Selected quad for the lemma: day_n

Word A	Word B	Word C	Word D	Occurrence	Frequency Band	MI	MI Band	Prominent
day_n	cloudy_a	fair_a	windy_a	11,205	5	14.2452	5	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A19168	The hystorye, sege and dystruccyon of Troye; Troy book	Lydgate, John, 1370?-1451?; Colonne, Guido delle, 13th cent. Historia destructionis Troiae.; Benoît, de Sainte-More, 12th cent. Roman de Troie.	1513 (1513)	STC 5579; ESTC S106666	426,391	328

telle How the Grekes on the same morowe Amonge them selfe complayne make sorowe Theyr harmes great in Murmur and in rage The losse the costes and the great damage That they haue enduryd folylye Lastynge the werre and wyste neuer whye The deth the slaughtre of many worthy man Syth the tyme that the werre began Hunger and thurste watche and colde also Full great vnreste sorowe thought and wo And all togydre for a thynge of nought In sothfastnesse if the grounde be sought This was the noyse and rumour eke that ran Thorugh out the hoost that day fro man to man And moste amonge the pore souldy oures Whiche bare the bronte euer of suche shoures And the myschefe of werre comenlye And though they playne they haue no remedy Of thynges whiche sytte them full vnsofte And thus grekes complayned haue full ofte Of many myschefe that hath on them falle The whiche they myght haue eschewed alle If they ne hadde of foly gonne a werre Out of Grece nat come halfe so ferre To theyr myschefe and confusyon This was that daye their lamentacyon ¶ Whiche to encrease the same next nyght So derked was without sterre lyght So cloudy blacke and so thycke of ayre Dymmyd with skyes foule no thynge fayre So wyndy eke with tempest all be layne Almoste fordrenchyd with the smoky rayne And in the felde astoned here and yonder With sodayne stroke of the dredefull thonder And with openynge of the hydous leuene That it sempte in the hye heuene The Cataractys hadde be vndo For the cloudes and skyes bothe two Sodaynely wexen were so blake Lyke as the goddes wolde haue taken wrake And hadde of newe assentyd be in oon The lande to drenche of Deucalyon And all this worlde without more refuge To ouerflowe with a fresshe deluge The wynde also so sternely gan blowe That theyr tentes stondynge on a rowe For possyd were and ybete downe And furyously to theyr confusyowne The floodꝭ raughte thē fro theyr stādyng place And bare them forth a full large space Wherof in myschefe and in great distresse In great laboure and hertely heuynesse The grekes bydde all the same nyght What for the tempest and for lacke of lyght Tyll the floode gan agayne withdrawe The wynde to appese and the day gan dawe And the heuen gan agayne to clere Without cloudes fresshely to appere And Phebus eke with a feruent hete Hadde on the soyle dryed vp the wete And the moysture enuyrowne on the playne And grekes hadde theyr tentes set agayne And were adawed of theyr nyghtes sorowe Thorugh the aperynge of the galde morowe They them arrayed nothynge for the pees And into the felde firste went Achylles As ye shall here of entencyowne That day to fyght with them of Troye towne WHan dryed was the lusty large playne with phebꝰ bemys as ye haue herd me saȳe The troyan knyghtes full worthy of renowne Descendyd be and ycome downe And in the felde toke theyr fyghtynge place But Achylles to mete them in the face Tofore went out lyke as I you tolde With his lordes and his knyghtes bolde And firste I fynde without more abode Vnto Hupon furyously he rode I mene Hupon that was of his stature Lyke a Geaunt as bokes vs assure Whom Achylles with his sharpe spere Thorugh the body percyd hym so fere That he fylle dede his wounde was so kene And after this the kynge Octamene As he fyersly on Ector wolde haue gone Without abode Ector hym siewe anone And cruelly quytte hym his fatall mede And sodaynely agaynst Dyomede As zantipus the worthy kynge gan drawe Full pyteously he of hym was slawe And right anone the kynge Epyscrophus And eke the kynge that hyght Cedyus Of one assent proudely in batayle Begonne Ector mortally to assayle And with a spere firste Epyscrophus Ran at hym with herte despytous And as Guydo also doth deuyse Rebukyd hym in vngoodly wyse To hym so sore in herte he was a meued Wherof Ector furyously agreued Hath mortally his wounde made so large That hym ne geyneth plate shelde nor targe For he fyll dede amonge his men echone To whom Ector bad he shulde gone To the Furyes depe downe in helle Suche wordes amonges them to telle For here quod he men take of them no hede And thus whan he was waged for his mede Anone his brother called Cedyus Suche sorowe made for Epyscrophus So hertely dole and so wofull chere That pyte was for to se and here So inwardly on his deth he thought And with a thousande knyghtꝭ that he brought To be auenged by manhode of them alle Despyteously on Ertor he is falle Where he hym founde fyghtynge with his foon That thorugh the force of them euerychoon So sore enuyrowne they haue hym beset That from his stede downe they haue hȳ smet ¶ Whom Cedyus aye in his cruell rage Whan that he sawe to his auauntage Ector vnhorsed and he on his stede His swerde he lefte of inwardely hatrede Markynge at hym with so great a payne With all the force of his armes twayne Fully in purpose without more delay To slee Ector playnely if he may But or his stroke descende myght downe Ector of hate and indignacyowne With his swerde that was full sharpe whet From his shuldre hath his arme of smet And after that he reuyd hym his lyfe Than Eneas amyddes all this stryfe Came rydynge in woode and furyous And as he mette the kynge Amphymacus He fell on hym and slewe hym in his rage And from grekes holdynge theyr passage There came downe firste Menelaus And after hym kynge Thelamonyus The great Duke also of Athene In whom there was so moche manhode sene Vlixes eke and cruell Dyomede And eke also to helpe them in theyr nede There came with them the kynge Machaon And alderlaste the great Agamenon With all theyr wardes and fyll in sodaynly Vpon Troyans and they full manfully Diffende them selfe agayne the Grekes proude And put them of full knyghtly as they coude And eche on other sothly as they mette With spere and swerde enuyously they sette So mortall hate there was them betwene And whan the sonne was in merydyen In myd day angell passynge hote and shene The grekes gan felly in theyr tene So myghtely to falle on them of Troye That they them made for to gyue weye Of very force and necessyte And Achylles so full of cruelte Amonge the renges as he gan hym drawe The kynge Phylem enuyously hath slawe And amyd of grekes the same tyme Ector Maugre them all slewe kynge Alphenor And eke the kynge called Dorous On them he was so cruell and yrous That thorugh vertue of his knyghtly honde Troyans haue wonne agayne theyr londe Vpon grekes and made them for to flee And thylke houre from Torye the Cytee Epyscrophus full of manlynesse The felde hath take thorugh his worthynesse And on grekes proudely for the nones With his knyghtes he falleth all attones And seuered them made them for to twynne And gan the