Selected quad for the lemma: death_n
Text snippets containing the quad
|
ID |
Title |
Author |
Corrected Date of Publication (TCP Date of Publication) |
STC |
Words |
Pages |
|
A00918
|
Sermo die lune in ebdomada Pasche
|
Fitzjames, Richard, d. 1522.
|
1495
(1495)
|
STC 11024; ESTC S118732
|
39,996
|
86
|
comynge in to this worlde mankynde had many defawtes Thre in especyall whyche lettyd hym to come vnto god non pedibê° s morib not wyth his fete but wyth his condicoÌ„ns he was blyÌ„de and myghte not se. Syke and myghte not goo So vnwyldy Impotent in euery party that he cowde in no wyse nyghe come vnto god Now thys defawte our sauyour dyde helpe bi his admynystracoÌ„n ¶ Fyrst I saye where man was blynde what bodyly Naye rather ghostly by ygnoraunce mynistryng his holy worde he lyÈtned gretly the soule of man thrugh prechynge of his holy worde he toke fro mankynd ignorauÌ„ce And lyghtnyd hym with the assurid lyÈte of fayth whiche after saynt Iohn Crisostom is the very lyghte of mannys soule ¶ To shewe this I lete you wyte that man was Create of god very god hauynge knowlege necessary of god of hymselfe of other creatures abowte hym as declareth the mayster the. xxâ—ij distynccoÌ„n of the seconde Now so it was as is aboue rehercyd Mankynde fell in to the hondes of theues whyche robbed hym woundyd hym and lefte hym but halfe alyue He fell in to the deuylles hondes power by consent to synne They dispoyllyd hym of hys yeftes of grace and sore woundyd hym in his naturall yeftes whan he lost the symylytude of god his maker and in this worlde passid forth in his ymage In whyche ymage man was sore woundyd For he had loste Ignoraunce in his vnderstonding Oblyuyon in his memory And in his wyll dyffyculte to doo well ¶ Where my sayeng be true nay I reporte me to yourself Whyche is he amonge vs all whyche can excuse hym of Ignoraunce whyche can remembre hym of alle his dewetyes and not to forgete ony of them Whiche hath no dyffyculte ne payne to do well I deme verily not many in this audieuce and also I am well assuryd noo man ¶ Now by this ignoraunce in to whiche man was fallen by synne He felle in to many other grete inconuenyencts As in to ydolatrye agaynst the due honour of god In to rebellyon agaynst his souereynes and prynces In to myscheyf and murthur bytwene man and man In to a thousande Inconuenyences moo than I can reherce or shewe For after saynt Iohn Crisostom the. xxv Omely of his werke Imperfecte on Mathu Ignoraunce is the moâ—er of errour And euyll wyll the fader ThenÌ„e Ioyne thyse two togyders Ignoraunce of trouthe And euyll wyll to knowe the same And by al ma nere lyklyhode errour comyth soone after A sory kynredr And a ryght wyckyd genelogy ¶ This Ignoraunce In especyall of thynges necessary to mannys saluacyon somtyme in scrypture is callyd derkenesse Somtyme it is callyd the shadowe of dethe Also somtyme the ymage of dethe And som tyme the payn of synne So yâ— Ignoraunce I saye of thyÌ„ges necessary to mâ—nys saluacoÌ„n hath euer Ioyned with hym sâ—ne derknes deth ¶ Cryst comyng in to our hyÌ„de fonde yâ— worlde in derknes yâ— shadow of deth in ignoraunce he mynystryd light For after yâ— woâ—de of Symeon he was yâ— very lyÈte to releue all Gentils beyng blynde by synne Thenne I saye our san your Cryste gaue lyghte What was that Sothly he declarid his holy fayth to the worlde whyche as I sayd aboue is the very lyghte of mannys soule ¶ And in sygne that all yâ— worlde sholde be releuyd by the lyghte of his fayth At his temporall byrth he apperyd wyth grete lyghte as declareth saynt Luke in the seconde chapyâ—â—e At the tyme sayth he of Crystis holy byrth she peherdes were there in that regyon obseruynge the nyghte watche on theyr flockes And sodenly yâ— angell of god was amonge them and the grete clerenesse of god bryghty dyde beshyne them all abowte Vppon whyche wordes sayth saynt Gregory yâ— where in holy scrypture we ofte rede that angelles haue aperyd to holy faders we neuer rede that thei appered wyth suche lyghte as dyde this holy angel at Crystis byrthe For full conuenyently sayth saynt Gregory was this priuylege reseruyd vnto cristys natiuyte whan was bome very lyghte to men syttynge in the derknesse of Ignoraunce synne ¶ So that as our sauyour came wyth grete lyght in to this roorlde So by his power in mynystryng his holy worde to the people he lyghtned mennys soules gretly wyth his fayth accordynge to the wordes of Dauid the prophete in the. xxiiij psalme Nyghe ye vnto god sayth the prophete ye shal be lyghtnyd wyth his fayth For he nyghed vnto you by mynystracoÌ„n of the same lyghte Thenne thou heretyk how cannest thou excuse thyself lete se. god offreth to the his lyghte of fayth conteyned in holy scrypture sayenge Blessyd be those whyche here deuowtly the worde of god and it obserueth the xi chapytre of Luke He nyghed to the wyth necessary lyghte thou sparest thy derke ignoraunt soule wolt not come to god what wonder thenne yf thou erre from trouth falle in to the derke pytte of euerlastynge dampnacoÌ„n This is the way war denes of all grete synners As of grete extorcioners grete vsurers grete oppressers of the people Offre to them lyghte Shewe to them the peryll of theyr grete synnes They sparre theyr soules Shytte out the lyghte And delite to dwelle in ignoraunce layâ—ng holy scrypture for them the. xij chapytre of Luke A seruaunt knowynge his soueraynes wyll it not perfourmynge shall be greuously punysshyd And therfore had they moche leuer contynually lyue inâ—gnoraunce than to knowe the trouth But he that is ignoraunt of trouthes necessary shall be of god vnknowen that is to saye vnalowed at yâ— grete Iugement ¶ Saynt Austyn sayth yâ— one thynge is euyll Not to knowe a nother Not to wyll knowe The wyll of them is at god reprouyd Of whom sayth the prophete Dauid They woll not knowe to do wel ¶ Seconde in this party I sayd our sauuour nyghed vnto man mynystryng vnto hym cure both ghostly bodyly Ishewe it this At his comynge in to this worlde Alle the worlde of men was syke All ghostly And many bodyly Alle were ghostly syke by synne For all were synners as sheweth the apostle to the Romayns the thirde chapytre how this syknesse of synne entryd in to all the worlde the same apostle declareth to yâ— Romayns the fyfth chapitre ¶ As by one man laych the apuostle synne entred in to all the worlde by synne deth So by â—o man deth passyd in to al men In whyche oâ— man alle men haue offendyd god by synne ¶ Now for this ghostly syknesse of synne many haue fallen yet falle in bodyly syknesse As declareth saynt Iohn Crisostom vppon thyse wordes of Crist vnto the palsey man by him curyd whyche laye xxxviij yeres sore sike in his siknesse Goo thy way sayd Cryste vnto hym and se thou synne noo more leest if chaunce the worse the vi chapytre of Iohn ¶ Here lerne we sayth saynt Iohn Crisostom that this mannys syknesse came vnto
necligence Both his sones were slayne in a day bi the Philistees And tharche of god yâ— true fygure of his holy chyrche was taken in to yâ— hondes power of synners thenmyes of god The .iiij. chapytre of the fyrste boke of kynges ¶ A comyn prouerbe it is a wyse yâ— better is a chylde vnborn than vntaught Teche ye therfor your chyldren to walke wyth IhuÌ„ Cryste by true obedyence to god â–ª to their frendes ye to their prynce other hedes This ben they bouÌ„de vnder yâ— payne of euerlastynge dampnacoÌ„n as is aboue shewed For there is no power but of god ¶ The cause whi comynly men â—â—bell ayenst theyr heedys souereynes is pryde highe mynde Now our sauyour taught mekenesse Lerne ye of me sayth he to al his folowers yâ— I am meke humble of spyryte the .xi. chapytre of Mathu Mekenes ledyth to obedyence obedyence to pacyence Then where lackyth mekenes lackyth both obedience pacience Then foloweth rebelly on wher men be vnable to rebell â–ª oft they distroy theÌ„selfe for malyce as of Cato Vticense declareth saynt Austyn yâ— .xxiij. chapytre of yâ— fyrst boke of yâ— cyte of god whyche thrugh his pryde was so impacyent inobedient yâ— he wold rather distroy hyÌ„self than to lyue vnder the dominion of Iulius Cesar. This dyde he distroyed hyÌ„self here was th ende of his pride For sure it is of Crystis sayeng That who exalte hymself shall be mekyd the .xiiij. chapyâ—re of Luke ¶ Seconde is sayde in this party that our sauyour IhuÌ„s was obedyent accomplysshyd fulfylled the lawe and preceptes of the same whyche oughte no duety to the lawe And that I shall shewe by this reason The lawe was made for to punysshe trangressours the thyrde chapytre to the Galathees Now our sauyour Cryste dyde neuer synne ne yet gyle was ony tyme fouÌ„de in his mouthe the seconde chapytre of the fyrste epystle of saynt Peter Thenne folowyth that he was no thyÌ„ge bounde to the lawe And yet of his perfyte me kenesse for our meryte ensample fulfylled he the lawe as detter to the same bothe in his circumcision in his oblacoÌ„n at the temple in obseruynge â—he Pasche daye in Ierlm whanÌ„e he was of the aege of .xij. yeres alle conteyned in the seconde chapytre of Luke Of whyche holy and deuowte obedyence of IhuÌ„ Cryste sayth the blessyd bysshop Cirillus the discyple of saynt Ierom this wyse ¶ O highâ— profundite of the grete wysdom scyence of god Cryste in our kynde was circumscided whyche by the auctorite of his godheed dayly circumcideth the synnes in mennes hertes He offrid ooutes to god whiche in euery oblacoÌ„n made vnto god is honouâ—yd egally wyth his fader The lorde of Pasche daye mekely as a seruaunt obseruyth the pasche Tronthe obserueth the fygures of the lawe The maker of theâ— lawe as god kepyth yâ— same as man And ouer this in obseruynge and kepynge of the lawe What dylygence and what obedyence oure sauyour Cryste IhuÌ„ dyde apperyth in the v. chapytre of Mathu Where he sayd vnto al his folowers ¶ Thynke ye not that I am come in to this worlde to dyssolue or breke the lawe or the prophetes I came not to breke them but rather to complysshe them Wherupon sayth saynt Iohn Criâ—ostom in his Omely Cryste fulfyllyd the prophetes in accomplysshynge alle the tronthes wryten of hym by them He fulfylled the lawes two wayes Fyrste noo thynge trangressyng or brekynge commaunded in the lawe seconde in iustifyenge synners by fayth and charyte that the lawe by the letter myghte neuer doo And soo prescice was he in his obedience and obseruaunce of the lawe that he sayde forth wythin the same chapytre That the leest Iote or leest precepte of the lawe sholde not passe hym vnobseruyd kepte signyfyeng That he wolde kepe the lawe to euery poynt and vttermoost precept commaunded in the same ¶ I saye commaunded in the lawe Not in the Talmodyke tradicoÌ„ns of the Iewes whyche were besydes And out of the lawe Many in nombre And grete of charge To whoo 's obseruaunce the Iewes toke gretter kepe Ye gaue gretter obedyence thanÌ„e to the lawe As to ete theyr meete wyth wasshen clene hondes The discyples of Cryste toke no hede to this cerimony The Iewes therfore blamyd Cryste And sayd to hym ¶ Why breke thy dyscyples the tradicions of our olde faders They wasshe not theyr hondes whanÌ„e they ete brede Cryste preterrynge obedience of the lawe to theyr tradicions Answeryd Why breke ye ypocrytes the commanndementes of god For ony of your tradicions As who sayth Ye sholde not soo doo But compare to gadre the lawe of god And the tradicions of man ye sholde awaye be obedyent vnto the lawe of god For ony tradicion of man I fere me we ben in the Iewes caas We take more dylygence and ben more obedyent to mannys tradicion thanne to the lawe of god Stomblynge atte a strawe And lepynge ouer a blocke Oure sauyour sayde That we oughte of duety obserue and kepe the lawe And not to leue the other vnkepte ¶ Lete therfore euery man doo his duety and folowe Cryste in the waye of his coÌ„maundementes That he may truely synge say wyth Dauid the prophete good lorde I haue renne the waye of thy coÌ„maundementes He went before he gaue vs ensaÌ„ple he callyd vs wyth him in obedyence to yâ— lawe to whyche he was not bouÌ„de but for his mekenes and our example as it is open in the .xiij. chapytre of Iohn where of his grete mekenes he wasshyd yâ— fete of his discyples sayenge vnto them ¶ I hauelgeuen to you ensample As I haue doon so do ye For there is noo seruaunt gretter â—e better than his lord and mayster Signyfyeng that al Cristys true seruauntes sholde walke wyth hym by meke obedience in obseruyng keping the lawes of god ¶ Thyrde I say this party yâ— our IhuÌ„ Cryste our lauyour was obedient to passyons deth To passyons as to hungre thryste colde werynesse to persecucoÌ„ns aduersyte to blasphemye detraccyon to thornes scourges naylles to aysell galle fynally to deth And to what deth trowe ye playn to thenÌ„ the moost shamfull deth in the worlde to the deth of the crosse the seconde chapitre to the Pphilipen◠¶ Our sauyour Cryst sayth there the apostle mekyd hymself made obedyent vnto deth ye vnto the dethe of the crosse Why walkyd Cryste trow ye thys streyte path of obedyence whyche ledeth to deth for hymself naye he nedyd not syth he neuer was the detter of deth For as I sayd aboue he neuer dyde syÌ„ne ne gyle or dilceyte was ony tyme fouÌ„de in his mouth Then was it al for our sake whyche were synnersâ— of duty the dettours of deth As she with saynt Peter in the seconde chapytre of his fyrst epistle Cryst he sayth suffryd for our synnes leuyng you vs al example to folowe his holy steppes Then haue we here declaryd of our IhuÌ„s Cryst yâ— the same whiche nighed to man hyÌ„ sauyng by his grete power shewed in the actes of creacoÌ„n IncarnacoÌ„n mynystracoÌ„n whose fygure was IhuÌ„s Naue The same IhuÌ„s hath walkyd with man in our kynde hym sauyng by perfyte obedience to his frendes other astates to yâ— lawes coÌ„maundementes to passyons deth of yâ— crosse Whose fygure was IhuÌ„s Iosedech ¶ Of whyche two pryncypall partyes doth folowe a corelari That the same IhuÌ„s whyche nyghed to mankynde whyche walkyd wyth mankynde hath fynally bi his wysdom broughte mankynde to euerlastyng reste in heuen whose fygure was IhuÌ„s filiâ— sirach whyche by his wysdom hath gretly holpen sauyd the people of god But neuer lyke to our IhuÌ„s Cryste For as IhuÌ„s Naue was but a fygure of power strengthe IhuÌ„s Iosedech a fygure of holy obedyence So was IhuÌ„s Sirach but a fygure of the wysdom of Cryste whyche is the eternall substancyall wysdom of god yâ— fader attaynyng strongly from ende to ende delectably allethynges disposyng The .viij. chapytre of sapienâ— To whose power no creature may resiste ¶ Syth all creatures be at his coÌ„maundement to him obedyent yâ— .xiij. chapytre of Hesâ— For whose meke holy obedyence god the fader hath hym exaltid geuen to hym a name aboue all the names in yâ— worlde Syth to the holy name of IhuÌ„s all creatures of duty do bowe obeye bothe of heuen erthe hell The seconde chapitre to the Philipen By whose infinyte wysdom all yâ— worlde is sauyd hyÌ„selfe sayenge in the .xij. chapytre of Iohn Whan I am lyfte vp in the crosse there deyenge for man I shall drawe all the worlde vnto me Wherupon sayth saynt Austin as thouh our sauyour shold say after my deth my resurreccoÌ„n I shall ascende to my fader in heuen drawe my chosen seruauntes vnto me Syth by stedfast fayth of duty the membres must folowe the heed yet I saye he wysli hath disposyd yâ— all his seruauntes membres shold be obedient suffre in this worlde pressure passions as hymselfe dyde ¶ In this worlde sayd he to all his seruauntes ye shall haue pressure persecucoÌ„n the .xvi. chapytre of Iohn And saynt Poule in the thyrde chapitre of the seconde epystle vnto Timothe All those whyche in this worlde woll lyue the meke seruauntes of god must nedes suffre perseâ—ncoÌ„n aduersyte For whyche lytyll labour shorte trowble in this lyf all his true seruauntes shall haue euerlastyng rewarde rest in henen hyÌ„self thys promysed whyche may not erre ne faylle Ye shall sayth our sauyour receyue an hundryd folde more than ye paye or geue wyth all ye shall haue full possessyon of euerlastynge lyfe the .xix. chapytre of Mathu whiche graunt vnto vs. the same our sauy our IhuÌ„s Cryste AMEN ¶ Per reuerenduÌ„ doctoreÌ„ Ric fitz Iames ¶ Enprynted at Westmestre by Wynkyn de Word