Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	david_n	king_n	son_n	5,341	5	5.7345	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A17943	Here begynneth the kalendre of the newe legende of Englande; Nova legenda Anglie. English. Abridgments.	Hilton, Walter, d. 1396. Epistle on the medled life.; John, of Tynemouth, d. 1290? Sanctilogium Angliae, Walliae, Scotiae, et Hiberniae.	1516 (1516)	STC 4602; ESTC S107496	190,729	324

more to say Masse for that daye and when the kynge askyd hym why he wolde n●t say Masse he shewyd hym his vysyon by that occasion he ꝓhybyted the kynge that he shuld neuer after go a huntynge on the sonday which monycion the kynge toke benygnely fro thens kept it all his lyfe This blessyd kynge in many thyngꝭ maye be resembled to the great kynge Dauid for as kynge Dauid was fyrste kynge of Iuda and after was kynge of all the Lande aswell of Iuda as of Iherusalem and helde it at his deth peasyblye So this noble kynge was kynge of all this Realme of Englande and hadde the hole monarchye therof peasybly whiche hadde ben byfore tyme deuydyd in to many kyngdomes and was called Re●pacificus Also as kynge Dauid was a myghty defender of his subgettes a subduer of ●●bellys and so was this blessyd kynge as in his lyfe And also in Cr●nycles wyll appere and as kynge ●au●d moche encreasyd the seruyce of almyghty god And appoyntyd dyuers men therto p̄payrynge many thynges to haue buyldyd the Temple to the honoure of god so this blessyd man made repayred dyuerse Monasteryes in this Realme wherby the seruyce of god was moche encreacyd Also when kynge Dauid had offendyd and was wherfore reprouyd by the Prophete Natham anone he cōfessyd his offence cryed mercy and dyd penaūce in lyke wyse when this blessyd kynge had offendyd and seynt Dunstane reprouyd hym therof anone ferynge the Iugement of god he knowlegyd his offence and dyd seuen yeres penaunce as in the lyfe of seynt Dunstane apperyth in the latter ende of seynt Patrykes lyfe in the Legende it apperyth that many yeres after the departynge of this blessyd kynge his body was founde vncorrupt and that when the place that was newly ordeyned for hym was to lytell Oon presumptuously attemptyd to make the body mete for the place wherupon incontynent the blode folowed so that all that were there present fearyd greatly and therupon he was honorably leyde in a Shryne by the hyghe Aulter whiche he had gyuen to the sayd Churche and anone he that so presūptuously had offendyd sodeynly fell downe and expyred A man that was madde and also a blynde man at the tumbe of this blessyd kyng receyued helth and he lyeth at Glaston bury Praye we then to thyse glorious seyntꝭ that be in this present Kalendre that by merytes of theyr prayers we may haue grace so to passe by thyse transytorye thynges that after this short lyfe we may come to the Euerlastynge lyfe in the kyngdome of heuen Amen ¶ Explicit ¶ Thus endyth the Kalendre of the new Legende of Englande Emprynted to the honour of the gloriouse Seyntꝭ therin conteyned by Richarde Pynson prynter to our Soueraygne lorde Kynge Henry the .viii. ¶ Here 〈◊〉 the lyfe of seynt Birgette SEynt Birget was of the 〈◊〉 and lynage of the noble kyngꝭ of Gothis of the kyngdome of Swecia hir Faders name was Byrgerus and his moders name was Sighryd One tyme as hir graun●moder was walkynge with hir seruauntꝭ by the Monastery of Shoo one of the Nōnes of the sayd monastery byhold●● hir beaute apparell in maner despysed hir for the great pryde that she adiuged to be in hir And in the nyght folowynge there appered vnto the sayd Nonne a certeyne ꝑsone of a meruaylous beaute whiche as it had ben with an angrye coūtenaūce sayd vnto hir why hast thou bakbyten my handemayde adiugynge hir to be proude whiche is nat trewe I shall make a doughter to come of hir ꝓgeny with whom I shall do great dedys in the worlde and I shall gyue hir so great grace that all people shall meruayle After whā seynt Birget was in hir moders wombe i● happenyd hir moder for dyuerse causes to take the see where hir shyp with moche people were drowned with a sodeyn tempest and she was brought saue to the lande And in the nyght folowyng a persone appered vnto hir with shynynge apparell And sayd thou art sauyd for the childe that thou haste in thy body norysshe it therfore with the charyte of god for it is gyuen to the of the especyall goodnes of almyghty god And after whenne that blessyd childe was newly borne a preest which was curate of a Churche therby and was after Bysshop of Aboens a man of good and blessyd lyuynge as he was in his prayers sawe a bryght shynynge clowde and in the clowde a virgyne hauynge a boke in hir hande and a voyce sayde vnto hym Byrgerus hathe a doughter borne whose meruaylous voyce shal be harde thorugh all the worlde whiche shal be a voyce of gladnes and helth in the tabernacles of ryghtwyse men Fro the tyme of the byrth of this blessyd childe vnto the ende of thre yeres she was in maner as thoughe she had hadde no tonge and as she shuld neuer haue spoken but sodeynly agaynst the comon course of children nat stuttynge lyke the maner of other children that begynne to speke she speke complete and full wordes of suche thynges as she harde and sawe in hir tendre youth she was neuer ydell fro doynge some good werkes And when she was of the age of seuen yeres she sawe nygh vnto hir bed an Aulter and vpon the aulter she sawe our Lady syttynge in bryght clothynge hauynge in hir hande a precyous crowne whiche sayd vnto hir Birget wylt thou nat haue this crowne and she with mylde co●tenaunce assentyng to our Lady put it vpon hir hedde wherby she felte in maner as though a cerkyll of a crowne had gyrde hir faste aboute the hedde and furth with the vysyon vanysshed awaye whiche she neuer after coulde forgette In the .x. yere of hir age Whenne she on a tyme had harde in a Sermon of the passyon of our lorde the same nyght our lorde appered vnto hir lyke as he hadde ben the same houre newly Crucyfyed and sayd vnto hyr loo Birget howe I am woundyd and she ●hynkynge that it hadde ben newly done sayde O lorde who hath● done thus to the our lorde answeryd sayd they that do contempne m● and forgette my charyte they do this to me And fro that daye euer after she hadde suche affeccyon to the Passyon of oure Lorde that she syldome refreyned hir from wepynge whenne she remembred it seruynge our lorde as the Appostell techyth with mekenes and terys And ●boute the .xii. yere of hir age hir A●●te wente on a nyght vnto the bedde of the holy virgyne Seynt Byrgette where she founde Seynt Birget out of hir hedde knelynge all nakyd and she somwhat suspectynge the lyghtnesse of the virgyn commaundyd a rod to be brought vnto hir and as soone as she layde it vpon the backe of the virgyn to haue ●etyn hirtherwith the rod breke all in small pecys wherupon hyr Aunte merueylyng greatly sayd vnto hir Bi●get what hast thou done ▪ hath nat some women taught the some fal● prayers and she wepyng answeryd and sayd no Lady but I rose out

there he had auctoryte to preche and was made Busshope after he retournyd to wyrtzburgh where he connertyd the duke and all the countrey to the feythe And when he had lernyd that the Duke had maryed his broders wyfe yet neuerthelesse for a tyme he forbere and wolde not speke to the duke therof leste it shuld haue made trouble at his newe conuersyon but when he sawe he was strengthnyd in the feythe he admonysshed hym therof Streyghtlye wherfore the quene when the Kynge was goon to batell martyryd seynt Kylyan all his cōpanye and buryed them with all theyr Bokys in a pryuy place made a stable ouer theym that they shulde neuer be founde And when the kynge came home she tolde hym that they were goon on pylgrymage the cursyd men that put them to deth fell madde and cryed Kylyan kyllyan why doest thou so burne vs And not longe after the quene was takyn with a Deuyll she sayde she was worthy to haue tourmētys for she tourmentyd the ryght wyse men and furthwyth she dyed a Preest herde Chylderne saye seynt Kylyan doth many signes he muste be takyn vp for he lyeth not in a cōuenyent place And when he toke no hede to theyr sayinge the nexte nyghte he was stryken blynde and he harde a voyce saye to hym without thou beleue thou shalt not see And then he sought for them and when he came to the place where they were he sent for the Archebusshope of Magunce and tolde hym where they lay And then he had his syght ageyne ¶ De sanctis Keneburga Regina abbatissa desctis Kineswida Tibba virginibus SEynt kyneburgh kyneswyda were doughters to kynge penda a cruell pagan that was Kynge of Marshes And neuerthelesse his Doughters were crystenyd Kyneburgh was maryed and notwithstondynge by assent of her Husbonde she enteryd into relygyon so leuynge carnall Chylderne she had in shorte tyme many spyrytuell Chylderne she made a Monasterye callyd dormuncastre not far fro the Ryuer callyd venwhere she was made abbesse And with what dylygens she norysshed the sowlys to her cōmyttyd And how wakerye she was to kepe the cōmaūdemētis of our lord to kepe her holy porpose ī Relygion no tonge can tell seynt Kyneswyda lyuyd in virgynyte And after the Deth of seynt Kyneburgh off a Kynge of cest saxons wolde haue had kyneswyda to his wyfe whiche he attemptyd not only with feyre Speche but also with thretes And bycause she wolde not assent all her Frendys were agaynste her wherfore she prayed dylygentlye to oure Ladye for helpe and our Ladye apperyd to her comfortyd her and sayd ther was nothynge better for her than to kepe her Immaculate as she was borne nothynge more noble thē to take her sone to be her spouse more over she bade her not to fere for she sayde she wolde praye for her and therupon seynt Kyneswyda takynge boldenes sent worde to the Kynge that in no wyse she wolde assent And there upon the Kynge consyderynge her blessyd lyfe and seynge that he all his Rychesse were despysyd of a yonge mayde lefte the worlde went to Rome there he enteryd into Relygyon Seynt Tybba that was kynneswoman to seynt Kyneburgh and kyneswyda lyued many yerys a blessyd solytary lyfe And after her deth she apperyd to a holy man on seynt Lucyes daye and tolde hym that on that daye she yeldyd her sowle to heuyn And in the yere of our Lorde a thousande and fyue the relyhys of the fayde blessyd women Kyneburghe Kyneswyda and Tybba were translatyd to Peterburgh and there theyr feest is Halowyd the Daye before the Nonas of Marche ¶ De sancto Lamfranco archiep̄o SEynt lamfranke was borne in the Cytie of papeder and in his youth he forsoke his faders successyon gyuynge hym to studye And when he had atteynyd hygh seculer lernynge he came into Normandye and there he was takyn with theuys and was cobbyd of all that he had wherupon he went to the abbey of Beccense in Normandye as to the porest house he could here of and there he founde the Abbot bakynge of Brede and his handys were myrye to stoppe the Ouen and there he enteryd into Relygyon and lyuyd in profounde humylyte obedyence On a tyme as he redde the lecture the presydent founde a defaute at his redynge bade hym amende it and he redde as he was commaundyd and yet he hadde redde better before but that he dyd to shewe hym selfe obedyent For the euyll maners of the Bretherne he thought to leue the Abbey and lyue in Desert and vsyd vnder coloure of a medesyn to ere Erbys to proue how he myght endure with them And on a nyght a kynnesman of the Abbottys lately decessyd apperyd vnto hym and shewyd hym the purpose of Lanfrāke and tolde the Abbot it was not good for hym that he shulde goo frō hym And when the Abbot with great wepyngys shewyd this to Lamfranke he sawe his coūceyll was dyscoueryd wherfore he thought it was the wyll of god that he shuld tary so he dyd was made pryor there after Abbot of Cadonyence This blessyd man came into Englonde with wyllyam conqueroure and was made Archebusshoppe of Caunterbury dyd many notable thyngys in thys Realme He gaue great Possessyons to the Chyrche of Rochester and restoryd seynt Albons to the fyrste estate As he satte by the Kynge at a solempne feest a Rayler seynge the kynge syt ī gloryouse apparell seyd lo I se god lo I se god And seynt Lamfranke remembrynge the hystorye of Herode aduertysyd the kynge that he shuld not suffer such wordys spokyn to hym that belōgyd only to god but that he shuld commaunde hym that speke them to be betyn so that he shulde neuer after dare speke such wordys and so it was don He was a man of great lyberalyte and as it is sayde gaue yerely in aknes fyue hūdred poūdys And he was a man of a quycke spyryt and recoueryd many thynges that were wrongfully holden fro his Chyrche And oftyn tymes seynt dunstan apperyd vnto hym cōfortyd hym she wynge to hym the crafty purpose of his enemyes He was dyuerse tymes at Rome where he was had in great fauoure of the Pope when it happenyd hym at any tyme to be at beccense he wolde not vse hym selfe but as he had ben pryour he was profounde in humylyte large in almes a great helper of pore men a defender of pupyllys and a comforter of wydowys And with sobernes he refourmyd the Monkys of Caunterbury that had vysd before hys tyme Huntynge Haukynge and such other wanton disportys and in the .xix. yere after he had ben busshope the .v. kalendas of Iune he Dyed and lyeth at Caunterbury in a Chyrche which he in his lyfe buyldyd ¶ De sancto laurencio archiepiscopo SEynt Laurence was archebusshope of Caunterbury next after seynt Augustyne And after seynt Ethelbertys deth the Kynge Ebbalde his

sone fell to Idolatry And also toke his faders wyfe in lykewyse after sabertus Kynge of eest saxons was deed his thre sōnes fell to Idolatry which was great trouble to the feyth so that mellyte Busshope of London and Iustus Busshope of Rochestre were put oute of theyr Busshoprykes which by assent of seynt Laurence went into Fraunce seynt Laurence thought to haue folowyd but that seynt Peter the same nyghte that he wolde haue departyd as he laye in the Chyrche of seynt Petyr and Paule apperyd vnto hym and bette hym with roddys bycause he wolde forsake the flocke of god which he had takyn the charge of admonescyd hym that for the people of our Lorde he shulde tary vnto the Deth lyke as he dyd And so he went to the Kynge Edbalde and shewyd hym how he was betyn of whom for what cause And so the Kynge receyuyd the feythe And also lefte his aduoultrye And after seynt Laurence conuertyd moch people in Scotlāde to the Feythe and in the way thyther warde he went ouer the see drye fote And a holy Busshope of Irlande came thyder to hym herynge his Oppynyon of the kepynge of Eester confermyd hym therto and taught his people to folowe the same And after he retournyd into Englonde and reysyd a Chylde where he was lodged fro deth to lyfe And in the yere of our Lord god .vi. hundred and .xix. the thyrde nonas of Februarye he lefte this worlde is buryed by seynt Augustyne ¶ De sancto Lethardo ep̄o confessore SEynt letharde was assygnyd to come with the Quene Berta when she shuld be maryed to kynge Ethelberte yet beynge a Paynym to be her leder doeter and preseruator in Uertue and to defende her fro the Idolatrye then vsyd in Englonde where he suffred great opprobryes and laughyngys to skorne in doynge the seruyce of god which he vsyd to doo in an olde Chyrche of seynt martyn nygh to Caūterbury in which Chyrche the quene and her seruauntys that were crystenyd vsyd to here dyuyne seruyce At the toumbe of seynt Letharde a blynde mayde receyuyd her syght as a man that with the palsey was lame fro the myddle downe warde was prayinge for helthe at his tumbe he apperyd sayd the people in theyr sykenesse pray with grete deuocyon for helth but when they be hoole they forgette the benefaytys of god And anon be vnkynde and turne ageyn to synne And when the sykeman faythfully promysyd to amende seynt Letharde sayd of the oon legge thou shalt be hoole that thou mayste knowe the goodnes of god the other shal be as it was that thou waxe not vnkynde and so it was doon This blessyd man was the precoursoure of seynt Augustyne and made the waye redye for hym to the bryngynge in of the feythe wherfore he is right moch to be had in honoure by Englysshemen ¶ De sancto Macuto ep̄o confessore SEynt machute was borne in great Brytayne on Eester euyn in a noble Monastery in the vale of nantcarwan where his moder came to kepe vygyllys And he was baptyzyd by seynt Brendan that was Abbot of the sayd monasterye .xxxiii. men Chyldren were borne the same nyght of womē that came to bere his moder cōpany and fro his youth he was vertuous when his felowys were quakynge for colde he swette leyde a wey his Clothys which was of a brennynge Charyte that was in hym On a tyme the see flowyd there as he laye slepte and the groūde where he laye rose lyke an I le and so he was sauyd Seynt Brendan seynge that the holy gost was with hym aduysyd hym to be preest and he sayde he was not worthy to take that offyce neuerthelesse after he assentyd And when he was made preest a whyte Doue was seen descende vppon his shoulder He saylyd moche with seynt brendane in his Iourneys and in his company with the sygne of the Crosse he droue away a serpent that hadde kyllyd .iii. Chylderne In lytell Brytayne he was made Busshope of alethys And when he shulde be consecrate at turone a whyte doue was seen descende vppon his necke as he helde downe his hedde to bencdyccyon he vsyd gret watchynges fastynges prayers And when he rode by the waye eyther he talkyd of god or prayde there was no tyme but he Prophytyd to other or to hymselfe He vsyd euer a sharpe Heer vppon hym and was a grete precher to the people he went to Rome with seuyn dyscyples and chylderne that he foūde there to be solde he bought thē cristenyd thē In the waye homewarde as he was ī great perell of the see seynt peter apperyd to hym sauyd hym all his cōpany when he was Cxxxiii yere olde he dyed the .xvii. kalendas of december was honorably buryed at perdma where all his Relykys lye excepte his hed and his ryght hand which lye at alethys He helyd oon that was deffe dome and lame He reysyd a chylde that was drownyd And by his prayers blynde woman recoueryd her syght For the wretchydnes of the people he cursyd them and went into Andygauya was there .vii. yerys durynge whych tyme was great drynes and derth in lytell Brytayne And when he was desyred to come agayne to blesse the people as soone as he came the rayne fell and great plenty folowed in all the countre ¶ De sancto Maglorio Ep̄o confessore SEynt Maglorye bysshop was borne in great brytayne he was Felowe to seynt Sampson was his successoure by an Aungell he was admonysshed to leue his bysshopryke and to lyue a solytary lyfe and so he dyd he helyd an Erle that was lepre wherfore he gaue hym the one halfe of a Certeyne grounde to the whiche grounde incōtynent came many byrdes with great plente of fysshes therfore the Erle by counsell of his wyfe toke that groūde from hym and gaue hym the other half and then the byrdes and fysshes came thyder and left the other And then the Erle perceyuyng that he had done amysse gaue to seynt Maglorye the hole grounde and then the byrdꝭ and fysshes came indifferently to bothe ꝑtes He was a clene virgyne and lyued with barley brede and lekes Euery wednysday and fryday he fasted and punysshe his body with the heer he neuer dranke wyne ne syder somtyme when the bretherne were aslepe he wolde go pryuely to the seesyde there wake in prayers On eester euyn as he watched in the Churche an Anugel appered to hym and shewed hym that his tyme drewe nere to go out of this worlde and heferynge it had ben an Illusion made instaūte prayer and when the Aungell had thryse affermed the same he receyued of the Aungell the blessyd Sacramente and after that tyme if there were nat the greatter lettynge he vsyd euer to saye this verse Unam pecii a dn̄o hanc requirā vt inhabitē in domo dn̄i c. And he went to our lorde the