschaw his halie worde to institut a Monarchie in the Kirk as ye Princis Kingis and tyrantis of ye earth did That nane amang yaim sould enterprise to call him self head or greter nor ye rest bot all sould be humbil as brethren being assurit to haif bot ane head and ane onelie heuinlie Father yat soulde abyde and assist perperuallie with yaim to inspire yaim and conduct yaim after his halie wil. Sick ane as he is is he not be iust ressoune ane Antichrist yat wil call him self successour of Iesus Christ to the grete Bischopprie cheif authoritie of the sacrificing exercisit be him ye quhilk dignitie he hes reseruit vnto him self abyding ane eternal Soueraine Preist for euer quha hes left na successour in his dignitie as did Aaron his successouris to ye dignities of ye hie Preistis of ye Iowis bot after ye ordour of Melchisedech King and cheif Preist without successour in his dignitie Quhairfor yan ô Antichristis of Rome haif ȝe takin on ȝow ye dignitie of cheifest Bischoppis as headis of ye Kirk of God enterprisit abuif ye authoritie of Iesus Christ causing name ȝow maist blissit and maist Reuerend Fathers and Papis hauing institutit a College of litil Bischoppis purpurit to chuse a grete Bischop bot to ye end to restoire ye ancient Romaine Religioun of Numa Pompilius first authour of ȝou● pontifical dignities About ye same tyme yat Phocas ye crewel murtherer erectit ane Antichrist in ye Kirk of Rome Mahomet was raisit in ye Kirk of Arabia instructit of ane Monk Sergius about ye ȝeir 620. For yis Apostatat Heritike seing all ye Law of God Reid ye Ecclesiasticall Historie corruptit be traditiouns of men and ye halie Gospel contemnit sectis alswa and diuerse heresies sawin alsweil be ye Iowis Phariseens Esseens Saduceens Masbutheens Galileens Hemerobaptistis and Samaritains as alswa be ye Christians Symoniakis Nicolaitis Cerinthiens Menandriens and Ebionitis Valentiniens Serdoniens Marcionistis Montanistis Cataphrygis Tatiens Encratitis Seueriens Artemonistis Porphyriens Helchesaitis Nouatiens Sabelliens Chiliastis Paulianistis Manicheens Antomousiastis Arians Eunomians Macedonians Eunomiotheophroniens Eunomiocutychiens Aetiens Donatistis Luciferians Patripassians or Theopachitis photiniens Marcelliens Paulosamosetans Apolinaristis Iouinianistis Pelagiens Platiriens Anthropomorphitis Nestoriens Sabbatiens Acephaliens Acariens Olympiens Quaternitairis Monothelitis and vthers Heritikis hauing corruptit ye trew vse of ye halie Sacramentis ordenit of God Seing alswa principallie ye sect of Mesmongers prosper in yair cerimonies drawin

ark of ye conuenant reft be ye Philistinis 1. Sam. 4. ● Sam. 5.6 quha placit it in the tempil of thair Idol Dagon bot God not willing to suffer yis halie signe to be prophanit causit ye idol Dagon fal send greuous punishmentis to ye Philistinis in sick sort yat thay war constrainit to re●tore ye ark of ye conuenant of God This halie signe was swa pretious that because it was abusit Arke of conuenant consecratit be ye Bethsamits that war not of ye ordour of ye Leuitis fiftie thousād of ye cōmon pepil sevintie of ye best like men war exterminat to death be vengance of God This example sould c●use thaim trembil yat interprise to abuse ye signes and sacramentis ordenit be God Againie the co●ruptions of halie Sig●es Osa alswa for abusing this self same halie signe albeit that he had done it of gude intent to releiue the ark of the conuenant quhilk lenit ouermekil to ye ane syde was he not punissit to de●th Of vther abusis committit be the Israelitis 2. Sam. 6. Osa the exemplis ar of Osias punissit of leper for hauing abusit the sacrificis and interprisit ye ministrie to offer incens ordenit to ye sacrificers onelie Osiat Saul the first king chosin of the Israelitis was put to death ▪ and his kingdome succedit to ane vther as it had bene forespokin to him be Samuel for hauing abusit ye sacrificis permittit his legis to commit siclike abusis His successouris in ye kingdome of Iowis and of the Israelitis haif yai not euermair contine wit yir abusis and corruptiouns in the sacrificis and sacramentis ordenit of God 2. Chro. 2● Saul 2. 1. Sam. 1● Ioseph lib. 7 cap. 4. de antiqu ●●d 1. king 8.2 quhen thay celebratit sacrificis to gods Astaroth of the Sidoniens to T●amos of the Moabitis Melcom or moloch of the Ammonitis in swa far that thay bildit thaim tempils and praying housis to offer vnto thaim incens Ieroboam and mak sacrisicis Ieroboam king of the Isralitis not onelie causit erect ane Calfe of gold 1. king ●● euin as the hie Preist Aaron had abusit it bot ordenit twa Kie of golde in twa Tempillis of Bethel of Dan institutit strangers Sacrificers corrupting the law of God causit celebrate to thaim sacrificis after ye order of Aaron This Idolatrie and corruptioun of Sacrificis hes bene continewit be ye Israelits mair than fourhundreth ȝeiris 1. king 14. during ye rignis of yair Kingis quha had instructit thaim to corrupt the trew vse of sacrificis in Chapels and priuat oratouris bildit in ye toppis of hillis cōsecratit in schaddowing forestis swa transgressing ye Law of sacrificis Macha 1. king 15. ordenit in ye halie T●mpil of God within ye halie citie For particular exampils Achab. 1. king 16. of ye abusis committit aganis ye trew vse of Sacrificis ye storie presentis ye self of Maacha the mother of King Asa quha causit erect ane Image to ye God PAN consecratit to him and dedicatit ane schadowing forest and celebratit Sacrificis ACHAB anuther King of ye Israelits erectit ane Alter and causit celebrate sacrificis to ye God MARS vtherwise call it Baall Ioseph lib. 8 cap. 10. to quham he dedicatit a cuthill to applease his wickit wife Iesabel he causit alswa bild anuthera Alter and Tempil to ye God of ye Tyriens ordenit Preistis sacrificers and institutit to the nomber of fourtie fals Prophetis Ochosias 2. king 1. Ioseph lib. ● cap. 1. His sone and successour Ochosias instructit of his Father in corrupting ye vse of ye sacrificis not onelie causit offer vp to Baal be ●●terpretatioun MARS bot continewing gretere abusis bildit anuther Tempil to ye God of the Ackaronitis callit be Iosephus MYOS be ye Greikis PRIAPVS to quhilk God he causit celebrate Sacrificis And to ye end to make schort quhat mair abhominabil corruptioun can be descriuit Fire of purgatorie than ye inuentioun of ye fire of Purgatorie ye quhilk ye Israelits abusit causing yair childrin passe throch ye fire of Tophet in ye valey of the sone of Ennon sacrificing to ye God Moloch 2. king 16. This corruptioun of sacrificis albeit yat it was in vse sen the tyme of Moises neuertheles the Idol of Moloch in the valey of Ennon was not castin downe vnto ye reigne of the gude King Iosias mair nor nyne hundreth ȝeiris after Moises 2. kin 16 21. This abuse hes bene notwithstāding continewit be ye Arabians and Affricans vnto this present In the Buke of Alcoran As●ar 2● 46 and Aso ar 5. that the Alcoranistis Mahometistis haif yis beleif that ye saulis of ye deceassit mā passe throch fire to be purgit purefiit fra yair offencis Be this compendious collect men may cleirlie knaw how sen ye beginning of ye warlde man is fallin be his awin fault Ignem gehēnae non nisi numero dierum preterminato animas sentire docet Alcorani liber et ad diem veritatis omnes accedere operum suorum mercedem acceptur●s Asoar 5. Cause of corruptiouns in ye sacramēts Apoca. 13. Deut. 10.30 Ierem. 4. into ye pit of errour and corruptioun of halie signes Sacrificis and Sacramentis institutit to him of God Bot ye principall abusis of quhilks is succedit ye original of all Idolatrie are procedit of yis yat men carnall and corporall dois rest yaim self mair in ye visibil signes and outwarde ceremonies than in the things signifiit be the Sacramentis for in place to circūcise thair hairtis and cast of ye auld skinne of sinne to be regeneratit purifiit be ye blude of ye heuinlie Sacrifice offerit before all warldis yai haif tane ye circumcisioun carnallie for ye litil skinne corporal yat is circumcisit Quhy haif yai not followit ye interpretatioun of God be Moises to circumcise ye vncircumcision of yair hairtis Quhy gaif not ye pepil of Israel faith to ye gude Prophet Ieremie yat admonissit yaim of ye spiritual circumcisioun and to circumcise ye vncircumcisioū of yair hairt in casting of ye skinne of yair corruptit nature The like is cume to passe of ye Sacrificis and halie signes institutit of God for figuris of ye sacrifice consummat be Iesus Christ for ye carnall man dois rest him self in ye corporal blude of eardlie beistis quhair as he sould lift vp his Spirit● to heuin for to comprehend yat quhilk was figurit and signifiit be ye oblatiouns of beistis offerit vp This is it quhairfore ye iustice of God is furthschawin be ye Prophetis quhat neid haif I say is ye Lord God of ȝour Sacrificis I am tyrit with ye offerings of scheip mair Isay 1. I take na plesure in ye blude of Oxin of Lambis and gatis