Selected quad for the lemma: enemy_n

Word A	Word B	Word C	Word D	Occurrence	Frequency Band	MI	MI Band	Prominent
enemy_n	change_v	counsel_n	dishonest_a	56	3	17.1854	5	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A18528	The workes of Geffray Chaucer newlye printed, wyth dyuers workes whych were neuer in print before: as in the table more playnly doth appere. Cum priuilegio ad imprimendum solum.; Works	Chaucer, Geoffrey, d. 1400.; Thynne, William, d. 1546.	1542 (1542)	STC 5069; ESTC S107198	1,080,588	770

ye shal be counsayled of and folowe it nowe woll I teche you howe ye shal examyne your counsayle After the doctryne of Tullius in examenynge of youre counsayloures ye shall consydere manye thynges Fyrst thou shalt cōsyder thylke thyng that thou purposest and vpon that thynge y t thou wolt haue counsayle that very trouth be said and cōserued this is to say tel truely thy tale for he that sayth false may not well be counsayled in that case of whiche he lyeth After this thou shalte consyder the thynges that acorden to that thou purposest for to do by thy coūsaylours if reason accorde therto and eke yf thy might maye attayne therto and if the more parte and the better parte of your counsaylours accorden therto or no. Than shalte Thou consyder what thynge shal folowe of her coūsaylinge As hate peace werre grace profyte or damage and many other thinges and in al thynges thou shalte chose the beste and weyue al other thynges Thā shalt thou consyder of what rote is engendred the mater of thy counsayle and what fruite it maye conceyue and engender Thou shalt eke consyder al thy causes frome whence they be spronge And whan thou hast examyned thy counsayle as I haue sayd and whiche party is the better and more profytable and haste approued it by many wyse folke olde than thou shalt consyder yf thou mayste performe it make of it a good ende For certes reson wol not that any mā shal begyn a thyng but yf he myght performe it as hym ought ne no wight shuld take vpon hym so heuy a charge but that he might beare it For the prouerbe sayth he that to moch enbraceth distrayneth lytel And Caton saythe assay to do such thinges as thou haste power to done leste the charge oppresse the to sore that the behoueth weyue the thyng that thou haste begon And yf so be that thou be in dout whether thou mayst perfourme a thynge or none chose rather for to suffre than to begynne And Peter Alphons saythe yf thou haste myght to do a thynge of whiche thou muste repente it is better holde thy tonge styl than for to speke Than mayst thou vnderstonde by stronger resons that yf thou haste power to perfourme a werke of which thou shalt repente the than is it better thou suffre than begyn Wel sayne they that defenden euery wyght to assaye a thyng of which he is in doute whether he may performe it or none And after whan ye haue examined your counsayle as I haue sayde before and know wel that ye maye performe your emprise conferme it thā sadly tyl it be at an ende ¶ Nowe it is reason tyme that I shewe you whan wherfore that ye maye chaunge your counsayle wythouten reprofe Sothly a man may chaunge hys purpose and hys counsayle yf the cause ceaseth or whan a newe case betydeth For the lawe sayth that vpon thinges that newly betyden behoueth newe counsayle And Seneke saythe yf thy counsayle is come to the eeres of thyne enemyes chaunge thy counsayle Thou mayste also chaunge thy coūsayle yf so be thou fynde that by errour or by anye other cause harme or damage may betyde Also yf thy counsayle be dyshonest other els come of dyshonest cause chaunge thy counsayle For the lawe saythe that al behestes that be dishonest ne ben of no value And eke yf so be that it be vnpossyble or may not gladly be parformed or kepte And take thys for a general rule that euery counsayle that is enfourmed so strongly that it may not be chaunged for no condycion that may betyde I say that ilke counsayle is wycked MElibeus whan he hadde herde the doctryne of hys wife dame Prudēce answerde in thys wyse Dame ꝙ he as yet vnto this tyme ye han well taught me as in gouernayle howe I shall gouerne me in the chosynge and in the wytholdynge of my counsayle but nowe wolde I fayne y t ye wolde condiscende in especial howe that ye semeth by our counsaylours that we haue chose in this present nede ¶ My lorde ꝙ she I beseche you in all humblesse that ye wol not wylfully replye ayenst my reasons ne distemper youre herte though I speke the thynge y t you displese for god wote as in myne entent I speke it as for your beste and for your honoure and profyte eke and sothly I hope that your benygnyte wol take it in pacience And trusteth me wel that your counsayle in this case ne shuld not as to speke properly be called a counsaylyng but a mocion or a mouynge of folye in which counsayle ye haue erred in many a sondrie wyse Fyrst ye haue erred in the assemblynge of your counsaylours For fyrst ye shulde haue cleped a fewe folke to your counsayle and after ye might haue shewed it to mo yf it had be nede But ye haue cleped to your counsayl a great multytude of people ful chargeous and ful noyous for to here Also ye haue erred for there as ye shulde haue onely cleped to your counsayle your trewe frendes olde and wyse ye haue cleped straunge folke yonge folke false flatterers and enemyes reconcyled and folke that done you reuerēce withouten loue And eke ye haue erred for ye haue brought with you to your counsayle ire couetyse and hastynesse the which thre thynges ben contrary to euerye good counsayle honest and profytable the whiche thre thynges ye haue not distroyed neyther in youre selfe ●e in your counsaylours as ye ought Ye haue erred also for ye haue shewed to your counsaylours your talent and your affectiōs to make werre anon for to do vengeaunce they haue espyde by your wordes to what thyng ye ben enclyned therfore haue they rather counsayled you to your talente than to your profite Ye han erred eke for it semeth that you suffyseth to haue be counsayled by these counsailours onely and with lytel auysement where as in so hye and in so great a nede it had ben necessary mo counsaylours and more delyberacion to performe your emprise Ye hā erred also for ye haue not examyned your counsayle in the forsayd maters ne in dewe maner as the case requireth Ye haue erred also for ye made no diuision bytwene your true frendes your fayned coūsaylours ne ye haue not knowē y e wil of your trew coūsaylours frendes olde wyse but ye haue caste al her wordes in an hochepot encyned your herte to the more parte and to the gretter nombre of fooles than of wyse men And therfore the counsaylynges that ben at congregacions and multitudes of folke there as men take more regarde to the nomber than to the sapiēce of persons ye sene wel that in such counsaylinges fooles han the maistrye Melibe answerde and sayd ayen I graunt wel that I haue erred but there as thou hast tolde me here byforne y t he nys not to blame that chaungeth his coūsayle in certayne case and for certayne and iuste cause I am al redy