Selected quad for the lemma: city_n

Word A	Word B	Word C	Word D	Occurrence	Frequency Band	MI	MI Band	Prominent
city_n	bring_v	year_n	youth_n	59	3	7.3542	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A17943	Here begynneth the kalendre of the newe legende of Englande; Nova legenda Anglie. English. Abridgments.	Hilton, Walter, d. 1396. Epistle on the medled life.; John, of Tynemouth, d. 1290? Sanctilogium Angliae, Walliae, Scotiae, et Hiberniae.	1516 (1516)	STC 4602; ESTC S107496	190,729	324

oute of the Cytie so he went into wales after when seynt Albon was martyred a great multytude of people sawe a bryght Pyller ascende fro his toumbe to heuyn they mere conuerted and sent for seynt Amphibell to instructe theym in the feyth the messengers foūde hym in Wales prechynge to the people and in the meane tyme a noyse rose in the Cytie that some of the Cytye wolde goo with Amphybell ouer the see caste away the worshyppynge of theyr goddes wherfore a great company of the people furyously went to hym when they founde hym they boūde his armes and made hym goo before theyr horses barefote and in the way he helyd a syke man Aud when men of verolame met hym they put hym to cruell Martyrdome And many seynge his constaunce were conuerted wherfore they were put to deth in his syghte a. M. persones whome he cōmytted ioyously to our Lord as he was stoned he was ī prayer sawe our Lord with many aūgelles seynt Albō was amōge them a voyce sayd that he shuld be with his discyples in ꝑadyse And so Aungels toke his sowle to heuyn And all that dyd any thynge ageynst hym were greuously punysshed by the hāde of god the people seyng the terryble punysshemēt that folowid were all cōuertyd many went to Rome to do penaūce he was buryed at Radbourne lay there longe ●yme vnknowen And by reuelacion of seynt albō his body was foūde brought to seint albōs ¶ De sancto Anselmo archiepiscopo SEynt anselme was borne in the Cytie of Augustā in the moūtes of Alpey and ī his youth he came to the monasterye of Becceuse in Normandye And there he was .iii. yeres vnder lamfranke lyued a Religious lyfe whē lamfrāke was takyn to the rule of the monastery of cadomence anselme was made Pryour of Becceuse he abstractid hys mynde fro the worlde wordely thynges gaue hym holly to study cōtemplacyon And he assoylyd many doutes in scripture that had not ben assoyled afore his tyme And he absteynyd so moche that all glotony was extincte ī hym so that he had no hūgre nor desyre of etynge as other men haue a yonge broder of frowarde maners enuyed hym he suffred hym all that he mought not brekynge the rules of the religiō a longe tyme wherby at the laste the chylde began to loue seynt anselme and wolde here his monycions and at laste take his correccyons and an olde broder that longe had enuyed hym when he lay syke cryed out and sayd that two wood wulphes were betwixte his armes that wolde strangle hym and seynt Anselme herynge that made the signe of the Crosse and so they wente away then gladlye he toke penaunce Seynt anselme wrote many Bokes the Deuyll had great enuy to them somtyme he tere them in pecys And he shewyd by dyuerse godlye exaūples that chyldren shulde aswell be Instructyd by feyre meanes as by rygoure And after he was made Abbot he vsed moche contemplacyon and appoyntyd other approuyd men to haue rule vnder hym he was dylygent in receyuynge of gestys And after he came into Englōd where after the deth of seynt Lāfrāke he was made archbusshope of Caūterbury in the tyme of wyllyam Rufus which was a great tyraūte oppresser of the Churche And by cause seynt Anselme namyd Pope vrban as Pope The kynge toke great displeasour And anon dyuerse of the Busshoppes gaue vp theyr obedyēce to Seynt anselme And after when he had asked thryseleue of the Kynge to goo to Rome the Kynge bad hym leue that purpose or go his wey without Retournynge and after he went to Rome and there he had a decre for makynge of Busshopes that they sholde not be made by geuynge of a staffe and as he came homewarde he sawe in vyfyon y● ●l the seyntys of Englond complayned to our lorde of the Kynge And our lorde gaue a burnynge Arowe to seynt Albon he sayde he wolde take it to a wicked spiryt that was a taker of vengeaūce for synne And so he threwe it into the Erthe lyke a comet sterre by which vision seynt Anselme knewe that the kynge was deed And after he came into Englonde by deseyre of Kynge henry the furst he went agayne to Rome to chaūge the decre when the Kynge knewe the Pope wolde not chaūge it he seased the Busshopryche of Cauterbury into his handys And after y● Kynge and he were agreed And the kynge lefte the olde custome of makynge of Busshoppes by geuynge of a staffe and in the yere of our lorde a. M. a hundred .ix. full of good werkys he went to our Lorde the .xi. kalendas of Maii and lyeth at Caunterbury ¶ De sancto Audoeno ep̄o confessore SEynt audowen was archebusshpe of Roane after he was chosē he wolde not p̄sume anon to take it vppō hym but went fyrste into Spayne And there prechyd to the people and by his prayer they hadde abundaūce of Rayne that were before .vii. yerys wtoute And he went to our Lorde the .ix kalendas of september and was buryed in Roan And .xxx. yerys after his body was found vncorrupte And in the tyme of kynge Edgare foure clerkys came to his courte And tolde hym that they had brought with them the Relykys of seynt Audoen And when he doubtyd and marueylyd therat they sayde without it appere by Myracles that it is soo let theym be punysshed and put out of the Realme and the Kynge sayde that it belonged to Spyrytuell examynacyon and not to hym And bad them tarye tyll the Archebusshope odo came And whā y● Archbusshop came the Clerkes ꝑseuered in that oppynyon and prayde that it mought be tryed by the shewynge of almyghty god And so a Lepour was brought furthe with deuoute prayer the Archebussope made a Crosse ouer hym with Bones that they brought And anon he was hoole and a man syke of the palsey with the hede and with deuoute prayer made in the name of seynt Audoen was also made hoole And so the relykys with great honoure were had to Caūterbury and the sayde clerkys seynge the place were made Monkes they endyd theyr lyues in the seruyce of our Lorde and of seynt Audoen in his Lyfe be many notable thynges of his vertues counceyles and myracles De sancto Augustino episcopo confessore SEynt gregory sawe englysshe Chyldrē to sell at Rome when he had lerned that they were callyd Angli that they were not Cristened he sayde it was great pyte that the spyryte of Derkenes shuld haue so feyre People for he sayde they were well callyd Angli quasi angeli And so he had great desyre to haue prechid the seythe to them hymselfe but that the people of rome wold not suffre hym to go so ferre therfore whē he was made Pope he sent seynt Augustyne many other into Englonde as he had lōge desyred

there he had auctoryte to preche and was made Busshope after he retournyd to wyrtzburgh where he connertyd the duke and all the countrey to the feythe And when he had lernyd that the Duke had maryed his broders wyfe yet neuerthelesse for a tyme he forbere and wolde not speke to the duke therof leste it shuld haue made trouble at his newe conuersyon but when he sawe he was strengthnyd in the feythe he admonysshed hym therof Streyghtlye wherfore the quene when the Kynge was goon to batell martyryd seynt Kylyan all his cōpanye and buryed them with all theyr Bokys in a pryuy place made a stable ouer theym that they shulde neuer be founde And when the kynge came home she tolde hym that they were goon on pylgrymage the cursyd men that put them to deth fell madde and cryed Kylyan kyllyan why doest thou so burne vs And not longe after the quene was takyn with a Deuyll she sayde she was worthy to haue tourmētys for she tourmentyd the ryght wyse men and furthwyth she dyed a Preest herde Chylderne saye seynt Kylyan doth many signes he muste be takyn vp for he lyeth not in a cōuenyent place And when he toke no hede to theyr sayinge the nexte nyghte he was stryken blynde and he harde a voyce saye to hym without thou beleue thou shalt not see And then he sought for them and when he came to the place where they were he sent for the Archebusshope of Magunce and tolde hym where they lay And then he had his syght ageyne ¶ De sanctis Keneburga Regina abbatissa desctis Kineswida Tibba virginibus SEynt kyneburgh kyneswyda were doughters to kynge penda a cruell pagan that was Kynge of Marshes And neuerthelesse his Doughters were crystenyd Kyneburgh was maryed and notwithstondynge by assent of her Husbonde she enteryd into relygyon so leuynge carnall Chylderne she had in shorte tyme many spyrytuell Chylderne she made a Monasterye callyd dormuncastre not far fro the Ryuer callyd venwhere she was made abbesse And with what dylygens she norysshed the sowlys to her cōmyttyd And how wakerye she was to kepe the cōmaūdemētis of our lord to kepe her holy porpose ī Relygion no tonge can tell seynt Kyneswyda lyuyd in virgynyte And after the Deth of seynt Kyneburgh off a Kynge of cest saxons wolde haue had kyneswyda to his wyfe whiche he attemptyd not only with feyre Speche but also with thretes And bycause she wolde not assent all her Frendys were agaynste her wherfore she prayed dylygentlye to oure Ladye for helpe and our Ladye apperyd to her comfortyd her and sayd ther was nothynge better for her than to kepe her Immaculate as she was borne nothynge more noble thē to take her sone to be her spouse more over she bade her not to fere for she sayde she wolde praye for her and therupon seynt Kyneswyda takynge boldenes sent worde to the Kynge that in no wyse she wolde assent And there upon the Kynge consyderynge her blessyd lyfe and seynge that he all his Rychesse were despysyd of a yonge mayde lefte the worlde went to Rome there he enteryd into Relygyon Seynt Tybba that was kynneswoman to seynt Kyneburgh and kyneswyda lyued many yerys a blessyd solytary lyfe And after her deth she apperyd to a holy man on seynt Lucyes daye and tolde hym that on that daye she yeldyd her sowle to heuyn And in the yere of our Lorde a thousande and fyue the relyhys of the fayde blessyd women Kyneburghe Kyneswyda and Tybba were translatyd to Peterburgh and there theyr feest is Halowyd the Daye before the Nonas of Marche ¶ De sancto Lamfranco archiep̄o SEynt lamfranke was borne in the Cytie of papeder and in his youth he forsoke his faders successyon gyuynge hym to studye And when he had atteynyd hygh seculer lernynge he came into Normandye and there he was takyn with theuys and was cobbyd of all that he had wherupon he went to the abbey of Beccense in Normandye as to the porest house he could here of and there he founde the Abbot bakynge of Brede and his handys were myrye to stoppe the Ouen and there he enteryd into Relygyon and lyuyd in profounde humylyte obedyence On a tyme as he redde the lecture the presydent founde a defaute at his redynge bade hym amende it and he redde as he was commaundyd and yet he hadde redde better before but that he dyd to shewe hym selfe obedyent For the euyll maners of the Bretherne he thought to leue the Abbey and lyue in Desert and vsyd vnder coloure of a medesyn to ere Erbys to proue how he myght endure with them And on a nyght a kynnesman of the Abbottys lately decessyd apperyd vnto hym and shewyd hym the purpose of Lanfrāke and tolde the Abbot it was not good for hym that he shulde goo frō hym And when the Abbot with great wepyngys shewyd this to Lamfranke he sawe his coūceyll was dyscoueryd wherfore he thought it was the wyll of god that he shuld tary so he dyd was made pryor there after Abbot of Cadonyence This blessyd man came into Englonde with wyllyam conqueroure and was made Archebusshoppe of Caunterbury dyd many notable thyngys in thys Realme He gaue great Possessyons to the Chyrche of Rochester and restoryd seynt Albons to the fyrste estate As he satte by the Kynge at a solempne feest a Rayler seynge the kynge syt ī gloryouse apparell seyd lo I se god lo I se god And seynt Lamfranke remembrynge the hystorye of Herode aduertysyd the kynge that he shuld not suffer such wordys spokyn to hym that belōgyd only to god but that he shuld commaunde hym that speke them to be betyn so that he shulde neuer after dare speke such wordys and so it was don He was a man of great lyberalyte and as it is sayde gaue yerely in aknes fyue hūdred poūdys And he was a man of a quycke spyryt and recoueryd many thynges that were wrongfully holden fro his Chyrche And oftyn tymes seynt dunstan apperyd vnto hym cōfortyd hym she wynge to hym the crafty purpose of his enemyes He was dyuerse tymes at Rome where he was had in great fauoure of the Pope when it happenyd hym at any tyme to be at beccense he wolde not vse hym selfe but as he had ben pryour he was profounde in humylyte large in almes a great helper of pore men a defender of pupyllys and a comforter of wydowys And with sobernes he refourmyd the Monkys of Caunterbury that had vysd before hys tyme Huntynge Haukynge and such other wanton disportys and in the .xix. yere after he had ben busshope the .v. kalendas of Iune he Dyed and lyeth at Caunterbury in a Chyrche which he in his lyfe buyldyd ¶ De sancto laurencio archiepiscopo SEynt Laurence was archebusshope of Caunterbury next after seynt Augustyne And after seynt Ethelbertys deth the Kynge Ebbalde his