Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	body_n	life_n	nature_n	5,551	5	5.2232	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A01556	Ane breif gathering of the halie signes, sacrifices and sacramentis institutit of God sen the creation of the warlde. And of the trew originall of the sacrifice of the messe. Translatit out of Frenche into Scottis be ane faithful brother; Sommaire recueil des signes sacrez. English.	Stewart, William, d. 1569.; Bèze, Théodore de, 1519-1605, attributed name.	1565 (1565)	STC 11684; ESTC S117946	77,193	93

subtil transmutatioun transubstanciatioū of Iesus Christ into a rok or material craig Gif ye halie Apostil testifies yat we are ye bodie of Iesus Christ is it to infer 1. Cor. 12. yat we are vanissit away and are na mair men bot transubstanciatit into ane accident without substāce I forese weil o Mesmongers indurit yat ȝe will obiect all yir placis afore allegit in ye quhilk yis tearme Est is found not to make mentioun of ye sacramentis quhilk are far mair exactlie to be obseruit forsamekil as yai are halie mysteries ordenit of God ye quhilk is trew And alswa not onelie yis word Est is found in ye halie Scripturis heir before declarit bot quhan it is spokin of ye halie sacramentis first ordenit of God to his pepil of Israell is it not writtin yat circumcisioun is ye cōuenant and contract of God Gen. 17. In ye vther sacrament of ye communion of ye Paschal Lamb is it not said yat ye Lamb is ye Passouer yat is to say a passing by Exod. 12.13 Is it to infer a Magik of transubstanciatioun wil ȝe not confesse ô Mesmonging transubstanciatouris yat in yir placis of yehalie Scripture speaking of ye halie sacramētis yis tearme Est can not be vther wise interpre●it bot to signifie and yat ye circumcisioun was ye signe and marke of ye conuenant and confederacie contractit be God with Abraham Gen. 17. the Paschall Lamb was alswa the halie signe of the Passouer for remembrance of the deliuerance fra Egipt The Ark of conuenant for anuther Sacrament of ye quhilk it is writtin Nomb. 10. Psal 68.94 Math. 21. Ioh. 2. that it is ye veritie and power of the Lord is it to say that it was transubstanciatit into the maiestie of God It behuifis it behuifis with discretioū to interprete ye halie Scripture and in humilitie without sophistrie and without Magik to vnderstand hailsumlie ye trew interpretatioun of the tearmis and not abyde swa gretlie in ye letter ye quhilk slais bot to resaif ye word of God in ye Spirit yat quickins Gif yan ye Ark consecratit is namit ye Lord and callit God because yat in it he exercisit his power and declarit his Oracils and mysteries to draw be ane outward signe ye pepill of Israel to remember yaim self of God to feir him and obay him gif Iesus Christ hes alswa said yat he is ye bread cume downe fra heuin ye bread yat quickins yat ye bread brokin is his bodie that the wine is his blude yat ye cup is ye new Testament be ye outward signes of bread and of wine to cause vs vnderstand our life and fude of saluatioun to depend of ane onelie Iesus Christ and yat be his death blude sched we haif assurance of eternall life euin as ye bread and ye wine are for ye bodelie nurisment and yat it was his wil and he ordenit yir halie signes to serue vs as sacramentis for approbatioun and confirmatioun of our faith is yis ane occasioun to haif playit ye Caphernitis or Nicodemits for to inquire or dout of ye power of God how is it possibill to eat ye bodie and drink ye blude of Iesus Christ how is it possibil to be regenerat and borne again Seing that ye promis be the word hes bene gifin to vs quhy haif ȝe ô Mesmongers imaginit ane carnal transubstantiacioun mistraisting ye vncōprehensibil power of God sould it not haif suffisit ȝow to beleif simplie ye bodie and ye blude of Iesus Christ to be reallie and sacramentallie offerit vnto vs to communicat of it for our fude for to gif vs life eternall be ye bread and ye wine consecratit with geuing of thankis ye bread being trewlie his bodie and ye wine his blude quhilk it behuifis to resaif worthelie be faith and in puritie of consciens as halie signes and markis of ye heuinlie bage without inquiring ouer subtillie of ye meanis vthers yan ye interpretatioū of Iesus Christ yat ye flesche profitis not bot ye Spirit quickins and yat his wordis are Spirit and life Sould we doute yat God hes not ye power be ye signes of bread and of wine consecratit to make vs communicat with ye bodie and blude of Iesus Christ albeit yat ye bread abidis still bread and ye wine remanis wine Gif it war not a sacrament bot sould be callit ane miracil as quhan Iesus Christ turnit ye water into wine he vsit yen a miracil of transubstantiacioun changing ye water into wine Io● ● Bot he ordenit not yairof a sacrament as he did of ye communion of his bodie and blude be ye halie figuris of bread wine ▪ was it not as easie to God to cause change ye wine into blude or ye bread into flesche as to moises and Aaron to change ye water of ye riuer into blude Exod. 4.7.8 to proue ye hardnes of Pharo or quhan ye cludis war turnit into ye flesche of Quaillis Exod. 16. yat ranit downe apon ye pepil of Israell Neueryeles God hes not ordenit yir miracils to serue as ordinare sacramentis bot wald accommodat him self to our infirmitie in geuing vs halie signes not transubstanciatit yat are not vaine or fantastik bot are outwarde signes yat we may se tuiche eat and taist abiding in yair substance and neueryeles representis sacramentallie yat quhilk is comprehendit and signifiit be yaim quhairin consistis our approbatioun of faith to schaw furth be ye wark of ye sacrament yat we are of ye nomber of ye regenerat and nurissit be ye halie sacramentis of Baptisme and of ye Supper Gif it be permittit to vse comparisouns Comparisoū of ye twa halie sacramēts of ye twa halie sacramentis of Baptisme and of ye Supper albeit yat yair be difference betwene regeneratioun ye quhilk is not reiteratit for it suffisis to be anis borne and regeneratit bot ye nurisment is oft reiteratit according to ye ordour of nature and vthers differencis larglie aneuch discriuit be ye halie Apostils and Ministers of ye word of God Notyeles ye same end ye same God the same Iesus christ is representit alsweil in Baptisme as in ye Supper be ye blude of Iesus Christ we are regeneratit and be ye same blude nurissit be ye blude of Iesus Christ we are renewit impit and graftit and be ye same blude are intertenit Tit. 3. and preseruit fra hunger and thrist for euer mair Ioh. 3.6 Be ye blude of Iesus Christ we are spoilȝit of ye auld corruptit skinn Rom. 11. and cled with his bodie quhairof alswa we haif fude and life eternall Ioh. 6. Galat. 3. Ephes 4. Be ye blude of Iesus Christ we haif accesse and entrie to ye Kingdome of heuin and be ye same blude we haif fruitioun of ye said Kingdome To yis purpose the halie Apostil testifies vs all to haif bene Baptisit be ye

the Kinglie Sceptour was put fra the tribe of Iuda thair Kingdōe altogether ouerthrawin as it had bene propheci it ye incomprehensibil greitnes of God did manifest ye self be his Sone begottin before all warldis yat humblit him self to take ye flesche of mā in the waimbe of ye Virgin to redeme his pepil restoir yaim in grace toward God Bot euin as in Adam be his transgressioun for hauing abusit ye halie signe geuin to him in keping all ye race of mankinde was corruptit be ye leuen of sinne swa be the Second Adam Iesus Christ we haif bene by grace purgit fra our sinnis To ye first vniuersal Father Adam was geuin a halie signe to exercise his obedience Comparison of Adam to Iesus Christ and to his successouris vther halie signes Sacrificis and Sacramentis institutit of God as ye trie of life ye fruitis of ye trie of knawlege of gude and ill ye raine bow ye circumcisioū ye immaculate Lambe ye vnleuenit bread ye clude ye firie piller the read see deuidit ye celestial MANNA the water of ye rock ye oblatiouns and offerings of beistis for ye sacrificis ye Arke of conuenant ye brasin Serpent the halie water Iesus Christ the trie of life Apoc. 2. ye tempil bildit in ye halie citie Quhilk all halie signes sacrificis and Sacramentis war figuris of the quhilk was accomplissit in Iesus Christ for first he was ye trew trie of life plantit in ye middis of ye paradise of God Rom. 2. of quhame be quhame we quhilks war as bastard tries haif bene impit and grauin to purchase eternal life he hes geuin to vs in keping the fruitis of the trie of wisdome be his halie Gospel and hes biddin keip it in ye a win integritie without abusing without corrupting without eking or taking away fra it vnder the pain of eternal death He was as ye rain bow spred furth in ye air Raine bowe to giue vs assurance of ye conuenant and confederacie contractit betwene God vs to be namair drownit in ye deluge of sinne Circumcisiō he was circumcisit to accomplisse the Law in him to ye end to circumcise in vs ye vncircumcisioun of our hartis to spoilȝie vs of our auld skin corruptit in Adam Gala. 4. he was as the flame of the burning busse incarnat in the wambe of ye Virgine consauit be ye grace of ye halie Gaist The burning busse with out seid of man ye halie Virgin as ye busse abaid neuertheles pure and not corruptit he was sacrificit as ye iust and innocent Lambe and his blude sched The Pa ●●al Lambe Iohn 1. Heb. 23. to preserue vs fra ye tyrannie of Satan to opin to vs ye way to enter into ye land of promise ye Kingdome of heuin He is ye trew breaid cume downe fra heuin without leuē without corruptioun and without spot bread of life Iohn 6. quhair of it behuif is vs to eat for our spirituall fude to ye end yat we may celebrat ye Feist of ye passouer fra Pharo to ye land of libertie he was ye clude the firie piller ye read see deuidit Clude Firie piller the Arabik See 1. Cor. 10. Iob. 19. quhilk hes conductit vs quhilk hes deliuerit vs fra ye hand of our enemies of quhame procedit blude and water out of his syde open it for our saluatioun he was ye heuinlie MANNA send fra heuin to nurisse vs for euer Heuinlie Manna The gusching Rock The liuelie water and the trew rock of quhame procedit the water to slokin the thrist perpetuallie of all thame that are alterat beleuing in him It is he yat hes performit ye hailsume Sacrifice for ye expiatioun of our sinnis being Sacrificer and sacrifice offering offerer abyding ane eternall Sacrificer at ye richt hand of God his Father 1. Cor. 10. heb 7 8 9 1● Heb. 9. enterit to ye halie and heuinlie sanctuarie bildit not with ye hand of mā bot with ye hand of God he was ye trew Arke of conuenant and cōfederacie be ye quhilk God hes declarit manifestit Iohn 3. his oraclis and in it abydis to fulfil his heuinlie and vncomprehensibil mysteries he was as ye Serpent of brasse knit on ye Crosse to gif health to ye seik yat sall turne yaim towardis him for to luik on him be faith Tempill of God Iohn 2. He is the trew Kirk of God quhairin ye halie Gaist dwellis ane God in trinitie in quhame and be quhame God onelie is worschippit He was ye trew and halie offering of the quhilk was maid ye halie water for ye purging of all blot t is him self hauing of his ais to wit Iohn 19. of his bodie offerit vp spred sprinklit of ye water procedit out of his syde all pepil beliuing in him Be yis meanis ye ceremonial being accomplissit not be signes bot reallie was executit be ye incarnatioun death resurrectiō of Iesus Christ our Sauiour our mediatour our eternall sacrifice and propitiatour the infinite gudnes of God Hebr. 9. hes ȝit mair manifestit ye self be ye new cōuenant new confederacie and new cumming of ye sone of God incarnat Rom. 8. for be his new Testament confirmit be ye death of ye Testament maker he hes maid vs his fellow airis and airis of God in ye Kingdome of heuin for assurance of yis heuinlie successioun purchasit to vs be grace after he had performit ye ceremonial Law and it being abolissit as we hair deducit be ye sacrifice perfitlie endit be ye eternal Sacrificer thair hes bene left to vs twa sacrat signes or halie Sacramentis quhairin God hes vsit greter fauour August lib. 1. de doct christ cap. 9 and mair especiall grace nor he had done before his incarnatioun because yat he hes deliuerit vs fra ye bound Law of circumcisioun of ye distinctioun of meatis and of diuers sacrificis ordenit in the first Kirk of ye Israelits and in discharging vs of yat heauie burdin he hes swa mekil mair releuit vs in ordening to vs for memorie and remembrance of our regeneratioū and life eternall twa halie Sacramentis vnder twa halie signes S●cramentis of the new Testament to wit ye water of Baptisme ye breid wine for ye communion of his bodie Bot to ye end to furthschaw his gracis in all natioūs it hes plesit God to chuse ye signes or elementis maist common and easie for circumcisioun was markit speciallie for Abraham and his posteritie ye quhilk circumcisioun vther natiouns had not custume to vse albeit yat Herodotus be natioun a Greik Herod lib. 2 be ye Historie quhilk he hes set out of ye maners of Egiptians Comparison of circumcisioun to baptisme attributis vnto yaim ye custome of circumcisioun speciallie the Sacrificers and it is verie easie to coniecture

of ye heuinlie bread and MANNA geuin to yaim of God Trāsubstanciatioun inuentit during ye tyme yat yai war in ye desertis bot murmurit aganis God and Moises yair conductor desiring to eat flesche ye pepil alswa of Rome Blond lib. 4 de Rom. tri Pagane and vnfaithful was not content with ye institutioun of Pompilius for ye communion of litil round breadis bot be ye hie Preistis of Rome Idolaters it was institutit to slaie and offer beastis to ye end to eat and communicat of ye flesche of ye beastis in yair sacrificis speciallie ye scheip ye sow ye gate and ye oxe quhilk first had bene institutit be Euander King of Arcadia To ye end yan yat ye Mesmongers sould not degener fra ye Idolatrie of yair predecessouris yai thocht gude to follow yis communion of flesche and contentit not thaim selfis of yir litil round hostis vnleuenit consecratit Hostis of f●our trāsubstanciatit in flesche and ye wine in blude and imprintit with Imagis Bot haif with tyme inuentit ane new Magik to transubstanciat yair litil hostis of floure in flesche and bane ye bread being na mair bread bot ane accident without substance and be yis meanis to turne ye round hoste of floure in a carnall and bludie sacrifice for sinn ye wine alswa offerit in yair Messell chalicis to transubstanciat it into blude O detestabil Heresie the wine being na mair wine bot ane accident without substance ▪ was yair euer mair abhominabil Magik and mair detestabil heresie yan yis Messalian transubstanciatioun Quhan the pep●● of Israel murmurit aganis God yat yai war lothit with eating of MANNA and heuinlie bread requiring flesche ye MANNA was it transubstanciatit in flesche in bane and into blude Quhan ye ancient Romaine Idolaters walde haif changit yair round hostis of floure and askit to eat flesche in yair sacrificis vsit yai yis Magik of transubstanciatioun The ȝeir of Christ 1062. In Chronol Ioan. funcii Qhairfore I wil confesse frelie yis Messell eik to haif bene newlingis institutit be Mesmongers mair nor a thousand ȝeir after ye incarnatioū of Iesus Christ This heresie begoud gretlie to be spred in the tyme of ane Nicolaite Antichrist quha intrusit him self to the hie preisthude of Rome Volaterran be the priuat cōspiracie of Hilde brant Lanfranc de sac hauing chaissit out be force ye vther chosin hie Preist to wit Benedict tent of yat Name in the ȝeir of Christ 1062. ȝeiris Than afterwarde he aduancit him self be a cōspiracie haldin in ye Latran of Rome during ye Ecclesiastical tyrannie of Innocent 3. of that Name about twa hundrith ȝeiris after ye recantatioū was canonisit of Beringarius Aganis ye trāsubstātiō Trei● of life Deane of Saint Maurice of Anger 's Aganis ye quhilk abhominabil Magik and heresie it behuifis summarlie be maner of recapitulatioun to confer ye institutiouns of ye Sacramentis ordenit of God First ye fruitis of knawlege of gude and ill forbiddin to the first father Adam as halie signes and Sacramentis of feir and obedience quhairof dependit life and death war yai transubstantiatit turnit in knawlege or into death to laife yair nature of tries and fruitis reducit in ane accident without substance ye celestiall MANNA and rock flowing with liuelie water Heuinlie Manna Rock flowing of water being Sacramentis comparit to ye halie Sacrament of ye Supper war yai transubstantiatit to ane accident without substance The Lambs without spot offerit vp be Abel in ye sacrifice acceptabil to God Lambis offerit be Abell war yai transubstātiatit in onie vther nature The litil skinn circumcisit Circumcisiō for a note and mark of ye conuenāt to ye gude Patriarche Abraham to his posteritie was it turnit in ane accidēt without substance The blude of ye Paschal Lambe for assurance of ye saluatioun of Israel Paschal Lāb was it turnit in anuther substance The flesche of ye immaculat Lambe ordenit to be eatin on ye day of ye Passouer ye trew figure of ye halie Sacrament of ye Supper was it transubstantiatit in ane accident without substance Serpent of B●asse The Serpent of brasse be ye onelie behalding quhairof was geuin health to ye seik left it of to be a Serpent of brasse was it transubstantiatit in yat it was ordenit for a Sacrament and halie signe to ye pepil of Israel The beastis offerit in sacrificis Beastis offerit vp alsweil of eardlie beastis as of vnleuenit bread and vther halie signes ordenit of God for Sacramentis and halie figuris for ye clensing and saluatioun of ye pepil of Israel war yai transubstanciatit in accidentis without substance All ye signes consecratit and ordenit of God in ye Kirk of Israel albeit yat yai had reallie and sacramētallie representit yat quhilk was figurit be yaim war not as ane simpil picture or without effect ȝit yair was neuer swa horribil ane heretike yat hes inuentit yis Magik of tansubstanciatioū Neueryeles it behuifis ô Mesmongers yat ȝe acknawlege yat ye gude and halie fathers of Israel hes bene adoptit impit and regeneratit be faith in Iesus Christ begottin before all warldis yat yai haif bene narissit and purchasit life eternal be Iesus Christ Conference of ye Faith of ye auld fathers of Israel with ours yat yai and we haif bot ane onelie God and ane onelie Iesus Christ our Mediatour and redemer yat yai be faith communicatit and sacramentallie and participatit spirituallie in ye blude of Iesus Christ for yair saluatioun and life eternal That yair is na difference as tuiching God betwene yaim hauing precedit Iesus Christis incarnatioun and vs quha are sen his incarnatioun bot yai and we are ye Kirk of God redemit be ye blude of ye iust and immaculat lamb Iesus Christ Mairouer yai had faith of ye promis to cume and obseruit ye halie Sacramentis and halie figuris of ye sacrifice yat sould be perfitlie endit be Iesus Christ and we be ye new Law D. August contra faust lib. 20 ca. 21 cap. 14. lib 19. contra Petilian lib. 2. cap. 37.77 do celebrate ye memorie and remembrance of ye sacrifice alreadie endit be Iesus Christ hauing fruitioun of ye promis accomplissit Gif yan ye Israelits haif eatin the same heuinlie bread and dronkin ye same hailsume drink yat we haif be faith in ane onelie Iesus Christ gif yai had halie signes 1. Cor. 10. Aug. in psal to represent actuallie and reallie ye death of Iesus Christ to cume euin as we haif had ye halie signes of his death present or passit yai for ye tyme to cume we for ye tyme passit quhy is it yat ye Mesmongers haif inuentit yis new Magik to turne a halie sacrament ordenit of God into ane Magik of transubstanciatioun