Selected quad for the lemma: death_n

Word A	Word B	Word C	Word D	Occurrence	Frequency Band	MI	MI Band	Prominent
death_n	bear_v	life_n	live_v	4,791	5	5.2156	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A06560	This boke is compyled by Dan Iohn Lydgate monke of Burye, at the excitacion [and] styrynge of the noble and victorious prynce, Kynge Henry the fyfthe, i[n] the honoure glorie [and] reuerence of the byrthe of our moste blessed Lady, mayde, wyfe, [and] mother of our lorde Iesu Christe, chapitred as foloweth by this table; Lyf of our lady	Lydgate, John, 1370?-1451?	1531 (1531)	STC 17025; ESTC S109664	89,192	232

there sholde be borne ¶ A chylde in soth without touche of man Of a mayde after his beheste That lyke a stone was I corne out than Whan he was borne of this hygh feste Onely to bere the crowne and the cheste In Babilonie of the greate ymage That made man fyrste for to do oultrage ¶ For nowe in soth comen is the day Of Prophetes so longe beforne behygh● For Christe Iesu playnly this is no nay Is lyke a stone who so loketh a right Whiche by his wysdome his fathers might And the vertue of the holy ghoste Was coruen out so clene of euery coste ¶ Of that blessed parfyte holy hill That groweth full of holsome floures fayre For our ofher that was in herte and will A parfyte mayde humble and debonayre Lyke as the dewe of heuen doth repayre Upon hermon alwaye newe and newe Amendynge ay the tresshnes of her hewe ¶ Right so thorowe vertue lastinge ay in o●● Of the holy ghoste this day of Mar●e Was coruen out the sothfast angle stoon Who me that prophetes prayse and magnefy For she this day was the glad skye Whiche the chylde of Elye dyd se So plesantly dessende from the tre ¶ Upon the erthe naked and barayne Of holsom faute and of erbes sote That hath shadde the confortable rayne The grayne of grace for our alther bote That perced hath euen to the rote Of our welfare to do the leues sprynge For the alone is the felde flouringe ¶ That somtyme gaue so passinge a swetenes To Isaac whan he was fall in age Of whiche he cast so inwarde gladnesse That hym thought hole his corage Renewed was and with a glad vysage Unto Iacob of hertely ioye sayde On his clothes as he his handes layde ¶ Howe Isaac prophecied the byrthe of Crist by touchinge of the clothes of his sone Iacob Capitulo xlvi MIne owne chylde and my sonne dere The greate swetenesse of y ● fresshe odoure Of thy clothinge to my is so entere That it fro me d●u●ydeth all langoure Saynge tofore that there sholde a floure Out of the felde springe of his kynrede The whiche sholde suche an odoure shede ¶ That all worlde shall conforte fynde hele In the swetenes agaynste eche maladye And souerayne helthe in euery mischyeffele So that this was no wight but Marie That hy dissent came of his alye Out of the whiche to glade all our chere This day in erthe there dyd a floure appere ¶ The swettest yet that euer man behelde Passinge the Rose and the floure delyse And of this holy fresshe fayre felde Somtyme the spouse spake in canticis Whan he it sawe so fresshe at his deuyse And habundaunt of a tempre eyre And that it was so passinge inly fayre ¶ Howe the Garnet appell is lykened to our Lady Capitulo xlvii O Howe the bawme of heuenly lycoure Of thy swetenes with souerayne suffesaūce Lyke Paradyse she dyth his vapoure Erly a morowe auoydinge all greuaunce Lyke the frute that is of suche plesaunce The garnet appell of colour golden hewed Thorowe whose odoure the corage is renewed ¶ Of euery wight that may the eyre receyue For euen lyke as the golden rynde Is playne shyninge as ye may conceyue His colour kepinge euer in one by kynde And doth his pepynes in the scales bynde To do conforte to seke in her accesse Right so Marie our sekenes to redresse ¶ This day hath borne the holsome holy fruyte The fruyte of lyfe that with his swete breth Is remedie and also chefe refute To mankynde agayne the feuer of deth For as the grayne of the garnet sleeth The stronge Axes and doth the hete auale Right so this day out of the golden scale ¶ The holsome pepyne and the grayne of lyfe Christe Iesu gan fyrste to appere And of Marie mother mayde and wyfe The golden Garnet with his scales clere Beynge all hole and euer a lyke entere Was borne in soth for to refresshe blyue Our olde Axes and right as the Olyue ¶ His Oyle shedeth and braunce lefe no tree Appereth nat of fayrnes ne coloure Right so Marie flouringe in chastite This day hat borne our alther sauiour The Oyle of peace to stynte our langour To softe our sores and our swellinge slake Of all our woundes whan they smerte or ake ¶ And nowe this day shortely for to wryte This blesfull tyme of the natiuite Of longe Ioseph the cote of polimite Wrought by the poure of all the Trinite Within the closette of chosen chastite Parformed was and by none hande of man As Alexander well reherce can ¶ Within his boke made in speciall On Cantica as ye may rede and se The whiche clothe of purpell moste ryall Hewed with clennes of virginite This day hath shewed in our humanite The godhede hole for by this cloth is mente Of our kynde the freel garnemente ¶ Howe Ioseph figured the Byrthe of Christe Capitulo xlviii ALso this day of Ioseph the canele Amyd the felde that dothe vertue floure Was gadered vp by clennes euery dele Whome all that other gan worshippe honoure For in chastite clene chosen bowre Of may denhede this canell grewe by kynde That whan the bretherne of Ioseph dyd bynde ¶ Eueriche his shefe the Byble gan deuyse Howe it stode vp amonge hem euerichone And all the other gan attones ryse And worshipped it mekely one and one For this Ioseph sawe this day alone Sonne and Mone and Sterres eke eleuen To hym obeye vpon the hygh heuen ¶ And the sothfast garnet of the holy grayne As sayth Guydo was a mayde swete In whome was shytte sothely for to sayne The sacred store and eke the halowed whete Of the seuen yere that dyd in plente flete For on this parfyte rote vertuous The seuen eres of grayne so plenteuous ¶ This day be growen to full perfeccion To saue Egipte in his greate nede And for to be to hym saluation In crafte whan he hath ende For this is the grayne that fostre and fede With full repaste woman chylde and man And all his bretherne dwellinge in Canaan ¶ This yonge Ioseph this Ioseph the seconde Shall by his wytte helpe and releue And Iacob made in plente to abounde With fulsum fode at moro we and eke at cue That the honger on no syde ne greue Of the seuene yere vnto his lignage And lyke as Ioseph in his tender age ¶ Thought he sawe hygh vp in heuen Sonne and Mone in his auysion And therwithall Sterres eke elleuen Honoure hym with greate deuocion Of this Ioseph excellinge of renowne This newe Ioseph Christe Iesu hymselue Of the Sterres and the signes twelue ¶ Honoured was with lowe subiection Though he laye lowe in a Oxes stall For bothe crony and domina●ion And hole the courte aboue celestiall This hygh feste for a memoriall The laudes songe in the heuen quere Lyke as Dauid had in the Saultere ¶ Prayseth the lorde of the hygh empyre And with one wyse his byrthe

shone Than Phebus doth in his longe spere And twelue sterres that passyngly were clere So as to hym playnly dyd seme Weren sette aboue in her dyademe ¶ And as hym thought at her feet there stood A large mone bright and nothing pale In fygure onely that she that is so good To swage the bitter of our olde bale The sonne of lyfe made to auale Downe to the erthe to gouerne vs and guye And eke the mone to vs doth signefye ¶ All holy churche large to beholde Within this mayde had his originall Whan fynally with his rightes olde The synagoge of Iewys had a fall For in this mayde the fyrst faythfull wall Of holy churche God gan fyrst to bylde Whan with his sonne he made her go with chylde ¶ And to reforme the rudenes vtterly Of blynde folkes that coude not parceyue Howe that Marie myght kyndly A mayde be and a chylde conceyue That yf hym list reason to conceyue They may examples right ynowe fynde Of this mater accordinge vnto kynde ¶ Autentyke conclusions agaynst vnbeleufull men that saydē that Christe might not be borne of a mayde Capitulo xx O Blynde man thorowe thyne iniquyte Why hast thou lost thy reason thy sight That thou of malyce list not for to see Howe Christ Iesu thorowe his greate myght To his disciples helde the waye right Thorowe the yates yshette by greate deffence Without brekyng or any vyolence ¶ Why myght he not of his magnificence Within a mayde make his mancion And she yet stode in hygh excellence Of maydenhede from all corrupcion ye ben to blynde in your discression That liste not to see also howe he rose From deth to lyfe in his sepulture close ¶ And here withall thou mayste also aduerte Howe he full graciously of his myghty grace Made Peter out of pryson to sterte And where hym lyste frely for to pace And yet the dores were shutte of the place What wonder than though god by myracle Within a mayde made his habitacle ¶ And beyng close and parfytly shette With all the bondes of clene vyrginite For sothfastly her clennesse was not lette Upon no syde ue yet her chastite But encreasyd and fauour for to se That goddes sōne list to light adowne Within this mayde to make his mancion ¶ Eke Heldefons telleth of a tree In stede of fruyte hereth byrdes smale From yere to yere by kynde as men may se Without medlyng of female or of male This veryly is soth playnly and no tale Thā wondre not though Crist were borne bitwene The chaste sydes of a mayden clene ¶ Eke certeyne byrdes called bultures Without medlyng conceyuyng by nature As bokes sayne withouten any lees And of her lyfe an hondred yere endure Than the lorde of euery creature That causeth all no wonder though I say Though that he were conceyuyd of a maye ¶ And Plunius in bokes naturall Wrytte of a roche greate and large also That wyll remeue with a fynger small But yf a man do all his myght therto It wyll not stere neyther to ●e fro Right so this mayde that is of vertue moste With a fynger of the holy ghoste ¶ And with a touche of his myghty grace Conserued hath stedfast god and man That neuer myght remeue from her face Of thylke auowe that she fyrst began To be a mayde as fertorth as she can In herte wyll as any roche stable That from his grounde is not remeuable ¶ This clerke also this wise Plunius Sayth in Tauriche there is an erthe founde That of nature isso vertuous That will cure euery maner wounde Right so Marie was the erthe founde That god out chose by eleccion To bere the fruyte of our redempcion ¶ That shulde be helthe and also medecine To all our woundes whan they ake or smerte And our greues our hurtes fyne From deth to make vs to asterte With holsome bawme percinge to the herte Our festerid soris that they shull ake nomore Ne that she ne were we were all forlore ¶ And ferthermore this auctour can eke tell Within his boke who so loketh a right To Iupiter sacred is a well That whan it hath queynte his brondes bright That efte agayne hit geueth them a newe light Who list assaye soth as he shall fynde What wonder than though the god of kynde ¶ Amyd this well from fylthe of synne colde Full of vertue with fayre stremes clere His lodging toke his myghty holde And thorowe his grace sette hit newe afyre With the holy ghoste that that withouten were Though she were colde from all flesshlyhede She brent in loue hotter than the glede ¶ And in Falisco as hym liste to wryte Is a well that causeth eke of newe Whan the oxen drynke to be whyte And sodaynly to chaunge her hewe What meruayle than though the well trewe The well of helthe and of lyfe eterne The lorde of all so as I can disserne ¶ These stremes shedde in to this mayde fre To make her whightest as in holynesse That bothe sholde mayde and mother be And euer in one kepe her clennesse Withouten chaunge so that her whitnesse Ne fadeth neuer in beaute ne in coloure Of mayden hede to bere bothe lefe and floure ¶ And who that wolde dispute in this matere I holde hym madde or elles out of mynde For yf he haue his eyen hole and clere He shall nowe se prefe ynough by kynde For he that made bothe lefe and rynde And with a worde these waste wordes wylde Myght make a mayde for to go with chylde ¶ And he that made the hygh cristall heuen The firmament also euery spere The golden axtre the sterres seuen Cithera so lusty for to appere And rede marce with his sterne hcere Myght he not eke onely for our sake Within a mayde of man the kynde take ¶ And he that causeth fowles in the ayre In her kynde to w●xe and multeplye And fysshe eke with fynnes sleid fayre In depe ●aves to gouerne hem and gye And doth one lyue another dye And geueth beastes her fode vpon the grounde And in his kynde doth hem to abounde ¶ Sithen he is lorde and causeth all thynge To haue beyng yf I shall not fayne And is the prynce and the worthy Kyng That all enbraceth in his myghty chayne Why myght he not by power souerayne At his fre choyse that all may saue and lese To his mother a clene mayde these ¶ Who causeth the fruyte out of the harde tre By vertue onely that spryngeth from the rote To growe wexe like as men may se With leues grene newe blosmes sote Is it not that lorde that for all our bote Wolde of a mayde as I reherce can Mekely be borne without touche of man ¶ For he that doth the tender braunches sprynge And fresshe floures in the greate mede That weren in wynter dede eke droppinge Of bawme voyde of lust●hede Myght he not make his grayne to growe sede Within her brest

tender herte Out braste on teres might her selfe nat stere That all bydew●d where her eyen clere Whan she sawe hym that she loued so So yonge so fayre to wepe for wo. ¶ But he anone in all his passion For all that he was so yonge of age In manere he had a compassion To se his mother to wepe in her rage And put his hande vnto her vysage On mouthe and eyen passyngly benigne And as he coude goodely made a signe ¶ Withouten speche to stynte her wepynge That came to her of motherly pyte And she full well conceyueth his menynge From poynte to poynte than anone gan she To loke on hym that was so fayre to se And his fetures considered by and by And in her armes wonder womanly ¶ She toke hym vp prayed hym be still As of motheres is playnly the manere And he in all obeyeth to her will Though he were yōge gan to chaūge his chere And with her kerchyef she made his eyen clere On his chekes in all that euer she maye Full motherly the teres w●pte awaye ¶ Howe in foure maner of wyses Christe was circumcised Capitulo lxi ANd like of Asquyne as it is deuised That Christe Iesu who so liste to se In foure maners was truly circumcised Fyrste of his father at his natiuite With the knyfe of wilfull pouerte And nowe this day whiche is nat feyned Eke with a knyfe by the lawe ordeyned ¶ The thyrde maner ye maye eke consyder Howe with the knyfe of greate aduersite That he was kyte firste whan he cam hyder Takynge for vs our humanite And alther laste with full cruelte For vs he suffred circumcision Upon the crosse durynge his passion ¶ Howe Christe suffred circumcision in his chosen people Cap● lii ●Ke in foure maner who so can take hede Christe in it is chosen by good inspeccion Here in this worlde withouten any drede Of newe he suffred circumcision The fyrste is made by false detraccion That ky●teth awaye bothe frende and fame And the shynynge of her goode name ¶ The seconde is by false tyrannye Of suche that haue no conscience at all But taketh awaye by cursed robbery● Unrightfully her goodes temporall And the thyrde sothely is moste mortall Of heretykes that falsely disobeye To holy chyrche to out faythe vareye ¶ The fourth is made by effusion of blode Of tyraunte that the body sleeth Whan they of malice agayn the fayth stode To execute her venym vp by deth To make mar●ers to yelde vp the breth Whome Christe Iesu eternally in glorie Ordayned hath ● palme of victorie ¶ Eke fyue tymes Christe in his manhede Shed his blode by effusion And alther fyrste wh●n he dyd blede Upon the daye of circumcision And in soth tofore his passion Upon the hyll for auguysshe whan heswete The rede blode whiche all his body wette ¶ The thyrde tyme his blode moste vertuous Gan ren●e out by many a cruell wounde Whan that he was this kynge moste gracious Of the Iewes to a pyler bounde The fourth tyme eke as it is founde He spent his blode for our alther good Whan he was nayled hygh vpon the rood ¶ And alther laste whan Longeus a fere Through his herte playnly as I fynde On Caluere hym perced with a spere That blode water as bokes make mynde Gan streme downe to his eyen blynde By whose vertue anone this paynym knyght Onely of grace recouered hath his sight ¶ And in his bokes eke as it is tolde Howe the pyece of his Incision Was by an Angell in an vrne of golde To Charles brough in a vision And he anone of greate affeccion Of this myracle for the excellence Made it be kept for greate reuerence ¶ And at Acon but y● 〈◊〉 Full many a yete by reuolucion In a chyrche sothely of Marie But clerkes haue an opinion That the daye of Resurrexion Whan Christe Iesu rose from deth to lyue The same pyece retorned as blyue ¶ To the place where that it cain fro Sithen that it was sothely as I fynde Of his manhede parteynynge therto And a patty longynge to his kynde Though 〈◊〉 be so that bokes make mynde That in Rome it is yet preserued And yere by yere whan this teste is serued ¶ In a churche whiche men of custome call Sancta Sanctorum of olde foundacion The same daye there the prestes all Solempnely make a stacion Whan all the people gone on procession Fully in hope better for to spede From yere to yere there they singe and rede ¶ And ferthermore the storie dothe deuise The same daye righ fortwith anone In the Temple as they hym circumcise He named was Iesu of echone The whiche name longe or that agone Was of the Angell tolde sayde afore To his mother or that he were bore ¶ Howe the people of god that duke Iosue had in gouernaūce weren saued by the stedfaste beleue of the name of Iesus Capitulo lxiii ANd to reherce the greate worthynes Of this name whiche may hat be described My wittes ben so dull with rudenes And in the chayne of ygnoraunce guyded That I alas of konnynge am depryued Thorowe lacke of wytte in any maner wyse To vndertonge so passynge hygh empryse ¶ For this is the name who so can discerne Moste excellent and moste of dignite The name of names sacred from eterne As say the Bernarde who so liste to se Figured fyrste vnto Iosue Through his knyghthode whan he sholde lede The people of god to saue hem in her nede ¶ For this is the name that hertes moste desyre For therin is so passynge swetenes For it may beste ●em with grace enspyre And with plente of all goodely ryches It is comforte so socoure in sekenes Refuyte alfo reste and remedye To all tho that felen maladye ¶ Agaynste 〈…〉 In all this worlde th●● 〈◊〉 maye ●e ●ound● For this name 〈◊〉 〈◊〉 and deuyne That hertes seke it dothe with hole habounde It cureth sores it heleth euery wounde And saueth man fro many a swerde spere Where euer they ryden in laude ferre or nere ¶ It is firste writen in the boke of lyfe For worthyest and moste of reuerence And it is eke beste preseruatyfe Agayne the assent of the vyolence Of wicked eyre to voyde pestelence And from the deth hem that playnen sore Of his vertue to helthe it dothe restore ¶ It is also sothfaste saluacion To all that be in pouerte and in nede It is deffence it is proteccion In eche parille and in euery drede It is also the guerdon and the mede In them that ●en in exyle of oultrage Repeyre fynall of her pylgrymage ¶ This is the welle with the foure streames Wherof writeth Bernarde in his sentence That through y ● worlde refressheth all Romayns It is so holsom of suche excellence The fyrste he calleth the streame of sapience Of whiche the flode moste inly is habounde And right wisnes he nameth the secounde ¶ And the 〈…〉 For

Deuoutely brynge his oblacion And offre fyrste the turtell of innocence Of very mekenes and hertely pacience ¶ And who y ● wolde this offrynge make a right He maye nat fayle none of bothe two Fyrste shyne in clennes with his chaste light As the Turtell and therwith also Lyche the Doue bothe in we●e and wo His herte daunte so by temporaunce To voyde rancour and plante in sufferaunce ¶ And as the Turtell by contemplacion For synne soroweth with greate waymentynge Onely for loue of thylke eternall dileccion That lasteth ay and hath none endynge And as the byrthe sheweth the comynge Of grene wherwith fresshe byrdes newe Right so of vertue with floures fayre of hewe ¶ He muste exampell of the Turtell take And be well ware that he nat ne varye But lyue sole whan he hath loste his make And in prayer be also solitarie And loke alwaye that he nat ne tarye On no careyne of no flesshely hede And with all this to take also hede ¶ That he his lyfe lede nat in vayne But like a Doue busely aspye Where he 〈…〉 maye the grayne And that he 〈◊〉 n●t out of companye Waytynge also the galle of enuye And that he haue ●y indignacion Of synfull luste out of corrupcion ¶ Of any careyne to foster hym and fede And euermore with all his dusy payne Eschewynge synne loue god and drede And with the Doue syghe and compleyne For his offence and with wynges twayne Take his flight as ferforth as he can Thorowe parfyte loue bothe to god and man ¶ And as the Doue touchet eke her make Onely with kissynge whan they to gyder gone So moste he ▪ whether he slepe or wake Thorowe chastite set his herte in one And lyke a Doue maketh his neste of stone This is to seye amonge all his pleasaunce He muste his ●lesshe daunte with penaunce ¶ And as the Doue with her eyen meke Of kynde aspyeth amyd the Riuere The Haukes shadowe whan he dothe her seke Sechynge his repaste bothe ferre and nere Right so muste he with parfyte eyen clere Amyd the watres full of wo and stryfe In the wawes of his mortall lyfe ¶ The dedely shadowe of the fende esche w● That wayteth hym with snares large huge And to the deth ay dothe hym pursewe To trappe hym here in his deluge And lyke a Doue f●e to his refuge By grace onely if he maye escape Or deth bytraye hym with his sodeyne trape ¶ And who so by clennes with the Turtell 〈◊〉 As I tofore haue made mencion And lyke a Doue afore his perill fleeth Of deth to esche we the persecution And can be meke in tribulation I dare recorde it write it for soth Truely to god he his offerynge doth ¶ And who that euer liueth in chastite And hath enuy enclosed in his herte He maye well offre what so that he be To god a Turtell but the Doue nought Wherfore they muste be to gyther brought That clennes by sothfaste vnite Without partynge be knytte with charite ¶ And sothely than there is no more to sayne Whan his offerynge and oblation Is iustely made to god of bothe twayne It is accepted of more deuocion And for to make a shorte discripcion Of the Turtell and the Doues kynde Redeth these verses and ye shull it fynde ¶ Alta ●etit 〈◊〉 cantando gemit veniens Uer Nunciat et caste viuit solus que moratur Pullos no●te fo●● morticinium que fugit Erranea legat vol●●at sociata cadauera vita● Felle care ●plang●● so●ium que per oscula tangit Petro dat huic ●●dum fugit hoste flum●e visum Rostro non ledit geminos pullos bene nutrit ¶ This feste also bothe of more and lesse Through out the worlde in euery region Called is the feste of ●andelmesse For sondry skylles in conclusion As olde bokes make mencion And howe this feste fyrste toke his name So as I can to you I wyll atame ¶ Howe Candelmasse toke firste the name Capitulo lxxxii SOmtyme whan Rome through his hye renoū Was moste flourige i power i might Euery fyfthe yere by reuolucion In Februarie vpon the firste night Eche man and chylde with a taper light Went in the cyte two and two a pas Unto a Temple whiche sacred was ¶ To Febru● of olde fundacion That mother was to Mars omnipotente In whose honoure this procession Ordeyned was by greate auysemente At eche lustre wenynge in her entente That her power and greate worthynes Preserued was through helpe of this goddes ¶ From all assaute of euery aduersayre Supposynge fully in her oppinion That she fortune made debonayre For to susteyne the honoure of her towne And through her helpe and meditacion That mighty Mars to encrease her glorie In all conqueste gaue to hym glorie ¶ For whiche cause through out the cyte As ye haue herde of hygh lowe estate Was fyrste ordeyned this solempnite In the Temple that was consecrate To Februa the goddes fortunate Thorowe helpe of whome they were victorious And so this custome supersticious ¶ In Rome towne as myne auctor seyth Obserued was longe and many a daye yet after that they tourned to the feyth But euer in one this ryte they kepte alwaye For olde customme is harde to put awaye And also vsage greueth folke full sore To do awaye that they haue kepte yore ¶ But at the laste Pope Se●gius Of the people seynge this errour And that the customme was full ●eryllo●s Dyde his deuoyre and also his laboure That ryte to chaunge in to the honoure Of our Lady so that this hye feste From the hyest downe to the loweste ¶ Euery man and woman in her hande To the Temple shulde a taper brynge Thorowe out the worlde in euery maner lande And ther withall make her offrynge After the Gospell the prestes hand kissynge With light solempne that all might it sene In honoure onely of the heuen quene ¶ That best may be our mediatrice To her sone that is without fayle Bothe lorde and kynge and she imperatric● Of lande and see of peace and of batayle Withouten whome no conquest maye auayle For she hath power more in sothfastnes Than Februa of Rome the goddes ¶ And thus this ryte was vtterly refused By Sergius as ye haue herde deuise That was aforne of hem of Rome vsed Full many a daye in her paynym wyse Whome to she we all Christen muste despise And of Candels whan this rite gan passe Came the name fyrste of Candelmasse ¶ This feste also of full longe agone The name toke of the procession Made of Anna and holy Simeon When they hym mete with greate deuocion Brought to the Temple to this oblacion As was the lawe custome and vsaunce Of holy churche for a remembraunce ¶ Obserued for the fro yere to yere Of February on the fyrste daye With sacred light vpon taperis clere Shynynge as bright as Phebus in Maye Whan the people in what they can or maye Full redy ben of one