Selected quad for the lemma: end_n

Word A	Word B	Word C	Word D	Occurrence	Frequency Band	MI	MI Band	Prominent
end_n	north_n	south_n	west_n	5,452	5	9.2249	5	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A68182	The descrypcyon of Englonde Here foloweth a lytell treatyse the whiche treateth of the descrypcyon of this londe which of olde tyme was named Albyon and after Brytayne and now is called Englonde and speketh of the noblesse and worthynesse of the same; Polycronicon. English. Selections	Higden, Ranulf, d. 1364.; Trevisa, John, d. 1402.	1498 (1498)	STC 13440B; ESTC S116801	50,014	50

maner of people ben in this ylonde there ben also so many langages tonges Netheles Walsshe Scottes y t ben not meddled with other nacyons kepe nyghe yet theyr langage speche But yet the Scottes y t were somtyme confederate dwelled with Pyctes drawe somwhat after theyr speche But the Flemynges y t dwelle in the west syde of Wales haue lefte her straūge speche speken lyke to Saxons also Englysshmen though they had fro the begynnyng thre maner speches southern northern myddell speche in the myddell of the londe as they come of thre maner of people of Germania Netheles by cōmixion medlynge fyrst with Danes afterwarde with Normans in many thynges the coūtree langage is appayred for some vse straūge wlaffynge chyterynge harrynge garrynge grysbytynge This apayrynge of y ● langage cometh of two thynges ones by cause that childern y t gone to scole lerne to speke fyrst Enlysshe than ben compelled to constrewe her lessons in Frensshe that haue ben vsed syn the Normans come in to Englonde Also gentylmens childern ben lerned taught from theyr yongth to speke Frensshe vp londesshmen wyll coūterfete lyken hem self to gentylmen arn besy to speke Frensshe for to be more sette by wherfore it is sayd by a comyn prouerbe Iack wolde be a gentylmen yf he coude speke Frensshe ¶ Treuisa This was moche vsed to for the grete deth but syth it is somde le chaūged for syr Iohan Cornewayle a mayster of gramer chaunged the techynge of gramer scole construccion of Frensshe in to Englysshe And other scole maysters vse the same waye now in the yere of our lorde a. M. CCC..lxxxv.the ix yere of kyng Rycharde the seconde leue all Frensshe in scoles vse all construccōn in Englysshe wherin they haue auaūtage one waye that is y t they lerne the sooner theyr gramer in an other dysauauntage for now they lerne no Frensshe ne can none whiche is hurte for them that shal passe the see And also gentylmen haue moche lefte to teche theyr children to speke Frensshe ¶ R. Hit semeth a grete wonder y t Englysshmen haue so grete dyuersyte in theyr owne langage in sowne in spekynge of it whiche is all in one ylonde And the langage of Normandye is comen out of an other londe hath one maner sowne amonge all them that speketh it in Englonde for a man of Kente Southern Western Northern men speken Frensshe all lyke in sowne speche but they can not speke theyr Englysshe ●oo ¶ Treuisa Netheles ther is as many dyuerse maner of Frensshe in the reame of Fraūce as dyuerse Englyssh in the reame of Englonde ¶ R. Also of the forsayd tonge whiche is departed in thre is grete wonder for men of the cest with men of the west accorde better in sownynge of theyr speche than men of the north w t men of the south Therfore it is y t men of Mer●● that ben of myddell Englonde as it were partyners with the endes vnderstande better the syde langages northern and southern than northern southern vnderstande eyther other ¶ Wilhel de pō li. iij. All the langages of the Northum bres specyally at Yorke is so sharpe shyttynge frotynge vnshappe that we southern men may vnneth vnderstande that langage I suppose the cause be y ● they be nyghe to the alyens that speke straūgely And also by cause that the kyngꝭ of Englonde abyde dwelle more in the south coūtree than in the north coūtree The cause why they abyde more in the south coūtre than in the north coūtree is by cause y t ther is better corn londe more people moo noble cytees moo profytable hauens in the south coūtree than in the north ¶ De gentis huius moribus ¶ Gir. in itinere FOr the maners the doynge of Walsshe men of Scottes ben tofore somwhat declared Now I purpose to telle declare the maners and condycyons of the medled people of Englonde But the Flemynges that ben in the west syde of Wales ben now all torned as they were Englysshmen by cause they companye with Englysshe men And they be myghty stronge to fyght ben the moost enemyes that Walsshmen haue and vse marchaūdyse clothynge and ben full redy to putte themself in auentures to peryll in the see and londe by cause of grete wynnyuge ben redy somtyme in the plowe and somtyme to oedes of armes whan tyme place axeth It semeth of these men a grete wonder that in a bone of a wethers ryght sholder whan the flesshe is soden a waye not rosted they knowe what haue be done is done shal be done as it were by spyryte of prophecye a wonderfull craft They telle what is done in ferre countrees tokenes of peas or of warre the state of the royame sleyng of men spousebreche suche thynges they declare certaynly of tokenes and sygnes that is in suche a sholder bone ¶ R. But the Englysshmen y t dwelle in Englonde ben medled in the ylonde ben ferre fro the places y t they spronge of fyrst tornen to contrary dedes lyghtly without entysyng of ony other men by her owne assent And so vnesy also full vnpacyent of peas enemye of besynes full of slouthe ¶ Wilhel de pon li. iij. sayth That whan they haue destroyed her enemyes all to the groūde thenne they fyghten with hem self sleeth eche other as a voyde and an empty stomake werketh in hit self ¶ R. Netheles men of the south ben e●yer more mylde than men of the north For they be more vnstable more cruell more vnesy The myddel men ben somdele parteners with both Also they vse hem to glotony more than other men ben more costle we in mete and clothynge Men supposeth y t they toke that vyce of kyng Hardeknot that was a Dane For he heet sette forth twyes double messe at dyner at souper also These men ben spedefull on hors and a foot Able and redy to all maner dedes of armes and ben wonte to haue vyctory maystrye in euery fyght where no treason is walkynge and ben curyous can wel telle dedes and wondres that they haue seen Also they gone in dyuerse londes vnnethe ben ony men rycher in her owne londe or more gracyous in ferre in straūge londe they can better wynne and gete newe than kepe her owne herytage Therfore it is that they be spradde so wyde wene that euery londe is theyr owne The men be able to all maner sleyght wytte but tofore the deded blonderynge hasty And more wyse after the dede than tofore leuen of lyghtly what they haue begonne ¶ Solinus li. vi Therfore Eugeniꝭ the pope sayd that Englysshmen were able to do what euer they wolde and to be sette put tofore all other ne were y t lyght wytte letteth And as Hanyball sayd that

In that one partye is grete dysturbaūce dyscomfort of fendes in y t other partye grete lykynge comforte of holy angels Ther is also saynt Patryks purgatorye y t was shewed at his prayers to conferme his prechynge his lore whan he preched to mysbleued men of sorowe payne y t euyll men sholde suffre for her wycked werkes And of Ioye of blysse y ● good men shall resceyue for her holy dedes he telleth that who y t suffreth the paynes of the purgatorye yf it be enioyned hym for penaūce he shall neuer suffre the paynes of helle but he deye fynally without repentaūce of synne as the ensample is sette more full at this chapytres ende ¶ Treuisa But truly noman may be saued but yf he be very repentaunt what someuer penaūce he do euery man y t is very repentaunt at his lyues ende shall be sekerly saued though he neuer here of saynt Patryks purgatorye There is an ylonde in Connacte Salo that is in the see of Conaccia halowed by saynt Brandan that hath no myse there deed bodyes ben not buryed but ben kept out of the erthe roten not In Mamonia is a welle who y ● wassheth hym w t that water of that welle he shall waxe hore on his heed There is an other welle in Vltoma who someuer is wasshen therin he shal neuer wexe hore afterwarde Ther is a welle in Mounstre or Mamoma ●f ony man touche that welle anone shal falle grete rayne in all the prouynce y ● rayne shall neuer cesse tyll a preest y ● is a clene mayden synge a masse in a chapell fast by blesse the wa●er w t mylke of a cowe y ● is of one heer bel prȳge the welle so reconcyle the welle in this straūge maner At Glyndalcan about the oratorye of saynt ●eywyn withges berith apples as it were apple trees ben more holsome than sauery That holy saynt brought forth these apples by prayers for to hele his childe that was seke Ther is a lake in Vlster moche fysshe therin whiche is .xxx. myle in length and .xv. in brede The Ryuer Ban renneth out o● that lak● in to the north Occean and men saye that this lake began in this maner There were men in that coūtr●e that were of euyll lyuynge 〈◊〉 cūbrutis And there was a welle in y ● londe in grete reuerence of olde tyme and alwaye couered yf it were lefte vncouered the welle wolde ryse drowne all the londe And so it happed y t a woman wente to y t welle for to fetche water hyed her fast to her childe y t wept in the cradell lefte the welle vncouered thenne the welle sprange so fast y ● it drowned the woman her childe made all the coūtree a lake a fysshe ponde For to preue that this is south it is a grete argument that whan the weder is clere fysshers of y t water se in the groūde vnder the water roūde toures hyghe shapen as steples chirches of that londe In the north syde of Irlonde in the coūtre of Ossyryens euery .vij. yere at the prayer of an holy Abbot tweyne y ● ben wedded a man a woman must nedes ben exiled forshapen in to lyknes of wolues abyde out .vij. yere And atte ende of .vij. yere yf they lyue they come home agayn take agayn theyr owne shappe and thenne shall other tweyne go forth in theyr stede so forshapen for other .vij. yere Ther is a lake in this londe yf a poole of tree be pyght stycked therin that parte of the shaft or poole y ● is in the erthe shall torne in to yron that parte y ● abydeth in the water shall torne in to stone the parte that abydeth aboue shall be tree in his owne kynde Also ther is a lake y ● torneth hasell in to asshe asshe in to hasell yf it be done therin Also in Irlonde ben thre samon lepes there as samons lepe ayenst a ●●che a longe speres length Also in 〈◊〉 is a ponde there be seen 〈◊〉 byrdes y ● byrdes ben called certell●● come homely to mānes honde but yf men do hein wronge or harme thry gone awaye come not agayn the water there shal wexe bytter stynke he y ● dyde the wronge shall not a sterte without wretche myschyef but yf he do amendes ¶ R. As touchynge Patryks purgatorye Ye shall vnderstand y t the seconde saynt Patryk that was abbot not bysshop whyle he preched in Irlonde laboured studyed for to torne thylke wycked men that lyued as bestes out of her euyll lyf for drede of paynes of helle for to comferme hem in good lyf they sayd they wolde not torne but some of them myght knowe somwhat of the grete paynes also of blysse y ● he spake of T●enne saynt Patryk prayed to god almyghty therfore our lorde Ihu cryst appyred to saynt Patryk toke hym a staff ladde hȳ in to a wylde place shewed hym there a rounde pytte y t was derke within sayd that yf a man were very repentaūt stable of byleue went in to this pytte walked therin a daye a nyght he sholde see the sorowes the paynes of euyll men the Ioye blysse of good men Thenne Cryst vanysshed out of Patryks syght saynt Patryk arered buylded there a chirche put therin chanons reguler closed the pytte about with a walle is now in the chirche yerde atte cest ende of the chirche fast shytte w t a stronge dore For no man sholde nycely go in without leue of y ● bysshop or of the pryour of the place Many men wente in come out agayne in Patryks tyme tolde of paynes Ioye that they had seen the meruaylles y t they sawe ben their yet wryten by cause therof many men torned were conuerted to ryght byleue Also many men went in come neuer agayne In kyng Stephens tyme kynge of Englonde a knyght that hyght Owayne wente in to saynt Patryks purgatorye come agayne dwelled euer after durynge his lyf in the nedes of thabbaye of Ludensis that is of thorder of Chystews tolde many wondres y ● he had seen in Patryks purgatorye The place is called Patryks purgatorye the chirche is named Reglis Noman is enioyned for to go in to y t purgatorye but coūseylled that he sholde not come therin but take vpon hȳ other penaūce And yf a man haue auowed be stable wyll nedes go therin he shall fyrst go to the bysshop then̄e he shal be sente with letters to the pryour of the place they both shall coūseyll hym to leue and yf he wyll nedes go therto he shal be in prayers in fastynge .xv. dayes after .xv. dayes he shall be houseld ladde to the dore