Selected quad for the lemma: land_n

Word A	Word B	Word C	Word D	Occurrence	Frequency Band	MI	MI Band	Prominent
land_n	brother_n	die_v	elder_a	1,509	5	9.7904	5	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06811	[Here endeth the boke of Iohn Maunduyle knyght of wayes to Ierusalem [and] of marueylys of y5xx]; Itinerarium. English	Mandeville, John, Sir.; Jean, d'Outremeuse, 1338-ca. 1399, attributed name.	1496 (1496)	STC 17246; ESTC S120604	86,741	138

thou to mounte Belyan that is vpon the see syde and knele●y tymes theron ageyne the Est in the worshyp of god and he shall shewe the a wey howe thou shalt passe and the chane dyd so and as sone the see that ●owched to the hyll withd●owe hym and shewed a fayre wey of nyne fote brode betwene the hylle and the See and so passed the righte well wyth all hys men and so he wanne the londe of chatay that is the most lond grettest of the worlde and for those ix knelynges and the ix fote of wey the chane and men of tartary haue the noumbre of ix in gret worship whan he had won the lond of Chatay he dyed and than regned after Cythoco Chane his eldest son ● and his other brother went to wynne them londes in other contres and they wan the londe of pruys and of russy and they dyd call them self chane ▪ but he of chatay is the great chane the grettest lord of all the world and so he calleth hym in his letters and saith thus Chan filius de● excels● vniuersam terram colenciū sūmus imꝑator et dominus dominanciū That is for to say Chane goddes son Emꝑoure of all those that tyll all the londe and lorde of all lordes and the wrytynge aboue his greate seale is Deus in celo Chan suꝑ terram enis fortitudo oim hoīm imꝑatoris sigillū That is to say thus God in heuen chan vpon erthe his strength The seale of the emꝑoure of all men and the wrytynge a boute his preuy seale is thus Dei fortitudo oīm hoīm imꝑatoris sigil lū That is to say the strength of god seale of the emperoure of all men And all if it be so that they be nat crysten yet themperour the tartaryns trowe ī god almyghty NOWe haue I tolde you why he is called the greate chane Nowe shall I tell you of the gouernynge of his courte whan they make gret festes the pryncipall foure tymes in the yere the fyrst feste is of his berynge the secoūd whan he is borne to the temple to be circūcised the third is of his ydols whan they begyn to speke the forth whan the ydol begynneth firste to do myracles at those tymes he hath men well arrayed by thousādis by hūdres echone wote well what he shall do for there is first ordeyned iiii thousande riche barons and myghty for to ordeyne the fest and to serue the Emperoure and all these barons haue crownes of gold wel dight with precious stones and perles and they ar cladde in clothes of golde and camathas as richely as they may be made ● and they may well haue suche clothes for they ar there of lesse pryce than wollen cloth is here And these iiii thousande barons ar departed in iiii partyes eche company is clad in dyuers coloure right richely whan the first thousande is passed and hath shewed them than come the secounde thosand and than the thyrde and than the forth and none of theym spekethe a worde And on o syde of the ●mperours table sytteth many phylosophers of many sciences som of astronomy nygromancy geometry pyromacy and other many scyences and som haue before theym astrolabes of gold or of precious stones full of sonde or of cooles brennynge som haue orlages well dight and richely and other many instrumentes ●●ter their scyences at a certeyne houre whan they see tyme they sey to men that stande before them make p●●s than say those mē with a loude voys to al the hall ●owe be s●yll a whyle and than sayth one of the phylosophers ●●he man make reuerence and bowe and lou●e to themperoure that is goddes son and lorde of the world for nowe is tyme houre and than all men loute to hym knele on the erthe and than byddeth the phylosopher them ryse vp ageyne and at one other houre another phylosopher byd theym all put their syngers in their erys and they do so and at another houre byddeth another phylosopher that all men shall lay their hande on ther hede and they do so and than he byddeth theym take away and they do so thus fro houre to houre they byd dyuers thynges I asked pryuely what this shuld mene one of the maysters sayde that the loutynge and the knelynge on the erthe at that tyme hath this token that all those men that knelyd so shall euermore be true to themꝑoure that for no gift ne hetynge they shall neuer be tratours ne fals to hym And the puttynge of the fynger in the ere hath this token that none of those shall here none yll be spoken of them peroure or his counsayle And ye shall vnderstonde that men dight no thynge clothes bred drynke nor non suche thynges to the emperoure but at certeyne houres that the Phylosophers tell and if any man reyse warre ageyne that emperoure in what countre so it be theyse phylosophers Woteit sone and tell the emperoure or his counseyl and he sendeth men theder for he hathe many men And he hath many men to kepe byrdes as garfaukons sperhaukes faucons gentyls laners sacres popymayes that ar spekynge and other many .x. thousande Olyfantes baboyns marmosettis and other and he hath many fy sycien●●f the which he hathe CC. of theym that are crysten men and xx sarrasyns but he trusteth more in crysten men than in sarrasyns and there is in the coūtre many barons and other seruauntes that ar crysten and conuerted to the good feyth thorowe prechynge of goode crysten men that dwell there but there are many that woll nat that men wete that they ar cristen And he is a ful greate lorde for he may despende what he woll and he hath in his chaumber a pyller of golde in the which is a Ruby and a carbuncle of a fote longe the whyche lyghtethe all the chamber vpon nyght and he hath other many precyous stones and rubeis but this is the most Thys Emperoure dwelleth in the somer towardys the Northe in a cyte that men call Sarduz and there is colde ynough and in wynter he dwelleth in a cyte that men call Camalach there is right hote londe and there dwelle he for the most party And whan this greate chane shall ryde from one countre to another they ordeyne foure ostes of folke of whych the first goth before a dayes iourney for that ost lyeth at euyn where the Emperoure shall lye on the morowe and there is plente of vetayles And another ost cometh at the right syde of hym and another at the lyft syde and in eche ost is many folke and than cometh the forth ost behynde hym a bowe draught and there is mo● men than in any of the other And ye shall vnderstonde that the emperoure rideth on no horse but if he woll wende to any place with pryue meyne but he ●ydeth in a charette with foure wheles and therupon is a chamber made of a tre that

be it gode or yll And at greate festes aboue themꝑuors table all other tables In the hall is a vyne made of fyne golde that goth all aboute the hall it hath many braunches of grapes like to grapes of the vyne some are whyte som ar yelowe som red som blacke all the red ar of rubyes of cremas or alabaūce the whyte ar of cry stall or byrall the yelowe ar of Topaces the grene ar of Emeraudes crysolitis ● the blake ar of quyches gerandes this vyne is made thus of precious stones so ꝓpyrly that it semethe as it were a vyne growynge and before the borde of the emperoure standeth greate lordes no man is so hardy to speke to him but if it be myn●●trellis for to solace the emꝑoure all the vessell that is serued in his hall or chambers ar of precious stones and ●●mely at tables where greate Lordes et● that is to say of Iasper crystall ama●yst or fyne golde the cuppes are of Emeraudes Saphyres topaces pydos other many maner of stones of syluer haue they no vessell for they preyse syluer but lytell to make vessell of but they make of syluer greces pylleris pauementes of halles of chaumbers And ye shall vnderstonde that my felawe I was in fauoure with hym xvi monethes ageyne the kynge of Mancy of whome he made warre the cause was for we had so gret desire to se the nobley of his court if it were such as we herde speke of forsoth we fonde it more rych more solempne than euer we herd speke of we shuld neuer haue trowed it had we nat sene it but ye shal vnderstond that mete drinke is more honest amonge vs than in those countres for all the comons ete nat but flessh of all maner bestes whan they haue al ete they wype ther hādes on ther skirtis they ete but ones on the day ye shall wete why he is called the gret chan ye wo te wel that al the world was destroyd with noes flode but noe his wif his childre Noe had in sōnes sem cam iaphet sawe his faders balockes naked whan he slept and scorned it and therfore was he cursed and Iapheth couered it ageyne These thre bretherne had all the londe C ham toke the best party es●wa●d that is called as●y Sem toke affryke and Iapheth toke Europe C ham was the myghtyest and rychest of his brethern and of hym ar comethe paen folke and dyuers maner of men of the yles some hedles and other men disfigured for this Cham the emperoure there calleth hym Cham and lorde of all but ye shall vnderstonde that the emperoure of Chatay is called Chane and nat cham and for this skyll it is nat yet viii yere gone that all Tartary was in subieccyon and thrall to other nacions aboute and they were made herdmen to kepe bestes and amonge theym was seuen lynages or kyndes the first was called Tartary that is the bes● The secounde lynage is called Tanghot The thyrd Eurace the forth Valayre the fyft Semeth the vi Menchi the seuenth Sobeth These ar all holding of the greate chane of chatay Nowe it befel so that in the first lynage was an olde man and he was nat ryche and men called hym Changuys This man lay and slept on a nyght in a bed and there cam to hym a knyght al whyte syttinge vpon a whyte horse and sayde to hym Chan slepes● thou god that is almyghty sent me to the and it is hys will that thou say to the vii lynages that thou shalt be ther emꝑoure for ye shal conquere all the londes that ar aboute you they shal be in your subieccōn as ye haue be ī theirs whan morowe cam he rose vp sayde to the vii lynages they scorned hym sayd he was a fole the nyght after the same knyght cam to same lynage bad theym of goddes behalfe to make Changuys their emꝑoure they shulde be oute of all subiection and on the morowe they chase changuys to emꝑoure dyd hym all worship that they myght do and called hym Chane as the whyte knyght called hym and they sayde they wolde doo as he bad theym ● and he made than many statutes and lawes the which he called Isakan and the firste statute was that they shuld be obedient to god all myghty trowe that he shulde delyuer theym oute of thraldom that they shulde calle on hym in all their myster Another statute was that all men that myght bere armes shulde be noumbred to eche x. shulde be a mayster and a C. a mayster and to a thousand a mayster and than he cōmaunded to all the grettest and pryncypallis of the seuen lynages that they shulde forsake all that they had in herytage or lordshype and that they shulde holde theym payde of that he wold gyue theym of his grace and they dydde so And also he bad theym that eche man shulde brynge his eldest son before hym and sle his owne son with hys owne handes smyte of their hedes and as sone they dyd his byddynge And whan he sawe they made no lettynge of that he bad they●● do than bad he theym folowe his baner and than he put in subieccion all the londes aboute hym And it befell on a day that the chane rode wtyh a fewe men to see the londe that he had wonne and he mette with a greate multytude of his ennemyes and there was he cast down of his hors and his hors slayne and whan his men sawe hym at the erthe they trowed he had be ded and fled and the ennemyes folowed after and whan he sawe the ennemyes were ferre he hyd hym in a busshe for the wode was thycke there and whan they were come ageyne froo the chasse they went to seke amonge the wode if any were hyd there ● and they fonde many and as they cam to the place there he was they sawe a byrde sitte vpon a tre the whiche byrde men call an oule and than sayde they that the re was no man for that byrd sate there and so went they away and thus was the chane saued fro deth and so he went awey on a nyght to his owne men which were fayne of hym And fro that tyme hyderwardes men of that countre haue do greate worshyp to that byrde and therfore before all byrdes of the Worlde they worshyp that maner of bud and than he assembled all his men and rode vpon his ennemyes and destroyed theym and whan he had Wonne all the londes that were aboute hym he held theym in subieccion And whan the chane had Wonne al the londes to mount Belyan the whyte knyght came to hym in a vision ageyne and sayde vnto hym Chane the wyll of god is that thou passe the mount Belyan thou shal● wynne many londes and for that thou shalt fynde no passage go