not longe after that Alisaunder kyng of Scotland nas dede And Dauid Erle of Huntyngdone that was the kynges brother of Scotland axed and claymed the kyngdome of Scotland for encheson that he was right full heir But many grete lordes of Scotland saiden nay wherfor grete debate arose bitwene hem and hir frendes for as moche that they wolde not consent to his coronacion in the mene tyme the forsaid dauid deide And so it befell that the saâ—â—e dauid had iij dough tâ—es that worthelich were maried the first doughter was maried to Bailloll the seconde to Brus the thridde to Hastinges And the for said Bailloll Brus chalenged the land of scotland grete debate strife aroos bitwene hem iij. for encheson that eche of hem wold haue be kyng And when the lordes of Scotland saw the debate bitwene hem iij. they come to kyng Edward of englond seised hym in all the land of Scotland as hir chief lord And when the kyng was seised of the lordes of Scotland the forsaid Bailloll Bruâ—â— Hastinges come to the kynges court axed of the kyng whiche of hem shold be kyng of scotland And kyng Edward that was full gentill aud treâ—e let enquere by the cronicles of Scotland of the grete lordes of Scotland which of hem was of the eldest blode 〈◊〉 it was founde that Bailloll was eldest And that the kyng of 〈◊〉 land shold holde of the kyng of englond done hym feaute ¶ And after this was done Bailloll went in to Scotland and ther was crouned kyng of scotland And the same tyme was vpon the see stronge werre bitwene the englisshmen and the normans but vpon a tyme the normans arriued all at douer there they martred an holy man that was called Thomas of douer And afterward were the normans 〈◊〉 that ther scaped of hem not one ¶ And so ne after kyng Edward shold lese the duchie of Gascoyne thurgh kyng Phelip of fraunce thurgh fals casting of the dossepiers of the land wherfor sir Edmond that was kyng Edwardes brother yafe vp his homage vn to the kyng of fraunce ¶ And in that tyme the clerkes of englond graunted to kyng Edward halfendele of holy churh goodes in helping for to recouer his land ayene in Gascoigne And the kyng sent thidder a noble companie of his bachillers and hym selfe wolde haue wente to Portesmouth But he was let thurgh one Maddoke of walys that had seised the Castell of SwaÌ„done in to his hand and for that encheson the kyng turned ayen vn to walys at cristâ—mass◠¶ And for encheson that the noble lordes of englond that were sent in to Gascoyne had no comfort of hir lord the kyng they were take of sir Charles of fraunce that is to say 〈◊〉 Iohan of Britaigne sir Robert Tiptot sir Rauf Tanny â—ir 〈◊〉 Bardolf sir Adam of Cretinges yit at the ascencion was 〈◊〉 doke take in walys an othir that was called morgan they were sent to the tour of london there they were beheded ¶ How sir Iohan bailloll kyng of scotland withsaid his homage of sir Thomas Turbeluille Ca. C.lxvij ANd when sir â—ohan bailloll kyng of scotland vnderstode yâ— that kyng Edward was werred in gascoyne to whom the â—eame of scotlaÌ„d was deliuered falsely tho ayeus his othe withsaid his homage thurgh ê“curing of his folke and sent to the court of Rome thurgh a fals suggestion to be assoilled of that othe that he swore vn to the kyng of englond so he was by lrÌ„ez enbulled Tho chosen they of scotland doussepers for to benymme edward his right And in that tyme come ij cardâ—â—alls froÌ„ the court of rome froÌ„ the pope Celestine for to trete of acord bitwene the kyng of frallce the kyng of englond ¶ And as tho ij Cardinals speken of a cord Thomas Turbelâ—â—lle was take at â—â—ouns made feaute and homage to the wardeyne of Paris to him put his ij sones in hostage for that he thought gone in to englond for to aspie the contre telle hem when he come in to englond that he had broken the kynges prison of fraunce by nyÈt said that he wold done that all englissh men walshmen shold abowe to the kyng of fraunce this thynge for to bringe to the ende he swore and vpon this couenant dedes were made bitwene hem and that he shold haue by yere a M. ponndes worth of land to bring this thyng to an ende ¶ This fals traitouâ— toke his leue went thennes come in to englond vn to the kyng said yâ— he was broken oute of prison that he had put him in suche ê‘ill for his loue wherfor the kyng coude him moch thanke and full glad was of his comyng And the fals thefe traitour fro that day aspied all the doyng of the kyng also his counseill for the kyng loued hym well was with hym full priue But a clere of englond that was in the kynges house of fraunce herd of this treson of the falsenesse wrote to an othir clerke that was duellyng with the kyng of englond all how Thomas Turbeluille had done his false coniectyng all the counceill of englond was write for to haue sent vn to the kyng of fraunce thurgh the forsaid lrÌ„e that the clerke had sent fro fraunce hit was founde vpon him wherfor he was lad to london drawâ—n honged ther for his treson And his ij sones that he had put in fraunce for hostages were tho beheded ¶ Of the conquest of Berewyke Ca. C.lxviij WHen tho two Cardinals were wente anene in to Fraunce for to trete of the pees at Cambrey the kyng sent thidder of his erles barons that is to say sir edmoÌ„d his brother Erle of laucastre of leycestre sir henry lacy Erle of Nichol â—â—liain vessy a baron of othir baronettz aboute xiiij of the best and wysest of Englond And in the same tyme the kyng Edward toke his viage to Scotland for to werre vpon Iohan Bailloll kyng of Scotland ¶ And sir Robert Roos of Berewyk fled fro the englishmen went to the scottes Aud kyng Edward went hym toward Berewyk beseged the toune And tho that were withyn manlich hem defended sette a fire brende ij of kyng Edward is shippes and said in despite and reproue of hym ¶ Wende kyng edward with his longe shankes To haue gete Berewyk all our vnt hankes Gas pikes hym And when he has don Gas dikes hym 〈◊〉 When kyng Edward herde this scorne anone thurgh his mygh tynesse he passed ouer the dikes assailled the toune and come to the yatys and gate and conquered the toune and thurgh his gracious power queld xxv thousand and vij C. Scottes And kyng Edward lost no man of renonne saue sir Richard of Cornewaille and hym quelled a flemmyng oute of the rede hall with a quarell as the forsaid Richard did of his helme and
oute of the warde vnder the erthe in to the forsaid Castell that goth in to the weste whiche Aley Dame Isabell the Quenâ— ne none of hir men ne the Mortimer ne none of his companine knoweth it not And so I shall lede yowe thurgh that Aley and so ye shull come in to the Castell withoute aspies of any man that ben your enemies ¶ And the same nyght sir william Mountagu and all the lordes of his quarell and the same Conestable also went hem to hors and maden sembland as it were for to wende oute of the Mortimers sight ¶ But anâ—ne as the mortimer herde this tydyng he weÌ„t that they wold haue gone ouer the see for drede of hym and anone he and his companie token counceill amonges hem for to let hir passage sent lrÌ„ez anone to the portes so that none of the grete lordes sholde wende home to hir owne contre but yf they were arested and take ¶ And among othir thynges william Eland Conestable of the forsaid Castell priuely lad Sir william Mountagu and his coÌ„panie by the forsaid wey vnder erthe so till they comen in to the Castell and went vp in to the toure there that the mortimer was in ¶ But sir hugh of Trumpyngton hem ascried hidously and said A traitours it is all for nought that ye ben comen in to this Castell Ye shull die yit an euell dethe euerychone And anone one of hem that was in Mountagu is companie vp with a mace smote the same hugh vpon the hede that the brayne brest oute and fell on the grounde and so was he dede an euell deth ¶ Tho toke they the Mortimer as he armed hym at the toures dore when he herde the noyse of hym for drede And when the Quene Isabell saw that the Mortimer was take she made moche sorwe in hert and the wordes vn to hem said ¶ Nowe faire sires I pray yowe that ye done none harme to his body a worthy knyght our welbeloued frende and our dere cosin Tho went they thennes and comen and brought the Mortimer and presented hym vn to the kyng Edward and he commaunded to bring hym in sauf ward But anone as they that were consent vn to the Mortimers doyng herd telle that he was take they went and hid hem and priuely by nyght went oute of the toune eche in his side with heuy hert and mornyng and lyued vp on hir landes as well as they myght ¶ And so that same yere that the Mortimer was take he had at his retenue ix score knyghtes withoute squyers and seriauntes of armes and footmen And tho was the Mortimer lad to london And Sir Symond of Bereford was lad with hym and was take to the Conestable of the toure to kepe ¶ But afterward was the mortimers lyf examined at westmynster bâ—fore the kyng before all the grete lordes of englond for ê‘ill that myght fall to the Reame and to enquere also whiche were assenting to sir Edwardes deth the kynges fadre and also thurgh whom the scottes ascaped from stanhope in to scotland withoute the wyll of kyng Edward ¶ And also how the chartre of Rageman was deliâ—ed vn to the scottes wherin the homages feautes of scotland were conteyned that the scottes shold done euer more vn to the kynges of englond for the reame of scotland wherfor in his absence he was dampned to be drawe honged for this treson And this meschief come vn to hym on seint Andrewes euen in the yere of â—ncarnacion of our lord Ihesu crist a M.CCC and xxx ¶ How kyng Edward gete ayene vn to hym graciousely the homages feautes of scotland wher of he was put oute thurgh fals counceill of Isabell his modre aud sir Rogier Mortimer that was newe made Erle of the marche Ca. cc.xxiij NOwe ye haue herd lordes how sir Iohan of Bailloll in tyâ—e of â—ees was chosen to be kyng of scotland for encheson that he come of the eldest doughter of the erle Dauid of hontyngton that was kyng alisaundres brother of scotland that deide withoute heire of his body begoten how this Iohan made feaute homage to kyng Edward Henries sone the iij. for his landes of scotland And how he afterward withsaid his homage thurgh counceill of the scottes in the yere of our lorde M.ccc.lxxij sent vn to yâ— pope thurgh a fals suggescioÌ„ that he made his othe vn to the forsaid kyng edward ouer his â—state his wyll of which othe the pope him assoilled thurgh his bulles to hym y sent ¶ And anone as kyng Edward wyst ther of he ordeyned anone his barons come vn to Bâ—re wyke conquered the toune â—t which conquâ—st ther were slayne xxv M. vij C. And the Baill all that was kyng of scotland come yelde hym vn to kyng Edward And the kyng afterward deliuered hym oute of the toure of london and all the grete lordes of scotland with hym that were take at Berewyke yafe hem saufcoÌ„duyt to go in to scotland ¶ And the scottes sith thurgh hir falsenesse werred vpon kyng Edward ¶ And whan sir Iohan Bailloll kyng of scotland saw all this 〈◊〉 went put hym ouer the see vn to Dunpier and lyued ther vpon his owne londes as welle as he myght till that the Scottes wolde amende hem of hir mysdedes and trespace and lad with hym Sir Edward his sone wherfor the Scottes in despite of hym called hym Sir Iohan Turnelabard for cause that be wolde not offende ne trespace ayens kyng Edward of Englond And so he forsoke his Reame of Scotland and 〈◊〉 ther of but litell pris ¶ And this Sir Iohan duelled in fraunce till that he died there And sir edward his sone vnderfeng his heritage did homage vn to the kyng of fraunce for his landes of Dunpier so it fell afterward that edward that was Iohan baillols sone had with hym a squyer of englond that was bore in yorkeshire that was called Iohan of barnaby this Edward bailloll loued hym moche was nye hym full priue ¶ And so this Iohan of barnaby was in debate with a freÌ„shman in the toune of Dunpicr so he quelled hym went in his way in all that he myght in to the Castell for to haue socour helpe of his lorde And anone come the officers of the tounÌ„ to take â—ohan of barnaby as aâ— felon sir edward his lord halpe hym rescued hym by nyÈt made hym wende oute of the Castell so he went his way come in to Englond with outen any harme ¶ And when the kyng of fraunce sawe that sir edward had resened his felon he become wonder wroth ayens sir edward and anone let hym be areste â— toke in to his hande all his londes ¶ Tho duelled sir Edward in prison vn to the tyme that sir Henry of Beaumout come in to frauÌ„ce the which Henry somtyme was erle of angos in scotlaÌ„d thurgh his wyfe was
kyng Salomon in IhrlmÌ„ and made the noble temple and to hym come Sibelle quene of Saba for to here and see yf it were soth that men speken of the grete and noble wit and wisdam of kyng Salamon and she fonde it soth that men had hir tolde ¶ Of kyng lud ludibras that was kyng leyles sone Ca. x ANd after this kyng leyl regned his sone lud ludibras that made the cite of Canterbury and of wynchestre and he regned xiij yere and died and lieth at wynchestre ¶ Of kyng Bladud that was ludibras sone how he regned was a good man and a nigromancer Ca. xj And after this lud ludibras regned Bladud his sone a grete nigromancer and thurgh hie craft of nigromancie he made the meruaillous hote bath as the gest telleth and he regned xxj yere and he lieth at the newe Troye ¶ Of kyng Leir and of the ansuere of his yongest doughter that graciously was maried to the kyng of fraunce Ca. xij AFter this kyng Bladud regned Leir his sone and this Leir made the toune of leycestre and let calle the toune aft his name and he gouerned the toune well nobely This kyng Leir had ij doughtres the fyrst was called Gonorill the secoÌ„d Rigan and the thridde Cordeill and the yongest doughter was fairest and best of condicions The kyng hir fadre became an olde man and wold that his doughtres were maried â—r that he deide but first he thought to assay whiche of hem loued hym most aud best for she that loued hym best shold best bene maried and he axed of the fyrste doughter how moche she hym loued and she ansuerd and said better than hir owne lyfe Nowe certes quod the fadre that is a grete loue Tho axed he of the second doughter how moche she him loued and she said more and passyng all the creatures of the worlde â— ma foy qd the fadre I may no more axe And tho axed he of the thridde doughter how moche she hym loued certes fadre quod she my sustres haue tolde yow glosing wordes but forsoth I shall telle trouth For I loue yow as moch as I ought to loue my fadre for to bring yow more in certain how I loue yow I shall yow telle as moche as ye bene worth so moche shall ye be loued ¶ The kyng hir fadre wente that she had scorned hym and become wonder wroth and swore by heuen and erth she sholde neuer haâ—e good of hym but his doughtres that loued hym so moche sholde bene well auaunced and maried And the first doughter he maried to Maugles kyng of Scotland and the second he maried to haneinos Erle of Cornewaille and so they ordeyned and spake bitwene hem that they sholde departe the Reame bitwene hem two after the deth of kyng Leir hir fadre so that Cordeill his yongest doughter shold no thyng haue of his land but this Cordeill was wonder faire and of so good condicions â—ud maners that the kyng of fraunce Agampe herde of hir speke sente to the kyng leir hir fadre for to haue hir vn to his wyfe and praied hym therof and kyng Leir hir fadre sent hym word that he had departed the londe vn to his two doughtres and said he had no more lande wherwith hir to marien ¶ And whan AgaÌ„pe herde this ansuer he sente anone ayene to leir and said that he axed no thyng with hir but onely hir clâ—thyng hir body And anone kyng leir sent hir ouer the see to the kyng of fraunce And he resseyned hir with moche wurshipp and with moche solempnite hir spoused and made hir quene of fraunce ¶ Howe kyng leir was driuen out of his land thurgh his folie and howe Cordeil his yougest doughter helpe hym in his nede ¶ Capitulo xiij WHus it fel afterward that tho ij eldest doughtren wolde nat abide till leir hir fadre was dede but werred vpon hym whiles that he leued and moche sorwe and shame hym did wherfor they benoÌ„men hym holy the roialme and bitwene hem had ordeyned that one of hem shold haue kyng leir to soiourne all his lyfe tyme with xl kâ—yghtes and squyers that he myght wurshippfully gone and ride whidder that he wolde in to what contre that hym liked to pley and to solace So that Managles kyng of Scotland had kyng leir with hym in the maner as is aboue said and or othir half yere wer passed Corneill that was his eldest dâ—ughter and quene of Scotland was so aÌ„noied of hym and of his peple that anone she and hir lorde spake to gedre wherfor his knyghtes half and his squyers from hym were gone and nomo left but only xxx and when this was done leir bigan for to make moche sorwe for encheson that his estate was empeired And men had of hym more scorne and despite then euer they had bâ—for Wherfor he nift what for to done and at the last thought that he wolde wende in to Corne waill to Rigan his othir doughter And when he was come the Erle and his wif that was leires doughter hym welcomed and with hym made moche Ioye ther he duelled with xxx knyghtes and squyers And he nad nought duelled ther scarsely tuelfmonth that his doughter of hym nas full and of his coÌ„panie and hir lorde and she of hym had scorne and despite so that from xxx knyghtes they bronghten vn to x. and afterward .v. and so ther left with hym no mo Tho made be forwe y nowâ— aud said sore wepyng Allas that euer he come in to that londe and said yit had me hetter to haue duelled with my fyrst doughter And anonÌ„ wene thennes to his fyrst doughter But anone as she saw hym come she swore by god and his holy names and by as moche as she myght that he shold haue no mo with hym but one knyght yf he wolde ther abide Tho bigan leir ayen weâ—e and made moche sorwe said tho allas nowe to long haue I lyuet that this sorwe and meschief is to me nowe falle For nowe am I porer that some tyme was riche but nowe haue I no frende ne kyn that me wull do any good ¶ But when I was riche all men me honoured and wurshipped and nowe euery man hath of me scorne and despite and nowe I wote well that Cordeill my yongeste doughter said me trougth when she said as moche as I had so moche shold I bene beloued and alle the whilâ— that I had good tho was I beloued and honoured for my ricchesse but my two doughtres glosed me tho and nowe of me they sette litell pris and soth tolde me Cordeill but I wolde nat beleue it ne vnderstond and therfore I let hir gone fro me as a thing that I sette litell pris of nowe wote I neuer what for to done sith my ij doughtres haue me thus disceyued that I so moche loued and nowe mot I nedes sechen hir that is in an othir land
tho regned he in pees xiiij yere and after he died and lieth at karlille ¶ Howe xxxiij kynges regned in pees eche after othir after the deth of Hesidur Ca. xxxiij AFter the deth of Hesidur regned xxxiij kynges euery aftâ—r othir in pees without any long tarieng I shal tell hem all howe long eche of hem regned as the storie telleth The fyrst kyng of tho xxxiij was called Gerbodia he regned xij yere aft hym regned Morgan ij yere after hym regned Cighnus vj. yere after hym regned Idwalan viij yere after hym regned Rohugo xj yere And after hym regned â—oghen xiij yere And after hym regned Catill xv yere And after hym regned Porrex ij yere And after hym regned Cheryn xvij yere And after hym regned Coyll xij yere And after hym regned Sulgenis xiiij yere And after hym regned Esdad xx yere And after hym regned Andragie xv.ij. yere And after hym regned â—rian v. yere And after hym regned Elind ij yere And after hym regned Eldagan xv yere And after hym regned Claten xij yere And aft hym regned Quirgunde viij yere And after hym regâ—ed Mortan vj. yere And after hym regned Bledagh iij. yere And after hym regned Caph j. yere And after hym regned Gen ij yere And after hym regned Seisell kyng Bled xxij yere And kyng Tabreth xj yere And Archinal xiiij yere And Groll xxx yere And Rodingu xxxij yerÌ„ And Hertâ—r v. yere And Hampir vj. yere And Carâ—our vij yere And Digneill iij. yere And Samuel xxiiij yere Rede ij yere Eln vij monthes this Ely had iij. soneâ—lud caâ—sibalaÌ„ enemyoÌ„ ¶ Howe lud was made kyng after the deth of Ely his fadre Capitulo xxâ—iiij AFter the deth of Ely regned lud his sone and gouerned wel â—he land and moche honoured good folk teÌ„pred ameÌ„ded wikked folke This lud loued more to duelle at Troie than in any othir place of the land wherfor the name of newe Troie was lefte and tho was the Cite called ludstone But the name is changed thurgh variance of lrÌ„ez and now is called london And this kyng made in the Cite a fair gate called it ludgate after his name and the folke of the Cite hete it loundres and when he had regned xj yere he deide and lieth at london he had ij yong sones Andâ—aghen and Tormace but they coude nethir speke ne go for yongth therfor the britons crouned a strong knyght that was called lud that was Cassibalamus brother made hym kyng of Britaigne ¶ How the britons grauÌ„ted to cassibalam that was ludes brother the land in whos tyme Iulius Cesar come twyes for to conquere the land Ca. xxxv AFter the deth of kyng lud regned his brother Cassibalam become a good man moche beloued of his britons so yâ— for his goodnesse curtesie they graunted hym the Reame for euermore to hym to his heires the kyng of his goodnesse bet norissh worthelich bothe sones that were lud his brothers after made the eldest sone erle of Cornewaill that othir erle of london And while this kyng Cassibalam regned come Iulius cesar that was Emê‘our of Rome in to this land with a poer of Romayns and wolde haue had this land thurgh strength but CassibalaÌ„ oâ—come hym in bataille thurgh helpe of the britons drofe hym out of thiâ— lande he went ayene to Rome assembled a grete poer an othir tyme come ayene in to this land for to yeue bataille to CassibalaÌ„ but he was discoÌ„fited thurgh strength of the britons thurgh helpe of the erle of Corne waill the erle of london his brother thurgh helpe of Gudian kyng of Scotland Corband kyng of north walys of bretaill kyng of southwales in this bataill was slaynÌ„ Nennon that was Cassibalams brother wherfor he made moch sorwe And so wâ—nt Iulius cesar oute of this land with a sewe of romayns that were left a lyue And tho Cassibalam went ayene to london made a fest vn to all his folk that tho had hym holpe and whan that feste was done eche man went in to his owne contre ¶ Of the debate that was bitwene Cassibalam the Erle of london and of the truage that was paied to Rome Ca. xxxvj ANd after it befell thus vpon a day that the gentilmeÌ„ of the kynges houshold gentilmen of the Erles houshold of london after mete wente in fere for to play and thurgh debate that arose among hem Enelyn that was the Erles cosin of london queld Irenglas that was the kynges cosin wherfor the kyng swore that Enelin sholde bene honged but the Erle of london that was Enelinê° lord wold nat suffre it wherfor the kyng was wroth to ward the Erle thought hym destroie preuely the Erle sent lrÌ„ez to Iulius cesar that he sholde come in to this lande for to helpe hym and hym a venge vpon the kyng he wolde helpe hym with all his myght And when the Emê‘our herde this tydyng he was full glad and ordeyned a strong poer come ayen the thrid tyme in to this land and the Erle of london halp hym with vij M. men and at the thrid tyme was Cassâ—balan ouercomÌ„ and discomfited and made pees to the Emê‘our for iij. M. ponde of siluer yeldyng by yere for truage for this lande for euermore half ayere passed the Emê‘our went to Rome and the Erle of london with hym for he durst not abide in this lond and after Cassâ—balan regned xvij yere in pees and tho died he the xvij yere of his regne and lieth at york ¶ Howe lordes of the lande after the deth of cassibalan for encheâ—on that he had none heir made Andragen kyng Ca. xxxvij AFter the deth of Cassibalan for as moche as he had non heir of his body the lordes of the land by comune assent crouned Andragen Erle of Cornwaille and made hym kyng and he regned well and worthely was a good man well gouerned the land when he had regned viij yere he died lieth at london ¶ Of kymbalyn that was Andragenys sone a good man wel gouerned the lande Ca. xxxviij AFter the deth of Andragen regned Kymbalyn his sone that was a good man and well gouerned the lande in moche â— sperite and pees all his lifes tyme and in his tyme was borne IhuÌ„ crist our sauyour of that swete virgin Marie This kyng kymbelyn had ij sones Guider and Armoger good knyghtes and worthy and when this kyng kymbalyn had regned xxij yere he died and lieth at london ¶ Of kyng Gynder that was kymbalynê° sone that wolde nat pay the truage to Rome for the lande that Cassibalan had graunted and howe he was slayne of a romayne Ca. xxxix ANd after the deth of this kymbalyn regned Gynder his sone 〈◊〉 good man and a worthy and he was of so high hert that he wolde nat pare to Rome that
his brother a thousand pounde euery yere and whiche of hem lengest leued sholde bene others heir and so bitwene hem shold be no debate ne strife ¶ And when they were thus accorded the duke went home ayene in to Normandie And when the kyng had regned iiij yere ther Aroos a grete debate bitwene hym and the Erchebisshopp of Canterbury Auncelme For cause that the Erchebisshopp wolde nat graunte hym for to take talliage of chyrches at his wylle And therfor eftsone the Erchebisshopp weÌ„t ouer the see to the court of rome and ther duelled with the Pope ¶ And in the same yere duke of Normandie come in to Englond for to speke with his brother And amonge othir thynges the duke of Normandie for yaf to the kyng his brother the forsaid thousand pounde by yere that he sholde pay hym And with good loue the duke went tho ayene in to Normandie ¶ And when the ij yere were a gone thurgh enticement of the deuell and of lither men a grete debate arose bitwene the kyng and the duke so that the kyng thnrgh conceill went ouer the see in to Normandie ¶ And when the kyng of England was comen in to Normandie 〈◊〉 the grete lordes of Normandie turned to the kyng of Englond and helde ayens the duke hir owne lord and hym forsoke and to the kyng hem yelden and all the good câ—stelles and tounes of Normandie And sone after was the duke taken and lad with the kyng in to Englond the kyng let put the duke in to prison And this was the vengeaunce of god For when the duke was in the holy land God yafe hym suche myght and honour ther wherfor he was chosen to bene of Iherusalem kyng And he wold nat be it but forsoke it and therfor send hym that shame and despite for to be put in to his brothers prison ¶ Tho seised kyng Henry all Normandie in to his hande and helde hit all his lyves tyme and in the same yere come the bisshopp Auncelme from the court of Rome in to Englond ayene and the kyng and he were accorded ¶ And in the yere next comyng after ther began a grete debate bitwene kyng Phillipp of Fraunce And kyng Henry of Englond ¶ Wherfor kyng Henry went in to Normaâ—die and the werre was strong bitwene hem two And tho died the kyng of fraunce lowys his sone was made kyng anone after his dethe And tho went kyng henry ayene in to englond and maried Maude his doughter to Henry the Emê‘our of Almayne ¶ Of the debate that was bitwene kyng lowys of fraunce kyng Henry of englond and how kyng henries ij sones were loste in the high see Capitulo Centesimo .xxxvj. WHenne kyng Henry had bene kyng xvij yere a grete debate aroos bitwene kyng lowys of fraunce and kyng henry of englond for encheson that the kyng had sent in to Normandie to his men that they shold bene helping to the erle of bâ—oyes as mochel as they myght in werre ayens the kyng of fraunce and that they were as redy vn to hym as they wold ben vn to hir owne lord for encheson that the erle had spoused his sustre dame Maude for which encheson the kyng of fraunce did moche sorwe to normandie wherfor the kyng of englond was wonder wrothe and in haste went ouer the see with a grete power and come in to normandie for to defende that lande and the werre bitwene hem lasted ij yere till at the last they ij foughten to gedre and the kyng of fraunce was discomfited and vneth scaped a way with moch â—eyne and the moste part of his men were take and the kyng did with hem what hym liked And somme of hem let he go frelich and somme let he put to the deth But afterward tho ij kynges were accorded And when kyng Henry had holich all the land of Normandie and scomfited his enemies of fraunce he turned ayene in to englond with mochel honour And his ij sones william and Richard wolde come after hir fadre and went to the see with a grete companie of peple but â—r that they myght come to londe the shipp come ayens a roche brake all in to peces and all were drenched that were therin sauf o man that was in the sauie ship that ascaped and this was on seint katerines day and thees were the names of hem that were drenched that is to say william the kynges sone Richard his brother the erle of Chestre Qttonell his brother Gieffrey ridell walter emurcy Godfrey erâ—hedeken the kynges doughter the Countesse of Perches the kynges nece the Countesse of Chestre and many othir When kyng henry and othir lordes arriued were in englond and herde these tydynges they made sorwe y nowe and all hir myrthe â—oye was turned in to mornyng and sorwe ¶ How Maude the Emê‘esse come ayene in to Englond and how she was afterward wedded to Gieffroy the Erle of Angoy Capitulo C.xxxvij ANd when that ij yere were agone that the Erle had duelled with the kyng the Erle went tho from the kyng and began to werre vpon hym and did moche harme in the land of Normandie and toke ther a strong Castell and ther he duelled all that yere and tho come to hym tydyng that Henry the Emê‘our of Almaigne that had spoused Maude his doughter was dede and that she duelled no lenger in Almaigne And that she wolde come ayene in to Normandie to hir fadre ¶ And when she was come to hym he noÌ„me hir tho to hym and come ayene in to Englond and made the englisshmen done othe and feaute vn to the Emê‘esse And the fyrst man that made the othe was william the Erchebisshopp of Caunterbury And that othir kyng Dauid of Scotland and after hym all the Erles and barons of engloÌ„d Also after the noble man the Erle of Angoy a worthy knyght sent to the kyng of englond yâ— he wolde grauÌ„te hym for to haue his daughter to spouse Maude the Emê‘esse And for encheson that hir fadre wyst that he was a noble man the kyng graunted hym and consented ther to And tho noÌ„me he his doughter and lad hir in to Normandie and come to the noble knyght Erle Gaufride and he spoused the forsaid Maude with mochel honour And the Erle begate vpon hir a sone that was called Henry the Emê‘esse sone ¶ And after when all this was done kyng Henry duelled all that yere in Normandie And after that longe tyme a grevous sikenesse toke hym wherthurgh he died And this kyng Henry regned xxxv yere and iiij monthes and after he died as before is said in Normandie and his hert was entered in the grete chyrche of our lady in Rouen And his body was brought with mochel honour in to England and entered at Redyng in the Abbey of the which abbey he was begynner and foundour ¶ Howe Stephene kynge Henry sustres sone was made kyng of Englond ¶ Ca. C.xxxviij AFter this kyng Henry yâ— was the fyrst
the abbey of westmynstre and ther she was crouned Quene of englond And alle hir frendes that come with hir hadde grete yiftes and weren well chered and refresshed as longe tyme as they abbiden here ¶ And in this same yere was a bataill done in the kynges paleys at westmynstre for certeyn pointes of treson bitwene sir Iohan Ansley knyght defendant and Carton squyer the appellaunt But this Sir Iohan of Ansley ouercome this Carton and made hym to yelde hym within the lystes ¶ And anone was this Carton despoiled of his harneis and drawe oute of the listes and so forth to Tiborne and ther he was honged for his falsenesse ¶ And in the viij yere of the regne of kyng Richard Sir Edmond of langeley Erle of Cambrigge the kynges vncle wente in to portingale with a faire meyne of meÌ„ of armes and archiers in strengthyng and helpyug of the kyng of Portingale ayens the kyng of Spayne and his power And ther the kyng of portingale had the victorie of his enemies thurgh helpe and comfort of our Englisshmenâ— And whan that Iourney was done the Erle of Cambrigge come home ayene with his people in to Englond in haste blessed be god and his gracious yift Amen ¶ And this same yere kyng Richard helde his cristemasse in the maner of Eltham Aâ—d the same tyme the kyng of Ermoyne fledde oute of his owne land and come in to Englond for to haue socour and helpe of our kyng ayens his enemies that had driuen hym oute of his Royame And so he was brought vn to the kyng to Eltham ther as the kyng helde his riall feste of Castemasse ¶ And there our kyng welcomed hym and did hym moche reuerence and wurshipp and commaunded all his lordes to make him alle the chere that they coude And than he besought the kyng of grace and of helpe and of his comfort in his nede And that he myght be brought ayene to his kyngdome and londe For the Tuâ—kes had deuoured and destroied moche part of his londe and for dâ—â—de how he fledde and come hidder for socour and helpe ¶ And the kyng thenne hauyng pite and compassion of his grete meschief and grevous disese anone he toke his counceill and asked what was best to done ¶ And they ansuerd and said yif it lyked hym to yeue hym any good hit were well y do And as touchyng his peple to trauaill so ferre in to oute landes it were a grete iuê‘die And so the kyng yafe hym gold and siluer and many riche yiftes and Iewelles and betaught hym to god And so he passed ayene oute of Englond And in this same yere kyng Richard with a riall power went in to Scotland for to werre vpon the Scottes for the falsenesse and destruction that the Scottes had done vn to englishmen in the marches And than the scottes come doune vn to the kyng for to entrete with hym with his lordes for trews as for certeyne yeres ¶ And so our kyng his couÌ„ceill graunted hem trews certeyne yeres vn to her askyng And our kyng turned hym home ayene in to englond And when he was come vn to yorke ther he abode rested hym there ¶ And there sir Iohan holand the Erle of kentes brother slow the erles sone of stafford his heir with a daggar in the Cite of yorke wherfor the kyng was sore ameued greued remeued thens come to london ¶ And the maire with the aldermen the coÌ„munes with all the solempnite that myght be donÌ„riden ayens the kyng and brought hym rially thurgh the Cite and so forth vn to westmynster vn to his owne Paleys ¶ And in the ix yere of kyng Richardis regne he helde a parlement at westmynster and ther he made ij dukes and a marqueyes and v. Erles ¶ The fyrst that was made duke was the kynges vncle Sir Edmond of langlec Erle of Cambrigge hym he made duke of yoâ—k ¶ And his othir vncle Sir Thomas of wodestoke that was erle of Bukkyngham hym he made duke of Gloucestre And sir Lyone veer that was erle of OxuÌ„ford hym he made markeys of dyuelynÌ„ ¶ And Henry of Bolyngbroke the dukes sone of lancastre hym he made Erle of Derby ¶ And Sir Edward the dukes sone of yorke hym he made Erle of Ruttelond Sir Iohan holand that was the Erle of kentes brother hym he made Erle of huntyngdon ¶ Sir Thomas Mombray Erle of Notyngham and Erle Marchall of Englond And Sir Michell de la pole knyght hym he made Erle of south folke and Chaunceler of Englond ¶ And the Erle of the marche at that same parlement holden at westmynster in playne parlement amonges all the lordes and communes was proclamed Erle of the marche and heire Apâ—ant to the croune of Englond after kyng Richard the which Erle of the marche went ouer see in to Irland vn to his lordshippes and and londes for the erle of the marche is erle of vlster in Irland be right lyne heritage And ther at the castell of his he lay that tyme And ther come vpon hym a grete multitude in busshemetis of wild Iashmen hym for to take destroie And he come oute fetsely of his costell with his peple manly faught with hem ther he was take hewe all to peces ther he deide on whos soule god haue mercy Amen ¶ And in the x. yere of kyug Richardes regne the Erle of Arundell went vn to the see with a grete nauye of shippes enarmed with men of armes good archiers And whan they come in to the brode see they mette with the hole flete that comen with wyne y lade from Rochell the whiche wyne were enemies goodes And ther our nauye set vpon hem toke hem all brought hem vn to diuerse portes hauenes of englond some to london ther ye myÈt haue had a tonne of Rochell wyne of the best for xx shillyng sterlinges so we had grete chepe of wyne thurgh oute the Reame at that tyme thanked be god almyghty ¶ How the v. lordes arisen at Rattecotte brigge Ca. cc.xlj ANd in the regne of kyng Richard the xj yere the v. lordes a risen at Rattecot brigge in the destruction of rebelles that weren that tyme in all the reame ¶ The first of the v. lordes was sir Thomas of wodestoke the kynges vncle duke of Gloucestre the second was sir Richard erle of Arundell the iij. was sir Richard erle of warrewyke the iiij was sir Henry bolingbrok erle of derby the v. was sir Thomas Mombray erle of Notingham And these v. lordes saw the meschief mysgouernaunce the falsenesse of the kynges counceill wherfor they that weren that tyme chief of the kynges counceill fledden oute of this land ouer the see that is to say Sir Alisaundre neuill the Erchebisshop of yorke and Sir Robert le veer markeys of deuelyn erle of Oxenford Sir Michell de la Pole
hall amonge all the peple And there he brake the yerde of the riall kynges housold And anone they were disperbled And euery man went his wey and forsoke hir mastir and soueraigne lord left hym alloue ¶ And thus was kyng Richard brought a doune and destroied and stode allone withoute comfoâ—t or socour or any good counceill of any man Allas for pite of this riall kyng ¶ And anone come tydynges that sir Henry of â—olyng broke was vp with a wonder stronge power of peple and that all the shreues of Englond reysed vp the shires in strengthyng of him ayens the kyng Richard And thus sone he was come once of the northcontre to Bristowe And there he mette with sir wiliam scrope Erle of wylteshire Tresorer of Englond and with Sir â—ohâ—n Bussh and sir Henry Grene and Iohan Bagot but he 〈◊〉 from hem and went ouer the see in to Irland and these iij. knygâ—tes were taken and hir hedes smytten of And thus they died for hir fals couetise ¶ And than was kyng Richard y take and brought vn to the duke and anone the duke put hym in fast ward and stronge hold vn to his comyng to london And was ther a romer in london and a strong noyse that kyng Richard come to westmynster And the peple of london ranne thidder and wolde haue done moche harme and skathe in hir wodenesse Nad the Maire and the Aldermen and othir worthy men seced hem with faire wordes and turned hem home ayene to london ¶ And ther was Sir Iohan slake deen of the kynges charell of westmynster take and brought to london and put in prison in ludgate ¶ And Bagot was take in Irland and brought to london and put in prison in newegate ther to be kepte and to abyde his ansuere ¶ And sone after the duke brought kyng Richard prinely vn to london and put hym in the tonre vnder suer kepyng as a prisoner And than come the lordes of the reame with all vn to the toure to kyng Richard and â—â—â—den to hâ—m of his mysgonernauÌ„ce â—xtorcion that he had done made ordeyned to oppresse all the commune peple and also to all the reame ¶ Wherfor all the commuue peple of his reame wold haue hym deposed of his kyngdome And so he was deposed at that tyme in the toure of london by all his lordes counceill and coÌ„mune assent of all the Reame ¶ And ther he was pnt from the toure vn to the Castell of ledes in kent and ther he was kept a while And than was he had from theÌ„s vn to the castell of pounfrete in the northcontre to be kept in prison sone afterward right there he made his ende ¶ And than whan kyng Richard was deposed and had resyned his croune his kyngdome and was kept fast in hold than all the lordes of the Royame with the communes assent and by accord chosen this worthy lord Sir Henry of Bolyngbroke Erle of Derby duke of Hereford duke of lancastre by right lyne and heritage and for his rightfull manhode that the peple founde in hym before all othir they chose hym and made hym kyng of englond amonges hem ¶ Of Sir Henry of Bolynbroke Erle of Derby that regned after kyng Richard whiche was the iiij henry after the conquest Capitulo ducentesimo xliij ANd after kyng Richard the ij was deposed and put out of his kyngdome The lordes and the communes all with one ossent and all othir worthy of the reame chosen Sir Henry of Bolynbroke Erle of Derby sone and heire of Iohan the duke of lancastre for his worthy manhode that ofte tyme had be founde in hym and in dede preued vpon seint Edwardes day the confessour he was crouned kyng of englond at westmynstre by all the Reames assent next after the deposing of kyng Richard ¶ Than he made henry his eldelst sone and heire Prince of walys and dnke of Cornewaille and Erle of Chestre And he made Sir Thomas of Arundell Erchebisshopp of Caunterbury ayene as he was before And Sir Rogier walden that kyng Richard had made Erchebisshoppe of Caunterbury he made hym bisshopp of london for that tyme it stode voide And he made Erles sone of Arundell that come with hym ouer the see from Caleys in to Englond He made hym Erle of Arundell as his fadre had bene put hym in possession of alle his londâ—◠¶ And there he made homage and feaute vn to his liege lord the kyng as all othir 〈◊〉 had done ¶ And than anone died kyng Richardâ— in the Castell of Pountfrete in the Northcontre For there he was enfamened vn to the dethe by his keper For he was kepte there four or v. daies from mete and drynke And so he made his ende in this world yit moche peple in Englond and in othir landes said that he was a lyue many yere after his deth But whethir he ware a lyue or dede forth they helde hir fals opynyons and beleue that men hadden in moche peple whiche come to grete myschief and foule dethe as ye shall here afterward ¶ And whan kyng Henry wyst and knewe verrailly that he was dede he let sere hym in the best maner and closed it in a faire chest with diuerse speceries and baumes and closed hem in a lynnen clothe all saufe his visage and that was lefte open that men myght see his persone from all othir men And so he was brought to london with torche light brennyng vn to seint poules And there he had his masse and his dirige with moche reuerence and solempnite of seruice ¶ And when all this was done he was brought from seint Poules in to the Abbey of westmynster and there he had all his hole seruice ayene And from westmynster he was brought to langeley and there he was beried on whos soule god haue mercy Amen ¶ And in the fyrst yere of kyng Henries regne he helde his cristemasse in the Castell of wyndesore And on the xij euen come the duke of awemarle vn to the kyng and told hym that he and the duke of Surre and the duke of Excestre and the Erle of Salisburie and the Erle of Gloncestre and othir mo of hir Affinite were accorded to make a mommyng vn to the kyng on the xij day at nyght and there they casten to slee the kynge in here reuelyng and thus the duke of awemarle warned the kyng ¶ And than the kyng come the same nyght to london priuely in all the hast that he myght to gete hym helpe socour and comfort and counceill And anone these othir that wolde haue done the kynge to dethe fledden in all the hast that they myght for they knewen well that hir counceill was be wreyed ¶ And than fledde the duke of Surre and the Erle of Salysbury with all hir meyne vn to the toune of Cissestre ¶ And there the peple of the toune wold haue arested hem and nold not stonde to hir areste but
Cornewaille And from thens she was bronght to the Cite of wynchestre And ther she was wedded vn to kyng Henry the iiij in the Abbey of seint swythynes of wynchestre with all the solempnite that myght be done and mad◠¶ And sone after she was brought from thens to london ¶ And the maire and the aldermen and the coÌ„munes of the cite of london ridden ayens hir and hir welcomed and brought hir thurgh the Cite of london to westmynster and there she was crouned Quene of englond And there the kyng made a riall and a solempne feste for her and for all maner of men that thidder wold come And in this same yere dame Blaunche the eldest doughter of kyng Henry the iiij was y sent ouer the see with the erle of somersete hir vncle and with mastiâ— Richard Clifford than bisshopp of wurcestre and with many othir worthy lordes knyghtes and ladies aud worthy squyers as longed to such a worthy kynges douâ—hter and comen vn to Coleyn And thidder come the dukes sone of Barre with a faire meyne and resseyued this worthy lady And there the bisshopp of wurcestre wedded and sacred hem to gedre as holy chyrche wold ¶ And ther was made a riall feste and a grete Iustes in the reuerence and wurshippe of hem and of all peple that thidder come ¶ And whan this mariage and fest was done the Erle and the bisshopp and all hir meyne token hir leue of lord and lady come home ayene in to englond in saufte thanked be god And in the v. yere of kyng Henries regne the lord Thomas his sone wente ouer see and the Erle of kent and many othir lordes and knyghtes with men of armes and archiers a grete noÌ„bre to chastize the rebelles that aforne had done moche harme to oure Englisshmen and marchauntz and to many tounes and portes in Englond on the see costeâ—◠¶ And the lord Thomas the kynges sone come in to Flaundres to fore a toune that is called the skluse amonges all the shippes of diuâ—rse nacions that weren there And after ther they ridden with hir shippes amonge hem and wenten a londe and sported hem there ij daies and comen ayene to hir shippes and token the brode see â— and ther they metten with iij. Carrykkes of â—ene that weren lade with diuerse marchandize and well y manned and ther they foughten to gedres longe tyme but the Englisshmen had the victorie and broughten the Carrykkes in to the Cambre before wynchelsee and there they canted thees goodes and one of this Carrykkes was sodenly there bren◠¶ And the lordes and hir peple turned hem home ayene and went no forther at that tyme And in the same tyme Serle yoâ— man of kyng Richard Robes come in to Englond oute of scotlanâ— and told to diuerse peple that kyng Richard was a lyue in Scotland and so moche peple beleued in his wordes wherfor grete parte of the peple of the Reame weren in grete errour and grucchyng ayens the kyng thurgh â—nformacion of lies and fals lesyng that this Serle had made For moche peple trusted and beleued in his seyeng But at the last he was taken in the Northcontre and by lawe Iugged to bene drawe thurgh euery Cite and good burgh tounes in Englond And so he was serued and at the laste he was brought to london vn to the Gyld halle before the Iustice and there he was Iugged for to be brought to the toure of london and ther to be â—eid on an hurdell and than to be drawe thurgh the Cite of london to Tiborne and there hanged and then quartred and his hede smyten of and sette on london brigge and his quartres to be sente to foure good tounes of Englond and there sette vp and thus ended he for his fals treson and disceit ¶ And in the vj. yere of kyng henries regne the iiij the Erle of Marre of Scotland by saufconduyt come in to Englond to chalenge Sir Edmond the Erle of kente of certayne courses of werre on horsebake And so this chalenge was accepted and graunted and the place taken in smythfeld at london And this Erle of marre the scotte come proudely in to the feld as his challenge asked ¶ And anone come in the Erle of kent and rode vn to the scotte manfully rode to gedre with sharpp speres diuerse courses but the Erle of kent had the feld gate hym moche wurshipp thank of all maner of men for his manfâ—ll dedes ¶ And in the vij yere of kyng Henries regne the iiij Sir Richard scrope Erchebisshoppe of yorke the lord erle marchall of englond gadred vn to hem a stronge power ayens kyng Henry ¶ And the kyng hering ther of in all the hast that he myght come with his power northward and mette with hem at yorke And there were thees ij lordes y take brought to the kyng ¶ And anone the Iugges were sette and thees ij lordes brought forth and there they were dampned vn to the deth and bothe hir hedes smyten of and ther they made hir ende on whos soules god for his piâ—e haue mercy Amen ¶ And whan this was done the kyng come to london ayene and there rested hym Anone god of his grete goodnesse wrought and shewed many grete miracles for this worthy clerc Erchebisshopp of yorke that thus was done vn to the dethe Aud in the vij yere of kyng Henries regne Dame Luce the dukes suster of Milane come in to Englond and so at london and ther was wedded to Sir Edmond Holand Erle of kent in the priorie of seint Marie ouereies in suthwerk with moche solempnite and grete wurshipp The kyng was there hym selfe yafe hir at the churche dore And whan they were y wedded and masse was done the kyng his owne persone brought and lad this worthy lady in to the bisshoppes place of wynchestre and there was a wonder grete fest y holden to all maner of peple that comen ¶ In the same yere Sir Robert knolles knyght a worthy weryour died at his maner in Northfolk and from thens he was brouÈt to london vpon a hors bere with moche torche light And so was he brought vn to the white freres in fleetstrete and there was done and made for hym a solempne feste and a riall enterement for tho that thidder wolde come bothe â—ore and riche and there he lieth beried by Dame Constance his wyfe in the mydde of the body of the churche on whos soule god for his pite hane â—ercy Amen ¶ And thus in this same yere Sir Thomas Rampston knyght Constable of the toure of london was dreynte at london brugge as he come from westmynster to wardes the toure in a barge and all thurgh lewdenesse ¶ And in the same yere dame philipp the yonger doughter of kyng Henry was lad ouer the see with sir richard the dukes brother of yorke and Sir Edmond Courteney bisshopp of Norwich and many othir lordes knyghtes and
IN the yere of thyncarnacion of our lord JhuÌ„ crist M. CCCC.lxxx And in the xx yere of the Regne of kyng Edward the fourthe Atte requeste of dyuerce gentilmen I haue endeuourd me to enprinte the cronicles of Englond as in this booke shall by the suffraunce of god folowe And to th ende that euery man may see and shortly fynde suche mater as it shall plese hym to see or rede I haue ordeyned a table of the maters shortly compiled chapitred as here shall folowe which booke begynneth at Albyne how she with her susters fonde this land first named it Albion endeth at the beginnyng of the regne of our said souerain lord kyng Edward the iiij ¶ First in the prologue is conteyned how Albyne with hir sustreâ— enâ—â—d in to this I le and named it Albyon ¶ The beginnyng of the book conteyneth how Brute was engeÌ„drid of them of Troye how he slew his fadre moder Ca. j ¶ How Bâ—ute was driuen oute of his lande how he helde hym in grece And deliuered the troians there out of bondage Ca. ij ¶ How Coryn becam Brutes man how kyng Goffar was discomfiâ—ed And of the fondacion of Tours in Turayne Ca. iij ¶ How Bâ—ute arriued atte tottenesse in the I le of Albion And of the bataill bitwene Coryn Gogmagog Ca. iiij ¶ How Brute made london named this londe britaigne Scotland Albanie Walys Cambre And of the deuision of the londe to his thre sones Ca. v ¶ How kyng Madan regned in peâ—s of the debate of his sones and how that one slowe that othir how after wulues slewe hym that slew his brother Ca. vj ¶ How kyng Ebrac conquered fraunce begate xx sones yxiij doughters Ca. vij ¶ Of kyng Brute grenesheld first sone of kyng Ebrac Ca. viij ¶ Of kyng Leyl Brute grenesheldis sone Ca.ix. ¶ Of kyng Lud ludibras that was kyng Leybes sone Ca. x ¶ Of kyng Bladud that was sone of kyng lud ludibras Ca. xj ¶ Of kyng Leyr of his iij. doughtres and how the yongest was maried to the kyng of fraunce Ca. xij ¶ How kyng Leyr was driuen oute of his londe by his folie and how Cordeil his yongâ—st doughter helped him in his nede Ca. xiij ¶ How Morgan Conedage which were nâ—uews to Cordeil werxyd on hir had hir in â—â—son Ca. xiiij ¶ How Reynold that was Conedages sone regned aft his fadre And in his tyme it rayned blode thre daies Ca. xv ¶ How Gorbodian regned after after reygrold his fadre Ca. xvj ¶ How the two sones of Gorbodian fought for the heritage how they bothe were slayne Ca. xvij ¶ How iiij kynges helde all Britaigne And what their names were Ca. xviij ¶ Of kyng Doneband that was Cleteus sone and how he wan the land Ca. xix ¶ How Doneband was the first kyng that euere wered croune of gold in Britaigne Ca.xx. ¶ How Bâ—â—nne Belyn departed bitwene hem the londe after the deth of their werre Ca. xxi ¶ How Belyn drofe oute of this land Guthlagh of Denmarke and Samye Ca. xxij ¶ How wacoord was made bitwene Brenne belyn by the moyen of Cornewen hir modre Ca. xxiij ¶ How kyng Cormbatrus slow the kyng of denmarke by cause he wold not pay hym his truage Ca. xxiiij ¶ How kyng Guenthelon regned goâ—ned the lond Ca. xxv ¶ How kyng Seysell regned after Guenthelon Ca. xxvj ¶ How kymor regned aft seysell howan regned aft him ca. xxvij ¶ How kyng morwith deide thurgh deuouring of a best ca. xxviij ¶ Of Grandebodian that was the sone of mor with which made the toune of Cambrige Ca. xxix ¶ Of Arâ—ogaill that was grando bodians sone how he was made kyng after deposed for his wikkednesse Ca. xxx ¶ How Hesidur was made kyng aft the deth of Artogaille his brother Ca. xxxj ¶ How the Britons token hesidur out of prison made him kyng the thride tyme Ca. xxxij ¶ How xxxiij kynges regned in pees eche after othir after yâ— deth of Hesidur Ca. xxx.ij ¶ How lud was made kyng after the deth of his fadre ca. xxxiiij ¶ How the britone graunted Cassibalam whiche was luddes brother the Reame in whos tyme Iulius cesar come twies to conquere the londe Ca. xxxv ¶ Of the debate that was bitwene Cassibalam the erle of london and of the truage that was paid to rome Ca. xxxvj ¶ How the lordes of the land after the deth of Cassibalam be cause he had none heir made Andragen kyng Ca. xxxvij ¶ Of kymbalin which was Andragens sone in whos tyme was IhuÌ„ born of the blessyd virgine seint marie Ca. xxxviij ¶ Of kyng Guynder kymbalyns sone which refused to pay tribute to Rome how he was slayne Ca. xxxix ¶ Of kyng Armager in whos tyme the appostles preched ca. xl ¶ How kyng westmer gaf to Beringer an Iland and made the 〈◊〉 of â—â—re wyke Ca. xlj ¶ How kyng westmer dide do arere a stone in thentring of westmerland where he slewe Roderyke Ca. xlij ¶ Of kyng Coyll that was westmers sone Ca. xliij ¶ How kyng lucie regned after Coyll And was the first cristen kyng that euer was in this land Ca. xliiij ¶ How this land was long withoute a kyng and atte last the britons chees Astlepades which after was slayne by Coeyll ca. xlv ¶ How Constaunce a romayn was chosen kynge by cause he wedded Eleyne kyng Coeyls doughter Ca. xlvj ¶ How Costantine sone of Constaunce of seint Eleyne Ruled the londe after was made Emê‘our of Rome Ca. xlvij ¶ How Maxymian that was the Emê‘ours cosin of Rome wedded Octauians doughter was made kyng Ca. xlviij ¶ How Maximian conquerd the londe of Amorican and gaf it to Conan meriedok Ca. xlix ¶ How seint Vrsula with xj M. virgyns in hir companye wâ—re martred at Coleyne Ca. l ¶ How kyng Gowan came for to destroie this lande And how Gracian defended it Ca. lj ¶ How Gracian made hym selfe kyng whan Maximian was slayne afterward the britons slew hym Ca. lij ¶ How Costantine that was the kynges brother of litell britayne was crouned kyng of moche britayne Ca. liij ¶ Of Constaunce that was Costantins sone a monke at wynchestre was taken oute by vortiger made kyng after his fadres deth whom vortigeer let sle hym to make hym self kyng Ca. liiij ¶ How the wardeyns that had tho ij children to kepe whiche were coÌ„stantines sones ledde them to litell britayn for the trayson falsenesse of vortiger Ca. lv ¶ How Engist with xj M. men come in to this londe to whom vortiger gaf the place that is called thongcastell Ca. lvj ¶ Of Ronewen Engistes doughter whom kyng vortiger wedded for her beaute Ca. lvij ¶ How Vortimer that was Vortigers sone was made kyng and how Engist was driuen oute and how Vortymer was slayne by Ronewen Ca. lviij ¶ How the britons chosen Vortiger
how Angeo in mayne was deliuered ca. cc.liij ¶ How sir fransoys Aragonoys toke fogiers in normandie of the losse of Constantinople by the turke ca. cc.liiij ¶ Of thynsurrâ—xion in kente of the communes of whom an Irissh man called Iohan Cade was Captayn ca. cc.lv ¶ How the duke of yorke toke a felde in kente at brentheth And of the burth of prince Edward and of the first felde of Seint Albons where the duke of Somersete was slayne and othir lordes 〈◊〉 cc.lvj ¶ How â—he lord egremond was take by therle of salisburies sones and of â—he robbyng of sandwych ca. cc.lvij ¶ How they of the kynges houshold made affraye aâ—enst therle of warrewyke at westmynstre And of the Iourney of bloreleth Capitulo cc.lviij ¶ How the duke of yorke therles of warwyke of salisbury toke a felde in the westcontre how Andrew trollopp the soudiours of Caleys forsoke them Ca. cc.lix ¶ How the â—rlis of Marche warrewyk salisbury entrid in to Caleys And how the erle of warrewyke wente in to Irland Câ—pâ—ulo ducentesimo sexagesimo ¶ How the â—rles of Marche warewyke of salisbury entrid in to Englond And of the felde of northampton where diuerse lordes were slayne Ca. cc.lxj ¶ How the noble duke of yorke was slayne at wakefelde And of the second Iourney at seint Albons by the Quene and the prince Ca. cc.lxij ¶ Of the deposicion of kyng Henry the sixâ—he And how kyng Edward the fourth toke possession of the Reame And of the baâ—â—ille on palmâ—sonday and how he was crouned Ca. cc.lxiij vltioÌ„ ¶ How the lande of Englonde was fyrst namd Albyon And by what encheson it was so namd N the noble lande of Sirrie ther was a noble kyng and myhty a man of grete renome that me called Dioclisian that well and worthely hym goâ—ned and ruled thurgh hys noble chinalrie So that he conquered all the landez about hym so that almost al the kynges of the world to hym were enteÌ„dant Hit befell thus yâ— this Dioclisian spoused a gentill damisell yâ— was woÌ„der fair that was his Emes doughter labana and she loued hym as reson wolde so that he gate vpon her xxxiij doughtrez of the which the eldest me called Albyne thees damiselles whan they comen vn to age bicomen so fair yâ— it was wonder Wherfor yâ— this Dioclisian anonÌ„ let make a sompnynge aud coÌ„mauÌ„ded by hys lrÌ„ez that all the kynges that helden of hym shold come at a certain day as in hys lrÌ„ez were conteyned to make a riall feste ¶ At which day thider they comen and brought wyth hem amirallys princes dukes and noble thinalrie The fest was rially arayed and ther they liued in Ioye and mirthe ynough that it was wonder to wit And it befell thus that this Dioclisian thought to marie his doughtres among all tho kynges that tho were at that solempnite and so they spaken ded that albyne his eldest doughter and all hir sustres richely were maried vn to xxxiij kynges that were lordes of grete honour and of power at this solempnite And when the solempnite was done euery kyng toke his wif and lad hem in to her owne coÌ„tre and ther made hem quenes And it befell thus afterward yâ— this dame albyne bicome so stoute and so sterne that she tolde litel pris of her lorde and of hym had scorne and despit and wolde not done his will but she wolde haue hir owne will in diuerse maters and all hir othir sustres eâ—ichone here hem so euel ayenst hir lordes that it was wonder to wyt and for as moch as hem thought that hir husbondes were nought of so hie â—age comeÌ„ as hir fadre But tho kynges that were hir lordis wolde haue chastized hem with fair speche and behestes and also by yeftes and warned hem in fair maner vpon all loue and frendshipp that they sholde amende her lâ—ther condicions but all was for nought for they didden her owne wyll in all thyng that hem liked and had of poer wherfor tho xxxiij kynges vpon a tyme and often tymes beten hir wifes for they wend that they wolde haue amended her taches hir wilked thewes but of soche condicions they were that for fair speche and warnyng they didden alle the wers and for beâ—ynges eftsones mochel wers wherfor the kyng that had wedded Albine wrote the tacches and condicions of his wife Albyn and the letter sent to Dioclisian hir fadre And whan the othir kynges herde that Albines lord had sent a left to Dioclisian anone they sent lrÌ„ez enseled with hir seales the condicions the tacches of hir wifes ¶ When the kyng dioclisian saw herd so many playntes of his doughtres he was sore aschamed become wonder angrie wroth toward hiâ— doughtres thought both nyght day yf he tho myght amend it yâ— they so mysded And anone sent his lrÌ„ez vn to the xxxiij kynges that they shold come to hym bring with hem hir wife 's euerichone at a certain day for he wolde ther chastise them of their wikkednesse yf he myght in any maner wyse So that yâ— kynges comeÌ„ all at that day and tyme that tho was sette bitwene hem and the kyng Dioclisian hem vnderfeng with moche honour made a solempne fest to all that were vnder his lordshipp And the thridde day after that solempnite the kyng Dioclisian sent after his xxxiij doughtres that they shold come speke with hym in his chambre when they were come he spake vn to hem of hir wikkednesse of hir cruelte dispitously hem reproued vndernam to hem he said that if they wold nat be chastised they sholde his loue lese for euermore And when the ladies herden all this they becomen abasshed gretly aschamed to her fadre they seyd that they wold make all amendes so they departed out from hir fadres chambre dame Albyne that was the eldest suster lad hem all to hir chambre tho made wide all that were therynne so that no lyfe was amonges hem but she and hir sustres yfere Tho said this Albyne My faire sustres well we knowen that the kyng our fadre vs hath reproued shamed and despised for encheson to make vs obedient vn to oure housbondes but certes that shall I neuer whiles that I leue sith that I am come of a more hier kyngs blode than myne housbonde is And whan she had thus said all hir sustres said the same And tho said Albine full well I wote faire sustres that our housbondes haue pleyned vn to our fadrr vpon vs wherfor he hath vs thus foule reproued and despised wherfor sustres my counceill is that this nyght when our housbondes bene a bedde all we with one assent cutten hir throtes and than we may bene in pees of hem and better we mowe doo this thinge vnder our fadres power than elles where And anone all the ladies consented graunted to this counseill
that lightely I let hir gone fro me withoute any rewarde or yiftes and she said that she loued me as moche as she ought to loue hir fadre by all maner of reson and tho I sholde haue axâ—d of hir nomore tho that me othirwise behighten thurgh hir fals speche nowe haue me disceyued In this maner Leir long tyme began to make his mone and at the last he shope hym to the see and passed ouer in to fraunce and asked and aspied wher the Qâ—ene myght be founden and men tolde hym wher she was And whan he come to the Cite that she was in preuelich he sent his squyer vn to the quene to telle hir that hir fadre was comen to hir for grete nedes And when the squyer come to the quene he tolde hir euery dele of hir sustres from the begynnyng vn to the ende Cordeill the quene anone toke gold and siluer plente and toke it to the squyer in counceille that he shold gone and bere it vn to hir fadrâ— and that 〈◊〉 shold go in to a certain Cite and hym araien laten and wasshen than come ayene to hir and bring with hym an honest companye of knyghtes xl atte lest with her meyne and than he shold sende to hir lord the kyng and sayne that he were comen for to speke with his doughter and hym for to seen and so he did And whan the kyng and the qâ—ene herde that they comen with mochel honour they hym resseyued And the kyng of fraunce tho let sende thurgh alle his Reame and commaunded that all men sholde to hym bene entendant to kyng Leir the Quenes fadre in all maner of thyng as it were to hym selfe When kyng Leir had duelled ther a moneth more he tolde to the kyng and to the Quene his doughter how his two eldest doughtres had hym serued Agampe anone let ordeyne a grete host of fraunce and sent it in to Britaigne with leir the quenes fadre for to conquer his land ayene his kyngdom Cordeill also come with hir fadre in to britaigâ—e for to haue the royame after hir fadres deth And anone they went to shipp and passed the see and come in to britaigue and foughten with the felons hem scomfited and queld And tho had he his land ayen after leued iij. yere and helde his royalme in pees and afterward died Cordeill his doughter hym let entier with mikel honour at leicestre ¶ Howe morgan and Conedage that were newus to Cordeill wrrred vpon hir and put hir in to prison Ca. xiiij WHen that kyng leir was dede Cordeill his yongest doughter helde and had the land v yere and in the mene tyme died hir lord AgamÌ„p that was kyng of fraunce and after his deth she left widue And tho came Morgan and Conedage that were Cordeill sustre sones and to hir had Enymite for as moche as there aunte sholde haue the lande So that bitwene hem they ordeyned a grete power and vpon hir werred gretly and neuer they rest till they had hir taken and put hir vn to deth And tho Morgan and Conedage seised all the laâ—de and deê‘ted it bitwene hem And they helde it xij yere and when tho xij yere were gone ther bigan bitwene hem a grete debate so that werred strongely yfere euery of hem did othir moche disese For Morgan wolde haue had all the lande fro beyonde humbrÌ„ that Conedage helde But he come ayens hym with a strong poâ—r so that Morgan durst nat abide but fled awey in to wales and Conedage pursued hym and toke hym and queld hym Tho come Conedage ayen and seised alle the lande in to his hande and helde it and regned after xxxiij yere and tho died and lieth at newe Troye ¶ Howe Reignold that was Conedages sone regned after his fadre and in his tyme it rayned blode iij. dayes in tokenyng of grete deth Ca. xv ANd after this Conedage regned Reignold his sone a wise knyght an hardy curteis that well nobely goâ—ned the land wonder well made hym beloued of all maner of folke in his tyme it rayned blode that lasted iij. dayes as god wolde sone after ther come grete deth of peple for hostes without nombre of peple foughten till that they were dede wherof no man myght haue lette til that almyghty god therof toke mercy and pite and thogan it cese this Reignold regned xxij yere died lieth at york ¶ How Gorbodian regned in pees that was Reignoldes sone aft he died lith at york ca. xvj AFter this Reignold regned Gorbodian his sone xv yere died and lieth at york ¶ How Gorbodian had ij sones how that one sâ—owe that othir for to haue the heritage how ydoyne hir moder quelled that othir wherfor the land was destroied Ca. xvij WHen this Gorbodian was dede his ij sones that he had becomen stoute proude euer werred to gedre for the land that one was called ferres that othir porres And this ferres wold haue all the land but that othir wolde nat suffre him Ferres had a felons hert and thought thurgh treson to slee his brother but preuelich he went in to fraunce ther abode with the kyng Syward till vpon a tyme whan he come ayene faught with his brother ferres but full euell it happed tho for he was slayne fyrst When ydoyne hir moder wist that Porres was dede she made grete sorwe for encheson that she loued hym more than that othir thought hym for to quelle preuely preuely she come to hir sone vpon a nyght with ij knyues therwith cutte his throte the body also in to smale peces who herd euer suche a cursed modre that quelled with hir owne hondes hir owne sone and longe tyme after laste the reproue shame to the moder that for encheson of that one sone murdred that othir so lost hem both ¶ How iiij kyngis courtesly helde all Britaine and which bene hir names Ca. xviij WHen the ij bretheren were so dede they nad left behynd hem nethir sone ne doughter ne none othir of the kynred that myght haue the heritage for as moch as the strengest meÌ„ driuen and scomfited the feblest and token all hir landes so that in euery contrey they had grete werre strife vnder hem but among all othir thynges ther were amonges hem in the contre that ouercome all tho othir and thurgh hir strenght and myght they token all the landes and euery of hym toke a certayn contre and in his contre let calle hym kyng one of hem was called Scater and he was kyng of Scotland and that othir was called Dawalliere and he was kyng of loegers of alle the lande that was Lotrinus that was Brutes sone The thridde was called Rudac and he was kyng of walys and the iiij was called Cloten and he was kyng of Cornewaille But this Cloten
thousand meÌ„ for to destroie the Erle for his falsenesse arriued at Porte smouth ¶ And when Octauian wist that he assembled a grete power of britons and discomfited â—aberne and â—aberne fledde thens in to Scotland and ordeyned there a grete power and come ayene in to this land an othir tyme for to yeue bataille to Octauian When Octauian herde telle that he assembled a grete power and come towardes â—aberne as moche as he myght so that the ij hostes metten vpon steynesmore aud strongly smote to gedre and tho was Octauian discomfited and fledde thens in to Norwey and â—aberne seised alle the land in to his hand tounes castelles as moch as they ther had ¶ And sith Octauian come ayene fro Norwey with a grete power and seised ayene all the land in to his hande and drofe out all the Romains was tho made kyng and regned ¶ How Maximian that was the Emê‘ours cosin of Rome spoused Octauians donghter was made kyng ¶ Ca. xlviij THis kyng Octauian gouerned the land well and nobely but he nad none heir sauf a dought that was a yong child that he loued as moche as his lyfe and for as moch that he wax sike was in point of deth myght no lenger regne he wolde haue made one of his nepheus to haue bene kyng the whiche was a noble knyÈt a strong maÌ„ yâ— was called Conan meriedoke he shold haue kept the kynges doughter haue maried hir when tymÌ„ had bene but the lordes of the lande nolde nat suffre it but yaf hir counseill to be maried to some high man of grete honour and than myght she haue all hir lust And the counseill of the Emê‘our Costantine hir lord and at this counceill they accorded and chose tho cador of cornewaille for to weÌ„de to yâ— emê‘our for to do this message and he noÌ„me the wey and went to Rome and toldeâ—eth Emê‘our this tydyng well and wysely the Emê‘our sent in to this lande with hym his owne cosin yâ— was his vncles sone a noble knyght and a stronge thas was called Maximian and he spoused Octauians doughter and was crouned kyng of this lande ¶ Howe Maximian that was the Emê‘ours cosin conquered the lande of Amorican and yaf it to Conan Meriedok ¶ Ca. xlix THis kyng Maximian bicome so riall that he thought to conquere the land of Amorican for grete ricchesse that he herde tell that was in that lande so that he ne lefte man thas was of worthinesse knyght squyer ne none othir man that he ne toke with hym to grete damage to all the lande for he left at home behynd hym no man to kepe the lande but noÌ„me hem with hym fro this lande xxx M. knyghtes that were doughty meÌ„nys bodies and went ouer in to the lande of Amorican and ther slewe the kyng that was called Imball and conqnered all the lande And when he had so done he called Conan said For as moche as kyng Octauian haue made yowe kyng of Britaigue and thurgh me ye were lette destrobled that ye were nat kyng I yeue yowe all this land of Amorican and yowe ther of make kyng ¶ And for as moche as ye ben a briton and your men also and become fro britaigue I wull that this land haue the same name and no more be called Amorican but he called litell britaigne and the lande fro whens ye ben comen shall he called moche britaigue ¶ And so that men knowe that one britaigue fro that othir Conan meriedok thaÌ„ked hym hendely and so was he made kyng of litell britaigue ¶ And when all this was done Maximian went thens to rome and was tho made Emê‘our after Costantine Conan Meriedok dnelled in litell britaigue with mochel honour let ordeyn ii M. ploughmen of the lande for to erie the land to harwe it and sawe and feffed hem richely after that they were ¶ And for as moche as kyng Conan and none of his knyghtes ne none of his othir peple wolde nat take wifes of the nacionÌ„ of fraunce he tho sent in to grete Britaigue to the Erle of Cornwaille that me called Dionothe that chese thurgh out all the lande xj M. of maydens that is to say viij M. for the mene peple iij. M. for the grettest lordes that sholde hem spouse ¶ And when Dionothe vnâ—fonge this coÌ„mauÌ„dament he let seche thurgh all grete britaigne as many as the noÌ„bre came to for no maÌ„ durst withstoÌ„de his coÌ„mauÌ„dameÌ„ts for as moche as all the land was take hym to warde and to kepe to done all thyng that hym good liked And when all the maydens were as sembled be let hem come before hym to london and let ordeyne for heÌ„ shippes hastely as moche as hem neded to yâ— viage toke his owne doughter that was called Vrsula that was the fairest creature that any man wist and wold haue sent hir to kyng Conan that sholde haue spoused hir and made hir quene of the land but she had made preuely to god a vowe of chastite that hir fadre wiste not ne no man elles that was lyuyng vpon erth ¶ How Vrsula and xj M. maydens that were in hir companie went toward litell britaigne and all were martred at Coleyne Capitulo quinquagesimo THis Vrsula chese vn to hir companie xj M. maydens that of all othir she was ladie mastresse and all they weÌ„te in to shipp at one tyme in the water that was called the thamise and commaunded hir kyn and all hir frendes to Almyghty god and sailled to ward litell britaigne But when they were comen in to the high see a stronge tempeste arose as it was goddis wille ¶ And Vrsula with hir shippes and hir companie were driuen to ward hundland thurgh tempest and arriued in the hauen of the Cite of Coloyne The kyng of the land that was called Geowan was tho in the Cite whan he wise the tydyng that so many fair maydens were ther arriued he toke Elga his brother and othir of his houshold with hym and went to the shippes to seen that faire companie and whan he saw hem so faire he and his companie wold haue ouerlayne hem betake fro hem hir maydenhode But Vrsula that good maid counceilled praied warned taught heÌ„ that were hir felawes that they shold defende hem with all hir myÈt and rather suffre deth than suffre hir body to be defoiled So that all tho maydens become so stedfast in god that they defended hem thurgh his grace so that none of hem had poer to done hem any shame ¶ Wherfor the kyng Gowan wax so sore annoied that he for wrath let slee hem euerichone anone right and so were all tho maydenes martred for the loue of god and lien at Coloyne ¶ How kyng Gowan come for to destroie this land how a man of grete power that was called Gracian defended the land Capitulo quinquagesimoprimo WHen all this was done kyng Gowan
to the castell and the Erle and his men manly hem defended But at the last it befell so that atte same assaute the Erle hym selfe was slayne and the Castell taken ¶ And the kyng anone turned ayene to Tyntagell and spoused Igerne with mochel honour made hir quene sone after tyme come that she shold be deliuered and bere a child a sone that was called Arthur and after he gate on hir a doughter that was called Amya And whan she come to age nobely was maried to a noble Baron that was called Aloth that was lord of leons ¶ When Vter longe tyme had regned ther come vpon hym a grete sikenesse as it were a sorwe ¶ And in the mene tyme tho that had to kepe Otta that was Engistes sone Ossa his brother that tho were in prison men let hem gone for grete yiftes that they hem yaf wente with hem ¶ And when tho two bretheren were ascaped comeÌ„ ayen in to hir owne contre They ordeyned hem a grete hoost a grete poer and begoÌ„ne to were eftsones vpon the kyng ¶ How kyng Vter chese Aloth to kepe the land of Britaigne whiles that he was sike for as moche as he myght not for his sikenesse Capitulo septuagesimosecundo ANd for as moche as kyng Vter was sike myght not helpe hym selfe he ordeyned Aloth sone of Eleyne yâ— tho was chosen to be wardeyne chiueteyne of all his folke and he anone his britons assembled a grete hoost yafe bataille to Otta and to his folke but Otta at the last was discomfited Hit befell thus afterward thas this britons had dedignacion of Aloth and wolde nat to hym bene attendant wherfor the kyng was annoied wonder sore let put hem in a lytter in the hoost amonges folke ¶ And they lad hym to veroloyne that tho was a faire Cite ther yâ— seint Albone was martred and after was that Cite destroied with paynyms thurgh werre thidder they had sence Otta Ossa hir peple entred in to the toune let make fase the yates and ther they halde hem the kyng come hem beseged made a stronge assauce but tho that were within manlich hem defended ¶ The kyng let ordeyne his gonnes his engynes for to breke the walles the walles were so stronge that no thyng myght hem mysdoo ¶ Otta his peple had grete despite that a kyng byggyng in a lytter had hem beseged they token counceill amonges hem for to stonde vp in the morwe come oute yeue bataille to the kyng so they diden in that bataille were bothe Otta Ossa slayne all tho othir that ascaped a lyue fled in to Scotland made Colegryne hir chyuetay ne the saxons that were a lyue ascaped fro the bataile brough ten ayene a grete strength amoÌ„ges hem they seyden that yf kyng Vter were dede they shold well conquere the land and amonges heÌ„ they thought enpoisen the kyng and ordeyned men for to done this dede and yaf hem of yiftes grete plente this thyng to done and they ordeyned hem thidderward ther that the kyng was ducllyng clo thed hem in pouerwede the better all for to spede hir lither purpose but nothelees for all hir falsenesse and queyntize they myght neâ— come to nygh the kyng ¶ But so at the last they aspied that the kyng drank none othir licour but only water of a clere well that was nygh besides ¶ And thees fals traitours vpon a day preuelich wente to the well put therin poysen so that all the water was enpoisened And anone after as the kyng had dronke of that wat he began to swell sone after he died and as many as dronken of that water deide also ¶ And anone as this falsenesse was aspied follâ— of the toune let stoppe the well for euermore ¶ When the kyng was dede his folke here hym to Stonhenge with grete solempnite of bisshops of barons that were there that beried hym beside Aurâ—lambros his brother after turned ayene tho euerichon lot sende after Arthur his sone and they made hym kyng of the land with moch reuereuce after his fadres deth the xvij yere of his regne ¶ How Arthur that was the sone of Vter was crouned after his fadres deth how he drofe Colegrine and the saxones and Cheldrik of Almayne oute of this land Ca. lxxiij WHen Arthur was made kyng of the laÌ„d he was but yong of age of xv yere but he was faire and bolde and doubty of body and to meke folke he was good and courâ—oiâ— and large of spendyng and made hym welbeloued among all men ther that it was nede ¶ And when he began to regne he swore that saxons neure shold haue pees ne rest till that he had driue hem oute of his lande And let assemble a grate hoost and faught with Colegrine the which after tyme that Otta was dede the saxons mayntened And this Colkgrine was discomfited fledde vij to yorke toke the toune and ther helde hym ¶ And the kyng beseged yâ— toune bnt he myght no thyng spede for the toune was so stronge and they withynne kepte the toune well orpedly ¶ And in the ment â—yme Colegriue let the toune to Bladulf fled hym selfe to Cheldryke that was kyng of Almayne for to haue of hym socour the kyng assembled a grete power come arriued in scotland with v. C. shippes when Arthur wyst of this tydyng that he had nat poer and strength ynowe to fight ayens Cheldryk he let bene the fieâ—e wente ot London And sente anone his lettres to the kyng of litell britaigne that was callyd hoel his nepheu his sustres sone that he sholde come to hym with all the poer that he myght and he assembled a grete hoste and arrined at southmÌ„pton ¶ And when kyng Arthur it wyst he was glad y nowe went ayens hem and hem resceyned with mochel honour so that tho ij hostes hem assembled token hir way euen to niâ—hol that Cheldrik had beseged but nouzt yit taken ¶ And they come vpon Cheldrik vpon his peple or they it wyst ther that they were hem egrely assailled The kyng chel drik and his meyny defended hem manly by hir poer But kyng Arthur his men quelled so many saxons that neuer er was say ne suche slaughter ¶ And Cheldrik his men that were left alyue fledden a waye ¶ And Arthur hem poursued drofe hem in to a wode that they myght no ferthir passe Cheldrik his meÌ„ sawe well that they were brought in to moche disese hem yolden to Arthur in this maner wyse that he sholde take hir hors hir armure and all that they had they must only gone a fote in to hir shippes And so they wolde gone in to hir owne lande and neuer come a yen in to this land And vpon assurance of this thyng
well with the kyng and thought his doughter shold well be maried well beset vpon him graunted him his doughter yf the good lord the kyng wold consent ther to ¶ This Edelwold come ayene to the kyng told him that she waâ— fair ynowe vâ—on to see but she was wonder lothly ¶ Tho ansuerd the kyng and said that he toke but litell charge Sir quod Edelwold tho she is hir fadres heir and I am nat â—â—che of landes and yf ye wold consent and graunte that I must hir haue than shold I be rich y nowe In goddes name qd the kyng I consent ther to Edelwold thanked tho moche the kyng went ayen in to Denenshire spoused the damisell in that contre he duelled And thus it befell vpon a tyme that he tolde his couÌ„ceill all this thyng vn to his wyf howe in what maner he had begiled his lord the kyng that wold haue had hir to wyf And anone as she it wyst she loued hym neuer more afterward as she had done beforne ¶ This lady conceyued by hym a sone and when tyme was that the child shold be borne Edelwold come to the kyng praied hym to heue a sone of his at fontston the kyng hym graunted let call hym Edgar of his owne name ¶ And when this was donÌ„ he thouÈt that he was syker y nowe of the kyng yâ— not wolde haue taken his wyfe for as moche as his lord was a â—oly man and an amerous ¶ How that kyng Edgar wedded Estrilde after the deth of edelwold Ca. C â–ª xiij THus it befell that all men in kyng Edgarys court tho speken said that Edelwold was richely avaunced thurgh the mariage of his wyf yit they said he was avaunced an hunderd fold more For he had spoused the fairest woman that euer was seynÌ„ And the kyng herde speke so moche of hir beaute he thought that Edelwold had hym desseyued and begiled and thought priuely in his hert that he wold gone in to Denenshire as it were for to hunt for the hert for the hynde and othir wylde bestes than he sholde se ther the lady or he departed thennes And this lady was duellyâ—g at a maner besides the forest ther that the kyng wolde hunte at that maner he was her burghed all nyght and whenne tyme come the kyng sholde sope and the sonne shone the kyng asked after his Gossyp and after his godsone and edelwold made hir come before the kyng And notheles yf it othir myght haue bene she sholde not haue comen in his sight by his wyll The lady welcomed the kyng and swetely hym cussed and he noÌ„me hir the honde and tho next by hym her sette and so soped they to gedre And tho was a custome and an vsage in this land that when a man dronke vn to an othir the drynker shold sey wassayl and that othir sholde ansuere drynkehaille and thus did the kyng and the lady many tymes and also kyst And after sopâ—â— whent yme was gone to bedde the kyng went vn to his bed â—â—rtely thenkyng vpon that ladies fairnesse and tho was ouercome for hir loue that hym thought that he shold die but of hir his wyll he had Vpon the morne the kyng Aroos and in the forest went hym ther to disporte with hertes and hyndes and all othir wylde bestes and of the hertes grete pleâ—te to that lady he sent thries he went to solacen and speke with that lady whiles he duelled in that coÌ„tre And after that the kyng remeued thennes and thought how he myght best deliuer edelwold from his wyfe as he had hym fyrst disceyued And the kyng anone after viij dayes let ordeyne a parlament at Salesbury of all his baronage conceill to haue and for to ordeyne how the contre of Northumberland myÈt best ben kept that the danois comen not ther the land to destroie And this Edelwold come also vn to the kynges ê‘lement and the kyng sent hym to yorke for to be keper of that contre And thus it befell that men that knewe hym not slowe hym by the wey And anone as the kyng herde that he was dede he let send after the lady Estrild that she shold come to the Cite of london and ther ben wâ—dded to the kyng with grete solempnite and wurshipp an held a solempne feste and he wered a croune of gold and the quene an othir ¶ And seint dunston amorwe came vn to the kyng in to the chamber and founde the kyng abedde and the quene also yfere And seint dinistoÌ„ axed ho she was the kyng ansuerde this is the quene Estrilde and the erchebisshopp seint dunston said that he did grete wrong and ayens goddes wyll to take a woman to wyfe whos child ye had take at theâ— fonstone and the quene for that word neuer after loued seint duâ—ston and nothelees the good man warned of that foliâ— to lete but his warnyng availled litell for the loue bitwene hem was so moche ¶ The kyng begate vpon this woman a sone was called Eldred and tho this childe was vj. yere olde the kyng his fadre died and about that tyme he had regned xvij yere lieth at Glastenbury ¶ Of seint Edward the martir how Estrild his stepmoder lete hym quelle for to make Eldred hir ownÌ„ sone kyng Ca. C â–ª xiiij ANd after this Edgar regned Edward his sone that he bagate on his fyrst wyfe that well and nobely gouerned the lande for he was full of all maner of goodnesse and lad full holy lyfe and aboue all thyng he loued god and holy chyrche and the quene Estrild his stepmoder let hym slee for encheson to make hir owne sone Eldred kyng and thus was he slayne as afterward ye shull here ¶ Hit befell thus on a day â—hat the kyng Edward went in to a wode for to play in the southcoÌ„tre besides a touâ—e that is called warham in which forest was grete plente of hertes aâ—d hyndes and as he had bene a while ther him for to pley he thought vpon his brother Eldred that was with his moder the quene for hir place was nygh the forest and thought for to gone thidder and visite and see his brother toke with him but a litell meyne and went him tho toward his stepmodreâ— house that in that tyme soiourned in the Castell of Corfe and as he rode in the thikkenesse of the wode to aspie his game it befell that he weÌ„t amys and lost his meynâ— that with him come and at the last he come oute of the wode as he loked aboute he sawe ther fast besides the maner that his stepmoder duelled in and thidderward he went allone and anone it was told the Quene how that the kyng was comen allone withoute companie and therfor she made â—oie y nowe and thought how that she myÈt done that he ner slayne as preuelich as she myÈt And anone preuelich she called to
put oute of the forsaid erledome when the accord was bitwene Englond and Scotland thurgh the Quene Isabell and sir Rogier the mortimer and hir companie for the mariage yâ— she made bitwene Dauid that was Robert the Brus sone Dame Iohan atte Tour kyng edwardes suster of englond and well vnderstode this that at the ende he shold come to his right but yf it were thurgh sir edward bailloll that was right heir of the Reame of Scotland ¶ And the kyng of fraunce lowys loued moche this sir Henry and he was with hym full prive and thought for to make a deliueraunce of Sir edward baillols body yf he myght in any maner wyse ¶ Tho praied he the kyng that he wold grauÌ„te hym of his grace Sir Edward baillols body vn to the next parlement that he myght lyue with his owne rentes in the mene tyme and that he must stand to be Iugged by his perys at the parlement ¶ The kyng graunted hym his praier and made the forsaid Edward be deliuered oute of prison in the maner aboue said And anone as he was oute of prison sir henry toke him forth with hym and lad hym in to Englond and made hym duelle priuely at the maner of sandehall vp onse in yorkeshire with the lady vesey and so he ordeyned hym there an houge retenaunce of peple of Englishmen and also of aliens for to conquere ayene his heritage ¶ And so he yafe moche siluer vn to Sowdiours and to aliens for to helpe hym ¶ And they behight for to helpe him in all that they myght but they failled hym at his most nede ¶ And at that tyme Donald erle of morrif herde telle how that sir Edward was preuely come in to englond and come to hym and made with hym grece â—oye of his comyng ayene and said to hym behight hym that all the grete lordes of englond shold be to hym entendaunt and sholde hym holde for kyng as right heire of ScotlaÌ„d and so moche they wold done that he sholde be crouned kyng of that land and diden to hym homage and feaute ¶ Tho come sir Henry of Beaumont to kyng Edward of englond and praied hym in wey of charite that he wold graunte of his grace vn to sir edward Bailloll that he must saufely gone by land from sandhall vn to Scotland for to conquere his right heritage in Scotland ¶ The kyng ansuerd and said vn to hym Yf that I suffre the Bailloll wende thurgh my land in to Scotland than the peple wold say that I sholde be assenting vn to the companie ¶ Now Sir I pray yow that ye wolde grauute hym leue to take 〈◊〉 tâ— hym soudiours of englisshmen that they myght saufely lede him thurgh your land vn to Scotland ¶ And Sir vpon this couenaunt that if it so befall that god it forbede that he be discomfited in bataille thurgh the Scottes that I and also all the lordes that holden with Bailloll bene for euermore put oute of our rentes that we haue in englond ¶ And the kyng vpon this couenaunt grauÌ„ted hir bone as touchyng hym and tho that were of the same quarell the which claymed for to haue londes or rentes in the reame of Scotland ¶ And these were the names of the lordes that pursueden this mater that is to say Sir Edward the Bailloll that challenged the Reame of Scotland Sir Henry Beaumont Erle of Angos Sir Dauid of stroboly Erle of Atheles Sir Gieffrey ap Mombray Waltier Comyne and many othir that were put oute of hir heritage in Scotland whan the pees was made bitwene Englond Scotland as before is said ¶ And ye shull vnderstond that these lordes toke with hem v. honndred men of armes and ij thousand archiers and of footmen and tho wente in to shippe at rauenespore and sailled by the see till that they comâ—n vn to ScotlaÌ„d and comen tot londe at kynkehorne xij myle from Seint Iohanes toune and anone sent oute hir shippes aâ—ene for they shold nat be hurt ne empeyred nethir that no man sholde gone in to the shippe ayene though that they had nede but abyde at alle perilles and nat flee but stonde and rather suffre dethe than flee for to mayntâ—n hir trewe quarell ¶ When the Erle of Fiâ—â—e a fers man and a sterne herd that the Bailloll was comen for to take the lande of Scotland he come in haste to kynghorne with x. thousend Scottes for to destourble hym that he shold nat come to lande ¶ But Sir Edward Bailloll and his companie there hym discomfited at the which discomfiture Sir Alizaundre of Seton was ther y quelled many othir ¶ The Erle of Fyffe was tho sory and full ylle a shamed that so litell a companie had hym discomfited and shamelich put hym and all his companie that was a lyve for to flee ¶ Tho come Sir Edward Bailloll and toke the contre all aboute hym till he come vn to the Abley of Dunfermelyne and there â—e founde vitailles for hym and for his folke and amonge all othir thinges he fonde in a chambre a boute v. honderd of grete staves of fyne oke with longe pykes of yren and of stele he toke hem aud deliuered hem to the most strengest men of his companie ¶ And anone after he went fro thens and logged hym in a felde ij myle from seint Iohanes toune and when the Burgeis of the toune herd how the Erle of Fiffe was discomfited thurgh the Bailloll they were sore adrad and breken theyr brigges that they had made ouer the water of Erue so that the Bailloll myght not gone ouer wherfor he logged hym there all that nyght but litell hede he toke of reste and said vn to his peple ¶ Nowe dere lordes ye knowe full well that we be nowe y logged bytwene our enemies and yf they mowe vs hampre ther is no â—ote but dethe wherfor yf we abyde here all this nyght stille I leve that it shall torne vs to moche sorwe and harme For the power of Scotland may euery day wex and encrese and we may not so done And we bene but litell peple as ayens hem Wherfor I pray yowe for the loue of Almyghty god make we vs to bolde and hardy and that we may myghtely take the Scottes this nyght and boldely werre vpon hem and let vs pursue hem this nyght and yf they he trauailled thurgh vs and they see our hardynesse so that othir Scottes that comen and mete hem and see hem so trauailled and wery the sorrer wull they be adrad with vs for to fight and fersely than we shull fight with hem and vpon hem pursue so that thurgh the grace of god Almyghty all the world shall speke of the dâ—ughtynesse of our hCiualrie ¶ And sires vnstondeth wele that all the companie yâ— comeÌ„ with sir Edward Bailloll graunted well vn to that counceill and were ther of glad and anone pursued vpon the Scottes that they â—â—â—â—men wonder wery ¶
in the xxv yere of his regne aboute seint Iohanes day in heruest in the see fast by wynchelsee kyng edward had a grete bataille with men of Spayne where that hir shippes and nauye lay chayned to gedâ—â—r that ether they must fiÈt or drenche ¶ And so when all our worthy men of armes the See costes fast by wynchelsee Romeny were gadred to gedre our nauye shippes all redy to the werre the Englishmen metten manly stifly with hir enemies comyng fersely ayens hem ¶ And when the spanyssh vesselles nauye were closed yn all aboute ther men myght see a stronge bataille on bothe sides lond duryng iij yâ— which bataille ther nere but fewe that foughten that they nere spitously hurt foule And after the bataille there were xxiij shippes of hers y take And so the Englishmen had the better And in the next yere folewyng of his regne that is to say the xxvj yere that kyng thurgh his counceill let ordeyne make his newe money that is to say the peny the grote of value of iiij pens And the halfe grote of value of ij pens but it was of lesse weight than the olde sterlyng was by v. shillyng in the pounde ¶ And in the xxvij yere of his regne was the grete derthe of vitailles the whiche was called the dere somer And in the xxxviij yere of his regne in the ê‘lement holden at westmynster after estren Sir henry Erle of Lancastre was made duke of lancastre in this same yere was so grete a drought that fro the moneth of marche vn to the moneth of Iuyll ther fyll no Rayne on the erthe Wherfor all fruytes sedes and herbes for the moste partie were loste in defaute ¶ Wherof ther come so grâ—â—e disese of men and bestes and derthe of vitailles in Englond so that this land that euer afore had be plenâ—â—uous had nede that tyme to seke his vitailles and refresshyng of othir oute yles contrees ¶ And in the xxix yere of kyng Edward it was accorded graunted and sworne bitwene the kyng of fraunce and kyng Edward of Englond that he shold haue ayene all his landes and lord shippes that longeden to the duchie of Gnyhenne of olde tyme the whiche had bene wiâ—h drawe and wrongfuly occupied by diuerse kynges of fraunce before hande to haue and to hold to kyng Edward and to his heires and successours for euermore frely pesibely and in good quiete vpon this couenaunt that the kyng of englond shold beâ—e of and relese all his right and clayme that he had claymed of the kyngdome of fraunce and of the title that be toke ther of vpon which speche and couenauntz it was sent to the court of rome on bothe sides of the kynges that the forsaid couenauntz shold be enbulled but god ordeyned better for the kynges wurshipp of engloÌ„d for what thurgh fraude and disceit of the frensshmeÌ„ what â—urgh letting of the pope and of the court of rome the forsaid coueâ—aunâ—z ware disquat and left of ¶ And in the same yere the kyng reâ—â—ked by his wyse and discrete counceill the staple of wulles 〈◊〉 of flauÌ„dres in to Englond with all the libertees fraunchâ—Ì„es and fre câ—sâ—omes that longen ther to and ordeyned it in englond in diuerse places that is for to say at westmester CauÌ„terbury Chicâ—â—stre bristow Lyncolne Hull with all the forsaid thynges thaâ— longen ther to ¶ And that this thyng that shold thus be done the kyng swore hym selfe ther to And prince edward his sone with othir many grete witnessed that ther were present ¶ And in the xxv yere of his regne anone after witsonday in the parlement ordâ—yned at westmynstre it was tolde and certified to the kyng that Phelipp that tho held the kyngdome of Fraunce was dede And that Iohan his sone was crouned kyng And that this Iohan had yeue karoll his sone the Duchie of Guyhenne of the which thyng kyng Edward whan he wyste ther of had grete indignacion vn to hym and was wondre wrothe and stronglich y mâ—â—ed ¶ And ther for afore alle the wrothy lordes that there were assembled at that parlement he called Edward his sone vn to hym to whome the duchie of Guyhenne by right heritage shold longe to and yafe it hym there byddyng and strengthyng hym that he shold ordeyne hym to defende hym and vengyâ— hym vpon his enemies and saue maynten his right ¶ And afterward kyng edward hym self his eldest sone Edward wenten to diuerse places seintes in englond on pilgremage for to haue the more helpe grace of god and of his seintes And the ij Kal. of Iuyll when all thyng was redy to that viage bataill all his retenue power assembled his nauye also redy he toke with him the erle of warre wyke the erle of suffolk the erle of salysbury the erle of OxuÌ„ford a M. men of armes as many archiers in the natiuite of our lady toke hir shippes at Plymmouth begonne to sayle ¶ And when he come was arrined in Gnyhenne he was ther wurshipfully take resceyued of the most noble men lordes of that contre ¶ And anonÌ„ after kyng edward toke with hym his ij sones that is for to say Sir Leonell erle of vlton sir Iohan his brother Erle of richemond sir henry duke of lancastre with many erles lordes men of armes and ij M. archers sailed toward fraunce rested hym a while at caleys And afterward the kyng went with his folke aforsaid and with othir soudiours of be yonde the see that ther aboden the kynges comyng the second day of Nouembre and toke his â—ournay toward kyng â—ohan of fraunce ther as he trowed to haue founden hym fast by Odomaâ— as his lrÌ„es couenant made mencion that he wold a byde hym there with his host ¶ And when kyng â—ohan of fraunce herd of the kynges comyng of englond he went away with his meÌ„ cariage cowardely shamfully fleyng wastyng all vitailles ouer that the Englisshmen shold nat haue ther of ¶ And when kyng Edward herd telle that he fledde he pursued hym with all hiz oost till Hedene than he beholdyng the wantyng the scarcite of vitailles also the cowardise of the kyng of frannce he turned ayene wastyng all the contrey ¶ And while all thees thynges were a doyng the scottes priuely be nyght tokeÌ„ the toune of Berewyk sleyng hem that withstode hem no man elles but blessed be god the castel neâ—Ì„latter was saued kept by englishmen that were theryn Than the kyng ê‘ceyued all this turned ayene in to englond as wrothe as he myÈt be wherfor in ê‘lemeÌ„t at westmynster was grauÌ„ted to the kyng of euery sak of wolle .l. shillyng during the terme of vj. yere that he myght the myghtloker fight defende the Reame arens the scottes and othir mysdoers ¶ And so when all thynges were
wynchesee and slowen all that euer withstoden hem and withsaid her comyng wherfor the kyng was gretly meued and wratthed and he turnyng ayene to Parysward and commaunded his hoste to destroie slee with dynt strength of swerd hem that he had before hand y spared ¶ And the xij day of Aprill the kyng come to Parys and there be deâ—arted his hoost in diuerse batailles with iiij C. of kynghtes newe dubbed on that one side of hym ¶ And Sir Henry duke of lancastre vnder pees and trewes wente to the yates of the Cite profryng to hem that wold abyde a bataille in the felde vnder such condicion that if the kyng of Englond were ouercome there as god forâ—ede it that than he sholde neuer chalenge the kyngdome of Fraunce ¶ And whan he had of hem but a short and a scornefull ansuere he tolde it to the kyng and his lordes what he had herde and what they said And than forth the newe knyghtes with many othir makyng assaute to the Cite to they destroieden hougely the subarbes of the Cite ¶ And while alle thees thynges were a doyng the Englisshmen made hem a redy to be auenged vpon the shame and despite that was done that yere at wynchelsee and ordeyned a nauye of lxxx shippes of men of london and of othir marchauntz and xiiij thousand of men of armes and archiers and wente and serched and skymmed the see and manly token and helden the I le of Caux wherfor the frensshmen that is for to say the Abbot of Cluyne the Erle of Tankeruille and bursygand that than was Sâ—â—ward of fraunce with many othir men of the same coÌ„tre by coÌ„mune assente of the lord Charlis that tho was regâ—Ì„t of fraunce they hasted hem went to the kyng of englond askyâ—g besechyng hym stedfast pese eâ—lastyng vpon certeyn coÌ„dicions that there wâ—re shewed writen ¶ The which when the kyng his counceill had seen it plesed hym neu neuer a deâ—e but sethe it wolde be nonÌ„ othir in tyme of better accord deliberacion the frenshmen besily with grete instaunce asked trews for her see costes the kyng grauÌ„ted hem ¶ And in the morwe after the Vtas of Pasche the kyng turned hym with his hoste toward Orliaunce destroieng wasting all the contre by the wey ¶ And as they wenten thidderward ther fyll vpon hem suche a storme tempest that nonÌ„ of our nacion herdne sawe neuer none suche thurgh the which thousands of our meÌ„ of hir horses in her iourneyeng as it were thurgh vengeaunce sodeÌ„ly were slayne perisshed the whiche tempestes full moche yit fered not the kyng ne moche of his peple that they ne wenten forth in hir viage that they had begoÌ„n wherfor abonte the feest of holy rood day in may fast by incarnocuÌ„ the forsaid lordes of fraunce metyng there with the kyng of englond a pesible accord a finall vpon certeyne condicions grauntes articulerly gadred writen to geder euermore for to last full discretly made to bothe kynges ê“fitable to her reames bothe with one assent of Charlis the regeÌ„t gouernour of fraunce of Perys of the same reame y writen and made vnder date of CarnocuÌ„ the xv day of may they offred ê“ferd to the kyng of englond requyring his grace in alle thynges written yâ— he wold benyngly admitte hem holde hem ferme stable to hem to hir heires for euermore thens forth the which thynges articles whan kyng Edward had seyne hem he graunted hem so that bothe ê‘ties sholde be sworne on goddes body on the holy euangelies that the forsaid couenant shold be stablisshed so they accorded graciously ¶ Therfor there were ordeyned dressed on euery side ij barons ij banerettz ij knyghtes to admitte receyue the othes of the lord Charlis regeÌ„t of fraunce of siâ— Edward the fyrst sone heire of kyng Edward of englond ¶ And the x. day of may ther was songen a solempne masse at Paris after the iij. Agnus dei y seid with dona nobis pacem in presence of the forsaid men that were ordeyned to admitte receyue the othes of all othir that ther myght be ¶ The same Caharlis leide his right hond on the Paten with goddes body his lift hond on the missale seid we N. sweren on goddes body the holy gospâ—lles that we shull trewly stedfastly hold toward vs the pees the accord made bitwene the ij kynges 〈◊〉 no maner to do the contrarie And ther among all his lordes for the more loue strength of witnesse he deled departed the reliques of the croune of criste to the knyghtes of englond they courteisely token hir leue And in the friday neyt the same maner othe in presence of the forsaid knyghtes of othir worthymen Prince Edward made at louers ¶ Afterward bothe kyngis hir sones the most noble men of bothe reames within the same yere made the same othe for to strength all thees thynges forsaid the kyng of englond axed the gretest men of frauÌ„ce he had his axing that is for to say vj. dukes viij Erles xij lordes that is to say barons worthy knyghtes ¶ And whan the place the tyme was assigned in which bothe kynges with hir counceill shold come to gedre all the forsaid thynges bitwene hem y spoke for to ratifie make ferme and stable the kyng of englond anon went toward the see at hountflete began to saille beuyng to his hoostes that were left behinde hym by cause of his absence moch heuynesse ¶ And after the xix day of May he come in to englond went to his paleys at westmynstre on seint dunstones day the iij. day after he visited â—ohan kyng of fraunce that was in the tour of london deliuered hym frely from all maner prison sauf first they were accorded of iij. myllions of floreyns for his raunsone the kyng comforted him chered him in all places with all solas myrthes that longen to a kyng in his goyng hom ward And the ix day of Iuyll in the same yere the same â—ohan kyng of fraunce that afore hand lay here in hostage went home ayene in to his owne land to trete of tho thynges of othir that longeden filâ—en to the gouernaunce of his reame And afterward metâ—â—n comen to gedre at Caleys bothe ij kynges with bothe hir couÌ„ceill aboute all halewen tyde ther were shewed the condicions the pointz of the pees of the accord of bothe sides y writen ther withoute any withseyeng of bothe sides graciously they there accorded ther was done songen a solempne masse after the iij. Agnus dei vpon goddes body also vpon the masse boke both kynges hir sonez the grettest lordes of bothe reames of hir counceill that ther were than present had not I swore
gracious queen Anne that was wyfe to kyng Richard in the maner of shene in the shire of surre vpon witsonday and than was she krought to london so to westmynstre and there was she beried and worthely entered beside seint Edwardes shrine On whos sould almyghty god haue pite and mercy Amen ¶ How kyng Richard spoused dame Isabell the kynges doughter of fraunce in the toune of Caleys brought hir in to englond let hir le crouned quene in the abbey of seint Petres of westmynstre Capitulo ducentesimo xlij IN the xx yere of kyng Richardes regne he wente hym ouer the see vn to Caleys with Dukes Erles Lordes and Barons and many othir worthy squâ—ers with grete arâ—aye and commune peple of the Royame in good aâ—aye as than longed to soche a worthy kyng and prince of his noâ—â—ey and of his owne ê‘sone to done hym reuerence and obseruaunce as ought to be done vn to hir liege lord And so myght a 〈◊〉 Emê‘our in his owne to abyde resseyue there that worthy and gracious lady that shold beue his wyfe a yonge creature of xix yere of age Dame Isabell the kynges doughter of fraunce and many othir worthy lordes of grete name both barons and knyghtes with moche othir â—eple that comen vn to the toune of Grauenyng and ij dukes of fraunce that one was the duke of Burgoyne and that othir the duke of Barre that wold no ferther lasse than they had plegges for hem ¶ And than the kyng Richard deliuered ij plegges for hem to go sauf and come sauf his ij worthy vncles the duke of Gloucestre the duke of yorke And they ij wenten ouer the water of Grauenyng and abidden there as for plegges vn to the tyme that the mariage and the feste was done and that thees ij dukes of frauÌ„ce were come ayene vn to Grauenyng water ¶ And theÌ„n thees ij worthy dukes come ouer the water at Grauenyng and so to Caleys with this wurshipfull lady Dame Isabell that was the kynges donghter of fraunce and with hir come many a worthy lord and eke lady and knyghtes and squyers in the best araie that myÈt be And there they metten with our meyny of Caleys the which wel comed hir and hir meyne with the best honour and reuerence that myght be And so brought her in the toune of Caleys ¶ And ther she was resseyued with all the solempnite and wurshipp that myÈt be done vn to such a lady And than they brouÈt hir vn to the kyng And the kyng toke hir and welcomed hir and all hir faire meyne and made there all the solempnite that myght be done ¶ And than the kyng and his counceill asked of the frensh lordes whethir all the couenauntes and forwardes with the composicion that were ordeyned and made on bothe parties shold be trewely kepte and hold bitwene hem ¶ And they said ye And ther they sworne and toke hir charge vpon a boke and made hir othe well and trewely it to hold in all maner of pointes and couenauntz withoute contradiction or delaye in any maner wyse ¶ And than was she brought vn to seint Nicholas chyrche in Caleys and there she was worthely y wedded with the moste solempnite that any kyng or Quene myght be with Erchebisshoppes and bisshoppes and alle ministres of holy chyrche And than weren brought home vn to the Castell and set to mete ¶ And there were serued with all maner of delicasie of alle riall metes and drynkes plenteuously to all maner of strangiers and all othir and no creature warned that feste but all were welcome for ther weren grete hales and tentes sette vpon the grene withoute the castelle to resceyue all maner of peple and euery office redy to serue hem alle and thus this worthy mariage was solempnely y done and ended with all rialte ¶ Than these ij dukes of fraunce with hir peple token hir leue of the kyng and the Quene and wenten ayene to Grauenyng water And there the frenssh lordes that is to say the ij dukes and all hir meyne were comen ouer the water to Grauenyng and there they metten And euery toke leue of othir and so they departed and our lordes come ayene to Caleys and the frenssh lordes wente ouer the water and so home in to frauÌ„ce ayene ¶ And anone after the kyng made hym redy with the Quene and alle his lordes and ladies and all hir peple with hem and comen ouer the see in to Englond and so to london and the Maire and the shereues with all the Aldremen and worthy communes ridden ayens hem vn to the blake heth in kent And thee they metten with the kyng and the Quene and welcomed hem and that in good aray and euery man in the clothyng of his crafte and her mynstrelles to fore hem ¶ And so they brought hem vn to seint Georges barre in south werke and there they toke hir leue And the kyng and the Quene ridden to kenyngton and than the peple of london turned home ayene And in turnyng ayene to londen brigge there was so moche prese of reple bothe an hors and a foot that ther were dede on the brigge xj persones of men of women and of children on whos souâ—es Almyghty god haue pite and mercy Amen ¶ And than afterward the Quene was brought vn to the toure of london and there she was all nyght And on the morwe she was brought thurgh the Cite of london all ouer and so forth vn to west mynstre there she was crouned Quene of Englond And than she was brought ayene to the kynges paleys and there was â—olden an open and riall feste aâ— hir coronacion of all maner of peple that thidder come And this was done the Sonday next after the feste of Seint Clement in the xx yere of kyng Richardes regne ¶ And than the xxv day of August next after by euell excitacion and fals counceill and for grete wrath and malice that the kyng had of olde tyme vn to his vncle the good duke of Gloucestre and to the Erle of Arundell and to the Erle of warrewyke ¶ And anone the kyng by his euell excitacion and his euell counceill and malice late in the euenyng on the sâ—me day aboue said made hym redy with his strength rode in to Essex vn to the tounÌ„ of Chelmesford so come to plasshe sodeynly there sir thomas of wodestoke the good duke of gloucestre lay And the good duke come to welcome the kyng anone ¶ And the kyng arested the good duke hym self his owne body And so he was lad doune to the water and anone put to a shipp And anone had vn to Caleys brought in to the Capitayns warde to be kept in holde by the kynges coÌ„mauÌ„dement of englond ¶ And that tyme the erle marchall was Capitayne of Caleys ¶ And anone after by the coÌ„maundement of the kyng by his fals counceill coÌ„maunded the Capitayn to
wacche of men of armes and archiers and thurgh oute euery ward also ¶ And the kyng made v. dukes a duchesse and a markeys and foure Erles and the first of hem was the Erle of Derby and he was made duke of Hereford and the second was the Erle of Rutteland and he was made duke of Awemarle and the iij was the Erle of kent and he was made duke of Surre and the iiij was the Erle of Huntyngdone and he was made duke of Excestre and the v. was the Erle of Notyngham he was made duke of Northfolk the Erle of Somersete he was made the markeys of Dorset and the lord Spencer was made Erle of Gloucestre and the lord Neuill of Raby was made Erle of westmerland and Sir Thomas Percy was made Erle of wurcestre ¶ And Sir william Scrope that was tresorer of Englond he was made Erle of wylteshire And sir Iohan Mounâ—â—gu 〈◊〉 of salisbury ¶ And whan the kyng had thus y done he helde the ê‘lement and riall feste vn to all his lordes and to all maner of peple that thidder wold come ¶ And this same yere died Sir Iohan of gaunte the kynges vncle and duke of lancastrâ— in the bisshoppes ynne in holborne and was brought from thens to seint poules and ther the kyng made and helde his enterement well worthely with all his lordes in the churche of seint poules in london and there he was beried beside dame blaunche his wife that was doughter and heire to the good Henry that was duke of lancastre And in the same yere there fyll a discencion debate bitwene the duke of hereford and the duke of Norfolke in so moche that they waged bataille cast doune hir gloues and than they were take vp and enseled And the bataille â—oyned and the day y set and the place assigned where and whan And this shold be at couentre And thidder come the kyng with all his lordes at that day and was sette in the feld and than thees two worthy lordes comen in to the feld clene armed well araied with all hir wepen and redy to done hir bataille and weren redy in the place for to fight at vtteraunce ¶ But the kyng bad hem cese and toke the quarell in to his hand And forth with right there present exiled the duke of Hereford for the terme of x. yere and the duke of Norfolke for euermore And Sir Thomas Arondell Erchebisshopp of Caunterbury was exiled the same tyme for euer and deposed oute of his see for malice of the kyng And anone thâ—se iij. worthy lordes weren commaunded and defended the kynges Reame And anone they gate hem shippes at diuerse hauenes and wenten ouer the see in to diuerse londes eche his wey ¶ And the duke of Norfolk went to venice and there he died on whos soule god haue mercy Aman ¶ And than kyng Richard made a clerke of his Sir Rogier walden Erchebisshopp of Caunterbury ¶ And in the xxij yere of kyng Richardes regne by fals counceill and ymaginacion of Couetous men that weren aboute hym were made and ordeyned blank chartres and made hem to be enâ—â—â—â—d of all maner riche men thurgh oute the Reame In so moche that they compelled diuerse peple to sette her seal therto And this was done for grete couetise wherfor all good hertes of the Reame weren clene turned a way from hym that was kyng euer after ¶ And that was vtterly destruction and ende to hym that was so high and excellent Prince and kyng and thurgh couetise and fals counceill falsely betraied Allas for pite that such a kyng myÈt not see ¶ And than kyng Richard sette his kyngdome his riall londe englond to ferme vn to iiij persones the which were these Sir williaÌ„ strope Erle of wylteshire tresorer of englond sir Iohan Bussh and Henry Grene and sir Iohan bagot knyghtes whiche that turned hem to meschief dethe within litell tyme as ye shull finde here after writen and than kyng Richard made grete ordinaunce wente him ouer the see in to Irland and many grete lordes with hym with grete hostes for to strength hir kyng with meÌ„ of armes archiers moch grete stuffe and right good ordinaunce as longeth to werre And or â—e passed the see he ordeyned made sir Edmond of langeley his vncle the dnke of yorke his lieutenaunt of englond in his absence with the gouernaunce counceille of these iiij knyghtes that hadded take englond to ferme of the kyng And than he passed the see come in to Irland and there he was well worthely resceyued And these rebelles that bene called wylde â—â—ssh men anone hir chiuetayns hir gouernourus and hir leders comen doune vn to the kyng and yelden hem vn to hym bothe body and goodes all at his owne wyll and swore to be his liege men and ther to hym diden homage and feaute and good seâ—â—uce And thus he conquered the moste partie of â—rland in a litell tyme ¶ And while that kyng Richard was thus in Irland sir henry of Bolynbroke Erle of Derby that the kyng had made before duke of Hereford the which duke the kyng had exiled oute of this land was come ayene in to Englond for to chalenge the duke dome of lancastre as for his right and trewe heritage ¶ And he come doune oute of Fraunce by londe vn to Caleys And ther mette hym Sir Thomas of Arundell thas was Erchebisshop of Caunterbury that was exiled oute of Englond and with him come the Erle of Arundell his sone and heire the whiche was in warde and kepyng of sir Iohan shelley knyght somme tyme with the Erle of Huntyngdone with the duke of Excestre the whiche was in the Castell of Reigate in southsexe And there he stale hym away and come to Caleys and ther he was kept well and worthely till these othir two lordes weren come to Caleys ¶ And than this worthy duke and the Erchebisshoppe of Caunterbury Arundell shipped in the hauen of Caleys and drowe hir course northward and ariued in yorke shire at Rauen spore faste by wydelyngton and there â—e come and entred the londe and these ij lordes with hym and hir meyne ¶ And than moch peple of the Reame that herd of his comyng and knowe were he was anone they drewevn to hym and welcomed these lordes so coraged hem in all maner thyng and passed forth in to the land and gadrrd moche peple ¶ And whan kyng Richard herd and wyst that these ij lordes were come ayene in to englond and weren londed ¶ Than the kyng left his ordinaunce in Irland and come in to Englond ward in all the hast that he myght come vn to the castell of Flyut and there he abode for to take his counceill and myght beste be done but to hym come none ¶ And than Sir Thomas Percy Erle of wurcestre that was the kynges Stiward wyst and knewe this Anone he come in to the
squyers ladies and gentâ—l women that appeâ—teyned to such a worthy kynges doughter and come in to Denmarke with his lordes and resceyued this worthy lady for his wife welcomed thees worthy lordes did hem moch reuerence grete wurship And they were brought vn to a toune that was called london in denmarke there was this lady wedded sacred to the kyng of Denmarke with moche solempnite and there she was crouned quene of Denmarke Norway and Swythen and ther was made a riall feste ¶ And whan this feste and mariage was done and ended these lordes and ladies toke hir leue of kyng of quene and comen home ayene in to Englond in hast thanked be â—hesu ¶ And in the viij yere of kyng henries regne there was a man that was called the walssh clerke he appelled a knyÈt that was called sir Perceuall sowdone of treson and there they were â—oyned to fight vn to vtteraunce withynne listes and the day place tyme assigned and lymitted to be done and ended in smyth felde At the whiche day the ij ê‘sones comen in to the felde and foughten sore and myghtely to gedres but at the last the knyght ouercome the clerke made hym yelde hym creaunt of his fals enpechemeÌ„t that he said on him And than was he despoilled of his armure drawe oute of the felde to Tiborne and there was he hanged and the knyght take to grace and was a good man ¶ And in this same yere Sir Henry Erle of Northumberland and the lord Bardolfe come oute of Scotland in preiudice and destruction of kyng Henry wherfor they of the northcontre arisen vpon hem and fought with hem and scomfited hem and toke hem and smyten of hir hedes and quartred hir bodies and sente the heed of the Erle and quarter of the lord bardolfe to london and there they were sette vpon the brigge for fals treson that they had purposed ayene the kyng ¶ And in the ix yere of kyng Henries regne was sir Edmond Holand Erle of kente made Admirall of englond for to kepe the see he wente to the see with many riall shippes that weren full well araied and enparelled and enarmed with many agood man of armes and archiers of good defence of werre in the kynges name of Englond and so he londed at the last in the cost of Britaigne in the I le of Briak with all his peple and he beseged the Castell and sauted it and they withstode hym with grete defence and strengthe And anone he leid his ordâ—naunce and in the lexeng of a gonne come a quarell and smoâ—e the good Erle Edmond in the hede and there â—e caught deths wounde but yit they left nouzt till that they had gete the Castell and all that were there ynne And there this good lord died on whos soule god haue mercy Amen ¶ And than his meyne come home ayene in to Englond with the Erles body and was beried amonges his Auncestres right worthely ¶ And in the same yere was a grete frost in Englond that dured xv wekes ¶ And in the x. yere of kyng Henries regne the iiij come the Seneschall of henaude with othir meyne to seke Auntres and to gete hym wurshippe in dedes of armes bothe on hors bak and on foot at all maner of pointes of werre ¶ And the Seneschall chalenged the Erle of Somersete And the Erle deliuered hym manfully of all his chalenges and put his aduersarie to the wers in all pointes and wanne hym there grete wurshipp and the gre of the felde And the next day after come in to the felde an othir man of armes of the Seneschallis partie ¶ And ayens hym come Sir Richard of Arundell knyght And the henaude had the better of hym on foote in one pointe for he brought hym onâ— his knee ¶ And the thridde day come in an othir man of armes in to the feld and ayens him come Sir Iohan Cornewaill knyght and manly and knyghtly quytte hym in all maner pointes ayens his aduersarie and had the better in the felde ¶ And on the iiij day come an othir man of armes of henaude in to the felde and ayens hym come Sir â—ohan cheynyes sone and manly quitte hym ayens his aduersarie for he caste hors and man in to the felde And the kyng for his manhode at that tyme dubbed hym knyght ¶ And the v. day there come an othir man of armes of the henaudes partie in to the feld And to hym come in Sir Iohan stiward knyght aud manfully quitte hym there in all maner of pointes and had the better ¶ And the vj. day come an othir henaude and to hym come william Porter squyer manfully he quitte hym had the better in the felde And the kyng dubbed hym knyght the same tyme ¶ And the vij day come an othir henaude in to the felde and to hym come Iohan standissh squyer manfully he quitte hym on his aduersarie and had the better in the felde and there the kyng dubbed hym knyght the same day ¶ And on the same day come an othir henaude and to hym come a squyer of Gascoigne and proudely manly he quitte hym on his aduersarie and had the better And anone the kyng dubbed hym knyght ¶ And on the viij day come in to the felde ij men of armes of henaude and to hem come ij soudiours of Caleys that were bretheren that were called Burghes and well and manly quitte hem on hir aduersaries and the better in the felde And thus ended the chalenges with moche wurshippes ¶ And the kyng at the reuerence of the strangiers made a grete feste and yafe hem riche yiftes and they token hir leue and went home to hir owne contre ¶ And in the xj yere of kyng henries regne the iiij there was a grete bataille done in smythfelde bitwene two squyers that one was called Gloucestre that was appellaunt Arthur was the defendaunt and well and manfully foughten to gedre longe tyme and the kyng for hir man fnllnesse and of his grace toke hir quarell in to his hand and made hem to go oute of the felde at ones and so they were deuided of hir batailles and the kyng yafe hem grace ¶ And the xij yere of kyng Henries regne the fourthe Ris die a squyer of walys that was a rebell a riser and supportier to Owen of Glendore that did moche destruction to the peple of walys was taken and brought to london and there he come afore the Iustices and was dampned for his treson and than he was leid on an hurdell and so drawe forth vn to Tiborne thurgh the Cite and there he was hanged and let doune a yene and his hede smyten of and his body quartred and sente to iiij tounes and his hede sette on london brugge ¶ And in the xiij yere of kyng Heâ—ries regne tho deide Sir Iohan Beauford the erle of somersete that was Capitayne of Caleys and was beried
at the Abbey of the tourehyll on whos soule god haue mercy Amen ¶ And in the same yere the lord Thomas kyng Henries sone wedded the Countesse of Somersete ¶ And in this same yere come the enbassatours of Fraunce in to Englond from the duk of Burgoyne vn to the Prince of Englond kyng Henries sone and heire for helpe and socour of men of armes and archiers ayens the duke of Orliaunce And tho wente ouer the see the Erle of Arundell Sir Guillebert vmfreuille Erle of keme and the lord Cobham Sir â—ohan Oldecastell and many othir good knyghtes and worthy squyers and men of armes and good archiers in to Fraunce and come to Paris to the duke of Burgoyne And there he resseyued welcomed thees Englisshmen the lordes and all othir meyne And than it was done hym to wyt that the duke of Orliaunce was come to semtclowe fast by Paris with a grete nombre of men of armes and arbalastiers and thidder wente onre Englisshmen and foughten with hem and gate the brigge of Semtclowe and there they slowe moche peple of Frensshmen and Arminakes and the remenaunt fledde and wold no lenger abide ¶ And than oure Englisshmen comen ayene to Paris and there they token hir leue of the duke comen home ayene in to englond in saufete the duke yafe hem grete yiftes AnonÌ„ foâ—ewyng the duke of Orliaunce sent embassatours in to englond to kyng Henry the iiij be seching hym of his helpe socour ayens his dedely enemie the duke of Burgoigne ¶ And than the kyng made Thomas his sone duke of Clarence and his othir sone Iohan duke of Bedford And his othir sone Humfrey duke of Gloucestre and sir Thomas Beauford Erle of dorset and the duke of awmarle he made duke of yorke And than the kyng ordeyned his sone sir Thomas duke of Clarence sir Thomas Brauford erle of dorset and sir â—ohan Cornewaile with many othir lordes knyghtes squyers men of armes archers to gone ouer the see in to fraunce in helpyng strengthyng of the duke of Orliaunce ¶ And these worthy lordes with hir retenue shipped at hampton and sailled ouer in to normandie and londed at hogges And there mette with hem the lord hambe at hir londing with vij M. men of armes of frenshmen iij. sergeauntz of armes with hem And all were put to flight And taken of hem vij C. men of armes CCCC hors withoute tho that were slayne in the feld ¶ And so they ridden forth thurgh oute fraunce token castelles and tounes slowe moche peple of frenshmen that withstode hem token many â—soners as they ridden And so they passed forth till they come to Burdeux and there they rested hem a while and sette the contre in pees and rested till the vyntage were redy to saill◠¶ And than the duke with his meyne come home in to englond in saufete thanked be god ¶ And in the same yere was the kynges coyne changed thurgh oute Englond by the kyng his counceill that is to say the noble halfe noble fâ—rthyng of gold ¶ And the xiiij yere of kyng Henries regne the iiij he let make galeys of werre for he had hoped to haue passed the grete see and so forth to Iherusalem and therto haue ended his lyfe but god visited hym so sone after with infirmites and grete sikenesse that he myght nat well endure no while so feruently he was take and brought in bet at wâ—stmynster in a faire chambre And as he lay in his bed he asked his chamberlaynÌ„ what they called that chamber that he lay ynne and he ansuerd said Ihâ—lmÌ„ And than he said that the prophecie said that he shold make an ende and die in Iherusalem And than he made hym redy vn to god and disposed all his wylle And sone after he died and was caried by water from westmyâ—ster in a barge vn to Feuersham And from thens vn to Caunterbury by land with moch torche light brennyng in to the Abbey of Crichurche ther he was entered and â—eried beside seint Thomas of Caunterbury shrine and thus ended the worthy kyng henry aboute midlenten sonday in the yere of our lord a M. cccc.xiij on whos soule god haue mercy Amen ¶ Of kyng Henry the v. that was kyng henries sone Capitulo ducentesimo xliiij ANd after the dethe of kyng Henry the iiij regned kyng Henry his sone that was borne at Monmouth in walys that was a worthy kyng and a gracious man a grete conquerour And in the first yere of his regne for grete loue goodnesse he sente to the freres of langely there as his fadre had done bery kyng Richard the second and let take his body oute of the erth a yene did bring it to westmynstre in a riall chare couered with blake veluet baners of diuse armes aboute all the hors drawyng th chare were trapped in blake and beten with diuerse armes many a torche brennyng by all the wey till he come to westmynstre there he let make for hym a riall a solempne enterement â—eried hym by Quene Anne his wyfe as his owne desire was on the ferther side of seint Edwardes shrine in the Abbey of seint Petres of westmynstre on whos soule god haue mercy Amen ¶ And in this same yere were a certayne of lollardes taken and fals heretikes that had purposed thurgh fals treson to haue slayne our kyng for to haue destroied all the clergie of the reame they myÈt haue had hir fals purpose but our lord wold not suffre it for in hast oure kyng had warnyng ther of of all hir fals ordinaunce wurchynge come sodenly with his power to seint â—ohanes withoute smythfeld And anone they token a certayne of the lollardes fals heretikes brought hem vn to the kynges presence there tolde all hir fals purpose ordinaunce how they wold haue done wrought they myÈt haue regned had hir wyllâ—And there they told which were hir capitayns hir gouernours And than the kyng commaunded hem to the toure of london than toke moo of hem bothe within the Cite withoute sent hem to Newgate to bothe couÌ„tres And than they were brought in examinacion before the clergie the kynges Iustices there they were conuicted before the clergie for hir fals heresie and dampned before the â—ustice for hir fals treson And this was hir â—ugement that they shold be drawe from the toure of london vn to seint Giles fâ—ld there to be honged brent on the galewes And also ther was taken sir Rogier Acron knyght for heresie eke for treson ayens the kyng the reame and he come afore the clergie and was conuicted for his heresie to be brent and dampned before the â—ustices to be drawe from the toure of london thurgh the cite to seint Giles felde and to be hanged and brend ¶ And in the second yere
kyng Henry knyght And forthwith the said kyng Henry dubbed alle these knyghtes whos names folowe that is to wete Richard duke of yorke also the sone aud heire of the duke of Norffolke the Erle of Oxenford the Erle of westmerland the sone and heire of the Erle of Northumberland the sone and heire of the Erle of â—rmond the lord Roos Sir Iames buteleâ—â— the lord matrauas Sir Henry Gray of Tankeruile Sir william Neuill lord Fawconbrigge sir George Neuill lord latymer The lord wellis the lord berkley The sone and heire of the lord Talbot Sir Rauf gray of werk Sir Robert veer Sir Richard gray Sir Edmond hongerford Sir Robert wynkfeld Sir Iohan boteller Sir Raynold cobham Sir Iohan passheley Sir Ihomas Tunstall Sir Iohan Chidioke Sir Rauf langford Sir william drury Sir william ap Thomas sir Richard Carbonell Sir Richard wydeuile Sir Iohan Shâ—rdelowe Sir â—icholl blonket Sir Rauf Ratteclifeâ— sir Edmond trafford Sir william Cheyne sir williaÌ„ babyngton sir Iohan Iune sir Gilbert Beauchamp ¶ Item in the v. yere the duke of Bedford with the duchesse his wyfe went ouer see to Caleys And a litell to fore went ouer Harry bisshopp of wynchestre And on our lady day Annunciacion in our lady châ—rche at Caleys the bisshoppe of wynchestre whan he had songe masse was made Cardinall And he knelyng to fore the hye auter the duke of Bedford sette the hat on his hede and there were his bulles red as well of his charge as the reioyssyng of his benefices spirituel and temporel ¶ And this same yere was grete habundaunce of Rayne that the substaunce of heye and of corne was destroied For it rayned almost euery othir daye ¶ This same yere the good Erle of Salisbury sir Thomas Montagu leid siege vn to Orliaunce at which siege he was slayne with a gonne which come oute of the toune on whos soule god haue mercy For sith that he was slayne english men neuer gate ne preuayled in Fraunce but euer after began to lese litel and litell till all was lost ¶ Also this same yere a breton murthred a good wedowe in her bedde withonte algate whiche wedowe fonde hym for almesse And he bare away all that she had And after this he toke the grith of holy chyrche at seâ—â—t Georges in south werk and there toke the crosse and forswore this lond And as he went it happend that he came by the place where he did this cursed dede in the subarbis of london And the women of the same parissh come oute with stones and canel dunge and slowe and made an ende of hym Notwithstanding the Constables and many other men beyng present to kepe hym For there were many women and had no pite ¶ Also this same yere the duke of Norfolke with many geÌ„tilmen and yomen toke his barge the viij day of Nouembre at seint mary ouereyes for to haue goo thurgh london brigge and thurgh mysguydyng of the barge it ouerthrewe on the piles and many men drowned but the duke hym selfe with ij or iij. lepe vpon the piles and so were saued with helpe of mâ—n that were aboue the brigge wiche casted donne Roopes by whiche they saued hem selfe ¶ This same yere on seint Lenardes day kyng Henry beyng vij yere of age was crouned at westmestre at whos Coronacion were made xxxvj knyghtes This yere on seint Georges day he passed ouer the see to Caleys toward fraunce ¶ Aboute this tyme and afore the Royame beyng in grete miserie and tribulacion the dolphyne with his partie began to make werre and gete certeyn places and make destrusses vpon englisshmen by the mene of his Capitayns that is to wete la heer poâ—â—n de seyntraylles and especiall a mayde whiche they named la pucelle de dien This â—â—aid roâ—d like a man was a valyant Capitayne amonge them and toke vpon hir many grete enterprises in so moche that they had a beleue to haâ—e recouered alle theyr losses by hir Not withstandyng at the laste after many grete feates by the helpe and prowesse of Sir Iohan Luxembâ—rgh whiche was a noble Capitayne of the dukes of Burgoyne and many Euglisshmen Picardes and Burgoygnous whiche were of oure partie before the toune of Compyne the xxiij day of May the forsaid pucelle was taken in the felde armed like a man and many othir Capitayns with her And were all brought to Roan and ther she was put in prison And ther she was Iugged by the lawe to be brent and then ne she said that she was with childe wherby she was respiâ—ed a while But in conclusion it was fouÌ„de that she was not with childe and thenne she was brent in Roan And the othir Capitayns were put to raunsone and entreated as men of werre bene aâ—â—stomed ◠¶ This same yere aboute Candelmasse Richard huÌ„der a wollepacker was dampned for an heretike and brente at tour hylle And aboute midlente Sir Thomas Baggely preest and vicarie of Mauen in Estsâ—xe beside walden was disgrated and dampned for an heritikâ— and brente in smythfelde ¶ And also in this same yere whiles the kyng was in Frannce ther were many heretiks and lollars that had purposed to haue made a risyng caste billiâ— in many places But blessed be god almyghty the Capitayn of hem was taken whos name was william Maundeuile a weâ—ar of abendone and bayly of the same toune whiche named hym selfe Iack sharp of wigmoresland in walys And afterward he was heheded at abendone in the whitsonweke on the tewysday This same yere the vj. day of decembre kyng henry the vj. was crâ—uned kyng of Fraunce at Paris in the church of our lady with grete so lempnite There beyng present the Cardinall of englond the duk of Bedford and many othir lordes of fraunce of englond And aft this coronacion grete feste holden at parys the kyng retorned from thens to Roan so toward Caleys And the ix day of Fâ—uerer londed at douer whom all the comyns of kente mette at beramdoun bitwene Caunterbury and Douer alle in rede hoodes And so came forth till he come to the black bethe where he was mette with the Mayre Iohan wellys with all the craftis of london clad alle in white And so they brought hym to london the xxj day of the same moneth ¶ This same yere was a restraynt of the wollis of Caleys made by the soudyours by cause they were not paid of their wages wherfor the duke of Bedford Regent of Fraunce beyng thenne Capitayn came to Caleys the tewisday in the esterwâ—ke And on the morne after many soudiours of the toune were arested and put in warde And in the same wâ—ke he rod to terewyne And by the mene of the bisshopp of terewyne he wedded the Erles doughter of seint Poul and came agyne to Caleys And the xj day of Iuyne on seint Bernabes day there were four soudiours of Caleys that were chief causers of the restreynt byheded that is to wete Iohan Maddeley Iohan
yere the xiij day of Ianiuer fill doune the 〈◊〉 with the toure on hit on london bagge toward southwerke with two archis and alle that stode theron ¶ This same yere was a grete traittie holden bitwene Grauenyng and Caleys bitwene the kyng and duke of Bourgoyne where for the kyng was the Cardinall of englond the duke of norfolk and many othir lordes and for the duke was the duchesse hauyng full power of hir lord as Regent and lady of his londes where was taken by thauys of bothe parties an abstinence of werre for a certayne tyme in the name of the duchesse and not of the duke because he had goon from his ooth ligeaunce that he had made to kyng Henry therfor the kyng neuer wolde write ne appointe ne haue to do with him after but all in the duchesse name Also thiâ— same yere quene Iane died the ij day of Iuyll whiche had ben kyng henry the fourth is wife was caried fro bermondesey vn to Caunterbury where she lieth buried by kyng henry the iiij her housbond ¶ This same same yere died all the lyons in the tour of london the whiche had not be seen many yeres before oute of mynde ¶ How Owayn a squyer of wales that had wedded quene katerine was arested and of the scisme bitwene Eugenie and Felix Capitulo CC.li. IN the xvj yere of kyng henry deide Sigismonde Emê‘our of Almaigne knyght of the garter whos terment the kyng kepte at seint poules in loÌ„don rially where was made a riall herse the kyng in his astate clad in blew was at eueÌ„ at dirige on the morne at masse â— And after hym was elect chosen Albert duke of Ostrich whiche had wedded SigismuÌ„dus doughter for to be Emê‘oâ—r This was taken resseyued to be kyng of beme vngarie because of his wife that was sigismuÌ„dis doughter whiche lefte after hym none othir heir This Albert was Emê‘our but one yere for he was poysond so deide somme saye he deide of a flixe but he was a râ—tuouse man pitefull so moche that alle the peple that knewe hym said that the world was not worthy to haue his presence This same yere one Owayn a squyer of walys a maÌ„ of lowe birth whiche had many a day tofore secretely wedded quene ketherine and had by her iij sones a doughter was taken coÌ„maunded to newgate to prison by my lord of gloucestre ê“tectour of the reame Aod this yere he brake prison by the mene of a prest that was his chapelayne And after he was taken agayn by my lord â—emond brought agayn to newgate whiche afterward was deliuered at large And one of his sones afterward was made erle of richemoÌ„d anothir erle of penbroke the iij a monk of westmynstre whiche monke deide sone after ¶ This same yere also on Newyeres day at baynardiscastell fill douâ— a stake of wode sodenly at afâ—â—rno ne and slow iij. men meschiâ—uously and foule hurt othir Also at bed ford on a shrireday were xvâ—ij men murtherd withoute stroke by fallyng doune of a steir as they come oute of their comyn halle and many foule hurt ¶ In the xviij yere sir Richard Branchamp the good Erle of warre wyke deide at Roan he beyng that tyme lieutenaunt of the kyng in Normandie and from thens his body was brought to warrewyke where he lieth wurshipfully in a new Chapell on the southside of the quyre Also this yere was a grete derthe of corne in all Englond for a busshell of wheâ—e was worth xl pens in many places of Englond and yit men myght not haue y nowgh wherfore Stephen Broun that tyme maire of london sent in to pruse and brought to london certayne shippis laden with Rye whiche eased and did moche good to the peple for corne was so skarce in Englond that in somme places of Englond poure peple made hem brede of fern rotes ¶ This yere the generall counseill of basile deposed pope Eugenye And they chese Felix which was duke of Sauoye And than began the scisme which endured vn to the yere of our lord Ihesu crist M. CCCC.xlviij This Felix was a deuoute prince and saw the sones of his sones And after lyued a holy and denoute lyfe And was chosen pope by the counseill of Baâ—ile Eugenye deposed And so the scisme was longe tyme And this Felix had not moch obedience be canse of the nâ—utralite for the moste parte and well nâ—gh all cristendome obedied aud reputed Eugenye for very pope god knoweth who was the very pope of them bothe for bothe occupied during the lyfe of Eugenye ¶ This same yere Sir Richard wiche vicarie of hermettesworth was degrated of his presthode at Poulis and brente at tourhyll as for an heretike on seint Botulpâ—us day how well at his deth he deide a good cristeÌ„maÌ„ wherfor after his dethe moche peple come to the place were he had he brente and offred and made a heepe of stones and sette vp a crosse of tree helde hym for a saynt till the maire and shereuis by commaundement of the kyng and of bisshoppes destroied it and made there a douâ—hylle ¶ Also this same yere the shereuis of london fette oute of Seint Martins the graunt the sayntwarie fiue persones whiche afterward were restored agayne to the Sayntwarie by the kynges â—â—stices ¶ After Alberte the iij. Frederike was chosen Emê‘our This Frederike duke of Osterike was longe Emê‘our differred for to be crouned at rome by cause of the scisme but after that vuion was had he was crouned with Imperiall diademe with grete glorie and triumphe of pope Nicholas the iiij This was a man pesible quiete and of singuler pacience not hating the chyrch he wedded the kyng of Portingales dougter ◠¶ How the duchesse of Gloucestre was arested for treson and committed to perpetuall prison in the I le of man And of the deth of maister Rogier â—olyngbroke Ca. CC.lij IN this yere Elianore Cobham duchesse of Gloucestre was arested for certayn pointies of treson leid agayn hir wher vpon she was examined in seint stephens chapell at west mestre before the Erchebisshopp of Caunterbury And there she was enioyned to open penaunce for to go thurgh chepe beryng a taper in her hond after to perpetuall prison in the I le of manÌ„ vnder the kepyng of sir Thomas stanley Also that same tyme was arested Maister Thomas south well a chanon of westmynstre maister Iohan hume a chapelayn of the said lady maistâ—r Rogger bolynbrok a clerk vsing nigromancie And one margery Iurdemayn called the wich of Eye beside westmynstre Thise were arested as for beyng of counseill with the said duchesse of gloucester And as for maister Thomas southwell he deide in the tour the nyght before he shold haue he reyned on the morne For so he said hym selfe that he shold deye in his bedde and not by Iustise And in the yere xx maister Iohan hume and maister
in the see barges botes and grete plankes as many as they myÈt ordeyne haue for to gone to the forsaid castell of Swandone with men on fote and eke on hors ¶ But the walshmen had so moche peple were so stronge that they driuen he englishmen ayene so that ther was so moche prese of peple at the turnyng ayene that the charge the berthen of heÌ„ made the barges and botes sinke And ther was drenched full many a good knyght that is to seyne Sir Rogier of Clifford Sir williaÌ„ of lyndesey that was sir Iohanes sone fitz Robert sir Richard Tanny and an huge nombre of othir all was thurgh hir owne folie for yf they had had good espies they had not bene harmed ¶ When kyng Edward herd tâ—lle that his peple was so drenched he made sorwey nowe But tho come sir Iohan of vessye from the kyng of aragon brougth with hym moch folk of bachilers and of Gascoynes were sowdiours and duellyng with the forsaid sir Iohan of vessye vnderfonge of hym wages with hym were witholde noble men it were for to fight brent many tounes queld moche peple of walshmen all that they myght take ¶ And all tho with strength and myght made assaute to the Castell of Swandon and gete the castell And when Dauid the princes brother herd this tydyng he ordeyned hym to fligh◠¶ And Lewelyn the prince saw that his brother was flowen and sore was abasshed For he had no power to his werre for to maynten ¶ And so Lewelyn gan for to flee and wend well for to haue ascaped But an o morwe sir Rogier Mortiemer met with hym only with x. knyghtes and set hym rounde aboute and to hym went smote of his hede and presented hym vn to the kyng Edward And in this maner the prince of walys was taken and his hede smyten of and all his heires disherited for euermore thurgh rightfull dome of all the landes of the reame ¶ How Dauid that was Lewelynes brother prince of walys was put to the deth Ca. C lxiiij DAuid that was the Princes brother of walys thurgh pride wente for to haue bene Prince of walys after his brothers deth And vpon that sent he after walsshmen to his ê‘lement at dinbigh and follilich made walys arise â—yens the kyng and began to meue werre ayens the kyng and did all the sorwe disese that he myght by his power When kyng Edward herd of this thynge he ordeyned men to pursue vpon hym And Dauid ferselich him defeÌ„ded till that he come to the toun of seint morice ther was Dauid take as he fledde and led to the kyng And the kyng commaunded that he shold be honged and drawe and smyte of his hede and quarter hym and sende his hede to london and the iiij quartiers sende to the iiij tounes chief of walys for they sholde take example aud ther of bene ware ¶ And afterward kyng Edward let crie his pees thurghoute all walys and seised all the land in to his hande and all the grete lordes that were left a lyue come to done feaute and homage to the kyng Edward as to hir kynde lord ¶ And tho let kyng Edward amende the lawez of walys that were defectife ¶ And after he sent to alle the lordes of walys by his lrÌ„e patent that they shold come all to his parlement And whan they were come the kyng said to hem full curteisely Lordynges ye be well come and me behoueth your counceill and your helpe for to wende in to Gascoyne for to amende the trespaces that me was done whan I was ther And for to entrete of â—ees bitwene the kyng of Aragon and the Prince of Morrey ¶ And alle the kynges liege men Erles and Barons consented and grâ—unted ther to ¶ And tho made hym kyng Edward redy and went in to Gascoyne and let amende alle the trespaces that hym was done in Gascoyne And of the debate that was bitwene the kyng of Aragon and the prince of Morrey he cesed and made hem accorded ¶ And while the good kyng Edward and the Quene Elienore his wife were in Gascoyne the good Erle of Cornewaille was made wardeyne of Englond till that kyng Edward come ayene ¶ And tho enquered he of his traitours that congetted falfenesse ayens hym and eche of hem alle vnderfenge her dome after that they had deserued ¶ But in the mene tyme while that the good kyng Edward was beyonde the see to done hem for to make amendes that ayens hym had trespaced ther was a fals theâ—e a traitour that was called Rys ap Meriedoke begâ—n for to make werre ayens kyng kyng Edward and that was for encheson of Sir Payne Tiptot wrongfully greved disesed yâ— for said Ris ap Meriedo◠¶ And when kyng Edward herd all this he sent by his lrÌ„ez to Ris ap Meriedok that he shold begynne for to make no werre but that he shold be in pees for his loue And when that he come ayene in to Englond he wold vndertake the quarell done amend all that was mysdone ¶ The forsaid Ris ap meriedok despised the kynges coÌ„mauÌ„demeÌ„t spared not for to do all the sorw that he myÈt to the kynges men of englond but anone after he was taken lad to york ther he was drawe honged for his felonye ¶ Of the redressynge that kyng Edward made of his Iustices of his clerkes that they had done for hir falsenesse how he drofe the Iewes oute of Englond for her vsery mysbeleue Capitulo Centesimo lxv WHen kyng Edward had duelled iij. yere in gascoyne wylle come to hym for to wende ayene in to Englond and tho he was come ayen he fonde so many plaintes made to him of his Iustices of his clerkes that had donâ— so many wronges falsenesse that wonder it was to here ¶ And for which falsenesse Sir Thomas weylond the kynges Iustice forswore Englond at the Toure of london for falsenesse that men put vpon hym wherof he was atteint proued fals ¶ And anone after when the kyng had done his wylle of the Iustices ¶ Tho let he enquere and aspie how the Iewes desceyued begiled his peple thurgh her sinne of falsenesse of vserie let ordeyne a priue parlement amonge his lordes they ordeyned among hem that all the Iewes shold voide Englond for hir mysbeleue And also for hir fals vserie that they did vn to cristen men And for to spede and to make an ende of this thyng all the coÌ„munite of Englond yafe vn to the kyng the xv peny of all hir goodes meuable so were the Iewes driuen oute of Englond ¶ And tho went Iewes in to fraunce and ther duelled thurgh leue of kyng philipp that tho was kyng of fraunce ¶ How kyng Edward was seised in all the londe of Scotland thurgh consent graunt of all the lordes of scotlaÌ„d Ca. C.lxvj HIt was