Selected quad for the lemma: cause_n

Word A	Word B	Word C	Word D	Occurrence	Frequency Band	MI	MI Band	Prominent
cause_n	king_n	lord_n	time_n	4,864	5	3.7091	3	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A11893	The Kingis complaint	Sempill, Robert, 1530?-1595.	1567 (1567)	STC 22200; ESTC S103211	1,648	1

¶ The Kingis Complaint WIth hauie hart on Snadoun hill Ane ȝoung King I hard schoutand schill With reuthfull rair he did record Pray and as I haif writ this bill Iudge and Reuenge my cause O Lord. ☞ He sayis this caufles I not craif Hor he is now gone to his graif My commoun weill that maist decorde Na merwell albeit my hart claif For sorrow of his deith O Lord. ¶ Hard is my chance all tyme and houris And harder to my Gouernouris Ȝe hardest bot wo am I forde To him hes felt of deith the schouris And only for thy cause O Lord. ☞ Quhen I was not ȝit ane ȝeir auld Bothwell that bludy Bouchour bauld My Father cruelly deuorde He him betrayit and his blude sauld Iudge and Reuenge my cause O Lord. ¶ Than Father slaine Mother was schēt My Gudschir flemit Incontinent My self to poysoun it was schorde Me to betray was summis Intent Iudge and Reuenge my cause O Lord. ☞ Than vp thow rasit to reule my King In to my tender ȝeiris ȝing My Faithfull freind that maid him forde Iames Regent my Uncle ding Iudge and Reuenge my cause O Lord. ¶ He was my Buckler and my beild He was my Targe my speir and scheild My stait maist hie for to restorde He futtit euer mair the feild Iudge and Reuenge his cause O Lord. ☞ For me he left Kyn Freind and wyfe For me he sufferit daylie stryfe For me he was haill Indeuorde For me now he hes loist his lyfe Iudge and Reuenge his cause O Lord. ¶ For me that Nobill of Renoun With ane Tyke Tratour Hammiltoun Was schot and throw the body borde For the mantening of my Crowne Iudge and Reuenge his cause O Lord. ☞ Peloure thow peirst him gaif ye peace Tratoure to him that gaif the grace Behind his bak thy Gunne him g●●de Quhome thow nor nane of thyn 〈◊〉 face Iudge and Reuenge his cause ● Lord. ¶ Lord sen my gratious gyde is gone And I am left as Byrd allone This thing maist eirnistly I Implorde That Instantly thow steir vp one For to Reuenge his cause O Lord. ☞ Sen for my 〈…〉 he is slane Lord for thy grace g 〈…〉 agane That deith my lyfe ne 〈…〉 uorde Quhill that fals tressonabill trane Be with my hand Reuengd O Lord. ☞ O Scotland thy Iostas trew That first Idolatrie ouerthrew He was and Christs trew Kirk restorde Throw him in my Realme grace ay grew Iudge and Reuenge his cause O Lord. ¶ He Abrahamis Faith but feir profest He Dauidis mercy manifest With Salomonis wit he was decorde Sampsonis strenth to him ●ccrest Iudge and Reuenge his cause O Lord. ☞ Theif and Reuer he did dant Iustice and vertew he did plant Quhair thair was mys he gart remorde My Faithfull seruand and thy Sanct Iudge and Reuenge his cause O Lord. ¶ As his Renoun is all ouerblawin And now his deith plainly forthschawin Sa sall all blyithnes be abhorde Quhill his Reuenge be alswa knawin Throw thy help and support O Lord. ☞ All ȝe my trew Nobilitie That fauourit him and seruit me Lat not his duilfull deith besmorde Bot it Reuenge maist cruellie For it is the will of the Lord. ¶ And quha his deith dois sair regaird And it to puneis will not spaird I wow to the in quhome he glorde Thay sall not mys ane riche rewaird For to Reuenge his cause O Lord. ☞ Now sall appeir in wark and nature Quha is the trew man quha is the trature Quha fittis the feild quha 〈…〉 is not forde The trew liege be the Rub●●ture In this cause salbe kend O Lord. ¶ And think that thay that did this deid With lyke effect dois seik my heid For to be beatin downe and smorde All Faithfull hartis quyte thair meid And thow Reuenge my cause O Lord. ☞ For surely thair will and Intent That seikis of me the Gouernment Be fraudfull factiounis I stand forde Wald me forfault in Parliament Gif thow withstude thame not O Lord. My Coronatioun thay deny And dois maist spytefully defy All thame that faithfully restorde Me to my Crowne and Seignorie Thy michtie hand requyte thame Lord. Last Lord now him of me hes cure And in quhais handis I think me sure Thy puissant power I Implorde That he with me lang dayis Indure For to Reuenge his cause O Lord. With this the Babe he gifis ane rair Quhilk maid my hart to sich sa sair That farther I culd not recorde Bot with him sall cry euer mair Iudge and Reuenge his cause O Lord. ¶ FINIS