Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	call_v	lord_n	zion_n	116	3	9.2842	5	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06811	[Here endeth the boke of Iohn Maunduyle knyght of wayes to Ierusalem [and] of marueylys of y5xx]; Itinerarium. English	Mandeville, John, Sir.; Jean, d'Outremeuse, 1338-ca. 1399, attributed name.	1496 (1496)	STC 17246; ESTC S120604	86,741	138

southe is the temple Salon that i● full fayre and a greate place and in this place dwelle knyghtes that are called templers and that was the foū dement of and of their ordre and in that Temple Dm̄ dwell chanons Fro this temple towarde the est at xxvi pace in a corner of the cyte is the bathe of oure lorde and this bath was wonte to go to paradyse and besyde is oure ladyes bede and nere there is the tembe of saynt Symeon and withoute the cloyster of the temple towardes the northe is right a fayre churche of saynt An oure lady moder There was oure lady conceyued and before that churche is a greate tre that began to growe that same nyght And as men go downe fro that churche xxii grees lyeth Ioachym oure ladyes fader in a tombe of stoone and there nere was layde somtyme saynt an but saynte Elyn dyd translate hir into Constantynople ¶ In this churche is a well in maner of a Cysterne that is callyd Proba●●ca pisana That hadde fyue entringes And in that Cy●●erne was wonte an aungell to descende and stere the water and what man that bathed hym first therin after the mouynge was made hole that was syke What sykenesse so euer he hadde And there was the man in the palsy made hole that was syke xxxviii yere And oure lorde sayde vnto hym in this maner of wyse ¶ Tolle grabatum tuum et ambula That is to say in englysshe Take thy bedde and goo ¶ And there besyde was the hous of pylate and a litell thens was the hous of heraude the kynge that dyd slee the Innocentis Thy● Heraude was a full wyckyd man and a fell For he dyd first and formest sle his wyse whyche he loued full welle And for the greate loue that he had to hir whan she was dede he behelde hyr and went oute of his wyt and so was he longe tyme. and afterwarde he came ageyne to hym selfe And sythen he dyd sle his owne children that he had goten of that wyfe and after he made sle the other of his wyues and a son that he hadde goten of that same wyfe and he dyd all the yll that he myght ¶ And whan he sawe that he shulde dye he sent for hys suster and all the greate lordes of that coūtre and Whan they were there he putte all the lordes ●n●o toure and say de to his suster He wyste well that the men of the countre shulde make no sorowe for hym whan he were dede And therfore he made hir for to swere vnto hym that she shulde do smyte of the hedes of his lordes euerychone after hys dethe and than shulde men of all the countre make sorowe for his dethe and ellys they wolde nat sorowe And thus he made his testament But his suster fulfyllyd it nat as that thynge that parteyned vnto the lordys for as sone as he was dede she deliuered the lorde oute of the toures and sent euerychone home to their houses and tolde theym what hir brother wolde she hadde done wyth theym And ye shall vnderstonde that in that tyme was thre herodes of greate name ¶ This of whom I speke men called hym Herode ascolonyte he that dyd smyte of saynt Iohns Baptyst hede was Herode antipa and herode agryppa dyd sle saynt Iames. Also ferthermore in the cyte is the churche of the saueoure and there is the arme of saynt Iohn Crysostom and there is the more party of saynt stephens hede And on the other syde towarde the Southe as men go to mount syon is a fayre churche of saynt Iames where his hede was smyten of there ●● mount Syon and there is a fayre church of god and of oure Lady where she was dwellynge and dyed and there was somtyme an abbey of chanons reguler● and fro that place she was borne of the apostles vnto the Dale of Iosaphat And there is the stone that the aungel bare to oure lady fro mounte Synay it is of y● colour y● the ro●he of saynt katheryn is of ● and there besyde is the gate where oure lady whan she was wyth chylde wente to Betheleem Also at the entre of mount Syon is a chapell and in that chapell is that stone great and large wyth whiche the sepulcre Was couered whan cryst was lay de therin the whyche stone thre Iewes sawe turned vpwarde whan they cam to the sepulcre and there they fon de an aungell that sayde to theym the cryste was rysen fro deth to lyfe And there is a lytell pece of the pyller to the whyche oure lorde was scourged and theere was Anne house that was bysshop of the Iewes in that tyme and in that same place forsoke saynt Peter oure lorde thrye● before the kocke crewe and there is a party of the table on the whyche god made his maunde with his discyples and yet is there the vessell with water and therby is the place where saynt stephen was grauen and theere is the auter where oure lady herde the aungellis synge messe and there apperid cryst firste to his discyples after his resurrection whan the gates were sperde and sayde Pax vobis That is to say Peas to you And on that moūte apperyd cryst to saynt Thomas and bad hym assay hys wounde and than trowed he firste and sayde Dominꝰ meus et deus meus That is to say My lorde and my god in that same chapell behynde the hygh aulter Were all the appostlis on wytsonday whan the holy goost descēdyd on theym in lykenesse of fyre and there made god Paske with his disciples And there slepte saynte Iohn the Euangelyst on oure lordes kne and sawe slepynge many preuy thynges of heuen The moūt syon is within the cyte it i● lytell higher than the other syde of the cyte and that cyte is stronger on that one side than on the other for at the fote of mounte synay is a fayre castell stronge on mount syon was dauyd kynge Salon and other many grauen and there is the place where saynte Peter wept full tenderly whan he had forsaken oure lorde and a stone cast from that is another place where oure lorde was Iuged for that tyme was there cayphas hous also betwene the temple Salamon and mounte Syon is the place where er ist reysed the mayden fro deth to lyfe Vnder mount syon toward the vale of Iasaphat is a well that men calle Natatoyr Sylo there was oure lord wasshen after he was baptysed and nere there is the tere on the whyche Iudas hangyd hym selfe for despayre whan he had solde cryst and therby the synagoke where the bysshop of Iewes and sarasyns came som to holde counseyle and there Iudas cast the xxx pens before theym and sayde peccaui tradens sanguinem iustū That is to say I haue synned deceyuynge rightwys blode And on the other syde of mount Syon toward the southe a stone cast is the feld that was bought with those thretty pens for

be it gode or yll And at greate festes aboue themꝑuors table all other tables In the hall is a vyne made of fyne golde that goth all aboute the hall it hath many braunches of grapes like to grapes of the vyne some are whyte som ar yelowe som red som blacke all the red ar of rubyes of cremas or alabaūce the whyte ar of cry stall or byrall the yelowe ar of Topaces the grene ar of Emeraudes crysolitis ● the blake ar of quyches gerandes this vyne is made thus of precious stones so ꝓpyrly that it semethe as it were a vyne growynge and before the borde of the emperoure standeth greate lordes no man is so hardy to speke to him but if it be myn●●trellis for to solace the emꝑoure all the vessell that is serued in his hall or chambers ar of precious stones and ●●mely at tables where greate Lordes et● that is to say of Iasper crystall ama●yst or fyne golde the cuppes are of Emeraudes Saphyres topaces pydos other many maner of stones of syluer haue they no vessell for they preyse syluer but lytell to make vessell of but they make of syluer greces pylleris pauementes of halles of chaumbers And ye shall vnderstonde that my felawe I was in fauoure with hym xvi monethes ageyne the kynge of Mancy of whome he made warre the cause was for we had so gret desire to se the nobley of his court if it were such as we herde speke of forsoth we fonde it more rych more solempne than euer we herd speke of we shuld neuer haue trowed it had we nat sene it but ye shal vnderstond that mete drinke is more honest amonge vs than in those countres for all the comons ete nat but flessh of all maner bestes whan they haue al ete they wype ther hādes on ther skirtis they ete but ones on the day ye shall wete why he is called the gret chan ye wo te wel that al the world was destroyd with noes flode but noe his wif his childre Noe had in sōnes sem cam iaphet sawe his faders balockes naked whan he slept and scorned it and therfore was he cursed and Iapheth couered it ageyne These thre bretherne had all the londe C ham toke the best party es●wa●d that is called as●y Sem toke affryke and Iapheth toke Europe C ham was the myghtyest and rychest of his brethern and of hym ar comethe paen folke and dyuers maner of men of the yles some hedles and other men disfigured for this Cham the emperoure there calleth hym Cham and lorde of all but ye shall vnderstonde that the emperoure of Chatay is called Chane and nat cham and for this skyll it is nat yet viii yere gone that all Tartary was in subieccyon and thrall to other nacions aboute and they were made herdmen to kepe bestes and amonge theym was seuen lynages or kyndes the first was called Tartary that is the bes● The secounde lynage is called Tanghot The thyrd Eurace the forth Valayre the fyft Semeth the vi Menchi the seuenth Sobeth These ar all holding of the greate chane of chatay Nowe it befel so that in the first lynage was an olde man and he was nat ryche and men called hym Changuys This man lay and slept on a nyght in a bed and there cam to hym a knyght al whyte syttinge vpon a whyte horse and sayde to hym Chan slepes● thou god that is almyghty sent me to the and it is hys will that thou say to the vii lynages that thou shalt be ther emꝑoure for ye shal conquere all the londes that ar aboute you they shal be in your subieccōn as ye haue be ī theirs whan morowe cam he rose vp sayde to the vii lynages they scorned hym sayd he was a fole the nyght after the same knyght cam to same lynage bad theym of goddes behalfe to make Changuys their emꝑoure they shulde be oute of all subiection and on the morowe they chase changuys to emꝑoure dyd hym all worship that they myght do and called hym Chane as the whyte knyght called hym and they sayde they wolde doo as he bad theym ● and he made than many statutes and lawes the which he called Isakan and the firste statute was that they shuld be obedient to god all myghty trowe that he shulde delyuer theym oute of thraldom that they shulde calle on hym in all their myster Another statute was that all men that myght bere armes shulde be noumbred to eche x. shulde be a mayster and a C. a mayster and to a thousand a mayster and than he cōmaunded to all the grettest and pryncypallis of the seuen lynages that they shulde forsake all that they had in herytage or lordshype and that they shulde holde theym payde of that he wold gyue theym of his grace and they dydde so And also he bad theym that eche man shulde brynge his eldest son before hym and sle his owne son with hys owne handes smyte of their hedes and as sone they dyd his byddynge And whan he sawe they made no lettynge of that he bad they●● do than bad he theym folowe his baner and than he put in subieccion all the londes aboute hym And it befell on a day that the chane rode wtyh a fewe men to see the londe that he had wonne and he mette with a greate multytude of his ennemyes and there was he cast down of his hors and his hors slayne and whan his men sawe hym at the erthe they trowed he had be ded and fled and the ennemyes folowed after and whan he sawe the ennemyes were ferre he hyd hym in a busshe for the wode was thycke there and whan they were come ageyne froo the chasse they went to seke amonge the wode if any were hyd there ● and they fonde many and as they cam to the place there he was they sawe a byrde sitte vpon a tre the whiche byrde men call an oule and than sayde they that the re was no man for that byrd sate there and so went they away and thus was the chane saued fro deth and so he went awey on a nyght to his owne men which were fayne of hym And fro that tyme hyderwardes men of that countre haue do greate worshyp to that byrde and therfore before all byrdes of the Worlde they worshyp that maner of bud and than he assembled all his men and rode vpon his ennemyes and destroyed theym and whan he had Wonne all the londes that were aboute hym he held theym in subieccion And whan the chane had Wonne al the londes to mount Belyan the whyte knyght came to hym in a vision ageyne and sayde vnto hym Chane the wyll of god is that thou passe the mount Belyan thou shal● wynne many londes and for that thou shalt fynde no passage go