Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	body_n	life_n	spirit_n	11,648	5	5.3153	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A68427	Here begynns the mayng or disport of chaucer; Complaint of the black knight	Lydgate, John, 1370?-1451?; Chaucer, Geoffrey, d. 1400, attributed name.	1508 (1508)	STC 17014.3; ESTC S114461	10,999	30

treuth allace Murtherit and sleyne wyth wordis scharp and kene Gylthes god woot of all trespase Andlig and blede vpon this cold grene Now mercy suete mercy my lyvis quene And to your grace of mercy yite I prey In ●hourc seruice that youre man may dey Bot if so be that I schall dey algate And that I schal none vy ● mercy haue And of my deth lat this be the date That be yhoure wil I was brought to my grane ▪ Erhastely if that ye list me saue My scharp woundis that ake alsso and blede Of mercy charme and al 's of woman hede For othir charme pleynly Is there none Bot only mercy in to this case For though my wound blede ewir in one My life my deth stant all in yhour grace And thoght my gilt be nothing allace I ask mercy in almy best entent And reddy to dee if that yhe assent For there ayenes schall I newir stryve In word no werk pleynly I ne may For lynar I haue than to be a lyve To d ee sothly and it be hyr to pay yha though it be this ilke samy day Or quhen that ewir hyr lust to devise Suffisith me to d ee in hir seruice And god that knowetst y e thought of ewiry wight Ryght as it is in ewire thing thou maist se yit er I dey wyth all my full myght ●ouly I prey to grant vnto me That ye gudely fair fresche fre Quhiche sleith me only for defaut of reuth Or than I dey yhe may know be my treuth For that in sooth suffiseth wnto me And sche it know in ewiry circunstance And ester I am wele apayed that sche If that hyr list of deth to do grevance To me that am vndir hir legeance yhite schal I nat hyr dome discobey Quhere so hyr lest to do me lyve or dey Wyth outyn gruching or rebelliousi In will or worde holy I assent Or ony maner of contradictionne Fully to be at hyr cōmaundment And If I d ee in my testament My hert I send and spirit alsso On hat ewir sche lust wyth yaim for to do And aldirlast to hyr womā hede And to here mercy I me recōmaund That lig now here betuir hope and dred Abiding plenyly quhat sche list cōmaund For vtrely this nys no demaund Welcom to me quhil me melestith breth Ryth at hyr chose quhethir It be life or deth In this matere more quhat myght I seyne Sith in hir hond and in hir will is all Both life or deth my ioy o all my peyne And fynaly my heste hold I schall Till my spirit be destyne fatall Quhen that hyr lest fro my body wend Haue here my treuth and thus I mak ane end And wyth that wourd he kan sike as sore Lyke as his hert wold ●ybe atueyne And held his pece and spak o word nemore But for to se his wo and mortale peyne The teeris gan from myn ee●e reyū Ful pitousely for verray in wart reuth That I hym sangh solauguissnig for treuth And al this quhile my self I kept close Among the leves and my self gan hyde Till at the last the woful man arose And to luge went there beside Quhere al the may his custom was to habide Sole to complene of his peynes kene From yere to yere wnd the leues grene And for the cause that it drew to y t ny t And that the sone his ark diurnale ypassyt was so that his ꝑsaunt ly t His bry t bemes and his stremes all War in y e wawes of the wacter fall Wnder the bordour of oure occiane his chare of gold his course so swiftly rane And quhill the twylyght and y e rewis rede Of phebus ly t werrē deaurat alite I toke a penne and gan me fast sped The woful pleynt of this man to write Word be word as he did endyte Lyke as I herd and koud hym to report I haue here sett yhour hertis in disport Oyfoucht be mys ley the wite on me For I am worthy for to bere the blame If anny thing mys report it be To mak this dyte for toseme lame Through my vnkonnyng bot for to seme the same Lyke as this man his compleynt dit exprese I ax mercy and for gefnese And as I wrote me thought I sow a ferre In to the west lustely appere E●perus the goodely bryght sterre So gladde so feire so psaunt eke of chere I mene venus wyth hyr bemes clere That hevy hertis only to relefe Io wount of custom for to schew at eue And I al 's fa●● fell down̄ on my knee And evyn to hyr thus I kan prey O lady venus so feire vpon the see Lat not this man for his treuth dey For that Joy thou haddest quha thowley Wyth Mars thy kny t quha that vlcanus fond And wyth a cheyn vnvisible you bond Togider both tueyne in the same quhile That all the court aboue celestiale At yhoure ●chame gan la●ch and smyle A feire lady we le willy fond at all Comfourt to carefull o goddes immortale Be helping now and do thy diligence To let the stremes of ynie influence Descend down in furtheryng of thy threuth Nomely of thaym that be in sorow bond Shew now thy myght and of there wo haue reuth Or fals dangere sle hym and confound And specialy lat thi myght be found For to s●ccure quhat so thou may The trew man that in the herbere lay And al trew men thou furthyr for his saik O goodly sterre o lady venus myn And cause his lady hym to grace tak Hyr hert of ste●le to mercy so inclyne Or that the bemes go vp to declyne And or that thou go now fro w● adoune For that loue thou haddest to adone And quhen that sche was gone to hyr rest I rose anone and home to bed went For verely me thoght it for the best Preying thus in al my best en●ent That al trew that bene with danger schent With mercy may in relesche of there peyne Recouerit be or may cum eft ayene And for that I may no longer wake Fare we le yhe loneris all that bene trew Prēyn●g to god and thus my le●f I tak That or the son to morow be risen new And or he haue ayne his rose hew That eche of yhou may haue s●●che a grace His ol●●n lady in arines to enbrace I mene thus in all honeste Wyth out more yhe may to gidd speke Quhat so yhou list at good liberte That ●●h may tyl vthir there hert breke On Jalousy only for to b●lwreke That hath so long of his malice and envy Werreid treuth wyth his tyrāny Princes plesith to youre benignite This litil dyte ho haue in mynde Of woman hede allso for to se youre trew man may sum mercy fynd And pite eke that hath long be by hynd ●at tha● in a yen be provoked to grace For by my treuth it is ayenes kynde Fals danger to occupy his place Go litil quare go to my lyvis quene And to my verrey hertis souueraine And be ryght gladde for sche schal the sene Suiche is thi grace bot I allace in peyne Am left behynd and notte to quhom to pley● For mercy reuth grace and eke pite Exild bene that I may nought acteyne Recowir to fynde of myn adu●isite Q When be dyvyne deliberation̄ Of ꝑsons thre in a god hede yfere The grete message and hye legacion̄ Was send vnto that blyssit lady dere Be gabriel scho being in hir prayere Asking of god as prophety dois exprime To send the son̄ that suld the warld redeme The angel to the virgyne Is removit And to mary he said on this manere Hayle full of grace dest and best belovit God is wyth the thou art till hym most dere Must preciouse and principall but pere Thou suete wyne tre well of sanitee God will of the tak his humanitee The virgyne wonderit of that hye message And was abaisit in hir humyl sprete Wnto the angel having this langage Wyth sobir mynde and wordis wonder suete As scho that was full of grace replete How may this be I suld consaue a childe I knaw no man my maidynhede is vnfylde Be nought ꝑturbit in thyne aduertence Thy benygne ere vnto my voce inclyne The fadis powere the sonis sapience The vertu of the haly gaste dyvyne Within thy wame sall obumbit schyne Thou sall consaue bath clene in dede thought Hym that the maid and all this warld of nought All creaturis on kneis fall ye doun̄ Consent virgyne vnto this hye message Quhare by folowis the redemption̄ Of Abraham aud all his hale lynage Thy word may now insernale folk discharge The fadis eke that dirknes doith in hance Wyth wofull Adam weping in penance This gloriouse lady quhom towe ostyme call As god so wald his prophecye fullfill Remēbring eke the we le fare of vs all Lo here scho said goddis humyl ancill Be it to me eftir thy word and will And be scho had hir wordis thus exprimyt Consamt was he that all the warld redemyt Thou Moyses busk remanyng incombust Quhilk was fare signe of thy virginitee Refrene vs fra all fraw art ●●e●chly lust Nothing to ioy bot in thy sone the And geve vs grace that houre quhen we sall dee Be thy meke mene that place in hevin to wyn That ordanyt was for Abraham his kyn Exp●icit Heir endis the maying and disport of cha●cer Imprētit in the south gait of Edinburgh be Walter chepman and Androw myllar the fourth day of apile the yhere of god M. CCCCC and viii yheris Androv myllar Here begynnys the mayng or disport of chaucer Walterus ▪ chepman WC