Selected quad for the lemma: lord_n

Word A	Word B	Word C	Word D	Occurrence	Frequency Band	MI	MI Band	Prominent
lord_n	word_n	world_n	zion_n	484	4	9.0079	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A14159	The refutation of ane ansuer made be Schir Iohne Knox to ane letter send be Iames Tyrie, to his vmquhyle brother. Sett furth be Iames Tyrie.	Tyrie, James, 1543-1597.; Knox, John, ca. 1514-1572. Answer to a letter of a Jesuit named Tyrie.	1573 (1573)	STC 24476; ESTC S101283	83,074	128

be verteis of zour awin iugement ze ar condemned be resson as interpretis Tertullian ze haue elect●d and chosin that wnto zou on the quhilk zour condemnatioun dothe iustlie follow quhairfore ze mister nocht to call God so oft to witnes quha has all reddy pronunced his sentence aganis zou to be haldin as ane ethni●k and publican in respect ze do nocht Obey his kirk ▪ For as testifies Cipriane ▪ he sall nocht in ony sort haue God to his father quha refuset the kirk to h●s mother and quh● is nocht ane membre of the bodie of Christ can nocht be quikned ●e his spreit THE REST OF SCHIR Iohne knox ansuer THe ansner to the secund can nocht be so schort for his assertioun agg●eis so lytle with the place of the Propheit that we 〈◊〉 in dout whether he has trauelled to vnderstand the mynd of the propheit His assertion is this Of the kirk whereof the propheit speaketh it is said be him in the secūd chap that it shal be manifest and visible through all the world The wordes of the propheit at these It shal be in the last dayes that the montane of the hous of the lord shal be prepared in the top of the montanis and shal be exalted aboue the hilles and all nationes sall flow vnto it And many people shall go and say cum let ws go vp vnto the montane of the lord to the hous of the God of Iacob and he will reache ws his wayes and we will walk in his pathes For the law shall go furth of Syon and the word of the lord from Hierusalem and he shall iudge among the nationes and rebuke many people c. In thais wordis of the propheit we find no such thing as the kirk shal be manifest and visible through all the world we acknawledge a promise of glade thinges to cum to be ioyned to Hierusalem and vnto mont ●yon after the miserable distructioun of the same we find the tyme appointed to wit the last dayes But that the promise may be better tryed we must ●now of the wryter when these last dayis began and quhen thay shal be compleit We must further know if there be any one certane place appointed ▪ in the which it is said that the kirk of God shal be visible ▪ and manifest in all ages These tuo heades being considdered it shal be moir easie to iudge of the assertioun of the wryter and whou it aggreis with the mynd of the propheit And first we think that the wryter wil nocht deny but the last dayes whereof the propheit speakes begā long befoir that euer the Euangell of Iesus Christ wes knowen or publictlie receaued in Rome to wit at the appearing of Iesus Christ in the fleshe when that ●e reueled vnto the world the hole will of his father For so ar we taught be the apostle sayng God in auld tymes spak vnto oure fatheres in diuers maners be the pro hetes in the last dayes he hath spoken to ws be his sone c. and the Apostle Peter in that his most notable sermone made to Ierusalem the day of Penthecost affi●es that the prophesie of Ioell maid as concerning the pouring furth of Godes graces vpon all fleshe in the last dayes wes euen then compleit quhen that the holie spreit discended doun vpon those that beleued So then we haue gotten the last dayes to haue begun with Iesus Christ who is the glorie of the secund temple when think we that thay ended If the wryter wil say ● when Rome receaued the Euangel then wes the accomplishement of the last days As men iustly may dout thairof so will the apostle planelie deny it saying the spreit speaketh euidētlie that in the last tymes some shall depart frō the faith c. Wherof we may gadder that the Apostle appointeth the last tymes to continew longer then that the Euangell was ones publictly preached ro wit till that mē●hould begin to sall from the faith and giue airis to the doctrine of deuilles Yea if we will searche the scriptures we shall find that the last dayes continew from the first appearing of Iesus Christ in fleshe vnto his last returning vnto iudgement So that the last dayes do not onely include the first publicatioun of the Euangell but also the defectioun from it yea and the restitutioun of it agane vnto the world be the brightnes wherof that man of sin should be reuealed and distroied wherof we conclude that if the last dayes do yet continew wherof the prophet maketh mentioun the thinges promised to be performed in theme are not yet alltogether compleit but ar in thare progres and shall so procead till that all be finished that is for spoken be the holie prophetes and Apostles of Iesus Christ. And so may Iesus Christ this day be working in Scotland ▪ albeit that Papistes rage against his Euangell as in thase dayes he wroght in Hierusalem when the preastes and the hole visible ●kirk for the most part raged against the same But now to the secund head we wald knaw if the wrytar can appoint vnto ws any one certane place whair this montane of God is promysed to Remane manifestlie and visible For this we mak knowen to the hole world that for the lufe we beare to the building and reparing of Goddes holie hous we haue endangered lyfe and ● all thinges temporall And theirfoir if the writter can appoint wnto ws a certane place wherunto God hes maid ● promise we shall euerie one exhort an other with all diligence to go vp tharūto But if he can appoint none haueing greater assurance be Godes mouth more then an other then will we cheritabillie desyre him to desist from taunting and mockage of so notable workes of God as he of late yeares hes shawen in mo realmes thā one Oure maister Christ Iesus apointes ws to no one certane place where that we shal be assured of his presens but reather forbidding the obseruatioun of all places he sendes ws to his owen spirituall presence saying wheresoeuer two or thrie are gathered in my name there am I in the middest of thame And in ane other place behold I am with zow to the end of the world we being groūded vpon these promyses haue good hope through Iesus Christ that in oure● congregationis we haue the fauorable presence of Iesus Christ asweill in his word as in his holy sacramentes For in his name alone conuene we be him alone we call vpon God oure father and be● him alone we ar assured through the power of his holie spreit to obtene oure reque●stis maid according to his will we wonder greatlie that the wryter considderis not the promise of the propheit ●s● that all nationis shall cum to that holie montane we ar a natione how abiect that euer we appeare why then will the wryter deny wnto ws fre passage to the

hous of the lord seing that the terme of the last dayes is not yet expyred and seing that we desire to be taught in the wayes of the lord and to walk in his pathes yea seing that thousandes in Scotland refuses not to be rebuked of the lord and to suffer him to iudge amanges ws If the wryter will say becaus we will not acknawlege Rome to be the mother of all vther kirkes we ansuer as of befoir let ws hear the commandement of our God charging ws so to do and oure obedience shall not be long craued For we ar most willing to obey oure mother prouiding that she sh●w the ondouted signes of a naturall mother But an vsurped tytle without farther assurance we dar not admit And this for his assertioun and for the mynd of the Propheit THE REFVTATION THe probatioun quhilk I vsed in my letter to proue the kirk to be visible was becaus Isaias testifies that the hous of Iacob salbe builded vpon the top of ane montane of the quhilk wordes I collect that it suld be visible Schir Iohne knox ansueris that he perceaues nocht quhow that may be collected of the wordes of Isaias Becaus he spekes onlie of glaid thinges promised to Ierusalem and mont Syon In the quhilk ansuer he declares no thing bot his a wen blindnes For the Propheit testifies that the hous of Iacob be the quhilk the kirk au●ht to be vnderstand salbe builded vpon the top of ane montane Christ in his Euangell says that ane citt●e builded vpon ane montane can n●cht be hid of the quhilk it followis necessarlie that his kirk cā nocht be hid and consequentlie it must be visible Suay other Isaias be that Metaphore schawis the kirk to be visible and manifest or ellis it seruts to no thing at all quhilk is ane blasphemie The wordes that followes dois conferme this so cleirlie that no man onles he be blind can ony way dout thairof Mony people says he sall flow to the hous of Iacob to that effect that thay may be taught the wayes of the lord quhow is it possible that thay flow to the kirk onles it be visible and manifest or quhow is it possible that thay be taught the wayes of the lord onles thay acknaulege thois be quhome thay ar to be instructed Suay gif Schir Iohne had put on his specticles he micht haue sene easalie that Isaias dois testifie in thais wordes the kirk to be visible I pretermit the Grik text quhilk ever all maist S. Paul vsed in his citations and euer hes bene in great authoritie is so cleir for me that it cā na way be thrawin to ane vther sence 〈◊〉 〈◊〉 〈◊〉 〈◊〉 〈◊〉 that is the montane of the lord salbe manifest Suay dois the ancient fatheres euer allmaistreid this prophecie●as Tertullian Cypriane Augustene and the rest Thairfore as apperis noch● content of his first ansuer he propones to vse ane vther that is that the prophecie of Isaias is nocht as zet compleit bot in the progres Quhilk maner of ansuering hes euer bene comoun to all fals prophetis Gif this prophecie be nocht compleit I wald demand at his ministers quhether gif the hous of ●acob wes in the top of the montane quhen the Apostlis and disciplis of christ prechit his Euangell all maist throuch the haill warld quhether gif than mony people did flow vnto the montane of the lord qnhether gif than the montane of the quhilk Daniel makis mentioun did occupie the hail erth quhether gif than christ receaued the inheritance promised to him be his father eternall I beleue quhousoeuer thay be impudent thay dar nocht deny the premissis Than I collect necessarlie that lang afoir Iohne Caluin or Iohne knox the prophecie of Isaias was furthfilled and the hous of Iocob was in the top of ane montane that is visible and manifest to the warld suay it salbe visible and manifest nocht onlie for ane hundreth zear or two bot for euer as testifies the for said propheit the zeties of the kirk salbe euer patent day and nycht and so according to Schir Iohne knox awin interpretatioun be the letter letter days we vnderstand the hail tyme quhilk is betuix the publicatioun of the Euangell and the day of iugement during the quhilk the hous of Iacob salbe in the top of the montane Zet he will nocht be sati fiet onles we schaw him the place in the quhilk the montane of the lord remanis Thairfoir he speris at ws quhair is this montane Daniel ansueris that it hes occupeit the hail erth Zet Schir Iohne knox is so blind that he dois nocht se it The scriptures teches ws that the inheritance and kingdome of Christ quhilk is his kirk salbe euer spred through ane greit part of the warld and mair ample and magnificent nor euer wes ony kingdome afoir him in the quhilk his name ●uld be louit and glorifiet for euer to the quhilk the kinges and princes of ye erth suld serue that it is ane greit marueill that euer ony man suld be so impudent to say that Christ hes bene priuat of his kingdome and inheritance this mony hundreth Zearis and that Sathan hes possessed the hoill warld all kingdomis prouinces cities or that Christis kingdome hes bene alluterlie inuisible and onknowen to the world Zet tot●e effect that Schir Iohne knox nor his ministers haue na excūse nor pretence of ignorance in the day of iugement I will ansuer direct●ie to his domād that the montane of the lord is in france Spāze Italie Germanie Pole and sindrie v●heris partis of Europ and in innumerable cuntreis of inde batth Oriētall and Occidentall and nocht all●terlie expirit in ingland and Sc●●land Suay that his kingdome is mair ample for the ●resent nor euer wes the empyre of the Gr●k●s or Romanis B●t I feir gretumly that his ministers ansuer as the Donatistis dit to S. Augustene quhen the montane of the lord says he is schawin to thame thay say it is nocht to montane of the lord thai ar so blindit with thair a win phantasies becaus Schir Iohne will acknowlegeno place quhair this mōtane suld be bot will onlie that we haue recours to the spirituall presence of Christ quhilk is expreslie aganis Isaias quhae sais that mony people sall flow vnto this montane quhilk in na ways thay culd do onles thay did acknawlege sum certane place quhair it suld be and repugnant to Christ him self quhair he sais Gif thy brother offend the accuse him to the kirk we can mak nae accusatioun to the kirk onles we acknawlege in quhat place it is Of the quhilk is it appearis euidentlie to be ane greit blasphemie quhilk Schir Iohne knox affirmes that Christ app●intes na certane place to ws bot be the cotrar forbidd●s all obseruatioun of places Zet