Selected quad for the lemma: lord_n

Word A	Word B	Word C	Word D	Occurrence	Frequency Band	MI	MI Band	Prominent
lord_n	blood_n	body_n	soul_n	10,399	5	5.2639	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A18697	Christmas carolles newely inprynted	Kele, Richard, d. 1552.	1545 (1545)	STC 5204.5; ESTC S291	10,930	49

with steuē thā dyspu●ed they ¶ The wycked Iewes at the last Stones at Steuen they gan cast His hed and armes they all to brast And made his body in foule aray ¶ Steuen that was full mylde of mode Thought he were all reed in blode In his prayers styll he stode And cryeng to good thus he dyde say ¶ Lorde god for thy myghtfull grace Forgyue the Iewes theyr trespace And gyue theym grace to se thy face In the Ioye that lasteth aye ¶ To heuen he loketh soone on hye To the father and sone truly And to the holy goost he gan cry Receyue my soule I the pray ¶ God receyued his boone anone Downe came aungeles many one They toke his soule to heuē dyd gone To blyssednesse that lasteth ay ¶ To that blysse that is so goode Them that dyed vpon the toode Graunt vs for his precyous bloode Our saluacyon at domes day ¶ Finis ¶ Of saynt Iohn̄ ¶ Pray for vs to god on hye Blyssed saynt Iohan and our lady O Blessyd Iohan ●●e euangelyst Ryght dere beloued of Iesu cryst The preuyte of heuē in erthe thou wyst As touchynge to the trynyte ¶ That prynce that is withouten pere To Iohan he toke his mode dere All whyle she lyued in erthe here That vyrgyns were bothe he and she ¶ This noble Iohan that we of rede Informed vs of Chrystes dede The whyle that he on erthe yede In his gospell so fynde we ¶ whan Chryst on crosse hanged so hy He sayd vnto his moder Mary Lo there thy sone standynge the by ¶ And se thy moder Iohan sayd he ¶ Nowe pray we to this saynt echone For vs to pray to god in trone Out of this lyfe whan we shall gone To se hym in his mayeste ¶ Finis ¶ A caroll of the Innocentes ¶ Marke this songe for it is trewe For it is trewe as clerkes tell In olde tyme straūg thyngꝭ cam to pas Grete wonder grete meruayll was In Israell ¶ There was one Octauyan Octauyan of Rome Emperour As bokes olde doth specyfye Of all the wyde worlde trulye He was lorde and gouernour ¶ The Iewes that tyme lackyd a kyng They lackyd a kyng to gyde them well The Emperour of power and myght Chose one Herode agaynst all ryght In Israell This Herode thā was kyng of Iewys was kyng of Iewys he no Iewe For so the he was a panym borne wherfore on fayth it may be sworne He reygned kynge vntrewe ¶ By prophesye one I say One I say / at lest dyd tell A chylde sholde come wōderous newys the shold be borne trewe kyng of Iewys In Israell This Herode knew one borne shold be One borne sholde be of trewe lenage That sholde be ryght herytour For he but by the Emperour was made by vsurpage wherfore of throught this kyng Herode This kynge herode in grete fere fell For all the days most in his myrth Euer he fered Chrystes byrth In Israhell ¶ The tyme came it pleased god It pleased god so to come so pas For mannes soule in dede His blyssed sone was borne wyth spede As his wyll was ¶ Tydynges came to kynke Herode To kynge Herode / and dyd hym tell That one borne forfoth is he whiche lorde and kynge of all shall be In Israell ¶ Herode thā raged as he were woode As he were wode of this tydynge And sent for all his scrybes sure yet wolde he not trust the scrypture Nor of theyr councellynge ¶ Than this was the conclusyon The conclusyon of his councell To sende vnto his knyghtes anone To sle the chylderne euerychone In Israell ¶ This cruell kynge this tyranny This tyranny dyd put in vre Bytwene a day and yeres too All men chylderne he dyd sloo Of Cryst for to be sure ¶ yet Herode myssed his cruell pray His cruell pray as was goddes wyll Ioseph with Mary than dyd fle with Chryst to Egypt gone was she From Israell ¶ All this whyle this tyrantes This tyrantes wolde not cōuert But innocentes yonge That lay sokynge They thryst to the herte ¶ This Herode sought the chyldren This chyldren younge● with corage fell But in doynge thys vengeaunce His owne sone was slayne by chaunce In Israell ¶ Alas I thynke the moders were wo The moders were wo it was grete skyl what motherly payne To se them slayne In cradels lyeng styll ¶ But god hym selfe hath theym electe Hath theym electe / in heuyn to dwell For they were bathed in theyr blode For theyr baptym forsoth it stode In Israell ¶ Alas agayne what hartes had they what hartꝭ had they those babes to kyll with swerdes whan they hym caught In cradels they lay and laught And neuer thought yll ¶ Finis This was the tenour of her talkynge Timor mortis conturbat me ¶ I asked that hyrde what she ment I am a 〈◊〉 〈◊〉 et ●ayre gent For sere of deths I am all shent Timor mortis conturbat me ¶ whan I shall dye I know no day Contrey nor place I can not say wherfore this longe synge I may Timor mortis conturbat me ¶ Iesu chryste whan he sholde dye To his father gan he crye Father he sayd in trynyte Timor mortis conturbat me ¶ All chrysten people beholde se This worlde is but a vanyte For therin is but necessyte Timor mortis conturbat me ¶ wake or slepe / eat or drynke whan I on my last ende do thynke For great fere my soule doth synke Timor mortis conturbat me ¶ Finis ¶ Blessyd Stephan we the praye Pro nobis preces funde I Shall you tell this ylke nyght Of saynt Stephan goddes knyght He tolde the Iewes that it was ryght That Cryst was borne of a mayde Blessyd Stephan c. ¶ Then sayd the Iewes with grete scorne That goddes sone myght not be borne Stephan sayd ye be forlorne And all that byleueth on that lay Blessyd Stephan c. ¶ This Stephā whā he was most ꝑfyte In Crystes lawe illumynate The Iewes hym toke with grete dyspyte without the towne to lapidate Blessyd Stephan c. ¶ The cursyd Iewes at the last Stones at Stephan they gan cast They bette hym and bounde hym fast And made his body in foule aray Blessyd Stephan c. ¶ whan the aungell Aue began Flesshe and blode togyder ran Mary bare bothe god and man Through the vertue of benygnyte ¶ So sayth the gospell of laynt Iohan̄ God and man is made bothe one In flesshe and breed / blode and bone One god in persones thre ¶ And the prophete Ieremy Tolde in his prophecy That the sone of Mary For vs sholde dye on tree ¶ He hath Ioye to you graunted And in erth peace hath plaunted whan yborne was that faynted In the londe of Galilee ¶ Mary graunte vs the blysse where thy sone dwellynge is And of that we haue done amysse Thou pray for vs for charyte ¶ Finis ❧ Salue regina mater miseridordie Vita dulcedo et spes nostra salue O Very lyfe of swetnes and hope Of thy mercy sende vs a drope As thou bare Iesu the our kynd dyd grop Salue regina mater mīe vita c. ¶ Vnto our helth thou bare that chyld with spot of syn thou were neuer defyld Mary mother bothe meke and myld Salue regina mater mīe vita c. ¶ we synners lady to the we crye In this world to haue mercy we synge to the yet or we dye Salue regina mater mīe vita c. ¶ To the we call euer at our nede A frende specyall for all mannes nede Thou floure on felde of A dams sede Salue regina mater mīe vita c. ¶ Thy eyen of pyte from vs not hyde whyle we here in this world abyde Thou gouerne vs and be our guyde THis voyce both sharp also Shal be herd from heuen to h●●● All mydle erthe it shall fulfyll Venite ad iudicium A voyce c. ¶ Venite is a blyssed song For them that for ioye dooth longe And shall forsake paynes strong Venite ad iudicium A voyce c. ¶ Glad in hert may they be whan Chryst sayeth Venite ye blyssed chyldren come to me In to vitam eternam A voyce c. ¶ whan I hongred ne gaue me meat ye clothed me agaynst the weat In trouble ye dyde me not forgeat Venite ad iudicium A voyce c. ¶ ye socoured me at your doore And for my sake gaue to the poore ●●●rfore wyll I you socoore Venite ad iudicium A voyce c. ¶ Sory in hert may they be That hereth this heuy worde Ite ye cursed chyldren go fro m● In to ignem eternum A voyce c. ¶ Whan for nede that I dyde crye Confortlesse ye lete me dye Therfore now I you deny Venite ad iudicium A voyce c. ¶ For by me ye set no store ye shall abye ryght dere therfore In hell with deuyls for euermore Venite ad iudicium A voyce c. Finis ¶ Iesu Christe fili dei viui mise● bis Alleluya MOost souerayn lorde Chryst● Born of a mayd that euer was true with grace and goodnesse thou vs endue That now singeth this Miserė nobis Iesu christe fili dei viui ¶ Lorde of mercy by propre condycion That of mankynd made the redemption Graunt vs now this petycion That now syngeth this Miserė nobis Iesu christe fili dei viui c. ¶ Iesu preserue vs / and be our spede with grace to socour vs at our nede To do thy pleasure in worde and dede That now syngeth this Miserė nobis Iesu christe c. ¶ Punysh not synners by thy myght But with mercy medled with ryght So that we may lyue in thy syght That now syngeth this Miserė nobis Iesu christe fili dei viui c. ●od graunt vs repentaunce ●nd space for to do penaunce And good lyfe to haue contynuaunce That we may syng this Miserė nobis ❧ Finis ❧ ¶ A voyce from heuen to erth shall com Venite ad iudicium

gebit gebit gebit Lux fulgebit hodie IPse mocat me An aple is no pere tree In ciuitate Dauid Gebit. c. ¶ Notum fecit dominus By the byll one knoweth a gose In ciuitate Dauid Gebit. c. ¶ Aparuit Esau A red gowne is not blew In ciuitate Dauid Gebit. c. ¶ Verbum caro factum est A shepe is a peryllous beste In ciuitate Dauid Gebit. gebit c. ¶ Finis De Circumcisione domini To encrease our ioy and blysse Christ us natus est nobis MAke we mery in hall and houre And this gloryous lady honor we That to vs hathe borne our sauyour Homo sine semine To encrease c. ¶ For as the sonne that shyneth bryght Perceth no glas that we may se So cōceyued she Iesu full of myght Cum virginitatis honore To encrease c. ¶ psay prophecyed longe beforne How this Emanuel borne sholde be To saue his people that were forlorne Our exurget regere ¶ we were all in great dystresse Tyll this lorde dyd make vs free wherof this feste beryth wytnes Venit nos redimere To encrease c. ¶ A token of loue he fyrst now shewed That he on vs wolde haue pytye whan he for vs was crucyfed Vt declaratur hodie To encrease c. ¶ Most gloryous lady we the pray That bereth the crowne of chastyte Brynge vs to the blysse that lasteth aye Feliciter congaudere To encrease c. ¶ Finis Be we mery in this feste In quo saluator natus est IN Betheleem that noble place As by prophesy sayd it was Of the vyrgyn mary full of grace Saluator mundi natus est Be we mery c. ¶ On chrystmas nyght an angel it tolde To the shephardes kepyng theyr folde That into Betheleem with bestes wolde Saluator mundi natus est Be we mery c. ¶ The shephardes were cōpassed ryght About them was a great lyght Drede ye nought sayd the aūgell bryght Saluator mundi natus est Be we mery c. ¶ Beholde to you we brynge great ioy For why Iesus is borne this day To vs of mary that mylde may Saluator mundi natus est Be mery c. ¶ And thus in fayth fynde it ye shall Lyenge porely in an oxe stall The shephardes than lauded god all Quia saluator mundi natus est Be mery c. ¶ Finis ¶ A new caroll of our lady ¶ Nowell Nowell Nowell Nowell This sayd the aungell Gabryell LOrdes ladyes all by dene For your goodnes honour I wyll you synge all of a quene Of all women she is the floure Nowell c. ¶ Of Iesse there sprange a wyght I say sayd by prophesy Of whome shall com a man of myght From dethe to lyfe he wyll vs bye Nowell c. ¶ There cam an aungell bryght of face Flyenge from heuyn with full gret lyght And sayd hayle mary full of grace For thou shalt bere a man of myght Nowell c. ¶ Astronyed was that lady free And had mernayle of that gretynge Aungell she sayd how may that be For neuer of man I had knowynge Nowell c. ¶ Drede the nothynge mary mylde Thou art fulfylled with great vertew Thou shalt conceyue and bere a chylde That shall be named swete Iesu Nowell c. She knelyd downe vpon her knee ●s thou haste sayd so may it be With hert / thought / mylde chere Goddes handmayd I am here Nowell c. ¶ Than began her wombe to sprynge She went with chylde without man He that is lorde ouer all thynge His flesshe blode of her had than ¶ Nowell c. ¶ Of her was borne our heuen kynge And she a mayden neuer the lesse Therfore be mery let vs synge For this new lorde of Chrystmas Nowell Nowell c. ¶ Finis ¶ O blessed maruelous natyuyte Of goddes sonne in dyuynyte WElcome be this blessed feste Of goodes sonne in dyuynyte That is refourmer of our rest Longe peace and charyty O blessed c. ¶ In tyme of peace this chylde was born As was shewed in prophesy To saue mankynde that was forlorne For kynge of peace he is truly O blessed c. ¶ Borne marue lously he was Full of grace and dyuynyte And she a mayden neuer the lesse And so was neuer non but she O blessed c. ¶ Therfore pray to that lorde And to his mother that mayden free To make vs wyse in worde dede To prayse please his deyte O maruelous c. ¶ Finis ¶ Gaudeamꝰ synge we ī hoc sacro tp̄e Puer nobis natus ē ex Maria virgine ¶ Mary moder come and se Thy lone is nayled on a tre Hande and fote he may not go His body is wrapped all in wo ¶ Vpon a tre nayled he is To brynge vs all to heuen blyss For Adam that dyde amysse For an aple that was so fre ¶ From his heed vnto his too His skynne is torne and flesshe also His body is bothe wanne and blo And nayled he is on a tre ¶ Thy louely sone that thou hast borne Is crowned with a crowne of thorne To saue mankynde that was but lorne And brynge man but to his liberte ¶ whan Iohan this tale began to tell Mary wolde no lenger dwell But went amonge the Iewes fell where she myght her sone se ¶ My swete sone that arte me dere why hangest thou on tode here Thy hede is wrythen all in a brere Louely sone what may this be ¶ Moder to Iohan I the betake Iohan kepe this woman for my sake On rode I am emendes to make For synfull man as ye may se ¶ This game of loue I must play For mannes soule it is no nay There is no man that goth by the way But on my body he may haue pyte ¶ This payne the men haue me wrought For synfull soules I haue it bought Of all this smerte yet rewe I nought If man wolde be kynde to me ¶ My blode coleth my fleshe doth fall I am athryst after drynke I call They gyue me eylyll menged with gall A wors drinke may there be none ¶ Fader my soule to the I betake My body dyeth for mannes sake To hell I must withouten make Mankynde for to make fre ¶ God that deyed for vs all Borne of a mayde in an oxe stall Graunt vs his realme celest yall A men / amen / for charyte Finis ¶ Of saynt Steuen ¶ To saynt Steuē wyll we pray To pray for vs bothe nyght and day Of saynt Steuen goddes knyght That preched the fayth day nyght He tolde the Iewes as it was ryght That Chryst was borne of a may ¶ The Iewes sayd in grete scorne That Christ was not of a mayde borne Than sayd Steuen ye are but lorne ¶ And all that beleue in your lay ¶ Now is spronge the welle of lyfe Of Mary moder mayde and wyfe Therfore the Iewes fell at stryfe ¶ And