thousand than was sene Bot Inglismen had left the toun all waist On euerilk syde away than can thame haist In all that land left nouther mair nor les Lord Bewmont tuik the sey at Buchane nes Throw Scotland than was manifest in plane The Lordis that fled in hart was wounder fane The Knicht Clement of Ros come suddandly In Murray land with thair gude Cheualry The hous of Narne yat guid knicht weil hes tane Slew the Capitane and gude men mony ane Out of Murray and Buchane land come thay To seik Bewmont bot he was past away Than thir gude men to Wallace passit richt QuheÌ„ Wallace saw schir Iohne Ramsay y e knicht And vther gude men that had bene fra him lang Greit curage yan was raisit thame amang The land he reullit as that him lykit best To Sanct Iohnstoun syne raid or yai wald rest ¶ The Seige of Sanct Iohnstoun AT euerilk port ane stalwart wache he maid Confermit ane Seige and steidfastly abaid Bischop Sinklair in all gude haist him dicht Come out of Bute with semely men be sicht Out of the Ilis of Rauchlie and Arrane Lindesay and Boyd with gude men mony ane Adam Wallace Barroun of Ricardtoun Full sadly socht to Wallace of Renoun At Sanct Iohnstoun baid at the SailÈe still For Sutheroun men yai micht weill pas at will For in thair way thair durst na enemie be Bot fled away be land and al 's be se About that toun thus semblit thay but moir For thay had bene with gude Wallace befoir Setoun Lawder gude Richard of Lundie In ane gude Barge thay past about the se In SaÌ„ct Iohnstoun hauin yair ankeris haue yai set Twa Inglis schippê yai tuik withouttin let The tane thay brynt and stuffit the tother weill With artailÈe and stalwart men in steill To keip the Port yait suld cum na vittaill Into the toun nor men that micht auaill Fra South and North mony of Scotland fled Left Castellis waist feill leuit thair lysis in wed The Sutheroun Bischop yat befoir left Dunkell To Londoun past and tald Edward him sell In Scotland yair had fallin ane greit myschance Than send he sone for Aymeir the Wallaâ—ce And askit him quhat than was best to do He hecht to pas and tak greit gold thairto Into Scotland sum meanis for to mak Aganis Wallace on hand this can he tak He said he wald vndo King Edwardis Crown Bot gif he micht throw tressoun put him doun King Edward hecht quhat thing y e Wallange baÌ„d He â—uld it keip yairto he gaif his hand Wallange tuik leif and into Scotland went To Bothwell come syne kest in his Intent Quhat man thair was micht best Wallace begyle And sone he fand within ane lytill quhyle Schir Iohne Menteith Wallace Gossop was Ane Messinger Schir Aymeir hes gart pas Vnto Schir Iohne and sone ane tryst hes set At Ruglyn Kirk thir twa togidder met Than Wallange said Schir Iohne yow knawis yis thing Wallace agane rysis contrair ye King And yow may hauâ— quhat lordschip yow wil wail And yow wald wirk as I wald giâ— counsaill Èœone tyran haldis the Realmis at trubill baith To thriftie men it dois full mekill skaith He traistis ye yow may full weill him tak Of this mater I reid ane end yow mak War he away we micht at lyking Ring As Lordis all and leif vnder ane King Than Menteith said he is our Gouernour For vs he baid in mony felloun stour Nocht for him self bot for our heritage To sell him thus it war ane foull outrage Than Wallange said and thow weill vnderstude Greit merite it war he spillis sa mekill blude Of cristin men puttis saullis into perrell I bynd me al 's he sall be haldin haill As for his lyfe and keipit in presoun King Edward wald haue him in subiectioun Than Menteith thocht sa thay wald keip cuÌ„nand He wald full fane haue had him of Scotland Wallange saw him into ane study be Thre thousand pund of fyne gold leit him se And hecht he suld the Lennox haue at will Thus tressonabilly Menteith grantit thair till Ane Obligatioun with his awin hand he maid Syne tuik ye gold and Edwardis Seil sa braid And gaif thame his quhen he his tyme micht se To tak Wallace ouir Sulway gif him fre To Inglismen be this tressonabill concord Schir Iohne suld be of all the Lennox Lord. Thus Wallace suld in Ingland keipit be Sa Edward micht mak Scotland to him fre Thair couetise was ouir greit maister sene Nane exempill takis how ane vther hes bene For couetise put in panis strang and fell For couetise the Serpent is in hell For couetise gude Hector tuik the deid For couetise thair can be na remeid Throw couetise gude Alexander was loist And Iulius al 's for all his reif and boist Throw couetise deit Arthur of Britane For couetise thair hes deit mony ane For couetise the tratour Gauilioun The flour of France he put to confusioun Throw couetise thay poysonit gude Godefray In Antioche as the Author will say For couetise Menteith vpon fals wyis Betraisit Wallace yat was his Gossop thryis Wallange in haist with blyith will and gude hart To Londoun past and schew to King Edwart Of thair contract he had far mair plesance Than of fyne gold geuin in Ballance Of greiter wecht than his Ransoun micht be Of Wallace furth Èit speik sum part will we AT Sanct Iohnstoun was at the seigeing still In ane morning ye SutherouÌ„ with guid will Fyue hundreth men in armis richt Egerly Thay Ischit furth to mak ane Ieopardy At the South Port vpon Scot and Dundas Quhilk in yair tyme richt wyse and worthy was Aganis thair fais richt scharply faucht and sair In that counter seuin scoir to deith thay bair Èœit Inglismen that cruell was and kene Full derfly faucht â–ª quhair douchtie deid was sene Fra the west Èet drew all the Scottis haill To the fechtaris quhen yai saw nocht auaill Bot in agane full fast thay can thame speid The Knicht Dundas preuit douchtie in deid Ouir neir the Èet full bandounly he baid With ane gude sword full greit maistrie he maid Nocht wittand weill his fellowis was him fra In at the Èet the Sutheroun can him ta Vnto the Erll thay led him haistelie Quhen he him saw he said he suld nocht de To slay this ane it may vs lytill remeid He send him furth to Wallace in that steid Vnto the North his battellis hes he brocht Quhill he him saw of this he wist richt nocht Send to the Erll and thankit him largelie Hecht for to quyte quhen he sic caus micht se Bot Èit yairfoir souerance he wald nocht grant Thocht thay war Èoldin and cum recryant For gold nor gude he wald na tribute tak Ane greit assault than he began to mak The Erll of Fyfe dwelt vnder
Of this Regioun atanis for to Ring Ane King of Kyle for that he callit Wallace Lordis he said this is ane vncouth cace Be he sufferit we haue war than it was Thus rais he vp and maid him for to pas God hes vs toillit to do sa for the lait In lyfe or deith in faith we sall him haif Or gar him grant quhome he haldis for his Lord Or ellis war schame in storâ—e to record I vow to God with eis he sall nocht be Into this Realme bot ane of vs sall de Les than be cum and knaw his richteous King In this Regioun weill baith we sall nocht ring His lichtly scorne he sall repent full soir Bot power faill or I sall end thairfoir Sen in this eird is ordanit me na rest Now God be Iudge the richt he knawis best At that counsall langer he taryit nocht With twa hundreth fra sanct Iohnstoun he socht To the Counsall maid Instance or he Èeid Thay suld contene and of him haue na dreid I am bot ane and for gude caus I ga Towart Kingorne the ganest way thay ta Vpon the morne ouer Forth south thay couth pas On his veyage he haist it wounder fast Robert Lawder at Mussilburgh met Wallace Fra Inglismen he keipit weill his place Couth nane him treit Knicht Squyar nor Lord With King Edward for to be at concord On Erll Patrik to pas he was full glaid Sum said befoir the Bas he wald haue had Gude men come al 's with Cristall of Setoun Than Wallace was four hundreth of Renoun Ane Squyar Lyle that weill the cuntre knew With twentie men to Wallace couth persew Besyde Lyntoun and to thame tald he than That Erll Patrik with mony Lyklie man At Cokburnis peth he had his gaddering maid And to Dunbar wald cum withouttin baid Than Lawder said it war the best think me Faâ—â—er to pas in Dunbar or he be Wallace answerit we may at laiser ryde With Èone power he thinkis bargane to byde And of ane thing Èe sall weill vnderstand Ane hardyer Lord is nocht into this land Micht he be maid trew steidfast to ane King Be wit and force he can do mekill thing Bot wilfully he lykis to tyne him sell Thus raid thay furth and wald na langer dwell Be eist Dunbar quhair men thame tald on cace How Erll Patrik was warnit of Wallace Neir Innerwik cheisit ane feild at waill With nyne hundreth of lyklie men to waill Four hundreth was with Wallace in the richt And thay anone approchit to thair sicht Greit falt thair was of gude tretie betuene To mak concord and that full sone was sene Without reheirs of actioun in that tyde On ather part togidder fast thay ryde The stour was strang and wounder perrillous Contenit lang with deidis Cheualrous Mony thair deit of cruell Scottis blude Of this tretie the mater is nocht gude Thairfoir I ceis to tell the distructioun Pietie it was and all of ane Natioun Bot Erll Patrik the feild left at the last Richt few with him to Cokburnis peth yair past Aggreuit sair that his men thus was tynt Wallace returnit and wald na langer stynt Towart Dunbar quhair suithfast men him tald Na purueyance was left into that hald Nor man of fence all had bene with thair Lord Quhen Wallace hard the sicker trew record Dunbar he tuik all haill at his bandoun Gaif it to keip to Cristall of Setoun Quhilk stuffit it weill with men and gude vittaill Vpon the morne Wallace that wald nocht faill With thre hundreth to Cokburnis peth he socht Erll Patrik Ischit for byde him wald he nocht Sone to the Park Wallace ane range hes set To Bonkill wod Corspatrik fled but let And out of it to Norhame passit he Quhen Wallace saw it micht na better be To Caldstreme raid and ludgeit him on Tweid Erll Patrik than in all haist can him speid And passit by or Wallace power rais Without resting in Ettrik Forest gais Wallace followit bot he wald nocht assaill Ane range to mak as than it micht nocht vaill Quir few he had the strenth was thick and strang Twelf myle on breid and thairto twyis al 's lang Into Cokholme Erll Patrik baid at rest For mair power Wallace past in the west Erll Patrik than him graithit haistelie In Ingland past to get him thair supple Out throw the land richt eirnistly cout pas To Anthonie Beik that Lord of Durame was Wallace him put out of Glasgow befoir And slew Perse thair malice was the moir The Bischop Beik gart sone greit power ryse Northumbirland vpon ane awfull wyse Thay ordanit Bruce in Scotland for to pas To wyn his awin bot euill dissauit he was Thay gart him trow that wallace was Rebell And thocht to tak the Kinrik on him sell For fals thay war and euer Èit hes bene Lawtie and treuth was euer in Wallace sene To fend ye richt was all be tuik on hand And thocht to bring the Bruce fre to his land Of this mater as now I tary nocht With strang power Sutheroun togidder socht Fra Oyis watter assemblit haill to Tweid The land Oist was threttie thousand in deid Of Themis mouth send Schippis be the see To keip Dunbar that nane suld thame supple Erll Patrik past with twentie thousand but let Befoir Dunbar ane stalwart Seige he set The Bishop Beik and Robert Bruce baid still With ten thousand in Norame at thair will Wallace be this that fast was lauborand In Louthiane come with gude meu fyue thousaÌ„d Richt weill besene into thair armour bricht Thocht to reskew the Setoun bald and wicht Vnder Èœester that first nicht ludgeit he Hay come to him with ane gude Cheualrie In Doun Forest all that tyme he had bene He had the cuÌ„ming of the Sutheroun sene Fyftie he had of wise men into weir Thay tald Wallace of Patrikis greit affeir Hay said forsuith and Èe micht him ouirset Power agane richt sone he may nocht get My counsall is that we gif him battall He thankit him of comfort and counsall And said freind Hay in this caus that I wend Sa that we wyn I rek nocht for to end Richt suith it is that anis we mon de Into the richt quha suld in terrour be Erll Patrik thair ane Messinger gart pas Tald Anthonie Beik that Wallace cuÌ„mand was Of this tythingis the Bischop was full glaid Ane mendis of him full fane he wald haue had But mair prolong throw Laumyr mure yai raid Neir the Spot mure in buschment still he baid Quhair Erll Patrik than ordanit for to be Wallace of Beik vnwarnit than was he Èœit he befoir was nocht haistie in deid Bot than he put baith him and his in dreid Vpon swyft hors scurriouris raid betuene The cuÌ„ming than of Erll Patrik hes sene The hous he left and to the mure is gane Ane plane feild thair with his
ane greit offence Thus thay approchit on towart thair presence At the Pauilloun quhair thay the Lyoun saw To ground thay licht and syne on kneis yai faw Prayand for peice thay cry with pieteous cheir Erll Malcolme said our Chiftane is nocht heir He bad hir ryse and said it is nocht richt Ane Quene on kneis to ony lawer wicht Vp be the hand the gude Erll hes hir tane Atouir the bent to Wallace ar thay gane Quhen scho him saw scho wald haue kneillit douÌ„ In armes sone he claucht yis Quene with Croun And Kissit hir withouttin wordis moir Sa did he neuer to na Sutheroun befoir Madame he said richt welcum mot Èe be How pleissit Èow our Oisting for to se Richt weill scho said of freindschip we haue neid God grant Èe wald of our necessair to speid Suffer we mon suppois it lyke vs Ill Bot traistis weill it is contrair our will Èœe sall remane with this Lord I man gang Fra Èour presence we sall nocht tary lang The Erll and he vnto the Pauilloun Èeid With gude auyse to deme mair of this deid The counsall sone Wallace gart call thame to Lordis he said wait Èe quhat is ado Of thair cuÌ„ming my self hes na plesance And thairfoir man we wirk with ordinance Wemen may be contempning into weir Amang fuillis that can nocht thame forbeir I say nocht this be thir nor be the Quene I trow it be bot gude that scho will mene Exempill tak of lang tyme passit by At Runsy vaill the tressoun was planely Be wemen maid yat Ganzelone with him brocht And Turky wyne forbeir than couth thay nocht Lang vse in weir gart thame desyre thair will Quhilk brocht King Charlis to felloun lois Ill. The flour of France without redemptioun Throw that foull deid was brocht to confusioun Command Èour men thairfoir in priuat wyse On pane of lyfe thay wirk nocht on sic gyse Nane speik with yame bot wyse men of greit vaill That Lordis ar and sworne to this counsall His charge thay did al 's gudly as thay mocht This ordinance throw all the Oist was wrocht He and the Erll baith to the Quene thay went Ressauit hir fair and brocht hir to ane Tent. To Denner bownit al 's gudly as thay can And seruit was with mony lyklie man Gude purueyance the Quene had with hir brocht Ane assay scho tuik of all that gude hir thocht Wallace persauit and said we haue na dreid I can nocht trow Ladyis will do that deid To poysoun men for all Ingland to wyn The Quene answerit gif poysoun be thairin Of ony thing quhilk is brocht heir with me Vpon my self first sorrow Èe sall se Sone efter meit ane Marschell gart all absent Bot Lordis and thay that to the counsall went Ladyis appeirit in presence with the Quene Wallace askit quhat hir cuÌ„ming micht mene For peice scho said that we haue to Èow socht This byrnand weir in baill hes mony brocht Èœe grant vs peice for him that deit on tre Wallace answerit Madame that may nocht be Ingland hes done sa greit harmis to vs We may nocht pas and lichtly leif it thus Èœes said the Quene for cristin folk we ar For Goddis saik sen we desyre na mair We aucht haue peice he said that we deny The perfite caus that sall I schew for quhy Èœe seik na peice bot for Èour awin auaill Quhen yat Èour King had Scotland grippit haill For na kin thing that he befoir him fand He wald nocht thoill the richt blude in our land Bot reft thair rent syne put thame self to deid Ransoun of gold micht mak vs na remeid His fell fals weir sall on him self be sene Than soberly to him answerit the Quene Of thir wrangis amendis war maist fair Madame he said of him we ask na mair Bot that he wald byde vs into battall And God be Iudge he kennis the mater haill Sic thing scho said it war nocht gude think me Peice now war best and it micht purchest be Wald Èe grant peice and trewis with vs tak Throw all Ingland we suld gar prayeris mak For Èow and yame yat in the weir war loist Than Wallace said quhair sic cuÌ„mis throw boist Prayer of force quhair sa that it be wrocht To vs helpis outher lytill or nocht Warly scho said thus wyse men hes vs kend Ay efter weir peice is the finall end Quhairfoir Èe suld of Èour greit malice ceis The end of weir is cheritie and peis Peice is in heuin with blis and lestandnes We sall beseik the Lord of his hie grace To command peice sen we may do na mair Madame he said or Èour prayer cum thair Mendis of Ingland we think yan for to haue Quhat set Èow thus on weir sa God Èow saue Fra violent weir that Èe think nocht to dwell Madame he said the treuth I sall Èow tell Efter the dait of Alexanderis Ring Our land thre Èeir stuid desolat but King Keipit full weill at concord in gude stait Throw twa yat clamit thair hapnit greit debait Sa ernistfully accord thame nocht thay can Èœour King thay askit for to be thair ouir man Slely he slaid in strenthis of Scotland The Kingrik syne he tuik at his awin hand He maid ane King aganis our richteous Law For he of him suld haue the Regioun aw Contrair this band war all the haill barnage For Scotland Èit was neuer in thirlage Greit Iulius that tribute tuik of all His wynning was in Scotland bot richt small Than Èour fals King vnder collour but mair Throw band he maid to Bruce that is our Air. Vndid that King quhilk he befoir had maid Throw all Scotland with greit power yai raid To Bruce sen syne he keipit na cunnand He said he wald nocht gang and conqueis land To vther men and thus the cace befell Than Scotland throw he demanit him sell Slew our Eldaris greit pietie was to se In presoun syne lang tyme thay presonit me Quhill I was than cassin out for deid Thankit be God he send me sum remeid Vengit to be I preuit all my micht Feill of that Kin to deith syne haue I dicht The rage of Èouth gart me desyre ane wyfe That rewit I sair and will do all my lyfe Ane Tratour Knicht but mercy gart hir de Ane Hessilrig bot for despyte of me Than rang I furth in trauell weir and pane Quhill we redemit part of our land agane Than Èour counsall desyrit of vs ane trew Quhilk maid Scotland full graithly for to rew Into that peice thay set ane subtill Air Than xviij scoir to deith thay hangit thair That Nobillis war and worthy of Renoun Of coit armouris eldest in that Regioun That deith wethink to venge in all our micht The woman al 's that duilfully was dicht Out of my mynd that deith will neuer slyde Quhill
heid fra the schulderis he draif Blair ouir the burd in the sey kest the laif Of his body than all the remanand Enterit and slew the Briggantis that yai fand The Schip thay tuik greit gold and vther geir That thay Reuaris had gadderit lang in weir Bot Maister Blair spak na thing of him sell In deid of armis quhat auenture that befell Schir Thomas Gray was Preist yan to Wallace Put in the buik how thame hapnit this cace That Blair was in and mony worthy deid Of quhilk him self had na plesance to reid Wallace gart reull the schip with his awin men And saillit furth the richt cours for to ken In the Sluce hauin quhill thay enterit be The Merchandis weill he helpit in saiftie Of gold and geir he tuik part that thay fand Gaif thame the Schip syne passit to the land Throw Flanderis raid vpon ane gudly wise Enterit in France and syne socht to Parise The glaid tythingis yat to the King was brocht Of Wallace cuÌ„ming it comfort all thair thocht Thay trowit be him to get redres of wrang The Sutheroun had in Guyan wrocht sa lang The Peiris of France war still at yair ParliameÌ„t The King commandit with haill and trew InteÌ„t Thay suld foirse ane Lordschip to Wallace The Lordis than all demit of this cace For Guyan was all haill out of thair hand Thay thocht it best for to gif him that land For weill thay trowit he had wrocht sa befoir He suld it wyn or ellis de thairfoir Alswa of it thay micht na proffeit haif This was the caus to Wallace thay it gaif This Decreit sone thay schew vnto the King Displesit he was thay maid him sic ane thing Of Guyan thus quhen Wallace had ane feill Na land he said lykit him half sa weill My chance is thus for to be ay in weir And Inglismen hes done our Realme maist deir It was weill knawin my defence richteous yair Richt haue I heir my comfort is the mair I thank Èow Lordis maid sic rewaird to me Èœour purpois is I sall nocht Idill be The King bad him be Duke of Guyan land To yat command Wallace was ganestandand Becaus that land was haistely to conqueis His thocht was ay to wyn it throw Goddis grace Bot neuertheles the King had maid him Knicht And gaif him gold for to mantene his richt And syne gaif charge to all weirmen in France Thay suld be haill at Wallace Ordinance And al 's of him he bad him armis tak Wallace forsuik sic changeing for to mak Sen I began I buir the Reid Lyoun And thinkis to be ay trew man to that Crown I thank Èow Schir of this mychtie rewaird Èœour men heirfoir sall nocht richt lang be spaird I think to quyte sum part Èe kyithit on me In Èour seruice or ellis thairfoir to de Gude Wallace thocht his time he wald not waist Vnto the weir he graithit him in haist All Scottis men that was into that land To him thay socht with thair fewtie and band Longoueill al 's ane greit power can rais In Wallace help this gude Knicht glaidly gais Ten thousand haill of Nobill men thay wair The braid Baner displayit of Scotland thair Thir weirmen sone vpon Guyan thay â—ure Brak biggingê doun quhilk had bene stark sture Sutheroun thay slew agane thame maid debait Brichtly on breid thay raisit fyris hait Schemon yai tuik that Wallace first had winin And slew all men of Sutheroun yair was fundin Into that toun Wallace his dwelling maid All thair about he wan the countrie braid The worthy Duke of Orlyance was Lord Semblit his folk into ane gude accord Twelf thousand than he had in armour bricht And thocht to help gude Wallace in his richt Leif I thame thus the Duke and Wallace baith And speik suÌ„ part how ScotlaÌ„d tuik greit skaith ¶ How Edward King of Ingland come in Scotland and maid haill Conqueis thairof Cap. iij. ☞ ✚ ☜ THe fals Inuy and the wickit tressoun Amang thame self brocht feill to confusioun The knicht wallaÌ„ge in scotland maid repair The fals Menteith schir Iohne withouttin mair Betuix thay twa was maid ane priuate band Sa on ane day thay met into Annand Of the Lennox Schir Iohne had greit desyre Schir Aymeir hecht he suld it haue in hyre To hald in fee and vther landis mo Of King Edward sa he wald pas him to Thus cordit thay and syne to Londoun went Edward was glaid to hald that pointment Menteith annone was bound to that fals King To further him to Scotland in all thing Syne passit hame and Wallange with him fure Quhill he was brocht agane ouir Carlile mure King Edward than in Ire and feirs outrage Be threttie dayis he raisit his barnage In Scotland past and thair na stopping fand Na Chiftane was that durst agane him stand For Menteith tald yai thocht to mak Bruce King All trew Scottis wald be pleist of that thing Èœit mony fled and durst nocht byde Edwart Sum into Ros and in the Ilis past part Bischop Sinklair agane fled into Bute With that fals King he had na will to mute Thus without straik the Castellis of Scotland King Edward hes tane into his awin hand Deuydit syne to men that he wald lyke Strenthis and touÌ„is to Ros throw ye Kingrike Baith hicht and vaill obeyit haill his will That he commandit thay purpois to fulfill The Bischoppis all Inclynit to his Crown Baith temporall and the Religioun The Romane buikis yat yan war in Scotland He gart yame beir to Scone quhair yai yame faÌ„d And but redeme thay brynt thame all Ilk ane Salisbery vse our Clerkis than hes tane The Lordis he tuik yat wald nocht of him hald In Ingland send the Nobill blude of ald Schir William lang Dowglas to Londoun send In strang presoun quhair throw he maid ane end Erll Thomas al 's that Lord was of Murray And Lord Fresar with him he send away Al 's Hew the Hay and vther airis ma He gart Wallange with yame in Ingland ga Na man was left all this mane land within Fra Edwardis peice was knawin of ony kin Setoun Lawder dwelt still into the Bas With thame Lundy and men that worthy was The Erll Malcolme and Campbell past but let In Bute succour with Sinklair for to get Schir Iohn Ramsay and Rothuen yai fled north To thair Cousing that Lord was of Fillorth He past with yame throw Murray landis richt Sa fand yai yair ane gentill worthy Knicht That Clement hecht full cruell ay had bene And fendit weill amang thair enemeis kene He thocht neuer at Edwardis will to be Into his tyme he gart feill Sutheroun de He led thir Lordis in Ros withouttin mair At the stok furd ane stark strenth biggit thair Keipit that lang richt worthely be weir To thair enemeis thay did full mekill deir Adam
trewis lang Of King Edward and than he thocht it wrang That Wallace sa was seigand Sanct Iohnstoun Bot gif he come in richt help of the Crown To Inglismen he wald nocht keip that band Than he come sone with gude men of the land And Iohne Wallange was yan Schiref of Fyfe To Wallace past and starkit him in that stryfe The Erll was cuÌ„min of gude trew Nobill blude Of ye auld Thane quhilk in his tyme was gude Than all about to Sanct Iohnstoun yai gang The felloun sault was hiddeous schairp strang Full feill faggaldis into the dyke thay cast Haddir and hay wound about flaikis fast With treis and eird ane greit passage yai maid Out ouir the wallis thay Èeid in battell braid The Sutheroun than maid greit defence agane Quhil at the wallis thair was ane thousand slane Wallace Èeid in and his rayit battell richt All Sutheroun men derfly to deith yai dicht To saif the Erll Wallace the Herald send Gude Iop him self the quhilk befoir him kend For Dundas saik he said he suld nocht de Wallace him self thus ordanit for to be Ane small Haiknay to him he gart be tak Siluer and gold his coistis for to mak Set on his cloik ane takin for to se Ane Lyoun in waâ—e that suld his Conduct be Conuoyit him furth and na man him with all Wemen and barnis Wallace gart freith yame all And syne cryit trew Scottis to thair awin Pleneist ye laÌ„d quhilk lang had bene ouirthrawin Than Wallace past the south land for to se Edward the Bruce in his tyme richt worthie That Èeir befoir he had in Ireland bene And thair with him cruell men and kene Fyftie in feir was of his motheris kin At Kirkcudbricht in Galloway enterit in With thay fyftie he had vincust nyne scoir And syne he past withouttin tary moir To Wigtoun sone and that Castell hes tane Sutheroun was fled and left it all allane Wallace him met with trew men reuerentlie To Lochmabane went all that Cheualrie Thay maid Edward baith Lord and leidar yair This conditioun Wallace him maid but mair Bot ane schort tyme to byde Robert the King Gif he come nocht in this Regioun to Ring That Edward suld ressaif the Crown but faill This hecht Wallace and all the barnage haill In Lochmabane Prince Edward leyndit still And Wallace past to Cumnok with gude will At the Blak bog quhair he was wount to be Vpon that steid ane Royall hous held he Inglis Wardanis to Londoun past but mair And tauld the King of all thair greit mysfair How Wallace can Scotland fra thame reduce And how he had ressauit Edward Bruce The Commounis swore yai suld cum neuer mair Vpon Scotland and Wallace leuand wair Than Edward wrait to Menteith priualy Prayit him to haist the tyme was passit by Of the promeis ye quhilk yat he was bundin Schir Iohne Menteith into his wit hes fundin How he suld best his purpois do fulfill His Sister sone in haist he callit him till And ordanit him in dwelling with Wallace Ane aith agane he gart him mak on cace Quhat tyme he wist Wallace in quyet draw He suld him warne quhat auenture micht faw This man grantit that sic thing suld be done With Wallace thus he was in seruice sone Bot of tressoun Wallace had lytill thocht His lauborous mynd in vther materis wrocht Thus Wallace thryis hes maid all Scotland fre Than he desyrit in lestand peice to be For as of weir he was in sum part Irk He purpoisit than to serue God and the Kirk And for to leif vnder his richteous King That he desyrit atouir all eirdly thing ¶ How Wallace was betraisit be Schir Iohn of Menteith and had in Ingland and Martyrit thair Cap. v. THe Herald Iop in Ingland sone he send And wrait to Bruce richt hartly his coÌ„mend Beseikand him to cum and tak his Crown Nane suld ganestand Clerk Burges nor BarrouÌ„ The Herald past quhen Bruce saw his credance Thairof he tuik ane perfyte greit plesance With his awin hand agane wrait to Wallace And thankit him of lawtie and kyndnes Beseikand him this mater to conceill For him behouit out of Ingland to steill For lang befoir was keipit the Ragment Quhilk Cumyng had to byde the Parliament Into Londoun and gif thay him accuse To cum fra thame he suld mak sum excuse He prayit Wallace on Glasgow mure to waik The nixt first nicht of Iulij for his saik And bad he suld bot into quyet be For he with him micht bring few Cheualrie Wallace was blyith quhen he this wryting saw His houshald sone he gart to Glasgow draw That moneth thair he ordanit thame to byde Keirly he tuik Ilk nicht with him to ryde And this Èoung man yat Menteith to him send Wist nane bot yir quhat way yat Wallace wend. The quhilk gart warne his Eme the xviij nicht Sextie full sone Schir Iohn MeÌ„teith gart dicht Of his awin kyn and allya was borne To this tressoun he gart yame all be sworne Fra Dunbertane yai sped thame haistely Neir Glasgow Kirk thay buskit yame priuely Wallace past furth quhair yat ye tryst was set Ane spy thay maid and followit him but let Robert Railstoun was neir the way besyde And bot ane hous quhair Wallace vsit to byde He woik on fuit quhill passit was mydnicht Keirly and he than for ane sâ—eip yame dicht Thay bad this man that he suld walk his part And walkin Wallace come men fra ony art Quhen thay sleipit yis tratour tuik gude hâ—id He met his Eme and bad him haue na dreid On sleip he was and with him bot ane man Èœe may him haue for ony craft he can Without the hous thair wappinnis laid yame fra For weill thay wist gat Wallace ane of tha And on his feit his Ransoun suld be sauld Thus semblit thay about that febill hauld This tratour waâ—he fra Wallace than he stall Baith knyfe and sword his bow and arrowis all Efter mydnicht in handis thay haue him tane Slomerit on sleip with him na man bot ane Keirly thay tuik and led him fra that place Did him to deith withouttin langer space Thay thocht to bynd Wallace with streÌ„this straÌ„g On fuit he gat thay fell tratouris amang He grippit about bot na wappin he fand Vpon ane Sill he saw besyde him stand The bak of ane he bristit in that thrang And of ane vther the harnis our he dang And al 's mony as handis couth on him lay Be force him hynt for to haue him away Bot that power ane fuit micht nocht him leid Out of that hous quhill yai or he war deid Schir Iohne saw weill be force it couth not be Or he war tane erar he thocht to de Menteith bad ceis and thus spak to Wallace Syne schew him furth ane full richt subtell cace Èœe