Selected quad for the lemma: book_n
Text snippets containing the quad
ID |
Title |
Author |
Corrected Date of Publication (TCP Date of Publication) |
STC |
Words |
Pages |
A16385
|
[Explicit the book of curtesye]; Book of curtesye.
|
|
1477-1478
(1480)
|
STC 3303; ESTC S117348
|
7,717
|
28
|
enlumened hast alle our bretayne To soone we loste thy laureate scyence O lusty lyquour of that fulsom fontayne O cursid deth why hast thou y t poete slayne I mene fader chaucer maister galfryde Alas the whyle that euer he from vs dyde Redeth his werkis ful of plesaunce Clere in sentence in langage excellent Briefly to wryte suche was his suffysanÌce What euer to saye he toke in his entente His langage was so fayr and pertynente It semeth vnto mannys heeryng Not only the worde but verely the thynge Redeth my chylde redeth his bookes alle Refuseth none they ben expedyente Sentence or langage or bothe fynde ye shall Ful delectable for that good fader mente Of al his purpose and his hole entente How to plese in euery audyence And in our tunge was welle of eloquence Beholde Ocklyf in his translaconÌ In goodly langage senteÌce passyng wyse How he gyueth his prynce suche exortaconÌ As to the hyest he coude best deuyse Of trouthe ⪠pees ⪠mercy ⪠and Justise And vertues leetyng for no slouthe To do his deuoir quite him of his trouthe Required hym as ayenst his souerayne Most drad louyd wos excellent hyenes He aduertysed by his wrytyng playne To vertu apperteynyng to nobles Of a prynce as bereth good witnes His traytye entitled of regymente Compyled of entyer trewe entente Loke also vpon dan John lydgate My maister whylome monke of berye Worthy to be renomed as poete laureate I praye to god in blysse his soule be mercy Syngyng Yex splendens that heuenly kyrye Amonge the muses nyne celestyall Byfore the hyest Jubyter of all Passyng the muses nyne of ElyconÌ Where is non pareyl of armonye Thider I truste my meistres soule begone The sterrid paleys aboue the dapplyd skye There to synge sanctus incessantly Amonge the muses ix celestyall Byfore the hyest Jubiter of all Redeth his volumes that ben large wyde Seueryly set in sadnes of sentence Enlumyned with colours fressh on euery side Me lacketh witte I haue none eloquence To gyue hym lawde after his excellence For I dar saye he lefte hym not a lyue That coude his coÌnyng sufficiently discriue But his werkis his laude muste nede coÌquere They may neuer out of remembraunce dye His werkis shal his name conueye bere Aboute the world almost eternely Lete his oweÌ werkis preyse hym magnefie I dar not preyse for fere lest I offende My laÌgage shold rather apeyre than amende Loo my child these faders auncyente Repen the feldes fresshe of fulsomnes The flours fresh they gadred vp hente Of siluer langage the grete riches Who wil it haue my lityl childe doutles Muste of hem begge ther is nomore to saye For of our tunge they were both lok kaye Ther can nomanÌ now her werhis disteyne The enbamed tunge and aureate sentence Men gete it now by cantelmele gleyne Here and there by besy diligence And fayne wold reche her craft of eloqueÌce And by the gleyne it is ful oft seue In whos felde the gleyners haue bent And vnto me age hath bode good morowe I am not able clenly for to gleyne Nature is faynÌ of craft her eyen to borowe Me lacketh clerenes of myn eyen tweyne Begge I maye gleyne I can not certeyne Therfore y e werck I wil playnly remytte To folkis yong more passyng clere of witte Seche ye therfore and in caas ye fynde Such gleynors fressh as haue somÌ appareÌce Of fayr langage yet take hem vnbynde And preue ye what they be in existence Colourd in langage sauerly in sentence And doubte not my childe withoute deede It wil prouffite to see suche thingis red Yet eft sones my child lete vs resorte To thentente of yur first matere Degressed somwhat for we wold reporte And reuiue the laude of hem that were Famous in our langage these faders dere Who 's sowles in blysse god eternel auaÌnce That lysten so our langage to enhaunce ThenÌe lityl Iohn I counceyl you that ye Take hede to the norture that men vse Newe founde or auncyent whether it be So shal no man your curtoisye refuse The guyse custom my child shal you excuse MeÌnys werkis haue often enterchanÌge That nowe is norture soÌtyme had be stranÌge Thingis whilom vsed ben now leyd a syde And newe feetis dayly ben contreuid Mennys actes can in no plyte abyde They be changeable and ofte meuid Thingis somtyme alowed is now repreuid And after this shal thinges vp aryse ãâ¦ã t men set now but at lytyl pryse This mene I my childe y t ye shal haunte The guyse of them that do most manerly But beware of vnthryft ruskyn galanÌte Counterfeter of vnconnyng curtoisye His tacchis ben enfecte with vilonye Vngyrte vnblyssed seruyng atte table Me semeth hym a seruanÌt nothing able Wynter and somer to his souereyne Capron hardy no bonet lyste to auak For euery word gyuiÌg his maister tweyne Auauntparler in enery mannys tale Absolon with disheueld heeris smale Lyke to a prysoner of seynt malowis A sonny busshe able to go to the galowis O I passe norture fy fy for shame I myght haue said he shold go hauke honte For that shold be a gentilmans game To suche disportes gentil folkes be wonte I sayd to ferre my langage was to blonte But yet sir galaÌte whaÌ ye shal bowe or knele He goth by compace round as doth a whel Braced so strayt that he may not plye But gaderith it by maner of a wyndelas And he ought wrenche a syde or a litil wrie His geer stondeth thenÌe m ful parloê° caas His sho his hose doblet point laas And yf ought breke somÌe tuÌges y t be bad Wil mocke saie a knaue hath broke a lad Lete galante go I mene recheles ruskynÌ Take hede my chylde to suche as be connyng So shal ye best worship conquere wynne Enforce you in al your demenyng To folowe vertu fro folye declynyng And waite wel that ye loue honeste Whiche is accrdyng vnto humanyte That is for you to vnderstonde knowe That your araye be manerly resonable Not apysshe on to mocken ne to mowe To nyce araye that is not commendable Fetis newe founden by fooles vnêuffitable That make y e world so plainly traÌsformate That men semen almoste enfemynate Playe not Jack malapert that is to saye Beware of presumpcoÌn beware of pryte Take not y e first place my child by the waye Tyl other be sette right manerly abyde Presumptuoê° ben often set a syde And alleday aualyd as men may see And he is sette vp that hath humylyte To connynd personÌs regarde ye take Where ye be sette right in ententyf wyse Connyng folk connyng men shal make To their coÌnyng ye shal make your surmise And as they do ye muste your self deuyse For this my child is as the gospel trewe Who wil be coÌnyng he must y e coÌnyng sewe And one thing I warne you specyally To womanhede take awe alweye And them to serue loke ye haue an eye And theire comÌandementis that ye obeye Plesant wordes I auyse you to them seye And in alle wyse do ye your diligence To do them plesure and reuerence And at this tyme this tretye shal suffise Dispose you to kepe it in your mynde The doctrine whiche for you I deuyse And doubteth not ful wel ye shal it finde To your honour enrolle it vp and bynde Right in your breste and at your riper age I shal wryte to you herof the surplusage Go lytyl John and who doth you appose Sayng your quayer kepe non accordance Telle hym as yet neyther in ryme ne prose Ye ben expert praye hym of suffranÌce Chyldren muste be of chyldly gouernanÌce And also they muste entretyd be With esy thing and not with subtylte Go lytil quayer submytte you euery where Vnder correctoÌn of benyuolence And where enuye is loke ye come not there For ony thing kepe your tretye thens Enuye is ful of froward reprehens And how to hurte lyeth euer in a wayte Kepe your quayer that it be not ther bayte Explicit the book of curtesye