Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	day_n	heart_n	life_n	4,504	5	4.2320	3	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A60188	Carmen in serenissimæ Reginæ Elizabethæ Natalitia, classem Hispanicam ab ipsa devictam, & conspirationem papisticam antiquam & modernam A song upon the birthsday of Queen Elizabeth, the Spanish Armado [sic], the Gun-Powder-Treason, and the late Popish Plot.	Salgado, James, fl. 1680.	1680 (1680)	Wing S373; ESTC R13434	3,483	4

Carmen in Serenissimae Reginae ELIZABETHAE Natalitia Classem Hispanicam ab ipsa devictam Conspirationem Papisticam Antiquam Modernam MAtres atque viri pueri juvenesque senesque Septenam decimamque diem celebrate Novembris Haec est illa dies etenim pulcherrima quondam Qua primum Populis fulsit nova Stella Britannis Anglica qua Debora suae laus inclyta terrae Nata fuit primasque hausit qua luminis auras Cujus vita salus fuit tutela Piorum Papicolis terrorque feris namque illa rebelles Dum tentant subitis Regnum vastare ruinis Sub Juga dat mortemque pati compellit acerbam Nomine dicta fuit divino Numine vero Regina Elizabetha alto de sanguine Regum Quae juga de nostro excussit servilia collo Elizabetha sonat mihi dat Deus ipse quietem Illa dedit Patriae requiem Christo auspice Terrae Nam requies aberat Mariâ regnante maligna In quorum subiere locum terrorque dolorque Anxius variae facto velut agmine curae Dum regit haec Patriae furia infernalis habenas Quot data sunt rapidis sanctorum corpora slammis Quantaque sanguineos animam expiravit in ignes Turba hominum quos illa debit sine crimine morti Delicias risusque dabant huic fata Piorum Dum foedat misera pietatis ovile ruina Tam sitiens sancti fuit illa cruoris hirudo At simul in Patrias foelix successit habenas Elizabetha piis tanquam de morte resurgant Vita redit laetoque implent regnum undique plausu Visaque sunt placidas Jus Pax jungere dextras Vana Superstitio cadit atque Idola Papismi Undique sunt cunctas regni destructa per urbes Tunc Evangelij lux est erecta beati Semper inextinctis radiis quae huc usque refulsit Nam tanquam clypeo Dominus protexerat illam Ne furor inferne posset restinguere sedis Quod modo vera loquar mentes adhibete probabo Dum tenet Haec Patriae Princeps moderamina terrae Hispanus Classe ingenti quae Armada vocatur Exitium crudele Anglis clademque minatur Tendit iter velisque implet Neptunia regna Carbaseis vastumque cava trabe contegit aequor Bello inhians Anglisque manum committere gaudens Concurrunt igitur simul Angla Hispanaque Classis Mox Boreas in bella ruens Eurusque Notusque Hispanis fera fata parant mortemque tremendam Quamprimum incipiunt Naves confligere at illi Fractarum innumeris ratium periere ruinis Ast contra flabris Anglis favere secundis O nimium dilecta Deo tibi Christus in altum Fuderat armatas hyemes tibi militat Aether Et conjurati veniuntad Classica venti Sic classem late ingentem Deus obruit ingens Mergunturque alii in fluctus aliique vorantur Ignibus subita rapiuntur in AEthera flamma Hispanus cecinit nondum victa hoste triumphum Tu Quae Pontificum voluisti spernere leges Hispano tua colla jugo submittere disces Sed stulte tumefactus erat spemque hausit inanem Coguntur victi Hispani succumbere bello Laeta redit Spoliis Regina insignis opimis Illa igitur cecinit verum victo hoste triumphum Tu qui Divinax voluisti spernere Leges Faemineo tua colla jugo submittere disces Sic Patriae eximiis peperit decus illa Trophaeis Rursus ut in Solio residens Jacobus avito Jura dat Populi moderatur fraena Britanni Nequitiam Commenta fuit Papistica turba Horribilem sed quae detecta in tempore facta est Irrita successuque caret fraus dira secundo Jam ferme fax dira simul cum sulphure juncta est Mox dominus Deus ipse facem cum sulphure nudat Consilium Papista suae molimina sectae Detexit non sponte sua sed numine ductus Tunc patuit quam dira suo cum corde volutent Ut Regem proceresque simul cum sede senatus Opprimeret subitae praeceps violentia flammae Hujus ab incauta pervenit Epistola dextra Quae Capta est regique data est fraudemque retexit Haec Jacobus ait minitatur Epistola vulnus Hoc certe innuitur nisi fallor vulnere Sulphur Tunc terrae in mediis manus est scrutata cavernis Sedula sulphurei late hic spectantur acervi Ergo aliis somno tacita sub nocte sepultis Rex jubet ipse suos circum sua tecta Ministros Pervigiles remanere Illi sub nocte sopora Cum vigilant hominem funesta ad munera missum Prospectant prope jam venientem protinus illum Comprendunt manibusque tenent Sic Arbiter Orbis Avertit capiti tam dira pericula nostro Sed Pater Omnipotens iterum nova gaudia nobis Attulit atque iterum rapuit de morte propinqua Nuper enim antiquo Papistica Turba furore Correpta est atque arma piis mortemque minatur Anglica jam subitis involvere regna ruinis Ecce parant juvenesque senesque exscindere ferro Et Pueros cum Matre simul plateasque rigare Caedibus cunctas implere cruore lacunas Neglecto aetatis simul discrimine sexus Sed Deus hanc nobis ipso in conaminc fraudem Prodidit subitae avertit mala fata ruinae Ergo Alacres gaudete simul cantate triumphum Carminibus Dominum super Aethera tollite Christum Luce epulas facitote pyrasque in tempore noctis Extruite noctem flammis incendia vincant Nam neque te puduit Rex O Sanctissime David Laetitiae dare signa tuae pede carmine vultu Exultate igitur jugulo namque ensis acerbus Admotus fuerat Dominus mox depulit illum Nunc vester ferlat radiantia sydera clamor Laetificisque sonis late respondeat Echo Multaque magnificae proferte insignia Pompae Inter innumeros sint haec spectacla paratus Sanguineum rapidis Papam committite flammis Cui domus est magnae sublimia moenia Romae Septem quae una sibi muro circumdedit arces Corpora Sanctorum in putres dilapsa ruinas Ignibus immeritis vidit Smithfeldia sed jam Adspiciat meritis Papam nunc ignibus ustum OUtinam subito flammis absentibus absens Ardeat in fumosque fluat consumptus inanes Atque illi aeternae fiat haec praeludia flammae A Song upon the Birth day of Queen ELIZABETH the Spanish Armado the Gun-Powder-Treason and the Late Popish Plot. LEt Protestants with thankful hearts remember This Royal day the seventeenth of November This is the day wherein that Glorious Star Did first in Englands Horizon appear When Englands Deborah drew her first breath Whose Life was life to Protestants and death To Popish Rebels stirr'd up by the Devil To work in England much mischief and evil I mean ELIZABETH that Noble Queen Who us from Popish Bondage did redeem Observe her Name by Providence of Heaven A Name Prophetical to her was given Elizabeth imports God is my Rest She Protestants reliev'd that were opprest When