Selected quad for the lemma: church_n

Word A	Word B	Word C	Word D	Occurrence	Frequency Band	MI	MI Band	Prominent
church_n	worthy_a	year_n	young_a	49	3	5.4571	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A17943	Here begynneth the kalendre of the newe legende of Englande; Nova legenda Anglie. English. Abridgments.	Hilton, Walter, d. 1396. Epistle on the medled life.; John, of Tynemouth, d. 1290? Sanctilogium Angliae, Walliae, Scotiae, et Hiberniae.	1516 (1516)	STC 4602; ESTC S107496	190,729	324

Barkynge and another But she sent spirituell moders for her to euery place and taryed her selfe in obedyēce vnder her moder and seynt Edyth vsed alway whatso euer she dyd to make a Crosse ●her forhede and seynt Dūstane whē he came to halow a Church of seyn●nys that she had buyldyd seynge her soo ofte make Crosses in her forhed prayde our lord that that thumbe shuld neuer rotte that made so many Crosses And at the masse he had knowlege geuyn to hym by our Lorde when she shulde dye And he sayde the wretchyd worlde was not worthy to haue such a lyghte And he was present at her deth which was the .xvi. kalendas of october aboute the yere of our Lorde .ix. C. fourscore .iiii. And she lyeth a● wyltone in the Church of seynt Denys that she had made .xiii. yere after her deꝑtynge she apperyd to Seynt Dunstan and tolde hym it was the wyll of oure Lorde that her Bodye shulde be translatyd And it was truthe and no illusion She tolde hym that he shulde fynde all her Bodye vncorrupte as it was vncorrupte fro Lybydiousnes Glotony And that her Feet Ieu Haudys which in her youthe she had mysusyd were corrupte excepte her thumbe that she had vsyd to Crosse her with he founde all as she sayde A monke of Glastonbury boldly cut of a pece of her Cote And it happenyd to touche her Body and the Blood folowed as if she had ben alyue And an●n he fell prostrate and wepte for his offence and when he r●se agayne the blod was go●n ¶ De sancto Edmundo ep̄o confess●●● SEynt edmonde was borne ī abyugd●●●n seynt Edmondys day the kynge and martyr And after hym he was callyd Edmonde hys Fader enteryd into relygyon And his moder lyuyd a blessyd lyfe ●he were the here a haberieouvppon it And she taught her sone to kepe vyrgyn●te and to were the heer and e●ery holyday or he e●e he sayd the hooll ●auyth●is Psalter And especyally he auowyd hymselfe to oure Ladye he vsyd to Faste euery Frydaye Brede and Water And he was so broughte vp in vertue that ī maner naturally he forsoke all euyll our Lorde apperyd to hym lyke a chyld And iesus nazarenus rex iudeorū was Wrytten in his forhed And after that tyme he toke in vse euery oure to remember sumwhat of the Passyon as he was studyinge arythmetryke his moder then latlye deed apperyd to hym and made in her ryght hand .iii. serklys And wrote in theym the Fader the sone and the holy goost and bad hym fro thens forthe take hede of tho fygures The herys of his hed and berde for great abstynēce went away he wolde hexe no Seculercausys He wolde make couenaunte with his seruauntys that they shulde be ●lene of theyr Bodyes or departe his seruyce he had such honoure to holy scrypture that he neuer openyd the Byble but be kyssyd it his olde herys if they were leyde in the Fyre wolde not burne As he studyed in the nyght his candell fell vppon his byble and it burned not And he was electyd Busshope of Caunterbury or he were ware And he sayd but that he dred that he shulde haue dyspleasyd almyghtye god if he had refusyd he wolde neuer haue ass●tyd he was all tymes redye to forgeue them that had offendyd hym And to take theym agayne into famylyaryte And some aboute hym sayde he gaue therbye occasyon to the people to offende hym And he sayde our Lord dyd not resy●●e And seyde that the punysshement of offensys is to be referryd to hym and not to be doon by mā This blessyd man had great trouble dyspleasure for the lybertyes of the Churche wherfore he toke counceyle of other prelatys what was to be doon therin And it was thought that he shuld admonysshe the Kynge and other offenders to ceas● And so he dyd and the Kynge toke a day of aduysement And at that day no amendement was had and yet pacyently he taryed many dayes And whē he sawe there was noon admendement he gaue sentence into other offenders And sparyd the Kynge And when he sawe that yet they were not compū●te he thought better to geue place to theyr malyce then to do the streyghtnes of the lawe specyally seynge the 〈◊〉 legate was then in Englonde and myght percase haue adnullyd all that he had doon wherfore he wēt ouer the see to pōtiniacum And there he fell syke And so he wente to fasyacum And promysyd to be there agayne at pontiniacum in the feest of seynt Edmonde Kynge martyr And so he was to be buryed and there he lyeth And at his departynge he had suche great honour and feruour to the sacrament of the aulter that it may be exaūple to other men At his toumbe Blynde men haue recoueryd theyr syghte Lame men theyr goinge dome men theyr speche deffe men theyr herynge Men obsessyd of deuyllys haue ben delyueryd And deed men haue ben reysyd fro Deth to Lyfe And in the yere of our lorde god a Thousande two hundred and fyftye the monkes at pontynyacense cut of his Arme for what concyderacyon it is not knowen and after the Myracles cessyd ¶ De sancto Edmundo rege et martite SEynt edmonde was borne in saxony And was sone to the kynge Alcmunde whiche was of kynne to offa kynge of eest Englonde And as kynge Offa hauynge no chyldren was goynge to Iherusalem he went by kynge alkmūde And there seynt Edmōde gaue hym suche dylygent attendaunce that he lykyd hym moche And when he departyd he shewyd to Edmōde a Rynge and bad hym if he sent to hym by the tokyn the he anon shulde execute that he desyryd And when Kynge Offa at the arme offeynt George fell syke to the deth he delyueryd the Rynge to his seruauntys and bounde theym by an othe that they shulde delyuer it to Edmonde And take hym with theym And make hym kynge of ●est Englonde and so they dyd And anone he was humble benygne to his subiettys goynge in the veray ryght way of a Kynge And was a fader to wydowes and orphanes And to all men that were de●tytute a specyall re●uge and helpe And after in the tyme of the persecucyon of the danes for that he wolde not forsake the fayth of our Lorde he was taken by the Danes hunguar and hubba and was bounde to a stocke and shot with arrowes so that he was lyke to an Irchyn And when they sawe that in all that marterdome he cryed vppon our Lord they stroke of his hedde and hyd it in a wood And when the warre was sumwhat appesyd crysten men sought the hedde in the wood And asoon of them cryed to anoder where arte thou the hed answeryd thryse here here here and so it was founde And a great Wolfe kepte it bytwyxte his Leggys And so it was takyn vp and leyde to the Body And was buryed honorably And after when his Body was remouyd he was founde vncorrupte

in Penaunce that he shuld not were his Crowne of .vii. yere and that he shulde faste twyse euery weke whiche Penaunce the Kynge dyd And after seuyn yere he were his Crowne agayne whiche Penaunce doynge was great Ioye to all the realme And this blessyd man full of good werkys wente to oure Lorde the .xiiii. kalendas of Iune And he was Buryed at Caūterbury and after was translatyd to Glas●●●bu●y And he prophycyd that great and longe Punysshement shulde falle vppon the people of Englonde by estraūge nacyons and that there in the ende of dayes the mercy of our Lorde shulde fall ●ppon theym De sancta Eauswida virgine abbatissa SEynt eauswyda was doughter to the Kynge son to kynge ethelbert Edbaldus And fro her youthe she forsoke the pompys of the worlde and enducyd her Fader to make her an Oratorye at Folkstan that she myghte in virgynyte serue our Lorde And as the oratory was in buyldynge the kynge of Northamhumbrorū which was a paynym desyryd to haue her in maryage and her Father counceylyd her therto and praysyd the Kynge moche And she sayd if he coulde in the name of his goddys make a beame of her Oratorye which was to shorte longe I nough she wolde assente to hym if not she desyryd to be let a lone And the kynge trustynge in his Goddes gladly assentyd And when he hadde longe Prayde all was in vayne that he dyd and soo he went away with shame And thenne the virgyn Prayed in the name of oure Lorde And anone her Prayer was herde and the Bame made longe Inoughe And so the Kynge departyd And by her prayer water came agaynste the Hylle fro a Towne callyd Swecton to her oratory And it came by a noder Ryuer and yet Ioynyd not with it foure Bretherne of great Ryches denyed to geue Dysmes to seynt Eauswyda And after many yerys iii. of theym were compuncte and aduertysyd the .iiii. to goo with them to her sepulcre to doo penaunce and make satysfaccyon and he denyed it And anon the Deuyll enteryd into hym And soo his Bretherne bounde hym And broughte hym to her Aulter And anone he was made Hoolle and Payed his Tythes And she wente fro this present lyfe the day before the kalēdas of september And bycause her church was dystroyed with the see her bodye was brought to Folkstane ¶ De sancto Eata ep̄o confessore WHen seynt Oswalde had opteynyd the kyngdomes of Deyre Bernysshe had sent for seynt Aidan to instructe his people in the feythe of our Lorde seynt Aidan toke .xii. Englysshe chyldren to Instructe whereof ●ata was oon which anon folowyd the exaumples techynges of his maister And after he enteryd into Relygyon and was made abbot of May●rose otherwyse callyd menrose And thenne he shewyd to his Bretherne moo tokyns of mekenes and charyte then he dyd before And he made many monasteryes and gaderyd many dyscyples wherof seynt Cuthbert was oon And after he was made Abbot of lyndyffernens that nowe is callyd the holy Ilonde And after he was electyd Busshope of hagustaldēse with great gladnes of all the people he was busy ī prayenge dylygēt in exortynge the people ententyffe to geue Almes And what soeuer he knew by the holy goost was to be don besyly deuotlye he wolde se it to be doon And he endyd this lyfe of a sykenes callyd the Dyssentory by longe and greuous contynuaunce And lyeth at Hagustaldense Thomas archbusshope of yorke wolde haue translatyd hym to yorke And on the nyghte before he wolde haue trāslatyd hym seynt Eata apperyd to hym and tolde hym that he had attemptyd to do that that was not the wyll of our Lorde shulde be doon And so he cessyd that enterpryse ¶ De sancta Ebbavirgyne abbatissa SEyntebba was syster to Kynge Oswy And she forsoke the worlde and all the pleasure therof was made a Nonne of seynt Fynan Busshope of Lyndyffernense and after she was Abbes of the Monastery of Coludy now callyd coldynghm .vi. mylys fro Berwyke And it is enhabytyd with Monkys of Durham And she made a noder Monasterye vppō 〈◊〉 callyd Ebbcester which was destroyed by Danes And seynt Etheldred was her dyscyple though seynt Cuthbert fro his youth fledde the company of women as Pestylens yet he wolde speke with this blessyd Woman tary with her to informacyon of her and of her company certeyn tymes And she went to our Lorde .iiii. yere before seynt Cuthbert the. viii kalendas of September and was buryed in her Monasterye And after her Monasterye was destroyed for synne wretchydnes as it was shewyd to her it shuld be And her Relykys were hadde to the Churche of our Lady A yonge man that hadde a Bone in his Throte wasshyd his throte at her well and receyuyd helthe And wiste not where the Bone became she helyd dyuerse that were mute blynde obsessyd of Deuyllys and of dyuerse other diseasys ¶ De sancta Edburga virgin● martyre SEynt edburgh was doughter to Kynge Ethelbert and she was great graūtmoder to Seynt Myldrede And after seynt Myldredis deth she toke the rule of the Monastery was made Abbasse and amonge the wauys ●o the worlde she confortyd her selfe with holy scrypture prayers and geuynge of Almys And all the pleasure of this worlde she dyspysyd she reputyd Golde and Syluer but oonly for ornamentys of the Churche and for other thynges for deuyne seruyet as donge And couetyd to be dyssoluyd and to be with our lorde And she endyd this lyfe in the Idus of december And lyeth now at Caūterbury she helyd a Chylde that was mute a these that toke wytnesse of her that he was not gyltye And prayde god if he were that he shulde neuer goo ferther Anon expyryd a wrytynge of hers after her Dethe was vnauysydly throwen into the Fyre with other scrowes an it wolde not burne ¶ De sctā Edytha virgine abbatissa SEynt edyth was Doughter to Kynge Edgare And her Moder mulstrudys after she was borne enteryd into Relygyon at wylton where she was made Abbesse And Edyth beynge in kepynge of her moder by assent of the Kynge Edgar her Fader also enteryd into Relygyon vnder her Moder And she was moche mouyd and comfortyd therto by the blessyd lyfe of her Aunte callyd also edyth which in tho dayes lyuyd a blessyd Lyfe in Polles worthe as she dyd at wyltō she was full of Pyte and compassyon and the more dyfformyte of sykenes that she saw in any creature the more charytable and helpynge she wolde be vnto hym And vnder her vtter apparell that was sumwhat precyous she were the heer And seynt Ethel wolde sayde vnto her that suche apparell was not the way to please her spouse And then she shewyd hym the trouche what she were inwardly wherfore he was gladde consyderynge that all was oon purpure and sacclothe so that the mynde be clene And after she was made ab●esse of thre monasteryes Wynton

in a Tree in the Wode with a corde and wente to the Sheryfe for a C. marke the Sheryfe causyd the man to be sworne that he shulde neuer dyscouer it whyle he lyuyd .v. yerys after when he shulde dye Seynt wyllyam apperyd to hym bade hym that he shulde dyscouer hit ferynge nothynge And so he dyd and then a lyghte fro heuyn shewyd vppō the place where he laye And after on an Eester euyn his Bodye was founde by a Nonne in the wode lyenge at the Roote of an Oke in his Cote hosed and shodde and his Hedde shauen and there were by hym two Crowes that attemptyd to haue Torne hym and etyn hym But they hadde no power therto and then he was takyn vp with all the people and buryed with great Ioye A man that had ben longe syke was ledde in a vysyon by an Aungell into a goodlye place full of plesaunte Flourys and there he sawe our Lorde syttynge in a Trone and innumerable of Aungellys and Seyntys aboute hym and on his ryght hande in great magestye was the sete of oure blessyd Ladye and at the Feet of our Lorde he sawe a Chylde aboute the age of .xii. yerys syttynge in a sete of golde and a Crowne of Golde vppon his hedde his Face shynynge bryghte as the sonne and Aungellys dyd honour to hym Then he askyd of the Aungell who he was and the Aungell sayde this is he that in derysyon and opprobrye of the passyon of our Lorde the Iues of Norwyche dyd put to deth and by hym he sayde he shulde be made hoole And so he vanysshed a waye and when his spyryte was come agayne to the Bodye he went to Norwyche was made hoole as the Aungell sayde many other myracles our lord hath shewyd for this blessyd Chylde foure that were blynde fyue that were mute two of the drop sye thre bexyd with Deuylls men of the fallynge sykenes dome perysshynge in the see feterd deformyd of dyuerse other sykenesse were helyd delyuered by thys gloryouse martyr De sancto Wilhelmo ep̄o confessore SEynt wyllyam was sonne to emme suster to kynge Stephan as he was of noble blode he was also noble of maners and for his vertue and good Lyfe he was made tresorer of yorke he thought nothynge gretter Tresure then to helpe them that were in penu●ye And after the Deth of the Archebusshope of yorke he was electyd to be Archebusshope But his eleccyon was lette by the Archedeacon that moch desyryd to be Archebusshope when the matter was appelyd to Rome that pope Eugenye which was of the ordre of Cysteux for fauoure to his relygyon made one Henry murdache archebusshope wherupon agaynste all ●uyll wordys bacbytyngys that this blessyd man had in that behalfe he toke pa●pence for his comforte and went to his vncle Busshope of Wynchester which receyuyd hym gladlye assygnyd all his seruauntys to attende vpon hym that he refusyd and went into a place of the Busshoppys where he dyd great penaunce in hyghescylence quyet maners encreasynge his deuocyon with remēbraunce of the great peynys ordeynyd for synne And of the Ioyes ordeynyd for vertue and what great peyne shall be ī the latterende to see almyghtye god and to departe fro hym wente neuer oute of his mynde when Geestys or straungers came to hym thoughe he were lothe he wolde shewe hym selfe to theym so honorable merye and full of grace that he was lyke an Aūgell ī maners not hauyng ony voyde wordes that myght let his mynde from contemplacyon And after the 〈◊〉 Engenye and the Archebusshope murdache Dyed bothe in oon daye And thenne seynt wyllyam was ellectyd agayne by the Chanōs to be archebusshop And the newe 〈◊〉 confyrmyd the same and as he was commynge to yorke with the great recourse of people the Brydge sanke and he makynge the sygne of the Crosse all came vp safe and in fewe yerys after full of good werkys Almesdedys Fastynges and vygyllys He went to oure Lorde the .vi. I de of Iune by his merytys a mayde blynde fro her Natyuyte receyuyd syght thre that were contracte restoryd to theyr goynge a deffe man had his herynge a man of the dropsyehelyd one of the passey a Lepoure restoryd to he●the one reysyd fro deth and vnto this daye in the place where he lyeth myracles contynue ¶ De sancto wilhelmo martire SEynt Wyllyam the Martyr was borne in seynt Iohn̄s towne in Scotlande and in his youthe he lyuyd a wanton secoler lyfe and after he was sodeynly turnyd into a newe man chastysynge his Bodye subduyd his flesshe to the spyryte He vsyd the crafte of Bakynge and euery tenth Lo●e he wolde geue for the loue of god to poore men dayly he vsyd to be at the Churche and in a mornynge erlye he foūde at the Churche dore a enfaunte in poore apparell whom he brought whom norysshyd hym taughte hym his crafte and louyd hym syngulerly aboue eny other of his seruaūtys after he porposyd to goo on pylgrymage to the placys where our lorde suffred his Deth and passyon and toke with hym onlye the sayde yonge man whom he had brought vp as before apperyth and so he came to Rochestre as he was goynge fro thens to Caunterbury the sayde yonge man full of the Deuyll in purpose to kylle hym ledde hym oute of the hyghe wayes tolde hym that he had lernyd that it was the waye when he had broughte hym after his porpose out of all wayes he kyllyd hym with a Hachet there lefte hym in the wood wheropon a madde woman that ranne nakyd into the woddys came by the place where the gloryous martyr laye and when she sawe hym she made hym a garlande of Erbys and put it vpon his hedde and lyke a Woman in that case spake to hym as if he had ben a lyue and on the nexte daye she came agayne sayde she wolde haue her Garlonde agayne and so toke it fro his Hedde and put it ou her Hedde and fourthwith as it touchyd her Hedde she was hoole and had her wyttys restoryd and anon was a shemyd of her nakydnes knewe that she was made hoole by the merytys of the sayd gloryous martyr And he lyeth at Rochester ¶ De sancto winwaloco abbate confessore SEynt wynwaloco was borne in Brytayne And his Fader herynge that ther was a place ī Armoryca now callyd lytell Brytayne that the great sykenes was not in went thyder nygh by the porte callyd breste And when a great Tempest toke theym on the See so that his Fader feryd moche he bade his fader put his truste in oure Lorde that ruleth bothe See and Londe addynge therto that he shulde loue hym and feer nothynge And that sayde anon came feyre weder when he was at Scole where he prophyted moche in lernynge He helyd one of hys felowys that had brokyn his thyghe And when he harde any poore man anon he