Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	die_v	know_v	lord_n	4,982	5	3.8433	3	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A11029	[Seven wise masters of Rome]; Seven sages of Rome. English.		1493 (1493)	STC 21297; ESTC S114568	1,655	6

the mete was redy and the tyme of the day was come to go to dyner / the fader cam with a basyn and an ewyr and the moder with a towel saynge syr Syr alle thynge is redy / please it you to wasshe and whan the kynge sawe that he smyled and said to him self Nowe is the song of the nyghtyngale true for my fader and my moder shulde gladely fulfille as I sayde if I my selfe wold ther / to consente and suffre theym But he wolde nat suffre theym to doo him that seruyce saynge / youre age is to be honoured and therfore I wol nat of it and called vnto hym one of his seruauntes the whych serued him therof Than sayde the knyght / ye wol nat suffre vs to do it to oure honoure for we are nat worthy therto The kynge sayd Haue nat I saide that for the honoure of youre a / ge I forbere it whan the kynge was set at the table he set his moder on the right hand of him / and his fader on his lefte syde and they asmoche as they myght behelde his vp sage and countenaunce The dyner ended ¶ the kynge entred in to a chambre / and made the knyght with his lady to coome in to him and commaunded al other to a voide and go oute / and whan they were thus a / lone the kynge saide vnto theym haue ye no children They answeryd we haue neyther sonne ne doughter And the kynge said had ye neuer none The knyght answered we haue had one sonne but he is long a go dede The kynge asked of what dethe dyed he The knyght sayd a natural deth Tho sayde the kinge if I may otherwise knowe that he dyed than are ye founde wyth a defaute Tho asked the knight My lorde wherfore inquere ye thus after oure sonne The kynge answered that do I nat withe oute cause / and therfore I wolle knowe of what dethe he dyed and if ye wolle nat tell me I shal cause you to dye a shameful deth whan they herde that they fil to ground vp on ther knees afore him and askid him mercy and foryeuenes of theyr lyues The kynge wold nat suffre them to knele / but shortly tooke theym and sayde To that intente cam I nat to youre house to ete your brede and to betraye you / but say me the trouthe ye shal be saued for it is yeuen me to vnderstande that ye haue put him to deth if that come in iugement ye muste dye a shameful dethe Than saide the knyght forde pardone me of my lyfe I shalle shewe you the verraye trouthe The kynge sayde fere nat / for I shal do you no harme Tho sayde he Soueraygne lorde we hadde a sonne only that was wyse and lettryd and ryghte well vnderstande And vpon a tyme as he stode afore vs serued at the table There cam a nyghtingale that right swetly sange whoo 's songe he began to interprete telle vs what it ment / and sayde This bird syn / geth that I shal be come so grete and mighty a lorde that it shal be to youre honoure aduaunsement in suche wyse the ye my fader shal be glad to holde the basyn withe water to wasshe in myn handes and my moder ye towel if I wolle suffre it And whan I herd that I was fore meuyd and toke and caste him into the see for to drowne Tho sayde the kynge what euyl might haue come to you / if he had been made so greate myghty / me thynketh it shulde haue ben your honoure and proufyt The knyght saide lord it was no reson but a woodnesse The kynge answered that was a grete folisshnes of you that ye wolde doo ayenste the ordenaūce and wyl of god But now ye shal knowe for trouth that I am youre son that ye cast into the see / and god of hys greate mercy goodnesse hathe sauyd me and by his grace hath brought me to this state and dignyte And the fader and moder herynge that withe fere and ioye replenysshed fyll flat to the grounde whom he frendly and louyng / ly toke vp / saynge feare nat butt rather be glad and ioyous / for ye shal no thyng suffre / but my evaltacion shal be youre glorye and ioye and proufyte for euyr / and kyste bothe his fader and moder wythe greate ioy and gladnesse Tho began the moder to wepe Than saide the kīg wepe nat / but be of goode conforte and chere for in my realme shal ye be taken and honoured abooue me durynge my lyfe in al thynges and tooke