Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	cup_n	drink_v	eat_v	8,062	5	7.8137	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A01994	Here begynneth a lytell treatyse called the gouernall of helthe with ye medecyne of ye stomacke; Governal of health.	Lydgate, John, 1370?-1451?, Medicina stomachi.; Joannes, de Burgundia, 14th cent, attributed name.; Montagnana, Bartolomeo, fl. 1422-1460, attributed name.	1506 (1506)	STC 12139; ESTC S114852	13,550	26

olde salted or bestly fysshes or rawe flesshe or they that slepe to lytell or exercyse to moche after mete or out of mesure cold or hote and so of many other truly of suche it may be sayd But yf they leue of they shall not a sterte the broke of deth FOr helth of body couer for colde thy hede Ete no rawe mete take good hede therto Drynke holsom wyne fede the on lyght brede With an appetyte ryse from thy mete also With women flesshely haue not a do Vpon thy slepe drynke not of the cuppe Gladde towarde bedde at morowe both two And vse neuer late for to suppe And yf it so be that leches done the fayle Then take good hede to vse thynges thre Temporat dyet temporate trauayll Not malyncolyous for none aduersyte Meke in trouble gladde in pouerte Ryche with lytell content with suffysaunce Neuer grutchynge mery lyke thy degre Yf fysyk lacke make this thy gouernaunce To euery tale gyue thou no credence Be not to hasty ne sodeynly vengeable To poore folke do no vyolence Curtoyse of langage of fedynge mesurable On sondry mete not gredy at the table In fedyn̄ge gentyll prudent in dalyaunce Close of tonge in worde not deceyuable To say the best sette alway thy plesaunce Haue in hate mouthes that ben double Suffre at thy table no detraccyon Haue despyte of folke that ben troubelous Of false raueners and adulacyon Within thy courte suffre no dyuysyon Wtin thy housholde it shall cause encrease Of all welfare prosperyte and foyson With thy neyghbours lyue in leste and peas Be clene cladde after thyne estate Passe not thy bondes kepe thy promyse blyue With thre folke be not at debate Fyrste with thy better beware for to stryue Ayenst thy felawe no quarell for to contryue With thy subget to stryue it were shame Wherfore I coūceyll pursue all thy lyue To lyue in peas and gete the a good name Fyre at morowe and towarde bedde at eue Agayne mystes blake and ayer of the pestylence Be tyme at masse y u shalte the better cheue Fyrste at thy rysynge to do god reuerence Vysyte the poore with entyere dylygence On all nedy haue compassyon And god shall sende grace Influence The to encrease and thy possessyon Suffre no surfettes in thy hous at nyght Ware of rere soupers and of grete excesse Of noddynge hedes and of candell lyghte Of slouth at morowe ne eslombre Idylnesse Whiche of all vyces chefe porteresse Voyde and dronklew lyers and lechours Of all vnthryfty exyle the maystres That is to say dyse players hasardours After mete beware make not to longe slepe Hede fote stomacke preserue aye from colde Be not to pensyfe of thought take thou no kepe After thy rente mayntene thy housholde Suffre in tyme in thy ryght be bolde Swere none othes no man to begyle In thought be lusty sad whan thou arte olde No worldly Ioye lasteth but a whyle Drynke not at morowe byfore thyne appetyte Fro thynge contrary to theyr complexyon Of grete hondes the stomacke hath grete pāyne Thus in two thȳges stondeth all thy welth Of soule and of body who so lyst them shewe Moderate fode gyueth to man his helth And all surfettes doth from hym remewe And charyte to the soule is dewe This receyte bought is of no potycary Of mayster Antony ne of mayster Hughe To all indyferent it is rychest dyetarye ¶ Here endeth the gouernall of helth Enprented in flete strete in London in the sygne of the sonne by Wynkyn de worde wynkyn de worde