the kyng hymself afterwarde alle the lordes of the londe that they wolde holde that statute for euermore and who that them brake sholde be deed But the seconde yere after that the ordynaunce the kynge thrugh counseyll of Edward his sone and of Rycharde his brother that was erle of Cornwaylle also of other repented hym of that othe that he made for to holde that lawe and ordynauÌ„ce· And sente to the courtre of Rome to be assoylled of that othe And in the yere next comynge after was the grete darth of corne in Englonde For a quarter of whete was worth .xxiiii. shelynges And the poore people ete netles and other wedes for huÌ„gre And deyed many a thousande for defawte of mete ¶ And in the .xlviii. yere of kynge Henryes regne began warre debate bytwene hym his lordes for by cause he had broken the couenauntes that were made bytwene them at Oxforde ¶ And the same yere was the towne of Northamton taken folke slayne that were wythin For by cause that they had ordeyned wylde fyre for to brenne the cyte of London ¶ And in the monethe of Maye that the next after vpon saynt Pancras daye was the Batayll of lewes that is to saye the wenesday before Saynt DuÌ„stans daye And there was taken kynge Henry hym self and syr Edwarde his sone and Rycharde his broder erle of Cornewaylle and many other lordes And in the same yere nextse wynge syr Edwarde the kynges sone brake out of the warde of syre Symonde of Mountforth erle of Leycetre at Hertforde and wente vnto the barons of the Marche and they rceeyued hym with moche honour ¶ And the same tyme Gylbert of Claraunce erle of Glocetre that was in the warde also of the forsayd Symon de thorugh the commauÌ„dement of kynge Henry that wente fro hym wyth grete herte for cause that he sayd that the forsayd Gylbert was a foole and helde hym with kynge Henry ¶ And on the Saterdaye nexte after the myddes of August syre Edwarde the kynges sone dyscomfyted syr Symonde de Mountforth ac Kelyngworth but the greate lordes that were there with hym were takeÌ„ that is to saye Baldewyne wake And Wyllyam de Mouchentye and many other grete lordes And the Tewysdaye next after was the batayll done at EusbaÌ„ And there was slayne syr Symonde de MouÌ„tforth Hugh the Spenser Mountforth that was Raufe Bassectes fader of Drayton and other many greate lordes And whanne thys batayll was done all the gentylmen that had ben with the erle Symonde were dysheryâ—ed and ordeyned togyder and dyde moche harme to all the londe For they destroyed theyr enmyes in all that they myght ¶ Of the syege of Kenylworth how the geÌ„tylmen were dysheryted thorugh counseyll of the lordes of the reame of Englonde and how they came agayne and had theyr londes ANd the nexte yere comynge in May the fourth day before the feest of saynt Dunstane was the bataylle scomfyture are Chestrefelde of them that were dysheryted there was many of theym slayne· ¶ And Robert Erle of Feriers there was take and also Baldewyne wake Iohan delahay with moche sorowe escaped thens And oon saynt Iohanâ— the Baptyst tho sewynge began the syege of the castell Kenylworth the syege lasted to saynt Thomas eue the appostle in whyche daye syr Hugh Hastynge had the castel for to kepe that yelded vp the castell vnto the kynge in this manere that hymself the other that were within the castell sholde haue theyr lyues lymme as moche thynge as they had therin both hors harneys foure dayes of repyte for to delyuer clenly the castel of them self of all other maner thynge as they had within the castell soo they wente fro the castell And syr Symonde NouÌ„tforth the yonger the countesse his moâ— were gone ouer the see in to FrauÌ„ce there helde them as people that were exyled out of Englonde for euer ¶ And soone after it was ordeyned by the Legate Octobone by other grete lordes the wysest of Englonde that all tho that had be ayenste the kynge and were dysheryted sholde haue ayen theyr londes by greuous rauÌ„sons after that it was ordeyned And thus they were accorded with the kynge peas cryed thorughout all Englonde and thus the warre was ended And whan yt was done the Legate toke hys leue of the kynge of the quene of the grete lordes of Englonde wente tho to Rome the .lv. yere of kynge Henryes regne â— Edwarde kynge IohnÌ„s sone of Brytayne Iohan Vessi Thomas of Clare Rogere of Clyfforde Othes of GrauÌ„stone Robert le Brus. IohnÌ„ of Verdon and many other lordes of Englonde and of beyonde the see toke theyr waye to warde the hooly londe And the kynge Henry deyed in the same tyme at westmestre whan he had regned .lv. yere .xix. wekes on saynt Edmonds daye the Archebysshop of Caumterbury And he was enteryd on saynt Edmondes daye the kynge in the yere of the Incarnacyon of our lorde Ihesu Cryste M.CC.lxxii ¶ Prophecye of Merlyn of the kyng Henry the thâ— expowned that was kynge Iohans sone ANd of this HeÌ„ry prophecyed Merlyn sayd that a lambe sholde come out of wynchestre in the yere of the Incarnacyon of our lord Ihesu criste M.CC. .xvi. with true lyppes holynesse wryten in his hert And he sayd sothe for the good Henry the kynge was borne in wynchestre in the yere abouesayd he spake good wordes swete was an holy man of good consyence And Merlyn sayd that this Henry shold make the fayrest place of the worde that in his tyme shold not be fully ended he sayd soth For he made the newe werke of the abbaye of saynt Peters chirche at westmestre that is fayrer of syght than ony other place that ony man knoweth thorugh out al crystendom But kyng Henry deyed are that werke were fully at an ende that was grete herme ¶ And yet sayd Merlyn that this lambe sholde haue peas the moost parte of hys regne And he sayd full soth for he was neuer noyed thorugh warre neyther dyseased in no maner wyse a lytell afore his deth Merlyn sayd in his prophecye more in the regne ende of the forsayd lambe a wulf of a straunge londe shal do hym moche harme thorugh his warre and that he sholde at the last be mayster thorugh helpe of a reed foxe that sholde come forthe of the North west sholde hym ouercome And that he sholde dryue hym out of the water the prophecye full well was knowen For within a lytell tyme or the kyng deyed Symonde of MouÌ„tforde Erle of Leycerre that was borne in Fraunce beganne ayenste hym stronge warre thorugh whyche doynge many a good bacheler destroyed was and deyed and dysheryted ¶ And whan kyngâ— Henry had the vyctory at Eusham Symonde the erle was slayne thorugh helpe myght of Gylbert of clare erle of
grauntyd theym theyr prayer toke the hostages on saynt Margaretê eue in the yere of grace M·CCC xxxiii the Scottes came fyersly well arayed in foure wynges for to mete kynge Edwarde of Englonde and Edwarde the kynge of Scotlonde with theyr power and came faste and sharply ayenst euensonge tyme And the same tyme was flood atte Berwyk in the water of Twede that no man myghte goo ouer on hys hors nor on fote â— and the water was bytwene tho two kynges and the reame of Englonde And that tyme abode the Scottes in that other syde for cause that the englyssgmen sholde haue be drowned ¶ Thys was the arraye of the Scottes how that they came in batayll ayenst the two kynges of Englonde and of Scotlonde In the vaunt warde of Scotlonde where thyse lordes THerle of Moryf Iamys Frysell Symond Frysell Walter stewarde Reynolde Cheyn Patryke of Greham Iohan le graunt Iamys of Cordoyl Patryk Parkeys Roberte Caldecottes Phylyp of Melledrum ThomÌ„s Gylbert Rauf wyseman Adam gurdon Iamys Gramat Roberte Boyd Huhhe Park with .xl knyghtê newe dubbyd .vi. C. men of armes .iii. M. of comyns In the fyrste parte of thalfe batayll were thyse lordes the Stewarde of Scotlonde the erle of Mory Iamys his vncle wyllyaÌ„ douglas dauyd of Lyndesey Marcolyn Flemynge Wyllyam of keth DnÌ„sen Cankok with .xxx. bachelers new dubbyd ¶ In the seconde parte of the batayll were thyse lordes Iamys Stewarde of Corden Alein Stewarde wyllyam Abbrehin wyllyaÌ„ Morys Iamys Fytz wyllyam Adam lemost walter Fytz. Gylbert IohnÌ„ of Cerleton Robert wallam with .vii. C. men of armys and .xvii. M. comyns ¶ In the thyrd parte of the batayll of Scotlonde were thyse lordes The erle of Moref the erle of Ruf therle of Strahern the erle of Soth erlonde william of Kyrkkelay IohnÌ„ CaÌ„bron Gylbert of Hey wyllyam ramsey wylliam PreÌ„degest Kyrston Harde wyllyam Gurde Arnold Garde Thomas Dolphyn wyth .xl. knyghtes newe dubbyd .ix. C. men of armys .xv. M. of comyns ¶ In the fourth warde of the batayll of Scotlonde were thyse lordes Archbalde Douglas the erle of Lencuax Alysander le Brus. the erle of Fyff IohnÌ„ Canbell erle of Atheles Roberte Lawether wyllyam of Vypouynt wyllyam of Lonston Iohnn de Labels Groos de Sherenlawe Iohan de Lyndesey Alysander de Gray Ingram de Vmfreuille Patryk de Polesworthe Dauyd de wymes Mychell Scot. wyllyam Landy Thomas de Boys Roger Mortymer with xx bachelers new dubbyd .ix. C. men of armys .xviii. M. .iiii. C. of comyns The erle of Dunbar keper of the castelle of Berewyk halpe the Scottes with .l. men of armys And syr Alysander of Ceton keper of the for sayd towne of Berwyk with an C. men ef armys And also the comyns of the towne wyth ·iiii C. men of armys with .viii. C. of fote men ¶ The somme of therles lordes aboue sayd amounteth .lxvi. ¶ The some of bachelers newe dubbyd amouÌ„teth to an C.lx. ¶ The soÌ„me of men of armys amounteth .iii. M.C. ¶ The suÌ„me of the comnyns amounteth .liii. M. and .iii. C. ¶ The soÌ„me totalle of the people abouesayd amounteth .lxv. M.vii C.xlv And thyse .lx. .vi. gretate lordes ladde all the other greeste lordes abouesayde Infonre bataylles as it is tolde beforen allon fote and kynge Edwarde of Englonde and Edwarde Bayllol kyng of Scotlonde hadde well apparelled theyr folke in foure bataylles for to fyghte on fote ayenst the Scottes theyr enmyes ¶ And the Englys the mynstrels blewe theyr trumpetes and the. yr claryons and hydously ascryed the Scottes And tho had euery Englysshe batayll two wynges of pryce archers The whiche at that batayll shot arowes so faste and soo sore that the Scottes myghte not helpe themsefle And they smote the Scottes thousandes vnto the grounde And they began for to flee fro the englysshmen for to saue theyr lyues And whan the Scottes knaues saw the scomfyture and the Scottes fall fast to the grounde they preckyd faste theyr maysters horse with the sporis for to kept theym from peryl sete theyr maysters at on force And whan thenglyssmen saw that they lept on theyr horses faste pursued the Scottes all that abode they slewe downe ryght ¶ There men myght see the doughtinesse of the noble kynge Edward of hys men how manly they pursewed the Scottes that flowe for drede And there men myght see many a Scottysshman caste downe vnto the grouÌ„de the baners dysplayde hackyd in to peces many a gode haberyoyne of stele in the blode bathe And many a tyme the Scottes were gadred in to coÌ„panyes but euer more they were discomfyted ¶ And so it befell as god almyghty wolde that the Scottes had that day nomore fayson ne myghte ayenst the Englysshemen than .xx. shepe among .v. wulues And so were the Scottes dyscomfyted yet the scottees was well .v. men ayenst one englysshmen And the batayll was done on Halydoune hyll besyde the towne of Berwyk At the whiche batayll were slayne of the Scottes xxxv· thousande .vii. houndred and .xii. And of the Englysshemen but only .xiii. And this victory befel to the Englysshmen on saynt Margyretes euen the holy virgyn martyr in the yere of our lorde Ihesu cryste M.CCC.xxxii ¶ And whyle thys doynge lastyd the Englysshe pages toke the pylfre of the Scottes that were slayne euery man that he myght take wythout ony chalengynge of ony man And so after thys gracyous victory the kynge torned hym agayne vnto the same syege of Berewyk ¶ And whan they be syeged sawe and herde how kynge Edwarde had spede they yelded to hym the towne wyth the castell on the morowe after saynt Margaretes daye ¶ And thenne the kynge dyde ordeyne syr Edwarde Baylloll with other noble and worshypfull men to be kepers and gouernours of all Scotlonde in hys absence And hymselfe torned ayeÌ„ and came into EnloÌ„de after this vyctorye with moche Ioye and also worshyp and in the nexte yere folowynge after that is for to say in the yere of the Incarnacyon of oure lorde Ihesu eryste M.CCC.xxxiii And of kynge Edwarde vii· he wente ayen in to Scotlonde in wynter tyme Atte the whiche vyage the castell of kylbrygge in Scotlonde for hym and for his men that were with hym he recouered and had ayenst the Scottes All at his owne luste ¶ And in that same yere syr Edwarde Bayloll kyng of Scotlonde helde his parlement in Scotlonde with many noble lordes of Englonde that were at that same parlemente bycause of theyr londes and also lordshyps that they had in the reame of Scotlonde And helde all of the same Baylloll And in the .viii. yere of hys regne abowte the feest of saynt Iohan Baptist syr Edward Bayllol they vere and true kynge of Scotlonde as by heretage right lyne made his homage and feaute vnto kynge Edwarde of Englonde for the reame of Scotlonde att new castell vppon Tyne In the presente of many a worthy man and also of comyns bothe of the reame of
Glocetre that was in kepynge warde of the forsayde Symonde thrugh ordynaunce of kynge Henry that wente ayen vnto the kynge wyth moche power wherfore the forsayd Symonde was destroyed and that was grete harme to the comyns of Englonde that so good a man was slayne for the trouth and deyed in tharâ—yâ—e for the comyn profyte of the same folke therfore almyghty god for hym hathe syns shewed many a fayre myracle to dyuers men wymmen of the sykenesse dyscease that they haue had for the loue of hym ¶ And Merlyon also sayd in his prophecye that afer that tyme the lame sholde lyue no whyle thenne his seed sholde be in straunge londe wythout ony pasture and he sayd sothe for kyng Henry lyued no whyle after that Symonde Mounforde was slayne that kynge Henry ne deyed anone after hym And in the meane tyme syre Edwarde hys sone that was the beste kyng of the worlde ef honour was tho in the holy lond and gate there Acres And in that countree he begate there vpon dame Elenore his wyf Iohan of Acres hys doughter that afterwarde was countesse of Glocetre made suche a vyage in the holy londe that all the worlde spake of his knyghthode euery man dradde hym hye lowe thorughout all crystendome as the storye of hym telleth as afterwarde ye shall here more openly ¶ And from the tyme that kynge Henry deyed tyll that syr Edward was crowned kynge al the grete lordes of Englonde were as faderles childern wythout ony socoure that theym myght mayntene gouerne and defende ayenst theyr deedly enmyes GRegorius the .ix. was pope after Honorius thys man canonysed many sayntes defended myghtely the chyrche ayenst Frederyk therfore the tooke many prelates two Cardynalles the whiche wente to counseyll ayenst hym This pope was segyd in the cyte of Rome by the Emperour he sawe the Romayne were corrupte by the moneye of the Emperour Thenne he toke in hys honde the heedes of the appostles Peter Poule and went with processyon fro the chyrche of saynt IohnÌ„ Latranente to saynt Peters chyrche ¶ And so he gate the hertê of the Romayns the Emperour went fayr a waye fro the cyte This pope made frere Ianond to compyle the fyue bokes of Decretales of many pystles and decrees And after with many trybulacoÌ„ns of chyptyrauÌ„t and other he decessyd and wente to heuen ¶ Celestinus the fourth was pope after Gregorius almoost a moneth and he was in his lyf and in hys conynge laudable And he was an olde man a feble decessyd there was no pope after hym almoost a .xii. month ¶ Innocenciê° the fourth was pope after hym almoost .xi. yere .vi. monethes thys man canonysed many sayntes Frederyke the Emperour he deposyd as enmye vnto god in the thyrde yere that he was made pope he was holpe by the Ianuencê ¶ Thenne was Henry the sixt chosen wyllyam by the popes commaundement ayenst Frederyk that one after an other but they preuayled not to ouercome hys tyranny for he was ouermyghty ne these were not crowned for they decessyd anone ¶ Thomas de Alquine an holy doctour Albertus magnus the bysshop of Ratysponens Eustacius Bonouenture a deuoute doctour were thys tyme the whiche destroyed moche heresye enfected by the Emperour ¶ Alexander was pope after Innocencius .viii. yere lytell of hym is wryten ¶ Vrbanus was after hym thre yere thre monethes This man droue awaye the host of the Sarrasyns by men marked with the crosse the whiche Maufred had sent ayenst the chyrche And the pope toke the kyngdome of Cecyle to the kynges brother of Fraunce that he sholde fyght with Maufrede thenne he decessyd And Maufrede after loste his lyf and his kyngdom bi Karolus· ¶ AlphoÌ„sus the kynge of Castell Rychardes brother to the kynge of Englonde erle of Corne waylle were chosen Emperours after the longe vacacyon of the Empyre for the chesers of the Emperour were diuyded in sondre and there was grete stryfe many yere At the last decessyd Rycharde Alphonsus came agaye afore Gregorius the .ix. by the sygne of peas â— and vtterly renouÌ„ced all this tytle of the Empyre he hadde ony for he was a very wytty maÌ„ and a noble astronemer and hys tables ben very famous the whiche he made for they be compendyons ¶ Clemens the fourth was pope after Vrbanus .iii. yere ix· monethes this ClemeÌ„s was an holy man sayd thrugh the spyryte of prophecy that the enmyes of the chyrche shold perysshe as the smoke And it is to byleued that god cessyd the trybulacyons of the chyrche thorugh his merytes Thys man afore had a wyf and chyldern and whan he was preest and after bysshop he was sente in to Englonde Legate and he no thynge knowyng was chosen pope and after decessyd blessydly for hys vertuous lyuynge ¶ Gregorias the .x. was pope after hym foure yere after he was made pope for the desyre that he had to the holy londe the whyche he entended to vysyte personally aâ—e LondoÌ„ in Fraunce he made a solempne counseyll in the wihche the counseyll of the Grekes and the Tartars were there the Grekê promysed to be refourmed by the vnyte of the chirche And the Tartars were but a lytell afore baytysed promysed the same And there were gadred .vi. C. bysshops M. prelates and therfore a certayne man sayde Gregorius gadred togyder all kynde of people there was decreed that all persones vycaryes shold be called preestê no prelates that no man sholde assygne his tythes to what chyrche he wolde and they dyed afore But they sholde be payed to his moder chirche And he dampned the pluralyte of benefyces and deyed a blessyd man ¶ Innocencius the .v. was after hym .v. monethes lytell he dyd ¶ Adrianus was after hym â—o monethe dyde lesser ¶ IohaÌ„nis the xâ—i was after hym .viii. monethes he was in dyuers scyences a famous man but in maners a fole decessyd anone ¶ Nicholaus the thyrd was pope after IohnÌ„ oo yere Thys maÌ„ was in his dayes in buldynge a noble man well gouerned the cyte all his dayes the secoÌ„de yere he decessyd ¶ Radulphus was Emperour .xviii yere this man was Erle of Hanebrough a wyse maÌ„ in armes noble and vyctoryous was chosen at Basyle· And he toke the crosse on hym for the holy londe Thimperyall blessynge he had not but the pope alowed the eleccyon for fauour of the holy londe ¶ Anno dmÌ„ M.CC.lxxiiii MArâ—inus the .iiii. was pope after Nycholaus .iiii. yere thys man was a grete louer of relygyous men great attendynge to vertuous werkes Thys man cursyd the Emperour of Constantynople in so moche as he promysed for to torme to the fayth in the generall counseyl â–ª and dyde not for the whyche he suffred many passyons all holy chyrche Also he cursyd the kyng of Aragon for he expulsyd the
hede smyte of his bowelles take out of his body and brente hys body quartered and sent vnto four of the best townes of Scotlonde and hys heed put vpon a spere â–ª and lete vpon London brydge In ensample 〈◊〉 the Scottes sholde haue in mynde for to do a mysse ayenst theyr lyege lorde eftsones ¶ How the Scottes came to kynge Edwarde for to ameÌ„de theyr trespasse that they had done ayenst hym ANd at Myghelmas tho nexe comyng kynge Edwarde helde hys parlament at westmestre thyder came the Scottes that is to saye the bysshop of saynt Andreas Roberte the Brus erle of caryk Symonde Frysell Iohan the erle of Athell they were accorded with the kynge and bounde by othe swore that they afterwarde yf ony of them mysbare them ayenst kynge Edwarde that they sholde be dysheryted for euermore And whan theyr peas was thus made they toke theyr leue pryuely and wente home in to Scotlonde ¶ How Robert Brus chaleÌ„ged Scotlonde SO after thys Robert the Brus erle of Caryk sent by hys letters to the erles barons of Sotlonde that they sholde come to hym to Scone in the morowe after the Concepcion of our lady for grete nedys of the londe And the lordes came at the daye assygned And the same daye syr Robert the Brus sayd Fayre lordes fulle well ye knowe that in my persone dwellyd the ryght of the reame of Scotlonde as ye wote well I am ryghtfull heyer Syth that syre IohnÌ„ baylol that was our kynge vs hath forsake left his londe And though it so be the kynge Edwarde of Englonde wyth wrongfull power hath made me to hym assent ayenst my wyll yf that he wyll graunte that I may be kynge of Scotlonde I shal kepe you ayenst kynge Edwarde of englonde ayenst all manere men wyth the worde the abbot of Scon arose vp before them all sayd that yt was reason for to helpe hym the londe to kepe defeÌ„de And tho sayd in preseÌ„ce of theÌ„ all that he wolde gyue hym a M. pouÌ„de for to mayntene the londe all the other grauÌ„ted the londe to hym wyth ther powre hym for to helpe defyed kyng Edward of Englonde sayd the Robert Brus sholde be kynge of Englonde ¶ How syr IohnÌ„ of Comyn ayenst sayd the crownynge of syr Robert Brus. LOrdynges sayd syr Iohan of Comyn thynke on the truthe othe ye made to kynge Edwarde of Englond touchynge my self I wyll not breke myn oth for no man so he went from the company at the tyme. wherfore Robert the brus all tho the to hym conseÌ„ted were wroth menaced syr IohnÌ„ of comyn Tho ordened they another couÌ„seyll at Dumfrys to whyche came the for sayd syr IohnÌ„ of Comyn for he dwelled but two myle fro Dumfris there he was wont to soiorne and abyde ¶ How syr IohnÌ„ was traytoursly slayne SO whan Roberte the Brus wyst that all the grete lordes were come of Scotlond to Scon sauf syr IohnÌ„ Comyn the soâ—ourned nyghe scon he sent specyally after the sayd syr IohnÌ„ to come speke with him And vpon that he came spake with hym at the grayfreres in Dumfris that was the thursday after CaÌ„delmasseddy syr IohnÌ„ graunted to go wyth hym And whan he had herde masse he toke a soope dranke after warde he bestrode hys palfroy rode to Dumfris whan Roberte the brus sawe hym come at a wyndow as he was in his chambre made Ioye ynoygh came ayenst hym collyd hym about the necke made with hym gode semblauÌ„t And whan all the erles barons of Scotlonde were present Robert the Brus sayd syrs ye wote well the cause of this comynge wherfore it is yf ye wyl grauÌ„t that Ibe kyng of scotlonde as ryght heyre of the londe And all the lordes that were there sayd with one voys that h sholde be crownede kynge of Scotlond â–ª and that they wolde hym helpe mayntene ayenst all maner men on lyue for hym yf it were nede to deye the giÌ„tyll knyght tho IohnÌ„ of Comyn answerd certes neuer forme ne for to haue of me asmoche helpe as the value of a baton For that oth that I haue made vnto kynge Edwarde of Englonde I shall holde whyle my lyfe woll laste And with that worde he wente from the coÌ„pany and wolde a lyght vpon his palfroy and Roberte the Brus pursewed hym with a drawenswerde bare hym thrugh the body syr IohnÌ„ Comyn felle downe vnto the erth But whan Roger that was syr IohnÌ„ Comyns brother sawe the falsnesse He stert to syr Robert the Brus smote hym wyth a knyfe But the fals traytour was armyd vnder so that the stroke myght do hym no harme and so moche helpe came aboute syre Robert the Brus so the Robert Comyn was there slayne all to hewen in to peces Robert the Brus torned ayen there that syr IohnÌ„ Comyn the noble baroÌ„ lay wounded and pyned to warde his deth besyde the hygh awter in the chyrche of the graey freres sayde vnto syr Iohan comyn O traytoure thou shalt be dede neuer after lete myn auauncement shoke his swerde at the hygh awter and smote hym on his hede that the brayne felle downe vpon the grouÌ„de and the blood storte on hygh vpon the walles and yet vnto thys daye is that blood seen there that no water maye wasshe it a waye And so deyed that noble knyght in holy chyrche ANd whan thys traytoure Roberte the Brus sawe that no man wold sete hys coronacyon he cuÌ„mauÌ„ded all theÌ„ that were of power sholde come vnto hys crownynge to saynt Iohans towne in Scotlonde· And so it be fell vpon our lady daye the AnnuÌ„cyacyon the bysshop of Glaston the bysshop of saynt Andrewes crowned for ther kynge thys Roberte the Brus in saynt Iohans towne made him kynge And anone after he droue all thenglyssshemen out of Scotlonde And they fledde came compleyned them vnto kyng Edwarde how that Robert the Brus had dryue them out of the londe and dysheryted theym ¶ How that kynge Edwarde dubbyd at westmestre .xxiiii. score knyghtes ANd whan kyng Edwarde herd of this myschyef he swore that he sholde be ouenged therof and sayde That alle the traytours of Scotlonde sholde be hangyd and drawen and that they sholde neuer be raunsonned ¶ And kynge Edwarde thought vppon this falsnesse that the Scottes had to hym done And sente after all the bachelers of Englonde that they sholde come vnto London at wytsoÌ„tyde he dubbyd at westmestre .xxiiii. score knyghtes ¶ Them ordened the noble kynge Edwarde for to go in to Scotlonde to werre vpon Robert the Brus And sent before hym in to Scotlonde syr Aymer the valaunce erle of Penbroge And syre Henry Perey baron with a fayre company that pursewed the Scottes and brente townes and castels And afterwarde came the kynge hymself with erles and barons a fayre
sayd the sone shold become in hys tyme as redde as ony blood in tokenynge of grete mortalyte of people And that was knowe wel whaÌ„ the Scottes were slayne And syth sayd Merlyn the same dragon shold nouryshe a Fox that sholde meue grete werre ayenst hym that sholde not in hys tyme be ended and that semed well by Robert the Brus. that kynge Edwarde nourysshed in hys chambre that sythen stale a way meued grett werre ayenst hym whiche werre was not ended in his tyme And yet sayd merlyn that the dragon sholde deye in the marche of an other londe that hys londe sholde be long without a good keper And that men shold were for his dethe from the yle of Shephey vnto the yle of Mercyll wherfore alas shall be ther songe amonge the comyn people faderles in the londe wastyd And that prophecie was knowe ouer all full well For the good Kynge Edwarde deyed at Burgh vp sandys that is vpon the Marche of Scotlonde the englyssmen were dyscâ—mferced and sorowed in Northumberlonde For cause that kynge Edwardes sone sete by the Scottes no force for the ryot of Peers of Ganaston wherfore alas was the songe thrugh out all Englond for defawte of theyr good wardeyne from the yle of Shephey vnto the yle of Mercyll the people made moche sorowe for good kynge Edwardes dethe ¶ For they wende that good kynge Edwarde sholde haue gone in to the holy londe For that was holy his purpoos ¶ Vpon whoo 's soule god for his hygh Inginyte grace haue mercy ¶ Anno. dmÌ„ M.CC.lxxxiiii CElestinus was pope after Nicolas fiue monethes and nothynge noble of hym is wryten but that he was a vertuous man Bonefacyus the eyght was pope after hym .viii. yere This bonifacius was a man in those thynges the whiche perteyneth to courte for he was very experte in suche maters And bycause he had no pere he put no mesure to hys prudence And toke so grete pryde vpon hym that he sayd he was lord of all the worlde and many thynges he dyde with his myght power· the whyche fayled wretchedly in the ende He yaue an ensample to all prelatis that they sholde not be haue ne proude But vnder the fourme of a very shepeherde of god they shod â— more study for to belouyd of other subgectes thaÌ„ dradde This man is he of whom it is sayd that he entred as a fox He lyued as a lyon deyed as a dogge ¶ This tyme the yere of grace was ordeyned from an houÌ„dred yere to an hondred yere And the fyrste Iubyle was in the yere of our lord Ihesu Cryst a thousande thre houÌ„dred ¶ Benedictus the enleuenth was after Bonefacius .xi. monethes This man was an holy man of the ordre of the frere prechers and lytyll whyle lyued but dyssessyd anone ADulphus was Emperour .vi yere This man was erle of Anoxone And this Adulphus was not crowned by the pope for he was slayne in batayll ¶ Albertus was Emperour after hym ·x yere This man was the duke of Astryr fyrste was repreued of the pope after was confermed by the same pope for the malyces of the kyng of Fraunce the whiche was an enmye vnto the chyrche· to the alberte the same pope yaue the kyngdom of FrauÌ„ce as he dyde other kyngdoms But it proffyted not for at the last he was slayne of his neuewe ¶ Clemens was pope after Benedictus almoste .ix. yere and he was a greate buylder of castels and other thynges And he dampnyd the ordre of Templaryes and he ordeyned the seuen booke of the Decretales the whiche be callyd the questyons of Clementyns ¶ And anone after in a counseyle the whyche he helde atte Vyenna he reuokyd the same boke the whiche is successary Iohan called ayen in corporyd it and publysshyd it This Clement fyrste of all popes teanslatyd the popes sette fro Rome to Auinion and whether it was done bi the mocyon of god or by the boldenes of man dyuers men meruaylle ¶ IohnÌ„ the ·xxii was pope after bym .viii. yrre This man was all gloryous as for those thynges that were to be vsed thrugh the actyf lyf And he publysshed the Constytucyons of the clementynes sent theÌ„ to all the vnyuersytees And many sayntes he canonysed these fatte bysshopryches he deuydyd and he ordeyned many thynges ayeÌ„ste the pluralytae of benefyces many herytykes he dampned but whether he was saued or not our lord wolde not shewe to those be louyd very well ¶ Henry the .vii. was Emperour after Albert v· yere this Henry was a noble maÌ„ in warre and he coueyted to haue peas by londe and water He was a gloryous man in batayll And neuer ouercome with enmyes and atte the laste he was poysened of a frere whan that he howselyd hym by receyuynge of the sacramente ¶ Of kynge Edwarde that was kynge edwardes sone ANd after this kyng Edwarde regned Edwarde his sone that was borne att Carnriuan and thys Edwarde wente hym in tho Fraunce and there he spowsyd Isabell the kynges doughter of fraunce the .xxv. daye of Ianuari at the chyrche of our Lady at Boloyne in the yere of our lorde IhuÌ„ Cryste M. CCC vii And the .xx. day of Feuerer the nexte yere that came after he was crownyd solemply att westmestre of the Archebysshop of Caunterbury And there was soo grete presse of people that syre Iohan Bakwell was slayne and murdred And anone as the good kynge Edwarde was deed syr Edwarde hys sone kyng of englonde sent after Pers Ganaston in to Gascoyne so moche louyd hym that he callyd hym brother anone after he yaue vnto hym the lordshyp of walyngforde And it was not longe after that he yaue hym therldom of Cornewaylle ayenst the lordes wyll of englonde ¶ And tho brought syr walter of langton bysshop of Chestre in to pryson durauÌ„ce in the toure of London wyth two knaues alonely hym to serue For the kynge was wrothe wyth hym fore by cause that syre water made complaynt on hym to hys fader wherfore he was put in pryson in the tyme of Troylebaston the for sayde Pers of Ganaston made so grete maystreys that he wente in to the kynges tresory in the abbay of westmestre toke the table of golde with the trestls of the same many other ryche Iewels that somtyme were the noble and good kyng Arthurs toke theÌ„ to a marchauÌ„t that was called ameri of FriscoÌ„bande for he sholde bere them ouer the see in to Gascoyne so he went thens they came neuer ayen after wherfore it was a grete losse to this londe And whan this Pers was rychely auauÌ„syd he became so proude so stowte wherfore all the grete lordes of the reame had hym iÌ„dyspyte for his grete berynge wherfore syr Henry Lacy erle of Nicholl syr Guy erle of warwyk the whyche grete lordes the good kynge Edwarde syr Edwardes fader kyng of Englonde chargyd that Pers of Ganaston sholde not come in to Englonde for to brynge his sone Edwarde in to ryot And all the lordes of
that londe and robbyd it and slewe meÌ„ wymmen chyldren that laye in there cradyls brent also holy chyrche and destroyed crystendome toke bare Englysshe mennys godes as they had ben sarasyns or paynems And of the wyckydnesse that they dyde all the worlde spake of it ¶ How the Scottes wolde not a mende theyr trespasse and therfore Scotlonde was enterdyted SO pope Iohan the .xxii. after saynt Petir herde of the grete sorowe and mâ—che yâ— that the Scottes wrought he was wonder sorye that crystendome was so dystroyed thrughe the Scottes namely they destroyed soâ— holy chyrches wherfore the pope sente a generall sentence vnder his bulles of lâ—ed vnto the Archebysshop of Caunterbury And to tharchebysshoppe of yorke that yf Robert the Brus of Scotlonde wolde not be Iustyfyed make amendes vnto the kynge of Englonde Edwarde theyr lorde make amendes of hys losse of his harmes that they had doon in Englonde And also restore the goodes that they had taked of holy chyrche that the sentence shold be pronouncyd thorughe out alle Englonde And whan the Scottes herde this they wolde not leue theyr malyce for the popes commaundemente wherfore Roberte the Brus. Iamys Douglas and Thomas Radulf erle of Moref and all tho that with theym comyned or them helpe in worde or dede were accursyd in euery chirche thrugh out all Englonde euery day at masse .iii. tymes And no masse shold be songe in holy chyrche thrugh out all Soctlonde but yf the Scottes wolde make restitucyon of the harmes that they hadde made vnto holy chyrche wherfore many a good prest and holy men therfore were slayne thrugh the reame of Scotlonde bycause they wolde not synge masse ayenst the popys coÌ„maundemet ayenst his wyll and to do fulfyll the tyrauntes wyll ¶ How syre Hughe Spensers sone was made the kynges chamberlayne And of the bataylle of Mitone ANd it was not longe after warde that the kynge ordeyned a parlemente atte yorke And there was syr Spensers sone made Chambrelayne And the meane tyme whyle the werre lasted the kynge wente ayen in to Scotlonde that it was wonder for to wytte beseged the towne of Berwyk but the scottes wente ouer the water at Sole wath that was thre myle frome the kynges hoste and pryuely they stole a way by nyght came in to EngloÌ„de robbyd dystroyed all that they myght and sparde no manere thynge tyll that they came vnto yorke whan the englysshmen that were left at home herde thyse tydiÌ„ges all tho that myghte traueyll as well monkê prestes freres chanons seculers came mette wyth the Scotes at Myton vp swale the .xii. day of Octobre Alas for sorowe for the Englysshe husbonde men that coude no thynge of that werre kyllyd drowned in an arme of the see And the cheyftyenes syre wyllyam of Melton Arche bysshop of yorke the abbot of selby wyth there stedes fledde came to yorke and that was theyr owne foly that they had that myschaunce For they passed the water of Swale And the Scottes sette a fyre the staâ—kes of hey and the smote ther of was so huge that the Englysshmen myght not se the Scottes And whaÌ„ the englisshmen were gone ouer the water tho came the Scottes wyth theyr wynge in maner of a shelde and came to warde the EnglyssmeÌ„ in araye And the Englysshemen fledde For â—neth they hadde ony men of armys For the kynge hadde them almoost lost at the syege of Berwyk and the Scottes hobylers went bytwene the brydge and the Englysshmen And whan the grete host them mett the englysshemen fled bytwene the hobylers the gret hoste And the Englysshmen almoost were there slayne he that myght go ouer the water were saued But many were drowned Alas for there were slayne many men of relygyon seculers preestes clerkes with moche sorowe tharchebysshop escaped therfore the Scottes callyd that batayll the whyte batayll ¶ How kynge Edwarde dyde alle manere thynge that syr Hugh Spenser wolde· NOw as kynge Edwarde herde this tydynges he remeued his sege from Berwyk came agayn into Englond But Syr Hugh Spenser that was the kynges Chamberlayne kept so the kynges chambre that no maÌ„ myghte speke with the kynge But he had made with hym a fret for to do alle his nede that ouer mesure And this Hugh bare hym so stowte that all men had of hym scorne and dyspyte and the kynge hymself wolde not be gouerned ne rulyd by no manere of man but only by his fader by hym And yf ony knyghte of englonde hadde wodes maneyrs or londes that they wolde coueyte anone the Kyng must yeue it them or elles the man that ought it sholde be falsly endyted of forfeyt or felony And thrugh suche doynge they dysheryted many a bachelere and so moche londe he gate that it was grete wonder and whan the lordes of enlonde sawe the grete couetyse falsnesse of syr Hugh Spenser the fader of syr Hugh the sone they come to the gentyll erle of lancastre axyd hym of counseyll of the dysese that was in the reame though syr Hugh Spenser his sone in hast by one assente they made pryue asseÌ„ble at shirburneâ— Elmede they made there an othe for to breke dystouble the doinge bytwene the kynge and syr Hugh Spenser and his sone vpon theyr power And they went in to the marche of walys and dystroyed the londe of the forsayd syr hughes ¶ How syr hugh Spenser and his fader were exyled out of Englonde· SO whan kyng Edwarde sawe the grete harme and dystruccyoÌ„ that tho BaroÌ„s of Englonde dyde vnto syre hugh Spensers londe and to his sone in euery place that they came vpon the kynge tho thrugh hys counseyl yll exyled syr Monbraye syr Roger Clyfforde syr Gosselyn Dauyll many other lordes that were to theym consente wherfore the barons dyde tho more harme than they dyde before whaÌ„ the kynge sawe that the barons wolde not sesse of theyr cruelte the kyng was sore adradde lest they wolde dystroy hym his reame for his mayntenauÌ„ce but yf he assented to them And so he sente for theÌ„ by hys letters that they sholde come to London to hys parlement at a certaine daye as in his letters were conteyned they came with thre bataylles well Armyd at al poyntes euery batayl had cotarmours of grete clothe And therof the ryght quarter was yelowe wyth whyte bendes wherfore the parlemente was callyd the parlement of the whyte bende And in the company was syr Hunfrey de bohoune erle of Herford syre Roger Clyfforde syr Iohan Monbray syr Glosselyn Dauyll syr Roger Mortymer vncle of syr Roger mortymer of wygmore syr Henry of Trays syr IohnÌ„ Gyffarde syre Barthylmewe of Badelessemore that was the kynges stewarde that the kynge had sente to Shyrborne in Elmede to the erle of LaÌ„castre and to all that with hym were for to trete
of accorde the hym alyed to the barons came with that company sur Roger Dammory syr Hugh dandale that had spousyd the kynges neces syster syr Gylbert of clare erle of Gloucetre that was slayne in Scotlonde as before is sayd And tho two lordes had tho two partyes of the erldom of Gloucerte sur Hugh Spenser had thyrde party in his wyues half the thyrde syster and tho two lordes wente to the barons wyth all theyr power ayenst syr Hugh theyr brother in lawe And so there came wyth them syr Robert Clyfforde syr Iohan MoÌ„bray syr Goselyn Dauyll syr Roger Mortymer of werk syr Roger Mortymer of wykmore his neuewe syr Henry Trays syre IohaÌ„ Gyffarde syr Barthylmewe of Bardesmore with all theyr coÌ„pany and many other that to them were consent all the grete lordes came vnto westmestre to the kynges parlemente And so they spake dyde that bothe syr Hughe SpeÌ„ser the fader also the sone were out lauwed of englonde for euermore And soo syre Hugh the fader wente vnto Douer and made moche sorowe fell downe vpon the grounde by the see banke a crosse wyth his armes and sore wepynge sayd Now fayr Englonde and good Englonde to almyghty god I the betake And thryes kyssed the grounde and wenyd neuer to haue come ayen· And wepynge cursyd the tyme that euer he begate syr Hugh his sone sayd for hym he had lost all Englond And tho in presence of theÌ„ all that were aboute hym yaue hym his cursee went ouer see to his londes But Hugh the sone wolde not go out of Englonde but helde hym in the see and his company robbyd .ii. dromedores besyde Sandwyth and toke and bare a waye alle the godoes that was in them to the value of .lx. M.li. ¶ How the Kynge exyled erle Thomas of Lancastre and alle that helde with hym and how the Mortymer came and yelded hym to the kynge of all the lordes IT was not longe after that the kynge made syr Hugh Spenser the fader syr Hugh the sone come ayen in to Englond ayenste the lordes wyll of the reame And soone after the kynge with a stroÌ„ge power came and beseged the castel of Ledys and in the castel was the laby of Bladelesmore for cause that she wold not graunt that castell to the quene Isabel kinge Edwardes wyfe but the pryncypall cause was for syr Berthylmewe was ayenst the kynge and helde with the lordes of EngloÌ„de neuertheles the kynge by helpe socoure of men of London also of helpe of Southeren men gate the castel maugre of them all that were with in and toke with them al that they myght fynde And whan the barons of Englonde herde these tidynges syr Roger Mortymer many other lordes toke the towne of Brugge wroth wyth strenth wherfore the kyng was wonder wrothe and lete outlawe Thomas of Lancastre and Vmfroy de Bohoune erle of Herforde and alle tho that were assentynge to the same quarel And the kyng asseÌ„bled an huge host and came ayenst the lordes of Englond wherfore the Mortymers put them in the kynges grace And anone they were sente to the toure of London and there kept in pryson And whaÌ„ the barons herd thys thyng they came to poutfert there that the erle Thomas soiourned and tolde hym how that Mortymers both had yelde them to the kynge put them in hys grace ¶ Of the syege of Tykhyll SO whan Thomas Erle of Lancastre herde thys he was wonder wrothe all that were of there company greatly they were dyscomfyted ordeyned there power togyder and besyeged the castell of Tykhyll But tho that were wyth in manly defended them that the barnos myght not gete the castel and whan the kyng herde that his castell was beseged he swore by god by his names that the lege sholde be remeued assembled an huge power of people wente theder ward to rescowe the castell his power encresyd fro daye to daye whan the erle of Lancastre the erle of Herforde the barons of there coÌ„pany herde of thys thynge they assembled all theyr power wente them to Burton vpon trent kept the brydge that the kyng shold not passe ouer â–ª but it befell so on the tenthe daye of Marche in the yere of grace M.CCC.xxi the kyng the Spensers syr Aymer Valaunce erle of Penbroke Iohan erle of Araundell theyr power wente ouer the water dyscomfyted therle Thomas and his company· And they fled to the castell of Tetbury from thens they went to Pountfret And in that â—yage deyed syr Roger Daumore in thabbay of Thebury And in that same tyme the erle thomas had a traytour wyth hyme that was callyd Robert Holonde knyght that the erle had brought vp of nought had nourysshed hym iÌ„ hys butrye had yeue hym a thousaÌ„de marke of londe by yere And so moche the erle louyd hym that he myght do in the erles court all that hym lyked bothe amonge them hyghe lowe and so craftly the theyf bare hym ayenste his lorde that he trustyd more vpon hym than ony man on lyue and the erle had ordeyned by his letters for to goo in to the erledome of Lancastre to make men aryse to kepe hym in that vyage That is to saye .v. huÌ„dred men of armys But the fals traytour came not there no manere men for to warne ne for to make arayse to helpe his lord And whan that the fals traytour herde tell that hys lord was dycomfyted at Burton vpon Trent as a fals traytour theyf stele a way robbyd in RaueÌ„sdele his lordes men that came fro the scomfyture And toke of them hors harneys and al that they had slewe of them all that they myghte take came yeldyd hym to the kynge ¶ whan the good erle Thomas wyste that he was so bytrayed He was so abasshed sayde to hymself O almyghty good how myght Robert Holonde fynde in hys herteme to betray sythe that I louyd hym so moche O god well maye nowe a man se by hym that no man maye dysceyue a nother rathar than he that he trustyth moost vpon He hath full euyll yelded me my goodnes the worshyp that I haue to hym done and thrugh my kyndnesse haue hym auauÌ„cyd made hym hyghe where that he was lowe And he makyth me go from hyghe vnto lowe but yet shall he deye an euyll dethe ¶ Of the scomfyture of Brurbrygge THe good Erle Thomas of Lancaste Humfroy de Bohoune ele of Herford and the barons that with theym were toke counsell bytwene them at the frre prechers in PouÌ„tfret tho thought Thomas vpon the traytour Roberte Holonde And sayde in repreyf Alas Robert Holonde hath me betrayed and is the red of some euyll shred And by the comyn assent they sholde goo to the castell of Dunstanbrughe the whiche perteyned to therldome of Lancastre that they sholde abyde
her counsell had ordeyned that he sholde haue be doon to deth at London But he was soo feble for hys moche fastynge that he was nygh deed therfore it was ordeyned that he shold haue his Iugement at her forde at a place of the toure hys heed was take from his body also fro Robert Baldok that was a fals pylled clerke the kynges chaunceler And men sette vpon theyr heedys chaplettys of sharpe netles and two squyres blewe in ther eerys with two grete bugle hornes vpon the twoo prysoners that men myght here ther blowen oute wyth hornes more than a myle one Symond of Rydynge the kynges Marshall bare before them vpon a spere ther armys reuersyd in token that he sholde be vndon for euermore And vpon the morowe was syr Hughe Spenser the sone dampned to dethe was drawen hangyd heedyd hys bowels taken out of hys body brent after that he was quartred hys four quarters were sent to the four townes of Englonde his heed sente to London brydge And this Symond for cause that he dyspysyd quene Isabell he was drawen hanged in a stage made a myddes the forsayd syr Hughes galowes And the same daye a lytell from thens was syr Iohan of Arundell be heddyd by cause he was one of syr Hugh spensers counselers And anone after was syr Hughe Spenser fader hangyd and draweÌ„ heedyd at Brystow and after hangyd ayeÌ„ by the armys with two stronge ropes the fourth day after he was hewen all to pecys houndes ete hym And bycause that the kyng had yeuen hym the erldom of wynchestre hys heed was sent thether and put vpoÌ„ a spere And the fals Baldok was sent to London ther he deyed in pryson amoÌ„ge theues for men dyd hym nomore reuerence than they wolde do vnto an hounde And so deyed the traytours of Englond blessyd be almyghty god And it was no wonder for thrughe there couÌ„sel the good erle Thomas of Lancastre was dooÌ„ vnto dethe all that helde with Thomas of Lancastre thrugh the traytours were vndone all theyr heyres dysheryted ¶ How kynge Edwarde was put downe and his dygnyte take from hym ANd anone after as all this was doone the quene Isabell and Edward her sone and all the grete lordes of Englonde at one assente sente to kynge Edwarde to the castell of Kenylworth there as he was in kepyng vnder the warde of syr Iohan Hachin that was the bysshop of Ely and of syr Iohan of Pereye a baron for bycause that he shold ordeyne hys parlement at a certayne place in Englond for to redresse amende the state of the reame And kynge Edwarde them answerde sayde Lordes sayd he ye se ful well how it is Lo here my seale I gyue to you all my power for to calle and ordeyne a parlement where that ye wyll ¶ And thenne they toke theyr leue of hym came ayen to the barons of EngloÌ„de And whan they hadde the kynges Patent of this thynge they shewed it to the lordes And tho was ordeyned that parlemente sholde be at westmestre at the Vtas of saynt Hylary And all the grete lordes of Englonde lete ordeyned theym there ayenst that tyme that the parlement sholde be And at whiche daye the parlement was the kynge wolde not come there for no maner of thynge as he had sete hyÌ„ self assygned And neuertheles the barons sent vnto hym oo tyme and other And he swore by goddys souie that he wolde not come there oo fote wherfore it was ordeyned by all the grete lordes of Englonde that he sholde no lenger be kynge but be depesed And sayd that they wolde crowne Edwarde his sone the elder that was the duke of Guyhenne And sent tydynges vnto the kynge there that he was in warde vnder syr Iohan Erle of Garen syr IohnÌ„ of Bothun that was bysshop of Ely syr Henry Percy a baron syr wyllyaÌ„ Trusell a knyght that was with the Erle syre Thomas of Lancastre â— for to yelde vp there homages vnto hym for all them of Englonde ¶ And syr wyllyam trussell sayd thyse wordes ¶ Syr Edwarde for cause that he haue trayed your people of Englonde haue vndone many grete lordes of Englonde without ony cause ye shal be deposyd now ye be with stand thankyd be god And also for cause that ye wolde not come to the parlemeÌ„t as ye ordeyned att westmestre as in your letter patent is conteyned for to treate wyth your owne lyege men as a kynge sholde And therfore thrughe al the comyns assente all the lordes of Englonde I tell vnto you these wordes â–ª ye shalâ—e vnderstoÌ„de syr that the barons of Englond at one assente wyll that ye be no more kynge of Englonde but vtterly haue put you out of youre ryalte for euer more And the bysshop of Ely sayd tho to the kynge syr Edwarde I yelde vp feaute homage for alle the Archebisshops and bysshops of Englonde for all the clergy Tho sayd syr Iohan erle of Garenne syr Edwarde I yelde vp here vnto you feaute homage for me and for alle the erles of Englonde ¶ And syr Henry Percy yaue vp also his homage for hym for al the barons of Englonde And tho sayde syr wyllyam Cruscell I yelde vp nowe vnto you myn homage for me also for all the knyghtes of Englonde for all them that holde by seryauÌ„tre or by ony other thynge of you so that from thys daye after ye shall not be clamyd kynge nother for kyng be holde for a synguler man of all the people ¶ And so they weÌ„te thens to London that the lordes of Englonde them abode and syre Edwarde abode in pryson in good kepynge And thys was on the daye of the Conuersyon of saynt Poule in the .xx. yere of his regne ¶ Of the prophecye of Merlyn declared of kynge Edwarde the sone of kynge Edwarde the fyrste OF this kyng Edwarde prophecyed merlyn sayd that there sholde come a gote â—t of Carre that sholde haue hornes of syluer aberde as white as snowe And a drope sholde come out of his nosethrylles that sholde betoken moche harme Hungre dethe of people grete losse of his londe And that in the begynnynge of his reyge sholde be hauÌ„ted moche lechery And he sayd sothe alas the tyme For kynge Edwarde that was kyng Edwarde sone was borne att Carnaryuane in walys for sothe he hornes of syluer a berde as whyte as snowe whan he was made prynce of walys to moche he yaue hym to ryot and to foly And so moche Merlyn in hys prohhecye that there sholde come out of his nose a drope For in hys tyme was grete hungre amonge the poore people stroÌ„ge deth amonge the ryche that deyed in straunge londe wyth moche sorowe in were in Soctlonde And after he loste Scotlonde Gascoyne and whyle that hymselfe was kynge there was moche lechery
the kynges brother of Englonde and syr IohnÌ„ of Henaude and syr Roger Mortymer of wygmore and syr Thomas Rocelyn and syr Iohan of Cromwell and syr wyllyam Trussell and many other of the alyaunce of the gentyll erle Thomas of Lancastre that were exyled out of Englonde for his quarel and were dysheryted of theyr londes ordeyned them a grete power and arryued at Here with in South folke And soone after they pursewed the Spenseâ—s tyll that they were takeÌ„ put pyteuous dethe as before is sayd and theyr coÌ„pany also for the grete falsnes that they dyde to kynge Edwarde to his peple ¶ And Merlyn sayd also more that the gote sholde be put in grete distresse and in grete angusshe and in grte sorow he sholde be lede his lyf and he sayd sothe For after the time that kyng Edwarde was take he was put into warde tyll that the Spensers were put to deth and also bycause that he wolde not come vnto his parlement at London as he had ordeyned and assygned hymselfe vnto hys baronage and also wolde not gouerne and rule his people ne his reame as a kynge sholde doo Wherfore some of the barons of Englonde came and yelde vp ther homages vnto hym for theym al the other of the reame in the daye of the coÌ„uersyon of saynt Poule in the yere of his regne .xx. And they put hym out of hys ryaltee for euermore And euer lyued afterwarde in moche sorowe and anguysshe LOdowicus was Emperour after Henry fourâ— yere this Lodowicus was duke of Banare and he dyspysed the coronacioÌ„ of the pope wherfor the pope hyÌ„ moche labour deposyd many perylles he had aft he trowbled gretly the vnyte of holy chyrche And theÌ„ was chosyn ayenst hym Frederyk the duke of Ostryche and he ouer came the duke abode a rebelyon to hys ende and in grete peryll to hys soule And at the last Karolus was chosyn ayenst hym the whiche preuaylled and sodenly Lodowic fell downe of his hors and dyscessyd ¶ IohnÌ„ Mandeuyll a douctour of physyk a knyght borne was in Englonde abowte thys tyme. And he made a merueyllous pylgrymage For he went almoost abowte all the worlde And he wrote his dedys in thre langages and decessyd· and was buryed at Saynt Albons ¶ Benedictus the .xxii. was pope after IohnÌ„ .vii. yeres and more thys man was a monke and in all his ynogthe he was of good conuersacyon and a doctour of dyuinite And whan he was made pope he refourmed thorder of saynt Benet in that thynge that was nescessary he was a harde man to graunt benefyces lest he had grauÌ„tyd it to an vncunnynge man he made a decretall the whiche began Benedictus deus in donis suis And he was very cruel in fayth for that of sommen lytyll louyd he was so stoute a man that almoost he wold not knowe his owne cosyns ¶ Anno dmÌ„ M.CCC.xxii ¶ Of kynge Edwarde the thyrde after the Conqueste ANd after this kyng Edwarde Carnariuan regned syr Edwarde of wyndsore his sone the whyche was crowned kyng anoynted at westmestre thrugh couÌ„sell consent of all the grete lordes of the reame the Sondaye in Candelmasse eue in the yere of grace M.CCC.xxvi that was of aege at that tyme but .xv. yere And for cause that hys fader was in warde in the castell of Kenilworth also was put downe of his ryaltee the reame of EngloÌ„de was without kyng from the feest of saynt Katheryn from the yere aboue sayd to the feest of Candelmasse And tho were all manere plees of the kynges bynche astente And tho was coÌ„mauÌ„ded to all the Shyrefs of Englonde thrughe wrytte to warne the partyes to defendauÌ„tys thrugh somnynge ayen And also ferthermore that all prysoners that were in the kynges gayolles that were attachid thrugh Shyrefs sholde be lete go quyte ¶ The kynge Edwarde after hys coronacyon at the prayer besechynge of his lyege of the reame grauÌ„tyd them a chartre of stedfast peas to all them that wolde it axe And syr Iohnn of Henaude and hys company toke his leue of the kynge of the lordes of the reame tornyd home to theyr owne couÌ„tre ayen And eche of them hade full ryche yeftes euery men as he was of value estate ¶ And tho was Englond in rest peas grete loue bytwene the kyng hys lordes And comynly englysshmen sayd amonges them that the deuyll was dede but the innumerable tresour of the kyng his fader the tresour of the Spensers both of the fader of the sone and of the erle of Arundell and of mayster Robert Baldok that was the kyngê chauÌ„celer was departyd after the quene Isabelles ordynaunce syr Roger Mortymers of wygmore so that the kynge hadde noo thynge therof but at her wyll her delyuerrauÌ„ce ne of theyr loÌ„des as afterwarde ye shall here ¶ How kynge Edwarde weÌ„te vnto staÌ„thop for to mete the scottes ANd yet in the same tyme was the Kynge in the castell of kenilworth vnder the kepynge of syr Henry that was erle Thomas of Lancastres broder that tho was erle of Leycetre And the kynge grauÌ„tyd hym the erldome of Lancastre that the kyng his fader had seasyd in to his honde put out Thomas of Lancasters broder so was he erle of Lancastre of Leycetre and also Stywarde of Englonde as hys broder was in his tyme But syr Edwarde that was kyng Edwardes fader made sorowe wythout ende by cause he myght not speke wyth hys wyf ne with his sone wherfore he was in moche myscheyf For though it was so that he was ledde rulyd by fals counseyll yet he was kyng Edwardâ— sone callyd Edwarde with the longe shankys and came out of the worthyest blood of the worlde and they to whom he was wonte to yeue grete yeftes large were most pryue with the kyng hys owne sone they were his enmyes bothe nyght daye procured to make debate contake bytwene hym hys sone Isabell his wyf But the frere prechers were to hym gode freÌ„des euer more cast both by nyghte by daye how they myghte brynge hym out of pryson And amonge theyr company that the freres had priuely brought ther was a frere that was callyd Dunhened â— and he had ordeyned gadryd a grete coÌ„pany of folke to kepe att that nede but the frere was taken put in 〈◊〉 of Pountfret there he deyed in pryson syr Henry erle of Lancastre that hadde the kynges fader in kepynge thrugh coÌ„mauÌ„demeÌ„te of the kynge delyuered Edwarde the kynges fader by endeÌ„ture of syr Thomas of Berkelay And so syr IohnÌ„ Matreuas they ladde hym from the castell of kenylworth to the castell of Berkelay kepte hym there saufly ¶ And att Ester next after his coronacyon the kynge ordeyned a grete huge host for to fyght ayenst the Scottes And syr IohnÌ„ the erles brother of Henaue came
from beyonde the see for to helpe kynge Edwarde brought wyth hym .vii. C. men of armys arryued att Douer they had leue for to go forth tyll they came to yorke There the kynge them abode and the Scottes came thether to the kynge for to make peas accorde but the accordement lasted not bytwene them bat a lytyll tyme And at that tyme the Englysshmen were clothed al in cotes hodes paynted with letters and with floures ful semely with longe berdes therfore the Scottes made a byl that was fastenyd vpon the chyrche doores of Saynt Petyr towarde stangate thus sayd the scrypture in dyspyte of Englysshemen Longe berdes hertles prynted hodes wytles gay cotes graceles makyth EngloÌ„de thryftles SO in the Trinyte daye next after began the contak in the cyte of yorke bytwene the Englysshmen the Henaudes in the debate were slayne of the erldom of Nicholl murdred lxxx men after they were buried in saynt clementis chyrche in Folgate for cause that the Henaudes came to helpe the kyng there peas was â—ryed vpon payne of lyf lymme in that other halfe it was founde by an enquest of the cytye that the Englysshmen began the debate ¶ How the EnglysshmeÌ„ stoppyd the Scottes in the parke of Stanope and howe they torned ayen into Scotlonde THys tyme the Scottes had assembled all theyr power came into Englonde slewe robbyd all that they myght take brent dystroyed all the North couÌ„tree thrugh out tyll that they came vnto the parke of Sâ—aÌ„hope in weridale there the Scottes helde theym in a bussment but whaÌ„ the kyng had harde thorou spyes where the Scottes were anone ryght hoste desegyd them within the forsayd parke so that the scottes wyst not where to go out but only vnto ther harmes And they abode in the parke .xv. dayes vytaylles faylled them in euery syde so that they were gretly peyred of bodyes syth that Bruce came fyrst into Brytayne vnto thys tyme there was neuer seen so fayre an hoste what of Englysshmen of alyaÌ„ces of men of fote the whyche ordeyned theym for to fyght wyth the Scottes thrugh eggynge of syr Henry of Lancastre of syr Iohan Henaude that wolde haue gone ouer the water of wyth for to haue fought with the â— Scottes But syr Roger Mortymer coÌ„sentyd not therto for he had pryuely taken mede of the Scottes them to helpe that they myght go away into theyr owne couÌ„tre ¶ And this same Mortymer counseylled somoche Thomas of brotherton the erle Marshall that was kynge Edwardes vncle that the forsayd Thomas shold not assemble at the tyme vnto the Scottes And he assentyd but wyste not the doynge bytwene the Scottes the forsayd Mortymer And by cause that he was Marshall of Englonde as to hym perteyned euer after warde he sent hastely to the erle of Lancastre to syr IohnÌ„ of Henaude that they sholde not fyght with the Scottes in preiudyce and harmynge of hym his fee yf they dyde that they sholde stonde to theyr owne paryll And the forsayd erle Marshall was all arayed with his batayll att the reredoos of the erle of Lancastre for to haue fought with hym with his folke yf he had go to fyght wyth the Scottes in thys manere he was deceyued wyste no thynge of the treason And thus was the kyng pryncypally dysceyued And whan it was nyghte Mortymer that had the watche for to kepe of the host that nyght distrobled the watche that noo thynge myght be done And in the meane whyle the Scottes stele by nyght to ward theyr owne couÌ„tre as fast as they myght ¶ And so was the kyng fasly betrayed that wenyd that alle the traytours of londe had ben brought to an ende as it was sayd before ¶ Now here you lordes how tratoursly kyng Edwarde was dysceyued how meruayllously boldly the scottes dyde of werre For Iames douglas wyth two huÌ„dred men of armys rode thrught out all the host of kyng Edwarde the same nyght the Scottes escaped towarde theyr owne couÌ„tree as is aboue sayd tyl that they came to the kyngê pauylyon slew there many men in theyr beddes cryed Naward naward and nother tyme a Douglas a Douglas wherfore the kyng that was in hys pauylyon moche other â—â—lke were wonder sore a frayed But blyssyd be almyghty god the kynge was not taken in greto peryll was tho the reame of Englonde and that nyghte the mone shone full clere and bryghte And for all the kynges men the Scottes scapyd harmeles ¶ And oon the morowe whan the kynge wyste that the Scottes were escapyd in to theyr owne couÌ„tree he was wonder sory and fulle hertely wepte wyth hys yonge eyne and yet wyste he not who hadde hym doone that treason· ¶ But that fals treasone was fulle welle I knowen a good whyle after as the storye makyth mencyon ¶ Tho kynge Edward came ayen vnto yorke full sorowfull And hys host departyd and euery man wente in to his owne countree wyth full heuy chere mornynge semblaunt And the Henaudes toke theyr leue and went in to theyr owne countree And the kynge for theyr trauayll hugely rewarde them ¶ And for bycause of that vyage the kynge had dyspended moche of his tresoure and wastyd And in that tyme were seen two moones in the fyrmament the one was clere that other was derke â–ª as men myghte see thrugh the worlde ¶ And a grete debate was that same tyme agaynst pope Iohan the .xxii. after saynt Petyr the emperour of Almayn tho made hym emperour ayenst the popys wyll that tho helde hys see at Auinyon werfore the emperour made hys crye at Rome ordeyned a nother pope the hyght Nycholas that was a frere Mynor that was ayeng the ryght of holy chyrche wherfore he was cursyd the power of that other pope soone layed And for cause that suche merueylles were seen men sayde that the worlde was nygh at an ende ¶ Of the dethe of kynge Edwarde of Carnaryuan ANd now go we ayen to syr Edwarde of Carnaryuan that was kynge Edwardes fader somtyme kynge of Englonde put downe of hys dygnyte Alas for his trybulacyon sorowe that hym befell thrugh fals counsell that he louyd trustyd vpon to moche that after warde were dystroyed thrughe theyr falsnesse as god wolde ¶ And this Edward of Carnariuan was in the castel of Berkelay vnder the warde kepynge of syr Moryce of Herkelay also of syr IohnÌ„ Matreues to them he made his complaynte of hys sorowe of his dysesee ofte tymes axyed of his wardeyns what he had trespassyd ayenst dame Isabell hys wyf and syr Edwarde his sone that was made newe kyng that they wolde not vysyte hym ¶ And tho answerde one of hys wardeyns and sayd My worthy lord dyspleyse you not that I shal telle you the cause is for it is doon them to vnderstonde
saynt Thomas of LaÌ„castre after the suggestioÌ„ that the forsayd erle of Kent hadde vnto hym made And whan this Edmonde saw that he myght not spede of his purpos as touchynge the traunslacion He prayed hyÌ„ of couÌ„sell as touchynge syr Edwarde of Carnariuan hys brother sayd that not longe agon he was kynge of Englonde what thynge myghte beste be done as touchynge his delyuerauÌ„ce sythe that a comune fame was thrugh Englonde that he is alyue hole sauf whaÌ„ the pope herde hyÌ„ tell that syr Edwarde was alyue He coÌ„mauÌ„ded the erle vpoÌ„ his blyssynge that he sholde helpe with all the power that he myght that he were deliuered out of pryson saue his body in all manere that he myght And to brynge this thynge to an ende he assoyled hym his coÌ„pany a pena et culpa all that to his delyuerauÌ„ce Tho toke Edmond of wodstok his leue of the pope came ayen into EngloÌ„de whaÌ„ syr Edmonde was come some of the frere prechers came sayd that syr Edwarde his brother yet was alyue in the castell of Corf vnder the kepynge of syr Thomas Gurnay tho sped hyÌ„ the forsayd Edmonde as fast as he myght tyll he came to the castel of Corf acquaynted hym spake so fayre to IohnÌ„ Dauerel that was conestable of the same castell yaue hym ryche yeftes for to haue acquayntaunce of hym to knowe of his couÌ„sell And thus it befel that the forsayd Edmonde prayed specyally to tel hym pryuely of his lorde his brother syr Edward yf that he lyued or were deed yf he were alyue he prayed hym ones to haue a syght of hym And this syr IohnÌ„ Daueryl was a hygh herted maÌ„ ful of courage answerde shortly to syr Edmond sayd that syr Edwarde hys brother was in helth vnder hys kepynge durst not shewe hym vnto no man syth it was defended him in the kyngys halfe Edwarde that was Edwardes sone of Carnuariuan also by the coÌ„maundement of quene Isabel the kynges moder of syr Roger Mortymer that he sholde shewe hys body to noo maÌ„ of the world sauf only to theÌ„ vpoÌ„ lyf lymÌ„e disherytynge of his heyres for euer more But the fals traytour falsly lyed For he was not in his warde but was take theÌ„s and lad to the castell of Berkeley by syr Thomas of gurney by the coÌ„mauÌ„demente of Mortymer tyll he was dede as before is sayd But syr Edmonde of wodstok wyst no thynge that syr edwarde his brother was deed wherupon he toke a letter vnto kyng Edward his brother as to his worthy lorde receyued the letter of hym and behyght hym ryght faythful to do his message without fayll And with that syr Edmonde toke leue of the forsayd IohnÌ„ and yede into his owne couÌ„tre lordshyp in kent that he had there Anone as this same Iohan wist that syr Edmonde was gone into Kent his owne lordshyp anone he went in all the hast that he myght fro the Castell of Corf came vnto syr Roger Mortymer and toke hym the letter that syr Edmond of wodstok erle of Kent had taken hym closyd and ensealed with his owne seale And whan syr Roger Mortymer had receyued the letter he vnclosed it and sawe that was conteyned therin began it to rede wherof the begynnynge was this ¶ Worshyppes and reuerence wyth brother alyegaunce subieccyon syr knyÈt worshypfull dere brother â— yf it you please I praye you hertely that ye be in gode coÌ„forthe for I shall soo ordeyn for you that ye shall come out of prysoÌ„ be delyuered of that dysese that ye ben in and vnderstondyth of your grete lordshyp that I haue to myn assentynge all moost all the grete lordes of Englonde wyth all theyr apperyll that is to say wyth armour with tresour wythout nombre for to mayntene your quarell so ferforth that ye shall be kynge agayn as ye were before and that they haue sworne to me vpon a boke and aswell prelates as erles and barons ¶ Whan syr Roger Mortymer saw vnderstode the myght and the strenth of the letter anone his hert for wrathe began to boll and euyll herte bare to ward syr EdmoÌ„de of wodstok that was erle of kent and wyth all the hast that he myght he wente vnto dame Isabell the quene that was the was the kynges moder shewed her syr Edmonds letter his wyll and his purpose and how that he had coniected ordeyned to put downe kynge Edwarde of wyndsore her sone of his ryalte and of his kyngdome Nowe certes syr Roger sayd she hathe syr Edmonde done so now by my faders soule sayde she I wyll be therof auenged yf that god graunte me lyf and that in a shorte tyme. And with that quene Isabell wente vnto kynge Edwarde her sone there he was att the parlemente at wynchestre to haue amende the wrongys and the trespasses that were done amonge the people of hys reame tho she toke and shewed hym the letter that syr Edmond of wodstok had made and ensealed with hys owne seale and badde hym vpon her blessynge that he sholde be auengyd vpon syr edmond as vpon his dedely enmye Tho was the quene sore wrothe to warde syr Edmonde erle of Kente And sessyd neuer to praye vntyll her sone tyll that he had sente in all the hast after hym And vpon that the kynge sent by hys letters after syr Edmoode of wodstok that he sholde come speke wyth hym att wynchestre all manere thinge left And whan syr edmond sawe that the kynge sente after hym wyth hys letters ensealed ye hastyd hym in alle that he myghte tylle that he came to wynchestre ¶ But whan the quene wyst that syr Edmonde was come to wynchestre tho anone she prayed and so faste wende vnto kynge edwarde her sone that the good erle was arested anone and ladde vnto the barre before Robert of Hamonde that was Coroner of the kynges housholde And he assocyed vnto hym syr Roger Mortymer And tho spake the for sayd Roger and sayde syr edmonde erle of Kent ye shall vnderstoÌ„de that it is done vs to wyte and pryncypally vnto our lyege lorde the kynge edwarde of englonde almyghty god hym saue and kepe that ye be his deedly enmye and a traytoure and also a comune enmye to the reame and that ye haue ben aboute many a day For to make pryue delyueraunce of syr edwarde somtyme kynge of englonde your broder the whiche somtyme was put downe of hys ryaltee by the comyn assent of the lordes of englond in peasynge of our lorde the kynges estate and also of his reame ¶ Tho answerd the good man and sayd For soth syr vnderstonde well that I was neuer traytoure to my kynge ne to the reame that I doo me on god and on all the worlde therfore by my kynges leue I shalle it preue defende as a man ought for to do ¶ Tho sayde Mortymer
commaūde hym in my name that he be your frende and youre helpe for to take the mortymer al thynge yleft vpon peryll of lyf lym̄e ¶ Tho sayd Mountagu Syr my lorde graunt mercy ¶ Tho wente forthe the forsayd Mountagu and came to the Conestable of the castell and tolde hym the kynges wyll ¶ And he answerde and sayde· The kynges wyll sholde be doone in as moche as he myghte and that he wolde not spare for no manere of dethe And that he swore and made his othe ¶ Tho sayde syr wyllyam of Moūtagu to the constable in herynge of them alle that were helpynge to the same quarell Now certes dere frende vs behouyth to werke do by your aduys for to take the Mortymer syth that ye be keper of the castell and hath the keyes in your warde ¶ Syr sayd the Constable wyll ye vnderstonde that the castell yates ben lockyd with the keyes that dame Isabell sent hyther and by nyght she hath the keyes ther of and layeth them vnder the lursell of the bedde vnto the morowe and so ye maye not come in to the castell by the yates by no manere of wyse But I knowe an aleye that stretchythoute of the warde vnder the erthe in to the for sayde castell that gothe in to the weste whiche aleye dame Isabel the quene ne none of her men ne the Mortymer ne none of his company knowith it not And so I shall lede you thrugh the aley so ye shall come in to the castell withoute aspyenge of ony man that are your enmyes And the same nyghe syr wyllyam Mountagu all the lordes of his quarell the same Constable also went theym to hors made semblaūt as it were for to go out of Mortymers syght But anone as Mortymer harde thys tydynges he wende that they wolde haue gone ouer see for fere of hym ¶ And anone ryght he his cōpanye toke a coūseyll amonge theym for to lete theyr passage snetelletters anone to the porters so that none of the grete lordes sholde go home to theyr owned coūtrees but yf they were arested take And amonge other thynges wyllyam Elande Conestable of the for sayd castell pryuely ladde syre wyllyam of Mountagu hys company by the for sayd waye vnder the erth tyll they came in to the castell went vp in to the toure that Mortymer was in But syr Hughe of Trompynton theym ascryed hydously and sayd a traytours it is all for nought that ye ben comyn in to this castell ye shall deye yet an euell dethe euerychone And anone one of theim that was in Mountages company vp wyth a mace and smote the same Hugh vpon the heed that the brayne braste out and fell on the grounde and soo was he deed of an euyll deth ¶ Tho toke they mortymer as he armyd hym at the toures dore whan he herde the noyse of theym for drede ¶ And whan the quene Isablell sawe that the Mortymer was taken she made moche sorowe in herte thyse wordes vnto theym she sayd Now fayre syres I praye you that ye doo noo harme to his body a thy knyght our welbeloued frende and our dere cosyn ¶ Tho wente they thens and came and brought Mortymer and presentyd hym vnto kynge Edwarde he commaunded to brynge hym in saue warde ¶ But anone as they that were consentynge vnto mortymers doynge herde tell that he was taken they wente hydde them and pryuely by nyght wente out of the towne eche one his waye with heuy herte and mornynge chere lyued vpon theyr londes as well as they myghte ¶ And that same yere that Mortymer was take He hadde .ix. score knyghtes without quyres and sergaūtes of armys fote men And then̄e was mortymer ladde to London and syr Edmonde of Bedforde was ladde wyth hym and was taken to the constable of the toure to kepe ¶ But after warde was the Mortymers lyfe examyned at westmestre before the kynge and before all the geate lordes of Englonde for peryll that myght falle to the reame And to enquer◠also whiche were consentynge to syr Edwardes dethe the kynges fader also thrugh whome the Scottes escaped fro Stanhope in scotlonde without leue of kynge Edwarde And also how the chartre of ragman was delyuered vnto the Scottes them the homages and feautees of the lordes of Scotlōde were conteyned that the Scottes sholde doo euer more to the Englysshe kynge for the reame of Scotlond wherfore he was Iugyd to be drawen and hangyd for his treason And this myscheyf came vnto hym on saynt Andrewes euen In the yere of the Incarnacyon of our lorde Ihesu cryste M.CCC.xxx ¶ Howe kynge Edwarde gate ayen vnto hym gracyously the homages and feautees of Scotlonde wherof he was put oute thrughe the false counseyll of the quene Isabell his moder syre Roger Mortymer that was newely made Erle of Matche NOw haue ye herde how Iohan Bayllol in the tyme of peas was chosen to be kynge of Scotlonde for cause that he came of the eldest doughter of the Erle Dauyd of Huntyngton that was kynge Alysanders broder of Scotlond that deyed without heyre of hys body begoten And how this Iohan made his feaute and homage to kynge Edwarde Henryes sone the thyrde for his londes of Scotlonde And how he afterwarde with sayd hys homage thrugh counseyll of the Scottes in the yere of our lorde ·M CC.lxxiiii and sente vnto the pope thrugh a fals suggestyō that he made hys othe vnto the forsayd kynge Edwarde ouer hys estate and his wil of the whyche othe the pope hym assoyled thrughe hys bullys to hym ysent ¶ And anone as kynge Edwarde wyst therof he ordeyne anone hys barons and came vnto Berwyk and cōquered the towne at the whyche conquest there were slayne .xxv. thousande .vii. hundred Bayllol that was kyng of Scotlond came yeldyd hym to gode kynge Edwarde the kyng delyuered hym out of the toure of London and all the grete lordes with hym that tho were taken at Berwyk yaue theym saufconduyte to goo into Scotlonde And the Scottes sythe thrugh theyr falsnesse warred vpon the good kynge Edwarde And whan syr Iohan Bayloll kynge of Scotlonde sawe all this he wente ouer see vnto Dunpier and lyued there vpon hys londes as well as he myght tyll that the Scottes wolde amende theym of theyr mysdedys and trespaas and ladde with hym syr Edwarde his sone wherfore the Scottes in dyspyte of hym callyd hym syr Iohan Turnlabard for bycause that he wolde not ne offend ne trespaas ayenst the good kynge Edwarde of Englonde And soo he for soke hys reame of Scotlonde and sette therof but lytyll pryce And this syr Iohan dwellyd longe tyme in Fraunce tyll that he deyed there syr Edward his sone receyued hys herytage and dyde homage to the kynge of Fraunce for his londes of Dunpier And so it befell afterwarde that Edward that was Iohan Bayllols sone had with hym a squyre
of Englond that was in yorke shyre that was callyd Iohan of Barnaby and this Edwarde Bayllol louyd hym moche and was nyghe hym full preuy And so this IohnÌ„ of Barnaby was in debate with a Frenche man in the towne of Dunpier so he slewe hym and wente hys way in all the haste that he myghte in to the castell For to haue socoure and helpe of hys lorde And anone came offycers of the towne to take IohnÌ„ of Barnaby as a felon and syr Edward his lorde holpe hym and rescowed hym and by nyght made hym go out of the castell and so he went hys waye and came in to Englonde withoute ony harme ¶ And whan the kyng of fraunce saw that syr Edwarde had rescowed his felon He became wonder wrothe ayenst syr Edward anone lete hym arestyd and toke into hys hondes all his londes Tho dwellyd syr â— Edward in pryson vnto the tyme that syr Henry of Beaumount came into fraunce the whiche Henry somtyme was erle of Anguysshe in Scotlonde and was put out therof whan chacordement was bytwene Englonde and Scotlond thrugh the quene Isabell and syr Roger Mortymer and theyr company for the moryage that she made bytwene Dauyd that was Roberte Brus sone and dame Iohanne of Tour kynge Edwards syster of Englond well vnderstonde thys that att the ende he sholde come to his ryght but yf it were syre Edwarde Baylloll that was ryght heyre of the reame of Scotlonde ¶ And the kyng of fraunce Lowys louyd moche this syr Henry And he was wyth hym full preuy and thought for to make a delyueraunce of syr Edward Baylloll yf he myghte in ony maner of wyse ¶ Tho prayed he the kynge that he wolde of his grace gauÌ„t hym syre Edwarde Bayllols body vnto the nexte parlement that he myght lyue with hys owne rentes in the meane tyme and that he myghte stonde to be Iugyd with his perys att the parlement And the kynge grauntyd hym his prayer and made the forsayde Edwarde to be delyuered out of pryson in the manere aboue sayd And anone as he was out of pryson syr Henry toke hym forth with hym ladde hym in to englonde and made hym dwelle pryuely att the manere of Sandhall vpon Ouse in yorke shyre with the lady Vescy And soo he ordeyned hym there an huge retenewe of Englysshmen and also of alyuntes for to conquere ayen his herytage and so he yaue moche syluer vnto the souldyours and alyauntes for to helpe hym â— And they behyght for to helpe hym in that they myght but they faylled hym att hys moost nede ¶ And at that tyme Dauyd erle of Moryf herde tell how that syr Edward Bayloll was pryuely come into englond And came to hym and made wyth hym gerte Ioye of his comynge and sayd vnto hym and behyght hym that all the greate lordes of Englonde sholde be to hym entendaunte sholde hym holde for kynge as ryght heyre of ScotloÌ„de and dyd to hym feaute· ¶ Tho came syr Henry of Beaumonte to kynge edwarde of Englonde And prayed hym in the waye of charyte that he wolde graunt of his greate vnto syr Edwarde Baylloll that he myghte sauâ—ly goo by londe frome Sandhall vnto Scotlonde to conquere hys ryght herytaunce in Scotlond ¶ The kynge answerde sayde yf that I suffre Bayllol go thrugh my londe in to Scotlonde thenne the people wolde saye that I shold be assentynge vnto the company ¶ Now syr I praye you that ye wolde yeue hym leue to take with hym souldyours of Englysshmen that they myght saufly lede hym thrugh your londe to Scotlonde And syr vpno thys couenaunte that yf it so befall as god it for bydde that he dyscomfyted in bytayll thrugh the Scottes that I and also al the lordes that holde with Bayllol ben for euer more out of our rentes that we haue in englonde And there the kynge vppon this couenaunte grauntyd theyr bone as towchynge hym and tho that were of the same quarell the whiche claymed for to haue londes and rentes in the reame of Englonde And thyse were the names of tho lordes that pursued this for sayd matere and quarell ¶ That is to saye syr Edwarde Bayllol the whiche chalengyd the reame of Scotlonde syr Henry Beaumonte erle of Angusshe syr Dauyd of Stroboly erle of a theles syr Geffray of Mombraye walter Comyn and many other that were put out of theyr herytage in Sctlonde whan the peas was made bytwene Englonde and Scotlonde as before is sayde And ye shall vnderstonde that thyse lordes tooke with theym fyue houndred men of armes and two thousande Archers of fote men and tho wente in to shyppe at Rauen pore sayled by the see tylle that they came vnto Scotlond and came to londe at Kynkehorne .xii. myle fro saynt Iohannes towne And anone sent out there shyppes agayne for that they shold not be hurte ne empeyred neyther taht no man sholde go in to the shyppes agayne thoughe that they had nede but abybe all perylles and not flee but stonde and rather suffre deth than flee for to mayntene their true quarell whan the erle of Fyffe a fyers man a sterne harde that Bayllol was come for to taste the londe of Scotlond he came in hast to Kynke horne with ·iii thousand Scottes for to dystroye hym that he shold not come to londe But syr Edwarde Bayllol and his company there hym dyscomfyted at the whiche dyscomfyture syr AlysaÌ„der Seton was there slayne many other The Erle of Fyffe was thâ— sore and full euyll ashamyd that so lytyll a coÌ„pany had hym dyscomfyted and shamefully put hym and all his company that were alyue for to flee ¶ Tho came syr Edwarde Bayllol and toke the cooÌ„ tree all aboute hym tyll he came vnto the abbay of DuÌ„fermlin and ther he founde vytaylles for hym and for his folke amonge all other thynge he founde in a chambre aboute fyue houndred of grete staues of â— fyne oke with longe prykes of yren and of stele And he toke them delyuerd them to the moste stroÌ„gest men of his companye And anone after he yede fro thens And lodged hym in a felde .ii. myles from saynt IohaÌ„nes towne And whan the burgeys of the towne herde how the erle of Fyffe was dyscomfyted thrughe Baylloll brake the brydges that they had made ouer the water of Erne so that Bayllol myght not go ouer wherfore he lodged hym there all that nyght but lytyll hede he toke of reste and sayde vnto his people Now dere lordes ye know full well that ben now lodged bytwene our enmyes and they maye vs hampre there is noo bote but dethe wherfore yf we abyde stylle all this nyght· I wene it shall torne vs to moche harme For the power of Scotlonde may euery wexe and encrece and we maye not so doo And we ben but lytylle people ayenste theym wherfore I praye you for the loue of almyghty god make we vs bolde
that other they muste fyght or be drenched And so whan all other worthy meÌ„ and of the see costes fast by wynchelse romeny were gadred togyder and our nauye shyppes al redy to the warre the Englysshemen mette manly and strongly wyth theyr enmyes comynge fyersly ayenst them ¶ And whan the Spayns vessels nauye were closed all about there men myght se stronge batayll on both sydes longe duryng in the whiche bataylle was but fewe that faught but they were rytously hurte And after the batayll there were .xxiii. shyppes taken soo the Englysshemen had the better And in the nexte yere folowynge of hys regne that is to say the xxvi yere the kynge thrugh hys counseyll lete ordeyne and make hys newe money that is to saye the peny the grote value of .iiii. pens and the halfe grete of .ii. pens But it was of lesse weyght than the olde sterlynge was be .v. shels in the pounde ¶ And in the .xxvii. yere of his regne was the grete derth of vytayls that whiche was called the dere somer And the .xxviii. yere of his regne in the parlement holden atte westmestre after Ester syr Henry erle of Lancastre was made duke of Lancastre and in this yere was soo greate a drought that froÌ„ the monethe of Marche to the Monethe of Iuyll there fell no rayne on therth wherfore all fruytes sedes and herbes for the moost parte were loste in defaute wherfore come so greate dysease of men and beestes and derth of vytayls in Englonde that thys londe that euer afore had ben plenteuous hadde nede that tyme to seke vitayls and refresshynge at other out yles countres And the .xxix. yere of kynge Edwarde it was accorded grauÌ„ted and sworne bytwene the kynge of Fraunce kynge Edwarde of Englonde that he shode haue ayen all his londê lordshyppes that loÌ„ged to the duchye of guyhen of olde tyme the whiche had beÌ„ withdrawen and wrongfully occupyed by dyuers kynges of Fraunce before honde to haue to holde to kynge Edwarde to hys heyres successours for euermore frely pesybly and in good quyete vpoÌ„ this couenaunt that the kynge of Englonde sholde leue of and releasen all his ryght clayme that he had claymed of the kyngdome of frauÌ„ce and of the tytle that he toke therof vpon whyche speche and couenauntes it was sente to the courte of Rome on both sydes of the kynges that the forsayd couenaunt sholde de enbulled but god ordeyned better for the kynges worshyp of Englonde for what thrugh fraude dysceyte of the frensshmeÌ„ and what thrugh lettynge of the pope of the court of Rome the forsayd couenauÌ„tes were dysquate and left of ¶ And in the same yere the kyng reuoked by his wyse and dyscrete couÌ„seyll the staple of wulles out of flaundres into Englonde with all the lybertees fraunches and fre customes that longed therto and ordeyned it in EngloÌ„de in diuerse places that is for to saye atte westmestre Caunterbury Chychestre Brystowe Lyncoln And Hulle wyth all the forsayd thynges that longen therto And that this thynge that shold thus be done the kynge swore hymself therto and prynce Edwarde hys sone wyth other many grete wytnesses that there where present ¶ And the xxx· yere of hys regne anone after wytsontyde in the parlemente ordeyned att westmenstre it was tolde and certefyed to the kyng that Phylyp that helde the kyngdome of Fraunce was deed And that Iohan his sone was crowned kynge And that this Iohan had gyuen Karoll his sone the duchye of Guyhen of the whiche thynge kynge Edwarde whan he wyst therof he had greate Indygnacyon vnto hym was wonder wrothe strongly meued And therfore afore alle the wrothy lordes that there were assembled at that parlement callyd Edwarde his sone vnto hym to whom the duchye of Guyhen by ryght herytage sholde longe to gaue it hym there byddynge strenthynge hym that he sholde ordeyne hym for to defende hym and auenge hym vpoÌ„ his enmyes and saue mayntene his ryght And afterwarde kyng Edwarde hymself his eldest sone Edwarde went to dyuers places and sayntes in Englonde on pylgrymage for to haue the more helpe grace of god and of his sayntes And the .ii. kal of Iuyll whan all thynge was redy to that vyage batayll all his retenue power assembled hys nauy also redy he toke with hym the erle of warwyk the erle of Suffolk the erle of Salysbury and the erle of Oxforde a thousande men of armes as many archers and in the Natyuyte of our lady toke theyr shyppes at pluÌ„mouth began to sayll And whan he come was arryued in Guyon he was there worshypfully taken recyued of the moost noblest men and lordes of that countree ¶ And anone after kynge Edwarde toke wyth hym his two sones that is to saye syr Lyonell erle of Vlton syr IohnÌ„ hys brother erle of Rychemonde syr Henry duke of Lancastre wyth many erles lordes and men of armes two thousande Archers saylled towarde Fraunce rested hym a whyle at Calays after the kyng went with hys hoste aforsayd with other souldyours of beyonde the see that there abode the kyngê comynge the seconde daye of Nouembre and toke hys Iourney towarde kynge IohnÌ„ of FrauÌ„ce there as he trowed to haue founde hym fast by Odomarum as hys letters and couenauÌ„t made mencyon that he wolde abyde hym there with hys host And whan kynge Iohan of Fraunce herde telle of the kynges comynge of Englonde he wente awaye wyth his men and caryage cowardly and shamfully fleynge and wastynge all vytayls that EnglsshmeÌ„ sholde not haue ther of ¶ And whan kynge Edwarde herde telle that he fledde he pursued hym wyth all his host tyll Henede and than he beholdynge the scarsyte and waytynge of vytayls and also the cowardyse of the kyng of Fraunce he torned ayen wastynge all the countre ¶ And whyle all thyse thynges were a doynge the scottes pryuely by nyght toke the towne of Berwyk sleynge theym that withstode theym and no man els But blessyd be god the castell was saued kept by Englysshmen that were therin whan the kynge perceyued alle thys he torned ayen in to Englonde as wrothe as he myghte be wherfore in the parlemeÌ„t at westmynstre was grauntyd to the kynge of euery sacke of wulle .l. shellyngê durynge the terme of .vi. yere that he myght myghtlyer fyght and defende the reame ayenste the Scottes and other mysdoers And so whan all thynges were redy the kynge hasted hym to warde the syege ¶ How kyng Edwarde was crowned kynge of Scotlonde and howe prynce Edwarde toke the kynge of Fraunce and syr Philyp hys yonger sone at the batayll of Peyters ANd in the .xxxi. yere of hys regne the .xiii. daye of Ianyuere the kynge beynge in the castell of Berwyk with a fewe men but he hauynge· there faste by a greote hoost The towne was yolden vnto
one many sterres gaddred togyder on an hepe felle downe to the erthe leuynge byhynde them fyre bemes in maner of lyghtnynge was flammes brent coÌ„sumed mens clothes mens heer wallyng on the erth as it was sene knoweÌ„ of many a man ¶ And yet that northern wynde that is redy destymate to alle ylle fro saynt Katherynes eue tyll thre dayes after loste grete good without nobre ¶ And in this same dayes ther fell also come such lyghtnynge thondre snowe hayll that it wasted and destoyed men bestetes howses and trees ¶ Of the batayll of Spayne besyde the watre of Naxers that was bytwene prynce Edwarde and syr Henry bastarde of Spayne IN the yere of our lord a M.CCC.lxvii and of kynge Edwarde .xlii. the thyrde daye of Aprylle there was a stronge batayll a grete in large felde called Pryazers faste by the water of Nazers in Spayne bytwene syre Edwarde the prynce syr Henry the bastarde of Spayne but the vyctory fyll to prynce Edwarde by the grace of god ¶ And this same prynce Edwarde had with hym syr IohnÌ„ duke of LaÌ„castre his broder other worthy men of armes about the nombre of .xxx. thousand ¶ And the kynge of Spayne had on hys syde men of dyuers nacyons to the nombre of an hondred thousande moo wherfore the sharpenesse and fyersnesse of hys aduersary wyth his fyll boystous and grete strenthe made and dryue the ryghtfull partye a backe a grete waye but thrugh the grace of almyghty god passynge ony mannes strenth that greate hoste was dysparpled myghtefully by the noble duke of Lancastre and his hoost or the prynce Edwarde came nyghe hym And whan Henry bastarde sawe that he torned with his men in so grete haste and strenth for to flee that a gret company of them in the for sayd flood of the brydge ther of fellen dowen perysshed And also there were taken the erle of Dene syr Bartram Cleykyn that was cheyfmaker and cause of the warre also cheyftayne of the vauntwarde of the bataylle wyth many other greace lordes and knyghtes to the nombre of two thousande of whome two hondred were of Fraunce and many also of Scotlonde ¶ And there were felled in the felde on oure enmyes syde of lordes knyghtes wyth other meyn people to the nombre of .vi. thousande and moo and of Englysshmen but a fewe And after this the noble prynce Edward restored the same Peers to this kyngdome ayen the whiche Peers afwarde thrugh trechery and falsnes of the forsayd basterd of Spayne as he satte at his mete he was strangled deyed But after this vyctorye many noble men of Englond also hardy in Spayne thrug the flyx dyuers other sekenes toke theyr dethe ¶ And also in the same yere in the Marche was seen stella Come ta bytwene the north costes the west whoo 's bemes stretched towarde fraunce ¶ And in the next yere folowynge of kyng Edwardes regne xliii in Apryll syr Lyonell kynge Edwardes sone that was duke of Clarnece wente to warde Melayne with a chosen meyne of the geÌ„tyls of Englonde for to wedde Galoys doughter haue hyr to hys wyfe by whom he sholde haue half the lordshyp of Melayne but after that they were solemply wedded and about the Natyuyte of our lady the same duke of Melayne deyed And in the same yere frensshmen brake the peas the trewes rydynge on the kyngê grounde lordshyp of Englond in the shyre countre of PuuÌ„tyfe token helde castell townes bere the Englysshmen on honde falsly subtyll that they were cause of brekynge of trewes in thys same yere deyed the duches of LaÌ„castre and is buryed worshypfully in saynte Poules chyrche ¶ The .xliiii. yere of kyng Edwardes regne was the gretest pestylence of men and of grete bestes by the grete fallynge of waters that felle at that tyme there fell grete hyndrynge destroyenge of corne in so moche that the next yere after a busshell of whete was solde for xl.d ¶ And in thys same yere about the laste ende of Maye kynge Edwarde helde tho his parlement at westmyster in whiche parlement was treated spoken of the othe trewes that was brokeÌ„ bytwene hym and the kynge of fraunce how he myght be auenged vpon his wronge ¶ In this same yere in the AssumpcyoÌ„ of our lady deyed quene Phylyp of Englonde a fulle noble gode lady at westmyster full worshyp fully is buryed and entered And aboute mydsomer the duke of Lancastre the erle of Herforde with a grete company of knyghtes wente into fraunce where as they gate them but lytel wroshyp name for there was a grete hoste of the frensshenmen vppon Calkhull brydge and an other hoste of Englyssemen faste by the same brydge that loÌ„ge tyme had lyued there And many worthy grete men of Englonde ordeyned yaf counseyll for to fyght yaf batayll to the frensshemen but the forsayd lordes wolde not consent therto for no maner thynge ¶ And anone after it happened that the erle of warwyke come thyderwarde for to warre and whan the frensshmen herde of his comynge of that he came fully to londe they left theyr tentes pauylyous wyth all theyr vytayls fledde went a waye pryuely And whan the erle was comeÌ„ to londe wyth his men he went in all hast towarde Normandy destroyed the yle of Caux with strenthe of swerde and thrugh fyre But alas in his retornynge to Englond warde home ayen at Calys he was taken with sykenes of pestylence deyed not leuynge behynde hym after his dayes soo noble a knyght of armes ¶ In whyche tyme regned warred the noble knyght syr IohnÌ„ Hawkewod that was an Englysshman borne hauynge with hym at his gouernaunce the white coÌ„pany that is a forsayde that whiche o tyme ayenst holy chirche an other tyme ayenste lordes warred ordeyned grete batayls and there iÌ„ that same couÌ„tre he dyde many merueyllous thynges ¶ And aboute the coÌ„uercyon of saynt Poule the kyng whan he had ended done the entrynge exequyes wyth greate costes and ryaltes about the sepulture of buryeng of quene Phylyp his wyf he helde a parlement at westmyster in whyche parlement was axed or the clergye a thre yeres dyme that is for to saye a grete dyme to payed thre yere durynge the clargye put it of and wolde not graunte it vnto Ester next comynge than they graunted wel that in thre yere by certayne termes that dyme sholde be payed and also of the laye fee was a thre yere .xv. graunted to the kynge ¶ How syr Robert Knolles with other certayne lordes of the reame went ouer see in to frauce and of theyr gouernaunce ANd in the .xlv. yere of kynge Edward in the begynnynge kynge Edwarde with vnwyse counseyll vndyscrete borowed a grete soÌ„me of golde of the prelates marchauntes other ryche men of his
daye and ledde them with them into Spayne And of this myscheyf was no grete wonder for this erle was a full ylle lyuer as an open lechoure And also in a certayne parlemente he stode and was ayenst the ryghtes fraunchyse of holy chyrche And also he counseylled the kyng and counseyll that he shold axe mo of men of holy chyrche than other persones of the laye meÌ„ And for the kynge and other men of hys counseyll accepted and tooke rather ylle opynyons and causes ayenste men of holy chyrche than he dyd for to defende and mayntene the ryght of holy chyrche it was after seen many tymes for lacke of fortune grace they had not ne bare awaye so grete vyctory ne power ayenst theyr enmyes as they dyd before ¶ This same yere the kyng with a grete host entred the see to remeue the syege of Rochell but the wynde was euer contrarye vnto hym and suffred hym not loÌ„ge tyme to go fer fro the londe wherfore he abode a certayne tyme vpon the see costes abydynge after a good wynde for theÌ„ yet come in not So at the last he come thens with his meÌ„ to lond warde ayen anone as he was a londe that wynde began to torne was in an other cost than he was afore ¶ How the duke of Lancastre with a grete hoost wente into flaundres passyd by Parys thrugh Burgon thrugh all frauÌ„ce tyll he come vnto Burdeux SOone after in the .xlviii. yere of the regne of kynge Edwarde the duke of Lancastre with a grete power went into flaundres passed by Parys thrugh Burgon thrughe all fraunce tyll he came vnto Burdeux without ony maner wythstandynge of the frensshemen \ and he dyde them but lytell harme saufe he toke raunsoned many places townes many men lette theym go after frely The same yere the kyng sent certayne embassatours to the pope prayenge hym that he sholde leue of medle not in his court of the kepiÌ„ge and reseruacyoÌ„s of benefycê in Englonde And that tho that were choseÌ„ to bysshoppes sees dignetees frely wyth full myght Ioy haue be confermed to the same of theyr metropolytans Archebysshops as they were wonte to be of olde tyme Of these poyntes and of other touchynge the kyng his reame whan they had theyr answer of the pope the pope enioyned them that they sholde certefy hym ayen by theyr letter of the kynges wyll of hys reame or they determyned ought of the forsayd artycles In this same yere deyed Iohan the Archebysshop of yorke Iohan bysshop of Ely wyllyam byssop of worcestre In whoo 's stedes folowed were made bysshops by auctoryte of pope master Alexander Neuyll to the Archebysshop of yorke Thomas of AruÌ„dell to the bysshopryche of Ely and syr Henry wakfelde to the bysshopryche of worcestre In the whiche tyme it was ordened in the parlement that all Cathedrall chyrches shold Ioy haue theyr eleccoÌ„ns hole that the kyng fro that tyme afterwarde shold not wrytte ayenst theÌ„ that were chosen but rather helpe them by his letters to theyr confyrmacyon this statute dyd moche profyte ¶ And in this parlemeÌ„t was grauÌ„tyd to the kynge a dyme of the clergy a .xv. of lay fee. ¶ In the .xlix. of the regne of kyng Edward deyed Mayster wyllyam wytlesey Archebysshop of Caunterbury the moÌ„kes of the same chirche asked and desyred a cardynall of Englonde to be Archebysshop therfore the kyng was agreued ment purposed to haue exyled the moÌ„kes of the same and they spended moche good or they myght haue the kynges grace ayen his loue but yet wold the kynge not consent ne graunt to theyr eleccoÌ„n of the Cardynall ne of the pope also ne his Cardynalles ¶ And at the begynnyge of August it was treated spoken at Bruges of certayne poyntes and artycles hangynge bytwene the pope and the kynge of Englond this treates lasted almoost too yere And at the laste it was accorded bytwene theym that the pope fro that tyme forth sholde not vse ne dele wyth the reseruacyons of benefytes in Englonde and that the kynge sholde not graunt ne lette no benefyces by hys wrytte that is called Quare impedyt But as touchynge the eleccion abouesayd there was noo thynge touched ne done And that was wyted and put vpon certayne clerkes the whiche rather supposed and hoped to be auauÌ„ced promoted to bysshhpryches whiche they desyred and coueyted by the court of Rome rather than by ony other eleccyons ¶ This same yere about Candelmasse there mette togyder att Bruges many noble worthy men of bothe sydes and reames to trete of peas bitwene tho two kynges And this tretes lasted two yere with grete costes large expensens of bothe partyes And at the laste they went departed thens without ony accorde or effecte The next yere after the .l. yere of kynge Edward the .iiii. NonÌ„ of May beynge yet voyde vacaunt the Archebysshopryche of Caunterbury mayster Symonde sudbery bysshoppe of London was made Archebysshop mayster wyllyam courteney that was bysshop of Herforde was than made bysshop of London the bysshop of Bangor was made bysshop of Herforde ¶ And this same tyme in a certayne treates spekynge of peas trewes was taken bytwene them of FrauÌ„ce Englonde fro mydsomer to mydsomer come ayen an hole yere about the begynnyng of Aprell the duke of brytayne wyth many erles barons and worthy lordes men of Englond went ouer see in to Brytayn where he hathe had all his luste desyre purpose ne had the for sayd trewes be soo soone taken the whiche letted them ¶ This same tyme the yle of Constantyne where that the castell of saynt Saueour is in that longe tyme was foughten at besyeged of the Frensshmen than yelde to the Frensshmen with al the apportenauÌ„tes in to grete harme hyndrynge of the reame of Englonde And thys same yere there were so grete and so passynge hetes ther with all a gret pestylence in Englonde in other dyuerse partyes of â—he worlde that it destroyed slewe vyolently stroÌ„gly both men wymen without nombre Thys same yere deyed syr Edwarde the lorde spencer a worthy knyghte a bolde in the mynster of Teukesbury worshipfully is buryed And lastynge this pestilence the pope at the instaunce and prayer of an Englysshe Cardynale graunted to all people that deyed in Englonde that were sory repentauÌ„t for theyr synnes and also shryueÌ„ full remyssyon by two bulles vnder lede .vi. monethes than next to last ¶ In this same yere the erle of Penbroke was taken rauÌ„soned bi Bartram Clayken bytwene Parys Calays as he come towarde Englond vpon saynt Atheldredes day that whiche saynt as it was sayd the erle oftentymes had affeÌ„ded and within a lytyll whyle after he deyed ¶ And in Nouembre next after there mette at Bruges the duke of Lancastre and the duke
awter for a peas an vnyte to be had amonge them thrugh the merytees of our blessyn lady ¶ Bonefacias the ·ix was pope after Vrbane .xv yere ¶ This Boneface was chosen at Rome in the stede of Vrbane the stryfe contynued For Benedictys was chosen in Auynyon in the place of clement and was callâ—d Petrus de luna he dured to the counseyll of Constantinus thenne he wolde not obaye but euer abode obstynate And at the laste he decessed in the Kyngdom of Aragon And he commaunded his Cardynals to these an other pope the whyche they dyde anone And they sete vpon an ydoll and named hym Clement but they profyted not ¶ Circa annuÌ„ dmÌ„ M.CCC.lxxx ¶ And after kynge Edwarde the thyrde that was borne in wyndesore regned Rycharde of Burdeux that was prynce Edwardes sone of wales the whiche prynce Edwarde was kynge Edwards sone ANd after the gode kynge Edward the thyrde that was borne at wyndesore regned Rycharde the seconde that was the good syr Edwardes sone prynce of wales the whyche kynge Rycharde was borne in the cyâ—ee of Burdeux in Gascoine was crowned at westmynster in the .xi. yere of hys aege And in the secoÌ„de yere of his regne for the debate that was bytwene the lorde Latymer and syr Rauf Feryers knyght that was ayenst Hawell Sâ—akell squyre for the prysoner that was take in Spayne by these two squyres and the whiche prysoner the lorde Latymer and syr Rouf Feryers wolde haue had the whyche prysoner was the Erle of Dene that they tooke in the batayll of Spayne wherfore these two lordes come into the chyrche att westmynster and they founde thys one squyre to herynge his masse besyde saynt Edwardes shryne there they sawe hym that whiche was called Hawell ¶ And Shakell was arested put into the Toure of London And there he was longe tyme for he wolde not delyuer the erle of Dene his prysoner vnto these two lordes by syr Aleyn Burhyll constable of the Towre and by Syr Raufe Feryes one of hys aduersaryes tyll the kynge had graunted hym grace ¶ In the thyrde yere of kynge Rycharde came the Galays of â–ª fraunce into Englonde vnto dyuerse portes and brent and robbed and slewe moche people of Englonde that ys to saye at wynchelsee Rye Hastinge Portysmouth and Hampâ—on \ Stormore and Grauesende and they dyd moche harme and wente home ayen And in this same yere was a parlement holden at westmynster And atte that same parlement was ordened that euery man woman and chylde that were at the aege of .xiiii. yere and aboue thrugh out all the reame pore folke and other sholde paye to the taâ—age foure pens wherfore came and befel after warde greate myscheyf moche dysease to all the comynalte of the reame ¶ And in the .iiii. yere of kynge Rychardes regne the comynes arose vp in dyuerse partyes of the reame and dyden moche harme the whiche tyme they called the hurynge tyme. ¶ And they of Kent of Estsex made them two cheyftayns for to rule and for gouerne the company of Kente and of Estsex That one was called Iacke strawe and that other watte Tyler and they come assembled theym vppon blacke hethe in Kente And on Corpus chirsti daye after they came downe South werke and taken vp the pryson hous that is to saye the kynges bynche the Marchelsee and delyuerde oute all the prysoners And soo the same daye they came in to London and there they robbed the people and slewe all the alyens that they myghte fynde in the cyte and aboute the cyte and dyspoyled all there gode and made auowe And on the fryedaye next folowinge after that was on the morowe and than they came to the toure of London and the kynge beynge ther in they fette out of the Toure the Archebysshop of Caunterbury syr Symonde Sudbery and syr Robet halys hospyteler pryoure and mayster of Saynâ— Iohans hous and a whyte frere that was coÌ„fessoure vnto kyng Rycharde brought them vnto the Towre hylle and there they smote of theyr heedes and came agayne in to London and slewe in othe people of the Cytye ¶ And thenne they wente vnto the. Dukes place of Lancastre beyonde saynt Mary of the stronde that was called the Sauoy and there they deuoured and destoyed all the goodes that they therin myght fynde and bare them away and than they brente vp the place And than after warde they weÌ„te to saynt IohnÌ„ without smyth felde destroyed the godes there brente vp the hous to the harde grounde and wente to westmynster and saynt Martyns the grauÌ„te made them go out of sent wary all that were with in for ony maner of gylthe And that come vnto the Temple to al other Innes of men of law and dyspoyle theym robbe theym of theyr godes also tooke theyr bokes of lawe thenne they came to London and brake vp the pryson of Newgate drofe out all the prysoners felons and other of bothe countrees and all the people that were wyth in theym and destroyed all the bokes of the counters And thus they contynued both saterdaye sonday vnto the mondaye next after in all their malyce and wyckydnes ¶ And than on mondaye kynge Rycharde with his lorde that were wyth hym that tyme with the mayer of London wyllyam walworth that was that tyme come wythe the aldermen and the comunes of the cyte they come in to South werke to here and to know the entoncyon of these rebelles mysgouered pefple And this Iacke strawe made a crye in the elde that all tke people of accorde sholde come nerer and here his claymours his crye hys wyll And the lordes and the mayer and the aldermen mith the comynaltee hauynge indygnacoÌ„n of his rouetyse falsnes his foule presumpcoÌ„n Anone wyllyam walworth that tyme beynge mayer drewe out his knyfe slewe Iacke straw anone ryght smote of his hede sete it vppon a spere so it was borne thrugh London and sette vpoÌ„ London brydge Anone these rysers mysgouerned peple were vanysshed as it had not be they thenne the kyng of his greate goodnesse by prayer of hys lordes made there .vi. knyghtes of good worthy meÌ„ of the cyte of London that is to say wyllyam walworthe art the tyme mayer slewe Iacke strawe and the seconde was Nycholas brembre and the thyrde Iohan Phylipot the fourth Nycholas twyforde and the fyfte Robert laundes the syxte Robert gayton And than the kynge wyth hys lordes and knyghtes retorned ayen to the tour of London and there he rested hym tyll hys people were better cessed and sette in reste and peas And than by processe of tyme as they myght take and gete these rebelles and rysers they honge theym vppon the nexte galothrugh out euery lordshyp in the reame of EngloÌ„d by .xl. by .xxx. by .x. and by .xii. euer as they myght
there she was alle nyght on the morne she was brought thruge the cyte of London and so forthe vnto westmynster and there she was crowned quene of Englond than she was broughte ayen vnto the kynges palays and there was holden open and ryall feest al hyr coronacyon of all maner peple that â—heder come and thys was done the sondaye nexte after the feest of saynt Clemente in the .xx. yere of kynge Rychardes regne And than the .xxv. daye of August next after by veyll excytacyon and fals counseyll for grete wrath and malyce that the kyng had of olde tyme vnto his vncle the good duke of Gloucestre and to the erle of Arundell to the erle of warwyk Anone the kynge by his euuyll excytacyon and his euyll counseyll malyce late in the euenynge on the same daye aboue sayd made hym redy wyth his strenth rode into Estsex vnto the towne of Chemesforde soo come to Plasshe sodenly there syr Thomas of wodstok the good duke of Gloucestre laye and the good duke came to welcome the kynge anone And the kynge arested the good duke hymself wyth his owne body so he was ladde downe to the waâ—â—â— and anone put into a shype and anone had too Calays brought in to the Capytayns warde â—o be kepte in holde by the kynges commaundement of Englonde And the tyme therle Marchall was Capytayne of Calays And anone after by commaundement of the kyng and by his fals counseyl commaunded the capytayne to put hym to deth ¶ And anone certayne yemen that had the good duke in kepynge toke theyr counseyl how that they shold put hym vnto deth And this was theyr appoyntemente that they sholde comen vppon hym whan he were in his bedde and a slepe on a fetheren bedde and anone they bounde honde and foot and charged hym to lye styll And whan that they hadde done thus they token twoo smale towelles and made on theym two rydynge knottes caste the towelles about hys necke And than they tooke the fetheren bedde that laye vnder hym cast it aboute hym than they drewe theyr to welles eche wayes and some laye vpon the fetheren bed vpon hym vnto the tyme that he was dede bycause that he shold make no noys and thus they strangled thys worthy duke vnto the deth vppon whos soule god for his hygh pyte haue mercy Amen ¶ And whan the kynge hadde rested thus this worthy duke and his vncle sente hym to Calays he came ayen to London in all the haste wyth a wonder greate people And as soone as he was comen he sent for the erle of Aurundell and for the good erle of warwyk and anone as they came he arested theym hymself And syr Iohan Cobham and syr IohnÌ„ Chyne knyghtes he arested theym in the same maner tyll he made his parlement anone they were put into holde but the erle of Arundell went att large vnto the parlement tyme for he founde soffycyent suerte to abyde the lawe to answere to all manere poyntes that the kynge his counseyll wolde put vpon hym ¶ And the xxiâ— yere of kynge Rychardes regne he ordeyned hym a parlement att westmynster the whiche was called the greate parlemente And this parlement was made for Iuge thys thre worthy lordes and other moo as they lyst at that tyme And for that Iugement the kynhe lete make in all the hast a loÌ„ge hous and a large of tyÌ„bre the whiche was called an halle and couered with tyles ouer it was open all aboute on both sydes that all maner of men myght se thrugh out and there the dome was holden vpon these forsayd lordes and Iugement gyueÌ„ at this forsayde parlemente And for to come vnto this parlement the kynge sent hys wryttes to euery lorde baron knyght euery squyre in euery shyre thrugh oute EngloÌ„de that euery lorde sholde gadre and bringe his retenue with hym in as shorte in the beste araye that they myghte gete in maintenynge and in the strengthyng of the kyng ayenst theym that were hys enemyes and that this were done in all haste come to hym in payne of deth And the kynge hymself sent into Chestreshyre to cheyftayns of that countre they gadred brought a grete and an huge company of people bothe of knyghtes and squyres and prencypally of yomeÌ„ of Chestreshyre the whyche yemen and archers the kynge tooke to hys owne courte and gaate them bowge of court and good wages to be kepers of his owne body bothe by nyght and by daye aboue all other persones and moste loued and beste truste the whyche soone afterwarde torned the kynge to grete losse and shame hyndrynge and hys vtterly vndoynge and destruccyon as ye shall here afterwarde And that tyme came syr Henry of Derby with a grete menye of armes and archers and the erle of Rutlonde came wyth stronge power of people bothe of men of mares and archers And the Erle of Kente brought a greate power of men of armes and archers the Erle of Marshall came in the same manere And the lorde Spenser in this same manere The erle of Northumberlonde and syr Henry Percy his sone and syre Thomas Percy the erles brother And all these worthy lordes broughte a fayre menye and a stronge power and eche man in hys beste araye And the duke of Lancastre and the duke of yorke came in the same maner wyth men of armes and archers folowynge the kynge And syr Wyllyam strop tresourer of Englond came in the same manere And thus in thys araye came all the worthy men of this londe vnto our kynge and these peple came to London in one daye in so moche that euery strete and lane in London and in the subarbes were full of them lodged and .x. or .xii. mylle about London on euery waye And these people brought the kynge too westmynster and wente home ayen to theyr lodgynge bothe hors and maÌ„ and than on the mondaye the .xii. daye of Septembre the parlemente began att westmynster the whiche was called the grete parlemeÌ„t ¶ And on the frydaye nexte after the erle of Arundell was broughte in to the parleamente amonge all the lordes and that was on saynte Mathewas daye the appostle and euangelyst there he was for Iuged vnto the dethe in thys halle that was made in the palays at westmynster And this was his Iugemente he sholde go on foot wyth hys hondes bounde behynde hym frome the place that he was Iuged in And so forth thrugh the cyte of London vnto the toure hylle and hys heed to be smyten of and so it was done in dede in the same place .vi. of the grettest lordes that sate on his Iugemente roden wyth hym vnto the place there he was done to dethe and so to se that the excucyon were done after the dome And by the kynges coÌ„maundemente wyth them wente on foot men of armes and archers a grete multytude of Chestreshyre men in strenthynge of
that he was deed he lete sende after the lady Eâ—â—â—ylde that he sholde come vnto the cyte of London and ther he wedded to the kyng with grete solempnyte and worshyp And helde a solempne feest And he ware a crowne that was of golde the quene an other ¶ And saynt Dunstane on the morowe came vnto the kynge in to the chambre and founde the kynge in bedde anâ— the quene togyders And saynâ— Dunstane axed the kynge who she was And the kynge answered and sayd that she was the quene Eâ—â—yllde And the Archebyssop saynt Dunstance sayde that he dyde grete wronge and ayenst goddes wyll to take a woman to wyf whose chylde ye had take at fonte stone And the quene for that worde neuer loued saynt Dunstance after And the good man warned of that foly to be lefte but it auaylled but lytell for the loue bytwene them was so moche The kynge begate vpon her a sone that was called Eldred· whan this childe was .vi. yere olde the kynge his fader deyed And aboute that tyme he had regned .xvii. yere lyeth at Glastenbury BEryngarius the thyrde was Emperour after Henrycus ·vii yere thys Beryngarius was Emperour in ytaly In whoo 's tyme was grete dyuysyon ¶ And Henricus theÌ„perour decessed and. Otto began to regne in Almayne ¶ Lothariê° regned after hym two yere and decessed whan Otto regned in Almayne And hadde a wyf that hyght Dalnyham The whiche after wedded Otto ¶ Beringarius the fourth was after hym this man with grete tyrannye subduedytaly wherfore the pope and other romayns called Otto that he myghte delyuer them whiche he dyde And he toke Beryngaryus by strength and twyes he outlawed hym And he toke Lotharius wyfe the whiche the tyrauÌ„t had prysoned ¶ Leo the .viii. was pope after Benedictus one yere and foure monethes This man was chosen with the comyn voys and Iohannes was deposyd This Leo ordeyned that no pope sholde be made without consente of the Emperour For the malyce of the Romayns the whiche oppressyd them Thys man graunted all the yeftes to Otto and hys successours the whyche were yeuen by Iustinianus and Karolus to the chyrche that he myghte defende ytaly frome the reberlyons ¶ Iohanes the .xii. was pope after hym almoost .viii. yere \ thys IoheÌ„s suffred grete wronge of the Romayns For he was take and exyled but Otto bare this heuyly For he slewe the noble men of Rome and certayne of them exyled for euer more Benedyctus the .vi. was pope after hym vi· yere thys man was take and in the castell Aungell was strangled ¶ Nota. ¶ The Empyre in thys tyme was translated to the Almayns And the same cause is here as was before for the â—ycyous lyuynge Ne these vnhappy men cowde not be Informed that they shold eschewe that â—o woyce thrugh the whiche they saâ—e soo many noble men to perysshe ¶ Otto was Emperour after Beryngarius .xii. yere This Otto was the fyrst Emperoure of Almayne And he was all vertuous as an other kynge karolus for he was the defender of the chyrche of god and the syngular promoter for the whyche he was worthy to be Emperoure Many men of fals byleue he conuerted And he helde with hym pope Benedictus the vsurper of the popeherd in to Soxony And there he decessyd in his exyle And this Emperoure decessyd a ryche man in vertue and goodnes ¶ Otto the seconde was Emperour after his fader And he was a noble man to the chyrche as his fader was And many a batayll he had ayenst the fals men of byleue And at the laste he almoost loste all his hoste in Kalabur yet for sothe with all his mynde besought saynt Peter to helpe And meruellously saynte Peter delyuered hym And his wyf was the doughter of the Emperour of Constantynopolytan of the Romans bloode And this man was crowned of Benedictus the pope ¶ Of saynte Edwarde the martyr how Escrylde hys stepmoder lete kylle hym for to make Eldred her owne sone kynge ANd after this Edgar regned Edwarde his sone that he begate vpon hys fyrste wyfe that wyll and nobly gouerned the londe For he was full of all maner of goodnes and ledde a full holy lyf And aboue all thynge he loued god holy chyrche And the quene Escrylde that was his stepmoder lete slee hym by cause to make her owne sone Eldred kynge And this on a daye he was slayne as ye shalle here afterwarde ¶ It befell thus vpon a day that thaâ— kynge Edwarde wente in to a woode for to playe in the southe couÌ„tree be syde a towne that is called warham In that whiche foreste was grete pleyntye of hartes and hyndes And whan he had ben whyle there hym for to playe he thought vpon his broder Eldrede that was with hys moder the quene for her place waste nygh the foreste and thought for to goo thyder and vysyte and see hys brother And toke with hym but a lytell meyne wente hym towarde hys stepmoders hous that in that tyme soiourned in the castell of Corfe And as he rede in the thyckensse of a wood is speye hys game it befell that he wente amysse and loste hys meyne that with hym came And at the laste he came out of the wood And as he loâ—d hym about he sawe there there fast besydes a â—e that hys stepmoder dwelled in and thyder warde he wente alone And anone it was tolde the quene how that the kyng was comen alone wyth out ony company And therfore she made Ioy ynough and thought how that she myght do that he were slayne as pryuely as she myght called to her one of her knyghtes To whome she had tolde moche of her counseyll bytwene them And bothe they came to the kynge and curteysly hym receyued ¶ And the kynge tolde that he was come to vysyte and also for to speke with Eldred his broder The quene many tymes hym thankyd and hym prayed for for alyght and her borugh with her al that nyght ¶ The kynge sayd that he myght not But agayne he wold goo vnto hys folke yf he myghte theym fynde ¶ And whan the quene sawe that he wolde not abyde she prayed hym that he wolde ones drynke and he graunted her And anone as the drynke was come the quene dranke vnto the kynge And the kynge tooke the cuppe and sette it to his mouth And in the meane whyle that he dranke the false knyght that was with the quene with a knyfe smote the kyng vnto the herte there he fell downe deed vnto the erthe of his palfroy The quene for this dede gaue the knyght golde and syluer greate plente and of other ryches ynough And the knyght anone as thys was done wente hym ouer the see And so escaped he oute of this londe ¶ Whan this kyng Edwarde was thus martred It was in the yere of the Incarnacyon of our lorde Ihesu Cryste .ix. C.lxxx And he had regned .xii. yere and an halfe and lyeth at Glastenbury
was put vp ayen And after he was put out and Gregorius was made pope ¶ And he was but a symple lettred man and therfore he chose an other man for to be consecrate with hym And whan many men were dyspleased wyth thys godynge of two popes the thyrde was brought in the whyche sholde occupye the place of bothe the tow And so they stroue amonge themself But Henry the Emperour came thenne to Rome deposyd them all and made Clement the seconde pope whom he made anone to crowne hym And he sayde to the Romayns they sholde neuer chese pope wythout his assente And soo fyue beynge popes sixte was put in And many men saye this Gregorius was an holy man ¶ Damasius the secoÌ„de was after Clemente .xx. dayes This man was an vsurper of the popeheed and so he deyed sodenly And anone the Romayns asked to haue a pope that the Almayns sholde haue none For they were so harde herted that they myhht not enclyne to the entence of the Emperour the whiche sayd There sholde be no pope chosen but yf he wolde be of counseyl of the eleccyon But for all that the put in this holy man Leo and after he had of that conscyence and refused And anone he was chosyn by the comyn assent this Leo put Cryste in the fourme of a Laser in his owne bedde and in the morowe he founde no thynge there ¶ Of saynt Edwarde the confessour that was Aluredes brother how he was kynge of Englonde ANd whan this was done al the barons of Englonde sente an other tyme in to Normandy for that Edwâ—rde sholde come in to Englond with moche honour And this Edwarde in hys chyldehode loued almyghty god hym dradde And in honeste and clennesse hadde his lyf and hated synne as dethe And whan he was crowned and anoynted wyth a ryall power forgate not his good maners and condycyons that he fyrste vsed And forgate not alle good customes for no maner of honour ne for ryches ne no manere hyghnes But euermore and more yaue hym to goodnesse and loued god and hooly chyrche passynge all other manere thynge ¶ And poore men also be loued and theym helde as they hadde ben hys owne brethern And to them ofte he yaue greate almesse with full good wyll ¶ Of the fyrste specyall loue that god she 〈…〉 to saynt Edwarde lyuynge IT befell on a daye as he went from the chyrche of westmestre And hadde herde masse of saynt Iohan the Euangelyst for as moche as he loued saynt IohnÌ„ euangelyst more specially after god and hour lady than he dyde ony other saynt And so there came to hym a pelgryme prayed hym for the loue of god and our lady and saynt Iohan the euangelyst some good hym for to yeue And the kynge pryuely toke his rynge of his fynder that no man perceyued it and yaue it to the pelgryme and he it receyued and wente thens ¶ This kynge Edwarde made all the good lawas of Englonde that yet ben moost vsed and holden And was so mercyable and so ful of pyte that noo man myght be more ¶ How the erle Godewyn came ayen in to Englonde had ayen all his londe and afterwarde saynt Edwarde weded his doughter AS the Erle Godewin that was dwellynge in Denmarke had moche herde of the godnesse of kyng Edwarde that he was so full of mercy of pyte He thought that he wolde go ayen in to Englonde for to seke to haue grace of the good kynge Edwarde that soo mercy full was that he myght haue ayen hys londe in peas And arayed hym as moche as he myght put hym to warde the see came in to Englonde to London there the kynge was that tyme and all the lordes of Englonde and helde a parlyament Godewin sente to hym that were his frendes and were the moost grettest lordes of the londe prayed them to beseche the kynges graet for hym that he wolde hys peas his londe graunte hym The lordes ledde hym before the kyng to seke his grade And anone as the kynge hym sawe he apeled hym of treason of the deth of Alured his brother and these wordes vnto hym sayde Traytour Godewin sayd the kynge I the appele that thou hast betrayed slayn my brother Alured Certes syr sayde Godewin sauynge your grace your peas and your lordshyp I hym neuer betrayed ne yet hym slewe· therfore I put me in rewarde of the courte Now fayr lordes sayd the kynge ye that ben my lyeges erles barons of the londe that here be assembled fulle welle ye herde my appele And the answere also of Godewin and therfore I woll that ye a warde and dooth ryght The erles Barones tho gadred them all togyder for to do this a warde by themself and so they spake dyuersely amuÌ„ge them For some sayd there was neuer alyaunce by homage seriment seruyce ne by lordshyp bytwene Godewin and Alured for whyche thynge they myght hym drawe And att the laste they deuysyd and demed That he sholde put hym in the kynges mercy all togyder Tho spake the erle Leuerik of Couentree a good maÌ„ to god and to all the worlde and tolde hys reason in this manere sayd The erle Godewin is the best fended man of Englonde after the Kynge well it myght not be agayne sayd the wythout counsell of Godwin Alured was neuer put to dethe wherfore I a warde as towchynge my parte that hymself hys sone euery of vs .xii. erles that ben hys frendes goo before the kynge charged with as moche golde syluer as we maye bere betwyxt our hondes praynge the kyng to forgyue his euyll wyll to the erle Godewin receyue hys homage his londe yelde ayen And they accorded vnto that a warde and came in thys maner as is abouesayd euery of them with holde and syluer as moche as they myght bere bytwene her hondes before the kynge there sayd the fourme the maner of they accorde of theyr a warde The kyng wolde not theym agayne saye But as moche as they ordeyned he graunted confermed And so was the erle Godewin accorded with the kynge so he had ayen all his londe And afterwarde he bare hym so well so wysely that the kynge loued hym wonder moche with hym he was fulle preuy And within a lytell tyme they loued so moche that there the kynge spowsed Godewyns doughter made her quene And neuerthelesse though the kyngge had a wyf yet he lyued euer in chastyce cleÌ„nesse of body without ony flesshely dede doynge with his wyf And the quene also in her halfe ladde an holy lyf two yere and deyed And afterwarde the kyng lyued all hys lyf without ony wyf ¶ The kynge yaue the erledome of Oxenforde to Harolde that was Godewyns sone and made hym erle And so well they were beloued bothe the fader and he and so pryue with the kyng both
the fader and the sone that they myghte doo by ryght what thynge that they wolde For ayenst ryght wolde he nothynge doo for noo maner man soo good and true he was of conscyence And therfore oure lorde Ihesu Cryste greate specyall loue vnto hym shewed ¶ How kyng Edwarde sawe Swyne kynge of Denmark drowned in the see in the tyme of the Sacrament as he stode herde masse IT befelle vppon wytsondaye as kynge Edwarde herde his masse in the greate chyrche of westmestre nyghe att the leuacyon of Ihesu Crystis body and as alle men were gadred in to the chyrche and came nyght the awter for to see the sacrynge the kyng his hondes lyfe vp on hygher and a grete laughter toke vp Wherfore all that aboute hym stode gretely ganne wonder And after masse they axed why the kynges laughter was fayre lorde sayd kyng Edwarde I sawe Swyne the yonger that was kynge of Denmarke come in to the see with hys power for to haue come in to Englonde vpon vs for to warre And I sawe hym and hys folke drowned in the see and all thys I sawe in the leuacyon of Crystis body bytwene the preestes hondes and I had therfore so grete Ioye that I myght not my laughter withholde ¶ And the erle Leueryk besyde hym stode at the leuacyon and openly sawe the fourme of brede torne in the lykenesse of a yonge chylde and tooke vp hys ryght honde and blessyd the kynge and after the erle and the erle anone torned hym to ward the kyÌ„ge for to make hym see the hooly syght And to saide the kynge ¶ Syre Erle sayde he I see welle that ye see thaÌ„ked be god that I haue honoured my god my sauoyour vysybly Ihesu Cryst in fourme of man whoo 's name he blessyd in all worldes ¶ How the rynge that saynt Edwarde had gyuen to a poore pelgryme for the loue of god saynt Iohan Euangelyst came ayen to kynge Edwarde THys noble man Saynt Edwarde regned .xiii. yere And thus it befelle vpon a tyme are he deyed that two men of Englonde were gone in to holy londe and had done theyr pelgrymage and were goynge ayen in to theyr owne countree where they came fro And as they went in the waye they mette a pylgryme that curtely theym saluwed and axed of them in what londe and in what countree they were borne And they sayd in Englonde Tho axed he who was kynge of Englonde And they answered sayd the good kyng Edwarde ¶ Fayre frendes sayd tho the pelgryme whan that ye come in to your countres ayen I praye you that ye wyll go vnto kynge Edwarde oftentymes grete hym in myn name and oftentymes hym thanke of hys grete curteysy that he to me hath done namely for the rynge that ye haue me whan he hadde herde masse at westmestre for saynt Iohans loue Euangelyst And toke it to the pelgremes sayd I pray you go and bere this rynge take it vnto king Edwarde and tel hym that I sende it hym and a full ryche yefte I wyll hym yeue For vpon the .x. daye he shall come unto me euermore dwelle in blesse without ony ende ¶ Syr sayde the pelgremes what meÌ„ be ye in what countree is your dwellynge ¶ Fayr frendes sayd he I am IohnÌ„ the EuaÌ„gelyste and I am dwellynge with almyghty god and your kynge Edwarde is my frende I loue hym iÌ„ specyal for by chause that he hath euermore lyued in clennesse is a clene mayde I praye you my message fulfyll as I haue you sayd whan the saynt Iohan the euangelyst had them thus charged sodenly he voyded out of theyr syghtes bothe The pelgrymes tho thanked almyghty god wene forth theyr waye And whan they hadde gone two or thre myle they begaÌ„ to waxe wery sette them a downe for to rest them so they felle one slepe And whan they had slepte well one of them a woke lyfe vp hys heed loked about sayd to his felowe Aryse vp walke we in our way what sayd that one felowe vnto that other where be we now Certes sayde that other it semeth me that this is not the same couÌ„tree there we layde vs downe in for to rest slepe For we were from Ierusalem but thre myle They toke vp theyr hondes and blessyd them went forth in theyr way And as they went in theyr waye they sawe shepâ— goynge wyth theyr shepe the spake none other langage but englysshe ¶ Good frendes sayd one of the pelgrymes what countree is this who is lorde therof ¶ And one of the sheperdes answered sayd this is the couÌ„tree of kent in Englonde of the whiche the good kyng Edwarde is lorde of The pelgrymes â—anked tho almyghty god and saynt IohnÌ„ Euangelyst wente forthe in theyr waye and came to Caunterbury and fro thens vnto London and there they founde the kyng And tolde hym all frome the begynnynge vnto the endynge asmoche as saynt IohnÌ„ had them charged of al thynges how they hadsped by the waye And tooke the rynge to the kynge Edwarde he tooke it â— thanked almyghty god and saynt IohnÌ„ Euangelyst And tho made hym redy euery daye fro daye to daye to departe out of thys lyf whan god wolde for hym sende ¶ How saynt Edward dyed the Twelfth day ANd after it befell thus on Crystmasse euen as the holy man Edwarde was at goodes seruyce Matyns for to hereof that hyghe solempne feest He became full lyke and in the morowe endured with moche payne the masse for to here And after masse he lette hym be ladde in to his chambre There for to reste hym But in hys halle amonge hys barons his knyghtes myght he not come theym for to comforte and solace as he was wonte for to do at the worthy feest wherfore all theyr myrth and comforte amonge all that were in the halle was torned in to care and sorowe by cause they dradde for to lese the good lorde the kynge ¶ And vpon Saynt IohnÌ„ daye Euangelyste that came nexte the kynge receyued hys ryghtes of hooly chirche as yt befaylleth to euery cristen man abode the mercy and the wyll of god And the two pylgrymes he lete before hym come and yaue theym ryche yeftes and betoke theym to god Also the abbot of westemestre he lette before hym come and tooke hym that rynge in the honour of god and saynt Mary and of Saynt Iohan the euangelyst And the abbot toke it put it amonge other rekyles so that it is at westmestre euer shall be so laye the kyng syke tyll the twelfth eue And tho deyed the good kynge Edwarde att wehmestre there he lyeth For whoo 's loue god hathe shewed many a fayre myracle ¶ And this was in the yere of the. Incarnacyon of oure lorde Ihesu Cryste M.lxv. And after he was translated and put in the shryne by the noble martyr saynt Tomas
of Caunterbury VIctor the seconde was pope after Leo And of hym lytell is wryten ¶ Henry the seconde was Emperour after the fyrste Henry .xvii. yere this man was cosyn to Conradus he was borne in wood twyes takeÌ„ for to be slayne whan he was a chylde but god defended hym euermore whan he was made Emperour many amonastery he made in the same place in the wood where he was borne This maÌ„ was a victoryoê° maÌ„ he entred iÌ„ to ytaly there he toke Padulphus the prynce of Campany ¶ Stephanus the .ix. was pope after Victor .ix. monethes ¶ Benedictus after hym he toke the dygnyte of the pope Stephanus by strengthe kepe it .ix. monethes theÌ„ne decessyd ¶ Henry the thyrde was Emperour after Henry the seconde This Henry was an Inquyete man and many times troubled that hooly man Gregorius the .vii. And fyrst he axed foryeuenesse was assoyled· But he perceyuered not longe but brought in to an other pope ayenst hym sayd he was an heretyke And Gregoriê° cursyd hym And the chesers of the Emperoure they those the duke of Baxon for to be Emperour whom thys Henry in batayll ouercame And thenÌ„e he came to Rome with his pope pursewed pope Gregorius the Cardynalles also ¶ And thenÌ„e anone Robert the kyng of Naples droue hym theÌ„s delyuered the pope his Cardynalles Neuerthelesse yet he was a man of grete almesse .iii. tymes he faught in batayll at the last he deyed wrytchedly for he was put there by his owne sone For so as he dyde to other men so was he done vnto ¶ Nicholaê° the seconde was pope after Benedictê° two yere this Nicolaê° called a couÌ„seyll ayenst that Archedeken of Turonoseus the whiche was an heretyk taught ayenst the fayth For he erred in the sacrameÌ„t after he was coÌ„uerted was an holy man but he coude neuer conuerte his dyscyples ¶ Nota ¶ Alexander the secoÌ„de was pope after hym xii yere this Alexander was an holy man he ordeyned that vnder payne of cursynge that noo man sholde here a preestê masse whom men knewe had a lemman Vt pêª .xxxii. pÌ„cer hoc He had stryue with one Codulo but he expulsyd hym as an vsurper put hym out as a symonyer ¶ How Harolde that was good wyns sone was made kynge and how he escape from the duke of Normandy AS saynt Edwarde was gone oute of this worlde was passed to god and worthely enteryd as to suche a grete lorde oughte the barons of the londe wolde haue had Edwarde Elygus sone to Edwarde the outlawe that was Edmonde Irensydes sone to be kynge For as moche as he was moost kyndest kynges blood of the reame ¶ But Harolde sone thrugh the erle Godewyn the strengthe of his fader Godewyn and thrugh other grete lordes of the reame that were of his kynne vnto hym sybbe seased all EngloÌ„de in to hys honde anone lette crowne hym kynge after the enterement of Saynt Edware This Harolde that was Godewynes sone the seconde yere afore that saynt Edwarde was deed wolde haue gone in to Flaundres but he was dryuen thrugh tempest in to the couÌ„tree of Pountyse and there he was taken brought to duke wyllyam And this Harolde wende that tho thys duke wyllyam wolde haue be auenged vpon hym for by cause that the Erle Godewyn that was roldes fader had lete slee Alured that was saynt Edwardê brother and pryncipally for by cause that Alured was quene Emmes sone the was Rychardes moder duke of Normandy that was aiÌ„enll to the duke wyllyam And neuertheles whan the duke wyllyam had Harolde in pryson vnder hys power for asmoche as this Harolde was a noble wyse knyght a worthy of body that hys fader he was accorded with good kynge Edwarde therfore wolde not mysdo hym But all manere thynges that betwext them was spoken and ordeyned Harolde by hys good wyll swore vpon a boke vpon â—oly sayntes that he sholde spouse wedde duke wyllyams doughter after the deth of saynt Edwarde that he sholde besely doo his deuour for to kepe and saue the reame of Englonde vnto the profyte and auantage of duke wyllyam ¶ And whan Harolde hadde thus made his othe vnto the duke wyllyam he lette hym goo and yaue hym many a ryche yeftes And he tho wente thens and came in to Englonde and anone dyde in this manere whan Saynte Edwarde was deed and as a man falsly for sworne He lette crowne hym kynge of Englonde and falsely brake the coue name that he hadde made before wyth duke wyllyam wherfore he was wonder wroth wyth hym and swore that he wolde vppon hym be auenged what some euer hym befell ¶ And anone duke wyllyam lette assemble a grete hoste and came in to Englonde to auengâ— hym vppon Harolde and to conquere the londe yf that he myght ¶ And in the same yere that Harolde was crowned Haralde Herestynge kynge of Denmarke arryued in ScotloÌ„de and thought to haue be kynge of Englonde and he came in Englonde and robbed and destroyed all that he myght tyll that he came to yorke and there he slewe many men of armes a thousande and a hondred preestes whaÌ„ this tydynges came to the kynge He assembled a grete power and wente for to fyght with Haralde of Denmarke and wyth hys owne hondes de hym slewe and the Danes were dyscomfyted and tho that were lefte a lyue wyth moche sorowe fledde to theyr shyppes And thus kynge Harolde of Englonde slewe kynge Haralde of Denmarke ¶ Anno dmÌ„ M.lxvi. ¶ How wyllyam Bastarde duke of Normandy came in to Englonde slewe kyng Harolde ¶ Here come Normans and expulsyd Harolde a Saxon. ANnd whaÌ„ this bataylle was done Harolde be came so proude wolde no thynge parte with his people of the thynge that he had goten but helde it all to hym self wherfore the moost parte of his people were wrothe and frome hym departed soo that oonly with hym abode no moo but his soldyurs And vpon a daye as he sate atte meete a messager came to hym and sayde that wyllyam bastarde the duke of Normandy was arryued in Englonde with a greate hoste had take all the londe about Hastynge also myned the castell whaÌ„ the kynge had herde this tydynges he wente thyther with a lytell power in all the hast that he myght for there but fewe people wyth hym lefte And whan he was come thyder he ordeyned to yeue batayll to duke wyllyam But the duke axed him of these thre thynges yf that he wolde haue his doughter to wyf as he made swore his othe behyght or that he wolde holde the londe of hym in truage or he wolde determyne thys thynge in batayll This Harolde was a proude man a stronge and trusted wonder moche vpon his strength and faught with duke wyllyam and with his people But Harolde his men in this batayll were
chartre of oblygacyon and our warraunt for euer more be ferme and stable without ony gaynsayenge we shall fronte this daye afterwarde be true vnto god and to the moder of holy chyrche of Rome \ and to the pope Innocencius the thyrde and to all that cometh after hym· And the realme of Englonde and of Irlonde we shall maynten truely in alle manere poyntes ayenst alle manere men by our power thrugh goodes helpe ¶ How the clerkes that were outlawed came agayne how kyng Iohan was assoylled SO whan thys chartre was made and ensealed the kynge receyued agayne his crowne of Pandulfus honde And sete anone vnto the Archebysshop Stephen and to all his other clerkes and lewede men that he had exyled out of thys londe that they sholde come ayen in to Englonde and haue agayne theyr londes and allo theyr rentes And that he wolde make restytucyon of the goodes that he had taken of theyrs ayenst theyr wyll ¶ The kynge hymself tho and Pandulf and erles and barons went unto wynchestre ayenst the Archebysshop Stephen ¶ And whan he was come the kynge wente ayenst hym and fell adowne to his feet and thus to hym sayde Fayre syre ye be welcome And I crye you mercy by cause that I haue trespassed ayenst you ¶ The Archebysshop toke hym vp tho in hys armes and kyssyd hym curteysly oftentymes and after ledde hym to the doore of saynt Swythunes chyrche by the honde and assoylled hym of the sentence and hym reconsyled to god to holy thyrche And that was on saynt Margaretes daye And the Archepysshop anone wente for to synge masse And the kyng offred at the masse a marke of golde ¶ And whan the masse was done all they wente for to receyue theyr londes without ony manere gaynsayenge ¶ And that daye they made all myrth Ioye ynough But yet was not the enterdytynge releaced by cause the pope had sette that the enterdytynge sholde not be done tyll the kynge had made full restytucyon of the goodes that he had taken of the holy chyrche And that hym self sholde do homage to the pope by a certayn Legate that he sholde sende in to Englonde ¶ And thenne tooke Pandulf his leue of the kynge and the Archebysshop and went agayne vnto Rome ¶ And the Archebysshop anone lete come before hym prelates of holy chyrche at Redynge for to treate counseyll how moche and what they sholde axe of the kyng for to make restytucyon of the goodes that he had taken of theym And they ordeyned sayd that the kyng sholde yeue to the Archebysshop thre thousande marke for the wronge that the kynge had done vnto hym And also by procyons to other clerkes .xv. thousande marke ¶ And the same tyme Nycolaus bysshop of Tuscam Cardynall Penytenciarius of Rome came in to Englonde thrugh the popes conmaundement the fyfth kalendas of Octobre and came to London the fyfth Nonas of Octobre for by cause that kynge Iohan and alle the kynges that came after hym sholde euer more holde the reame of Englonde and of Irlonde of god and of the pope payenge to the pope by yere as it is aboue sayd ¶ How the enterdytynge was vndone in EngloÌ„de and of the debate that was bytwene kynge Iohan and the barons of the reame AS kynge Iohan had done his homage to the Legate that shewed hym the popes letter that he sholde paye to Iulyan yelne ayen that was kynge Rychardes wyfe the thyrde parte of the londe of Englonde and of Irlonde that he had withholde syth that kyng Rycharde deyed ¶ Whan kynge IohnÌ„ herde this he was wonder wroth For vtterly that enterdytynge myght not be vndone tyll that he had made greâ— and restytycyon to the forsayd Iulyan of that she asked The Legate went thenne agayne to the pope after Crystmasse And the kynge sente ouer see to Iulyan that was kynge Rychardes wyf for to haue a relate of that she axed of hym ¶ And so it befell that Iulyan deyed anone after Eester And in so moche the kynge was quyte of that thynge that the axed ¶ But thenne at the feest of saynt Iohan that came nexte after thorugh the popes commaundemente the enterdytynge was fyrst releasyd thrughout alle Englonde 〈…〉 daye of Iulii And .vii. yere was the londe â—terdyted And on the mornynge mâ—n rough sayd masse thorugh out all London and so â—â—ter thorugh out all Englonde· ¶ And the neâ—â— yere after there began a grete debate bytwene kynge Iohan and the lordes of Englonde â—or by cause that he wolde not graunte the lawâ—â— and holde the whiche saynt Edwarde had ordeynâ—d and had ben vsed holden vnto that tyme that he had them broken For he wolde holde noo lawe but dyde all thynge that hym lyked and dysheryted many men without consente of lordes and perys of the londe And woâ— dysheryte the good erle Radulf of Chestre for by cause that he vndertoke hym of hys wyckednesse for by cause that he dyde so moche shame and vylany to god and to holy chyrche â–ª And also for he helde and haunted hys owne brothers wyfe and laye also by many wymmen greate lordes doughters For he spared no woman that hym lyked for to haue wherfore all the lordes of the londe were wrothe toke the cyte of London To cesse this debate the Archebysshop and lordes of the londe assenbled before the feest of saynt IohnÌ„ Bapâ—yst in a medowe besyde the towne of Stanys that is called Romney mede And the kynge made them there a chartre of fraunchyse suche as they wolde axe and in suche manere they weâ—e accorded and that accordement lasted not full longe For the kynge hymself soone after dyed ayenst the poyntes of the same chartre that he had made wherfore the moost parte of the lordes of the londe assembled and began to warre vppon hym ayen and brenned his townes robbed his folke and dyde all the sorowe that they myght made them as stronge as they myght with all the power they hadde and thought to dryue hym oute of Englonde and make Lowys the kyngê sone of Fraunce kynge of Englonde ¶ And kyng IohnÌ„ sente tho ouer see and ordeyned so moche people of Normans of Pycardes of Flemynges soo that the londe myghte not susteyne them but with moche sorowe ¶ And amonge alle this people â— there was a man of Normandye that was called Fawkis of Brent and thys NormaÌ„ and his company spared nother chirches ne houses of relygyon but they brente â—obbed it and bare a way aâ—l that they myght take so that the londe was all destroyed what one syde and other ¶ The barons lordes of Englonge ordeyned amonge theym the beste spekers and wysest men and sente them ouer the see to kynge Phylyp of FrauÌ„ce and prayed hym that he wolde sende Lowys hys sone in to Englonde to be kynge of Englonde and to receyue the crowne ¶ How Lowys the knges sone of Fraunce came
in to Englonde with a stronge power of people â— to be kynge of Englonde· ANone as kynge Phylyp of Fraunce herde these tydynges he made certayne alyaunce bytwene theym by theyr comune eleccyon that Lowys kynge Phylyps sone of Fraunce sholde go with theym in to Englonde and dryue out kynge Iohan of the londe And all that were in presence of Lowes made vnto hym homage became his men ¶ And the Barons of Englonde helde them styll att London and abode Lowys the kynges sone of Fraunce And thys was the nexte Saterdaye before the Ascensyon of our lorde that Lowys came into Englonde wyth a stronge power And that tyme kynge IohnÌ„ had taken alle the castels of Englonde in to Alyens hondes ¶ And tho came Lowwys and besyeged Rochestre castell and tooke yt wyth strength And the thursdaye in wytson weke lete hange all the Alyens that were therin And the Thursdaye nexte se wynge he came to London and there he was receyued with moche honur of the lordes that abode hym there all to hym made homage ¶ And after warde on the Tewysdaye nexte after the. Trynyte sondaye he toke the castel of Reigate And on the morowe after the castell of Gilforde and the Frydaye nexte after the castell of Farneham And the Mondaye nexte after the cyte of wynchestre to hym was yolde and the morowe after Saynt Iohans daye the maner of wuâ—ueseye to hym yelden â–ª And the Tewysdaye after the Vtas of saynt Peter and Poule they toke the castell of Odyham And the mondaye after saynt Margaretes day he ordeyned hym to warde Bawmore for to syege the castell and there he dwelled .xv. dayes and myghte not gete the castell and thenne wente he thens and came to London and the Toure to hym was yolden How the pope seÌ„te in to Englonde a legate that was called Swalo of the deth of kynge Iohan. ANd in the same tyme the pope sente in to Englond a Legate that was called Swalo and he was preest Cardynall of Rome for to mayntene kynge Iohans cause ayenst the barons of Englond But the barons had so huge parte helpe thorugh lowys the kynges sone of FrauÌ„ce that kyng IohnÌ„ wyst not to â—orne ne go And so it befell that he wolde haue gone to Nycholl· And as he went thyder warde he came by the abbaye of Swynes hede there he abode two dayes And as he sate at mete he axed a monke of the hous how moche that a loof was wroth that was sette before hym vpoÌ„ the table And the monke sayd â—hat the loof was wroth but an half peny O sayd the kynge tho Here is greate chepe of brede Now sayde he tho and I may leue ony whyle suche a loof shall be wrothe .xx. shelynges or half a yere be gone And so whan he sayd this worde moche he thought often he syghed toke and ete of the brede and sayd by god the worde that I haue spoken it shall be sothe· ¶ The moÌ„ke that stode before the kyng was for this worde full sory in hys herte thought rather he wolde hym self suffre deth thought yf he myght ordeyne therfore some maner remedy And anone the monke wente vnto hys abbot and was shryuen of hym and tolde the abbot all that the kynge had sayd And prayed hys abbot for to assoyle hym for he wolde yeue the kynge suche a drynke that all Englond sholde be glad therof and Ioyfull Tho yede the monke in to a gardeine and fouÌ„de a grete tode therin and toke her vp and put her in a cuppe prycked the tode thorugh with a broche many tymes tyll that the venym came out of euery syde in the cuppe And tho tooke the cuppe fyllyed it with good ale and brought it before the kyng knelynge sayenge Syr sayd he wassayll for euer the dayes of all your lyf dronke ye of so good a cuppe ¶ Begyne monke sayd the kynge ¶ And the monke dranke a greate draught and toke the kynge the cuppe and the kynge dranke also a greate draught and sette downe the cuppe The monke anon ryght wente in to farmere there deyed anone on whoo 's soule god haue mercy Amen And fyue monkes synge for his soule specyally shall whyle that the abbaye standeth The kynge rose vp anone full euyll at ease and commauÌ„ded to remeue the table and axed after the monke And men tolde hym that he was deed for his wombe was broken in sondre ¶ Whan the kyng herde this he coÌ„maunded for to trusse but it was for nought for is bely began to swelle for the drynke that he had droÌ„ke within two dayes he deyed on the morowe after saynt Lukys daye had many fayr chyldern of his body begaten that is to say HeÌ„ry his sone that was kyng after Iohan his fader Rycharde that was Erle of Cornewaylle and ysabell that was Empresse of Rome Elenore that was quene of Scotlonde And this kyng Iohan whan he had regned .xiiii. yere fyue monethes fyue dayes he deyed in the castell of ne werke And his body was buryed at wynchestre ¶ Anno dmÌ„ M.CC. FRedericus the seconde was Emperour xxx yere This man was crowned of Honorius the pope ayenst Otto for by cause that he sholde fyght wyth hym the whyche he dyde and expulsyd hym And fyrste he nourysshed the chyrche and afterwarde he dyspoyled it as a stepmoder· wherfore Honorius cursyd hym and all tho that were contrary to hys opynyon the pope assoyled And the same sentence Gregorius the .ix. renewed And this same man put Henry hys owne sone in to pryson and there murdred hym wherfore whan thys Emprerour an other season was lyke by an other sone of his owne he was murdred in the tyme of Innocentius the fourth ¶ Honorius the thyrde was pope after Innocenciê° .x. yere confermed the ordre of frere Prechers Mynors· And made certayne Decretalles ¶ Of kynge Henry the thyrde that was crowned at Gloucetree ANd after this kynge Iohan regned his sone Henry was crowned at Gloucette whan he was .ix. yere olde on saynt Symondes daye Iyde of Swalo the Legate of Rome thrugh counseyll of all the grete lordes that helde with kynge Iohan hys fader that is to saye the erle Radulf of Chestre wyllyam erle Marshall erle of Penbroke Wyllyam the Brener erle of Feries Serle the manly baron And all other grete lordes of Englonde helde with Lowys the kynges sone of FrauÌ„ce And anone after whan kynge Henry was crowned Swalo the Legate helde his counseyll at Brystowe at saynt Martyns feest And there were xi byssops of Englonde of walys and of other prelates of holy chyrche a grete nombre and erles barons many knyghtes of Englonde And all tho that were at that counseyll swore feawte vnto Henry the kyng that was kynge IohnÌ„s sone ¶ And anone after the Legate enterdyted walys for cause that they helde with the barons of Englonde Also all
full yll kytte wherfore the people playned sore So that the kynge enquered of the trespassours And thre houndred were atteynted of suche maner falsnes wherfore some where hanged and somme drawen and after hangyd ¶ And afterwarde the kynge ordeyned that the sterlynge halfpeny sholde go thorugh out all hys londe And commauÌ„ded that no man fro that daye afterwarde yaue ne feoffed hous of religyoÌ„ with londe tenemente without specyall leue of the kynge And he that dyde sholde be punysshed att the kynges wyll the yeft shall be for nought And it was not longe after the Lewelyn prynce of walys thrugh the tycemente of Dauyd hys brother bothe theyr consente they thought to dysheryte kynge Edwarde in asmoche as they myght so that thorugh them both the kynges peas was broken And whan kynge Edwarde herde of this anon he sent his barons in to Northumberlonde the Surreys also that they sholde go take theyr vyage vpon the traytours Lewelyn Dauyd And wonder herde it was for to warre tho For it is wynter iÌ„ walys whan in other couÌ„tres is Somer And Lewelyn lete ordeyne well arayed vytayll hys good castell of Swandon and was ther in an huge nombre of people plente of vytaylles so that kynge Edwarde wyst not wher for to entre And whan the kynges men it perceyuer and also the strenth of walys they lete come in the see bargees botes and grete plankys as many as they myght ordeyne haue for to go to the sayd castell of Swandon wyth men on foot also on hors But the walsshmen had so moche people were so stronge that they draue the Englysshmen ayen so that ther was so moche presse of people at the tornynge ayen that the charge the burden of men made the bargees the botes to synke there was drowned many a good kynght that is to say syr Robert Clyfford syr wyllyam of Lyndeseye that was· syre IohnÌ„s sone Fitz Robert syr Rychard Tanny and aÌ„ huge nombre of other all was thrugh there owne foly For yf they had had good espyes they had not be harmyd whan kynge Edwarde herde tell that hys people were so drowned â–ª He made sorowe ynough but tho came syr Iohan of Vessy frome the kynge â–ª Aragon And brought wyth hym moche people of bachelers and of Gascoynes and were souldyurs And dwelled with the sayde Iohn of Vessy receyued of hym wages and with hym were witholde and noble men they were for to fyght and brente many townes slewe moche people of walsshmen All that they myght take And all tho wyth strenth myght made assawte vnto the castell of Swandon and gate the castell And whan Dauyd the prence brother herde of this tydynges he ordeyned hym to flyght and Lewelyn the prynce sawe that his broder was fledde then he was sore abasshed for he had no power to his warre for to mayntene And soo Lewelyn gan for to flee and wynde well for to haue scapedde But in a morowe syre Roger mortymer mette wyth hym oonly wyth .x. knyghtes And sette hym rounde aboute And to hym went smote of hys heed presented the same heed vnto kynge Edwarde And in thys manere Lewelyn the prynce of walys was taken and hys heed smyten of and also alle hys heyres dysheryted for euermore thrugh ryght full dome of all the lordes of the reame ¶ How Dauyd that was Lewelyns broder prynce of walys was put to dethe DAuid that was the prynces broder of walys thrugh pryde wende to haue be prynce of walys after his brothers dethe and vpon this he sent after walsshemen to hys parleament at Dynbygh and folysshely made walys to aryse ayenst the kynge and began to meue warre ayenst kynge Edwarde and dyde all the sorowe and dysease that he myghte by hys power whan kynge Edwarde herde of thys thynge he ordeyned men to pursewe vppon hym And Dauyd fyersly hym defended tyll the he came to the towned of saynt Morice and there was Dauyd take as he fledde and ladde to the kynge And the kynge coÌ„maunded that he sholde be hangyd drawen smyte of hys heed quarter hym sende his hede to London and the foure quarters sende to the foure chyef townes of walys For they sholde take ensample therof and beware And afterwarde kynge Edwarde lete crye his peas thrugh out all walles seased all the londe in to his honde all the grete lordes that were left alyue came to do feaute homage to the kynge Edwarde as to theyr kynde lorde And tho lete kyng Edwarde amende the lawes of walys that were defectyue And he sent to all the lordes of walys by letter patentes that they sholde come all to parlament And whan they were come thou kyng sayd to them full curteysly lordynges ye be welcome me behoueth your counseyll your helpe for to go vnto Gascoyne for to amende the trespasse that to me was done whan I was there And for to entreate of peas bytwene the kynge of Aragon the prynce of Morrey all the kynges lyege men erles barons coÌ„sented grauÌ„ted therto And tho made hym kynge Edwarde redy went in to Gascoyne lete amende all the trespasses that hym was done in Gascoyne And of the debate that bytwene the kynge of Aragon the prynce of Morrey he sessyd and made theym accorded And whyle good kyng Edwarde and Elynore his wyf were in Gascoyne The good erle of Cornewayll was made wardeyn of Englonde tyll that kynge Edwarde came ayen And tho enquered he of hys traytours that coniected falsenesse agaynst hym And eche of them all receyued ther dome after that they had deserue But in the meane tyme that the good kynge Edwarde was beyonde the see to doo them for to make amendes that ayenst hym had trespassyd ther was a false the yf a traytoure that was called Rysap Merydok began for to make werre ayenst kyng Edwarde and that was for cause of syr payne Typtot wrongfully greued dysceased the forsayde Rysap meradok And whan kyng Edwarde herde all this matere it well vnderstode anone he sente by hys letter pryue seale to the forsayd RebellyoÌ„ Rysap Merydok that he sholde begynne in no maner wyse for to make reyse werre but that he sholde be in peas for his loue whan he came ayen in to Englonde he wolde vnder take the quarell amende al that was mysdon This forsayd Rysap Merydok dyspysed the kynges commaundement and spared not to doo all the sorowe that he myght to the kynges men of Englond But anon after he was take and ladde to yorke and there he was drawen and hangyd for his felonye ¶ Of dressyng that kynge Edwarde made of his Iusticê and of his clerkes that they had done for ther falsnes and how he draue the Iewes out of Englonde for ther vsury and mysbyleue AS kynge Edwarde had dwelled thre yere in Gascoyne a
desyre came to him for to goo in to Englonde ayen And whan he was come ayen he fouÌ„de so many playntes made to hym of his Iustyces of his clerkes that had done so many wronges falsnesse that wonder it was to here and for whiche falsnesse syre Thomas waylond the kynges Iustyce for swore Englonde at the toure of London for falsnesse that meÌ„ put vpon hym wherfore he was atteynt proued fals· And anone after whan the kyng had done his wyll of the Iustices tho lete he enquere espye how the Iewes dysceyued and begyled his people thorugh the synne of falsnesse and of vsury And lete ordeyne a preuy parlement amonge his lordes And they ordeyned amonge theym that all the Iewes sholde voyde out of Englonde for theyr mysbyleue and also for theyr fals vsury that they dyde vnto crysten men And for to spedde and make an ende of this thynge all the comyn alte of Englonde yaue vnto the kynge the .xv. peny of all theyr goodes meuable and soo were the Iewes dryuen oute of Englonde And tho went the Iewes in to Fraunce And there they dwellyd thorugh leue of kynge Phylyp that tho was kynge of Fraunce ¶ How kynge Edwarde was seased in alle the londe of Scotlonde through coÌ„sente and graunte of all the lordes of Scotlonde· IT was not longe after that Alexandre kynge of Scotlonde was dede and Dauyd the erle of Huntyngdon that was the kynges brother of Scotlonde axed claymed the kyngdom of Scotlond after his brother was deed for cause that he was ryghtfull heyre But many grete lordes sayd nay Wherfore greate debate arose bytwene theym there freÌ„des for asmoche as they wolde not consente to hys coronacyon and the meane tyme the forsayd Dauyd deyed so it befell that the sayd Dauyd had thre doughters that worthyly were maryed the fyrst doughter was maryed to Bayloll the seconde to Brus and the thyrde to Hastynges The forsayd Bayloll Brus chalenged the londe of Scotlonde greate debate stryf arose bytwene them by cause eche of them wolde haue be kynge· And whan the lordes of Scotlonde saw the debate bytwene them came to kynge Edwarde of Englonde seased hym in all the londe of Scotlond as chyef lord whaÌ„ the kyng was seased of the forsayd lordes the forsayd Baylol Brus Hastinges came to the kynges courte axyd of the kyng whyche of them shold be kynge of Scotlonde And kyng Edwarde the full gentyll true lete enquyre by the Cronycles of Scotlonde and of the gretest lordes of Scotlonde whiche of them was of the eldest blood And it was fouÌ„de that Baylol was the eldest And that the kyng of Scotlond sholde holde of the kynge of Englonde do hym frauce and homage And after this was done Baylol went in to ScotloÌ„de and there was crowyed kynge of Scotlonde ¶ And the same tyme was vpon the see grete warre bytwene the Englysshemen and the Normans But vpoÌ„ a tyme the Normans arryued all at Douer and ther they martred an holy maÌ„ that was called Thomas of Douer And afterwarde were the NormaÌ„s slayne that there escaped not one of theÌ„ ¶ And so afterwarde kynge Edwarde sholde lete the duchye of Gascoyne thrugh kynge phylyp of FrauÌ„ce thrugh his fals castynge of the Dousepers of the londe wherfore syr Edmond that was kynge Edwardes brother yaue vp his domage vnto the kynge of FrauÌ„ce ¶ And in the tyme the clerkes of Englond graunted to kynge Edwarde half â—eale of holy chirche goodes in helpynge to recouer his londe agayne in gascoyne And the kyng sent thether a noble company of hys bachelers And hymself wolde haue gone to Portelmouth but he was let thrughe one maddok of walys that had seased the castell of Swandon in to his honde for that cause the kynge torned to walys at Cristmasse by cause that the noble lordê of Englond that were sent in to Gascoyne had no comforth of there lorde the kynge they were take of syr Charlys of FrauÌ„ce that is to say syr IohnÌ„ of brytayne syr Robert Tiptot syr Raufe Tanny syr Hugh Bardolfe and syr Adam of Cretynge And yet att the assensyon was Maddok take in walys a nother that was called Morgan And they were sent to the tour of London and there they were byheded ¶ How Syre Iohan Baylol kyng of Scotlonde with sayde his homage ANd whan syre IohnÌ„ Baylol kynge of Scotlonde vnderstande the kynge Edwarde was werred in Gascoyne to whom the reame of Scotlond was delyuerd Falsly tho ayenst his othe with sayd his homage thrugh procurynge of his folke sent vnto the court of Rome thrugh a fals suggestyon to be assoylled of that othe that he swore vnto the kyng of Englonde soo he was by letter enbulled ¶ Tho chose they of Scotlonde dousepers for to brnyge Edward of his ryght ¶ And in the tyme came two Cardynalles from the cource of Rome fro the pope Celestme to trete of acorde bytwene the kyng of EngloÌ„d as tho cardinalles spake of accorde ThaÌ„ as turbeluyll was takeÌ„ at Lyons made homage to the warde of Parys put his sones in hostage thought to go in to Englonde aspye the countre tell them whan he came to Englond that he had broken the kynges pryson of Fraunce by ryght said that he wolde do that all Englysshmen walshemen sholde aboute the kynge for to brynge to the ende he swore vpon thys couenaunt dedes were made bytwene them that he sholde haue by yere a thousand pouÌ„des worth of londe to byrnge this thynge to an ende This fals traytour toke his leue wente thens came in to Englonde vnto the kynge seyd that he was broke oute of pryson that he had put hym in suche peryll for his loue wherfore the kyng cowde hym moche thanke full gladde was of his comynge ¶ And the fals traytoure fro that daye aspyed all the doynge of the kynge also his counselle for the kyng loued hym full welle and with hym full preuy But clerke of Englonde that was in the kynges how 's of Fraunce herde of this treason and of the falsnesse and wrote to another clerke that tho was dwellynge with Edwarde kynge of Englonde all how Thomas Turbeluyll hadde done his fals câ—niectynge and all the counselle of Englonde was wryte for to haue sende vnto the kynge of Fraunce ¶ And thoruhhe the forsayde letter that the clerke hadde sente fro Fraunce it was founde vppon wherfore he was ledde to London and hangyd and drawe there for his treason And hys two sones that he hadde put in Fraunce for hostage were thenne beheeded ¶ Of the Conquest of Berwyke SO whan the twoo Cardynalles were gone agayne in to Fraunce for to trete of the peas of cambroy the kynge sent thether of his erles and barons This is to saye syr Edmonde his broder erle of Lancastre and of Lecetre syr Henry Lacy erle of Nychol
Englonde assembled them a certayn day att the frere prechers at London And there they spake of the dyshonour the kynge Edwarde dyde to hys reame to his crowne and so they assentyd alle bothe erles and barons and all the comyns that the for sayd Peers of Ganaston sholde be exyled out of Englonde for euer more and so it was done For he for swore Englonde and went in to Irlonde and there the kyng made hym cheyfteyne gouernour of the londe by hys commyscyon And there this Pers was cheyfteyne of all the londe And dyd there all that hym lykyd â–ª and hadde power what he wolde and that tyme wer the templers exyled thrugh all cristiantee for by cause that myn put vppon theym that they sholde do thynges ayenst the fayth and good byleue Kyng Edwarde louyd Peers of Ganaston so moche that he myght not for bere his coÌ„pany And so moche the kynge yaue behyght to the people of Englonde that the exylyge of the forsayd Peers shold be reuokyd atte Stamforde thrugh them that hym had exyled wherfore Pers of Ganaston cam ayen into Englond And whan he was come ayen in to his londe he dyspysed the grettest lordes of this londe And called syr Robert Clare Erle of Gloucetre horesone And the Erle of Nycholl syr Henry Lacy brustenbely and syr Guy Erle of warwyk the blacke hound of Arderne And also he callyd the noble erle Thomas of Lancastre churle many other scornes and shamys them sayde and many other grete lordes of Inglonde wherfore they were to warde hym full angry and wroth ryght sore anoyed And in the same tyme deyed the Erle of Nycholl But he chargyed or that he was deed Thomas of Lancastre Erle that was his sone in lawe that he sholde mayntene hys quarell ayenst this same Peers of Ganaston vpon his blessynge ¶ And so it befell thorugh helpe of the erle Thomas of Lancastre and all so of the Erle of warwyk that the forsayd syr Peers was heeded att gauersich besyde warwyk in the .xx. day of Iune in the yere of grace M.CCC and .xii. wherfore the kyng was sore anoyed and prayed god that he myght se that daye to be auenged vpon the deth of the forsayde Peers ¶ And so it befell afterwarde as ye shall here Alas the tyme. For the forsayd Erle of Lancastre many other grete barons were put to a pyteous dethe and martred for by cause of the forsayde quarell The kynge was to att London And helde a parleament and ordeyned the lawes of Symonde Mountforde wherfore the erle of Lancastre and the Erles and alle clergye of Englonde made an othe thrugh counseyll of Robert of wynchelse for to mayntene the ordynauntes for euer ¶ How Robert Brus came ayeÌ„ in to Scotlonde and gadryd a grete power of men for to werre vpon kynge Edwarde ANd whan syre Robert the Brus that made hym kynge of Scotlonde that before was fledde in to Norway for drede of deth of the good kynge Edwarde And also he herde of the debate that tho was in englond bytwene the kynhe his lordys he ordeyned an hoste came in to Inglonde in to Northumberlonde and clene dystroyed the countree ¶ And whan kynge Edwarde herde this tyynges he lete assemble hys hoste and mette the Scottes at Edstreyelyn in the daye of the Natiuite of saynt Iohan Baptyst in the thyrde yere of his regne in the yere of oure lorde M.CCC .xiiii. Alas the sorowe losse that ther was done For there was slayne the noble Erle Gylbert of clare syr Robert Clefford baron and the kynge Edwarde was scomfyted and Edmonde of maule the kynges Stewarde for drede wente drowned hymself in a fresshe ryuer that is called Bannokysborne wherfore they sayd in repreyf of kynge Edwarde for asmoche as he louyd to go by water also for he was dyscomfyted at BaÌ„nosborne therfore the maydens made a songe therof in the countree of kynge Edwarde â–ª and in this manere they soÌ„ge MaydeÌ„s of Englonde sore may ye morne for tyÈt haue lost your leÌ„mans at baÌ„nokysborne with heuelogh what wenyth the kyng of Englonde to haue gote Scotlond with rombylogh AS kynge Edmonde was dyscomfyted woÌ„der sore and faste he fledde with his folke that were left aliue weÌ„t vnto Berwyk there helde hym after he toke hostages .ii. chyldern of the rychesse of the towne And the kynge went to London toke couÌ„seyl of thynges that were nedefull to the reame of EngloÌ„de ¶ And in the same tyme it befel that tho was in Englonde a rybaude that was called Iohan TaÌ„ner And he yede sayd that he was the good kynge Edwardes sone and lete hem calle Edwarde of CarnariuaÌ„ And therfore he was take at Oxforde And there he chaleÌ„ged frere carmes chyrche that kyng Edwarde hadde yeue them whiche was the kynges halle And afterwarde was thys Iohan ladde to Northampton drawen hangyd for his falsnesse or that he was deed he confessyd sayd before all tho that were there that the deuyll beyhyght hym that he sholde be kynge of Englonde that he had serued the deuyll thre yere ¶ How the towne of Berwyk was take thrugh treason and how two Cardynales were robbyd in Englonde ANd on mydlente Sondaye in the yere of our lorde M.CCC.xvi Berwyke was loste thorugh false treson of oon Pers of Spaldynge the whyche Pers the kynge had put there For to helpe that same towne with many burgeyses of the same towne wherfore the chyldren that were put in hostage thrughe the burgeyses of Berwyk folowed the kynges marchâ—â—se many dayes fettred in stroÌ„ge yrens And after the tyme two Cardynalles in to Englonde as the pope had theym sence for to makepe as bytwene Englonde and Scotlonde And as they wente to warde Durham for to haue sacred mayster Lowys of Beamont bysshop of Durham they were take robbed vpon the moore of wynglesdom Of whiche robbery syr Gylbert of mytton was atteynt take and hangyd drawen at LoÌ„don his heed smytte of put vpon a spere set vpon newe gate the foure quarters sent to foure cytees of Englonde and that same tyme befell many myscheues in Englonde for the poore people deyed in Englonde for hungre and so moche and so faste deyed that vnethe meÌ„ myght bury them For a quarter of whete was at .xl. shelynges â–ª and two yeres an half a quarter of where was worth .x. marck· and of tyme the poore people stole chyldern and ete them ete also the houÌ„des that they myghte take also hors and cattes And after there fell a grete myrreyne amonge bestes in dyuers countrees of engloÌ„de durynge kynge Edwarde lyues tyme. ¶ How the Scottes robbyd NotuÌ„berlonde ANd in the same tyme came the Scottes ayen in to Englonde and dystroyed Northumberlonde and breÌ„â—t and
that came after hym shold holde of Brute of his heyres that is to say of the kynges of Brytayn by feaute homage And frome that tyme vnto thys tyme of kynge Edwarde the tame of Scotlond was holde of the reame of Englonde by feaute and seruyce as aboue ys sayd in the Cronycles of Englonde of Scotlonde berythe wytnesse more playnely And accursyd be the tyme that this parlement was holden at Northampton For there by fals councyll the kyng was there falsly dysheryted and yet he was with in aege ¶ And yet whan that kyng Edward was put out of hys ryalte of Englonde yet men put not out of the feautes seruyse Scotlonde Ne of the fraunchyses dysheryted hym for euer more ¶ And neuertheles the grete lordes of englonde were ayenst to conferme the peas the â—rwes abouesayd saâ—f only quene Isabell that tho was the kynges moder Edwarde and the bysshop of Ely and the lorde Mortimer But reason and lawe wolde not that a fynalle peas sholde be made bytwene them without the comyn assente of Englonde ¶ Of the debate that was bytwene quene Isabell syr Henry erle of Lancastre of Leycetre and of the rydynge of Bedforde THen as the for sayde Dauyd had spowsyd dame IohanÌ„e of the toure in the towne of Berwyk as before is sayde The Scottes in dyspyte of the Englysshmen called dame Iohanne the countesse make peas for the cowardly peas that tho was ordeyned But the kynges persone bare all the wyte and blame wyth wronge of makynge of the accorde And alle was done thrugh the quene Roger Mortymer And it was not longe after that the quene Isabell ne toke in to her hondê all the lordshyp of Pountfret almoste all the londes that were of ony value that apperteyned to the crowne of Englonde Soo the kynge had not to dyspendede but of hys vses and of hys escheker For the quene Isabell the Mortymer hadde grete mayne of the retenewe that folowed the kynges courte euer more went and toke the kynges pryces for her peny worthes at good châ—pe wherfore the countre that they came in were fullsore addrade and almoost dystroyed of theym ¶ Tho began the comynaâ—te of Englonde for to haue enuye to Isabell the quene that somoche louyd her before whan she came ayen for to pursue the fals traytours the Spensers fro Fraunce And in that same tyme the fals traytour Roberte of Holonde that bytrayed hys lorde syr Thomas of Lancastre was tho delyuerde and out of pryson was wonder preuy witth the quene Isabell also with Roger Mortymer But that auaylld hym but lytyll For he was taken at Myghelmasse that tho cam nexte after as he rode to warde quene Isabell to London and syr Thomas whyther smote of his heed besydes the towne of saynt Albons And thys syr Thomas dwelled with syr Henry erle of Lancastre and he put hym asyde for drede of the quene For the quene loued hym wonder moche And prayed vnto the kyng for hym that the same Thomas might be exyled out of Englonde And the noble erle syr Henry of Lancastre had often tymes herde the comyn claymore of the Enghysshmen of the dysease that were doon in Englond also for dyuers wroÌ„ges that were done to the comyn people of the whyche the kyng bare the blame with wronge For he was but fulle yonge tender of aege thought as a good man for to do awaye slake the sklauÌ„der of the kynges persone yf that he myght in ony manere a wyse so as the kynge was therof nothynge gylty wherfore he was inperyll of lyf lymme· ¶ And so he asseÌ„bled all his retenuwe wente spake with them of the kynges honoure and also for to amende his estate And syr Thomas Brotherton erle of Marchall and syr Edmond wodstok that were the kynges vncles and also men of London made theyr othe hym fo to mayntene in the same quarell And theyr cause was this that the kynge sholde holde his house and hys meyne as a kyng ought for to do and haue all his ryaltâ—e· And that the quene Isabell sholde delyuer out of her hondes in to the kynges honde alle manere of lordshyps rentys townes and castels that apperteyneth vnto the crowne of Englonde as other quenes haue done here before and medle with none other thynge ¶ And also that syr Roger Mortymer sholde abyde and dwelle vpon his ownâ— londes For moche people In so moche that the comyn people were dystroyed and gretely domaged thoroughe suche wrongfulle takynge ¶ And also the enquere howe and by whome that the kynge was betrayed and falsly dysceyued att Stanhope and thrughe whose counseyll that the Scottes went awaye by nyght from the kynge And also how and thrugh whoo 's counseyll the ordynauÌ„ce that were made at the kynges coronacyon was put downe That is to saye that the kynge for amendement and helpynge of his reame in honour of hym sholde be gouerned and rulyd by .xii. of the grettest wysest lordes of the reame and wythout them Sholde no thynge be grauntyd ne done as before is sayd whiche couenauntes were malicyously put downe fro the kynge where many harmes shamys and repreues haue falle to the kyng hys reame and that is to vnderstonde for asmoche as Edwarde kynge of Englonde some tyme was ordeyned by assent in playne parlement for to be vnder warde gouernaunce of Henry erle of Lancastre his cosyn for saluacyon of hys dody he was take out of the castell of Kenilworth there that he was in warde thrugh colour of quene Isabell of the Mortymer without consent of ony parlement they tooke ladde hym there that neuer after none of his kynred myght wyth hym speke ne see after tratorursly toke morored hym for whose deth arose a sklauÌ„dre thrugh all crystendom whan it was done And also the tresore the syre Edwarde of Kernaruian left in many places in Englonde and in walys was wastyd borne awaye wythout the wyll of kynge Edwarde his sone in dystruccyoÌ„ of hym of al his folke ¶ Also thrughe whose counseyll that the kynge yaue vp the kyngdom of Scotlond for the whiche reame the kynges auÌ„cetours had full sore traueiled and so dyd many a noble maÌ„ for theyr ryght was delyuered vnto dauyd that was Robert brus sone all the ryght that no ryght had to the reame as all the world it wyst And also by whom the chartres remeÌ„braunces that they had of the ryght Scotlond were take out of the tresory taken to the Scottes the kynges enmyes to dysheritynge of hym and of his successours to grete harme of hys lyeges grete repreef to all Englysshemen for euer more ¶ Also wherfore dame Iohan of the toure the kynges syster Edward was dysperagyd and maryed vnto Dauyd that was Robertbrus sone that was a traytour enmye vnto Englonde thrugh whoo 's counseyl she was take into our enmyes
hondes out of Englonde ¶ And in this meane whyle the good erle Henry of LaÌ„castre hys companie toke counseyl how those poyntes aboue sayd myght be amended to the worshyp of the kynge to hys profyte to the profyte of his leygê and the quene Isabel thrughe coniectynge also of the Mortymers lete ordeyne a parlement at Salysburye And at the same parlement the Mortymer was made erle of Marche ayenst all the barons wyll of Englonde in preiudyce of the kyng of hys crowne And syr Iohan of Eltham the kynges brother was gyrde with a swerde of Corne waylle and tho was callyd erle of Corne waylle euer more quene Isabell procuryd so moche ayenst her sone the kyng that she had the warde of the forsayde syr Edward of his loÌ„des And at that parlemente the erle of Lancastre wolde not come But ordeyned all his power ayenst quene Isabel and the Mortymer And men of London ordeyned them with fyue huÌ„dred men of armys ¶ Whan quene Isabel wist of the doynge 〈◊〉 swore by god and by hys names full angerly that in an euell tyme he thought vppon tho poyntes Tho sente the quene Isabell the Mortymer after theyr retenwe after the kyngys retenewe soo that they had ordeyned amonge them an huge hoste And they counseylled the kynge so that vppon a nyght â— they rode .xxiii. myles to Bedford there the erle of Lancastre was with his company and thought to haue hym dystroyed and that nyght she rode besyde the kynge her sone as a knyght for drede of dethe And it was done the kyng to vnderstond that the erle Henry of Lancastre and hys company wolde haue dystroyed the kyng and hys counseylle for euer more wherfore the kynge was somdele to wardes hym heuy and anoye◠¶ Whan the erle Marshall and therle of Kente the kynges brother herde of thys tydynges they rode soo in message bytwene theym that the kynge grauntyd hym hys peas to therle Henry of Lancastre for a certayne raunsomme of an leuen thousande pounde But that was neuer payed afterwarde And thyse were the lordes that helde with Syr Henry of Lancastre Syr Beaumont syr Fouk fytz waren syr Thomas Rocelyn Syr wyllyam Trusdrâ—â— â—ynghtes moo that were to hym consented and alle those were exyled thrughe counseylle of the quene Isabell and of Mortymer For the Mortymer wayted to haue theyr loÌ„des yf that he myght thrugh ony maner coniectynge For he was to coueytous hadde to moche his wyll and that was grete pyte ¶ How kynge Edwarde went ouer the see for to doo his homage vnto the kynge of FrauÌ„ce for the duchye of Guyhenne IT was not longe after that the kyng of Fraunce thrugh counseyll of hys Donzepers sente to kynge Edwarde of Englode that he sholde come to Parys do his homage as reason it wolde for the duchye of Guyon so thrughe couÌ„sell of the lordes of Englonde kynge Edwarde went ouer see And at the Ascyon tyde he came vnto Parys the thyrde yere of his regne for to do his homage vnto the kyng of frauÌ„ce the kyng receyued hys homage made of hym moche Ioy worshyp but whan kynge Edwarde had done hys homage hastyly he was sent for in to Englonde thrugh the quen Isabell his moder anone hastyly he came ayen in to Englonde vpon wytsonday without ony takynge leue of the kynge of FrauÌ„ce wherfore he was wonder wrothe ¶ How syr Roger Mortymer bare hym proudely and soo hyghe ANd now shall ye here of syr roger mortymer of wygmore that desyred and coueted to be at an hygh astate so that the kyng grauntyd hym to be callyd erle of Marche thorughe out all hys lordshyp And he became soo proude hauteyn that he wolde lese forsake the name that his elders had euer be fore for the cause he let hym calle erle of marche And none of the comnyns of Englonde durste calle hym by other name for he was callyd so by the kyngys crye that men shold calle hym erle of Marche And mortymer bare hym so hauteyn so proude that wonder it was for to wyte also dysguysed hym with woÌ„nder ryche clothes out of al manere of reason both of shapynge and of werynge wher of the Englysshmen had grete wonder how and in what manere he myght contryue or fynde suche manere pryde they sâ—yd amonge them comynly that his pryde sholde not longe endure ¶ And the same tyme syr Gyffray Mortymer the yonge that was mortymers sone lete calle hym kynge of foly and so it befell after warde in dede for he was soo full of pryde and of wretchydnesse that he helde a rounde table in walys to all men that the der came and couÌ„terfeted the doynge and the manere of kyng Arthurs table but openly he fayled for the noble kynge Arthur was the moost noble lord of renomme that was in all the worlde in hys tyme yet came neuer none suche after For all the noble knyghtes iÌ„ all crysteÌ„dom of dedys of armys assayed dwellyd wyth kynge Arthur helde hym for there lorde and souerayne And that was well seen for he conquered in a bataylle a Romayne that was callyd Froll And gate of hym the reame of Fraunce and slewe hym wyth hys owne hondes also he faught with a gyaunt that was callyd Dynabus slewe hym that had rauysshed fayre Elayne that was kyng Howels neâ—e kynge of lytyll Brytayn after he slewe in bataylle the Emperour of rome that was callyd Lucye that hadde assembled ayenst Arthur for to fyghte wyth hym so moche people of Romayns and Pebytes sarasyns that no man cowde nombre them and he dyscomfyted them alle as the story tellyth ¶ And in that same thyme comyn voyce spronge in Englond thrugh coniectynge and ordynaunce of the frere prechers that syr Edwarde of Carnariuan that was kyng Edwardes fader of whome the geste tellyth sayde that he was alyue in the castell of Corf wherof all the comyns of Englonde almoost were iÌ„ sorowe and drede whether that it were soo or not For they wist not how traytoursly Mortymer had hym done murthred ¶ How Edmonde of wodstok that was erle of Kente the kynges brother Edwarde of Carnaryuan was heedyd at wynchestre ANd vppon a tyme it befell soo that syr Edmonde of wodstok erle of Kent spake vnto pope Iohan the .xxii. at Auinion sayde that almyghty god had ofte tymes done for Thomas loue of Lancastre many grete myracles to many men and wymmen that were thrughe dyuers maladyes vndoone ¶ As vnto the worlde and thrughe his prayer they were broughte vnto there helthe and soo syr Edmonde prayed the pope hertely that he wolde graunt hym grace the forsayde Thomas myghte be traunslatyd But the pope sayde naye that he sholde not be traunslatyd vnto the tyme that he were better certyfyed of the clergye of Englond and seen by theyr obedyence what thynge god had done for the loue of
syr Edmonde it is so ferfor the knowe that it may not be well gaynsayd and that in presence of all that here been it shalle be well prouyd Now had this fals mortymer the same letter that syr edmonde hadde take to Syr Iohan Daueryll in the castell of Corf for to take to kynge edwarde hys brother that syr Edmonde wyst not of ne supposed no thynge that syr Iohn̄ Daueryll had be so fals to delyuer his letter in suche wyse vnto Mortymer And thought no manere of thynge of that letter Thenne Mortymer sayd to syr edmonde and shewed a letter sealed axed hym yf that he knewe the letter and the seale This syr edmonde lokyd theron auysed hym longe tyme on the prynte of the seale for he myght not see the letter with in and wyst well that it was his seale thought that it had be somme letter that had bore no grete charge thought no thinge of that other letter And sayd openly in herynge of them all ye for soth thys is my seale and I wyll it not for sake ¶ Lo sayde the Mortymer syres ye here al what he hath sayd that he knowlegyth hym that this is his letter hys seale And now ye shall here what is conteyned therin thenne Mortymer openyd the letter that he had folde tofore togyder redde it openly worde by worde in herynge of theym all whan the letter was redde he sayd Loo syres ye haue herde alle the herin is wrytē and that he hath knowlegyth that this is his letter his seale he may not go therfro And thenne they cryed yaue dome that he sholde be hangyd drawen hys heed smyten of in a manere of a traytour he hys heyres dysheryted for euer more so he was ladde forth and put in to pryson and whan this was done the quene wist that he was dampned by way of lawe both of lyf and of lym̄e hys heyres dysheryted for euermore thrugh open knowlegynge in playncourt where them thought that it were good that the forsayd syr Edmond were hastyly slayne wythout wyttynge of the kyng or elles the kynge wolde lyghtly foryeue hym hys dethe thenne it shode torne theym so moche sorowe so as he was empechyd And anone the quene thrugh counseyll of the Mortymer and wyth out ony other counsell sent in hast to the Baylyfe of wynchestre that they sholde smyte of Syr Edmondes heed Erle of Kente wythout ony manere abydynge or respyte vpon payne of lyf and lymme And that he sholde haue none other execusyon By cause of caryenge not withstandynge the Iugement Tho toke the Baylyes syr edmonde out of pryson and ladde hym besyde the castell of wynchestre there they made a gonfermer smyte of hys heed for none other durste it doo and soo he deyed there alas the whyle That is to say the tenth daye of Octobre the thyrde yere of kynge Edwarde regne ¶ And whan the kyng wist therof he was wonder sory and lete entyere hym at the frere Mynors at wynchestre ¶ Of the deth of syr Roger Mortymer Erle of Marche ANd so it befell at that tyme that syr Roger Mortymer erle of the Marche was so proude and so hauteyne that he helde no lorde of the reame his pere And tho became he so coueytous that he folowed dame Isabell the quenes courte that was kynge Edwards moder and beset hys peny worth with the offycers of the quenes house holde in the same manere that the kynges offycers dyde And so he made his takynge as touchynge of vytayle and also of caryages and all he dyde for bycause of expencys and to gadre tresoure And so he dyde without nombre in all that he myght ¶ Tho had he made hym wonder preuy wyth the quene Isabell And so moche lordshyppe and rete we had that all the grete lordes of Englonde of hym were adrad wherfore the kyng and his counseylle to warde hym were agreued And ordeyned amonge them to vndo hym thoroughe pure reason and lawe for cause that kynge Edwarde that was the kȳges fader traytoursly thrugh hym was murdred in the castel of Corf as before is sayde more playnly in some parte of his boke of his deth ¶ And some that were of the kynges counseyll louyd Mortymer tolde hym in preuyte how that the kynge counsel were aboute from daye to daye hym for to dystroye and vndo wherfore Mortymer was sore anoyed angry as the deuyll ayenst them of the kynges counseyll say he wolde of them be auenged how so euer he toke on ¶ It was not longe afterwarde that kynge Edward dame Phylyp his wyf dame Isabell the kynges moder and syr Roger Mortymer ne wente vnto Notyngham there for to soiurne And so it befell that quene Isabel thrugh coūseyll of Mortymer toke to her the keyes of the yates of the castell of Notyngham So that no man myght come nother in ne out but thrugh commaundement of Mortymer ne the kynge ne none his coūseylle ¶ And that tyme it fel. that the Mortymer as a deuyll for wrath bolled also for wrathe that he had ayenst the kynges men Edward and pryncypally ayenst theym that had hym accusyd to the kynge of the deth of syr Edwarde his fader ¶ And pryuely a coūseyll was take bytwene quene Isabell and the Mortymer and the bysshop of Lyncoln syre Symōde of Bedford and syr Hugh of Trompyngton other preuy of theyr counseyll for to vndo theym all that the Mortymer had accusyd vnto the kynge of his faders deth of treason of felonye ¶ Wherfore all tho that were of the kynges coūseyll whan they wist of the Mortymers castynge pryuely came to kynge Edwarde and sayd that Mortymer wold theym dystroye bycause that they had hym accusyd of kynge Edwardes dethe his fader \ And prayed hym that he wolde mayntene them in theyr ryght ¶ And thyse were the lordes that pursued this quarell Syr wyllyam of Mountagu syr wyllyam de Bohum Syr wyllyam his broder syr Rauf Stafforde syr Robert of Herforde syr wyllyam of Clynton syr Iohan Neuell of Hornby and many other of theyr cōsent And all thyse swore vpon a boke to mayntene the quarell in as moche as they myghte And it befell so after· that syr wyllyam Mountagu ne none of the kynges frendes muste not be herberowed in the castell for the Mortyme◠but went and toke theyr herberowe in dyuerse place of the twone of Nothyngham And tho were they sore a ferde leest that mortymer sholde theym dystroye And in haste they came vnto kyng Edward syr wyllyam of Mauntagu and other that were in the castell And pryuely hym tolde that he ne none of hys cōpany sholde not take the Mortymer without counseyll helpe of wyllyam of Elande constable of the same castell ¶ Now truelye sayd the kynge I loue you well· therfore I counseyl you that ye go to the forsayd conestable
kepe theym in the best manere that they myght ¶ The Scottes vnderstode that crabbe sayd sothe for soke the sege and wente thens by nyghte ¶ whan thys thynge was knowe thrughe Scotlonde how that the lordes knyghtes were dyscomfyted at Gaskemore of Scotlonde thrughe syre Edwarde Bayllol ye shall vnderstonde that the lordes ladyes the gentyls of Scotlond came wonder faste to saynt Iohannes towne yeldyd theym vnto Bayllol to hym dyd homage feaute for theyr sondes yelde theym to his peas he theym receyued frely And fro thens he weÌ„te to the abbay of Scone there he was crowned kyng of Scotlond after he lete crye hys peas thrughe out all the londe ¶ And at that same tyme it befell that kynge Edwarde helde his parlement amonge hys leyges at the newe castell vpon Tyne for to amende the trespaces and the wronges that had ben done in his londe And syr Edwarde Bayllol kynge of Scotlonde came to hym thyther and dyde to hym homage feautee for the reame of Scotlond And in thys maner kynge Edwarde of Englonde gadred ayen hys homages feautees of Scotlonde wher of he was put out thrughe counseyll and assent of dame Isabell hys moder and of syr Roger Mortymer erle of Marche Tho toke Bayllol kyng of Scotlond hys leue of kynge Edwarde of Englonde went thens in to his owne londe of Scotlonde set but lytyll by suche as had counseylled hym holpen hym in hys quarel wherfore they wente from hym went lyued by theyr owne londes and renttes in Scotlond ¶ And so it befel after warde not longe that that the kynge of Scotlonde ne remeued came to the toure of Anande there tooke hys dwellynge and thyder came to hym a company of knyghtes stronge men worthy yelded them vnto the kynge And bare theym so fayr in dede and in couÌ„tenauÌ„ce so that he trustyd moche vpon theym And anone as the traytours sawe that he trustyd moche vpon theym they ordened amonge theym fyfty in a company and wolde haue slayne theyr lorde the kynge But thrugh the grace of almyghty god he brake thrugh a walle an hole in his chambre as god wolde scapyd theyr trechery all hys men were slayne and he escaped with moche dred vnto the towne of Cardoyll And there he helde hym sore anoyed And this befell vpon our ladyes euen the coÌ„cepcyon ¶ Tho sent kynge Edward Baylloll to kynge Edwarde of Englonde how falsly and tratoursly he was in lytyll tyme put to shame sorowe thrughe his lyege men vppon whom he trustyd wonder moche And prayed hym for the loue of god that he wolde mayntene hym helpe hym ayenst hys enmyes the kynge of englond had of hym grete pyte behight to helpe hym socour hym and seÌ„t hym worde that he shold hold hym in peas styll in the forsayde cyte of Cardoyll tyll that he had gadred his power ¶ Tho ordeyned kyng Edwarde of Englonde a counseyll at London lete gadre his men in diuers shyres of Englond and whan he was alle redy he wente towarde the towne of Berwyk vpon Twede and theder came to hym kyng Edward Baylloll of scotlond with his powere and beseged the towne And made without the towne a fayr towne of pauylyons and dyched theym all abowte so that they had no drede of the â–ª Scottes made manye assawte with â—onnes and wyth other engynnes to the towne wherwyth they dystroyed many fayre houses chyrches also were beten downe to the erthe with grete stones the spitously came out of gonnes other engynes And neuertheles the Scottes kept ryght well the towne that tho two kynges myghte not come therin longe tyme. nâ—theles the kynges abode there so longe tyll tho that were within the towne fayled vytaylles also they were so wery of wakynge that they wyst not what for to do ¶ And ye shall vnderstende that tho scottes that were wythin the towne of Berwyk thrugh comyn counseyl theyr assent lete crye vpon the wallys of the twone that they myght haue peas of the EnglysshmeÌ„ and therof they prayed the kyng of his grace mercy prayed gym of trwes for .viii. dayes vpon this couenaunte that yf they were not rescowed in that syde of the towne towarde Scotlond of the Scottes within .viii. dayes that they wolde yelde theym vnto the kyng the towne also And to holde this couenaunt they prouffred to the kinge .xii. hostages out of the towne of Berwyk ¶ Whan the hostages were delyuerde vnto the kynge anone tho of the towne sent vnto the scottes tolde theym of theyr sorowe myscheyf And the Scottes tho came pryuely ouer the water of Twede to the bought of the abbaye syr wyllyaÌ„ Dyket that was tho Stewarde of scotlonde many other that came wyth hym put theym theyr in grete peryll of themself att that tyme of ther lyf For they came ouer a brydge that was to broke the stones away many of theyr company were there drowned But the forsayd wyllyam went ouer other of company came by the shyppes of Englond slew in a barge of Hull xvi· meÌ„ and after they went into the towne of Berwyk by the water syde wherfore the Scottes helde tho the towne rescowed askyd theyr hostages ayen of the kynge of Englonde the kynge sente theym worde ayeÌ„ that they axyd theyr hostages with wroÌ„ge syth thath they came into the towne of Enlonde syde for couenaunt was bytwene theim that the towne sholde be rescowed by the halfe of Scotlonde and anone tho commauÌ„ded kynge Edwarde to yelde the towne or he wolde haue the hostages and the Scottes sayd the towne was rescowed welle ynoughe therto they wolde theym holde whan kyng Edwarde sawe the Scottes breke theyr couenauntes that they made he was wonder wrothe and anone lete syr Thomas Fytz wyllyam and syr AlysaÌ„der of Feton warden of Berewyk the whyche Thomas was person of Dunbarre and lete theÌ„ be take fyrste afore that other hostages for cause that Syr Alysanders fader was keper of the towne ¶ And tho commaunded euerye daye two hostages of the towne tyll that they were all do to deth But yf they yelded the towne so he sholde teche them for to breke theyr couenauntes And whan they of the towne herde thyse tydyngê they became wonder sory and sente to the kyng that he wolde graunt them other .viii. dayes of respyte So that bytwene two hundre men of armys and .xx. men of armes myght by strenthe go bytwene them to the towne of Berwyk theym for to vytaylle that the towne must be holde for rescowed And yf soo were that .xxi. or .xxii. or more were slayne of tho two hundred before sayde that the towsholde not be holde for rescowed And thys couenaunte to be holde they sente to hym other .xii. of the forsayd towne in hostage the kynge of Englonde
Englonde and also of Scotlonde· ¶ And anone after in the same yere kynge Edwarde of Englonde receyued of the duke of Brytayne hys homage for the erldom and lordshyp of Rychmonde And so folowynge in the .ix. yere of hys regne after Myghelmas rode into Scotlond And there was faste by saynt IohaÌ„nes towne almoost all the wynter tyme And soo he helde his Crystemas at the castell of Rokersbourgh ¶ And in the same yere trughout all Englonde abowte saynt Clementys tyde in wynter ¶ Chere arose suche a sprengynge and wellynge vp of waters and also flodes bothe of the see and also of the fresshe ryuers and sprenges that the see bankes walles and costes brake vp that mennys bestes and housys in many places namely in lowe countrees vyolently and sodaynly were drowned and fruyte dryuen awaye of the erthe thrugh contynaunce and abundaunce of waters of the see ouer more afterwarde were torned into more saltnesse and sourenesse or sauoure ¶ The .x. yere of kynge Edwardes regne kynge Edwarde entred the Scottes see after Mydsomer And to many of the Scottes he haue bataylle and ouercame theym and many he treatyd and bowed vnto hys peas thrughe hys doughtynesse and hardynesse ¶ And after the feest of saynt Myghell thenne nexte folowynge was the erle of Moryf hadde and taken at Edenbrugh brought into Englonde and put into pryson ¶ And in the monethes of Iune and Iulii thaÌ„ next folowynge in the xi yere of his regne was seen and apperyed in the fyrmament a beme sterre the whiche clarkes calle stella Cometa that sterre was seen in dyuers partes of the fyrmament ¶ Where after anone there folowed in Englonde goode chepe and wonder greate plente of chaffare vytaylles marchandyse there ayenst honger scarsyte myscheyf and nede of monye ¶ In so moche that a quartre of whete at London was solde for two shellynge and a good fatte oxe att a noble and fyue good douues byrdes for a peny In whiche yere deped syr IohnÌ„ of â—lâ—am erle of Cornewaylle that was kynge Edwardes brother and lyeth atte westmestre ¶ How kynge Edwarde made a duchye of the Erldome of Cornewayle and also of syxe other Erles that were newe made and of the fyrste chaleÌ„ge of the kyngdodome of Fraunce IN the yere of our lorde a M. CCC.xxx.vii and of kynge edwarde .xii. in the moneth of marche durynge the parlement at westmestre in lente tyme kynge Edwarde made of the erldome of Cornewayle a duchye and lete it calle the duchye of Cornewayle the whiche ducye he gaaf vnto Edwarde hys fyrste sone with the erldom of Chestre And also kyng Edwarde made att that same tyme syxe other erles That is for to saye Syr Henry the erle of Lancastres sone erle of Leycetre Wyllyam of BughuÌ„ erle of NorthamptoÌ„ wyllyam of Mountagu erle of Salysbury Hughe of Awdell erle of Gloucestre Roberte of Vâ—orde erle of Southfolke And wyllyam of Clyton Erle of Huntyngeton ¶ And in that same yere it was ordeyned in the same parlemente that no man sholde were noo clothe that was wrought out of Englond as clothe of golde ne of sylke or veluet or damaske or satyne baudkyn ne none suche other ne none wylde ware ne furres of bynde that see But suche as myght spende an hundred pouÌ„de of rente by yere but this ordynauÌ„ce statute was but of lytyl effect For yt was no thynge holden ¶ In the .xiii. yere of his regne kynge Edwarde went ouer see into Braban with quene Phylyp his wyf there beryng a chylde at And warpe there he dwellyd more than a yere for to treate wyth the duke of Braban and other alyed vnto hym of the chalengynge of the kyngdome of Fraunce to kynge Edwarde of Englond by ryght and by herytage after the deth of Karoll the grete kynge of Fraunce brother Gerymayne of quene Isabell kynge Edwardes moder the whyche was holden and occupyed vnryghtfull by Phylyp of Valoys the eÌ„mys of kynge Karoll the wheche duke and all his in the forsayd thynges all other longynge there to with alle hys men and goodes kynge Edwarde founde redy vnto hym and made behyght hym suerte by good fayth truste and after that the kyng hath hym ayen into Englonde lelft there the quene styll be hynde hym in Braban Than in the .xiiii. yere of his regne whan all the lordes of his reame other that oughten to be at his parlement were called assembled togyder in the same parlemeÌ„t holden at London after the feest of saynt Hylarye The kynges nedes were put forth promothed as touchinge the kyngdom of Fraunce For whiche nedes to be spedde the kynge axed the fyfte parte of alle the meuable goodes of Englonde the wulles the .ix. sheep of euery corne And alle the lordes of euery towne where suche thynges sholde be taxed gadryd sholde answere to the kynge therof had it and helde it at his owne lust wyl wherfore yf I shold knowleche the very trouth the ynner loue of the people was torned in to hate And the comyn prayers in to cursinge for cause that the comune people were soo strongely greued ¶ Also the for sayd Phylyp Valoys of Fraunce had gadred vnto hym a grete hoste destroyed in hys partyes kyngdome many of the kynges frendes of Englonde wyth townes castels many other of theyr lordhypoes and many harmes shamys dystytes dyd vnto the quene wher fore kyng Edwarde whan he herde thys tydynges strongely meued therwythe and red and sente dyuers letters ouer see to the quene to other that were his frendes Glagynge them certefyenge them that he wolde be there hymself in all the haste that he mygh ¶ And anone after Ester whan he had sped of all thinges that hym neded to haue he went ouer see ayen Of whose cominge the quene all hys frendes were wonder glad made moche Ioy And all that were his enmyes and held ayenst hym made as moche sorow ¶ In the same tyme the kynge thrughe counseyll of hys trewe lyeges and counsell of hys lordes that there we represent wyth hym wryte the kynhe of FrauÌ„ces name and toke and medled the kynges armes of Fraunce quartred with tharmes of Englond and commaunded forth with hys coyen of golde vnder dyserypcyon and wrytynge of the name of englonde and of Fraunce be made beste that myght bee and that is to saye the floreyne that was callyd the noble pryce of .vi shellynge .viii pens sterlynge and the half nobell the value iii· shellynge and .iiii. pens and the far thynges the value of .xx. pens ¶ How kynge Edwarde came vnto the scuys and dyscomfyted alle the power of Fraunce in the hauen ANd in the next yere after that is to say the .xv. yere of his regne he coÌ„mauÌ„ded and lete wryte in his chartres wryttes other letters the date of the regne of fraunce the fyrst And whyle that he was thus doynge and trauayllynge in
fraunce thrughe his counseyll he wrote to al the prelates dukes erles and baroÌ„s and the noble lordes of the countre and also to dyuerse of the comune people dyuers letters maundementes berynge date att Gandaue the viii daye of February ¶ And anone after wythin a lytyll tyme he came ayen in to englonde with the quene and her chyldren ¶ And in the same yere on mydsomer euen he began to saylle to warde Fraunce ayen and manly and fyersly he felle vpon Phylyp of Valoys the whyche longe tyme laye and had gadryd to hym a full longe boystous meny of dyuers nacions in the hauen of Sceuys there they foughten togyder the kynge of frauÌ„ce and he wyth theyr hostes fro myddaye to thre of the clocke in the morne in the whyche batayll were slayne .xxx. thousande men of the kynges coÌ„pany of fraunce and many shyppes and cogges were taken And soo thrugh goddes helpe he had there the vyctorye and bere thens a gloryous chyualry ¶ And in the same yere abowte saynt Iames tyde without the yates of Saynt Omers Robert of Arthoys with men of EngloÌ„de Flaun faught ayenst the duke of Burgon the Frensshemen att whiche batayll were slayne take of the frensshmen .xv. barons .lxxx. knyghtes shyppes barges were take vnto the nombre of CC. and .xxx. ¶ The same yere the kynge makynge abydynge vpon the sege of â—ornay the erle of Henaude with Englysshe archers made assaulâ—â— vnto the towne of Saynt Aâ—ande where they slewe .l. knightes many other and also destroyed the towne ¶ And in the .xvi. yere of hys regne folowynge in the wynter tyme the kynge stylle vpon the forsayd seyge sente of tyme into englond vnto hys tresorer other purueyours for golde moneye that sholde be seÌ„te vnto hyÌ„ there iÌ„ his nede but his proctours and messyngers cursedly and ful slouly serued hym at hys nede deceyued hym on whoo 's defaute latches the kyng toke trewes bytwene hym and the kynge of frauÌ„ce And thenne kynge Edwarde full of shame and sorowe in hys herte wyth drewe hym fro the sege come into Brytayne and there was soo grete stryue of batayll that he loste many of his peple And whan he had doone there that he come for he dressyd hym ouer see in to Englond warde ¶ And as he saylled to warde Englonde in the hyghe see the moost myshappes stormes and tempestes thondre lyghtnynge felle to hym in the see the whyche was sayde that it was done yraysyd thrugh euyll spirytes made by sore ery nygro mancye of them of fraunce wherfore the kynges herte was ful of sorowe and aÌ„guysshe welllynge syghynge sayd vnto our lady in thys wyse· ¶ O blessyd lady Saynt Mary what is the cause that euer more goynge into fraunce al thynges wethers fallen to me Ioyfull and lykynge and as I wold haue them but alway tornynge into Englonde warde all thyngê fallen vnprofytable and very harmfull neuertheles he scapyd all perelles of the see as god wolde and came to the tour of London by nyght ¶ And the same yere the kyng helde his Crystmas at Meneres sent worde to the Scottes by his messagers that he was redy wolde doo fyght with theym but the Scottes wolde not abyde that but fledde ouer the Scottes see hyd them a well as they myght ¶ And in the .xvii. yere of his regne aboute the feest of the CoÌ„uersyon of saynt poull kynge Edwarde whan he had ben in Scotlond sawe that the scottes were fledde tho he come ayen into Englond And a lytell before lent was the turnement at Dunstable tho the whyche tourmente come alle the yonge bachelary chyualry of Englond with many other erles and lordes At the whiche turnemente kyng Edward hymself was there present ¶ And the next yere folowyng in the .xviii. yere of his regne att hys parlemente holden at westmynster the auyzeme of paske kynge Edwarde the thyrde made Edwarde his fyrst sone prynce of walys ¶ And in the .xix. yere of his regne anone after in Ianyuer before lente the same kynge Edwarde lete make full noble Iustes grete feestes in the place of hys byrth at wyndsore that there was neuer none suche seen there afore At whiche feest ryalte were two kynges two quenes the prynce of walys the duke of Cornewayle .x. Erles .ix. Countesses barons and many burgeys the whiche myghte not lyghtly be noÌ„bred of dyuerse londes beyonde the see weren many straungers And at the same tyme whan the Iustes were done kynge Edward made a grete souper in the whiche he ordened began hys rounde table ordened stedfasted the daye of the rounde table to be holden there att wyndesore in the wytsone weke neuer more yerely this tyme Englyssh men so moche haunted and cleuyd to the woodnes foly of the straungers that from tyme of comynge of Henaudes .xviii. yere passed they ordeyned and chaunged theym euery yere dyuerse shappes and dysguysynge of clothynge of longe large and wyde clothes dystytute dyserte frem all olde honest and gode vsage And an other tyme shorte clothes and strayte wastyd gagged and kyt and on euery syde slatered and botoned with sleues and tapytis of surcotes and hodes ouer longe and ouermoche hangynge that yf I the sothe shall saye they were more lyke to tormentours deuyls in theyr clothynge shokynge other araye than to men the wymen more nycely yet passed the men in araye euouslyer for they were so strayte clothed that they lefe hange fore tayles sewyd byneth wythin there clothes for to fele and hyde theyr arsers the whiche dysguysynges pryde parauenture afterwarde broughte fourthe caused many myshappes myschyef in the reame of Englonde ¶ The xâ— yere of kynge Edwarde he wente ouer in to Brytayne and Gascoyne In whoo 's coÌ„pany wente the erle of warwyk the erle of Souffolke the erle of Huntyngton and the erle of Arundell and many other lordes and comune people in a greate multytude wyth a greate Nauye of CC. and .xl. shippes anone after mydsomer for to auenge hym of many wronges and harmes to hym doone by Phylyp of Valoys kynge of Fraunce ayene the trewes before honde grauntyd the whych the trewes he falsly and vntrewely by cauelacyons and dysquatter ¶ How kynge Edwarde saylled in to Normandy arryued at hogges with a grete host IN the .xxi. yere of hys regne kynge Edwarde thrugh counseyll of alle the grete lordes of Englond callyd gadred togyder in his parlemente at westmestre before Ester ordeyned hym for to passe ouer the see agayn for to disease dystrobled the rebelles of FrauÌ„ce And whan his Nauye was come togyder and made redy he wente with a grete hoste the .xii. daye of Iulii and saylled in to Normandye arryued at hogges ¶ And whan he had rested hym ther .vi. dayes for by cause of trauaylyng of the
baners and the armes of frauÌ„ce on euery syde that were hangeÌ„ out wente on the walles of the forsayd towne on dyuerse places as naked as euer they were borne sauf only theyr shertes and theyr pryue clothes helde their swerdes naked the poynt donward in theyr hondes and putteÌ„ ropes halters about theyr neckes yelded vp the keys of the towne of the castell to kynge Edward of Englond with grete fere drede of theyr liues and goodes and drede of herte And kynge Edwarde sawe alle thys as a mercyable kynge and lord receyyed them to grace fewe of the grettest prysoners of estate and gouernaunce of the towne he sent into Englonde there for to abyde theyr raunson and the kynges grace And al the comynallte of the towne the kynge lette goo weder they wolde in peas and wyth out ony harme lete them bere with theÌ„ all theyr thynges that they myghte bere carye away kepynge the twone the castell to hymself· Thenne thrugh meditacyon of Cardynales that were sente from the pope trewes was take there by twene Fraunce englond for .ix. monethes than next folowynge And aboute Myghelmas kynge Edwarde come ayen into Enlond with a gloryous vyctory ¶ And in the .xxiii. yere of his regne in the Eest partyes of the worlde there arose and began a pestylence deth of Sarasyns and Paynyms that so grete a deth was neuer herde of a fore that wasted away the people so that vnneth the tenth person was left alyue ¶ And the same yere aboute the suche countrees and also in the west countrees there fell so moche rayne so grete waters that from Crystmas to myd somer there was vnnethes no daye ne nyght but that it rayned some what thrugh whyche waters the pestylence was so enfected so habuÌ„daunte in al countres namely aboute the courte of Rome other places and see costes that there were left lyuynge folke for too bury theyÌ„ that were dede honestly But made greate dyches pyttê that were woÌ„der brode depe therin buryed them made a renge of dede bodyes caste a lytell erthe to fele them aboue than caste in a nother renge of dede bodyes an other renge aboue theym and thus were they buryed none other wyse but yf it were so that they were men of greate estate so that they were buryed as honestly as they myghte And after all this in the .xxiiii. yere of kyng Edwardes regne it was done hym to wete vnderstaÌ„de of a treason that was begon at Calays ordeyned for to sell that towne for a greate soÌ„me of Florens vnto kynge Phylyp of Fraunce thrughe the falsnesse or dynauÌ„ce of a knyght that was called syre Geffrey of Cherney was wonder preny wyth kynge Phylyp of FrauÌ„ce And whan kynge Edwarde herde this he toke with hym the noblest and gentyllest lordê and many other worythy men of armes that were there presente with hym for the solempnyte of that hygh feest And well wysely in al the hast that he myghe and as pryuely as he myght he wente ouer see to warde Calays And that same yere the gode kyng edwarde helde his crystmas at Hauerynge And the morne after new yers daye the kynge was in the castell of Calays with his men of armes that none of the alyens wyst ther of And that fais conspiratour and traytour Geffrey of Cherney syth that he myght not openly haue his purpose of the castell pryuely and stelyngly he come in helde the towne with a grete host And whaÌ„ he wyth hys men were comen in he payed the for sayd somme of floreyns as couenaunte was to a Geneweye in the towne that was keper of the castel and consentinge to the same Geffrey in all his falsnesse and trechorye bounden the Englysshe mynstrels and seruauÌ„tes that were in the castell that they myght not helep themself ne lette them of theyr purpos And than wenyng that they had ben sure ynough then they spaken al their wickydnesse falnesse openly on hygh that all men myght here now shall ye here howe they were deceyued for they came in by a preuy posterne ouer a lytyll brydge of tree whaÌ„ they were comen in subtyly pryuely the brydge was drawen vp and kept that noÌ„e of them that came in myght go out ne no moo myghte come to them anone our Englysshmen wente out at preuy holes and wyndowes ouer the walles of the towne and of the castell went faught manly with the frensshmen that were withoute had the better of them the whyche whan they were occupyed by them self on theyr syde the kynge that was within the towne hauynge scarsely but .xxx. men of armes drew out his swerde with a loude voys he creyed on hygh Osaynt Edwarde Osaynt George And whan the peple herde that they come rennynge to hym gaaf there to theyr enmyes so greate assawte that there were moo than two hondred men of armes many mo other slayne and many fled a waye And soo by grace of god almyghty the vyctory felle vnto the Englysshmen Thenne the kynge toke with hym this Geffrey that was fynder of this trechory And also many other Frenssh prysoners and thenne within a whyle after he come agayne in to Englonde And in thys same yere and in the yere afore and also in the yere next folowynge was soo greate a pestylence of men frome the eest in to the west namely through botches that tho that sykened as on thys daye deyed on the thyrde daye after to the whyche men that soo deyed in this pestylence had but lytell respyte of lyssynge ¶ The pope Clemente of his goodnesse and grace gaf theym full remyssyon and forgyuenesse of all theyr synnes that they were shryuen of and this pestyleÌ„ce lasted in London fro Myghelmas vnto August next folowynge almoost an hole yere ¶ And these dayes was deth wythout sorowe weddynges wythout frendshyp wylfull penaunce derth without scarsyte And fleynge without refute or socour for many fled from place to place by cause of pestylence But they were enfected myght not escape the dethe after that the prophete Isay syth who that fleeth fro the face of drede he shalle falle into the dyche And he that wyndeth hym out of the dyche he shall be hold and eyed wyth a grenne but whan thys pestyleÌ„ce was cessyd as god wold vnnethes the tenth parte of the peple was left on lyue And in the same yere began a wonder thynge that all that euer were borne after that pestylence had twoo cheketh in theyr heed lasse than they had afore ¶ How kyng Edward had a grete batayll with Spanyardes in the see fast by wynchelse ANd in the .xxv. yere of hys regne about saynt Iohans daye in haruest in the see fast by wynchelse kynge Edwarde had a grete batayll with men of Spayne where that theyr shyppes and nauye laye chayned togyder
hym without ony maner defence or dyffyculte ThaÌ„ the kynge of Scotlond that is for to saye syr IohnÌ„ Bayloll consyderynge howe that god dyde many meruaylles and gracyous thynges for kynge Edwarde att his owne wyll fro daye to daye he toke gaaf vp the reame of Scotlonde and the crowne of Scotlond at Rokesburgh in the kynges hondes of Englonde vnder hys patent letter there made And anone after kynge Edwarde in presence of all the prelates and other worthy men lordes that were there lette hym crowne kyng of Scotlond And whan all thinges were done and erdeyned in that countres at his wyll he torned ayen into englonde with a greate worshyppe ¶ And whyle this vyage was in doynge in Scotlonde syre Edwarde prynce of wales as a man enspyred iÌ„ god was in Guyhen in the cytee of Burdeux treatynge and spekyge of the chalenge and of the kynges ryght of Englonde that he hadde to the reame of FrauÌ„ce that he wold be aueÌ„ged wyth stronge honde and to the prelateg peres and myght men of that countree consented welle to hym Than syr Edwarde the prynce wyth a greate hooste gadred to hym the .vi. daye of Iuyll wente frome Burdeux goynge and traueylynge by many dyuerse countrees and he tooke many prysoners moo than ·vi thousande mem of armes by the countree as he wente and tooke the towne of Remorantyne in Saloygne and besyeged the castell .vi. dayes· And att the .vi. dayes ende they yolde the castell vnto hym and there was taken the lorde of crowne and syr Bursygaude and many other knyghtes and men of armes moo than .lxxx. And fro thens by Toren and Peten fast by Chyneney hys noble men that were with hym hadde a stonge batayll with Frensshmen and an hundred of theyr men of armes were slayne And the erle of Daunce and the stewarde of fraunce were taken wyth an hondred men of armes In the whyche yere the .xix. daye of Septembre faste by Pyeters the same prynce wyth a thousande and .ix. hondred men of armes and archers ordeyned a batayll to kynge Iohan of fraunce comynge tho the prynce warde wyth .vii. thousande chosen men of armes and moche other people a greate nombre of the whyche were slayne the duke of Burbon and the duke of Athenes and many other noble men ef the prynces men of armes a thousande and of other the trewe accompte and rekenynge .viii. C. And there the kynge of France was taken and syr Phylyp his yonger sone and many dukes and noble men and worthy knyghtes and men of armes aboute two M. and so the vyctory fell there the prynce and to the peple of Englonde by the grace of god And many that were taken prysoners were sette at theyr raunson and vpon theyr trouthe and knyghthode were charged and hadde leue to goo But the prynce tooke wyth hym the kynge of Fraunce and Philyp his sone with alle the reuerence that he myghte wente ayen to Burdeux wyth a gloryous vyctory the somme of the men that there were taken prysoners and of theym that were slayne the daye of batayll .iiii. M.iiii C.xl. and in the .xxxii. yere of kynge Edwarde the .v. daye of Maye prynce Edwarde with kynge IohnÌ„ of Fraunce and Philyp hys sone many other worthy prysoners arryued gracyously in the hauen of pluÌ„mouth And the .xxiiii. daye of the same moneth aboute thre after none they came to London by LoÌ„don brydge and so wente forthe to the kynges palays atte westmynstre and there came soo grete a multytude presse of peple abowte theym to beholde and se that wonder and ryall syghte that vnnethes fro maddaye tylle nyghte myghte they not come to westmyster And the kynges raunson of Fraunce was taxed and sette to thre myllyons of scutes of whom two sholde be worthe a nobell And ye shall vnderstande that a myllyon is a thousande thousande and after some mennys raunson was sette att thre thousande thousaynde floreyns and all is one effecte· And this same yere were made Iustê solempne in Smytfende beynge present the kynge of Englonde the kyng of Fraunce and the kynge of Scotlonde and many other worthy and noble lordes ¶ The .xxxiii. yere of his regne the same kynge Edwarde at wynsore as well for loue of knyght hode as for his ownne worshyppe and att reuerence of the kynge of fraunce and other lordes that were there att that tyme he held a wonder ryal and costly feest of saynt George passynge ony that euer was holden afore wherfore the kynge of fraunce in scornynge sayd that he saw neuer ne herde suche a solempne festes ne ryaltes holden ne done wyth taylles wythoute payenge of golde or syluer ¶ And in the .xxxiii. yere of hys regne the .xiiii. kalendas of Iulii Syre Iohan erle of Rychmonde kynge Edwardes sone wedded dame blaunche duke Henryes doughter of Lancastre cosyn to the same Iohan by dyspencyon of the pope And in the meane tyme were ordeyned Iustes atte London thre dayes of rogaâ—yons that is for too saye The Mayer of London wyth his .xxiiii. aldermen ayenst alle that wolde come in whoo 's name and stede the kynge pryuely wyth his foure sones Edwarde Lyonell Iohan and Edmonde and other .xix. greate lordes helden the felde with worshyppe ¶ And this same yere as it was tolde and sayd of theym that sawe it there come blood out of the combe of Thomas somtyme erle of Lancastre as fresshe as that daye that he was done to dethe ¶ And in the same yere kynge Edwade chose this sepulture and hys lyggynge att westmestre faste by the shryne of sayÌ„t Edwarde and anone after the xxvi daye of Octobere he wente ouer see to Calays makynge protestacoÌ„n that he wolde neuer â—â—me ayen into Englonde tyll he had in endes the warre bytwene frauÌ„ce and hym ¶ And soo in the .xxvi. yere of hys regne in the wynter come kyng Edward was trauaylled in the Ryne costes And aboute saynt Hyllarye tyde he departes his host and went to Burgon warde wyth whom than met peasybly the duke of Bourgon behyghtynge him .lxx. thousande floreyns that he sholde spare hys men and hâ—s peple the kynge grauntyd att his requeste And dwelled vnto the .xvii. daye of Marche that whiche tyme come to kynge Edwardes eere that stroÌ„ge theues were on the see vnder the erle of saynt Poule the .xv. daye of Marche â—yggynge a wayte vpon the townes of Rastynge Rye and other places vyllages on the see cost hadden entred as enmyes in to the towne of wynchelle and slewe all that euer withstode them and with sayd theyr comynge wherfore y kynge was gretly meued and wratthed and he torned ayen so warde Parys and coÌ„mauÌ„ded his hoste to dystroye and sle all with strench of swerde that he had before honde spared And the .iii. daye of Apryl the kyng come to Parys there departed his host in dyuers batayls with .iiii. C. knyghtes newe dubbyd on that one syde of hym And syr Henry duke of
of Angoy with many other lordes and prelates of bothe reames for to treate of peas ¶ Of the dethe of prynce Edwarde and of the lorde Latymer and dame Alyce peres thrughe whome and hyr maynteners the Reame many a daye was mysgouerned NOt longe after the .li. yere of Kyng Edwardes regne he lette ordeyne holde at westmynster the grettest parlement that was seen many a yere afore In the whiche parlemente he asked of the comynaltee of the reame as hee had done afore a grete subsydye to be graunted to hym for defeÌ„dynge of hym and of his reame but the comunes answerd that they were soo ofte daye by daye greued charged with so mani talagâ—s subsydyes that they myght no leÌ„ger suffre noo suche burthoÌ„s and charges that they knewe wyst well ynough that the kynge had ynough for sauynge of hym and of hys reame yf the reame were well truely gouerned But that it had bee soo longe euyll gouerned by ylle offycers that the reame myght nother be plenteuous of chaffre marchaundyse ne also with rychesse And in these thynges they profyred themself yf the Kyng wolde certaynly to preue it and stande by and yf it were foundeÌ„ and proued afterwarde that the Kynge had nede they wolde gladly euery man after hys power and state hym helpe and lene And after this were publysshed shewed in the parlemente many playntes and defautes of dyuers offycers of the reame and namely of the Lorde Latymer the kynges chamberlayne bothe to the Kynge and eke to the reame ¶ And also att the laste there was spoken treated of dame Alyce Pers for the grete wronges euyll gouernaunce that was done by hyr counseyl in the reame The whiche dame Alyce pers that the kyng had holden longe tyme to hys lemman wherfore it was the laste wonder though thrugh the frealter of the womans excytynge hyr steringe he consented to hyr lewdnesse euyll couÌ„seyl the whiche dame Alyce also the lorde Latymer other suche the meued the kynge to euyll gouernaunce ayenst his profyte the reame also all the comynalte asked desyred that they sholde be remeued put awaye and in theyr stedes wyse meÌ„ worthy that were trewe wel assaied proued and of good gouernaunce sholde be put in theyr stedes So amonge al other there was one amonge the comunes that a wyse knyght and a trewe and an eloquent man whoo 's name was Pers delamare And this same pers was chosen to be speker for the comunes in the parleament And for this same Pers tolde and publysshed the trouthe and rehersed the wronges ayenste the forsayd dame Alyce other certayne persones of the kynges counseyll as he was bydde by the comyns ¶ And also trustynge moche to be supported mayntened in thys mater by helpe fauour of the. prynce anone as the prynce was dede att the instaunce requeste of the forsayd dame Alyce thys Pers de amare was Iugyd to perpetual pryson in the castell of Notyngham ¶ And in the .vi. kal. of Iule lastynge the same parlemente deyed prynce Edwarde kynge Edwardes fyrst sone that is to saye in trynyte sonday in worshyp of whyche feste he was woÌ„te euery yere where that euer he were iÌ„ the worlde to holde and made the moost soleÌ„pnyte that he myght whos name fortune of knyghthode but yf it had be of an other Ector alle men bothe crysten hethen whyle that he liued was in good poynt woÌ„dred moche and dradde hym wonder soore whoo 's body is worshypfully buryed in Crychyrche at Caunterbury And in this same yere the meÌ„ and the erles tenauntes of warwyk arose malycyously ayenst the abbot couent of Euesham theyr tenauntes destroyed thabbaye the towne wouÌ„ded bete theyr men slewe many of theym wente to theyr maners places dyde moche harme and brake downe ther parkes closes slewe theyr wylde bestes chaced them brekynge theyr fysshe poundes hedes lete the water of theyr pondes stewes ryuers renne out toke the fysshe bare it with them and dyde theym all the sorowe that they myght in so ferforthe that forsoth they had destroyed perpetuall that abbay with all theyr membres apportenaunces but yf the kynge the soner had not holpen it taken hede therto therfore the kyng sent his letters to the erle of warwyk chargyng hym coÌ„mauÌ„dynge hym that he sholde stynt redresse amende tho euyll doers brekers of his peas and so by meanes of lordes other frendes the peas was made bitwene them and for this hurtynge as it is sayd the kynge wolde not be gouerned as that tyme bi his lordes that there were in the parlement but he toke made his sone the duke of Lancastre his gouerneur of the reame the whiche stode soo styll as gouernour tyl the tyme that he dyed ¶ The same yere after caÌ„delmasse or the parlement was done the Kynge asked a subsidye of the clargy of the lay fee it was grauÌ„tyd hyÌ„ that is to say that he sholde haue of euery persone of the lay fee both man and woman that passed fourtene yere of aege foure peÌ„s out takeÌ„ pore beggers that were knowen openly for nede pore beggers ¶ And that he shold haue of euery man of the holy chyrche that was benefyced or promoted twelue pens and all other that were not promoted iiii pens out taken the .iiii. ordres of the frere beggers This same yere after Myghelmasse Rycharde prynce Edwardes sone was made prynce of wales to whom the kyng gaf the duchy of cornewayle with the erldom of chestre And about this tyme the Cardynale of Englond the .iiii. day before mary Mawdalenes day after dyner sodaynly was smyte with the paslye and loste his speche on mary Mawdalenâ—s daye deyed ¶ Of the dethe of Kynge Edwarde how syr Iohan Monster warch knyght was draweÌ„ hanged for his falsnesse Ryght anone after in the .lii. yere of Kynge Edward in the begynnynge of Octobre pope Gregorye the .ix. broughte remeued his courte wyth hym from Auyâ—yon to come ¶ And the .xii. daye of Apryl Iohan Monsterwarthe Knyght att London was drawen hangyd than quartred sent to four cheyf townes of Englond his heed smyten of sete vpon londen brydge for this same IohnÌ„ was full vntrewe to the kynge and to the reame coueytous vnstable for he tooke oftymes grete soÌ„mes of money of the kynge his couÌ„seyll for men of armes wages that he sholde haue paed them tooke it to his owne vse he dradde that att the laste he sholde be shent accused for the same cause and fled pryuely to the kyng of Fraunce was sworne to hym become hys man and behyghte hym a greate nauye out of Spayne in to confucyon destroynge of Englonde But the ryghtfull god to whom no preuyte is vnknowen suffred hym fyrst to
Thomas of Caunterburyes shryne thus ended the worthy kynge Henry about mydlente sondaye in the yere of oure lorde a. M. CCCC and .xxi. vppon whoo 's soule god haue mercy Amen MArtyn the .v. was pope after IohnÌ„ .xiii. yere this man was chosen by the counseyll of Constantynoble the other was deposed that strof and so came peas in the chyrche the whiche longe tyme afore was desyred necessarye for the defence of the fayth This was the myghtyest pope that euer was of rychesse a grete Iuge He edefyed townes walles stretes he destroyed heresyes he dyde moche good thrughe the noble prynce Sygysmonde And he gadred moche moneye for to geten the holy londe ayen but deth came vppon hym letted hym he made a counseyll afore his deth for the mater there he decessyd ¶ Eugenius was pope after Martyn .xvii. yere this Eugenius was chosen peasyble after the deth of Martyn no man doubted but he was pope but soon after he was expulsed frome Rome for it was so that he fledde naked also he was cyted to the counseyll of Basylyens deposed but he dyscharged hym not and for that begaÌ„ the stryffe ayen the whiche stode to his deth And those that fauoured hym sayde he was worthe moche louynge the contrary sayde those that were ayenst hym but what someuer he was after he had taken the dygnyte vpon hym afore he was of grete obstynaunce of gode fame what he dyde after that I leue to the Iugement of god· ¶ Circa AnnuÌ„ dmÌ„ M. CCCC.xxi ¶ Of kynge Henry the fyfte that was kynge Henryes sone ANd after the deth of kynge Henry the fourth regned kyÌ„ge HeÌ„ry his sone that was borne at Monmouthe in wales that was a worthy kynge and a gracyous maÌ„ and a grete conquerour ¶ And in the fyrste yere of hys regne for grete loue goodnesse he sente to the ferres of Langley there as his fader had do burye kinge Rychard the secoÌ„de lete take his body out of the erthe ayen and dyde brynge it to westmynster in a ryal chare couered with blacke veluet baners of dyuerse armes aboute all the hors drawynge the chare were trapped in blacke beten with dyuerse armes many a torche brennynge by all the waye tyll he came to westmynster and there he lete make for hym a ryall and solempne enteremente and buryed hym by quene Anne his wife as his owne desyre was on ferther syde of saynt Edwardes shryne in the abbaye of saynt Peters in westmynster on whos soule god haue mercy Amen ¶ And in this same yere were a certayne of lollers taken and fals herytykes that had purposed thrugh fals treason for to haue slayne oure kyng and for to haue destroyed all the clargye of the reame and they myghte haue had theyr fals purpose But our lorde god wolde not suffre it for in haste our kynge hadde warnynge therof and of alle theyr fals ordynaunce and werkinge and came sodenly with his power to Saynt Iohans withoute smythfelde and anone they toke a certanye of the Lollers and fals herytykes and broughte them to the kynges presence and there they tolde all there fals purpose ordynaunce howe they wolde haue doo and wrought yf they myghte haue regned and hadde theyr wyll and there they tolde whyche were theyr Capytayens and gouernours and than the kynge commaunded theym to the Towre of London and thanne toke moo theym bothe within the Cytye and wythoute and sente them too Newgate and to bothe counteers And thanne they were broughte in examycyon before the clergye and the kynges Iustyces and there they were conuycted for theyr fals heresie and dampned before the Iustyce for theyr fals treason ¶ And this was theyr Iugement that they sholde be drawen frome the Towr of London to Saynt Gelys felde and there to be hanged and brente on the galowes ¶ And there was taken syr Roger Acton knyghte for heresye and eke for treason ayenste the kynge and the Reame and he came afore the clergye and was conuyâ—te for his heresye and dampned before the Iustyce too be drawen frome the Towre of London thrughe the Cyte to Saynt Gelys and to be hanged and brente ¶ And in the seconde yere of Kynge Henryes regne the fyfthe he helde a counseylle of alle the lordes of the reame atte westmynster and there he putte hym this demaunde and prayed and besought them of theyr goodnesse and of theyr gode counseyll and wylle to shewe hym as touchynge the tytle of the ryghte that he hadde to Normande Gascoyne and Guyhen the whiche the kynge of Fraunce wythelde wrongfully and vntyghte fully the whyche hys auncestrees before hym hadde by trewe tytle of conquest and ryghte heretage the whiche Normandye Gascoyn and Guyhen the good Kynge Edwarde of wyndesore and hys auncestres before hym hadde holden all theyr lyues tyme. And his lordes gaaf hym counseyl to sendde enbassatours vnto the kynge of Fraunce and hys counseyll that he sholde gyue vp vnto hym hys ryght herytage that is to saye Normandye Gascoyne Guyhen the whiche his predecessours hadde holden afore hym or els he wold it wynÌ„e wyth strength of swerde in shorte tyme with the helpe of almyghty god ¶ And thanne the Dolphyn of Fraunce answered to oure enbassatours and sayde in thys manere that the Kynge was ouer yonge and to terder of aege for comak ony warre as ayenste hym and not lyke yet to be a good warroure to doo and make suche aconqueste there vppon hym And somwhat in scorne and dyspyte he sente to hym a tonne fulle of tenes balles bycause he wolde haue som what for to playe wyth alle for hym and for his lordes for that wolde be come hym better thenne for toâ— mayntene ony warre ¶ And thenne anone oure Lordes that werre enbassatours tooke theyr leue and came in to Englonde ayen tolde the kynge hys counseyll of the vngoodly answere that they had of the Dolphyn of the present the whyche he had sent to our kynge ¶ And whan the kynge had herde theyr wordes the answere of the Dolphyn he was woÌ„der sore agreued ryght euyll apayed towarde the Frensshemen towarde the kyng the Dolphyn thought to auenge hym on them as soone as god wold sende him grace myght anoÌ„e lette make tenes balles for the Dolphyn in all the hast that myght be and they were grete gonstones for the Dolphin to playe with all And than anone the kynge sente for all hys lordes helde a grete counseyll at westmynster tolde vnto them the answere that they had of the Dolphyn of the worthy preseÌ„te that he sent to hym and to his lordes to playe with all And there the kyng his lordes were accorded that they sholde be redy in armes wyth ther powâ—r in the best araye that myght be done and gete men of armes archers that myght be goten all other
abyde and dwelle styll in the towne yerely to paye to hym to hys successours for alle manere customes and see fermes katerenes And than the kyng entred in to the towne and rested hym in the castell tyll of the wne was sette in rule and in gouernaunce ¶ How the kynge of Englond was made enheyrytoure and regente of FrauÌ„ce and how he wedded quene Katheryne ANd anone after that Rone was goten Depe and manye other townes in the basse Normandye gaf them ouer without stroke or syege whan they vnderstode that the kynge had goten Rone Also this yere had be a peas made sworne bytwene the duke of Bugoyne and the Dolphyn whiche were sworne on goddes body that they sholde loue and assysse eche other ayenst theyr enemyes And after this contrary to this othe duke IohnÌ„ of burgoyne was slayne and pyteously murdred in the presence of the Dolphyn wherfore the Frensshmen were gretly deuydeb of very necessyte laboured to haue a treatye wyth the kynge of Englonde for the kynge of Englonde wanne dayely of them townes castels â–ª fortresses ¶ Also thys same yere was quene Iane arested brought vnto the castell of Ledes in Kent And one â—rere Radulfe a doctour of dyuynyte confessour whyche afterwarde was slayne by the persoone of the Toure fallynge at wordes and debate And after warde quene Iane was delyuered ¶ And in the .vii. yere both the kynge of frauÌ„ce and of Englonde were accorded and kynge Henry was made heyre and regent of Fraunce and wedded dame Katheryne the doughter of fraunce at Troyes in Champayne â–ª on trynyte sondaye And this was made by the menne of Phylyp newe made duke of Burgoyne whiche was sworne to kynge Henry to auenge hys faders deth and was become Englyssh ¶ And thanne the kynge wyth hys newe wyfe wente to Parys where as he was ryallâ— receyued And from thens he wente wyth his lordes And the duke of bourgoyn and many other lordes of fraunce and layd syege to dyuerse townes castels that helde of the Dolphyns partye and wanne them but the towne of Milon helde longe tyme for therin were good defenders In the .viii. yere the kyng and the quene came ouer see and londed on Landelmasse daye on the morne att Douer And the .xiiii. daye of feuerer the kynge came to London And the xxi daye of the same monthe the quene came And the .xxiiii. of the same she was crowned at westmynster ¶ Also that same yere anone after Ester the kyng helde a palement at westmynster at whiche parlemente it was ordeyned that that golde in Englysshe coyn sholde be weyed none receyued but by weyght â—nd anone after wytsontyde the kynge saylled to Calays and passed forth so in to FrauÌ„ce And in the .xxii. daye of Marche before the kyng came ouer the duke of Clarence was slayne in Fraunce and dyuerse other lordes taken prysoners as the erle of Huntyngdon the erle of Somerset with dyuerse other and all was bycause they wold not taken none archers with them but thoughte to haue ouercome the Frensshemen themself without archers And yet whan he was slayne the archers came rescowed the body of the duke whiche they wolde haue caryed with them god haue mercye on his soule he was a valyaunte man And the same yere bytwene Crystmasse and caÌ„delmasse the towne of Mylon was yolden vnto the kynge ¶ In the .ii. yere on saynt Nycholas daye in Decembre was borne Henry the kynges fyrste begoten sone at wyndesore whos god faders at the font stone was syr Henry bysshop of wynchestre and IohnÌ„ duke of Bedford and the duchesse of Holonde was godmoder and Henry chychelay Archebysshop of CauÌ„terbury was god fader at confermynge ¶ And in the .x. yere the Cyte of Mews in Bry was goten whiche had ben longe besyeged And this same yere the quene shypped at Hampon and sayled ouer to the kynge in Fraunce where she was worshypfully receyued of the kynge and also of the kyng of Fraynce hyr fader and of hyr moder And thus kynge Henry wanne faste Fraunce and helde grete astate and sate at a greate feest in Parys crowned the quene also whiche hadde not been seen before and alle people resorted vnto his courte but as to the kynge of Fraunce he helde none astate ne rule but was lefte almoost allone ¶ Also this yere the weder toke was sete vpon Poules steple at London And this yere in the monethe of August the kynge waxed seke at Boys devyncynt and whan he sawe he sholde deye he made hys testameÌ„t ordeyned many noble thynges for hys soule and deuoutly receyued all the ryghtes of holy chyrche in soo ferre for they that whanne he was anoynted he sayde the seruyse with the preest at the verse of the spalme of Miserere mei deus that was Benigne fac dnÌ„e in bona voluntate tuasyon vt edificentur mury Iherusalem he badde tarye there and sayd thus O good lorde thou knowest that myn entente hathe ben and yet is yf I myght lyue to redyfye the walles of Iherusalem And thanne the preest proceded forth and made anende And anone after thys mooste noble prynce and dyctoryous kynge floure in hys tyme of crysten chyualrye whome all the worlde doubted gaaf hys soule in to the handes of god and deyed and made an en de of his naturall lyfe att the for sayde Boys de vyncent besyde Parys the .xxxvi. yere of hys aege vppon whoo 's sowle god haue mercy Amen ¶ Than was the body enbamed and cyred and layd in a ryall chare and an ymage lyke to hym was layde vpvon the corps open wyth dyuerse baners and horses couered rychely with the armes of Englonde and Fraunce and also the olde armes of saynt Edwarde saynt Edmonde and other with grete multytude of torches with whome wente the kynge of Scotlonde and many other lordes whyche accompanyed the body tyll it came vnto westmynster by London in Englonde and euery towne by the waye he had solempnely his dyryge on the eueÌ„ and masse on the morne and moche almes was gyuen to poore peple by the waye And the .vii. daye of Nouembre after the corps was brought thrugh London wyth grete reuereÌ„ce solempnyte to westmynster where as he nowe lyeth it was worshypfully buryed after was layd on his tombe a ryal ymage lyke hyÌ„self of syluer and gylde which was made att the cost of quene Katheryne And thus ended and is entered and buryed the noble kyng HeÌ„ry the fyfth vpon whoo 's soule and al crysteÌ„ soules god haue mercy AmeÌ„ ¶ Of the lawe of kynge HeÌ„ry the fyfth and what he ordeyned for kyng Rycharde for hymself after his dethe HEre is to be noted that this kynge Henry the fyfth was a noble prynce after he was kynge and crowned how it before in hys yoâ—gth he had be wylde recheles spared noo thynge of hys lust ne desyres but accoÌ„plesshed them after his lykyng but as soone as he was crowned
but yf he payed for it And came rydyng thorough the cyte iÌ„ grete pryde smote his swerde vppoÌ„ london stone in Canwycke strete ¶ And he beynge in the cyte seÌ„te to the toure for to haue the lorde Say And so they fette hym brought hym to the yelde halle before mayre chaldermen where that he was examyned And he sayd he wolde ought to be Iuged by his petys And the comyns of Kent toke hym by force froÌ„ the mayre officeâ—â— that kepte hym and toke hym to a prest to shrewe hym And or he myght be half shriueÌ„ they broughte hym to the standerd in the chepe syde and there smote of his heed on whos soule god haue mery Amen ¶ And thus deyed the lorde Saye Tresourer of Englonde ¶ And this they set his heed vpon a spere bare it all about the Cyte And the same daye about Myle ende Cromere was beheded And the daye before at after none the Capytayne with certayne of hys men went to Philyp malpaus house robbyd hym and toke a waye moche good And from thens he wen to saynt Margaretes patens to one Gertis house and robbyd hym and toke away from hym moche good also Att whiche robbyng dyuerse men of London of thier neyghbours were at· and toke part wyth theym ¶ For this robbyng the peples hertes felle frome hym· And euery thryfty men was a ferde for to be serued in lyke wyse ¶ For there was many a man in London that a wayted wolde fayn haue sene a comyn robbery whyche almyghty god forbyd For it is to suppose yf he hadde not robbyd he myght haue goon ferre or he had be wythstonde for the kynge and all the lordes of the reame of Englonde were departed except the lorde Scalys that kept the toure of London And the fyfte daye of Inâ— he dyd do smyte of a maÌ„nys hede in south werke And the nyght after the mayre of London with the Aldermen the Comyns of the cyteâ— concluded to dryue away the capytayne hys hooste And sent to the lorde Scales to the toure to Mathegough a capytayne of NormaÌ„dye that they wolde that nyght assayll the Capytayne with theym of kente And so they dyd come to London brydge in such werke or the Capytayne had ony knowlege therof they fought with theym that kept the brydge And the keÌ„â—ysshmeÌ„ weÌ„t to harnes came to the brydge shote and foughte with theÌ„ gate the bridge made theyÌ„ of LondoÌ„ to flee slewe many of theym thys endured all the nyght to fro tyll one of the clocke of the morowe And at the laste they brente the drawe brydge where many of theym of london were drowned In the whiche nyght satton and alderman of LoÌ„don was slayn Roger heysaunte Mathegough many other And after this the chaunseler of Englonde sent to the Capytayne a pardon generalle for hym an other for his meny and then they departyd fro such werke euery man to his owne hous ¶ And whaÌ„ they were al departed gone ther was proclamacyons made in Kente South sex other places that what man coude take the Capytayn quycke or deed sholde haue a thousaÌ„de pouÌ„de ¶ And after this one Alexander ydeÌ„ a squyer of kent toke hym in a gardeÌ„ in suthsex And in takeÌ„ IohnÌ„ Cade capytayne was slayne and beheded And his heed sette vpon London brydge And anone after the kynge came in to kente and dyd his Iustices sytte at Caunterbury and enquyred who was causers chyef cause of this Insurreccyon And there were .viii. meÌ„ Iugyd to the deth in one daye in other places mo And from thens the kynge went in to Southsex and in the weste countree where a lytell before was slayne the bysshop of Salysbury And this same yere there were so many Iugyd to deth that thre hedes stode vppon LondoÌ„ brydge atte ones ¶ Of the felde that the duke of yorke toke att Drenched in kent of the byrch of prynce Edwarde of the fyrste bataylle at Sayne AlboÌ„s where the duke of somerset was slayne IN the .xxx. yere of the kynge the duke of yorke came out of the Marche of walys with therle of Deuenshyre the lord Cobham and grete puyssaunce reformacyon of certayne Iniurys and wroÌ„ges and also to haue Iustice vpon certayne lordes beynge about the kynge toke a felde at Brentheth besyde Detford in Kente whiche was a stronge felde for whyche cause the kinge wyth all his lordes went vnto blacke heth wyth a grete and a stronge multytude of peple armyd and ordeyned for the warre in the beste wyse And whan they hadde mustre on the hethe certayne lordes were tho sente vnto hym for to treate and make apointmeÌ„t with hym whiche were the bysshop of Ely the bysshop of wyncestre therles of Salysbury of warwyk And they concluded that the duke of Somerset sholde be had to warde and to answere to suche artycles as the duke of yorke sholde put on hym And then the duke of yorke shold breke his felde come to the kyng whiche was all promysed by the kynge And soo the Kynge commaunded that the duke of Somerset sholde he hadde in to warde And thenÌ„e the duke of yorke brake vp his felde and came to the kynge And whan he was come contrarye to the promyse afore made the duke of Somerset was preseÌ„te in the felde awaytynge and cheyf aboute the kynge And made the duke of yorke ryde before as a prysoner thrughe london ¶ And after they wolde haue put hym in holde But a noyse arose that therle of Marche hys sone was comynge with .x. thousande men to London warde wherfore the kynge and hys counseyll feryd And thenÌ„e they concluded that the duke of york sholde departe att his owen wyll ¶ Abowte this tyme began grete dyuylyon ne Spruce bytwene the greate mayster and the Knyghtes of the duchye ordre whyche were lordes of that couÌ„tree For the comyns townes rebelled ayenst the lordes and made soo greate werre the at the last they called the kyng of Pole to be theyr lorde the whiche kynge came and was worshypfully receyued And besyeged the castell of Marâ—engburgh whiche was the cheyf castell of strength of all the londe Anâ— waâ—ne it droue out the mayster of Daâ—ske â— and all other places of that londe so they that had ben lordes many yeres loste all theyr seygnourye and possessyons in tho londes ¶ And in the yere of the Incarnacyon of oure lorde M. CCCC.liii on saynte Edwardes daye quene Margarete was delyuerde of a fayre prynce whyche named was Edward That same day Iohan Norman was choseÌ„ for to be Mayer of London And the daye that he sholde take hys othe att westmynster he wente thyder by water wyth alle the craftes where afore tyme tho mayer alderme and the craftes rode on horsbacke the whiche was neuer vsyd after For syn that tyme they haue euer goon by water
and hys heyers kynges after hym \ and forth with sholde be ê“clamed heyre apparauÌ„t and shold also be protector and regence of englonde duryng the kynges lyfe wyth many other thyngê ordeyned in the same parliment and yf kynge Henry durynge hys lyfe wence frome thys poyntement or ony artycle concludyd in the sayd paylyament he sholde be deposed and the duke sholde take the crowne and be kynge all whyche thynges were enacted by thauctoryte of the same at whiche parlyament the comynâ— of the reame beyng assembled in the comyn hons coÌ„mynyng and treatyng vpon the tytle of the forsayd duke of yorke sodenly feldone the crowne whiche henge thenne in the middes of the sayde hous whiche is the frayter of the abbaye of westmÌ„ whiche was takeÌ„ for a prodice or tokeÌ„ that the regne of kynge Henry was endyd ¶ And also the crowne whiche stode on the hyghest toure of the styple in the castel of douer fell downe this same yere ¶ How the duke of yorke was slayne and of the felde of wakefelde of the seconde Iourneye at saynt alboÌ„s by the queneÌ„ the prince BIcause the quene wyth the Prynce her sone was in the northe and absent her fro the kynge and obeyed not suche thyngê concluded in the parlement was ordeyned that the duke of yorke as ê“tector shold go north ward to brynge in the quene subdue suche as wolne not obey wyth whome wente the erle of salysbury Syr Thomas Neuyll hys sone with moche people And at wakefelde in Crystmas weke they were ouerthrowe and slayne by lordes of the quenes party that is to wyte the duke of yorke was slayne the erle of Rotlonde syr Thomas Neuyll and many moo the Eerle of Salysbury was take and other· As Iohan horowe of london capytayne and Ruler of the fotmen and HauÌ„son of hull whiche were brought to pouÌ„fret and there be heeded there heedes sente to yorke sette vpon the yates And thus was the noble prynce slayne the duke off yorke on whos soule god haue Mercy thys tyme therle of Marche beyng in Shorwesbury herynge the deth of his fader desyred ayde of the towne to auenge his faders dethe frothens wente to walys and at Candelmasse after he had a battayll at Martymers Crosse ayenste therle of Penbroke of wylshyre where the erle of marche had the vyctorye Then the quene with those lordes of the north after that they had dystressyd and slayne the duke of yorke and his felysshyp came south warde with a grete multytude of people for too come to the kynge and defecte suche conclusyons as had be take before by the parlyameÌ„t ayenst whos comyng the duke of Northfolke the erle of warwyeke wyth moche people ordynaunce wente to saynt albons ladde kynge Henry wyth theym there encouÌ„tred to gyder in suche wyse and faught so that the duke of Northfolke Th erle of werwyke wyth many other of ther party â—â—edde loste that Iourneye where that kynge HeÌ„ry was takeÌ„ with the quene prynce Edwarde his sone whiche two had got on that felde The quene hyr partye beynge at her aboue seÌ„te anone to LoÌ„don whyche was on an Asshe wenesdaye the fyrst daye of lente for vytayl ¶ For whiche the Mayre ordeyned bi thaduys of the aldermeÌ„ the certen cartes lade wyth vytayll sholde be sente to saynt Albons to theÌ„ whaÌ„ tho cartes came to Crepell yate the comiÌ„s of the Cyte that kept the gate toke the vytayles fro the cartes and wolde not suffre it to passe TheÌ„ne were there certayn AldermeÌ„ comyns apoynted too goo vnto bernet to speke wyth the quenes coÌ„seyll to entreate thou the northren men sholde bee sente home ayen in to theyr contree for the cyte of London drad to be dyspoyled yf they had come And duryng this treatyse tydynges came that the erle of warwyk had met with the Erle of Marche on Cotteswolde comyng oute of walys wyth a greate menye of welsshemeÌ„ and that they bothe were comynge vnto LoÌ„don warde Anone as these tytynges were knowe the tratyse was broke for the kynge Quene Prynce the other lordes that were with theym departed fro saynt AlboÌ„s north ward with al ther people yet or they departed thens they beheeded that lorde Bonuyll Syr Thomas Kryell whiche were takeÌ„ in the Iourney done on shrewe toursdaye ¶ Thenne the Duchesse of yorke beyng at london herynge of the losse of the felde of saynt Albons sente ouersee hyr twoo yonge sones George Rycharde whiche wente to Vtrech and Phylyp malpas a ryche marchauÌ„t of LondoÌ„ Thomas vaghan Squyre mayster wyllyam Haâ—clyf and many other ferynge of the comynge of the quene to London toke a shyp at Anwerpe to haue gone in to zelande on that other coste were taken of one Colompne a Fransshman a shyppe of werre And he toke theym prysoners broughteâ— them in to fraunce where they payed grete good for theyr raunson and there was greate goode rychesse in that shyppe ¶ Of the deposinge of kynge HeÌ„ry the sixte how kynge Edwarde the fourth tooke possessyoÌ„ â–ª and of the batayll on Palm sondaye and how he was crowned THen whan the Erle of warwyke hadde wette to gader on Cotâ—yswolde in contynent they concludyd to go to london and sente worde anone te the Mayre to the Cytie that they wolde come anone the cytie was gladde of theyr comynge hopynge to be releuyd bi theÌ„ so they came too london whaÌ„ they were come had spoke with the lordes estates beynge there coÌ„cluded for as moche as kynge HeÌ„ry was gone with theÌ„ north warde that he hadde forfeyted his crowne ought to be deposed accordyng vnto the actes made passyd in the laste parlemeÌ„t And so by the aduys of the lordes spyrytuall teÌ„porall thenne beyng at london the er of Marche Edwarde by the grace of god eldest sone of the duke Rychard of yorke As ryghtfull heyre and nexte enherytour to his fader the fourth daye of Marche the yere of our Lorde god M. CCCC.lix toke possessyon of the Reame at westmÌ„ in the chyrche of the abbaye and offred as a kynge wyth the ceptre ryall To whome all the lordes spyrytuall and temporall dyd homage as to theyr souerayn lorde and Kyng And forth wyth it was proclaymed thrugh the Cyte kynge Edwarde the fourthe by name anone after the Kynge rode in his ryalle estate north warde wyth all hys lordes to subdue his subyectis that tyme beynge in the northe for to auenge his faders deth And on Palme sondaye after he had a grete bataylle in the northe couÌ„tree at a place called Towcon not fer from yorke where wyth the helpe of god he gate the felde and hadde the vyctorye wher were slayn of his aduersaryes .xxx. thousaÌ„de meÌ„ and moo as it was sayde by theym that were thereâ— In whiche batayll was slayne the Erle of North thumberlande the lorde Clyâ—â—orde syr Iohan Neuyll the Erle of