Selected quad for the lemma: mercy_n
Text snippets containing the quad
|
ID |
Title |
Author |
Corrected Date of Publication (TCP Date of Publication) |
STC |
Words |
Pages |
|
A00005
|
Here begynneth a shorte and abreue table on the Cronycles ...; Saint Albans chronicle.
|
Higden, Ranulf, d. 1364. Polycronicon. English. Selections.; Trevisa, John, d. 1402.
|
1515
(1515)
|
STC 10000; ESTC S106695
|
471,876
|
302
|
mekenesse And he shall mesurably al that he shall do vnto the brough of Ierusalem ¶ And he shall whette his teeth vpon the yates of Pards and vpon foure londes Spayne shall tremble for drede Gascoyne shall swete In FrauÌ„ce he shal put his wynge His grete tayle shall reste in Englonde softly Almayne shalle quake for drede of hym ¶ This boore shal yeue bantelles to two townes of Englonde and shall make the Ryuer renne wyth blood brayne And he shall make many medowes reede and he shall gette as moche as his auncetours dyd And er that he dyed he shall bere thre crownes and he shall put a londe in greate subiecyon And after it shall be releued but not in his tyme. ¶ This boore after he is deed for hys doughtynesse shall be entyred at Coleyne And his loÌ„de shall be fulfylled of all good AFter this boore shall come a lambe that shalle haue fâ—et of leed and an heed of brasse and herte of loppe a swynes skynne And an harde And in hys tyme hys londe shal be in peas the fyrste yere of his regne he shall do make a cytee that all the worlde shall speke there of ¶ This lambe shall lese in his tyme a grete parte of his londe thrugh an hydeous wulfe but he shall recouer it and yeue a lordshyp to an Egle of his londe and this egle shal welle gouerne it tyll the tyme that pryde shall hym ouercome Alas the sorwe For he shalle deye of hys brothers swerde And after shall the londe falle to the forsayd lambe that shall gouerne the londe in peas all hys lyues tyme. And after he shall deye and the londe be fulfylled of all maner of good AFter this lambe shal come a mold warpe cursyd of goddes mouth a caytyf a cowarde an haare He shall haue an elderly skynne as a gote vengeaunce shall falle vpon hym for synÌ„e ¶ In the fyrst yere of his regne he shall haue of all good gret plente in hys londe and to warde hym also And in hys londe he shall haue grete praysyge tyll the tyme that he shal surffre his people lyue in to moche pryde without chastysynge wherfor god wyl be wrothe· ¶ Thenne shall aryse vp a dragon of the North that shall be full fyerse and shal meue warre ayenst the forsayd mold warpe shal yeue hym batayle vpon a stone This dragon shall gadre ayen in to his company a wulfe that shall rome out of the west to meue warre ayenst the forsayd mold warpe in hys syde so shall the dragon and bynde theyr tayles to gyders ¶ ThenÌ„e shall come a lyon out of Irlonde that shall falle in company wyth them And thenne shall tremble the londe that shall becalled Englonde as an aspen leyf And in that tyme shal castelles be felled downe vpon Tamyse And ye shall seme that Seuerne shal be drye for the bodyes that shall falle deed there in The foure chyef floodes in Englonde shall renne in blood And grete drede shall he anguysshe that shall aryse ¶ After the mold warpe shall flee and the dragon The lyon and the wulf shall them dryue a waye and the lon shall be wythout them And the mold warpe shall haue no maner of power sauf only a shyppe wherto he maye wynder ¶ And after that he shall goo to londe where the see is wythdrawe And after that he shall yeue the thyrde parte of hys londe for to haue the fourth parte in peas and in reste And after he shall lyue in sorowe all his lyftyme· ¶ And in his tyme the hâ—â—r bathes shal become colde And after that shall the mold warpe deye auenturously and sodenly Alas for sorowe for he shall be drowned in a flood of the see His seed shall be come faderles in straunge loude for euer more And then shall the londe be departed in to thre partes that is to saye to the wulf to the dragan and to the lyon And soo shall it be for euermore· And thenne shalle thys londe be called the â—de of Conquest And so shall the ryghe heyres of Englonde ende ¶ How Arthur ouercame Guillomer that was kynge of Irlonde And how the Scottes became his men THenÌ„e whan Guillomer that was kynge of Irlonde herde tydyges the kynge Arthur was entred at Glastenbury he ordeyned agrete pewer of Irysshmen and came to the see wyth his Irysshe people soo came in to Scotlonde ouer the see arryued fast there by that kynge Arthur was with his hoste a none as he wyst therof he went to warde hym and yaue hym bataylle ouercame hym anone ryght And Guillomer fledde wyth hys meÌ„ agayne in to Irlond And whan thys was done and dyscomfyted hym Arthur torned hym ayen there that he was in to the place there that he had lefte the Scottes and wolde haue them all slayne But the bysshopes abbottes and other folke of the countree and ladyes open heeded came before kynge Arthur and cryed hym mercy and sayde Syre gentyll kynge myghty haue mercy and pyte vpon vs. And as yourself be of the ryght lawe to holde and mayntene Crystendome For full grete dyshoudur yt shold be to slee hym that byleueth in almyghty god as ye do And for goddes loue haue mercy and pyte on vs suffre vs. For we haue hadde moche sorowe and payne For the Saxons haue many tymes passed thrugh our londe But that is not ynough to you for often tymes they haue done vs sorowe dysease For our castelles they haue taken and our beestes slayne eten and moche harme they haue vs done And yf ye wolde vs now slee it were none honour to a kynge to slee them that crye hym mercy For ynough ye haue done to vs haue vs ouercome And for the loue of god that ye wyll suffre vs for to lyue haue mercy on crysten people that byleue in Cryst as ye do ¶ whaÌ„ kynge Arthur herde this sorowe he had pyte of them yaue them lyf lymme without ony more harme And they fell downe to his feet thanked hym and became his lyege men and he toke of them homage ¶ And after the kynge Arthur torned ayen wyth hys hoste the came vnto yorke and made there hys bydynge durynge that vyage And tho gaue he al Logrys to Aloth that had spowsed his syster and other gyftes grete plente· And tho was Gawen his cosyn but of youge â—ege And to all hys other men that hym had serued in hys warre he gaue ryche gyftes and thanked them moche of all theyr good seruyce ¶ How kynge Arthur spowsed GuÌ„nor that was GuÌ„nors cosyn Erle of Corne wayle and after he conquered of Guillomer all Irlonde ANd whan Arthur hadde broughth ys lond in peas and rest and in good state and all was well in euery countre Tho toke and wedded a wyf that was called GuÌ„nor and made her quene a fayre lady and a gentyll that Cador the Erle of Corne wayle hadde nourysshed iÌ„ his
to slee kyng Arthur yf he myght sent by the see by londe lete asseÌ„ble paynems crysten peple And he sent to Saxons to Danys for to helpe hym also Mordred sent to Cheldrik to sende men to hy mour of Saxon that was a worthy duke promysed hym yf that he brought wyth hym moche people he wylde graunte hym Inherytaunce for euer all the londe fro Humbre to Scotlonde and all the londe that Engist hadde of Vortigers yeâ—re whan that he spowsed hys doughter ¶ And cheldrik came with a grete strengthe and power of people and. Mordred hadde assembled also on his half that they hadde .xl. thousande of stronge knyghtes whan that they hadde nede ¶ How Arthur enchanced Mordred the traytour and how he was slayne and also kynge Arthur wounded to the deth AS thys tydynges came to kynge Arthur there that he was in Bourgoyne he was full sore anoyed and toke all Fraunce to Howell for to kepe with the half deale of his men And prayed hym that he wold it kepe tyll he came ayen For hymselfe wolde passe in to Brytayne and auenge hym vpon Mordred that was his traytour And forth with Arthur wente his waye came to wytsande and made his men to go in to shyppe and wolde haue arryued at Sandwyche brought with hym a grace host of FreÌ„shemen also with his owne londe men But or that he myght come to londe wyth his people that were come out of hys shyppes Mordred was come wyth all his power and yaue a stronge batayll soo that kynge Arthur lost many a man are that he myght come to londe For there was Gawayne hys neuewe slayne Anguysshell that helde Scotlonde and many other wherof kynge Arthur was ful sory But after they were come to londe Mordred myghte not ayenst them endure But anone was dyscomfyted flydde thens the same nyght with his men vpon the morne came to· London But tho of the cyte wolde not suffre hym to come in And from thens he fledde to wynchestre and there he hym helde with his people that came with him ¶ Kynge Arthur lete take the body of Gawyne his cofyn the body of Anguysshell and lete the one be borne in to Scotlonde and the other to Douer buryed Anone after kynge Arthur toke his waye for to destroye mordred he fledde thens in to Cornewayle ¶ And the quen Gunâ—or that was kyng Arthurs wyf that thosoiourned 〈◊〉 yorke herde the Mordred was fledde thens that he might not endure ayenst kyng Arthur she was fore aferde had grete doubte wyst not what was beste of all for to done For she vnderstode well that her lorde kynge Arthur wolde neuer of her for to haue marcy for the grete shame that she had done vnto hym And toke her a waye pryuely with four men without moo and came to Karlyon there she dwelled all there lyue and neuer after was seen amonges the folke her lyf duryng ¶ Kynge Arthur wyst that Mordred was fledde in to Cornewayle lete sende after his men in to Scotlonde and Northomberlonde vnto Humbre and lete assemble folke without nombre and came fro thens in to Cornewayle to seke and pursewe after Mordred ¶ And Mordred had assembled to hym all the folke of Cornewayle and had people without nombre 〈◊〉 wyst that Arthur was comynge and had leuer to deye and take his chauÌ„ce than longer flee abode and yaue an harde batayll to kynge Arthur to his people so that moche people was slayne what of one syde what of that other that noman wyst who had the better party But so it befell at the last that Mordred was slayne al his folke the good chyualry that kynge Arthur had gadred nourysshed of dyuer londes and also the noble knyghtes of the rounde table that so moche were praysed thorugh oute all the worlde were there slayne kynge Arthur hymself was wounded vnto dethe But he lete hym to be borne to Auioun to be heeled of his woundes And yet the. Brytons supposed that he lyued in an other lond and that he shall come yet and conquere alle Brytayne ¶ But certes this is the prophecye of Merlyn He sayde that his deth shall be doubtous and sayde sothe For therof yet men haue doubte and shall haue for euer more as men saye For meÌ„ wote not wyther that he is on lyue or deed ¶ Arthur was borne at Auioun the .xxii. yere of his regne after the. Incarnacyon of our lorde Ihesu Cryste .v. C.xlvi yere How kynge Arthur delyuered the reame vnto Constantyne the sone of Cador his neuewe AS kynge Arthur wyste that he myght noo lenger regne he lette come before hym Constantyne that was Cadors sone Erle of Cornewayle his cosyn to hym betoke all his reame toke him sayd bad hym therof to be kynge tyll that he came ayen for as moche as he had none heeyre of hys body begoten And grete damage was it that soo noble a kynge and soo doughty as he was hadde noo chylde of his body begoten But all thynge that god woll haue done must be done whose name be blessyd wythout ende ¶ How kynge Constantyne was vexed of Mordred two sones THis Constantyne was a noble knyght and a worthy of body And tho two sones that Mordred had begoten had grete enuy of ConstaÌ„tyne that tho was crowned kynge And so it befell that they meued warre ayenst hym And assembled a grete host of them that were before with Mordred had ben dryuen a waye that dyd moche sarowe anguysshe thrughout all that londe That one brother ordeyned purposed hym towarde the auncyent Cyte of London for to take the cyte And that other went to wynchestre But Constantyne came to LoÌ„don slewe hym that was there And after he went to wyÌ„chestre slewe hym that was there also So that bothe his enmyes were deed ¶ And whan Constantyne had regned well worthely four yere he deyed lyeth at LoÌ„don ¶ Of the kynges Adelbryght of Edell AFter kynge Constantynes dethe there were two kynges in Brytayne the one was called Adelbryght that was a danoys And he helde the couÌ„tree of Norfolke Southfolke That other hyght Edell was a. Bryton \ and helde Nicholl Lendeser and all the londe vnto Humbre These two kynges faste warred togyder but after accorded they were and loued togyder as they had ben borne of oo body ¶ The kynge Edell had a suster that was called Orewenne And he gaf her thrught grete freodshyp to kyng Adelbryght to wyf And he begate vpon her a doughter that was called Argentyll And in the thyrde yere after came vpon hym a strange sykenesse that nedes he must deye And he sente to kynge Edell hys broder in lawe that he sholde come and speke wyth hym and he came to hym wyth a good wyll ¶ Tho prayed he the kynge and coniured hym also in the name