Selected quad for the lemma: death_n
Text snippets containing the quad
ID |
Title |
Author |
Corrected Date of Publication (TCP Date of Publication) |
STC |
Words |
Pages |
A00918
|
Sermo die lune in ebdomada Pasche
|
Fitzjames, Richard, d. 1522.
|
1495
(1495)
|
STC 11024; ESTC S118732
|
39,996
|
86
|
hym for his synne For so it is that almyghty god often punyssheth the body for synnes of the soule And it foloweth though it be so that al men ben not in this lyf punysshid bodyly for theyr synnes lete vs not theron truste ne be to prowde For assurydly a synner to passe this lyf wythout aduersyte sygne it is of grete punysshment dampnacy on in hell After the wordes of Iob the. xxi chapytre grete syÌners sayth he passyth this world ful of ten in moche prosperite and at a soden poynt they descende in to hell ¶ Thenne some there be whyche be here punysshid bodyly for ther ghostly syÌnes yet not alle hauynge bodyly syknesse haue it for their synnes but somtyme of naturall causes Many tymes of surfeyte ye somtyme for god woll shewe his grete power be glorifyed on wretchyd persones As Cryste playnly shewed in the. ix chapytre of Iohn where his discyples askyd hym of yâ blynde man of natyuyte ¶ Who offendyd thys man or his frendes that he was borne blynde Criste answerde sayd that neyther he ne yet his tâendes but that the glory of god sholde be made open on hym Wherupon sayth saynt Austin Hadr this man not originall synne ne yet actuall in progresse of his lyfe that Cryste sayd of him he had not offendyd yes lurely sayth sayne Austin both he and his frendes had dyuers wayes synned And yet for âheyr synnes was not this man born blynde but yâ cause was that god wold shewe his almyghty power be glorifyed in hym ¶ So theme at our sauyours comyng in to this world al were syke ghostly many bodyly Now he lyke a grete physicyen bâ his almyÈty poâer mynystrid cure vnto them He nyghed vnto them that were synners and like both ghostly bodyly He disdayned not theyr coÌpany etc dranke wyth them famylyarly This meke acte of cryst displeysid the proude Scribes Pharisees sayd to his disciples Whi eteâh dryketh your mayster wyth grete open synners the v. chapytre of Luke Cryste was thenne in yâ house of Leui or Mathu whiche made him a greâe fest wherunto came many Publicans grete syÌners vsurers I deme many of them Crâste I say ete dranke wyth them to cure them not to folowe them to drawe them to hym not him to them ⪠yâ they shold folowe his steppes not he theyrs He nyghed vnto theym by grace yâ they sholde nyghe vnto hym by penaunce Wherfore he answerde forth wyth to the acusacoÌn of the Scribes Pharisees this wyse Sike men nedeth a physicyen not hoole men ⪠Wher vpon sayth saynt Iohn Crisostom in thyse wordes ¶ Cryste remembred them of the comyn Infyrmy âe of synne shewynge them to be of the nombre of synners And hymself to be a perfyte physicyen therfore addeth forth with I cam not in to this worlde to calle ryghtwysmen but rather synners to penaunce As though he sholde saye I disdayne not synners syth oonly for synners loue I came in to thys worlde not yâ they shold remayne synners but rather to be conuerted lyue euerlastyngly ThenÌ I say our sauyour IhuÌs Cryst dispysed not the coÌpany of syke men gostly ne bodyly but of his infinyte goodnes bi his grete power cured them all all yâ wolde come nyghe or cleue vnto hym forsake hyÌ not For yâ vertue of him yede forth curyd all men yâ vi chapitre of Luke ¶ We neuer rede yâ crist euer caste ony syÌner or syke man fro hym yâ sued to hyÌ for mercy grace Al be it we fynde yâ some cast away themself wold not come at his callyng but were alle waywarde wrange from hym As the ryche man of whom we rede the. xviij chapytre of Luke after moche comunycacoÌn atwyxe them criste sayd vnto hym Goo thy waye selle all thy godes geue them to poore men Come folowe me thou shalt haue a tresour in heuen It folowyth This ryche man departyd heuyly soryly fro Criste for he had grete possessions Cryste lokynge abowte knowyng this man departyd sayd to his discyples Full harde it is a ryche man to entre the kyngdom of heuen â ¶ Taketh good hede here vnto ye ryche men of this worlde Full harde it is to you to nyghe vnto god but ye wyth Leui caste from you your burdon folowe Cryste We rede also in the. viij chapytre of Iohn That many refusyd caste Cryste from theym whan they went backe from hym walkyd no more wyth hym but folowed the deuyll This was it of the. ix leprous men of whom we rede in the. xvij chapytre of Luke This was it of Iudas the traytour to Cryste of fewe other we rede that raste Cryste from them sayenge in a parable the. xix chapytre of Luke We wol not this man to regne on vs But we neuer rede that Cryst caste ony seke man from hym ghost ly or bodyly whyche wolde come vnto hym be curyd In token of this he sayd hymself in the. xi chapytre of Mathu Come ye vnto me all yâ ben chargyd wyth the burdon of synne I shall cure you ¶ Ye but thou asâryst me here a questyon Curyd Cryste his paâyentes Ye surely Neuer physicyen lyke vnto hym For he made all the man hoole the vij chapitre of Iohn He neuer curyd man in his body but he fyrste curyd hym in his soule And ful resonably For a perfyte physicyen sholde fyrste cure that thynge in his pacyent whyche is of grete peryll of grettest pryce Now is there incomparably grettest peryll in syknesse of the soule than of yâ body For the syknesse of the soule foloweth comynly euerlastynge dethe whyche is euerlastynge dampnacoÌn in hell And the syknesse of the body foloweth but temporall dethe the departyng of the body the soule whyche Cryste accountyd for no grete thynge as it is open in the. x. chapytre of Mathu Drede ye not sayth Cryste to his seruauntes theÌ whyche whan they haue slayne the body can hurte you no ferther But drede ye hym whyche hath ful power to coÌmytte bothe body soule to euerlastynge payne of hell Ye sayth Cryste hym drede ye ¶ Thenne syth there is so grete peryll in syknesse dethe of the soule aboue the syknesse deth of yâ body our sauyour Lryst curyd alway the soule firste and folowyngly the bodyes of whom was lesse charge ¶ Ye but ye must vnderstond all his phisyk was heuenly not erthly all from aboue not fro by neth For after saynt Austyn He. whyche wyth his oonly worde made all thynge of nought he with yâ samÌ his oonly worde repayred his creatures at his pleysur He mynistred al his cures both gostly bodily by his almyghty power sayeng to one blynde man respiceâ beholde se. To a nother that was longe with the Palsey contracte Ryse vp take wyth the thi bedr walke To a nother Be it vnto the