Selected quad for the lemma: cause_n

Word A	Word B	Word C	Word D	Occurrence	Frequency Band	MI	MI Band	Prominent
cause_n	good_a	great_a	sin_n	4,328	5	4.6860	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A19199	Complaynt of the soule		1519 (1519)	STC 5609; ESTC S109069	18,338	32

thou wylt contynue in vnkynde vnto hym / this syn̄e of vnkyndenesse ingratytude / yf thou hast none other synne it is ynough to procure the Ire or wrath of this Iuge / why wylt thou than vnkynde soule dayly multyply newe offenses why remembrest not thou y● grete Ieopardy that thou standest in for thyne olde synne ¶ O wretche lerne to wepe applye to take wylful sorowe / y● moche cause hast thou to wepe and to sorowe / for yf thou myght wepe as moche water as is in the see yet it were of thy selfe suffycyēte to wasshe thy soule frome synne thou doost ▪ as a malefactour whiche hathe offended his prynce is sory for to be taken to suffre grete payne / yet wylfully he wyll more outrageously offende hym knowynge well that he shall suffre therfore the more payne / thou sayst to me that this prynce is mercyfull I saye to the that he is mercyful to none but to suche as haue mercy vpon them selfe wyll leue theyr wretched lyuynge / than haue mercy vpon thy selfe and leue y● myserye of synne / for thou shalte be called soner than thou trustest to thy acompte of all thy werkes of all thy ydelnes of all thy wordes / of all thy sylence / of all thy slepynge / of all thy wakynge / of all thy sekenesse / of al thy helthe / of all thy rychesse / of all thy pouerte / of all thy fedynge / of all abstynences / and of all thynge that thou haste done and lefte vndone to the leest thought of thy soule / and of al thynge perteynynge to thy power whiche thou haste not ordeyned to the wyll of god saluacyon of thy soule / and thy body shall be punysshed with y● for it synned with the and thou in it for the cause of synne is in it and it shall haue no payne but for the / for it myght not synne but by the. Alas why wylt not thou see whether thou goest beholde y● ende of thy passage that thou demest that thou goest to pleasures / as a blyndfull man thou goest euen contrarye towarde payne / thou thynkest thou goest for to haue thy wyll / and thou goest there thou shalt haue all thynge contrarye to thy wyll / and y● desyrest myrth and thou takest y● waye of endles laboure perpetuall payne euerlastynge dampnacyon ●Edet aīam mea n vite mee ¶ A my soule hath a grete cause to be wery of my lyfe / for I lyue not as y● louer of god sholde lyue / but as a wretched catyfe whiche forgeteth god / deserued to be forgotē of hym ¶ I haue no mynde vpon my saluacyon / my mynde is rather vpon thynge of dampnacyon I endure me not to form me I laboure not to represse the wretched mocyon whiche I fele in me I suffre my mynde at large to renne in vanytees / as a creature that hath no god or Iuge ne thynge to answere for / ne thynge to sorowe for ne to fere / for helpe is offred to me and I wyll not aske it / it is offred to me and I wyll not put my hande therto myn enemyes myn accusers I consente to / to my lorde my louer I wyll not consent A good lorde what shall I do at y● dredefull day of deth at the terryble dome in the day of Iugement ¶ A how many thousande synnes shall come thā vpō me wtout on● prouysyon as they laye in watche to take me whiche I see not now / I toke no kepe to delyuer myselfe by playne confessyon and many a thynge whiche I truste now is no syn̄e shall thā appere greuous syn̄e / and many a deed whiche I trust now is good / than I shall fynde them euyl blacke and abhomynable they y● shal appere to me / there I shal receyue in soule body moche woo as I haue done in soule and body moche wretchednesse / than shall I be w● for I shal receyue y● woful and sorowfull endlesse payne whan the tyme shall be passed except I leue now synne and torne me to god and deserue by vertuous lyuynge to haue mercy / there shal be payne vnprofytable and vnfruytfull penaunce / for that payne shall not remeue the synne of them whiche in this lyfe wolde not take wylful payne to be delyuered frome syn̄e and able to be dampned from grace that they shall haue no power to recompence and to satysfye for theyr offences / for whan grace was offred to them they refused it / and whan the tyme of penaūce was layed afore them / vnfruytfully neclygently they passed it ¶ O good lorde now I ought for to remembre what I haue done and what that I haue deserued to receyue for my doynge / all my yeres I shold recorde in the bytternesse of my soule / saye how my tyme is consumed without profyte / what woo I haue wrought to myselfe / yf I coude remembre that I had done many good thynges than I sholde be gladde / but I remēbre y● I haue done many wretched euyl thynges and fewe good / therfore I haue grete cause to be woo / yf I wyll not applye me to be wo where I shall be woo there I shal neuer departe therfro ¶ A wo wo be to this grete hardenesse of myn hert / for these grete hamers of remembraūce of eternall tormentes moost sorowfull vyces are to lyght to breke it ¶ O dulnesse insanable and vnable to be heled all this sharpe braydes are not suffycyent to quycken y● / they are all to blunt for the. ¶ Alas sythen the grete paynes y● god hath ordeyned for synne are to lytel to put the in fere / and make the to be dylygent for thy saluacyon ¶ A god mercy / a dedly dulnesse y● is in me sythen the terryble thondre of my syn̄es ghostly syght of y● grete abhomynable multytude of paynes causeth no quyckenes of deuocyō / no myserye of teres / no fere of god in me ¶ A wo may I be whiche fele myselfe in this grete myserye / not redy to aryse but rather desyred to fall deper I am worse than a stone / for it is descended of nature for to descende / but I descende by malyce agaynst nature ¶ A de●e lorde I loue more erthly vanyte than I do y● or the place of thy glorye / my soule is croked al downe to the erthe / for there y● loue is of the ther it is fyxed and not vpon y● / and therfore it loked not vp to the / here is mater of myserye in me to exyte an hondreth soules to sorowe make them contynue vneasely in wepynge but my soule is so dryed fro al moysture grace y● there cometh no teres fro me and thus I maye se myselfe a drye stocke / a seer tree redy to fyre A merueylous god how am I comen to this dulnesse to this dryenesse / to this blyndnesse

hym I shold come to his lyfe whiche lyfe onely ought to be called very lyfe / for that onely is lyfe whiche can not be ended by dethe not the lyfe where we dayly renne to deth / y● lyfe onely is helth whiche can not be brokē with sekenesse / that onely is Ioy whiche can not be Interrupted with sorowe and that only is perfyte blysse whiche can not be melde with myserye of payne or synne ¶ O thou blynde asse why openst thou not thyn eyen for to see the dyffrence bytwyxte lyfe deth / vertue / and vices / sekenesse helth / felycyte myserye / laboure thou wretche for to aryse whiche lyest ouercharged with olde synnes / putte feere to feere / wepynge to wepynge / excepte thou aplyest thyselfe wylfully to sorowe / y● ryght wysnesse of god shall magre thyn hede brynge the to sorowe A chose than the lesse sorowe to auoyde the more sorowe / the temporall sorowe to auoyed the eternall sorowe Remembrest not thou y● he shall Iuge the whome thou hast made by many folde offences thyn aduersarye / to whome thou hast done dyspyte and rebuke brekynge his cōmaundement afore his owne face ¶ A god mercy I ought to be sory in remēbrynge his kyndenesse to me and myne Ingratytude vnkyndenesse to hym / and the more kyndenesse he shewed to me the more kynde I ought for to be to hym / and more I am bounde by y● lawe of kyndnesse for to please hym / the more my synne is Yf I dysplease hym awo ought I than to be for lyke as kyndenesse is dayly more and more / for y● lenger that he spared me the more kyndenesse he shewed vnto me / so by the cyrcumstaunce of vnkyndenesse / the more greuous is the synne in me what shall I saye to this Iuge sythen y● onely myn owne kyndenesse is able to conuycte me whiche so oftentymes calleth me for to amende my lyfe Inwardely Inspyracyon / and many a thought y● whiche he putteth in my mynde contrarye vnto myn owne wretched dysposycyon And outwarde he called me by prechynge / and by moche good counseylynge / by redynge / by example gyuȳge of suche whiche hath lesse wytte than I / lesse power to good werkes than I / god hath gyuen to me more precyous gyftes helpe to do well / and yet I do worse or not so well / am not I than worthy afore that ryghtwyse Iuge to haue grete punysshement / he that is now moost pacyent to me yf I amende not my lyfe shall be moost felle / and angrye with me ¶ And he whiche now is moost lyberall to me / than shall be moost harde to me / and he whiche now is moost meke to me than shal be moost fellest / now moost mercyfull / than moost rygorous and strayte in Iugement / I may not ●lee this Iugement / alwaye I am and shall be vnder his hande Now I am vnder the ryght hande of mercy / than shall I be vnder the heuy hāde of his ryghtwysnesse woo es me woo is me whome haue I offended / whome I haue not attēded / whome I haue prouoked to be wroth with me ¶ Alas wretched what haue I done I haue dyshonoured my lorde god I haue prouoked almyȝty god to take vengeaūce on me yf his hande of mercy had not reteyned y● swerde of vengeaūce I sholde haue perysshed longe afore this for many tymes I haue deserued dampnacyon / but vnto this tyme he hath deferred y● sentence / and euer abydeth whan I amende and come to reconsylyacyon ¶ O wretched synner why remembre not I of this lyfe y● vncertayne is and for the tyme of this lyfe the grete kyndnesse in god and gratytude / how after this lyfe none shall be taken to grace whiche wyll not amende in this tyme and space I byleue as I were inmortall I fere not what shall falle / and myn olde lyfe customes hath so tyed me y● without specyall helpe of my lorde god I can not lose me Helpe me good lorde frome these dāgers of dygnacyon wrath of these I am benomen / my power is nought without supportacyon helpe of thy mercy ¶ A what anguysshe shall be in me yf I do so vnhappely gyde me to see the terryble daye where he whiche hathe moost loued me / moost done and moost suffred for me shall accuse me where he shall laye his woūdes agaynst me / his crosse / his spere crowne of thornes shall testefye agaynst me / my good aūgell whiche hath so holsomly at many tymes counseylled me / I haue repelled lytell sette by his coūseyl this he shall witnesse agaynst me / ll deuylles whiche haue tempted me to synne there shay ● accuse me / and there reherse y● wordes of my professyon there shall he shewe openly all my syn̄es in what thynge y● I haue synned / in what place tyme / how I dyd syn̄e / and what thynge not only that I haue done euyl but what good werkes that I haue lefte vndone whiche I ought to haue All the creatures of god of whome I haue receyued ony benefyte or profyte shall accuse me / for thy haue serued me by cause I sholde serue god and that I haue deceyued theym done y● was in me to robbe theym of theyr labours / y● heuen / the erth / the sonne what mynde of man sholde not drede this terryble Iugement / who sholde not drede y● presence of the eternall Iuge where all synnes shall be brought clerly in our syght those thynges whiche we dyd with grete de●ecracyon shall be layde afore vs to our grete sorowe confusyon detestacyō The Iuge shal be aboue vs whole hādes we shall not escape / the helle vnder vs the fendes redy to drawe vs thyder / the Iuge angered wtout forth / y● conscyence bytynge tourmētynge withinforth / sythen the ryghtwyse man scarsely shall be saued / the wretched synner so vnbelapped with wretchednesse where shall become whom feere of dampnacyon remorse of conscyēce shall shake make hym to cry for woo A wo may I than be whiche haue so many maters in me to brȳge me to y● woo / it shal be Impossyble that daye to hyde me / it shall be to terryble ferefull that daye to shewe me / nedesly I must appere / and by myselfe wtout ony procuratour and answere for all y● I haue done here / not onely for myn owne dedes but for all perteynȳge to my care Iurysdyccyon where ony defaute hath ben there I ought to haue helpe ¶ O how shall I answere for many whiche am not able to answere for myselfe O my charge is grete my remembraūce is lytell / my harmes do multyplye I seke no helpe I renne to deth all vndysposed / my mynde is not with me I am not with my selfe I seke more for your aduauntage than for myselfe my burden I shall onely bere for myselfe Now myght I make it lyghter but I enlarge it make it heuyer my selfe / but now aryse thou synner see how woo is thy sauyoure Cryst Ihesu / he is called the lambe of god by whom thou arte redemed his merytes are suffycyent though y● syn̄es be neuer so greuous call for helpe thou shalt not be shent / leue thy synnes chaūge thyne entente purpose to do well / chaūge false pleasures in to paynfull solace in to sorowe / loke vp dispeyre not for thou shalt haue helpe ynough / truste on hȳ whome thou dredest / leue thy synne flee to hym thou shalt haue socoure in al thy nedes / renne agayne to hym frome whome y● haste ron̄en Crye vpō hȳ inportunely whom thou haste offended moost greuously / and of his grete mercy he may wyll of all other helpe y● moost redely / meke ꝯfessyō excludeth disperacyon for ther shall none be dāpned but only for synnes not truly cōfessed I mene of suche whiche as haue receyued the baptysme of cryste A Ihesu for thy holy name is as moche to say by Interpretacyon as the sauyour of synners / by his medyacyon Ihesu y● holy name be verefyed of y● in sauȳge of a grete synner / whiche haue ben by presūptuous wyll dysobedyent vnto Ihesu / forgete my pryde ordyne it not to deth / but wasshe my soule frome synne with those stremes of the blood whiche ranne frome the foūtayne of y● ryght syde Now behold swete Ihesu with thyne eyen of pyte these syn̄ers whiche calleth that swete name that comfortable name of the / the name to synners of moost delectacyon / the name of blyssed hope / the name of saluacyon / and conuersacyon What is Ihesu but oure sauyoure and redemptour / wherfore Ihesus for thy bytter passyon be to me Ihesus / thou haste made me nowe saue me / thou haste redemed me frome dampnacyon now delyuer me than of thy goodnesse and now suftre not me to perysshe for my wretchednes / suffre not wretchednes to lese ī me that thyn Infynyte goodnesse that thou hast gyuē to me / take to the good lord y● whiche is thyn and remeue frome wretchednesse for y● is myn ¶ Now Ihesu / Ihesu haue mercy vpon me this tyme of mercyfulnesse that I may escape the terryble Iugement in the tyme of ryghtwysnesse / take me good lorde in to thy large bosom of mercy it shall be not lesse good lorde / for the more thou receyuest the more it is / than thy mercy is large ynough whatsoeuer we do amysse we calle hertely this bosō is than redy Admytte vs moost louely Ihesu amonge the nombre of thyn electe chyldrē that with them we maye euerlastyngly laude the / and our profyte fruycyon and glorye in the amonge all those whiche ●oue thy name Ihesu to whome be honoure and glorye by Infynyte duracōn of eternyte Amen ¶ Here endeth a lamentable complaȳt that y● soule maketh of y● wretched lyfe of the body Enprynted at London in Fletestrete at the sygne of the sonne / by wynkynde worde W C Wykyn de Worde