our lyege lord the kynge to vs vpon al that ye shall mowe for fayre ayen vs. that yf the sayd spenser our enmye come within your power that ye do hym hastely to be take saufly kepe vntyll ye haue ordeyned of hym our wyll the ye leue it not in no maner wyse as ye desyre honour profyte of vs all of all the reame Vnderstondynge ye ryght well that yf ye do this our prayer and streyghte coÌ„maundemeÌ„t we thynke vs so moche the more beholdynge vnto you And also ye shall gete you worshyp also profyte yf ye sende as hastely answere of all your wyll ayen at Baldok the syxte daye of Octobre whiche letter in the dawnynge of the day of saynt Denys was tackyd vppon the newe crosse in Chepe and many topyes of the same letter were tackyd vpon wyndowes and dores vpon other places in the cyte of london that all men passynge by the way myght them rede and se And in the same tyme kyng Edwarde was at London in the toure at his mete And a messager came in to the halle sayde that the quene Isabell was come to londe at Herewhiche and hath brought in her company syr Iohan of Henande with hym meÌ„ of armes without nombre And with that worde syr Hugh Spenser the fader spake thus vnto the kynge sayd My moost worshypfull lorde kynge of Englond now make good chere for certenly they ben all oures The kynge sawe this worde comfortable yet he was fulle sorowfull pensyf in hys herte And the kynge had not fully eten but there came in to the halle a nother messager sayde that the quene Isabell was arryued at Her whiche besyde ypswytche in Soutfolke Syr Hugh Spenser the fader spake to the messager sayd Tell sothe in gode fayth my fayre frendes is she come with a grete strenth Now câ—â—tes the sothe for to saye syr sayd the messager She ne hath in her companye but vâ— houÌ„derd men of armys And with that worde syr Hughe Spenser the fader cryed with an hygh voice sayd Alas alas we ben alle betrayes Fortes with so lytell power she had neuer come to londe but yf folke of thys loÌ„de were vnto her concente And therfore after there mete they toke counsell and went to warde walys for to arere the walsshmen ayenst the quene Isabell and Edwarde her sone all for to ryght and so they were in purpose euery chone ¶ How mayster water Stapylton bysshop of Excetre that was the kynges tresorer was heedyd at London ANd in the same tyme kynge Edwarde was sore adradde leest that men of london wolde yelde theym vnto the quene Isabell And to her sone Edwarde wherfore he sette mayster walter Stapylton his tresorer for to be wardeyne and keper of the cyte of LondoÌ„ with the Mayre And soo came to the Gyldehaâ—â—e of London and axed the keyes of the yates of the Cyte thrughe vertu strength of hys commyssyon wolde haue had the kepynge of the cite And the comuners answered sayd that they wolde kepe the cyte to the honour of kynge Edwarde of Isabell the quene of the duke the kynges sone without ony more the bysshop tho was sore onoyed swore othes they all sholde abye it anone as the kynge Edward were come out of walyes ¶ And the comuners all anone of the cyte toke the bysshop lad hym anone amyddes of the Chepe ther they smote of his heed set his heed in his ryght honde And forth with the same comyns of the cyte of London by heedyd two of his squyres that helde with the bysshop and one of them was callyd wylliam of wayle that was the bysshops neuew And that other was callyd IohnÌ„ of PadyntoÌ„ And also they toke a burgeys of LoÌ„don that was callyd IohnÌ„ Mershall that was syr Hugh speÌ„ser espye the fader smote of his heed also in that same tyme the bysshop had in London a fayr toure in makynge in his close vpon the ryuer Temse that was withouâ— temple barre he fayled stone to make therof an ende he commauÌ„ded his men to go the frere Carmes and there they toke stone to make ther with the toure moche sonde morter olde robous that was left And for the dyspyte the bysshop had done vnto holy chyrche he hys two squyres were buryed in that sonde As thoughe they had ben houndes and there they laye .xi. wekes tyll that the quene Isabell sent her letters to the comuners prayed them that they wolde suffre and graunte that the bysshop myght be take out of that place be buryed at Excetre at his owne chyrche And soo he was hys two squyres were buryed at saynt Clementes chyrche without temple barre And it â— was no wonder thoughe that bysshop deyed an euyll deth For he was a coueytous man had wyth hym no mercy euyll counseylled the kynge And soone after was Arnold of Spayne take that asseÌ„tye to lede the .v. M.li. of syluer in fyue barelles feryers vnto the douzepers of FrauÌ„ce for to helpe haste the quene Isabell to her deth And Edwarde her sone also and this Arnold was put to deth without the cyte· ¶ How kynge Edwarde syr Hugh Spenser and the erle of Arundell were taken AS kynge Edwarde had sente mayster walter Stapylton hys tresorer in to London for to kepe the cyte vnto hym ayenst the quene Isabell hys wyf ayenst Edwarde his sone anone hymself toke with hym syr Hughe Spenser the sone syr IohnÌ„ of Arundell and mayster Robert Baldok hys Chaunceler a fals pylled clerke toke theyr waye to warde Brystowe And there the kynge abode a lytyll tyme and made syr Hugh Spenser the fader as Conestable and keper of the castel Ane the kynge that other Spenser went to shyppe and saylled to warde walys toke noo leue of the kynges Stewarde ne of none of the kyngys housholde went ouer in to walys for to arere the walsshmen ayenst dame Isabell the quene the duke her sone And the erle of Kente and syr IohnÌ„ Henaude And he wente and pursued after them And theyr power encreacyd euery daye So at the laste the kynge was taken vpon an hyll in walys and Syr Hugh Spenser the sone in that othersyde of the same hylle the false pylled clerke mayster Robert Baldok there faste besyde theym And were broughte ayen in to Englonde as almyghty god wolde And the kyng hymself was put in sauf kepynge in the castel of Kenylworth and hym kept syr Henry that was saynt Thomas brother of Lancastre and syr Hugh the fader came put hym in the quenes grace Edwarde her sone duke of Guyon but syr Hugh Spenser after the tyme that he was take wolde neuer eete no more meete ne drynke no maner drynke for he wyste to haue no mercy sauf only to be deed ¶ And the quene
batayll was Roger Clyfforde take syr IohnÌ„ Mombray syr wyllyam Tuchyâ— Syr wyllyam fitz wyllyam and many other worthy knyghtes there take at that batayll Syr Hugh Dandell nette daye after was taken and put in to pryson and sholde haue be doon to dethe yf he hadde not spousyd the kynges nece that was Erle Gylbertes syster of Gloucestre â— and anon after was syr Berthylmewe of Badelesmore taken at Stow parke a maneyr of the bysshop of Lyncoln that was his neuewe many other barons and baronetters wherfore was made moche sorowe ¶ How Thomas of Lancastre was heedyd at Pountfret and .v. barons hangyd and drawen there ANd now I shall tell you of the noble erle Thomas of Lancastre wha he was take brought to yorke many of the cyte were full glade and vpon hym cryed with an hyght voys O syr traytour ye be welcome blessyd be god for now ye shall haue the rewarde that longe ye haue deserued And caste vppon hym many snowe balles many other repreues they dyd hym But the gentyll erle all suffred sayd nother o worde nor other ¶ And at the same tyme the kyng herde of thys scoÌ„fyture was ful glad Ioyous in grete hast came to PouÌ„tfret And syr Hugh Spenser and syr Hugh his sone syr IohnÌ„ erle of Arundell and syr Edmonde of wodestoke the kynges brother erle of Kent syr Aymer of valaunce erle of Penbroke and mayster Robert Baldoke a fals pyllyd clerke that was pryue and dwelled in the kynges court all came theder wyth the kynge And the kyng entryd in to the castel and Syr Andrewe of Herkela a fals tyraunte thrugh the kynges coÌ„maundement toke wyth hym the gentyll Erle Thomas to Pountfret and there he was prysoned in his owne castell that he had newe made that stode ayenste the abbaye of kynge Edwarde ¶ And syr Hugh Spenser the fader the sone cast and thought how in what maner the good erle Thomas of Lancastre sholde be deed wythoute Iugement of hys perys wherfore it was ordeyned thrugh the kynges Iusticus that the kyng sholde put vpon hym poyntes of treason And so it befell that he was ledde to barre before the kynges Iustices bare heed as a theyf in a fayre halle in his owne castell that he had made ther in many a fayre feste both to ryche to poore ¶ And these where is Iustices syr Hugh SpeÌ„ser the fader Aymer of Balaunce erle of PeÌ„broke syr Edmonde of wodstok erle of Kent syr Iohan of Brytayne erle of Rychemonde syr Robert Malemethrop Iustyce and syre Roberte hym a couplyd in this manere ¶ Thomas court excludeth you of all maner answer Thomas our lorde the kynge puttyth vppon you â–ª that ye haue in hys londe ryden wyth baner dysplayed ayenst his peas as a traytour ¶ And with the worde the gentyll erle Thomas with an hygh voyce sayd Nay lordes forsoth and by saynt Thomas I was neuer traytoure ¶ The Iustyce sayd ayen tho Thomas oure lorde the kyng putteth vpon you that ye haue robbyd his folke and murdred his people as a theyf Thomas also the kynge puttythe vpon you that he dyscoÌ„fyted you our people wyth his folke in his owne reame wherfore ye weÌ„te fledde to the woode as an outlaw â–ª and thomas as a traytoure ye shall be hangyd by reasoÌ„ but the kynge hathe foryeuen you that Iugement for loue of quene Isabell And Thomas reson wolde that ye sholde be hangyd but the kynge hath foryue you that IugemeÌ„t for by cause loue of your lygnage But for asmoche Thomas as ye were taken fleenge and as an outlawe the kynge woll that your heed shalle be smyten of Anone haue hym oute of prees and brynge hym to his Iugement ¶ Whan the geÌ„tyll knyght Thomas had herde all these wordes wyth an hygh voyce he cryed sore wepynge and sayd alas saynt Thomas fayr fader Alas shall I be deed thus Graunt me now blessydful â–ª god answere But all auayled hym no thynge For the cursyd Gascoyns put hym hyther thyder on hym cryed wyth an hyghe voys O kynge Arthur moost terryble dredefull well knowen shewed now is thyn open traytour And an euyll deth shalt thou ryght anone deye Haste thou not ryght well deserued it ¶ And thenne thyse cruell folke sette vpon the gode knyhht Thomas for very scorne an olde chaplet that was alle to rente that was not worth an halfe peny And after that they sette hym vpon a whyte palfroy full vnsemely also all bare wyth an olde brydell And wyth an horryble noyse they draue hym out of the castell to warde hys deth and they cast vpon hym many balles of snowe in dyspyte And as the traytours lad hym out of the castell tho sayde he these pyteous wordes And his hondes helde vp on hygh to warde heuen Now the kyng of heuen yeue us mercy for the erthly kyng hathe vs forsaken and a frere precher wente with hym out of the castell tyll he came to the place that he endeth his lyfe vnto whome he shroue hym all hys lyfe And the gentyll erle helde the frere wonder fast by the clothes sayd to hym Fayr fader abyde with vs tyll that I be deed for my flesshe quakyth for drede of dethe ¶ And the sothe for to say The gentyll erle sette hym vpon hys knees and torned hym to warde the eest but a rybaude that was called Hygone of mosâ—â—on sette honde vpon the gentyll Erle and sayd in dyspyte of hym Syr traytour torne the towarde the Scottes thy fowle deth to receyue torned to warde the Nosth The noble erle Thomas answered tho wyth a mylde voys and sayd now fayr lordes I shall do your wyll And with that worde the frere went from hym sore wepynge And anone a rybaude wente to hym smote of hys heed the .xi. Kalendas of Auerell In the yere of grace M.CCC .xxi. ¶ Alas that euer suche a gentyll blood sholde be don to deth withouten cause reason And traytoursly the kynge was counseylled whan he thrugh the fals counseyll of the Spenser suffred syr Thomas his vncles sone to be put to suche a deth so he beheeded ayenst all maner of reasoÌ„ And grete pyte it was also that suche a noble kynge sholde be dysceyued and mysgouerned thrugh counsell of the fals Spensers the whyche tho he mayntened thrughe loselry ayenst his honour also his proffyte For after warde there fell grete vengaunce in Englonde for by cause of the forsayd· Thomas dethe whan the gentyll erle of his lyf was passyd the pryour the monkys of Pounfret gate the body of syr Thomas of the kynge buryed it before the hyghe awter on the ryght syde ¶ That same daye that thys gentyll knyght was dede were hangyd and drawen for the same quarel at PouÌ„tfret syr Wyllyam Tuchet Syr Wyllyam Fitz Wyllyam syr werreyn of Isell Syr Henry Bradborn syr
myghtely howe Ierusalem myght be wonne ayen but anone he decessyd ¶ Clemens the thyrde was pope after hym thre yere and lytyell he dyde ¶ Of kynge Rycharde that conquered ayen al the holy londe that the crysten men had loste ANd after this kyng Henry regned Rycharde his sone a stowte man a stronge a worthy also bolde And he was crowned at westmestre of the Archebysshop Baldewyn the thyrde daye of Septembre ¶ And in the seconde yere of his regne kyng Rycharde hymself and Baldewyn the Archebysshop of Caunterbury and Hubert bysshop of Salysbury and Radulf erle of Glocetre and other many lordes of Englonde went in to the holy londe And in that vyage deyed the Archebysshop of Caunterbury And kynge Rycharde wente before in to the hooly londe rested not tyll that he came forthe in his waye vnto Cypres and tooke it with grete force And after that kynge Rycharde went forth to warde the hooly londe gate there as moche as the crysten men had there before lost And conquered the londe ayen thoruhh grete myght saufe only the holy crosse And whan kynge Rycharde came to the cyte of Acres for to gete the cytee ther arose a gret debate bytwene hym the kynge of Fraunce so that the kyng of FrauÌ„ce went ayen in to Fraunce was wroth towarde kyng Rychard but yet for all that are kyng Rycharde wente ayen he toke the cyte of Acres whan he had take it he dwelled in the cyte a whyle But to hym came tydynges that the erle IohnÌ„ of Oxenforde hys brother wolde haue seased all Englonde in to his honde and Normandy also and wolde lette crowne hym kynge of all the londe ¶ And whan kynge Rycharde herde telle of these tydynge he wente ayen towarde Englond with all the spede that he myghte But the duke of Ostryche mette with hym and toke hym and brought hym vnto the Emperour of Almayne And the Emperour hym brought vnto pryson And afterward he was delyuered for an Huge raunson that is for to saye an hundred thousande pounde And for the whiche raunson to be paied eche other chalyce of Englonde was molten and made in to moneye And all the monkes of the ordre of Cysteaux yaue alle theyr bookes thrugh oute all Englonde for to doo them to selle and the raunson for to paye ¶ How kynge Rycharde came agayne from the holy londe auenged hym of his enmyes SO as this kyng Rycharde was in pryson the kynge of Fraunce warred vpon hym strongly in NormaÌ„dye and IohnÌ„ his broder warred vpon hym in Englonde But the bysshops and the baroÌ„s of Englonde with stode hym with all theyr power that they myghte gete tooke the castell of wyndesore and other castelles And the forsayde IohnÌ„ sawe that he had no myght ne power ayenst the barons of EngloÌ„de for to fyght But anone went hym ouer the see vnto the kynge of FrauÌ„ce ¶ And whan Rycharde came out of pryson was delyuered and came in to Englonde anone after Candelmasse in grete haste he went vnto Notyngham the castell of Notyngham to hym was yolden and tho dyscomfyted he hys brother Iohan and tho that with hym helde And after he wente vnto the cyte of wynchestre there he lete hym crowne kynge of Englonde And after he wente vnto Normandy for to warre vpon the kyng of FrauÌ„ce And the kynge of Fraunce came with .vi. hondred knyghtis to warde Gisors And kynge Rycharde mette hym and tho wolde haue yeuen hym bataylle But the kynge of Fraunce fledde tho and hondred knyghtes of his were taken and two hondred stedes that were trapped wyth yren ¶ And anone after wente kyng Rycharde for to besyege the castell Gaillarde â— And as he rode vpon a daye by the castell for to take a uysemente of the castell an arbarlaster somte hym with a quarell that was enuynymmed And the kyng drewe out the shafte of the quarell but the quarels heed abode styll in hys heed And it began for to rancle that he ne myghte not helpe hymselfe ne meue his armes And tho he wyst that he had dethes wonde vpon hym that he myght not be hoole for noo manere of thynge ¶ He coÌ„mauÌ„ded anoÌ„e sharpely all his men for to assoyle the castell Soo that the castell was taken or he deyed And soo manly his men dyde that al the people that were in the castell were taken the kynge dyde wyth them what he wolde And commauÌ„ded his meÌ„ that they sholde brynge before â–ª hym the man that hym so hurt so wounded And whan he came before the kyng the kyng axed hym what was his name And he sayd my name is Bertham Gurdon wherfore sayd the kynge haste thou me slayne syth I dyd the neuer none harme Syr sayd he Though ye dyde me neuer none harme ye your self with your owne honde slewe my fader my broder And therfor I haue quyte now your trauaylle Tho sayd kyng Rycharde He that dyed vpon the crosse to bryng maÌ„nes soule fro payne of helle foryeue that my deth and I also foryeue it the. Tho coÌ„maunded he that no man sholde hym mysdo But for all the kyngê defendynge some of the kyngê men hym folowed and pryuely hym slewe And the .vi. daye after the kyng dyde shryue hym sore repentaunce hauynge of hys mysdedes was houseled and enoynted ¶ Rud this kyng regned but .ix. yere and .xxx. wekes and deyed lyeth besyde his fader at Fontenerad HEnyicus the fyfth was Emperour .viii. yere This Henricus was sone to frederyk he wedded Constaunce the kyngê doughter of Cecyle though the occasyon of her he subdued alle the kyngdome of Apulye he droue all the people out the enhabyte that londe ¶ Celestinus the thyrde was pope after Clemens almost thre yere This man was crowned vpon Eester daye the daye folowynge he crowned Henry the emperour And he made a palays at saynt Peters decessyd ¶ Innocencius the thyrde was pope after hym .viii. yere .v. monethes this man was wel lettred he made a boke of the wretchydneste of maÌ„nes coÌ„dicoÌ„n he made speculuÌ„ misse he mad many coÌ„stytucyons This man daÌ„pned the boke of IohnÌ„ Ioachim that whiche he made ayeÌ„st mayster Peyrs Lombarde the maker of the Sentence This tyme decessyd the Emperour Henry And the prynces of almayne discorded for some chose Otto some chose Phylyppe brocher to Henry Thenne Phylyppe was falsely slayne Gtto was crowned of Innocencius in FrauÌ„ce that whiche anone afught with the Romayns for they yaue hym no dewe honour And for that cause ayenst the popes wyll he toke the kyngdom of Apulye frome Frederyk wherfore the pope cursyd hym Thenne after the fourth yere of his regne the prynces of Almayne made Frederyk Emperour and victoryously he subdued Otto ¶ wyllyam of Parys this tyme began the ordre of the freres Austyn the whiche ben called fratres mendicantes Franciscus an ytalyon
Iustices ¶ And after Alberte the thyrd Frederyk was chosen Emperoure â–ª This frederyk duke of Osteryk was loÌ„ge Emperour dyfferred to be crowned at Rome by cause of the scysme but after that vnyte was had he was crowned wyth the Imperyall dyademe wyth grete glorye and tryumphe of pope Nycholas the iiii This was a peasyble man quyete and of synguler pacience not hatyngethe chryche he wedded the kynges doughter of portyngale ¶ How the duchesse of Gloucestre was arested for trason coÌ„mytted to perpetuall pryson in the yle of Man of the dethe of mayster Roger Bolyngbrok IN this same yere Elynoure Cobham duchesse of Gloucestre was arested for certayne poyntes of treason layde ayen hir whervpon she was examynde in Saynt Stephens Chapell att westmÌ„ afore the Arche bysshop of Caunterbury And there she was enioyned to do open penaunce to go thrughe the Chepe beryng a taper in hir hande after to perpetuall pryson in the yle of Man vnder the kepyng of syr thomas stanley Also that same tyme was arested mayster Thomas southwell a chanoÌ„ of westmÌ„ mayster IohnÌ„ haue a chapelayne off the sayd lady mayster Robert bolyngbroke a clerke vsyng Nygromancye and one Margery iouroemayn called the which of Eye belyde westmÌ„ there were arested as for beynge of conÌ„seyl with the sayde duchesse of Gloucestre and for mayster Thomas suthwel deyed in the tour the nyght before he sholde haue be reyned on the morowe for he hymself sayd that he sholde deye in his bedde not by Iustyces ¶ And in the .xx. yere mayster IohnÌ„ hume mayster Roger bolyngbrok were brought to the gylde halle in LondoÌ„ there before the Mayre the lordes chyef of Englonde were reyned daÌ„pned bothe to be draweÌ„ hanged quartred but mayster IohnÌ„ hume had his charter by the kyng but mayster Roger was drawen to tyburn where he coÌ„fessed that he deyed gyltles of this mater neuer hadde trespaced in that he deyed fore Notwithstondyng he was haÌ„ged heded quartred whos soule god haue mercy AmeÌ„ ¶ And margere iurdemayn was brent in smythfylde also this yere was a greate fraye in london iÌ„ flete strete by nyghte tyme bytwene meÌ„ of courte and men of london And dyuerse meÌ„ slayne and some hurte And one Herbotel was the chyef canser of the mysgouernauÌ„ce affraye ¶ Also this yere at the chesynge of the mayre of londoÌ„ the comeÌ„s named Robert Clopton and Raulyn Holande talyor and the aldermeÌ„ toke Robert clopton and brought hym att the ryght hande of the Mayre as custome is And than certayn talyourâ— and other hâ—de craftes men cryed nay nay not thys man but Raulyn holande wherfore the Mayre that was Padyslye sente theym that so cryed to Newgate where they abode a grete whyle were punysshed· ¶ In this yere were dyuerse enbassatours sente in to Guyon fro a maryage for the kynge for the Erles doughter of Armynake that whiche was concluded but by the meane of the erle of Suffolke it was lette put a parte· ¶ And after this the sayd erle of Suffolke wente hem self ouersee in Fraunce and there he trated the marynge bytwene the kinge of Englonde and the kynges doughter of Cycyle and of Iherusalem And the nexte yere yt was concluded fully that maryage by whiche maryage the kynge sholde delyuer to hir fader the duke of Angeo and the erldome of MayneÌ„ whiche was the keye of Normandye TheÌ„ne departed the erle of Suffolke wyth his wyfeÌ„ dyuerse lordes and knyghtes in the moste ryal astate that myght be oute of Englonde wyth newe chares palfreys whiche wente thrugh the chepe and so wente ouer the see and receyued hir and than after in the lenten broughte hyr vnto Hamton where she laÌ„ded there was ryally receyued ¶ And vpoÌ„ Candelmas euen before by a grete teÌ„peste of thondre lyghenynge at after none Poules styple was set on fyre on the mydddes of the shaft in the tymbre whyche was quenched by force of laboure And specially by the morowe masse preeste of the Bowe in chepe whyche was thought impossyble sauf only the grace of god ¶ This yere was the erle of Stafforde made create Duke of Bukynghm therle of werwykd of warwyk the erle of Dorset markys of Dorset the erle was made Markê of Soffolk ¶ How kynge HeÌ„ry wedded quene Margarete of her coronacyon THis yere kinge henry maryed at Suthwyk quene Margarete she came to loÌ„don the .xxviii. day of may And by the waye al the lordes of EngloÌ„de receyued hyr worshypfully in dyuerse places And iÌ„ especiall duke of Gloucestre on the Blacke heth the Mayre with all the aldermeÌ„ all the craftes in blewe gownes broudred wyth the deuyse of hys crafte that they myght be knowen met with hyr with redde hodes brought her to londoÌ„ where were dyuerse pageÌ„ris countenauÌ„ce of dyuerse hystoryes shewed in dyuers places of the Cytie costely ¶ And the xxx daye of May. the forsayd quene was crowned at westmÌ„ ther was Iustes thre dayes durynge wythin the Sayntwary before the abbaye ¶ This yere the pryour of Kylmain apeled therle of Vrmonde of treason whyche had a daye to theym assygued for to fyght in Smythfelde And the lystes were made the felde dressed But whaÌ„ it came to poynt the king coÌ„maunded that they sholde not fyghte but toke the quarell in to his honde And this was done at the InstaÌ„ce labours of certayne prechers doctours of loÌ„don as mayster Gylbert worthyngton persone of saynt Andrewes in Holbron other ¶ Also this yere came a grete embassate in to Englonde out of frauÌ„ce for to haue coÌ„cluded a perpetual peas but in coÌ„clusyon it torned in to trewes for a yere ¶ Aboute this time dyed saynt Bernardyne a gray frere whiche began the newe reformacyoÌ„ of the ordre in many places in so moche that they that were reformed beÌ„ called ObseruauÌ„tes â–ª whyche obseruauntes been gretly encreaced in Italy in almayn this Bernardyn was canonysed by pope Nycholas the .v. in the yere of our lorde MCCCC l ¶ IohaÌ„nes de Capristrano was his dysciple whiche profyted moche to the reformacion of that ordre for god hathe shewed many a fayre myracle ¶ Also here is to be noted that frome this tyme forwarde kynge HeÌ„ry neuer profyted ne wente forwarde but fortune begaÌ„ to torne frome hym on all sydes as well in fraunce Normandye Guyon as in Englonde soÌ„ men holden oppynyon that kynge Henry gaue commyssyon preuarly to Syr Edwarde Hull syr Robert Roos Deane of Saynt Senerynes and other to coÌ„clude a maryage for hym with the Erle of Armynakes syster whiche was promysed as it was sayde and coÌ„cluded and after broken and he wedded quene Margarete as afore is sayde and a full dere maryage for the reame of Englonde for it was knowe verely that for to haue hyr delyuerde was the duchy of Angeo the erldom of Mayn whiche was the keye of Normandye