Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	day_n	holy_a	life_n	4,205	5	4.2274	3	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A07133	The lamentacyon of our lady	Lydgate, John, 1370?-1451?, attributed name.	1510 (1510)	STC 17537; ESTC S106751	7,032	14

A mary and moder of Iesu goddes sone of heuen A holy lady and aboue all other blessyd and euer holy A moder and mayde and moder without wemme abyde a lytell whyle and leue thy wepynge and thy sorowe For I vnderstonde y u arte blessyd amonge all women And I byleue that thy sone wyll aryse from deth to lyfe within a shorte tyme. And therfore worthy lady let vs now in y e meane tyme worthely burye this holy body for to morowe is holy daye we may not werke And whan Ioseph had sayd these wordes to me I was somwhat comforted therwith helped to wasshe my sones body that was defouled with spyttynge betynge bledynge And whan we had wasshed it we wyped it anoyntes it so at the last I was smyten with a newe sorowe than I sayd these wordes to my swete sone there he laye deed A clene flesshe vnwēmed that lyest here that were of my flesshe why woldest thou thus dye on the crosse be offred for synne for thou arte holy flesshe clene from all maner of synne and thou hast sore bought the synne of all men And whan I had sayd these wordes I fell downe vpon the body of my swete sone Ihesu wepynge bytterly and cryenge sore And than I kyssed the woundes of his heed than his handes and than his fete And than the woūde in the syde and than I cleped all the body in myne armes and kyssed it and sayd these wordes A my swete sone Ihesu I the wretched moder wende neuer to haue seen this sorowe of the nor these sorowes haue suffred for the but I wende for to haue had many Ioyes neuer to haue departed fro the. And whyle I sayd these wordes Ioseph his felawes hyed thē lyghtly to wynde bynde my sone in a cloth And whan they had bounde that one partye of his body wolde bynde that other I fell downe to the woūdes that were boūde and vnbounde them agayne efte agayne than was I smyten with a newe sorowe that I myght not suffre hym to bȳde hym of a longe tyme for my sorowe for the lamentacyon that I made vnneth myght they all y t stode there take y e deed body fro me so at the laste they wolde bere hym to the sepulture I folowed hȳ wepȳge cryenge wonderly sore whan they came to his sepulcre they wolde haue buryed hym anone I myght not suffre that in no wyse but mekely I prayed them in this maner sayd A ye noble men ye holy women burye not my swete sone Ihesu but suffre me to haue my sone a lytel whyle in myn armes that I may kysse hym and whan they sawe the grete sorowe that I was in they made grete lamentacyon abode a lytell whyle so that at the last they wolde nedes burye hym than cryed I sayd burye me with hym I may not lyue without him And than Ioseph his felawes departed me worshypfully fro the sepulcre honestly worshypfully buryed my sone Ihesu whan he was buryed I stode without the tombe wepynge cryenge fulfylled all w t sorowe sayd these wordes A aungell Gabryell y u saydest to me hayle Mary full of grace beholde I am now full of sorowe thou saydest to me our lorde is w t the and beholde now my lorde my swete sone is put awaye fro me that I may not se hym And also y u saydest to me blessyd be y u amonge all women I am turmented cursed And at the laste thou saydest to me blessyd to the fruyte of thy wombe beholde now my sone that is the fruyte of my wombe is here wyckedly stayne and now lyeth here in tombe full of woūdes And whan I had sayd these wordes I fel downe for sorowe vpon the erth than Iohn̄ that was charged of my sone on the crosse to be my sone sawe me thus sorowe he toke me vp in his armes for feblenesse of my body I myght not stonde but as Iohn̄ other women ladde me in to Iherusalem as I went I turned my hede oft agayne for sorowe that I was departed fro y e sepulcre of my swete sone Ihesu all that sawe me in the way were tempted to wepe for y e sorowe lamentacion that I made than Iohn̄ led me home in to my chambre sayd to me these wordes Now rest here the moder of my lord vpon y e arysynge of the swete sone Ihesu and my lorde seale of thy sorowe And lady I am gyuen to be thy sone that am not worthy to be thy seruaunt For Iohan may not be lykened to Ihesu the sone of Zebede to the sone of god ne the seruaunt to his lorde ne the dyscyple of his mayster ne no creature may be lykened to hym that made hȳ But neuertheles my reuerēde lady I shall worshyp you in all that I can with all my strength serue you with these wordes and many other wordes Iohn̄ comforted me oftentymes euer was redy me to please vnto the resurreccyon of my swete sone Ihesu And whan we sawe hym aryse from deth to lyfe than were we fulfylled w t more Ioye than they were before with sorowe I blessyd my swete sone Ihesu And thus endeth our ladyes lamentacyon with grete Ioye of goddes resurreccyon he graunt vs al his benedyccyon AMEN ¶ Here endeth the lamentacyon of our lady Enprinted at London in Fletestrete at the sygne of the sonne by Wynkyn de Worde

The lamentacyon of our lady WHan that I Mary Ihesus moder sate in Iherusalem at the holy feest of cester alone in my hous for moche multytude of people that came to the cyte I closed my dores sate alone as I was wonte to do and thought pryuely on my swete sone Ihesu where he were what that he dyde For on hym was all my loue and my desyre set wyllynge hym to se And hopynge that the euen before eester he wolde come to me and besyly I sate prayenge my prayers abode hym And than sodeynly after the sonne goynge to rest I herde a grete noyse of people in the cyte cryenge as wood people and whan I Mary Ihesus moder syttynge my selfe alone knewe not the cause of the grete cryenge rennynge of the people togyder than sayd I these wordes to my selfe wolde to god I were with my sone Ihesus A who shall tell me ony tydynges of my swete sone Ihesu for I drede me sore that ony thynge of hardnes befall vnto hym for I haue herde not longe here before that the Iewes haue cōspired cast amonge them his deth And than I Mary sory full sore aferde in this maner sate And loked yf ony of his apostles wolde brynge to me ony tydynges of my swete sone Ihesu I herde anone tydynges of my swete sone I herde anone sodeynly one smyte at my dore and I rose anone and ranne to the fenester of my chaumbre loked out And whan I sawe Mary maudeleyn clothed in blacke all bewepte her here adowne aboute her eyen sayd to me these wordes Come downe to me moost deuoute of all women mayde y t lyest there hydde moder berauysshed of thy sone And than I Mary smyten with the swerde of sorowe went downe dyde open my dore anone the deuoute maudeleyne cryed to me and sayd A reuerende moder moost reuerende of all women knowe ye ony tydynges of Ihesu your swete sone and my reuerende mayster And than I mary moder of Iesu full sory sayenge to her knowest thou ony tydynges maudelayn of my swete sone Ihesu And than maudelayn all be wepte cryed to me sayd these wordes Your sone your loue my mayster is now taken with cordes bounden and wyckedly cruelly of the Iewes beten drawen And whan I mary herde this I was anone smyten with the swerde of sorowe thrugh the herte I fell downe anone to the erth as a deed woman And whan these tydynges were brought to me it was the begynnynge of the nyght the derkenesse came aboute me that I wyst neuer wheder I went mannes helpe had I none but as I laye al that nyght on the erth wepȳge cryenge that heuen myght be fylled therwith all my hous I wette with my wepynge of myn eyen And than I sayd a holy fader where are thy behestes why wolde y u ordeyne me to be a moder make me ryche with a chylde now am I bereued of my chylde am lefte alone moost vnworthyest of all women A aūgell Gabryell where is now y t ylke blysse that y u behete me where is now y e somnes of grace thou behote A gabryell why woldest thou scorne me moost vnworthyest of all moders Beholde now Gabryell for the Ioye that y u behete me now haue I payne for the gladnes now haue I sorowe the moderhede I am bereued of my chylde for the grace I haue shame for the lyfe I haue deth for the blessynge that y u behete me now is come curse vpon me than sayd I to my selfe A vnblessyd moder sorowful moder why woldest y u coueyte a chylde and bere a chylde and nourysshe a childe sodeynly wyckedly arte bereued of thy childe with these wordes and wepynge sorowes lamentacyons wepynge of teres I spente y e nyght whan tyme the daye began to sprynge the derknes parted awaye than spronge a derknes for me than I rose vp fro the erth as I had ben almoost deed faylynge all mannes helpe than came to me holy women of galyle that deuoutly had ben in the temple y e nyght in theyr prayers And whan they herde that my sone was take cruelly boūde w t the seruauntes of y e bysshop to me vnblessyd moder the holy women came with haste me to comforte And than I sayd to Mary maudelayne to my systers and to the holy women of Galyle Goo we now anone that we may se my sone Ihesu that is onely the cōforte of my lyfe and than myght I not go for feblenes of my body soo sore I had beten it on the nyght before of my swete sone Ihesu but as the holy women my systers susteyned me vp in theyr armes than I met w t some of my sones dyscyples wepynge to whome I sayd thus Se ye not my swete sone Ihesu I pray you tell me where ye lefte hym And they sore wepynge sayd to me these wordes We sawe hym boūde with cordes beten with scourges his face defouled with spyttynge and ledde forth with wycked seruaūtes of Cayphas to be denyed vnder Pylate and his lokynge was pale and his chere was ghostly all his body chaunged that vnnethes we myght knowe hym And than I Mary Ihesus moder moost soryest of all moders and fulfylled with sorowe sayd these wordes A Ihesu my swete sone what here I of the what bytter and harde tydynge be tolde to me of the. And than sayd I to some of his dyscyples May I se my swete sone Ihesu in ony maner that I myght haue hym out of theyr handes And they that sawe me make this sorowe sayd to me Goo lady and tary not yf ye wyll speke with your sone on lyue for now he is lad with armed knyghtes in to Pilates palays for y e Iewes thynke to dampne hym to the moost dyspyteous dethe And whan I Mary herde these wordes I was smyten euen thrugh y e herte with sorowe as a deed woman I went forth was borne vp with my systers vnnethes myght I come to Pylates palays for faynt And whan I came and wolde haue gone in to the palays I myght not come nye the gates for the multytude of people but as nygh as I myght I put me there stode as a stone stycked in the groūde than I cast vp myn eyen to the fonester of the palays yf I myght haue seen my swete sone Ihesu and than to the fenestre of the palays came Pylate sayd to all the people I fynde no cause in Ihesu why that he sholde be put to deth wheder ye wyl that Ihesu go or barabam that is a mansleer And whan I herde this I lyfte vp myn herte as though I had be rered fro deth to lyfe hoped y t barabam mansleer sholde haue be put to deth my sone Ihesu let go on lyue But than I herde