Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	bear_v	life_n	live_v	4,791	5	5.2156	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A19336	Here after foloweth the prologue of the foure last thynges ...; Cordiale quattuor novissimorum. English.	Denis, the Carthusian, 1402-1471, attributed name.; Gerardus, de Vliederhoven, 14th cent, attributed name.; Rivers, Anthony Woodville, Earl, 1442?-1483.; Caxton, William, ca. 1422-1491. ed.	1496 (1496)	STC 5759; ESTC S114682	87,652	186

a man to myslyke alle erthely vayne thynges and to repute them as no thynge Therfore sayth Saynte Iherome in his prologue of the Bible That easely he dyspyseth all bad thynge that alwaye remembreth howe he muste dye The concupyscence of eyen is dyspysed whenne one remembreth that he shall shortly parte and leue alle erthely thynges The concupyscence of the flesshe is dispysed whenne one remembreth that his body shal become wormes mete In a momente the pompe and pryde of this lyfe is sette atte nought whenne a man counterpeyseth in his herte how he that wolde be aboue all other shall be hastely caste in to erthe vnder the fete of other For this cause saythe Saynt Iherome in a pystle that he sente vnto Lypryane Remembre the well of thy dethe and thou shalt not synne He thenne that alwaye bererth in remembraunce how he must dye disprayseth easely alle thynges presente dysposyng hymselfe to alle good thynges that be to come Certaynly Esau consyderynge howe dethe was nyghe vnto hym dyspraysed lyghtely all worldely thynges It is also wryten in Genesis in the fyue and twenty chapytre Loo beholde I dye and what shall proufyte me all thoos thynges that I am borne vnto Isydore Also aduertysynge hym selfe of the shortnesse of this present lyfe whiche is soo soone passed and that all that men seme to haue in possessyon here shall be lefte sodeynly by deth exorted euery man to dysprayse suche thynges Saynge yf thou wylte be in reste and peas desyre no thynge of this worlde and so thou shall be quyete in thy corage yf thou put from the alle the desyres and curyous besynesses of this presente lyfe Set a parte alle thynge that may dystourbe and lette thy good purpose be thou dede to the worlde and the worlde to the and as though thou were dede beholde the vayn glorye of this worlde And as a man passed dysseuer ▪ and depart the from the voluptuousnesse of this worlde And as a man fynysshed haue this world in no cheerte And as a man passed oute of this worlde purge the of all maner of fylthes And also whyle thou art a lyue disprayse all that thou mayste not haue when thou art dede Seneca sayth that there may noo thyng proufyte the so moche in that temperaūce and dispraysyng of all worldely thynges as shall do to thenke often of the short endurynge and the Incerteynte of this present lyfe Thene my right dere frende Remembre often in thy corage howe thou muste dye It is redde in a booke made of the gyfte of dirde Howe longe a go● there was a righte wyse phylosophie that hooly abandoned hym to the vanytees of this wretched worlde whiche in a tyme herde redde of the longe lyfe of Auncyente faders and of eueryche of them was sayd in the ende he is dede As is wryten in Genesis in the fyfthe chapytre Thenne he thoughte in hym selfe that semblably deth sholde happen vnto hym as it dyde vnto those for he was righte olde And hastely he entred in to relygyon and toke the ordre of the frere prechoures and was after made mayster of Theologye in Parys And from that daye forthe lyued a full holy lyfe O how well hadde this man before his eyen the wordes of Ecclesiastes in the enleuenthe chapytre Sayeng That man whiche hadde lyued many yeres alwaye gladde and Ioyfull he oughte to remembre well his laste dayes and the comynge of the horryble tenebrouse tyme. For thenne it shall be but vanytee to argue of thynges paste for his remedye Certeynly atte the daye of dethe appereth vanyte of vanytees and howe alle thynges shall be thenne vayne and noughte For this cause it is wryten in Ecclesiastes in the thrydde chapytre Alle thynges here be restynge vnder vanytee and trewe it is all thynges of this worlde and eueryche of them be vayne For our lyfe and euery worldely creature is but vanytee And therfore sayth the Prophete That vnyuersally euery lyuynge man is vanytee Thou wenest to lyue longe and many a yeres to possesse delycyously thy temporall goodes ▪ Certayne my righte dere frende It shall be alle other wyse For man is made semblable vnto vanyte and his dayes passe as a shadowe Beholde nowe and see howe thy dayes shall be but shorte and thenne an other shall come and take thy possessyons Vnto this purpose sayth Cathon Promytte neuer to thy selfe that thou shalte haue longe space of lyfe For in what place soo euer thou entre dethe foloweth alwaye the shadowe of thy body And therefore yf thou loke vpon the wordes that be sayde And also conceyue dilygentely in thy herte that shall be shewed the here after thou sholdest rather say these wordes than otherwyse I goo nowe to my dethe and truste to lyue after by a longe space Alle be it perauenture this is the last daye of my lyfe The holy blessed man Saynte Luke sayth in his xii chapytre O thou foule this nyghte thy soule shall be axed of the and be certayne that the dysposycyon of thy tabernacules is but lyghte As is wryten in the secōde epistle of saynt Petre in the fyrst chapytre Thynke thenne that thou arte dede when thou knoweste necessaryly that after a nombre of yeres thou art certeyn to dye Therfore dysprayse all transytory thynges that muste be hastly left as is to sey withoute ony taryenge though it be lothe vnto the. The poete telleth the wysdom ●entis of londes possessyon of rychesse the makynge of walled townes the byldyng of houses the gloryous maner of lyuyng atte the table as well in pleasant drynkes as in delycyous metes the feyre softe beddes well hanged and dressed the whyte table clothes the bryght burnyssed cuppes the ryche garmentes contrary to good maner the grete flokkes or herdys of beestes The grete countreyes of arable londes the vyneyerdes plenteuously sette with vynes and the Ioye and the loue of his propre childern yet shall alle this be relynquysshed passe and be loste and nothynge be founde therof here after By these thynges maye be seen that in this presente lyfe is noo thyng stable nor permanente whiche oughte to cause diede Therfore wryteth Ecclesiastes in the seconde chapytre I haue gretely exalted my werkes I haue edyfyed me fayre houses I haue planted vynes I haue made gardeyns wherin I haue graffed of alle maner of trees I haue also caste poondes and stagnes and haue sette trees in the forest I haue hadde seruauntes and chamberers and grete companye in my housholde more thanne euer hadde ony afore me in Iherusalem I haue had grete flockes of shepe and droues of bestes I haue assembled for me golde and syluer and gadered the tresoure of kynges and of the prouynces my neyghbours And also haue herde afore me syngers bothe men and wymmen and many delectacōns of the childern of men And haue done soo moche that I haue surmounted in richesse alle that haue ben before me in Iherusalem Wysdome also hath alle

mete maketh hit to swelle fastyng maketh hit lene playes maketh hit to erre waylynge destroyed hit besynesse constreyneth hit sewer●e maketh hit rude rekles riches enhaunseth hit pouerte abateth hit wepyng abassheth hit youthe maketh hit wanten age maketh hit to yelde sekenesse maketh hit to breke And after all this cometh deth whiche destroyeth maketh an ende therof with all his Ioyes in suche wyse as whenne the Ioyes be past all semeth as they had neuer ben Also it is redde in the book of Sapyence in the .ii. chapitre That the dayes of our lyfe nys but shorte yet are they full of greuaunce we be made wote not wherof And after we shall be as we hadde neuer ben For oure dayes passen as dothe a shadowe It is red in the same book of Sapyence in the same chapitre That our lyf passeth like the trace of a clowde shal fayle as the lytyll clowde that is broken by the myghte of the sonne beames It is wryten in Iob the .vii. chapitre Beholde how my dayes be all passed and I shall goo forthe in the pathe shall neuer retourne ageyn Also the same Iob sayth in the .ix. chapitre My dayes are passed more lyghtly than a curroure or a messanger They are gone lyghtly awaye as shyppes done that be charged with apples Or as an egell dooth flee for his mete Iob sayth also My dayes be passed more lyghtly than clothe is cutte from the lome and they be all wasted withoute ony hope of recouerey O lord god Remembre then is my lyfe oughte but wynde shall not my eyen retorne ageyn to see the good thynges to come To the purpose speketh Petre de bloys in his boke called Aurora My lyf shal be sooner out of this worlde than a webbe of clothe cut from the lome Remēbre thou then how thy lyfe may be resembled to the wynde Loo now my righte dere frende howe shorte howe lytyll howe mutable how disceyuȳg is this our lyfe presente for as it is sayd in Ecclesiastes in the .xviii. chapitre It is grete age in a man to be C. yere olde ▪ but by succession of tyme it is gretely amynysshed It is wryten in the Psalter The dayes of our yeres be .lxx. yf we may come to foure score yere the superplus is no thynge but labour sorowe But what is it of .lx. yere or yet of Cought this to be taken of a longe tyme a grete space of yeres Certeynly nay in regarde towarde the sempiternyte It ought rather be named a moment thā a space of tyme. for to oure lord a M. yere is but as yesterday whiche lightly is past Derely this lyfe in short transytory paynfull wretched hit is not onely to be thoughte nor poysed for the shortenesse But moche more for the incerteynte therof whiche is doubtfull and ful of casuel peryll we be not sure therof day nor hour And whenne it sheweth vs sewerte peas thenne sodeynly cometh deth with hit perauenture the false theif Sathan Therfore sayth to vs a poete who is he knowynge hymselfe to lyue many yeres sens we knowe not whether we shall dye to morowe or sooner It is wryten in Isaye the xxxviii chapitre saynge Dyspose thy hous for thou shalt dye sone not longe lyue Isaye seyth also in the same Chapitre that my lyfe is hyt from me as a pece of clothe from the lome And whenne I began fyrst the lyffe then began dethe to approche toward me For this cause it is sayde in the book of Sapience in the .v. chapitre we be soone born sone leue our beyng To this purpose seyth Senek in his pystles Eueryday we dye euery day is taken away from vs parte of our lyfe Than thus what is oure lyfe ought ellys but a passage or a rennyng toward deth therfor it is not vnresonable that she be lykened to an Orylage whiche gooth alway from degre to degre cōtynually mouynge tyll it come to a certayne poynt then it stryketh sodenly vpon the belle whiche cōstreyneth the sowne Semblably our lyfe passeth alway renneth tyll it come to a certeyn poynte That is to wyte The hour of our deth whiche oure lorde hath prefixed and no man may it passe and than our lyf falleth and fayleth without remedye Awake thenne entende wysely to the ende of thy lyfe For thyn Orylage hath but fewe degrees to renne and euery houre she ouerpasseth many And whenne it cometh to the laste thou shalt stomble sodeynly in to the cauerne or caue of dethe Now herken what a Poete sayth The presente lyfe is short alway fleynge and fadeth as a shadowe departeth falleth sodeynly when one wenes that she be moost permanente and abydyng in the myddes of our lyfe we be often at our deth And therfore haue we in Ecclesiastes in the .ix. chapytre That man knoweth not his ende but as a fysshe taken with a nette the bryddes with a trappe Semblably men be takē at inconuenyent tymes thꝰ cometh our ende dethe is the last thyng to all thȳges beryng lyfe It is wryten in a book of the lyfe of the dedes of grete Alexander O how happy sholde a man be yf he had alwaye in Remembraunce of the eternall Ioyes drad deth that is ordeyned as well to the nobles as to the poore peple whiche cometh to the grete peryll daūger of the soule whenne it is unpurueyed Loo here then my right dere frende thou seest well that the lyfe of man is but a thyng dyked aboute enuyroūde with ruynous deth oure flesshe is but asshes And suche as was the begynnyng suche shal be the ende saynte Bernarde sayth whēne I Remembre that I am but asshes and that myn ende approched my drede and fere is withoute ende and I wexe colde as asshes And therfore as ▪ Saynt Gregory saythe That man sollycyteth well his good werkes that thenketh allewaye vpon his last ende And we shold drede that euery day sholde be oure laste daye And alwaye haue in mynde that necessaryly we muste dye who maye haue thenne a bolde corage consyderynge the shortnesse the grete Incerteynte of oure lyfe the approchyng of oure dethe whiche is comyng who is he also thou ought not thynke dilygētely that our dayes our yeres fayle and waste as the smoke And the man naturelly born lyueth but a short space and fadeth as a floure and fleeth a waye lyke a shadowe who is he also that calleth thyese thynges to mynde and peyses them well in his herte and so subdeweth the deuyll the flesshe and the worlde repenteth hym in this shorte space To say you trouth there be none that deferre and be neclygent soo to doo but oonly those that be all blynded in malyce and lacke of grace O how grete a payne shall ensewe of neclygence Thappostle sayth to the Hebrues in the seconde-chapitre Howe shall we flee that dyspyse soo gret an helthe As to say

wayes perseuered in me and alle that euer myne eyen haue desyred I haue not denyed them not defended but that they haue vsed all voluptuousnesse and they haue had noo delectacyon but in suche thynges that I had ordeyned them when that I tourned me behelde well all these thynges and the werkes that my handes had wrought loked vpon the labour that I had many tymes swette in all for noughte I perceyued then and knewe well that all my werkes were but vanyte and affeccyon of spyryte And that vnder the sonne in this worlde was noo thyng permanent nor sure Now in trouth all thȳges passe here lyke a shadowe Therfore seyth Iohan de garlandia That al thyng of this world that was is shal be perysseth in the moment of an houre what proufyteth than to haue ben to be nowe or to be herafter Certeyne thyse be thre thynges blowyng without flours For all thyngis that were be or shal be haue a finyssynge The worlde passeth the concupyscens therof also And therfore it is sayd wherfore taketh a wyseman thought for to gete tresoure whiche is sone loste And saynt Bernarde sayth in his book of medytacōns wherfore maketh ony man tresour here of ryches sythen with out delay bothe that that is assembled he that gadereth hit passen be loste togyder O thou man what anayll entendes that to haue in this worlde whenne the fruyte is but ruynouse the ende deth My cordyall good frende now wolde god that thou woldest vnderstonde well these thynges suerly ordeyne for thy laste thȳges Petre de bloys sayth in a pystle that the dysceyuable vayn glorye of this worlde begyleth all thoos that loueth hit For all that euer it promytteth in tyme to come or pretendeth in tyme present fayleth and cometh to nought as water cast vpon the erthe Beholde then how frayle how disceyuable and how vayn is the worlde the Ioye therof that we desyre so mekell O the fole wherfore dispysest thou not lightely thoo●●●●nges that thou seest 〈◊〉 shortly fayle passe Lrnowest thou not howe the worlde is right noughte and furyous And that in languyssyng it perysseth by the gleyue of the right cruell deth hit is a trouth that none argument can serue to the contrarye wherfore and by thise thynges afore rehersed it appereth manyfestely how Remembraunce of deth sholde cause dispisyng of all worldly thynges and withdrawynge a man from fallyng to synne ¶ How Remēbraūce of deth maketh a man to take vpon hym penaūce ¶ The thryd chapytre of the fyrste pryncypall parte FOlowyng thorder before let It is now to enquere diligētly how remēbraunce of deth causeth a man to do penaūce gladly to accepte it This appereth clerely by Ionas the ꝓphete in the ii● chapitre spekyng of them of Nynyue whiche dyde penaūce for fere of deth wherfore saynt Iohan Baptyste enduceth men also to do penaūce As Saynt Luke wryteth in his .iii. chapitre sayenge Do ye the dygne fruytes of penaunce And he sayth afterwarde The axe is sette to the rote of the tree Whiche sygnyfyeth the thretenynges of deth And therfore sayth Saynte Ambrose vpon Luke Alas lorde yf I haue not bewayled my synnes Alas lorde yf I haue not rysen atte myd nyght to confesse me to the. Alas yf I haue begyled my neyghbour Alas yf I haue alwaye sayde trouthe The axe is redy sette to the rote Euery man therfore thenne do penaunce deserue the fruyte of grace For here cometh the lord to aske the fruyte of our lyf For this cause Iob consyderynge the shortnesse of this presente lyfe had leuer and chase to haue repentaūce presently than afterwarde wherby sholde growe no fruyte The same Iob sayde in his .x. chapytre shall not my short dayes breefly fynysshe yes in trouthe The lyfe present is right shorte Alas then a lytyll whyle lete me cōplayne and bewayle my sorowe a fore my departyng in to the tenebrous derkenesse of dethe with out retornyng And it is also sayd in Iob the xiiii chapytre That mannes dayes be breef It is wryten in the fyrst pystle ad Corintheos in the evii chapytre the tyme is breef were it not better then now breefly to susteyne a lytyll payne then afterward when it cannot profyt to repent without profyt bewayle it infynytely Saynt Austyn seyth the better is a lityl bytternesse in the mouthe then eternally to suffre payn in al the hole body of man Also he seyth in a sermon that the lyfe of euery man frō his youthe to his age is but short though Adā lyued yet sholde this day dye what sholde it auātaged him to haue lyued so longe sothly lytyll or noughte but he myght sey the tyme of my lyf is past And also sayth a wyse man what sholde it profyte a man to lyue CC. yeres when at his deth he shal thynke all his lyfe is passed as wynde And saynt Austyn sayth vpon the Psalter If thou haddest lyued sens Aoam was chased oute of paradyse terrestre tyll nowe and that thou sholdeste dye this daye thou sholdest thynke thy lyfe not longe whiche so soone sholde passe Now how longe soo euer a mannes lyfe be take that it maye be lengthed asmoche more to cause many yeres yet it shall fayle and vanysshe as the shynynge of the morowe sonne And the same Saynte Austyn seyth in an Omely that we be more frayle brotyll then though we were made of glasse For al be it that glasse is brotyll yet yf it be well kept it may endure right longe But mannes lyfe be it neuer so well and dilygently kept it may not longe endure Therfore it is wryten to the Hebrues in the .ix. chapitre It is establysshed and ordeyned euery creature ones to dye And Senek sayth in his book of remedyes ayenst fortune That our lyfe is but a pylgremage when one hath longe walked he must fynally retorne This necessite to dye shortnesse of the lyfe of man was wel consydered by the paynym Xerses Of whom saynt Iherom wrote in a pystle to Elyodorꝰ sayng that this puyssāt kyng xerses whiche subuerted the monteyns couored the sees beynge ones in right hye place loked vpon the Infynyte multytude of his hoost tendrely wepte by cause he knew that none of thoos whom he behelde sholde lyue ouer an C. yeres It is a thyng right necessary in the worlde that mannes lyfe be not longe lastynge And as Balam sayth It is lykened to a tree hauyng .ii. wormes fretynge in the rote the one blak the other white in the symylytude of the day the nyght whiche Incessantely gnawe the rote of the tree of lyfe Saynt Austyn vpon the sayng of Saynte Iohan in his .iii. chapitre treatyng vpon this questyon Quid est vita nostra c This lyfe is a doubtfull lyfe a blynde lyfe a nedy lyfe humours make hit to bolne sorowes make hit feble hete dryeth hit eyer dysposeth hit to sekenesse

boūden honde fote Lo how the wretched syn̄er descendyng in to helle shall be fulfylled with all tormentes It is wryten in Iob the .xv. chapitre of the dāpned man how tribulacōn shal holde him anguys she shall enuyron̄e hym And in the .xiii. chapitre of Isaye How all mennys hertes shall be abasshed ferde for the sorowes torcyons that shal holde hym hauynge the payn that women suffre trauelyng of childe echo ne shall sorowe vpon his neyghbour theyr broyled faces shall affray eue riche other Therfor Baruch sayd in his .vi. chapitre Theyr faces be blacked with smoke for the faces of all synners shall be brought to the lykenesse of a rounde potte as it is wryten in Iohell the seconde chapitre Also it is sayde in Ecclesiastyco the .xlviii. chapitre The paynes of a woman trauelynge shall come vnto them The same also is wryten in Ozee the .xiii. chapitre Soo as it appereth there be many scorges fleyles in helle for to bete synners therwith Certeynly the dampned soule shall mowe saye with the Psalter The sorowes of deth haue compassed me the paynes of helle haue foūden me It sayth It hath compassed me for this cause For it is to hym a vestyment or coueryng of maledyccion whiche shal be both within hym withoute hym O what vestyment shall this be that shal be women with soo paynfull thredes those without nombre whiche can neuer be vndone nor taken away for with an inmortale stryng it shall be inseparably bounden vnto the synner This shall be a sore and a bytynge vestyment to be suffred This is the vestymente that is wryten of in Isaye in the .xiii. chapitre sayeng Thy vestyment shall be wormes The cōsyderacōn of these many folde paynes reuoked called Dauyd from syn̄e caused hym to doo penaūce therfore he sayd to our lorde How many sorecribulacōns hast that she wed me that cōuerted hast reuyned me The consyderacōns also of thise for said paynes moeued somtyme an heremyte for to take-vppon hym a right sharpe paynfull lyf whiche he ledde in his heremitage as it is red in Vitis patrū It was axed of hȳ why he wolde so slee him selfe And he answered All the labour of my lyf is not suffycyent to be cōpared to one of the dayes of tourmentes that be or deyned reserued for synners in tyme to come Beda sheweth vs in his wrytyng of Englond how that in the tyme of yonge Constātyne ther dyed a knyghte about the yeres of our lord .viii. C. and .vi. whiche knyght reuyued after for the paynes that he had seen he fledde in to an heremytage as it is red in Vitis patrū he made hȳ a lityll hous by a Ryuyer syde In the whiche ryuyer he wolde renne oftentymes all clothed in the wynter tyme. wold suffre his clothes to frese vnto his fleshe thenne after he wolde lepe in to a bayn as hote as hit was possyble to hȳ to suffre And this lyf he ledde vnto his deth And when̄e folkes sawe hym do soo they blamed hym therfor he sayd to them Yf ye had seen that I haue seen ye wolde do as I do rather more Saynt Gregory sayth The vysyon of the paynes of helle is the moost excellente moeuyng that can be to penaunce and contricion The thyrde condycyon encreasyng the paynes of helle is the euerlastyngnesse therof It is wryten in the boke of Sapyence the .iiii. chapitre Oure lorde shall mocke them That is to vnderstonde synners after they shall fall from theyr worshyp among them that be sempyternally dede Saynte Mathew sayth the .xxv. chapitre They be those that shall goo in to tourmentes In Iudyth the xvi chapitre is red that our lord shall sende wormes of fyre ayenst theyr fleshe that they may brēne and yet lyue and fele the paynes for euer To that purpose speketh Isaye in his last Chapitre thꝰ Theyr wormes shal not dye nother theyr fyre quenche And therfore sayth our lord in Deutronomye in the .xxxii. chapitre The fyre is kyndeled with my furour and shall brenne in to the lowest parte of helle and that shall be perpetuelly and endelesly Isaye in his .xxxiii. chapitre sayth O whiche of vs shal mowe suffre and endure the deuourynge fyre who shall mowe be amonge those that shall be brente sempyternally In the xxxiii chapitre of the same Isaye is sayde The groūde where they dwelle shall be conuerted into brennynge pytche nyght and daye and shall not quenche and the smoke shall be from generacōn to generacōn vpon them duryng the world of worldes It is wryten in the Apocalyps in the .xx. chapitre The deuyll shal be sente in to the lake of fyre and sulpher and brymstone where the euyll beste and the false prophete shall be tormented nyghte and day in the worlde of worldes And he that shal not be fonden in the book of lyfe shall be sente in to the lake of fyre there for to dwelle in the shadowe of dethe where is none ordre but sempyternall horrour and sorowe It is wryten in Iob the .x. chapitre and also Saynt Gregory seyth in his Moralles a right horryble worde That is to wyte Thenne shall the myserable synners suffre a grete payne with a grete fere a grete flamme with a derkenesse and deth without deth an ende without fynysshyng for that dethe shall euer lyue and that ende shall begynne alwaye ageyne and that faute shall neuer fayle And a poete sheweth howe that myserable dethe can not dye nor fynysshe but semeth alle waye that it begynneth and reneweth wepynges and languysshynges Peter de bloys sayd in a pystle There shall be none order of ony maner of tormentes nother sparynge but endelesly the paynes shall renue begynne ageyn dethe can not dye there for it shall be alway ꝑmanent and neuer cessyng to th entent that the condāpned soules may myserably alway encreace in theyr paynes and sorowes and be nourysshed in eternall dethe The Psalter sayth They be casten in to helle as shepe and dethe fedeth them Mowe thenne this synners haue theyr fedynge of deth what shal be their drynke Herkene what is wryten in Deutronomye in the .xxxii. chapitre the burgynge of the grape the vyne that they shall haue shall be aysell and galle of Dragons and the venym of the Adder called aspe whiche is incurable O wherewith shall the synners be nourysshed seest that not howe they be perpetually tourmented with the mooste cruell deth they shall lyue then in dyeng shall be dede lyuyng Saynte Bernard seyth in a boke that he sente vnto Pope Eugeny The bytynge worme the lyuyng dethe I grouge and secre gretely I drede to falle in to the handes of the dethe that euer lyueth and of the lyfe that neuer dyeth Saynte Gregory sayth That the felon synners shall dye of inmortall deth O good lord eternall why hast thou suffred me doo contrarye thy wyll werke myne owne sorow

accordyng to theyr demerytes And whenne these two brethern came afore hym echone knewe other the wyse brother sayd O syr kyng our Iuge I complayne me gretly of this mā my brother for as we wente togydies in a way he beyng reputed a fole and I wyse yet neuerthelesse he wolde not beleue me no goo after me the good waye that I taught hym but hath made me to folowe hym in the euyll way wherin we were taken and so he is gylty of my dethe And to the corntarye the ignorāt fole sayd to the same kyng Syr I haue gretter cause strenger Reason to complayne me agaynst my brother for where he ought not to haue byleued me nor folowed me lyghtly in the waye whiche he knewe well was euyll daūgerous for he wolde not a folowed me I wold haue retourned ageyn and folowed hym whereby I sholde in noo wyse haue fallen in his daungere therfore he is verrey gylty of my deth when̄e these wordes were hadde on eyther partye The kynge pronownsed gaue a sentence sayeng Thou fole thou woldest not trust thy wyse brother thou wyse haste folowed this fole in his euyll wayes wherfore ye bothe shal be hanged cōdempned to dethe Semblably shall it be at the day of Iugement in the consūmacōn of this worlde when by the almyghty power of god the soule of euery man woman shall retourne ageyn be reioyned to the yr owne bodyes apperȳg before the hyghe Iuge to resceyue dome Iugemēt of all thynges knowen forgoten for the folysshe body because it wold not folowe the coūseyll of the wyse soule the wyse spyryte because it wolde not resyste but ensue the folysshe body they shal be both dāpned togyder in the last extremyte of Iugemēt For this cause the sentence of the Iuge is called a swerde with two edges as is writen in thapocalips in the fyrst chapitre For it shal stryke the wretched synner bothe in body soule It is wryten in the Gosspell of seynt Mathew in the .x. chapitre Drede hȳ that shal mow lese pu● 〈…〉 the the body soule in 〈…〉 gehēne of helle The qualyte of the sayd Iuge yeldeth sheweth the sayde sentence to be dredefull daūgeroꝰ Certeȳly it shal be ꝓnoūced by a circūspecte a right prudent Iuge whiche shal neuer fayle for euery thyng is notarily to hȳ knowē for god knoweth the hydde thyngis of the hert sercheth the werkes of men wherfor it is writē ad Hebreos in the .iiii. chapitre Alle thȳgis be opē to his eyen for he loketh into the hertes As it is red in the fyrst book of Lrynges in the xvi chapitre Also it is red in Ecclesiastes the xxiii chapitre The eyen of our lorde be moche clerer then̄e the sonne for they behold all the wayes of man the ꝓfoūde depnesse the hertes of men see alle the hydde thynges of the erthe And as Boece de consolacde sayth Grete curyosyte to do well is introducte vn 〈…〉 because all that we do is done afore hym that seeth all thynges Iheremy seith in his xxii chapitre Thyn eyen be open vpon all the wayes of the childern of Israell I shall yelde to eueryche of theym after his wayes after the fruyte of his admynystracions Certeynly the Iuge is gretely to be drad whiche loketh vpon al thynges bothe open shette all secrete thyngis to him knowen all derke thynges to hym is clere all dome thynges answere vnto hym all thoughtes speke to hym without voys al sylences cōfesse them vnto him This sentence is to be gyuen by the Iust Iuge whiche wyll not be●owed he shall Iuge all the circuyte of the erthe the peple in equyte ▪ He grutcheth not attethe myght of ony body nor he excepteth no ꝑsone what soeuer they be nor he ne wyll be appeased then by ony gyftes It is wryten in Deutronomii in the .x. chapitre God is grete myghty terryble whiche wyll fauour no ꝑsone nor he resceyueth no gyftes Certaynly a pure a clene conscyence then shal be more worth then the purses full of syluer The habondaūce of rychesse shall not proufyte thenne nor ony thyng that longeth to riche people But oonly shal proufyte the werkes of Pyte of Iustyce It is wryten in Ezechiell in the .vii. chapitre Theyr mony shall be then theyr doūghylle neyther theyr golde nor theyr syluer shal mow delyuer them in the day of furour of our lord Then̄e shal appere the fraude the falshed ▪ of this worlde vylenesse of all richesse O how swete a thyng how grete a Ioye shall it be then̄e to those that haue hated this worlde how sorowfull bytter shal it be vnto them that haue had it in lust and delectacōn This sentence is also to be gyuen by the Iuge that wyll not be corrupt then by prayers nor appeased by desyres And as it is wryten in the Prouerbys of Salomon in the .vi. chapitre He wyll not obtempre then nor bowe to oni requestis what soeuer they be Crysostom sayth the angeles wyl not then intercede nor pray for the men for the Iuste Iuge wyll shew there no mysery corde but wyll yelde to eueryche after his meryt the merytes egally not bowyng Iustyce therfore sayth he by his ꝓphete Ezechiel in the vii chapitre I shall do the right after thy wayes shal Iuge the after thy Iugemēt● I shall make the knowe that I am thy lorde For that cause sayd Iob all dredefully I resyne alle my werkes knowyng the that ne wylt spare ony thyng the delynquentes or trespassours of all these thȳges speketh Saynt Bernarde in a pse whiche he made sayeng Certaynly our lord shall Iuge Iustly shall except no persone nor shall be corrupt by ony pryse nor gyftes Semblably he shall not bowe for ony maner of prayer O my right dere frende labour then dylygētly to bere Iustyce thyder as thou shalt fynde no mysery corde For as it is wryten in the Prouerbys of Salomō The riches shall not proufyte in the day of vēgeance but Iustyce shall cause thenne delyuerance from deth And yf the scolers that can not theyr lessōs drede gretly to be examyned of theyr mayster lest they sholde be egrely punysshed how moche sholde the synners drede then thextremye examynynge of the souerayne Iuge when they haue not studyed in the boke of Iustyce of trouth Certeynly in the apposayle is examyned all thynges that now be nought the vniuste synners shall be punysshed the seed of felons shall perishe to the contrary the Iuste people shall be then in the eternall memory shall not drede in ony wyse ony euyil accusacyon It is wryten in Ecclesyastyco the .xviii. chapitre Make redy Iustyce afore the Iugement This fynall sentēce shal be also gyuen by a Iuge cruelly moued whiche in noo wyse shall mowe be appeased For oure