Selected quad for the lemma: lord_n
Text snippets containing the quad
|
ID |
Title |
Author |
Corrected Date of Publication (TCP Date of Publication) |
STC |
Words |
Pages |
|
A19600
|
The deyenge creature
|
|
1514
(1514)
|
STC 6035; ESTC S122481
|
16,768
|
36
|
¶ The deyenge creature INRI Confusi sum Heu infame Furore consumor Animim amisimus Spes nobis nulla ALas that euer I synned in my lyfe to me is come this daye the dredfull tydynges that euer I herde / here hath ben with me a sergeaunt of armes whose name is crewelte frome the kynge of all kynges / lorde of all lordes / and Iuge of al Iuges lyenge on me his mace of his offyce sayenge vnto me I arest you warne you to make you redy and that ye fayle not to be redy euery houre whan ye be called on / ye shall not wete whan And cal sadly to your remembraunce your olde and longe contynued offences / the goodnes of god how largely he hath departed with you the gyftes of nature / the gyftes of fortune the gyftes of grace / how he hath departed with you largely and ordeyned you at your baptim thre sad borowes that ye sholde saufely and surely be kepte in your tender aege as well frome vyces as fro bodyly peryll ordeyned you a good aungell to kepe you and to counseyl you yf ye haue be coūseylled by hym bethynke you And whan ye come to the yere of dyscrecyon he ordeyned you thre sad counseyllers / reason / drede / and conscyence yf ye haue be rewled by theyr counseyll call that to your remembraunce He ordeyned you also .v. wyttes / seruauntes that ye sholde be mayster of rule them after your dyscrecyon / that is to saye your felynge / your syght / your herynge / your speche / and your tast How haue ye rewled these that be vnder youre obeysasaūce me thynketh ye haue moche thȳge to answere for for the Iuge that shall sytte vpon you he wyll not be percyall nor he wyll not be corrupte with good but he wyll mynyster to you Iustyce equyte certaȳly as well as this There were certayne thȳges he forbad you and the thynges ye sholde flee in ony wyse / that is to were the seuen deedly synnes / and al thynges that sholde prouoke moue or stere you therto he badde you flee / haue ye do soo / haue ye kepte his commaundementes .x. And yet that is but lytell thynge ¶ The lamentacyon of the dyenge creature ALas alas excuse me I can not / and whome I myght desyre to speke for me I wote not / the daye and tyme is so dredful / the Iuge is so ryghtfull myn enmyes be cruell my kyn my neyghbours my frendes my seruauntes be not fauourable to me / and also I wote well they shall not be herde there ¶ The complaynt of the dyenge creature to the good aungell O My good aungell to whome our lorde toke me to kepe where be ye now me thynketh ye sholde be here now and answere for me for the drede of deth dystroubleth me so that I can not answere for my selfe here is my bad aungell redy and is one of my chefe accusers with legyons of fendes with hym and I haue no creature to answere for me / alas it is an heuy caas ¶ The answere of the good aungell to the dyenge creature S to your badde dedes I was neuer consentynge I sawe your natural inclynacyon more dysposed to be rewled by your bad aungell than by me how be it ye can not excuse you but whan ye were purposed to de ony thynge that was contrary to to the cōmaandementes of god I fayled not to remembre you that it was not wel and counseylled you to flee the places of peryll and the company that sholde stere or moue you ther to can ye saye nay hereto / how can ye thynke that I coude answere for you ¶ The complaynt of the dyenge creature to reason drede and conscyence O Ye reason drede and conscyēce ye were assygned to be of my counseyll now come I requyre you helpe me to answere for me for my defautes be so many and so abhomynable in the syght of hym that shall be my Iuge and my accusers be so many so vnfrendly that they leue not one defaute behynde Now come I requyre you helpe to answere for me for it was neuer so grete nede The fere and the drede that I am in dystroubleth me so that one worde I can not speke for my selfe Alas that euer I sawe this daye ¶ The answere of reason BE ye remembred that our lorde ordeyned you a good aungel and a badde aungell / he ordeyned you reason dyscrecyon to knowe the good frome the yll he cōmaunded you to do good leue the euyll / he put you in free choyse whether ye wolde do well or euyl ye ought to call to your remembraunce how well god hath done for you helped you in euery daunger peryll he wolde haue ben loued dred serued accordynge to the manyfolde graces and kyndenesses that he hath shewed vnto you how to answere for you I wote not lothe I am to accuse you / and excuse you I can not ¶ The complaynt of the dyenge creature to drede saynge thus A Drede where be ye is there no helpe and socour with you to speke for me whan I shall come to my Iugement ¶ The answere of drede NO certaynly for whan ye where set in pleasaūce delectacyon of the worlde reason put put in your mynde that ye dyde not wel / and I drede was with you at all tymes and in euery place and fayled not to speke vnto you and to put you in mynde of the same of this worlde and drede of dampnacyon and of the peryll that wolde folowe as well here as elles where rehersynge vnto you the punysshementes that our lorde ordeyned for synne saynge vnto you Se ye not how gracyously our lorde hath called you frome synne wretchednes yf ye wolde vnderstande it / how hath he longe kepte you in worshyp estate and in prosperyte and coude not knowe the goodnes of god / how hath he chastysed you and how ofte by losse of your chyldren / losse of your kyn and frendes / losse of youre goodes and losse of all tho thynges that ye coude not be pleased with and set you in the indygnacyon of the grete hygh and myghty prynce and helpe you out of the daungers and perylles that ye haue ben in at all tymes / and yet haue ye not loued hȳ dred hym and serued hȳ that in all these perylles hath preserued and kepte you and hath ben so gracyous and good lorde to you who sholde speke for you I / nay certaynly ¶ The complaynt of the dyenge creature to conscyence saynge thus ALas conscyence is there no helpe with you I haue herde saye longe ago the worlde was to curste / but I wolde hope that conscyence wolde haue compassyon of my dystresse and moche the more that I am frendles ¶ The answere of conscyence to the dyenge creature I Am sory to accuse you and excuse you I can not for conscyence and drede haue ben but