of accorde the hym alyed to the barons came with that company sur Roger Dammory syr Hugh dandale that had spousyd the kynges neces syster syr Gylbert of clare erle of Gloucetre that was slayne in Scotlonde as before is sayd And tho two lordes had tho two partyes of the erldom of Gloucerte sur Hugh Spenser had thyrde party in his wyues half the thyrde syster and tho two lordes wente to the barons wyth all theyr power ayenst syr Hugh theyr brother in lawe And so there came wyth them syr Robert Clyfforde syr Iohan MoÌ„bray syr Goselyn Dauyll syr Roger Mortymer of werk syr Roger Mortymer of wykmore his neuewe syr Henry Trays syre IohaÌ„ Gyffarde syr Barthylmewe of Bardesmore with all theyr coÌ„pany and many other that to them were consent all the grete lordes came vnto westmestre to the kynges parlemente And so they spake dyde that bothe syr Hughe SpeÌ„ser the fader also the sone were out lauwed of englonde for euermore And soo syre Hugh the fader wente vnto Douer and made moche sorowe fell downe vpon the grounde by the see banke a crosse wyth his armes and sore wepynge sayd Now fayr Englonde and good Englonde to almyghty god I the betake And thryes kyssed the grounde and wenyd neuer to haue come ayen· And wepynge cursyd the tyme that euer he begate syr Hugh his sone sayd for hym he had lost all Englond And tho in presence of theÌ„ all that were aboute hym yaue hym his cursee went ouer see to his londes But Hugh the sone wolde not go out of Englonde but helde hym in the see and his company robbyd .ii. dromedores besyde Sandwyth and toke and bare a waye alle the godoes that was in them to the value of .lx. M.li. ¶ How the Kynge exyled erle Thomas of Lancastre and alle that helde with hym and how the Mortymer came and yelded hym to the kynge of all the lordes IT was not longe after that the kynge made syr Hugh Spenser the fader syr Hugh the sone come ayen in to Englond ayenste the lordes wyll of the reame And soone after the kynge with a stroÌ„ge power came and beseged the castel of Ledys and in the castel was the laby of Bladelesmore for cause that she wold not graunt that castell to the quene Isabel kinge Edwardes wyfe but the pryncypall cause was for syr Berthylmewe was ayenst the kynge and helde with the lordes of EngloÌ„de neuertheles the kynge by helpe socoure of men of London also of helpe of Southeren men gate the castel maugre of them all that were with in and toke with them al that they myght fynde And whan the barons of Englonde herde these tidynges syr Roger Mortymer many other lordes toke the towne of Brugge wroth wyth strenth wherfore the kyng was wonder wrothe and lete outlawe Thomas of Lancastre and Vmfroy de Bohoune erle of Herforde and alle tho that were assentynge to the same quarel And the kyng asseÌ„bled an huge host and came ayenst the lordes of Englond wherfore the Mortymers put them in the kynges grace And anone they were sente to the toure of London and there kept in pryson And whaÌ„ the barons herd thys thyng they came to poutfert there that the erle Thomas soiourned and tolde hym how that Mortymers both had yelde them to the kynge put them in hys grace ¶ Of the syege of Tykhyll SO whan Thomas Erle of Lancastre herde thys he was wonder wrothe all that were of there company greatly they were dyscomfyted ordeyned there power togyder and besyeged the castell of Tykhyll But tho that were wyth in manly defended them that the barnos myght not gete the castel and whan the kyng herde that his castell was beseged he swore by god by his names that the lege sholde be remeued assembled an huge power of people wente theder ward to rescowe the castell his power encresyd fro daye to daye whan the erle of Lancastre the erle of Herforde the barons of there coÌ„pany herde of thys thynge they assembled all theyr power wente them to Burton vpon trent kept the brydge that the kyng shold not passe ouer â–ª but it befell so on the tenthe daye of Marche in the yere of grace M.CCC.xxi the kyng the Spensers syr Aymer Valaunce erle of Penbroke Iohan erle of Araundell theyr power wente ouer the water dyscomfyted therle Thomas and his company· And they fled to the castell of Tetbury from thens they went to Pountfret And in that â—yage deyed syr Roger Daumore in thabbay of Thebury And in that same tyme the erle thomas had a traytour wyth hyme that was callyd Robert Holonde knyght that the erle had brought vp of nought had nourysshed hym iÌ„ hys butrye had yeue hym a thousaÌ„de marke of londe by yere And so moche the erle louyd hym that he myght do in the erles court all that hym lyked bothe amonge them hyghe lowe and so craftly the theyf bare hym ayenste his lorde that he trustyd more vpon hym than ony man on lyue and the erle had ordeyned by his letters for to goo in to the erledome of Lancastre to make men aryse to kepe hym in that vyage That is to saye .v. huÌ„dred men of armys But the fals traytour came not there no manere men for to warne ne for to make arayse to helpe his lord And whan that the fals traytour herde tell that hys lord was dycomfyted at Burton vpon Trent as a fals traytour theyf stele a way robbyd in RaueÌ„sdele his lordes men that came fro the scomfyture And toke of them hors harneys and al that they had slewe of them all that they myghte take came yeldyd hym to the kynge ¶ whan the good erle Thomas wyste that he was so bytrayed He was so abasshed sayde to hymself O almyghty good how myght Robert Holonde fynde in hys herteme to betray sythe that I louyd hym so moche O god well maye nowe a man se by hym that no man maye dysceyue a nother rathar than he that he trustyth moost vpon He hath full euyll yelded me my goodnes the worshyp that I haue to hym done and thrugh my kyndnesse haue hym auauÌ„cyd made hym hyghe where that he was lowe And he makyth me go from hyghe vnto lowe but yet shall he deye an euyll dethe ¶ Of the scomfyture of Brurbrygge THe good Erle Thomas of Lancaste Humfroy de Bohoune ele of Herford and the barons that with theym were toke counsell bytwene them at the frre prechers in PouÌ„tfret tho thought Thomas vpon the traytour Roberte Holonde And sayde in repreyf Alas Robert Holonde hath me betrayed and is the red of some euyll shred And by the comyn assent they sholde goo to the castell of Dunstanbrughe the whiche perteyned to therldome of Lancastre that they sholde abyde
batayll was Roger Clyfforde take syr IohnÌ„ Mombray syr wyllyam Tuchyâ— Syr wyllyam fitz wyllyam and many other worthy knyghtes there take at that batayll Syr Hugh Dandell nette daye after was taken and put in to pryson and sholde haue be doon to dethe yf he hadde not spousyd the kynges nece that was Erle Gylbertes syster of Gloucestre â— and anon after was syr Berthylmewe of Badelesmore taken at Stow parke a maneyr of the bysshop of Lyncoln that was his neuewe many other barons and baronetters wherfore was made moche sorowe ¶ How Thomas of Lancastre was heedyd at Pountfret and .v. barons hangyd and drawen there ANd now I shall tell you of the noble erle Thomas of Lancastre wha he was take brought to yorke many of the cyte were full glade and vpon hym cryed with an hyght voys O syr traytour ye be welcome blessyd be god for now ye shall haue the rewarde that longe ye haue deserued And caste vppon hym many snowe balles many other repreues they dyd hym But the gentyll erle all suffred sayd nother o worde nor other ¶ And at the same tyme the kyng herde of thys scoÌ„fyture was ful glad Ioyous in grete hast came to PouÌ„tfret And syr Hugh Spenser and syr Hugh his sone syr IohnÌ„ erle of Arundell and syr Edmonde of wodestoke the kynges brother erle of Kent syr Aymer of valaunce erle of Penbroke and mayster Robert Baldoke a fals pyllyd clerke that was pryue and dwelled in the kynges court all came theder wyth the kynge And the kyng entryd in to the castel and Syr Andrewe of Herkela a fals tyraunte thrugh the kynges coÌ„maundement toke wyth hym the gentyll Erle Thomas to Pountfret and there he was prysoned in his owne castell that he had newe made that stode ayenste the abbaye of kynge Edwarde ¶ And syr Hugh Spenser the fader the sone cast and thought how in what maner the good erle Thomas of Lancastre sholde be deed wythoute Iugement of hys perys wherfore it was ordeyned thrugh the kynges Iusticus that the kyng sholde put vpon hym poyntes of treason And so it befell that he was ledde to barre before the kynges Iustices bare heed as a theyf in a fayre halle in his owne castell that he had made ther in many a fayre feste both to ryche to poore ¶ And these where is Iustices syr Hugh SpeÌ„ser the fader Aymer of Balaunce erle of PeÌ„broke syr Edmonde of wodstok erle of Kent syr Iohan of Brytayne erle of Rychemonde syr Robert Malemethrop Iustyce and syre Roberte hym a couplyd in this manere ¶ Thomas court excludeth you of all maner answer Thomas our lorde the kynge puttyth vppon you â–ª that ye haue in hys londe ryden wyth baner dysplayed ayenst his peas as a traytour ¶ And with the worde the gentyll erle Thomas with an hygh voyce sayd Nay lordes forsoth and by saynt Thomas I was neuer traytoure ¶ The Iustyce sayd ayen tho Thomas oure lorde the kyng putteth vpon you that ye haue robbyd his folke and murdred his people as a theyf Thomas also the kynge puttythe vpon you that he dyscoÌ„fyted you our people wyth his folke in his owne reame wherfore ye weÌ„te fledde to the woode as an outlaw â–ª and thomas as a traytoure ye shall be hangyd by reasoÌ„ but the kynge hathe foryeuen you that Iugement for loue of quene Isabell And Thomas reson wolde that ye sholde be hangyd but the kynge hath foryue you that IugemeÌ„t for by cause loue of your lygnage But for asmoche Thomas as ye were taken fleenge and as an outlawe the kynge woll that your heed shalle be smyten of Anone haue hym oute of prees and brynge hym to his Iugement ¶ Whan the geÌ„tyll knyght Thomas had herde all these wordes wyth an hygh voyce he cryed sore wepynge and sayd alas saynt Thomas fayr fader Alas shall I be deed thus Graunt me now blessydful â–ª god answere But all auayled hym no thynge For the cursyd Gascoyns put hym hyther thyder on hym cryed wyth an hyghe voys O kynge Arthur moost terryble dredefull well knowen shewed now is thyn open traytour And an euyll deth shalt thou ryght anone deye Haste thou not ryght well deserued it ¶ And thenne thyse cruell folke sette vpon the gode knyhht Thomas for very scorne an olde chaplet that was alle to rente that was not worth an halfe peny And after that they sette hym vpon a whyte palfroy full vnsemely also all bare wyth an olde brydell And wyth an horryble noyse they draue hym out of the castell to warde hys deth and they cast vpon hym many balles of snowe in dyspyte And as the traytours lad hym out of the castell tho sayde he these pyteous wordes And his hondes helde vp on hygh to warde heuen Now the kyng of heuen yeue us mercy for the erthly kyng hathe vs forsaken and a frere precher wente with hym out of the castell tyll he came to the place that he endeth his lyfe vnto whome he shroue hym all hys lyfe And the gentyll erle helde the frere wonder fast by the clothes sayd to hym Fayr fader abyde with vs tyll that I be deed for my flesshe quakyth for drede of dethe ¶ And the sothe for to say The gentyll erle sette hym vpon hys knees and torned hym to warde the eest but a rybaude that was called Hygone of mosâ—â—on sette honde vpon the gentyll Erle and sayd in dyspyte of hym Syr traytour torne the towarde the Scottes thy fowle deth to receyue torned to warde the Nosth The noble erle Thomas answered tho wyth a mylde voys and sayd now fayr lordes I shall do your wyll And with that worde the frere went from hym sore wepynge And anone a rybaude wente to hym smote of hys heed the .xi. Kalendas of Auerell In the yere of grace M.CCC .xxi. ¶ Alas that euer suche a gentyll blood sholde be don to deth withouten cause reason And traytoursly the kynge was counseylled whan he thrugh the fals counseyll of the Spenser suffred syr Thomas his vncles sone to be put to suche a deth so he beheeded ayenst all maner of reasoÌ„ And grete pyte it was also that suche a noble kynge sholde be dysceyued and mysgouerned thrugh counsell of the fals Spensers the whyche tho he mayntened thrughe loselry ayenst his honour also his proffyte For after warde there fell grete vengaunce in Englonde for by cause of the forsayd· Thomas dethe whan the gentyll erle of his lyf was passyd the pryour the monkys of Pounfret gate the body of syr Thomas of the kynge buryed it before the hyghe awter on the ryght syde ¶ That same daye that thys gentyll knyght was dede were hangyd and drawen for the same quarel at PouÌ„tfret syr Wyllyam Tuchet Syr Wyllyam Fitz Wyllyam syr werreyn of Isell Syr Henry Bradborn syr
grauntyd theym theyr prayer toke the hostages on saynt Margaretê eue in the yere of grace M·CCC xxxiii the Scottes came fyersly well arayed in foure wynges for to mete kynge Edwarde of Englonde and Edwarde the kynge of Scotlonde with theyr power and came faste and sharply ayenst euensonge tyme And the same tyme was flood atte Berwyk in the water of Twede that no man myghte goo ouer on hys hors nor on fote â— and the water was bytwene tho two kynges and the reame of Englonde And that tyme abode the Scottes in that other syde for cause that the englyssgmen sholde haue be drowned ¶ Thys was the arraye of the Scottes how that they came in batayll ayenst the two kynges of Englonde and of Scotlonde In the vaunt warde of Scotlonde where thyse lordes THerle of Moryf Iamys Frysell Symond Frysell Walter stewarde Reynolde Cheyn Patryke of Greham Iohan le graunt Iamys of Cordoyl Patryk Parkeys Roberte Caldecottes Phylyp of Melledrum ThomÌ„s Gylbert Rauf wyseman Adam gurdon Iamys Gramat Roberte Boyd Huhhe Park with .xl knyghtê newe dubbyd .vi. C. men of armes .iii. M. of comyns In the fyrste parte of thalfe batayll were thyse lordes the Stewarde of Scotlonde the erle of Mory Iamys his vncle wyllyaÌ„ douglas dauyd of Lyndesey Marcolyn Flemynge Wyllyam of keth DnÌ„sen Cankok with .xxx. bachelers new dubbyd ¶ In the seconde parte of the batayll were thyse lordes Iamys Stewarde of Corden Alein Stewarde wyllyam Abbrehin wyllyaÌ„ Morys Iamys Fytz wyllyam Adam lemost walter Fytz. Gylbert IohnÌ„ of Cerleton Robert wallam with .vii. C. men of armys and .xvii. M. comyns ¶ In the thyrd parte of the batayll of Scotlonde were thyse lordes The erle of Moref the erle of Ruf therle of Strahern the erle of Soth erlonde william of Kyrkkelay IohnÌ„ CaÌ„bron Gylbert of Hey wyllyam ramsey wylliam PreÌ„degest Kyrston Harde wyllyam Gurde Arnold Garde Thomas Dolphyn wyth .xl. knyghtes newe dubbyd .ix. C. men of armys .xv. M. of comyns ¶ In the fourth warde of the batayll of Scotlonde were thyse lordes Archbalde Douglas the erle of Lencuax Alysander le Brus. the erle of Fyff IohnÌ„ Canbell erle of Atheles Roberte Lawether wyllyam of Vypouynt wyllyam of Lonston Iohnn de Labels Groos de Sherenlawe Iohan de Lyndesey Alysander de Gray Ingram de Vmfreuille Patryk de Polesworthe Dauyd de wymes Mychell Scot. wyllyam Landy Thomas de Boys Roger Mortymer with xx bachelers new dubbyd .ix. C. men of armys .xviii. M. .iiii. C. of comyns The erle of Dunbar keper of the castelle of Berewyk halpe the Scottes with .l. men of armys And syr Alysander of Ceton keper of the for sayd towne of Berwyk with an C. men ef armys And also the comyns of the towne wyth ·iiii C. men of armys with .viii. C. of fote men ¶ The somme of therles lordes aboue sayd amounteth .lxvi. ¶ The some of bachelers newe dubbyd amouÌ„teth to an C.lx. ¶ The soÌ„me of men of armys amounteth .iii. M.C. ¶ The suÌ„me of the comnyns amounteth .liii. M. and .iii. C. ¶ The soÌ„me totalle of the people abouesayd amounteth .lxv. M.vii C.xlv And thyse .lx. .vi. gretate lordes ladde all the other greeste lordes abouesayde Infonre bataylles as it is tolde beforen allon fote and kynge Edwarde of Englonde and Edwarde Bayllol kyng of Scotlonde hadde well apparelled theyr folke in foure bataylles for to fyghte on fote ayenst the Scottes theyr enmyes ¶ And the Englys the mynstrels blewe theyr trumpetes and the. yr claryons and hydously ascryed the Scottes And tho had euery Englysshe batayll two wynges of pryce archers The whiche at that batayll shot arowes so faste and soo sore that the Scottes myghte not helpe themsefle And they smote the Scottes thousandes vnto the grounde And they began for to flee fro the englysshmen for to saue theyr lyues And whan the Scottes knaues saw the scomfyture and the Scottes fall fast to the grounde they preckyd faste theyr maysters horse with the sporis for to kept theym from peryl sete theyr maysters at on force And whan thenglyssmen saw that they lept on theyr horses faste pursued the Scottes all that abode they slewe downe ryght ¶ There men myght see the doughtinesse of the noble kynge Edward of hys men how manly they pursewed the Scottes that flowe for drede And there men myght see many a Scottysshman caste downe vnto the grouÌ„de the baners dysplayde hackyd in to peces many a gode haberyoyne of stele in the blode bathe And many a tyme the Scottes were gadred in to coÌ„panyes but euer more they were discomfyted ¶ And so it befell as god almyghty wolde that the Scottes had that day nomore fayson ne myghte ayenst the Englysshemen than .xx. shepe among .v. wulues And so were the Scottes dyscomfyted yet the scottees was well .v. men ayenst one englysshmen And the batayll was done on Halydoune hyll besyde the towne of Berwyk At the whiche batayll were slayne of the Scottes xxxv· thousande .vii. houndred and .xii. And of the Englysshemen but only .xiii. And this victory befel to the Englysshmen on saynt Margyretes euen the holy virgyn martyr in the yere of our lorde Ihesu cryste M.CCC.xxxii ¶ And whyle thys doynge lastyd the Englysshe pages toke the pylfre of the Scottes that were slayne euery man that he myght take wythout ony chalengynge of ony man And so after thys gracyous victory the kynge torned hym agayne vnto the same syege of Berewyk ¶ And whan they be syeged sawe and herde how kynge Edwarde had spede they yelded to hym the towne wyth the castell on the morowe after saynt Margaretes daye ¶ And thenne the kynge dyde ordeyne syr Edwarde Baylloll with other noble and worshypfull men to be kepers and gouernours of all Scotlonde in hys absence And hymselfe torned ayeÌ„ and came into EnloÌ„de after this vyctorye with moche Ioye and also worshyp and in the nexte yere folowynge after that is for to say in the yere of the Incarnacyon of oure lorde Ihesu eryste M.CCC.xxxiii And of kynge Edwarde vii· he wente ayen in to Scotlonde in wynter tyme Atte the whiche vyage the castell of kylbrygge in Scotlonde for hym and for his men that were with hym he recouered and had ayenst the Scottes All at his owne luste ¶ And in that same yere syr Edwarde Bayloll kyng of Scotlonde helde his parlement in Scotlonde with many noble lordes of Englonde that were at that same parlemente bycause of theyr londes and also lordshyps that they had in the reame of Scotlonde And helde all of the same Baylloll And in the .viii. yere of hys regne abowte the feest of saynt Iohan Baptist syr Edward Bayllol they vere and true kynge of Scotlonde as by heretage right lyne made his homage and feaute vnto kynge Edwarde of Englonde for the reame of Scotlonde att new castell vppon Tyne In the presente of many a worthy man and also of comyns bothe of the reame of
awter for a peas an vnyte to be had amonge them thrugh the merytees of our blessyn lady ¶ Bonefacias the ·ix was pope after Vrbane .xv yere ¶ This Boneface was chosen at Rome in the stede of Vrbane the stryfe contynued For Benedictys was chosen in Auynyon in the place of clement and was callâ—d Petrus de luna he dured to the counseyll of Constantinus thenne he wolde not obaye but euer abode obstynate And at the laste he decessed in the Kyngdom of Aragon And he commaunded his Cardynals to these an other pope the whyche they dyde anone And they sete vpon an ydoll and named hym Clement but they profyted not ¶ Circa annuÌ„ dmÌ„ M.CCC.lxxx ¶ And after kynge Edwarde the thyrde that was borne in wyndesore regned Rycharde of Burdeux that was prynce Edwardes sone of wales the whiche prynce Edwarde was kynge Edwards sone ANd after the gode kynge Edward the thyrde that was borne at wyndesore regned Rycharde the seconde that was the good syr Edwardes sone prynce of wales the whyche kynge Rycharde was borne in the cyâ—ee of Burdeux in Gascoine was crowned at westmynster in the .xi. yere of hys aege And in the secoÌ„de yere of his regne for the debate that was bytwene the lorde Latymer and syr Rauf Feryers knyght that was ayenst Hawell Sâ—akell squyre for the prysoner that was take in Spayne by these two squyres and the whiche prysoner the lorde Latymer and syr Rouf Feryers wolde haue had the whyche prysoner was the Erle of Dene that they tooke in the batayll of Spayne wherfore these two lordes come into the chyrche att westmynster and they founde thys one squyre to herynge his masse besyde saynt Edwardes shryne there they sawe hym that whiche was called Hawell ¶ And Shakell was arested put into the Toure of London And there he was longe tyme for he wolde not delyuer the erle of Dene his prysoner vnto these two lordes by syr Aleyn Burhyll constable of the Towre and by Syr Raufe Feryes one of hys aduersaryes tyll the kynge had graunted hym grace ¶ In the thyrde yere of kynge Rycharde came the Galays of â–ª fraunce into Englonde vnto dyuerse portes and brent and robbed and slewe moche people of Englonde that ys to saye at wynchelsee Rye Hastinge Portysmouth and Hampâ—on \ Stormore and Grauesende and they dyd moche harme and wente home ayen And in this same yere was a parlement holden at westmynster And atte that same parlement was ordened that euery man woman and chylde that were at the aege of .xiiii. yere and aboue thrugh out all the reame pore folke and other sholde paye to the taâ—age foure pens wherfore came and befel after warde greate myscheyf moche dysease to all the comynalte of the reame ¶ And in the .iiii. yere of kynge Rychardes regne the comynes arose vp in dyuerse partyes of the reame and dyden moche harme the whiche tyme they called the hurynge tyme. ¶ And they of Kent of Estsex made them two cheyftayns for to rule and for gouerne the company of Kente and of Estsex That one was called Iacke strawe and that other watte Tyler and they come assembled theym vppon blacke hethe in Kente And on Corpus chirsti daye after they came downe South werke and taken vp the pryson hous that is to saye the kynges bynche the Marchelsee and delyuerde oute all the prysoners And soo the same daye they came in to London and there they robbed the people and slewe all the alyens that they myghte fynde in the cyte and aboute the cyte and dyspoyled all there gode and made auowe And on the fryedaye next folowinge after that was on the morowe and than they came to the toure of London and the kynge beynge ther in they fette out of the Toure the Archebysshop of Caunterbury syr Symonde Sudbery and syr Robet halys hospyteler pryoure and mayster of Saynâ— Iohans hous and a whyte frere that was coÌ„fessoure vnto kyng Rycharde brought them vnto the Towre hylle and there they smote of theyr heedes and came agayne in to London and slewe in othe people of the Cytye ¶ And thenne they wente vnto the. Dukes place of Lancastre beyonde saynt Mary of the stronde that was called the Sauoy and there they deuoured and destoyed all the goodes that they therin myght fynde and bare them away and than they brente vp the place And than after warde they weÌ„te to saynt IohnÌ„ without smyth felde destroyed the godes there brente vp the hous to the harde grounde and wente to westmynster and saynt Martyns the grauÌ„te made them go out of sent wary all that were with in for ony maner of gylthe And that come vnto the Temple to al other Innes of men of law and dyspoyle theym robbe theym of theyr godes also tooke theyr bokes of lawe thenne they came to London and brake vp the pryson of Newgate drofe out all the prysoners felons and other of bothe countrees and all the people that were wyth in theym and destroyed all the bokes of the counters And thus they contynued both saterdaye sonday vnto the mondaye next after in all their malyce and wyckydnes ¶ And than on mondaye kynge Rycharde with his lorde that were wyth hym that tyme with the mayer of London wyllyam walworth that was that tyme come wythe the aldermen and the comunes of the cyte they come in to South werke to here and to know the entoncyon of these rebelles mysgouered pefple And this Iacke strawe made a crye in the elde that all tke people of accorde sholde come nerer and here his claymours his crye hys wyll And the lordes and the mayer and the aldermen mith the comynaltee hauynge indygnacoÌ„n of his rouetyse falsnes his foule presumpcoÌ„n Anone wyllyam walworth that tyme beynge mayer drewe out his knyfe slewe Iacke straw anone ryght smote of his hede sete it vppon a spere so it was borne thrugh London and sette vpoÌ„ London brydge Anone these rysers mysgouerned peple were vanysshed as it had not be they thenne the kyng of his greate goodnesse by prayer of hys lordes made there .vi. knyghtes of good worthy meÌ„ of the cyte of London that is to say wyllyam walworthe art the tyme mayer slewe Iacke strawe and the seconde was Nycholas brembre and the thyrde Iohan Phylipot the fourth Nycholas twyforde and the fyfte Robert laundes the syxte Robert gayton And than the kynge wyth hys lordes and knyghtes retorned ayen to the tour of London and there he rested hym tyll hys people were better cessed and sette in reste and peas And than by processe of tyme as they myght take and gete these rebelles and rysers they honge theym vppon the nexte galothrugh out euery lordshyp in the reame of EngloÌ„d by .xl. by .xxx. by .x. and by .xii. euer as they myght
stuff that longed to warre to be redy wyth all theyr retenue to mete atte Southampton by Lammasse next folowyng without ony delaye wherfore the kyng ordeyned his nauye of shyppes was with all manre stuffe vytayll the longed to suche a warryoure of all maner of ordynauÌ„ce in the haueÌ„ of Southampton in to the nombere of CCC and .xx. saylles And than felle there a greate dysease a foule myschef for there were .iii. lordes whyche that the kynge trusted moche on thrugh fals couetyse they had purposed ymagyned the kynges deth thought to haue slayne hym and all his bretherne or he had taken the see the whiche thre lordes were named thus syre Rycharde erle of Chambrydge broder to the duke of yorke the seconde was she lorde Scrop tresourer of Englonde the thyrde was syr Thomas Gray knyght of the North countre And these thre lordes afore sayd for lucre of money hadde made a promesse vnto the Frensshmen for to haue slayne kynge Henry the fyfte alle his brethern by a fals trayne sodaynly or they had be ware But god almyghty helde hys holy honde ouer them and saued them from these peryllous menye And for to haue done thys they receyued of the Frensshemen a Myllyon of golde and that was there openly knowen and for theyr fals treason they were al thre Iuged vnto the deth and this was the IugemeÌ„t that they sholde be laadde thrughe Hampton withoute Northgate there to be heded thus they ended theyr lyues for thyr false couetyse and treason And anone as this was done the kynge and all his men ye made them redy and wente to shyppes and saylled forthe wyth fyften hondred shyppes and aryued with in Seyn at Kydecause vpon our ladyes euen the Assumpcyon in NormaÌ„dy wyth all hys ordynauÌ„ce And so went him forth to Harflet he besyeged the towne alle aboute by londe and eke by water sent to the Capytayne of the towne charged hym to delyuer towne And Capytayne sayd that he wolde delyuer hym none he wolde hym yelde but bad hym do his best And than our kynge layd hys ordynaunce vnto the twone that is to saye Gonnes Engynnes trypgettes shotten and caste att the walles eke vnto the towne caste downe both towres towne and layd theym vnto the erthe there he played att the tenes wyth hys harde gon stones ¶ And they that were within the towne whan they shold playe theyr songes was well awaye and Alas that euer suche tenes balles were made and cursyd all tho that warre began and the tyme that euer they were borne ¶ And on the morne the kyng dyd crye att euery gate of the towne that euery man sholde be redy on the morne erly to make assaute vnto the towe and wyllyam Boucher Iohan Graunte wyth .xii. other burgeys worthy men came to the kynge besought hym of hys ryall pryncehode power to wythdrawe his malyce and destruccyon that he dyd to them and besought hym of .viii. dayes of respyce trewes yf ony rescowe myghte come to theym els to yelde vp the towne vnto hym wyth all theyr goodes And than the kyng sent forthe the Capytayne and kept the remenaunt styll with hym the lorde Gaucort that was Capytayn of the towne went forth to Royn in al the hast vnto the Dolphyn for helpe socour but there was none ne no man of rescowe for the Dolphyn wold not abyde And thus this Capytayne come ayen vnto the kynge yelded vp the towne and delyuered hym the keys and bad hym go and put out all the Frensshmen both men women and chyldren and stuff hys towne of Harâ—et wyth Englysshe people And than the kynge sente in to Englonde and dyde crye in euery good towne of Englonde that what crafty man wolde come thydes enhabyte hym there in that towne he sholde haue house and housholde to hym and to his heyres for euer more ¶ And soo tho weÌ„te many dyuerse marchauntes and crafty men and enhabyte theym there to strength the towne and were welcome ¶ And whan the kynge sawe that thys towne was well stuffed both of vytayls and of meÌ„ this worthy prince toke his leue went to Calays warde by londe and the FrensshmeÌ„ herd of his comyng they thought for to haue stopped hym his way that he shold not passe that waye and in all the hast that they myght braken alle the brydges where that as ony passage was for hors and man in so moche that there myght no man passe ouer the Ryuer nother on horse ne on foot but yf he shold haue be drowned And therfore our kynge with all his people wente and sought thys waye ferre vp to Parys warde and ther was all the ryall power of Fraunce assembled and redy to gyue hym batayll for to dystroye alle his people But almyghte god was hys guyde and saued hym al his menye defended hym of hys enmyes power and purpose thanked be god that saued so hys owne knyght kynge in his ryghtfull tytle ¶ And than our kynge be holdynge and seyenge the grete multytude and nombre of his enmyes to wythstande his way and gyue hym batayll than the kynge wyth a meke herte a good spyryte lyft vp his hondes to almyghty god be souhht hym of hys helpe and socoure and that daye to saue his trewe seruauntes And than oure kynge gadred all his lordes other peple about bad them all to be of gode there for they sholde haue a fayre daye and a gracyous vyctorye the better of all theyr enemyes and prayed theÌ„ alle to make them redy vnto the batayll For he wolde rather be deed that daye in the felde than to be taken of his enmyes for he wold neuer put the reame of Englonde to raumsome for his persone ¶ An the duke of yorke fell on hys knees and besought the kynge of aboue that he wolde grauÌ„te hym that daye the auauntwarde in hys batayll and the Kynge grauntyd hym hys askynge and sayd gramercy cosyn of yorke and praied hym to make hym redy And than he hadde euery man to ordeyne hym a stake of tree and sharpe both endes that the stake myght be pyght in the erthe a slope that theyr enemyes sholde not ouercome them on horsback for that was there fals purpose arayed theÌ„ for to ouer ride our enmye sodaynly att the fyrste comynge on of them at the fyrste brunte And all the nyght before the batayll the frensshmen made many grete fyers and moche reuyll with howtynge â— showtynge and playd our kynge hys lordes at the dyse And archer alwaye for a blanke of theyr money for they weÌ„de that all had beÌ„ theyrs the morne arose the daye ganne spynge And the kynge by good auyse lete araye hys batayll and his wynges and charged euery meÌ„ to kepe theÌ„ hoole togyder and prayed them alle to be of good there And whan they were
was put vp ayen And after he was put out and Gregorius was made pope ¶ And he was but a symple lettred man and therfore he chose an other man for to be consecrate with hym And whan many men were dyspleased wyth thys godynge of two popes the thyrde was brought in the whyche sholde occupye the place of bothe the tow And so they stroue amonge themself But Henry the Emperour came thenne to Rome deposyd them all and made Clement the seconde pope whom he made anone to crowne hym And he sayde to the Romayns they sholde neuer chese pope wythout his assente And soo fyue beynge popes sixte was put in And many men saye this Gregorius was an holy man ¶ Damasius the secoÌ„de was after Clemente .xx. dayes This man was an vsurper of the popeheed and so he deyed sodenly And anone the Romayns asked to haue a pope that the Almayns sholde haue none For they were so harde herted that they myhht not enclyne to the entence of the Emperour the whiche sayd There sholde be no pope chosen but yf he wolde be of counseyl of the eleccyon But for all that the put in this holy man Leo and after he had of that conscyence and refused And anone he was chosyn by the comyn assent this Leo put Cryste in the fourme of a Laser in his owne bedde and in the morowe he founde no thynge there ¶ Of saynt Edwarde the confessour that was Aluredes brother how he was kynge of Englonde ANd whan this was done al the barons of Englonde sente an other tyme in to Normandy for that Edwâ—rde sholde come in to Englond with moche honour And this Edwarde in hys chyldehode loued almyghty god hym dradde And in honeste and clennesse hadde his lyf and hated synne as dethe And whan he was crowned and anoynted wyth a ryall power forgate not his good maners and condycyons that he fyrste vsed And forgate not alle good customes for no maner of honour ne for ryches ne no manere hyghnes But euermore and more yaue hym to goodnesse and loued god and hooly chyrche passynge all other manere thynge ¶ And poore men also be loued and theym helde as they hadde ben hys owne brethern And to them ofte he yaue greate almesse with full good wyll ¶ Of the fyrste specyall loue that god she 〈…〉 to saynt Edwarde lyuynge IT befell on a daye as he went from the chyrche of westmestre And hadde herde masse of saynt Iohan the Euangelyst for as moche as he loued saynt IohnÌ„ euangelyst more specially after god and hour lady than he dyde ony other saynt And so there came to hym a pelgryme prayed hym for the loue of god and our lady and saynt Iohan the euangelyst some good hym for to yeue And the kynge pryuely toke his rynge of his fynder that no man perceyued it and yaue it to the pelgryme and he it receyued and wente thens ¶ This kynge Edwarde made all the good lawas of Englonde that yet ben moost vsed and holden And was so mercyable and so ful of pyte that noo man myght be more ¶ How the erle Godewyn came ayen in to Englonde had ayen all his londe and afterwarde saynt Edwarde weded his doughter AS the Erle Godewin that was dwellynge in Denmarke had moche herde of the godnesse of kyng Edwarde that he was so full of mercy of pyte He thought that he wolde go ayen in to Englonde for to seke to haue grace of the good kynge Edwarde that soo mercy full was that he myght haue ayen hys londe in peas And arayed hym as moche as he myght put hym to warde the see came in to Englonde to London there the kynge was that tyme and all the lordes of Englonde and helde a parlyament Godewin sente to hym that were his frendes and were the moost grettest lordes of the londe prayed them to beseche the kynges graet for hym that he wolde hys peas his londe graunte hym The lordes ledde hym before the kyng to seke his grade And anone as the kynge hym sawe he apeled hym of treason of the deth of Alured his brother and these wordes vnto hym sayde Traytour Godewin sayd the kynge I the appele that thou hast betrayed slayn my brother Alured Certes syr sayde Godewin sauynge your grace your peas and your lordshyp I hym neuer betrayed ne yet hym slewe· therfore I put me in rewarde of the courte Now fayr lordes sayd the kynge ye that ben my lyeges erles barons of the londe that here be assembled fulle welle ye herde my appele And the answere also of Godewin and therfore I woll that ye a warde and dooth ryght The erles Barones tho gadred them all togyder for to do this a warde by themself and so they spake dyuersely amuÌ„ge them For some sayd there was neuer alyaunce by homage seriment seruyce ne by lordshyp bytwene Godewin and Alured for whyche thynge they myght hym drawe And att the laste they deuysyd and demed That he sholde put hym in the kynges mercy all togyder Tho spake the erle Leuerik of Couentree a good maÌ„ to god and to all the worlde and tolde hys reason in this manere sayd The erle Godewin is the best fended man of Englonde after the Kynge well it myght not be agayne sayd the wythout counsell of Godwin Alured was neuer put to dethe wherfore I a warde as towchynge my parte that hymself hys sone euery of vs .xii. erles that ben hys frendes goo before the kynge charged with as moche golde syluer as we maye bere betwyxt our hondes praynge the kyng to forgyue his euyll wyll to the erle Godewin receyue hys homage his londe yelde ayen And they accorded vnto that a warde and came in thys maner as is abouesayd euery of them with holde and syluer as moche as they myght bere bytwene her hondes before the kynge there sayd the fourme the maner of they accorde of theyr a warde The kyng wolde not theym agayne saye But as moche as they ordeyned he graunted confermed And so was the erle Godewin accorded with the kynge so he had ayen all his londe And afterwarde he bare hym so well so wysely that the kynge loued hym wonder moche with hym he was fulle preuy And within a lytell tyme they loued so moche that there the kynge spowsed Godewyns doughter made her quene And neuerthelesse though the kyngge had a wyf yet he lyued euer in chastyce cleÌ„nesse of body without ony flesshely dede doynge with his wyf And the quene also in her halfe ladde an holy lyf two yere and deyed And afterwarde the kyng lyued all hys lyf without ony wyf ¶ The kynge yaue the erledome of Oxenforde to Harolde that was Godewyns sone and made hym erle And so well they were beloued bothe the fader and he and so pryue with the kyng both
Wyllyam Vessy Baron and of other baronettes aboute .xiii. of the best and wysest of Englonde ¶ And in the same tyme the kynge Edwarde toke his vyage to Scotlonde for to werre vpon IohnÌ„ Baylol kynge of Scotlonde ¶ And syr Robert Roos of Berwyk sledde fro the Englysshmen wente to the Scottes And kyng Edwarde wente hym towarde Berwyk and besegyd the towne And tho that were within manly them defended sette a fyre and brente two of Kynge Edwardes shyppes and sayde in dyspyte and repreyâ— of hym wenyth kynge Edwarde with his longe shankys to haue gete Berewyk all our vnthankes gas pykes hym and whan he was doon gas dykes hym whan kyng Edwarde thys scorne anone thorugh hys myghtenesse he passed ouer the dyches and assaylled the towne and came to the yates and gate and conquered the towne and thrughe hys gracyous power slewe .xxv. thousande and .vii. hondred scottes and Kynge Edwarde loste no man of renoune saufe syr Rycharde of Cornewayle and hym kylled a Flemynge out of the redde halle with a quarell as the forsayd Rycharde dyde of hys helme And comaunded theym for to yelde them and put them in the kynges grace And the Scottes wolde not wherfore that halle was brent and cast downe And all tho that were therin were brente and kynge Edwarde loste noo moo men at that vyage of symple estate but .xxvii. Englysshemen And the wardeyn of the castell yaue vp the keyes of the castell wythout ony assawte And there was taken syre Wyllyam Douglas Symonde Frysell and the erle patryk yelded them to the peas But Ingham of Humbresmylle Robert the Brus that were with kynge Edwarde forsoke kynge Edwarde and helde with the Scottes And afterward they were taken and put in to pryson And tho lete kynhe Edwarde close in Berwyk wyth walles with dyches and after Robert Rous went to Tyndale and sette wuyerbrydge a fyre and Exham and Lamerstok and slewe and robbyd the folke of the countree And after that he wente fro thens to Dunbarre And the fyrste wenesdaye of Marche the kynge sent the erle of Garenne syr Hugh Percy and syre Hugh Spenser wyth a fayre company for to besege the castell But one that was called syre Rycharde Sywarde a traytoure and a fals man ymagyned for to begyle the EnglysshmeÌ„ and sente to the Englysshmen theym for to deseeyue and sayd That he wolde yelde to theym the castell yf they wolde graunt them .viii. dayes of respyce that he myhht sende and telle to syr Iohan Bayloll that was kynge of Scotlonde how is men fared that were within the castell ¶ And hym worde but yf he wolde remeue the sege of the Englysse men that they wolde yelde that castell vnto the Englysshe men ¶ The messenger tho came to syr Iohan Baylol that tho was kynge of ScotloÌ„de where that he was wyth his hooste and the messenger tolde hym all the caas And syr Iohan toke his hoste and came on the morowe erly towarde the castell and syr Rycharde sywarde sawe hym come that was mayster of the counseyll and keper of the castell and sayd vnto the Englyssgmen O sayde he now I see a fayre company and well apparelled I wyll goo ayenste theym and wyth them to mete and theym assaylle And syr Hughe Spenser sawe the falsnesse of hym· and the treson· And sayd to hym O traytour take and proue your falsnesse shalle not auaylle you And Hughe Spenser commaunded anone to bynde hym And all in hast wente ayenst ther enmyes and slewe of Scottes .xxii. thousand For the Scottes had that tyme no man wyth them of honour saufe Patryke Graham that manly foughte and longe at the laste he was slayne And tho sayde the Englysshmen in repreyf of the Scottes Thyse scaterande Scottes holde I for sottes of wrenches vn ware Erly in a mornynge in an euyll tymynge wente ye fro DuÌ„bare ¶ As tho that ware within the castell sawe the scomfyture they yelded vp the castell vnto the Englysshmen And bounde theyr bodyes godes castels to kynge Edwarde And soo there were take in that castell thre erles .vii. barons and .xxxviii. knyghtes xi clerkes and .vii. Pycardys and all were presentyd to kynge Edwarde And he sente theÌ„ to the towre of London to be kepte ¶ How kynge Edwarde of his greate grace delyuered ayen the Scottes oute of pryson that were cheyftayns of that londe and they drewe them to the Frensshemen thrugh counseyll of Wyllyam waleys AS kynge Edwarde had made tho an ende of the werre and taken the cheyâ—â—eyns of Scotlonde tho came syr Iohan Baylol and yelded hym vnto kynge Edwarde put hym in his grace and he was ledde to London and whan kyng Edwarde was come thether they were brough before hym And the kynge axed howe they wolde make amendes of the trespaas and losse that they had doon to hym and they put theym in his mercy Lordynges sayde the kynge I wyll not of your londes ne your goodes but I wyll that ye make to me an othe vpoÌ„ goddys body to be true to me and neuer after this tyme ayenst me bere armys â–ª And all they consentyd to the kynges wyl and swore vpon goddys body That is to saye syr IohnÌ„ of Comyn the erle of Scraâ—hron the erle of Carryk and also foure bysshops vndertoke for all the clergye and so the kynge delyuered theÌ„ and yaue them sauf conduyce to go in to ther owne londe And it was not longe afterwarde that they ne aryse ayenst kynge Edwarde for cause that they wyst well that kynge Edwardes folke was take in Gascoyne as before is sayd But syr IohnÌ„ Bayloll kynge of Scotlonde wyste well that his londe sholde haue sorowe and shame for theyr falsnesse· And in hast weÌ„te hym ouer the see to his owne londes and there he helde hym and came neuer ayen wherfore the Scottes chose vnto theyr kynge wyllyam waleys a rybaude an harlot comen vp of nought and moche harme dyde to Englysshmen and kyng Edwarde thoughte how he myght haue delyueraunce of his peple that were take in Gascoyne And iÌ„ hast wente hym ouer the see in to Flaunders for to werre vpon the kyng of FrauÌ„ce And the erle of Flaunders receyued hym wyth moche honour and grayntyd hym all his londys at hys owne wyll And whan the kynge of Fraunce herde telle the kyng of Englonde was aryued in Flaundres and came wyth a greate power hym for to dystroye He prayed hym of trewes for two yere so that the Englysshe marchauntes also Frenche myght saufly go and come in bothe sydes The kynge Edwarde grauÌ„ted â—â— so that he muste haue his men out of pryson that were in Gascoyne the kynge of Fraunce anone graunted and so they were delyuerd ¶ And in the same tyme the Scottes sente by the bysshop of saynt andrewes in to FrauÌ„ce to the kynge to syr Charles his brother the syr Charles sholde come wyth hys power and they of ScotloÌ„de wolde come with theyr
power and so they sholde go in to Englonde that loude to dystroye from Scotlonde vnto they came to â—ente the Scottes trustyd moche vpon the FreÌ„sshmen but of the thyng they had no maner grauÌ„t neuertheles the Scottes beg to robbe kylle in NorthuÌ„berlond dyd moche harme ¶ How wyllyam waleys lete reyse the londe of Scotlonde as cheyf lorde And syr Hugh of Cressynham of the batayll of Fonkyrke AS tydynges was come to kynge Edwarde that wyllyam walys had ordeyned suche a stronge power And also that alle Scotlonde to hym was attendaunt redy for to slee Englysshmen and to dystroye the londe he was sore anoyed and sente anone by letter to therle of Garrenne to syr Henry Percy to wyllyam Latomer to syr Hughe of Cressynham his tresoroer that they sholde take power and go in to Northumberlonde and soo forth in to ScotloÌ„de For to kepe the countres and whan wyllyam waleys herde of theyr coÌ„mynge He began to flee and the Englysshmen hym folowed drâ—ue hym tyll he cam to Stryuelyn there he helde hym in the castell And the walsshmen euery daye them escryed menacyed and dyde all the dyspyte that they myghte soo that Englysshmen vpon a tyme in a mornynge went out fro the castell the mouÌ„tenaunce of .x. myles and passed ouer a brydge william waleys came with a stroÌ„g power droue them abak for the Englysshmen had ayenst hym noo power tho but fledde and they that myght take the brydge scaped but syr hughe the kyngs tresorer there was slayne and many other also wherfore was made moche sorowe ¶ Tho had kynge Edwarde sped all hys maters in FlauÌ„dres and was come ayen in to Englonde and in haste toke his waye in to Scotlonde and came theder at the Ascencyon tyde And all that he founde he sette a fyre and brente But the poore people of Scotlonde came to hym wonder thyck and prayed hym for goddys loue that he wold on them haue Mercy pyte tho the kynge coÌ„maunded that no man sholde doo them harme that were yolden to hym ne to no man of ordre ne to no hous of relygyon ne no manere chyrche but lete espye all that he myght where that he myght fynde ony of his enmyes tho came a spye vnto the kynge tolde where that the Scottes were assembled to abyde bataylle And on saynt Mary Mawdelyns daye the kynge came to Fonkyrk and yaue bataylle to the Scottes and at that bataylle were slayne .xxx. thousande Scottes and of Englysshemen .xviii. and no mo Of the whyche was a worthy knyght slayne that was a knyghte hospytelere that was callyd Frery bryan Iay. For whan Wyllyam waleys fledde from the batayll that same Frery bryan hym pursewed fyersly as his hors ranne it stert in a mire of a marys vp to the bely And Wyllyam waleys torned tho agayne and there slewe the forsayde bryan that was moche harme ¶ And that whyle kynge Edwarde wente thorugh Scotlonde for to enquere yf he myght fynde ony of hys enmyes And in that londe he dwelled as longe as hym lyked And there was no enmye that durst hym abyde ¶ And soone after Kynge Edwarde wente to Southampton for he wolde not abyde in Scotlonde in wynter season for esement of his people And whan he came to London he lete amende many mysdedys that were done ayenst his peas and lawes he beynge in Flaundres ¶ Of the laste maryage of kyÌ„ge Edwarde howe he wente the thyrde tyme in to ScotloÌ„de ANd after it was ordeyned thrughe the courte of Rome that kynge Edwarde sholde wedde dame Margarete that was kynge Phylyp syster of Fraunce And the Archebysshop Robert of wynchelse spowsed them to gyders thrugh the whiche Maryage there was made peas· bytwene kynge Edwarde of Englonde and kynge Phylyp of Fraunce ¶ Kynge Edwarde went tho the thyrde tyme in to Scotlonde tho within the fyrste yere he had enfamyned the londe so that he lefte not one that he ne came to hys mercye sauf suche as were in the castell of Estreuelyn that welle were vytaylled and stored for .vii. yere ¶ How the castell of Estrefelyn was be seged and wonne Kynge Edward came to the castell of Estreuelyn with a huge power beseged the castell but it lytell auaylled for he myhht doo the Scoctes no harme for the castell was soo stronge well kept kyng Edwarde sayde the bethought hym vpon a queyntesy· and let make anon two payr of hygh galowes before the tour of the castell made his othe that as many as were within the castell Notwithoutstandynge were he Erle of Baron he were take wyth strength but yf he wolde the rather hym yelde he sholde be hangyd vpon the same galowes And whan tho that were within the castell herde this they came yelde them all to the kynges grace mercy the kynge for yaf theÌ„ all his male talent there were all the grete lordes of Sfotlonde swore to kynge Edwarde that they sholde come to London to euery parlement shode stonde to his ordynance ¶ How Troylebaston was fyrste ordened THe kynge Edwarde went thens to london wende to haue had rest peas of hys warre in whiche werre he was occupyed .xx. yere that is to saye in Gascoyne in walys in Scotlonde and thought how he myght recouer hys tresour that he had spended aboute hys werre lette enquere thrugh the reame of alle the tyme that he had be oute of hys reame that men called Troylebaston and ordeyned therto Iustyces and in thys manere he recouered tresoure without nombre And hys purpose was for to haue goon in to the hooly londe to haue werred vpon goddes enmyes by cause he was crossyd loÌ„ge tyÌ„e before And neuertheles the law that he had ordeyned dyd moche good thrugh out all Englonde to them that were mysbode For tho the trespassed were well chastysed and after more meke better the pore comyns were in reste and peas And the same tyme kynge Edwarde prysoned his owne sone Edwarde by cause that Walter of Lanton bysshop of Chestre that was the kynges tresorer had complayned on hym sayd the forsayd Edwarde thrughe couÌ„sell entysynge of one GanastoÌ„ asquyre of Gascoyne had broke the parkê of the forsayd bysshop And thys Peers counselyd and ladde the same Edwarde and for that cause the kynge eâ—yled his sone out of Englonde ¶ Of the dethe of Wyllyam waleys the fals traytoure ANd whan thys kynge Edwarde had hys enemyes ouercome in walys Gascoyne and Scotlonde and dystroyed hys traytours all but only that rybaude Wyllyam â—les that neuer the kynge wolde hym yelde and at the towne of saynt Dominyk in the yere of kynge Edwarde regne .xxxiii. the fals traytour was take and presentyd to the kynge But the kyng wolde not see hym but sent hym to London to receyue his Iugement and vpon saynt Barthylmewes eue was he hangyd and drawe his
sholde not come in to Englonde for to brynge his sone Edwarde in to ryot And all the lordes of Englonde assembled them a certayn day att the frere prechers at London And there they spake of the dyshonour the kynge Edwarde dyde to hys reame to his crowne and so they assentyd alle bothe erles and barons and all the comyns that the for sayd Peers of Ganaston sholde be exyled out of Englonde for euer more and so it was done For he for swore Englonde and went in to Irlonde and there the kyng made hym cheyfteyne gouernour of the londe by hys commyscyon And there this Pers was cheyfteyne of all the londe And dyd there all that hym lykyd â–ª and hadde power what he wolde and that tyme wer the templers exyled thrugh all cristiantee for by cause that myn put vppon theym that they sholde do thynges ayenst the fayth and good byleue Kyng Edwarde louyd Peers of Ganaston so moche that he myght not for bere his coÌ„pany And so moche the kynge yaue behyght to the people of Englonde that the exylyge of the forsayd Peers shold be reuokyd atte Stamforde thrugh them that hym had exyled wherfore Pers of Ganaston cam ayen into Englond And whan he was come ayen in to his londe he dyspysed the grettest lordes of this londe And called syr Robert Clare Erle of Gloucetre horesone And the Erle of Nycholl syr Henry Lacy brustenbely and syr Guy Erle of warwyk the blacke hound of Arderne And also he callyd the noble erle Thomas of Lancastre churle many other scornes and shamys them sayde and many other grete lordes of Inglonde wherfore they were to warde hym full angry and wroth ryght sore anoyed And in the same tyme deyed the Erle of Nycholl But he chargyed or that he was deed Thomas of Lancastre Erle that was his sone in lawe that he sholde mayntene hys quarell ayenst this same Peers of Ganaston vpon his blessynge ¶ And so it befell thorugh helpe of the erle Thomas of Lancastre and all so of the Erle of warwyk that the forsayd syr Peers was heeded att gauersich besyde warwyk in the .xx. day of Iune in the yere of grace M.CCC and .xii. wherfore the kyng was sore anoyed and prayed god that he myght se that daye to be auenged vpon the deth of the forsayde Peers ¶ And so it befell afterwarde as ye shall here Alas the tyme. For the forsayd Erle of Lancastre many other grete barons were put to a pyteous dethe and martred for by cause of the forsayde quarell The kynge was to att London And helde a parleament and ordeyned the lawes of Symonde Mountforde wherfore the erle of Lancastre and the Erles and alle clergye of Englonde made an othe thrugh counseyll of Robert of wynchelse for to mayntene the ordynauntes for euer ¶ How Robert Brus came ayeÌ„ in to Scotlonde and gadryd a grete power of men for to werre vpon kynge Edwarde ANd whan syre Robert the Brus that made hym kynge of Scotlonde that before was fledde in to Norway for drede of deth of the good kynge Edwarde And also he herde of the debate that tho was in englond bytwene the kynhe his lordys he ordeyned an hoste came in to Inglonde in to Northumberlonde and clene dystroyed the countree ¶ And whan kynge Edwarde herde this tyynges he lete assemble hys hoste and mette the Scottes at Edstreyelyn in the daye of the Natiuite of saynt Iohan Baptyst in the thyrde yere of his regne in the yere of oure lorde M.CCC .xiiii. Alas the sorowe losse that ther was done For there was slayne the noble Erle Gylbert of clare syr Robert Clefford baron and the kynge Edwarde was scomfyted and Edmonde of maule the kynges Stewarde for drede wente drowned hymself in a fresshe ryuer that is called Bannokysborne wherfore they sayd in repreyf of kynge Edwarde for asmoche as he louyd to go by water also for he was dyscomfyted at BaÌ„nosborne therfore the maydens made a songe therof in the countree of kynge Edwarde â–ª and in this manere they soÌ„ge MaydeÌ„s of Englonde sore may ye morne for tyÈt haue lost your leÌ„mans at baÌ„nokysborne with heuelogh what wenyth the kyng of Englonde to haue gote Scotlond with rombylogh AS kynge Edmonde was dyscomfyted woÌ„der sore and faste he fledde with his folke that were left aliue weÌ„t vnto Berwyk there helde hym after he toke hostages .ii. chyldern of the rychesse of the towne And the kynge went to London toke couÌ„seyl of thynges that were nedefull to the reame of EngloÌ„de ¶ And in the same tyme it befel that tho was in Englonde a rybaude that was called Iohan TaÌ„ner And he yede sayd that he was the good kynge Edwardes sone and lete hem calle Edwarde of CarnariuaÌ„ And therfore he was take at Oxforde And there he chaleÌ„ged frere carmes chyrche that kyng Edwarde hadde yeue them whiche was the kynges halle And afterwarde was thys Iohan ladde to Northampton drawen hangyd for his falsnesse or that he was deed he confessyd sayd before all tho that were there that the deuyll beyhyght hym that he sholde be kynge of Englonde that he had serued the deuyll thre yere ¶ How the towne of Berwyk was take thrugh treason and how two Cardynales were robbyd in Englonde ANd on mydlente Sondaye in the yere of our lorde M.CCC.xvi Berwyke was loste thorugh false treson of oon Pers of Spaldynge the whyche Pers the kynge had put there For to helpe that same towne with many burgeyses of the same towne wherfore the chyldren that were put in hostage thrughe the burgeyses of Berwyk folowed the kynges marchâ—â—se many dayes fettred in stroÌ„ge yrens And after the tyme two Cardynalles in to Englonde as the pope had theym sence for to makepe as bytwene Englonde and Scotlonde And as they wente to warde Durham for to haue sacred mayster Lowys of Beamont bysshop of Durham they were take robbed vpon the moore of wynglesdom Of whiche robbery syr Gylbert of mytton was atteynt take and hangyd drawen at LoÌ„don his heed smytte of put vpon a spere set vpon newe gate the foure quarters sent to foure cytees of Englonde and that same tyme befell many myscheues in Englonde for the poore people deyed in Englonde for hungre and so moche and so faste deyed that vnethe meÌ„ myght bury them For a quarter of whete was at .xl. shelynges â–ª and two yeres an half a quarter of where was worth .x. marck· and of tyme the poore people stole chyldern and ete them ete also the houÌ„des that they myghte take also hors and cattes And after there fell a grete myrreyne amonge bestes in dyuers countrees of engloÌ„de durynge kynge Edwarde lyues tyme. ¶ How the Scottes robbyd NotuÌ„berlonde ANd in the same tyme came the Scottes ayen in to Englonde and dystroyed Northumberlonde and breÌ„â—t and
tyme the counsel that euer ye coÌ„sented that the quene Isabell sholde goo in to Fraunce for to treate of accorde betwene the kynge of Englonde her broder the kynge of fraunce for that was your counsell for at that tyme for soch your wytt fayled for I drede me sore leest thrugh her her sone we shall be dystroyed But yf we take the better counseylle ¶ Now fayre syres vnderstonde howe merueylous felony falshede the Spensers ymagyned cast For pryuely they lete fyll fyue barelles ferrours with syluer the soÌ„me amouÌ„tyd .v. M. pounde they sent those barelles ouer â—ee pryuely by an alyaunt that was callyd Arnold of Spayne that was a broker of LoÌ„don That he sholde go to the Douzepers of FrauÌ„ce that they sholde procure and speke to the kyng of Fraunce that quene Isabell her sone Edwarde wer dryuen exyled out of FrauÌ„ce And amonge all other thynges That ther were braught to the deth as pryuely as they myghte but almyghty god wold not so for whan this Arnold was in the hygh see he was take wiâ—h Selanders that mette hym in the hyghe see and toke hym and ladde hym to the erle of Henaude theyr lorde moche Ioye was made for that takynge And at the laste this Arnold pryuely stele a waye from thens And came to London And of thys takynge of other thynâ—â—s the erle of Henaude sayd to the quene Isabell Dame make you mery be of good there for ye be rycher than ye wened for to be take thyse fyue barelles full of syluer that were sâ—â—te to the Dourpers of France for to slee you youre sone Edwarde and thynke you hastely for to goo in to Englonde and take with you Syre Iohan of Henaude my brother and .v. houÌ„dred men of armys For many of them of Fraunce in whom ye haue had grete truste done you for to scorne and almyghty god graunte you that grace your enmyes to ouercome ¶ The quene Isabell sent tho thrugh Henaude and Flaundres for her souldyours ordened her euery daye for to go in to Englonde ayen so she had in her company syr Edmonde of wodstok that was erle of Kent that was syr Edwardes broder of Englde ¶ How kynge Edwarde lette kepe the costes by the see and lete trye all the pryce men of armys and foot men thrugh Englonde AS kynge Edwarde herde telle the quen Isabell Edwarde her sone wolde come in to englonde wyth a grete power of alyauÌ„tes with them that were outlawed out of englonde for there rebellyousnesse he was sore a dradde to be put downe for to lese his kyngdom wherfore he ordeyned to kepe hys castels in walys as well as in Englond with vytayllers theyr appaâ—ylles and lette kepe hys ryuers also ye. at the feest of DecolacioÌ„ of saynt IohnÌ„ Baptyst the Cytezyns of London sent to the kyng to Prochestre an C. men of armys also he coÌ„mauÌ„ded by hys letters ordeyend that euery hundred wepeÌ„take â—otrye as wel men of armys as men on foot and that they sholde be put in .xx. soÌ„me and in an hundred soÌ„me And commaunded the alle tho men were redy whan ony shoute or crye were made for to purpose take the alyauntis that came in to Englond for to ben bme hym the londe for to put him out of his kyngdon And more ouer he lete crye thorugh his patent in euery fayre in euery market of Englonde that the quene Isabell syr Edwarde his eldest sone the erle of Kent that they were take and saufly kepte without ony manere harme vnto them doynge all other manere people that come with them anone smyte of ther hedys without ony manere raunsom takynge of them And what man myght brynge syr Rogeres mortymer heed of wygmore sholde haue an huÌ„dred pouÌ„de of money for his trauall ¶ And ferthermore he ordened by his patrent coÌ„maunded to make a fyre vpon euery hyll besyde the ryuers and in lowe countrees for to make hyghe bekenesse of rymbre That yf it so were that the alyuntes came vnto londe by nyght tyme that thenÌ„e the Inhabycauntys there aboute sholde endeuoyr them selfe in goodly hast to lyght fyre the bekenes that the countree maye be warned come mete there enmyes And in the tyme deyed syr Roger Mortymyer his vcle in the toure of London ¶ How the quene Isabell and syr Edward duke of Guyhenne her sone came in to London at her with and how they dyde AS quene Isabell and syr Edwarde her sone duke yf Guyhenne syr Edwarde of wodstok erle of Kente syr IohnÌ„ the erles brother of Henaude there company dradde not the menace of the kyng ne of hys traytours for they trusted all in goddys grace came to Her with in South floke the .xxiii. daye of Septembre in the yere of grace M.CCC.xxvi And the quene syre Edwarde her sone sent letters to the Mayre comynalte of London requyrynge them that they sholde be helpynge in the quarell and cause that they had that is to saye to dystroye the traytours of the reame But none answeres were sent ayen wheâ—fore the quene and syr Edwarde her sone sent a nother patent letter vnder the seases the tenour of whiche letter here folowyth in this maner ¶ Isabell by the grace of god quene of englonde lady of Irlonde and couÌ„tesse of Pountyf and we Edwarde the eldest sone of the kynge of Englond duke of guyon erle of Chestre of Pauntyf of moustroyl to the Mayre to all the comynaltee of the cytee of London sendyth gretynge for asmoche as we haue before the tyme sent to you by your letters how we be come into thys londe in good arraye and in good manere for the maner for the honour profyte of holy chyrche and of our dere lorde the kyng and all the reame with al the reame with all our myght and power to kepe and mayntene as we and al the good folke of the forsayd reame are holden to doo And vppon that we praye you that ye wolde be helpynge to vs in as moche as ye maye in this quarell that is for the comune profyte of the forsayd reame and we haue had to this tyme none answere of the forsayde letters â— ne knowe not your mynde in that party wherfore we sende to you ayen and praye charge you chat ye bere you so ayenste vs that we haue no cause to greue you but the ye ben vnto vs helpynge by all the wayes that ye maye or may knowe For wytte ye well in certeÌ„ that we and all that be come with vs into thys reame thynke not to do ony thynge but that thynge that shall be for the comyn profyte of all the reame but oonly to destroye Hugh SpeÌ„ser our enmye and enmye to all the reame as ye it wel knowe wherfore I praye you and charge you in the fayth that ye owe vnto
and hardy and that we may myghtely take the Scottes this nyght boldly werre vpon theym and lete vs pursue theym thys nyghte And yf they be trauaylled thorugh vs. see our hardynesse other Scottes that see them so traueylled and wery· the sorer woll they be adradde with vs to fyght and fyersly thenne shall we fyght with them And on them pursue Soo that thrughe the grace of god all the worlde shall speke of the doughtynes of our chyualry ¶ And syres vnderstondeth wel that all the companye that came with syr Robert Baylloll graunted well vnto that counseyll and were therof ryght gladde and anone pursued vppon the Scottes that they became wonder wery And Baylloll his company sore folowed them and dyde them moche harme and sorowe thrugh ther assente so that thy myght not for feblynesse theym helpe and for lytyl people ¶ But tho sayd the Scottes amonge them what is nowe befall that so lytyll a people as Baylloll hath in wynge doth vs so moche traueyll and sorowe Now certes it semyth vs that he werketh by grace for he is wonder gracyous in hys quarell and we certes shall be dede or that we maye come to hym vs for to yelde Sith that his fader sete of vs no pryce ¶ And amonge alle hys other thynges Baylloll and his people passed the water of Erne so that Robert Swynerton the sone was fyers and angrye and wente forthe and they sawe people of armys full well arayed and forth they wente vnto them and wyth them faught And slewe and toke as many as wolde abyde And neuertheles at that assewte they wende it had be the grete hoste of Scotlond And whan it came to the morowe they gadred theym togyder and restyd theym a whyle· ¶ And whyle the Englysshemen rested them the noble baron Thomas Vescy and the noble baroÌ„ Stafforde pryckyd theyr hors vp and downe by the hylles for to kepe the estrees of the countree as they pryckyd vp and downe they saw a grete host of gode araye ordeyned in theyr wynge with helmes and sheldes shynynge comynge vpon them and thenÌ„e came tho two baroÌ„s ayen vnto Bayllols folke sayd Now for the loue of god almyghty be of good coÌ„forth for ye shall haue batayll an one ryght ¶ And tho spake syr fouk the sone of Garenne· a baran of greate renowne and of dedys of armys Syres vnderstonde what I wyll saye I haue seen many dyuers wynges as well amonge sarasyns and Iewes as amonge the Scottes and yet sawe I neuer the fourthe parte of the wynge fyght therfore yf ye wyl abyde our enmyes we ben ynough for them but yf we be not of gode herte and of good courage we been but loste And therfore for the loue of god take to vs gode herte and lette vs be bolde ad thynke we neuer of our wyues ne of oure chyldren but only to coÌ„quere our enmyes in batayll ¶ And thrugh the helpe of our lorde we shall them ouercome And wyth that came the hoste of the Scottes to warde theym full serely and ayenst syr Edwarde Baylloll in thre bataylles well arayed in armoure ¶ And wonder fyersly they came to warde the Bayllols company But whan syr Donald erle of Marcell that was with the Scottes sawe all this he sayd vnto Roberte Brus the sone of Robert the Brus thyse wordes Syr Robert sayd he full fore me for thynkyth att my herte that thyse people that Baylloll hathe brought wyth hym sholde deye wyth dyâ—te of Scottes swerdes sythe that they ben crysten men as we ben And therfore me thynkyth that it were grete charyte for to sende vnto theym for to yelde theym vnto our mercy and raunsomme theym vnto greuous raunsomme for as moche as they haue taken oure londes and done yll Now certes sayd syr Roberte the Brus I haue well rerceyued that thou arte an enmye and a traytour vnto Scotlonde sythe that thou wylte consente to saue our dedely enmyes that haue done vs moche sorowe and shame now it semyth wel that ye be of theyr assente Now certes Robert sayde syr donald falsly ye lye I am not of theyr company ne of theyr consent that hastyly ye shall se for I wyll fyzâ—e wyth them rather than ony of thys company certes syr Robert sayd he I shall in mauger of thy hede assayll they or thou And wyth that they pryckyd theyr stedys fyeâ—sly vpon Gaskemore and theyr wynge theym folowed on a reng tho came they mette wyth Baylloll hys coÌ„pany at an hangynge bough of the more iÌ„ a strayte passage so fast they hastyd theÌ„ vnto the Englysshmen the thousand felle vnto the grounde echone ouer vpon other into an hepe hors and man bayllol his men myghtyly stode ayenst theym fast slewe the Scottes to the grounde and many they wounded soo longe tyll that they stode vpon theym and foyned theym wyth theyr swerdes and speres thrughe theyr bodyes and fulle sore they were trauaylled vppon theym tylle that they became wonder wery and wyste not what for too doo And the Scottes that were lete alyue fledde awaye for to saue them selfe in the beste manere that they myght And tho pursued theym syre Edwarde baylloll and hys men and slewe of theym tyll it was nyght And fro theÌ„s they wente to Saynt Iohannes towne and toke it helde them there and vytaylled them self at there owne wyll for they fouÌ„de ynough wherwith to make mery Tho made Baylloll his men that were wonded goo to shyp to sayll in to Englonde to he le ther woundes in the tyme there was a fleÌ„mynge in the see a stonge theyf And a robber that was callyd crab this fleÌ„miÌ„ge was dryuen out of Flaundres for hys wyckydnesse therfore he came into Scotlond to holde with the scottes dyde as moche harme to the Englysshmen as he myght do And thys Crabbe mette Bayllols men in the see that were wouÌ„ded before in batayll that were sent ayen into Englonde for to hele theyr woundes and this crabbe yaaf to theym a gete assawte and wold haue slayne theym euery chone But the Englysshmen defended them well manly dyscomfyte Crabbe his company tho gan he fle into Scotlond ¶ And as he cam towarde saynt IohaÌ„nes towne he fouÌ„de a grete conpany of scottes that were come ayen togyder after the dyscomfyture at Gaskemore the whyche byseyged Bayllol and hys men iÌ„ the same towne of saynt Iohan· And anone tolde tolde the Scottes how that he was dyscomfyted of the Englysshmen that were woundyd at Gaskemore that went towarde Englonde forts hele theyr woundes And sayd to the Scottes that they sholde haue nother power ne myghte ne grace ayenst Edwarde Bayllol by cause that he scomfyted empeyred alle the chyualry of Scotlond with a handfall of men as to â—oÌ„pte ayenst the Scottes that were slayne wherfore he couÌ„seylled to remeue the sege from saynt Iohannes towne
seyge layde the Duke of Gloucestre wyth a stronge power and a myghty and by processe of tyme and made ther a Capytayne of the same towne ¶ And this same tyme the good Eerle of warwyk layed a seyge vnto Donnfronte and gate it and put therin a Capteyne And for to speke more of the Eerle of Marche that the kynge ordeyned tho for to scomme the see and to kepe the costes of Englonde for all manere of enmyes The wynde rose vppon theym that they wende all to haue beÌ„ loste but thorough the grace of almaghty god and good gouernaunce they rodden afore the yle of wyght all that storme And ther was loste two Carackes and twoo Balyngers wyth marchaundyse and other grete goodes al the people that were within theym And an other Caracke broke vp before Hampton and threwe his maste ouer the walles of the towne and this was on saynt Barthelomeus daye And whan all this storme was cessed Thys worthy Erle of marche toke his shyppes wyth hys menye and wente to the see londed in Normandye at Hogges and so roden forth to wardes the kynge ¶ And euer as he came the Frensshemen fledde there came to theym an Anthony pygge and folowed the hooste alle the waye Tyll they came to a grete water and there they dradde to haue be drowned or drenched For the water closed theym soo that they myghte noo where gete oute ¶ But at the laste god almyghty and thys Anthony Pygge broughte theym alle in saufte oute And there they caughte theym a gyde that knewe the Countree aboute and he brought theym thorough a quycke Sande And so forthe in to an I le and also they toke many prysoners by the waye to warde the kynge in theyr Iourneye and so they to men vnto the castel Cane And there the kynge welcomed hym and toke hys Iourney atte Argentun and anone tho â—t was yolden to the kynge and they had theyr lyues and wente theyr waye And than oure kynge remeued vnto a stronge towne that tho was called Cese and there was a fayer mynster and they yelde it vp anone vnto the kynge And thanne the kynge wente from thens to â—lauÌ„some and wanne the towne the brydge and the kynge sent the Erle of warwyk to a towne that was called Belesme wyth a grete stronge power and anone they yelde it and put them al to the kynges grace in hys mercy so dyde many stronge townes and castels that were in tho partyes And from thens they wente to Vernyll in Perche anone it was yolden vnto the kynge bothe the towne and the castell and bodyes and godes to the kynges good grace and so the Kynge gate and conquered all the townes castelles pyles strengthes and abbays vnto the cyte of rone ¶ And in the fyfth yere of kynge Henryes regne the fyfth syr Iohan Oldcastell that was the lorde cobham was arested for heresie and broughte vnto the Towre of London anone afte he brake the Towre and wente into wales there he kepte hym longe tyme. And att the last the lord Powys toke hym but he stode att grete defence longe tyme and was soore wounded or he wolde be taken and soo the lorde Powys men brought hym out of wales vnto London agayne in a whyrlcole and soo he was brought to westmynster and there was examined of certayne pointes that were put vppon hym and he sayd not naye so he was conuyte of the clargye for hys heresye And dampned before the Iustyces vnto the dethe for treason And then he was ladde to the Toure ayen and there he was layde on an hurdell drawen thrugh the cytye to saynt Gelys felde there was made a newe payre of galowes and stronge a coler of yren for hym and there he was hanged and breÌ„te on the galowes and al for his leudenesse and his fals opynyons ANd in the .vi. yere of kynge Henrye the fyfth He sente hys vncle syr Thomas Beauforde duke of Excestre with a fayre menye of meÌ„ of armes and archers before the cyte of Rone and there dyspleyed his Baner sente herodes vnto the towne and badde theym yelde that cyte vnto our kynge theyr lyege lorde they sayde he tooke them none to kepe ne none he sholde haue there but yf it were dere bought and meued with theyr hondes for other answere wolde they none gyue but gonnes ¶ And there the duke toke gode any semeÌ„t of the grounde all about And anone there yssued out of the cytee a grette menye of men of armes bothe on horsbacke and on foote and and anone our menye mette wyth them and ouer trewe a greate hepe of them and there takeÌ„ and slayne xxx persones of full ryght good mennys bodyes and the remenaunt fledde aien in to the towne and the duke wente vnto Pountlarge vnto the kynge and tolde hym al how that he had spedde and howe that he lyked the grounde ¶ And anone as the duke was gone they caste downe all the subarbes aboute the Cyte vnto the harde grounde For bycause the kyng sholde there noo refusynge And vpon the frydaye before lammasdaye thanne nexte folowynge onre kynge with his hoste came before Rone and anone he sete hys syege rounde about that Cytye and anone he lete laye hys ordynaunce vnto the towne And the kynge wyth hys lordes were logded wythin the chartre house and grete strengthe aboute theym and that was in the Eest partye of the Cytee And than the duke of Clarence lodged hym with all his strengthe and power att the weste ende in a waste abbaye before proce Chanx And the duke of Exchestre with his menye in the Northe syde before the porte Beauuesyn And bytwene the duke of Clarence and the duke of Excestre was the Erle Marchall lodged wyth moche people and a stronge power before the castell gate ¶ And thanne the Erle of Ormonde with the lorde Haryngton and also the Lorde Talbott wyth theyr Retenue and companye next hym ¶ And thanne Syr Iohan Cornewayle with manye othere noble Knyghtes and Squyres of name wyth all theyr Retenue laye wyth the noble duke of Clarence ¶ And thanne frome the duke of Excestre towardes the kynge were lodged the Lorde Roos and the lorde wylleby wyth the Lorde Phehewe and Syre wyllyam porter knight with theyr retenue before the porte of Saynt Hyllary And thanÌ„e was the Erle of Mortaye with his retenne lodged in the abbaye of Saynte Katherynes ¶ And the Erle of Salesbury wyth hys retenue laye on that other syde of Saynt Katherynes and Syr Iohan Graye knyght was lodged att the abbaye that is called mounte du saynt Mychel And syr Phylyp Leche knyght the kynges tresourer was lodged bytwene the water of Seyn and the abbaye and kept the warde vnder the hylle And the baron of Carowe was lodged vnder the water syde for to kepe the passage and Ienyco the squyre laye nexte hym on the water syde and these two