Selected quad for the lemma: fire_n

Word A	Word B	Word C	Word D	Occurrence	Frequency Band	MI	MI Band	Prominent
fire_n	air_n	hot_a	water_n	4,445	5	7.1413	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A72366	Here begynneth a lytell treatyse called the Lucydarye; Elucidarius	Honorius, of Autun, ca. 1080-ca. 1156.; Chertsey, Andrew.	1507 (1507)	STC 13685.5; ESTC S125242	28,310	52

god of the grete mercy that he vnto thē hath done And to speke shortely the Ioyes of paradys ben so grete that there ne is entendement the whiche them can comprehende / For yf all the goodes / and all the Ioyes and gladnesses the whiche ben / was / and shall be in the wor● were all to gyders that sholde be nothynge vnto the cōparyson of the leest glory of paradys For all the Ioyes of this worlde ben transytoryes / and also passeth as smoke But the Ioyes of paradys ben perpetuelles and without ende ¶ Mayster how many ordres of aungelles ben in ꝑadys My chylde there be nyne The fyrst ordre is called the ordre of seraphȳs the whiche is the moost hyghest / The seconde of the Cherubyns The thyrde is of the thrones / The fourthe of the puyssaunces The fyfth is of the prynces The syxte of the seygnouryes The seuenth of the vertus The eyght of the .ix. ordres as lordes aboue theyr seruauntes archaungels And the nynth of the aungelles the whiche is moost lowe and al the sayntes holy men women of paradys ben aboue them ¶ Mayster haue we euery of vs his good aūgell the whiche kepeth vs My chylde euery one hath his gode aungell the whiche hym defendeth from the ylle and styreth hym to do we le / and soo hadde our lorde Ihesu cryste of good aungelles for to mynyster vnto hym And the Anthecryst shall haue one to kepe hȳ from doynge of so moche yll as he may well And the aūgelles ben of the laste moost lowe ordre that is called proprely the ordre of aūgelles as I haue now tolde the. ¶ Mayster wherfore loseth the mone somtyme his clerenesse My chylde the mone hath none other lyght but that / that the sonne vnto her gyueth / so it happeneth often that the erthe is founde bytwene the son 〈◊〉 and the mone in suche wyse that the sonne ne may gyue her clerenes / and than she is all blacke / for the erthe shadoweth her But whan the erthe is not dyrectely betwene them / but some parte all onely than is she clere in as moche as the sonne mayse her / whan the erthe is nothynge betwene them than is she clere / for there is nothynge bytwene theym And for that cause hath the mone euer the backe towarde the sonne ¶ Mayster what thynge is the bowe of heuen the whiche we se in the ayre My chylde they ben the beames of the sonne the whiche medle them in the mater of the mone that whiche is thycke that whiche taketh foure coloures that whiche ben dysposed to receyue many dyuers coloures after the nature of herbes of the place where they growe ¶ Mayster fro whēs cometh the wyndes / thondres / frostes / snowes / raynes / dewes / suche semblable thynge My chylde al these thynges cometh of some vapoures the whiche aryseth frome the erthe in heyght by the vertue of the sonne / of that whiche some ben drye / the other moyst whan suche that whiche ben lyft vp tyll vnto the meane regyon of the ayre that whiche is ryght colde they ben made thycke begyn to droppe / frome thens cometh the rayne And whan the colde is gretely destraynynge aboue so they assemble congeleth / frome thens cometh the hayle / whan these droppes falleth here alowe / fyndeth this bace region of the ayre colde as in wynter they also congele meanely the wȳde the whiche is colde frome thens cometh the snowes / and this dewe is made of the selfe vapoures / that whiche whan they dyscende vpon the erthe / there fyndeth colde they conuerte them in to water But whan these vapoures ben drye lyght they aryse vp more hye vnto the thyrde regyon of the ayre the whiche is hote / for it toucheth the regyon of the fyre in suche wyse whan the vapoures drye that these clerkes calleth exalacyons passeth in the ayre meteth the one with the other / the moost strongest cadereth the moste weykest by the vertue of the sonne of the mone / frome thens cometh the wyndes / whan these exalacyons passeth in mountynge by the meane regyon of the ayre the whiche is ryght colde they meddle them with the cloude closeth them wtin the colde the he●● of the sōne stryketh brēnȳgely bytwene these cloudes in suche wyse that these exalacyons hote that ben enclosed wtin the cloudes wyl go forth / but they ne may for the cloude is colde thycke the whiche holdeth the

vnto Iesu cryst in doynge hȳ this homage / we ben delyuered from the seruytude of synne ¶ Mayster wherfore ben they baptysed the whiche ben borne of them the ben baptysed / also the chyldren the whiche haue nothynge offended My chylde yf ony paast were corrupte with venym all the breed the whiche of it sholde be made sholde be venymous corrupte And for as moche as our forne faders were corrupte by synne they all theyr lygnee were banysshed out of paradys terrestre / vnto them were shytte the gate of paradys celestyall the whiche ne may be opened vnto the man / yf he ne be fyrst baptysed as wytnesseth the holy scrypture how be it that the fader the moder ben baptysed the suffyceth not vnto the chylde for to be baptysed / for whan a man hym baptyseth / nature comune ne baptyseth hym but all onely the persone pertyculer / Wherfore it is of necessyte that we ben al baptysed in pertyculer ¶ Mayster wherfore ne named god that all were baptysed to be saued My chylde it is not the defaute of god that all ne ben baptysed / for he hath gyuen vnto euery man woman lyberall arbytre free wyll that to do Also baptym sholde be made of free wyll wtout constraynt for yf god constreyned the man to be baptysed he had not his lyberall arbytre / and so all his baptym had no meryte ¶ Mayster wherfore espouseth not man now his cosynes as in the aūcyente lawe My chylde it is for to encreace loue betwene straungers / For those the whiche ben of blode loueth eche other ynoughe more than these other / Wherfore it behoueth for to putte loue and charyte where it is not / the other reason is suche For the chyldren had two primites togyders as to be sone and neuew wherfore for honeste it was ordeyned to make maryage bytwene estraungers / but in the olde lawe men espoused the women of lygnage it was for to multyplye to encrease the worlde ¶ Mayster wherfore was Ihesu cryste baptysed My chylde he was cyrconsyzed for to accomplysshe the olde lawe and baptysed for to begyn the new lawe for to she we his grete humylyte in gyuynge vs example that we all sholde be regenerate by baptym ¶ Mayster Wherfore is baptym in water My chylde for the water is contrary vnto fyre / wherfore for to quenche the sayd fyre of synne we ben baptysed in water And in lykewyse as the water wassheth all ordures fylthes Also the baptym wassheth all synnes / god theym establysshed in water for as moche as the water is comune ouer all the worlde to th ende that a man fynde the soner mater of the sayd sacramēt to th ende that none ne may excuse hym that he ne coude fynde wherof that he myght make hym to be baptysed or that he myght haue ¶ Mayster what worde ought a mā to speke in baptym My chylde a man ought to say thus I baptyse the in the name of the fader / of the sone of the holy goost amen In puttynge thre tymes of water vpon the heed of hym that a man baptyseth / so may they say in all languages / so that it be in good beleue in good intencōn other wordes the whiche ne ben of the necessyte of the sayd sacrament of baptym ¶ Mayster was it a thynge resonable that god the fader gaue so noble thynge as is the sone for to by agayne so caytyf a thynge as is the man My chylde in that vs sheweth god the fader the grete loue that he hath vnto creature humayne ¶ Mayster syth that god hath sente downe here alowe his sone by so grete charite for to redeme the humaynes wherfore dyde men to hym so moche of payne My chylde Iudas hym betrayed by couetyse Pylate hym condempned for drede to lese his offyce / the Iewes hym put to dethe by enuye ¶ Mayster wherfore deyed Ihesu cryste on the tree of the crosse / My chylde for as Adam synned by the tree of lyf / Also god hym wolde bye agayne / by the tree of the crosse and thou sholdest knowe that by the foure partyes of the crosse the whiche sheweth all the worlde / it is agayn shewed vnto vs that the deth of Ihesu cryste was suffycyent for to bye not onely nature humayne / but al so all the vnyuersal worlde yf it had be lost ¶ Mayster how longe abode Ihesu cryste in the erthe deed / My chylde he there abode .xl. houres And whan we say that he arose the thyrde day / that in thre dayes is not .xl. houres thou sholdest vnderstande that he dyed the fryday at the houre of noone / all the saterday he was deed in the holy sepulcre the whiche is the seconde day / and the sonday after he arose ryght erly / for as moche as the course of nature is renewed at mydnyght and the day / in takynge one partye of the day for all the day entyer ¶ Mayster why der yede the soule of Ihesu cryste whan he was deed My chylde he yede in to glorye towarde god the fader in yeldynge hym thankes and praysynges in demaundynge hym the holy soules the whiche he had redemed by the meryte of his holy passyon / the whiche thynge god hym graunted Than opened the soule of Ihesu cryste the whiche was conioynte with the deite the gates of paradys the whiche had ben shytte by longe tyme vnto all humayne lygnage / the saterday about the houre of mydnyght he descended in to hel brake the gates yede to vesyte his good frendes That is to vnderstande the soules of the holy auncyent faders the whiche gretely hym desyred and them delyuered frome the pryson of the lymbe withall the holy soules the whiche haue meryted paradys by theyr holy werkes / and this fayre company mounted in to heuen and theym presented vnto god the fader the whiche them receyued benyngnely and them putteth in to the realme of paradyse in the places and syeges that the cursed aungelles loste by theyr pryde And he delyuered not the soules of the dampned as Iudas / of the cursed ryche man dyues of many other / but them lefte in hel / in payne and in tourment with all the deuylles without gyuynge them ony comforte where they ben yet and shall be for euer And on the sondaye before the sonne rysynge retourned the soule vnto the body of Ihesus that laye in the sepulcre / and rose frome deth vnto lyfe / ¶ Mayster / wherfore arose not he as soone as he was deed My chylde for a man had lytel presumed that he had ben deed / he wolde begyn to renewe the worlde on the sonday by his resurreccyon For at suche an houre all the worlde began to be ¶ Mayster where was he after his resurreccyon / fourty dayes be fore his ascencyon My chylde he was in