kynge Balthazar that was kinge of Godolie and of Saba with all his hoste and abode besyde the mount of Caluarie in a lytyll towne whyche is called Galilee / And holy wrytte spekyth moche of that towne / For the discyples of god almyghty before his resurreccyon and after also were wonte alwaye to come thyther togider / In that towne god almyghty appered to his discyples after his resurreccion / As it is wreten in the gospell Precedet vos in galileam ibi eū videbitis that is / He shall goo tofore you in to Galilee and there ye shal se him ¶ But there is a londe that is called Galilee and that is a grete lordshypp̄ and it is thre dayes Iourneye from Iherusalem / ANd whan thise .ij. kynges Melcheor Balthazar were com̄ taryed in thise places for sayd in the clowde derknes thenne the clowde wexed clere but the sterre appered not / Soo whan thise .ij. kynges sawe that they were nye Ihrlm though neyther of them knew other they toke their way to warde the cyte / And-they mette togyder besyde the mount of Caluarie there as thre wayes were metyng togyder / Thenne came the kynge Iasper kyng of Taars of the yle of Egryswyll wyth all his oost And soo thyse thre gloryous kynges wyth alle theyr meyne caryage beestes mette togyder in this hyhe waye / And notwythstondyng that none of theim neuer before had seen other ne none of them knewe others persones ne knewe of others comynge yet atte theyr metynge eche of theym anone ryght wyth grece Ioye reuerence kyssed other / And though they were of dyuers langages yet eche of them to theyr se mynge spake one manere of speche / Soo whan they had spoken togyder eche of theym had tolde hys Iourney the cause of his waye / Alle theyr causes were acordynge in to one / Thenne were they moche the gladder the more feruente in theyr waye soo they rode forth / And sodenly at the vprysynge of the sonne they came in to the cyte of Iherusalem / And whan they knewe that Iherusalem was the kinges cytee the whyche theyr predecessoures the Caldees of olde tyme had byseged distroyed they were ful glad supposing to haue founde the kynge Ihesu there borne in the same cyte / ¶ And that tyme was Herode in Iherusalem / he all the cyte were gretly dys trowbled of theyr sodenly comynge / For theyr company theyr beestes were of soo grete nombre soo grete multitude that the cyte myght not receyue theym / But for the moost partye laye wythout the cyte al aboute / Wherof Ysayas prophecied sayd Eortitudo gencium venerit tibi inundacio camellorum operiet te dromedarij madian effa omnes de saba venient aurū thus deferentes laudem dn̄o annuncian tes that is to saye / The strength of folke cometh to the Iherusalem grete plente of camelles shall couere the dromedaries of Madian of Effa shall com̄ to the. many folke shall come fro Saba bryngyng golde ensence and yeuynge laude to god / THis Herode was ordeyned kinge by the emperour by the Romaynes and he was but yonge of aege and was that tyme in his palayes in Iherusalem / And thenne thyse thre kynges asked in that cyte of the people where that chylde was borne wherof speketh in the gospell theuangelist Cū natus esset ihūs c̈ that is to say / Whan god was born in Bedleem in the cyte of Iewery in the dayes of Herode kynge of the same londe thre kynges came oute of the Eest sayd Where is he the is borne the kynge of Iewes we sawe his sterre in the Eest and we be come to worshyppe hym And Herode herde this and he was dystourbled all Iherusalem wyth hym / And he gadred togyder all the prynces the preestes and asked of theym where Cryste sholde be borne / And they sayd in Bedleem of Iewry thus it is wreten by the prophete Thou Bedieem londe of Iewery thou arte not lyfyll amonge the prynces of Iewery of the shall goo out a duke that shall rule my people of Israel Thenne Herode preuely called to him the thre kynges lerned of them the tyme of the sterre that apperyd to theym and so sente theim forthe in to Bedleem sayd Goo and enquyte besely of this childe and whan ye haue founde hym come telle me that I may goo worshyp hym whan they had herde the kynge they yede the yr way / And the sterre that they sawe in the Eest yede before theym tyll they came there the chylde was And whan they sawe the sterre thei were right gladde And they yede in to the hous and openyd theyr tresours and offred to hym golde ensence myrre / All this is the gospell / And in theyr slepe an aungell came fro god badde theym that they sholde not goo ayen to Herode / And soo they torned home to theyr countree by a nother waye / ¶ Of thyse thre kynges why they cam̄ fyrst in to Iherusalem rather than in to Bedleem many bokes in dyuers manere declare / and many causes ben wreten whyche were to longe to telle / But amonge all other causes one is that kynge Herode the Cyteyzyns were soo distrowbled for theyr soden comynge and also they seenge that thyse lordes were kynges and theyr hoste came oute of Caldee oute of the Eest the whyche of olde tyme thrugh suffraunce of god had oft tymes pursued the yr kynge and besegyd distroyed the cyte of Ihrlm that londe abowte / A nother for they came fro soo ferre countices to worshyp the kynge of Iewes that was latly borne / And by cause that Herode was but an straunger and was made kyng by the emperour the Romaynes he was aferde leest he sholde haue loste his kyngdom by cause that Cryste was borne / Also a nother cause was chise thre kȳges of goddis ordenaunce came soo to Iherusalem wythout auysement whan they had loste theyr sterre / For Iherusalem was the kynges cyte and alwaye the kinges of the londe were moost abydynge there and doctours of the lawe the Scrybes with theyr scriptures and prophecyes were euermore present in that cyte / So the Iewes and the Scrybes knewe well longe tyme before cryste sholde be borne in that place / ¶ Wherfore Iewes maye neuer shewe cause to excuse theim of theyr false byleue / Of this sayth saynt Gregory in his Omelie Iudeos profecto bene ysaac cū iacob tilium suū benediceret presignauif qui caligans oculis prophetizans in presenti filiū non vidit cui tamen in posterum multū preuidit c̈ that is to saye / By this we maye vnderstonde the Iewes for Ysaac whan he was blynde and myghte not se he blessyd Iacob his sone and prophecyed of hym / And moreouer whan he had him in his presence before hym
he sawe hym not / And yet he sawe in spyryte many thinges whiche sholde falle to hym afterwarde / In lyke manere so the Iewes were gretely ful of the spyrite of prophecye / But hym that they prophecyed of whan they had him among theym they knewe him not For they dispysed hym whan he was born / And longe tyme tofore they prophecyed of his byrth and not oonly that he sholde be borne but in what place he sholde be borne they tolde to Herode / ¶ So theyr knowynge theyr prophecye shall bere wytnesse to theyr dampnacōn and vs helpe of our byleue cause of oure saluacyon / Whan thyse thre kynges were enfourmed by Herode by the doctours of the lawe of the byrthe of Cryste and of the place where he was borne were passed out of the cyte of Iherusalem / Thenne the sterre appered to theim agayne as it dyde before and soo it yede forth before theim tyll they came in to Bedleem whiche is but two myles fro Iherusalem / And faste by that place as it is afore sayd were the shepeherdes to whom the angell appered wyth grete lyghte shewed to theym the byrthe of Cryste / And thyse thre kynges rode by the same place there the shepeherdes were and spake wyth them / And whan the shepeherdes sawe the sterre they ranne togyder and sayd that in suche a lyghte suche a clerenesse an angell appered to to theym told theym of the byrthe of Cryste and alle that the angell sayd to theym / And al that they had herde seen they tolde the kinges wherof the kynges were righte gladde and with good chere toke grete consyderacōn of the shepeherdes wordes / And so of wytnesse of the shepeherdes of the voyce of the aungell that apperyd in the sterre and was herde the kynges had doubte of no thyng / ¶ Some bokes in the Eest saye that voyce that was herde oute of the sterre was the voyce of the same angell that shewed the byrthe of Cryste bothe to the shepeherdes and to the kynges / ¶ They saye also in the Eest that the Iewes bileue in that the angell that yede before-the children of Israel with a pylar of fyre whan they yede out of Egipte that same angell it was whoo 's voyce was herde in the sterre and that yede so forth wyth the sterre before the thre kynges / For whan the thre kynges spake wyth the shepeherdes the sterre more more began to shyne bryghter bryghter ¶ Thyse thre kynges were the fyrste of myscreauntes that byleued on Cryste and the shepeherdes were the firste of Iewes that byleuyd on Cryste / And all though the kynges were noo Iewewes yet they sayde that they came to worshyppe the kynge of Iewes / WHan the kynges had spoken wyth the shepe herdes thenne they gaaf theim grete gyftes and soo rode forth to Bedleem / Thenne anone as they were come vnto Bedleem they lighted downe of theyr horses chaunged theyr araye and clothed theym in the beste and rychest clothes that they hadde / And as kinges sholde be arayed they arayed themselfe / And alwayes the sterre yede forth tofore theim / And the nerer that they came to the place the more the sterre shyned bryghter and bryghter / And thenne they rode thorugh the Coueryd strete as it is tolde afore tyll they came to the lytyll hous where in Crste was borne / And the sterre stode styll vpon the grounde tofore the door / And anone after the sterre departed hymself in soo grete lyghte that the lytyll hous the caue wythin was full of lyghte / And soo anone the sterre ascended vp in to the ayre and there stode styll alwaye in the same place as it is sayde in the gospell tofore Et intrantes domum c̈ And entrynge in to the house they founde our lady her chylde and fell downe and worshipped hym and of fred to hym gyftes Golde Myrre and Ensence / ¶ Of this came afterward an vse in that countree of the Eest / There shal noo man come in the presence of the Soudan or of a kynge to speke wyth hym but he haue golde or syluer or some other rychesse in his hondes / And also or he speke wyth the Soudan he shall kysse the grounde / And this is vsed in that countree vnto this daye / ¶ Ferthermore frere Minours whan they shall come to the Soudan or to a kynge they must offre to hym peeres or apples / For they maye towche no golde nor syluer / And the Soudan receyuyth the peeres or apples wyth reuerence mekenesse / ¶ And that tyme that thise thre kynges offeed thus to Cryste he was in his manhede a lytyll chylde of .xiij. dayes of aege / And he laye wrappyd in clothes of lytyll valewe in his moders lappe / ¶ As it is wreten in dyuerse bokes she was in persone flesshly and somwhat browne / And in presence of thyse thre kynges she was couered wyth a poore whyte mantell and that she helde close tofore her wyth her lyfte honde / And her heed was couered all togyder saue her face wyth a lynnen cloth / And she sate vpon the maynger / And wyth her ryght honde she helde vp god almyghtys heed / Soo after thyse thre kynges had worshypped god kyssed his hondes ryght deuowtly and layed theyr gyftes besyde Crystys heed what was done wyth thyse gyftes ye shall here afterwarde / MElchior kyng of Nubie and of Arabie that offred golde to god he was leest of stature of persone / And Balthazar that was kyng of Godolie of Saba that offryd ensence he was of a meane stature / And Iasper that was kynge of Taars and of thyle of Egriswill that offred myrre he was moost of stature and he was a blacke Ethyopye wythout doubte / ¶ For the prophete sayd Coram illo procident ethiopes inimici eius terrā lingent venient ad te qui detrahebant tibi adorabunt vestigia c̈ that is to vnderstond / Byfore hym shal falle and bowe downe Ethiopies and his enmyes shall lycke the erthe they shall come to the that dethrahyd the. and they shall worshippe the steppes of thy fete / ¶ But hauynge regarde to the persones that were that tyme they were but lytyll persones thoos thre kynges in soo moche that all manere of people had moche merueylle therof / And that semyd well that they were come from ferce countrees / For the nerer the Eeest and the vprysynge of the sonne that men ben born the lesse they ben of stature and the more feble tender and herbes ben the hoter and serpentes and suche wormes and peryllous beestes ben the greter and the more venemous / And all other beestes fowles ben there more grete than here / ¶ Also thyle kynges broughte wyth theym many ryche gyftes ornamentes that kynge Alisaunder whyche conqueryd all the worlde lefte in Ynde and in Caldee and in Perse and
sayth he went hynge hymself / Thenne the Iewes bought wyth xv of those pence a felde for the sepultures of pylgrymes as the gospell tellyth / And the other .xv. pence the Iewes gaaf to the knyghtes that kept the sepulcre of Cryste / ¶ Ye shall vnderstonde that the lyknesse of thise .xxx. pence was vsed in all the countree bothe in name in moneye from Abrahams tyme vnto the dystruccoÌ„n of Iherusalem the whyche was by Titus Daspasianus dayes distroyed / But from the tyme of Abraham vnto the tyme of Crystys passion thise .xxx. pence were neuer dysceuered ne departed but euermore were bore hole togyder / And whan Cryste was solde for theym anone they were departed sparpled aboute in dyuers places / ¶ And the cause why thyse .xxx. Pence were callyd syluer in the gospell not wythstondyng they were fyne golde / For it is the comyn vsage in all the countree soo for to calle theym / As men calle of this countree golde of beyonde the see as Scutes motenes or florens / And yet in the Eest the same prynte is made bothe in golde syluer and copre and is kept amonge grete lordes of that countree / And the prynte of thyse pence is on the one side a kynges heed crowned and on that other syde it is wreten wyth lettres of Caldee the whyche wrytynge men can not redde now / And one of theym is worche .x. shelynges or better than thre floreyns / And many moo merueylies ben tolde of thyse thyrty pence of whom it were a longe processe to telle / ¶ Also whan our lady and Ioseph were warned to come out of Egypt bi an angel as the gospell tellyth / Thenne they were bydden to goo in to Galilee and there they dwelled in a cyte whiche was called Nazareth / And so the prophecye was fulfylled QuoniaÌ„ nazarenus vocabitur that is to say He shall be called a man of Nazareth / ¶ And what Cryste dyde werke in erthe from that tyme tyll the thyrde yere afore his passion the Euangelistes openly declare not in theyr gospelles / WHan our lorde Ihesu Criste was styed vp in to heuen after that he sente saynt Thomas thapostle in to Ynde to preche there goddys worde / In whiche Ynde as it is aforsayd thise thre kynges the tyme regnyd were lordes of those londes And though it soo were that saynt Thomas ayenst his will yede in to the londes of Ynde yet it was done of grete prouydence of god that the same appostle the put his honde in to goddys syde to knowe the he was very god the was rysen fo deth to lyfe for saluacoÌ„n of man shold go preche the Passion of Cryst his ResurreccoÌ„n his AscencoÌ„n to those worshypful kinges that sought our lorde in Bedleem in his byrth and there wyth yeftes worshypped him / ¶ And as saynt Gregory sayth Quod omnibus nobis ê“fuit ê™ hij tres reges eiusdem dnÌ„i nostri ihÌ„u xpÌ„i infanciam que sierunt et oculis viderunt et deuotissime muneribus adorauerunt probauerunt that is to saye / It was prouffyte to vs all that thyse worshypfull kynges theyr people soughte the childhede of Cryste with theyr eyen dyde se hym and wyth theyr gyftes worshypfully deuoutly honoured hym and sothly preuyd it / ¶ Also the saynt Barthylmew Symon Iude that were Cristis appostles were sente in to Ynde to preche the faythe amonge all the people / For there ben many partyes of Ynde / And one parte of Ynde is more than all the partie of the worlde on this halfe of the see / For this partye of Cristendom on this halfe the see is no more acounted in all theest but an hundred dayes Iourney / AFter that saynt Thomas thappostle had prechid in the kingdom of Ynde goddis worde had goon abowte all the Yndes the prouynces done many myracles thorugh the sygne token of the Crosse of goddis worde / As he yede aboute in the temples he founde a sterre paynted in euery temple after the sterre that apperyd to the .iij. kynges whan Cryste was borne in whiche sterre was the signe of a crosse a chylde aboue / And whan saynt Thomas sawe the sterre he asked of bysshops of the temple what is was / And bisshops tolde saynt Thomas how suche a sterre apperyd of olde tyme vpon the hyll of Vaws in tokenynge of a chylde the was borne sholde be kynge of Iewes as it was herde out of the same sterre / And for that cause thyse thre kynges yede out of theyr londes in to Bedleem worshypfully thrugh ledynge of the sterre came in to Bedleem in .xiij. dayes and there offred to the childe that was bore but with grete traueyle afterwarde they came home in to theyr owne londes in two yere / And as those thre kynges hadd done seen the bysshops of the temple tolde to saynt Thomas thapostle / Whan saynt Thomas herde all this he thanked god with grete Ioye he preched to the bysshops to all the peple the chyldhede of god his passion his resurreccoÌ„n his ascencyon and all the werkis of Cryste whyle he was in erthe / Where thorugh the bysshops of the temples many other folke were conuerted to Cryste were crystned / Ferthermore saynt Thomas mekely declared and dyde expowne to al the people the vnderstondyng of this sterre of the Crosse / And he casted out of the Temples all mawmettes / And he halowed theym in the name in the worshyppe of that chylde Cryste Ihesu / And thenne suche a fame beganne to rise in all that countree abowte of saynt Thomas for the grete myracles that he wroughte that all folke that hadde Infyrmytees or ony other tormentynge of wyckyd spyrytes they came to saynt Thomas / And he in the name of god and by the sygne of the Crosse heelyd theym and conuerted theym to Crystis fayth and crystned theym and they that were soo conuerted to Cryste dyde many myracles thorugh the vertue sygne of the Crosse afterward in dyuers places there as saynt Thomas hadde not vysited ne ben / SO whan saynt Thomas had thus preched and taughte the people / Thenne he yede to the kyngdoms of those thre kynges founde them hole of body and of grete aege / And as Symeon had answere of the holy ghost that he sholde not deye tyll he had seen Cryste goddis sone and so he abode him tyll he was broughte in to the temple and there he toke hym in his armes / So in lyke wyse thyse thre kynges prayed to god that they sholde not deye tyll they were renewed wyth the holy ghost wyth the sacrament of Baptym / Soo whan they herde that a man that was disciple of Cryst was come in to theyr londes that was callyd Thomas prechyd to the people of the chyldhode of Cryst and of his Passyon ResurreccoÌ„n and Ascencyon and of those werkes
al the people in teÌ„poralte / And for this cause that yf ony man wolde ryse or tempte ayenst the Patriarke Thomas or ayenst the lawe of god yf so were that the Patriarke might not rule him by the spirytuall lawe thenÌ„ shold this lord of teÌ„porall lawe chastise him by his power / So this lorde sholde not be called a kynge or emperour but he sholde be callyd Prethir IohÌ„n / And the cause is this For the thre kynges were preestes and of theyr possessyons they made hym lorde / For there is noo degree so highe as presthode is in all the worlde nor so worthy / Also he is callyd Prethyr IohÌ„n in worshypÌ„ of saynt IohÌ„n the Euangelyste that was a preest the moost specyall chosen and loued of god almyghty / ¶ Whan all this was done thyse thre kynges assygned the Patriarke Thomas Prethyr IohÌ„n th one to be cheyf gouernour in spyrytualtie and the other cheyf lorde in temporalte for euer more / And soo thise same lordes gouernours of Ynde ben called vnto thyse dayes / WHan all thynge was thus dysposed ordeyned by thise .iij. worthy kinges thenne they went in to the cyte of Seuyll forsayd and there they lyued two yeres / And a lytyll tofore the feest of the Natyuyte of our lorde Ihesu Cryste there apperyd a wonderfull sterre aboue the cyte / By the whyche sterre they vnderstode that theyr tyme was nyhe that thei sholde deye passe out of this worlde vnto euerlastynge Ioye in heuen / Thenne of one assente they ordeyned a large a fayr tombe for theyr sepulture in the same chyrche that they had doo make in that cyte / And in the feest of Crystmas thise kinges Archebysshops dyde solempnely goddys seruyse so in the feest of the CircumsicoÌ„n Melchior kynge of Arabie of Nubie sayd his masse solemply in the chirche / And whan he had sayd masse tofore all the people he layed hym downe and wythout ony dysese or heuynesse he yelde vp his spiryte to the fader of heuen And soo deyed in the yere of his aege c. and .xvi. THenne came those two other kynges toke vp his body arayed it in bysshops clothes and wyth kynges ornamentes bare hym to his tombe / And thenne in the feest of the Epiphanye Bathazar king of Godolie of Saba sayd deuoutly his masse whan he had done wythout greuaunce of dysese or syknesse as the wyll of god was he deyed passed to god in the yere of his aege c. xvi Thenne Iasper the thyrde kyng toke vp his body arayed it as the fyrste Kynges body was and wyth grete solempnyte layed buryed it in the tombe by Melchiors body / The sixte daye after this Iasper kynge of Taars of thyle of Egriswill whan he also wyth solempnyte grete deuocyon sayd his masse thenne Cryste toke his spiryte to hym to his blysse / And thenne came other Bysshops preestes with moche people toke his body arayed it worthyly as the other kynges bodyes were bare it to the tombe there thother kinges laye And Cryst shewed there this wonder tofore all the people / ¶ Whan the body of the thirde kynge was thenne broughte and sholde be buryed layed in the same tombe bytwene the other kinges anone eche of the other two kinges departed asonder yaue place to theyr thyrde felowe so receyued hym to lye in the mydyll betwix theim both / And so it may be sayd of thise thre kinges as it is radde in holy wrytte Gliosi principes terre qmÌ„o in vita sua dilexerunt se isa in morte non sunt seperati c̈ that is to say / As thise gloryous kinges Archebisshops loued togyder in theyr lyfe right lo they ben not departed in theyr dethe / And that sterre that apperyd ouer the cyte tofore theyr dethe abode alwaye styll tyll theyr bodyes were translated vnto Colayne as men of Ynde saye / LOnge after the dethe of thyse thre kynges whan Crysten faythe stode in prosperyte in the worshypfull cyte of Seuyll in alle the kyngdoms of the Eest thenne the deuyll that of all goodnes vertues is dystroyer thrugh his wyckydnesse excyted broughte vp amonge the people dyuers oppynyons of heresie / And the persecucoÌ„n of he resye gretly encreased in dyuers londes abowte also in the cyte of Ceuyll that thyse thre kynges rested in In so moche that Prethir Iohn and Patriarke Thomas myghte not rebuke the people from theyr heresies by noo spirytuall correccyon nor temporall And soo the people tornyd agayne to theyr olde lawe and wretchyd fals mawmettes fals goddys / And forsoke the lawes of god in somoche that thyse thre kynges bodies were had at noo reuerence but almoste forgoten of the people / And soo the people that en habyted in the cyte of Seuyll that were come out of the londes kyngdoms of thyse thre kynges euery party toke his kynges bodi out of the tombe and closed theim in dyuers chestes honestly eche by hymself and bare them home in to theyr owne londes kyngedoms / And wyth grete worshyp euery londe veceyued the body of theyr kynge and there they abode longe tyme after / Whan this gloryous Emperour Constantyn thorugh the grace of god dyuers myracles was conuerted to Cryste by saynt Siluester and he was made clene of his leprehede was chaunged both in lyfe in maners in to a newe man that is to saye in to the lawe of Cryste / And the same tyme saynt Elyne whiche was moder of Constantyn the emperour aforsayd was dwellynge amonge the Iewes / And she was al enfecte defoylled wyth the Iewes lawes and with theyr byleue / But wonderfully she was conuerted to the lawes of Cryste as it is wreten in the story of her lyffe of the fyndynge of the holy Crosse it is more playnly shewed / And fro thensforth that blessyd saynt Elyne of as mighty streyngth as she was fyrst in the Iewes lawe occupieng drawyng to it somoche more besily she brenned afterwarde in the newe lawe and gospel of Cryst Ihesu / And al the holy places that our lorde halowed there in other parties 〈◊〉 his manhede as she had defoylled by counseyle of the Iewes she afterwarde to the laude of our lorde Iâ—esu deuoutly visyted honoured and enlarged rychely wyth grete yefces to the confucoÌ„n of the Iewes / Wherfore afterwarde by myracle whan saynt Eleyne had founde the crosse naylles by the wyll of our lorde Ihesu thenne vpon that same place vpon the mount of Caluarie vpon the sepulture of Cryste and the place that Cryste apperyd to Mary Mawdeleyne in lyknesse of a gardyner alle thise places many other that were holy the quene saynt Eleyne buylded chyrches on / And made ryall worshypfull chyrches aboue alle those places also she yede in that place where thangell apperyd to our lady
that Cryste dyde here in erthe and specyally of the sacrament af baptym / Anone notwythstondyng that they were of grete aege and feble yet they arayed them and came al thre kynges to saynt Thomas wyth other lordes and grete multitude of people / And saynt Thomas wyth grete Ioye and reuerence receyued theym and declaryd to theym all that Cryst taught here in erthe to his dyscyples and also his passyon / And how he roos from dethe to lyfe the thirde daye and also how he styed vp to heuen And how he sente downe the holy ghost to the apostles and many other artycles of the fayth / And specyally he tolde theym of the sacrament of Baptym wythout whyche sacrament there maye noo man come-to the kyngdom of heuen / And whan they were thus enfourmyd and Instructe in the fayth thenne saynt Thomas crystnyd theym and more ouer all the people that came wyth theym / And anone thise thre kynges were replete and fulfylled of the holy ghost / And began co preche wyth saynt Thomas goddys worde / And also they tolde the people how they had soughte Cryste goddys sone in Bedleem in his Natiuyte as it is tolde before / So whan all this was done thyse thre kynges wente wyth saynt Thomas all theyr people to the hylle of Vaws / And there saynt Thomas dyde halowe the chapell that those thre kynges had done made and edifyed vpon that hyll And there saynt Thomas those thre kynges preched agayne to all the people of Cristen byleue and of the sterre that apppered to the thre kyngis / And suche a Ioye and gladnesse was amonge the people and suche a name was rysen in al the londes aboute of saynt Thomas and of thise thre kynges cristned that all manere of people bothe men and wymmen came from dyuerse and ferre countrees wyth greate deuocyon to visyte that chapell that was made on the hyll of Vaws / And for that grete concours and deuocōn that was made to the chapell those thre kinges dyde make vnder that hylle a grete and a ryche cyte / And is called the cyte of Seuyll / And that is the rychest and the beste cyte of all Ynde / And yet vnto this daye in that cyte is the habytacyon of Prethyr Ioh̄n that is lorde of Ynde / And there dwellyth also the Patryarke of Ynde that is called Patryarke Thomas / ¶ And why the Patriarke of Ynde is callyd Thomas and why the lorde of Ynde is called Ioh̄n ye shall here afterwarde / WHanne saynt Thomas the appostle hadde preched and conuertyd the people to the lawes of our Sauyour Cryste Ihesu thenne he sacred and made thyse thre kynges vnto thordre of preesthode and afterwarde vnto Archebysshops / And whan they were put in this degree thenne they ordeyned vnder theim bisshops preestes and clerkes to serue god / And thenne thyse forsayde thre kynges and bysshops halowed all the Temples in that coūtree in-worshippe honour of our lady and casted out all the mawmettes that were in the temples in that countree aboute / And to bisshops preestes and Thise thre kynges and Archebysshops gaaf many grete possessions to mayntene encrease goddis seruyse / Also saynt Thomas taughte thise kynges Archebysshops other bysshops and preestes the manere the fourme to saye a masse and enfourmyd theim also of the wordes that Cryste sayd to his discyples whan he made his supper that nyght that he was betrayed thrugh whiche wordes he made ordeyned the Sacrament of the awter / And also he taughte theym the Pater noster many other thynges he tolde theim / Also the fourme of crystnynge specyally charged theim that they sholde not forgete that And whan saynt Thomas had enfourmyd theym thus of the Crysten fayth thenne afterwarde he toke martyrdom for the lawe of Cryste as it is conteyned more fully in the story that is wreten of his passion / There it tellyth how he was slayne in what place / But sothly in all that countree abowte there saynt Thomas was slayn bothe men wȳmen haue vysages shapen after houndes but they ben not heery and soo they ben yet vnto this daye / AFter the dethe of saynt Thomas thyse thre kynges Archebisshops yede abowte citees townes other dyuers places and ordeyned many chyrches and putte in theim bysshops preestes clerkes other mynysters of holy chyrche to do diuine seruyte / And moche rychesse grete possessyons And thenne the thre kynges Arch̄bisshops forsoke the vanyte of the worlde and ordeyned theym to abyde in the cyte of Seuyll the whyche they had doo buylde / And they assygned certayne lordes to gouerne rule theyr kyngdoms londes bothe in spyritualtie temporalte / And all people of grete loue charyte were obedyent to theim as the sone to the fader / Then̄e the seconde yere tofore theyr dethe thyse thre kynges Archebysshops made a Conuocacōn of all the people bothe spyrytuall and temporall / And had theym all to a certayne place / And they warnyd counseyled the people that they sholde be perseueraunt in the crysten fayth as saynt Thomas had taught theim And counseyled the people that they sholde be all of one acorde and of one wyll to chose a man amonge theim that were able and discrete that had loue and desyre to mayntene the fayth of Crystendom And that man sholde be cheyf tofore alle other men as in spirytualte in saynt Thomas stede / And to hym all manere of men shall obeye as to theyr ghostly fader Whiche man in worshyp of saynt Thomas thapostle sholde be called the Patriarke Thomas for euer lastyng memory / And whan the Patriarke were de de thenne they sholde come togyder all in one place in his stede chese another to whom as it is aforsayd they sholde obeye as to theyr ghostly fader / Then̄e whan this matere was thus-spoke amonge the people they assented therto And of one accorde wyll they chose a man that was called Iacob the whyche was come out of the countree of Anchioche and he had alway folowed saynt Thomas the appostle into Ynde / And this Iacob the people chose and toke hym for theyr Patriarke / And chaunged his name and callyd hym Thomas / And this man Iacob was the firste Patriarke that was in that countree / And soo alwaye they of Ynde be obedient to the Patryarke Thomas as we ben to the Pope of Rome yet vnto thyse dayes / And to this Patriarke and so al his successours thyse thre kinges gaaf for euermore wych the assente of alle the people the Tythes of all theyr londes and kyngdoms / Whan all this was done and the Patryarke Thomas thenne chosen to be lorde of all the people in spirytualte / Thenne thise iij. kinges Archebysshops other bisshops of comin assente of all the people chose a nother man the was discrete to be lorde gouernour of