Selected quad for the lemma: cause_n

Word A	Word B	Word C	Word D	Occurrence	Frequency Band	MI	MI Band	Prominent
cause_n	body_n	soul_n	world_n	1,708	5	4.6899	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A19199	Complaynt of the soule		1519 (1519)	STC 5609; ESTC S109069	18,338	32

¶ Complaynt of the soule Cont●●● 〈◊〉 Heu infame Furore consumor Spes nobis nulla Animam ami●●mus ¶ Here begynneth a lamentable complaȳt that the soule maketh of the wretched lyfe of the body TEdet 〈◊〉 meā vite me● ¶ My soule is wery of the lyfe For there I see no thynge but mater of sorowe myserye synne The parte of my lyfe passed is ful lamentable whā I remembre it / the present parte suppressed myn herte with heuynesse for it is vnreformed And the grete losse of vertue in these two partes abhomynacyon of synne putteth me in gret fere of the thyrde parte the whiche is to come And yf my lyfe myght be prolonged many yeres only in vertuous vses / yet it myght not recompence for the manyfolde offences whiche I haue done in the present syghte of my lorde god and terryble Iuge of my lyfe whiche hateth no thynge but only synne Alas than my soule may be ful of sorowe whiche hath prouoked my lorde god / my moost tender louer to be wroth with me and to hate me more than I do a dog or a stynkynge carayne / for no thynge is so vyle so lothsome so stynkynge nor so abhomynable in the syght or smellynge of man / as synne in the syght or smellynge of god Alas alas that I sholde offēde my lorde god whiche hath made me of nought where he myght haue made me a stone or an vnreasonable beest / he hath made me to the ymage of hymselfe a reasonable creature / and whan I was loste redemed me with the precyous blood of his herte and suffred the moost bytterst deth for me / an● in an my lyfe he hath shewed grete kyndenesse vnto nie / and I haue shewed grete vnkȳden●●●e agayen to hym / he loued me I not hym / for I wyll not do after the wyll of hym / but I sette my wyl afore his wyll / and the pleasure of myselfe afore the pleasure of hym / and in fulfyllynge my wyl I care not to dysplease hym And thus I se not by hym whiche hath made so moche of me he hath made heuen and erthe for me / and hath comen to this erth to teche me the way of saluacyon / and hath ordeyned for me yf I wolde loue hym the mestymable Ioye of his deuynyte and to receyue the eternall kyngedome of felycyte ¶ All these thynges I forgete / I ordre myselfe by my lewde neglygence and vnhappy lyuynge to lese the loue of my lorde god / the transcendynge Ioye of his kyngedome I ordre me by my wretched lyfe to euerlastynge payne / woo I be a vessell of deth of Ire and Indyngnacyon of god / he hath made my soule by the sacrament of baptyme a vessell of mercy and grace / and I haue defouled it with abhomynable synne / made it with out his Inmesurable mercy vessell of dampnacyon to be brente in the fyre of hell amonge the horryble fendes euer without endynge ¶ Alas what shall I do what shall I saye whiche haue erred thus ferre out of the way of vertue and is casted depe in to the pytte of synne A grete cause I haue of lamentacyon whiche am in this grete Ieoperdye of endlesse dampnacyon I am a waster and a dystroyer of my soule and body I destroye the goodes of nature / of grace / and of the worlde as a man that is worse than good in the syght of hym the whiche hath gyuen them to me to the entent that I sholde vse them vertuously And in the syghte of hym whiche shall moost bytterly punysshe hym I vse them vycyously I am closed in the derke cloudes of Ignoraunce / and reprouable neglygence of my lorde g●d / of myselfe and of vertuouse lyuynge All my lyfe is synfull / as a drye tr●e barayne and ferre from all fruyte of vertue I thynke not on the dredfull Iugement of god / where I shall stande afore the terryble Iugement of cryst / and to rendre accompte for all the dydes that I haue done in my soule and in my body O there I shall shewe an vnfruytful lyfe / and yf there be ony fruyte therin it is but fayned and false / or vnperfyte or corrupted and other it is full lytell pleased or elles vtterly dyspleased god And notwithstādynge that euery man there shall be fedde after this lyfe with suche fruyte as that he hath brought sorth in this lyfe / than my fedynge is lyke to be full bytter vnto me ¶ O how sorowful I ought than to be / for except that I sorowe for my synne in this lyfe I am lyke for to be brought to grete sorowe after this lyfe ¶ O my synful soule O my myserable soule loke vpon thy selfe / see how thou arte brought in to the grete derkenesse of synne so depe that thou canste not see thy selfe Seest thou not how thou rennest in to vayne thoughtes vnlefull desyres ¶ Remēbre that al the tyme that thou lokest not vpon vertue is lost and thou shalt be shent therfore / as moche tyme that lesest than whiche myght tourne the to grete Ioye in tyme comynge / and now all shall tourne the to grete punysshement except thou lerne to amende and to spende the resydue of thy tyme. O howe aferde thou sholdest be to haue an vnfruytful lyfe / for the vnfruytful lyfe is a dampnable lyfe as almyȝty god whiche is very trouth sayth Euery tree whiche brȳgeth not forth good fruyte it shal be cutte downe caste in to the fyre ¶ A mercy god what shal I do than for I am so barayne so drye frome all deuocyon and moysture of contrycyon and grace that I am deapte and redye to the fyre ¶ A mercyfull lorde cutte me not downe by deth to suche tyme that my tree maye haue moysture thrugh thy grace brynge forthe some profytable fruytes of penaunce / all my dydes that I do arte not suffycyent to recompence for the mete and drynke that I receyue of y● to my bodely sustenaunce ¶ A where with shal I thā recompence for my soule / my body / my wytte / my herynge / my seynge / my speche / my helth / my bodely power / my lyfe / and where with all shall I recompence for my synne / for that losse of grace whiche passeth these all / for none shall be brought to dampnacy on but suche as for lacke of grace are defouled with synne who so spendeth more in fedynge of a beest thā it is worthe in themselfe is not that superfluous expence and vnproufytable And yet mercyful lorde the nourysshest dayly and haboundantly an vnproufytable worme stynkynge synner ¶ A good lorde thou woldest not that this wretche shall perysshe of whome thou doost so large expences and so tenderly kepest it Many good thou gyuest it vnasked / frome many euyll thynges he preserued it vnthanked of it / thou kepest me / thou ledest me / and protectest me frome many perylles / and

thou wylt contynue in vnkynde vnto hym / this syn̄e of vnkyndenesse ingratytude / yf thou hast none other synne it is ynough to procure the Ire or wrath of this Iuge / why wylt thou than vnkynde soule dayly multyply newe offenses why remembrest not thou y● grete Ieopardy that thou standest in for thyne olde synne ¶ O wretche lerne to wepe applye to take wylful sorowe / y● moche cause hast thou to wepe and to sorowe / for yf thou myght wepe as moche water as is in the see yet it were of thy selfe suffycyēte to wasshe thy soule frome synne thou doost ▪ as a malefactour whiche hathe offended his prynce is sory for to be taken to suffre grete payne / yet wylfully he wyll more outrageously offende hym knowynge well that he shall suffre therfore the more payne / thou sayst to me that this prynce is mercyfull I saye to the that he is mercyful to none but to suche as haue mercy vpon them selfe wyll leue theyr wretched lyuynge / than haue mercy vpon thy selfe and leue y● myserye of synne / for thou shalte be called soner than thou trustest to thy acompte of all thy werkes of all thy ydelnes of all thy wordes / of all thy sylence / of all thy slepynge / of all thy wakynge / of all thy sekenesse / of al thy helthe / of all thy rychesse / of all thy pouerte / of all thy fedynge / of all abstynences / and of all thynge that thou haste done and lefte vndone to the leest thought of thy soule / and of al thynge perteynynge to thy power whiche thou haste not ordeyned to the wyll of god saluacyon of thy soule / and thy body shall be punysshed with y● for it synned with the and thou in it for the cause of synne is in it and it shall haue no payne but for the / for it myght not synne but by the. Alas why wylt not thou see whether thou goest beholde y● ende of thy passage that thou demest that thou goest to pleasures / as a blyndfull man thou goest euen contrarye towarde payne / thou thynkest thou goest for to haue thy wyll / and thou goest there thou shalt haue all thynge contrarye to thy wyll / and y● desyrest myrth and thou takest y● waye of endles laboure perpetuall payne euerlastynge dampnacyon ●Edet aīam mea n vite mee ¶ A my soule hath a grete cause to be wery of my lyfe / for I lyue not as y● louer of god sholde lyue / but as a wretched catyfe whiche forgeteth god / deserued to be forgotē of hym ¶ I haue no mynde vpon my saluacyon / my mynde is rather vpon thynge of dampnacyon I endure me not to form me I laboure not to represse the wretched mocyon whiche I fele in me I suffre my mynde at large to renne in vanytees / as a creature that hath no god or Iuge ne thynge to answere for / ne thynge to sorowe for ne to fere / for helpe is offred to me and I wyll not aske it / it is offred to me and I wyll not put my hande therto myn enemyes myn accusers I consente to / to my lorde my louer I wyll not consent A good lorde what shall I do at y● dredefull day of deth at the terryble dome in the day of Iugement ¶ A how many thousande synnes shall come thā vpō me wtout on● prouysyon as they laye in watche to take me whiche I see not now / I toke no kepe to delyuer myselfe by playne confessyon and many a thynge whiche I truste now is no syn̄e shall thā appere greuous syn̄e / and many a deed whiche I trust now is good / than I shall fynde them euyl blacke and abhomynable they y● shal appere to me / there I shal receyue in soule body moche woo as I haue done in soule and body moche wretchednesse / than shall I be w● for I shal receyue y● woful and sorowfull endlesse payne whan the tyme shall be passed except I leue now synne and torne me to god and deserue by vertuous lyuynge to haue mercy / there shal be payne vnprofytable and vnfruytfull penaunce / for that payne shall not remeue the synne of them whiche in this lyfe wolde not take wylful payne to be delyuered frome syn̄e and able to be dampned from grace that they shall haue no power to recompence and to satysfye for theyr offences / for whan grace was offred to them they refused it / and whan the tyme of penaūce was layed afore them / vnfruytfully neclygently they passed it ¶ O good lorde now I ought for to remembre what I haue done and what that I haue deserued to receyue for my doynge / all my yeres I shold recorde in the bytternesse of my soule / saye how my tyme is consumed without profyte / what woo I haue wrought to myselfe / yf I coude remembre that I had done many good thynges than I sholde be gladde / but I remēbre y● I haue done many wretched euyl thynges and fewe good / therfore I haue grete cause to be woo / yf I wyll not applye me to be wo where I shall be woo there I shal neuer departe therfro ¶ A wo wo be to this grete hardenesse of myn hert / for these grete hamers of remembraūce of eternall tormentes moost sorowfull vyces are to lyght to breke it ¶ O dulnesse insanable and vnable to be heled all this sharpe braydes are not suffycyent to quycken y● / they are all to blunt for the. ¶ Alas sythen the grete paynes y● god hath ordeyned for synne are to lytel to put the in fere / and make the to be dylygent for thy saluacyon ¶ A god mercy / a dedly dulnesse y● is in me sythen the terryble thondre of my syn̄es ghostly syght of y● grete abhomynable multytude of paynes causeth no quyckenes of deuocyō / no myserye of teres / no fere of god in me ¶ A wo may I be whiche fele myselfe in this grete myserye / not redy to aryse but rather desyred to fall deper I am worse than a stone / for it is descended of nature for to descende / but I descende by malyce agaynst nature ¶ A de●e lorde I loue more erthly vanyte than I do y● or the place of thy glorye / my soule is croked al downe to the erthe / for there y● loue is of the ther it is fyxed and not vpon y● / and therfore it loked not vp to the / here is mater of myserye in me to exyte an hondreth soules to sorowe make them contynue vneasely in wepynge but my soule is so dryed fro al moysture grace y● there cometh no teres fro me and thus I maye se myselfe a drye stocke / a seer tree redy to fyre A merueylous god how am I comen to this dulnesse to this dryenesse / to this blyndnesse