Selected quad for the lemma: death_n
Text snippets containing the quad
|
ID |
Title |
Author |
Corrected Date of Publication (TCP Date of Publication) |
STC |
Words |
Pages |
|
A12588
|
This is the dyalogus or co[m]munyng betwxt [sic] the wyse king Salomon and Marcolphus; Salomon et Marcolphus. English.
|
|
1492
(1492)
|
STC 22905; ESTC S120825
|
16,951
|
38
|
and now this SalomoÌ„ werst of alle than the king beyng full of wrathe sayde There is no hede more worse than the serpent and there is no malyce to the malyce of a woman for it were bettyr to dvelle wyth serpentys and lyoÌ„s thaÌ„ wyth a wyckyd woman Alle evyll are but lytyl tho the cursydnesse of a shrewd woman Alle wyckydnesse falle vpon women as the sande fallyth in the shoes fo the oolde people goyng vp an hylle So a talkatyf woman and dishobedyeÌ„t is a great confusyon That wyf that is hlr husbondes maister is evyr coÌ„trarye to hym An evyl wyf makyth a pacient herte and a sory vysage if as plage of the deth A woman was the begynnyng of synne and through hire we dye alle The woman that is luxuriouse may men knowen in the vppermest of hire yes aÌ„d by hir browes For hire yes are wythoute revyreÌ„ce ther nede nomaÌ„ wondre although she forgete hir husbonde As the king althus had sayd so spaknathan the prophete and sayde My lord why rebuke ye shame ye thus alle thies women of iherusaleÌ„ SalomoÌ„ have ye not herd what dishonoure they have sayd of me wythoute deservyng Na than answeryd he that woll wyth hys subgiettys lyve in reste pease he muste som tyme be blynde duÌ„me deef SalomoÌ„ it is to be aÌ„sweryd to a fole aftyr his folysshnes Tho spraÌ„ge Marcolph out of the corner that he sat in aÌ„d sayde to the king now have ye spokyn aftyr myn intent for ones thys daye ye praysed womeÌ„ out of alle mesure and now have ye dispraysed thaym asmoche that is it that I sought alwayes ye make my saying trewe Salo. Thou fowle evyle body knowyst thou of this coÌ„mocion Marcolph nay nevyr thelesse ye shulde not yeue credence to alle thing that ye here Tho sayd the king salomoÌ„ go from hens out of my syghte I charge the that j se the nomere betwixt the yes forth with was marcolph kast out of the kinges palayse ThanÌ„ they that stodeÌ„ by the king saydeÌ„ mylord speke to thiefe womeÌ„ sumwhat that may please thaym to here to th enteÌ„t that they may departe Than turnyd the king towardes thaym sayd youre goodnesse shal vndrestande that I am not to be blamyd in that that ye laye to my charge That evyl sayer marcolf that ye here late sawe hath out of hym self alle this matter surmysed fayned aÌ„d every man shall have hys owne wyf hyr wyth faythe honestie love and cherysshe That I have spokyn ayenst the wyves I haue not sayde it but ayenst the froward wyves who shulde of the good wyves speke any evyll For a good wyf makyth hyr husbande glad aÌ„d blythe wyth hyre goodnesse She is a parte the lyryng of hyre husbond vpon erthe and hyr lernyng advauntagyth or forthryth hys body She is a yifte of god A wyse wyf and a stylle is a grace abouen graces A good shame fast and an honeste wyf is lyke the sonne clymmyng vp to god A wyf of good condioyons is the ornament or apparayle of the house She is a lyght shynyng bryghther than the lyght of caÌ„deliys She is lyke the goolden pyller standyng vpon hir feet and an ovyr faste fnndament grwnded vpon a sure stone wythonte mutacions and the commande mantys of god evyr in hyr mynde The heoly god of Israhel blesse you aud multiplye youre sede and kyndre bede vnto the ende of the worlde Tho sayde they alle ameÌ„ And toke leve of the king and went they re weyes Marcoph beryng in his mynde of the vnkyndnesse that the king had commanded hym that he shulde no more so hym betwixt the yes Thought in hymself what was best to do It happenyd that the next nyght folowyng fyll a great snowe Marcolphê° toke a lytyll Cyve or Temse in his oon hande a foot of a bere in the othre hande aÌ„d he turned hys shoes tyat stode forwardes vpon his feet bakward and vpon the mornyng erly he began to go lyke a beste vpon alle fowre feet through the strete and whan he was comen a lytyll wythouthe the towne he fownde an olde ovyn aÌ„d crept into it And as the lyght of the daye was on comen oon of the kingys seruauntys founde the footstappys of marcolph and thougt that it was the trace or stappys of merveylous beste in alle haste weÌ„t shewyd it to the king ThaÌ„ne incontynent wyth huntres and howndes he wente to hunte and seke the sayd wondrefull beeste aud folowed it vnto they comen before the oven where they had loste and fownde no more of the steppys The king Salomon discended from hys hors and began to loke into the oven Marcolpus laye all crokyd hys vysage from hym wardes had put downe hys breche into hys hammes that be myght se hys ars hole and alle hys othre fowle gere As the kyng SalomoÌ„ that seyng demawnded what laye there Mar. aÌ„sweryd j am here Sal wherefore lyest thou thus Marcolf for ye haue commannded me that ye shulde nomore se me betwyxt mynyes Now and ye woll not se me betwyxt mynyes ye may se me betwene my buttockys in the myddes of myn arsehole Than was the king sore meovyd coÌ„maunded his seruauntys to take hym hange hym vpona tre Mar. So takyn sayde to the kyng Mylord well it please you to yeve me leue to chose the tre whervpon that j shall haÌ„ge Salsayde be it as thou haste de syred for it forcyth not on what tre that thou be hangyd Than the kinges seruauÌ„tes tokeÌ„ leddyn marcolph wythoute the citie through the vale of iosaphath ovyr the hyghte of the hylle of olyuete from theus to ierirho cowde fynde no tre that marcolf wolde chese to be hanged on From thens went they ovyr the flome iordane and alle arabye through And so forth all the great wyldernesse vnto the rede see And nevyrmore cowde marcolph fynde a tre that he wolde chese to hange on And thus he askapyd out of the dawnger handes of king salomoÌ„ and turnyd ayen vnto hys howse and levyd in pease ioye And so mote we alle do aboven wyth the fadre of heven Amen ¶ Emprentyd at andewerpe by me M. Gerardleen