Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	body_n	lord_n	soul_n	13,508	5	5.1021	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06812	Here begynneth a lytell treatyse or booke named Johan Mau[n]deuyll knyght born in Englonde in the towne of saynt Albone [and] speketh of the wayes of the holy londe towarde Jherusalem, [and] of marueyles of Ynde [and] of other dyuerse cou[n]trees.; Itinerarium. English	Mandeville, John, Sir.; Jean, d'Outremeuse, 1338-ca. 1399, attributed name.	1499 (1499)	STC 17247; ESTC S108363	76,208	190

deuyll and some calle it the stynkynge flom for the water therof stynketh There sanken thyse fyue cytees thrugh the wreche of god that is to saye Sodome Gomor Aldema Solome Segor For the synne of Sodome that regned in theym but Segor thorugh the prayer of ●oth was saued a grete whyle for it sate on an hylle and yet appyereth moche therof aboue the water and men may see the walles in clere weder And in this cyte of Segor Loth dwelleth a grete whyle there he was made dronken of his dough ●s and laye by theym they wende that god sholde haue destroyed all the worlde as he dyde with Noes flood And therfore they laye by theyr fader for men sholde be borne of theym in to the worlde And yf he had not be dronken he had not lyen by theym And at the ryght syde of this see dwelled Loths wyf a stone of salte for that she loked agay ●e whan the cyte sanke downe ¶ Of Abraham and his generacyon ca. xxxi ANd ye shall vnderstande that Loth was Arons sone Abrahams broder and Sara Abrahams wyf was Loths syster Sara was xc yere olde whan she gate Ysaac and Abraham had an other sone named Ismaell that he had● goten on his mayden Agar he was xiiij yere of age whan Ysaac was borne whan Ysaac was viij dayes olde he was circūcysed therfore the Iewes dyde circūcyse theym at the age of viij dayes his other sone Ismaell was circūcysed that same daye was xiiij yere of age and therfore the Sa rasyns dyde circūcysetheym at xiiij yere of age therfore the Iewes that be of the generacyon of Ysaac do circūcyse theym at the. viij daye of theyr age and the sarasyns that be of Ismaels genera cyon do circūcyse theym at theyr xiiij yere of age And in to that deed se● aforsayd renneth the flom Iordan maketh there an ende this is within a myle of saynt Iohans chirche a lytell beneden that same chirche westwarde were the crysten men wonte to bathe theym a myle thens is the ryuer of Loth thrugh whiche Iacob went whan he came fro Mesopotamyen ¶ Of the flom Iordane ca. xxxij THis flom Iordan is no grete Ryuer nor d● pe but there is moche good fysshe therin it cometh from moūt Lybany fro two welles tha● men calle Ior and Dane of theym it taketh th● name and vpon the one syde of that ryuer is moū● Gelboe there is a fayre playne And on that othe● hylle of Effraym where Anna Samuels moder the prophete dwelled and there was the prophete borne and after his deth he was buryed at mount Ioye as I haue sayd And after come men to Sybola where the Arke of god was kepte vnder Hely the prophete And there made the people of Israell theyr sacrefyce vnto our lorde Also there spa ke our lorde fyrst vnto Samuell And there mynystred god the sacrament Also there nere at the lyfte syde is Gabaon and Rama Benyamyn of the whiche holy wrytte speketh After that come men to Sychem that some men calle Sycar and this is in the prouynce of Samarytanes and some tyme was there a chirche but it was all casted downe and it is now a fayre vale and that full plenteuous and there is a good cyte in that vale that men calle Neople and so froms thens it is a dayes Iourney vnto Ierusalem and there is the welle where our lorde spake to the woman Samarytane and Sychem is .x. myle fro Ierusalem it is called Neople that is to saye the newe towne And there nere is the Temple Ioseph Ia cobs sone that gouerned Egypte Fro thens were his bones brought layde in that Temple and thyder came Iewes often in pylgrymage with gre te deuocyon Also in that cyte was Iacobs dough ter Dyana rauysshed for whom her brothers slewe many me● and therby is the cyte of Garysym whe re the Samarytanes make theyr sacrefyce ¶ On this hylle wolde Abraham haue sacrefyed his sone Ysaac and there nere is the vale of Dotayn there is y● cesterne where Io seph was cast in of his bretheren before that they solde hym and it is two myle to Sychar fro thens men come to Sa mary that men call Sebasten y● is the chyef cyte of that coūtree in that cyte was the sete of the .xij. kyndes of Israell but it is not so grete as it was there was saynt Iohn baptyst buryed bytwene two prophetes Helyzeus Abdon but he was byheded in the castell of Makaryn besyde the deed see he was translated of his dyscyples buryed at Samary but there dyde Iulius apostata take his bones brente theym for he was that tyme Emperour but the fynger with the whiche he shewed our lorde sayenge Ecce agnus dei That is to saye Beholde the lombe of god that fynger myght 〈◊〉 〈◊〉 〈◊〉 〈◊〉 ●ecla the virgyn dyde bryn and Hely the prophetes And therfore 〈◊〉 say ▪ Peter Bonū est nos hic esse faciamus tria tabernacula c. That is to saye It is good to vs to be here make we thre tabernacles And our lorde Ihe su cryste badde theym that they sholde saye it to no man vnto the tyme that he was rysen from deth to lyf And vpon the same hylle shall foure angels sowne theyr trompettes reyse all men that are deed to lyf than shall they come in body soule to the Iugement but the Iugement shall be in the vale of Iosaphat on Eesterdaye at the same tyme as our lorde rose from deth to lyf And also a myle fro moūt Tabor is moūt Hermon there was y● cyte of Namy before the yates of that cyte our lorde reysed the wydowes sone that had nomore children ¶ Of the see of Galyle ca. xxxvij ANd from thens men go to a cyte that men calle Tyberyen that sytteth on the see of Ga lyle all yf it be called the see of Galyle it is no see ne arme of the see for it is but a staumble of fresshe water it is more than an hondred furlon ges longe and .xl. brood therin is many good fysshes And on the same see standeth many good cytees therfore this see chaūged often his name af ter the cytees that stande therupon but it is all 〈◊〉 water or see and vpon this see yode our lorde dry● foot there sayd he to Peter whan he came on the water was nere drowned Modice fidei quare du bitasti That is to say Thou of lytell byleue why haddest thou doubte ¶ Of the table there Cryste ete vpon after his vp rysynge fro deth to lyf ca. xxxviij IN this cyte of Tyberyen is the table that Cry ste ete of with his dyscyples after his refurreccyon they knewe hym in brekynge of brede as holy wrytte sayth Et cognouerūt eū in fractione panis That is to saye The knewe hym in brekynge

¶ Here begynneth a lytell treatyse or booke named Iohan Maūdeuyll knyght born in Englonde in the towne of saynt Albone speketh of the wayes of the holy londe towarde Iherusalem of marueyles of Ynde of other dyuerse coūtrees FOr as moche as the londe ouer the see that is to saye the holy londe that men calle the londe of hetynge Amonge all other londes it is the moost worthyest londe souerayn of other londes and it is blessyd halowed sacred of the precyous blood of our lor de Ihesu cryste In the whiche londe it l●ed hym to take flesshe blood of the virgyne Ma●y and to enuyron that londe with his owne feet And the re he wolde do many myracles and preche teche the fayth the lawe of vs crysten men as vnto his childern And therfore he wolde suffre many repro ues scornes for vs. And he that was kyng of heuen of erthe of ayer of see and of all thynges that are conteyned in them wolde all oonly be called kyng of that londe whan he sayd Rex sū iudeorum I am kyng of Iewes For that tyme was that londe of Iewes that londe had he chosen before all other londes as for the best the moost vertuous for the moost worthyest of the worlde And as the phylosophre sayth thus Virtus rerum in medio consistit That is to saye vertue of thynges is in the myddes in that londe he wolde lede his lyf and suffre passyon deth of the Iewes for vs and for to delyuer bye vs fro the paynes of helle fro deth withouten ende the whiche was ordeyned to vs for the synne of our fader Adam for our owne synnes also For as hymself he had none euyll deserued for he thought neuer euyll ne dyde neuer euyll And he that was kyng of glorye and Ioye myght best in that place suffre deth For he y● wyll do ony thynge that he wyll be knowen open ly He wyll do crye it openly in the myddell place of a towne or of a cyte so that it may be knowen to all partyes of the cyte So he that was kyng of all the worlde wolde suffre deth for vs at Ierusalem that is in myddes of the worlde so that it myght be knowen to men of all partyes of the worlde how dere he bought man that he had made to his owne lykenesse for the grete loue that he had to vs for more worthyer catell ne myght he haue set for vs than his owne blessyd body his owne precyoꝰ blood the whiche he suffred for vs. A dere god what loue he had to his subgettts Whan he that had done no trespas wolde for trespassours suffre deth By ryght ought men to loue worshyp and drede serue suche a lorde and worshyp prayse suche a holy londe that brought forth suche fruyte thrugh the whiche euery ma●●s saued but yf it be his ow ne defaute This is the londe behyght to vs in he ry age in that londe wolde he deye as cessed to leue it to his childern For the whiche euery good crysten man that may hath wherof sholde strength hym for to conquere our ryght herytage chace out the euyll peoples handes for we are called cry sten men of Cryste our fader And yf we be ryght childern of Cryste we owe for to chalenge the herytage that our fader lefte vs do it out of straūge mens handes But now pryde couetyse enuye hath so enflāmed the hertes of lordes of the worl de that they are more besy for to dysheryte theyr neyghbours than for to chalenge or conquere theyr ryght herytage before sayd And the comon people that wolde put theyr bodyes catell for to conque re our herytage they may not do without lordes for assemblynge of the people without a chyef lorde is as a flocke of sheep that hath no sheepherde the whiche departe asondre wote neuer wheder that they sholde go But wolde god that the worldly lordes were at good accorde and with other of theyr comon people wolde take this holy vyage ouer the see I trowe well that within a lytell tyme our ryght herytage before sayd sholde be reconsyled put in the handes of the ryght eyres of Ihesu cryste And for as moche it is longe tyme that there was no generall passage ouer the see many men desyre to here speke of the holy londe and haue therof grete solace co●forte ¶ Iohn maūdeuyle knyght Though it so be that I be not wor thy that was born in Englonde in the towne of saynt Albone passed the see in the yere of the Incarnacyon of our lorde Ihesu cryste M. CCC xxxij on the daye of saynt Myghell hyderwarde hath be longe tyme ouer the see haue seen gone thrugh many londes many prouynces and kyngdomes yles and haue passed thrugh Turky thrugh At mony the lytell the grete thrugh Tartary thorugh Percy thrugh Syry thrugh Araby thrugh Egypt the hygh the lowe thrugh kyby thrugh Caldee a grete parte of Ethyope thrugh Ama zonie thrugh Ynde the lesse the more a grete par te and thrugh many other yles whiche are about Ynde where many dyuerse people dwelled of dyuerse lawes shappes of 〈◊〉 ●des and yles I shall speke more pla● I shall deuyse a par te of thynges what they are whan tyme shall be after it may come to my mynde and specyall for theym that wyll are in purpose for to vysyte the holy cyte of Ierusalem the holy places that are there about I shall telle the waye that they shall holde thyder for I haue many tymes passed ryden it with good company of many lordes ¶ He that wyll go towarde Ierusalem on hors or a foot or by the see Ca. pmū IN the name of god almyghty He that wyll passe ouer the see he may go many wayes bothe on londe see after the coūtrees that he cometh fro and many of theym come all to one ende but trowe not that I wyll telle all the townes cytees castels that men shall go by for than sholde I make to longe tale but all oonly some coūtrees moost pryncypall cytees or townes that men shall go thrugh to go the ryght waye ¶ Fyrst yf a man come from the west syde of the worlde as Englon de Irlonde Wales Scotlonde Norweye he may go yf he wyll thrugh Almayne thrugh the kyngdome of Hungery that marches to the londe of Poyal me to the londe of Pannony of Allesey And the kyng of Hungary is a ryght grete lorde and a myghty holdeth grete and moche londe for he holdeth the londe of Hungery of Allesey Coma me a grete parte of Bulgary that men calle the londe of Buggers a grete parte of the kyngdome of Rosse that lasteth to the londe of Nyflon de marches vnto Pruysse and