Selected quad for the lemma: book_n

Word A	Word B	Word C	Word D	Occurrence	Frequency Band	MI	MI Band	Prominent
book_n	great_a	life_n	write_v	5,211	5	5.2860	4	true

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A17943	Here begynneth the kalendre of the newe legende of Englande; Nova legenda Anglie. English. Abridgments.	Hilton, Walter, d. 1396. Epistle on the medled life.; John, of Tynemouth, d. 1290? Sanctilogium Angliae, Walliae, Scotiae, et Hiberniae.	1516 (1516)	STC 4602; ESTC S107496	190,729	324

lerne this blessyd man omytted nothyng 〈◊〉 he lerned by the euangelystys or ꝓphyttys to be 〈◊〉 fulfyllyd it in that he coulde howe be it in that he kepte 〈◊〉 Estre at the due tyme Bede prayseth hym not 〈◊〉 prayseth hym for he seyth ꝑcase he knewe it not 〈◊〉 kepte it on a sonday but he praysyth hym that 〈…〉 pynge of his Ester he beleuyd nor worsh 〈…〉 other thynge but as we doo that is to say the Redempcion of mankynde by the Passyon Resurreccyon Assēcyon of the medyator betwixte God Man our Lorde Ihesu Criste And in the lyfes of Seynt Oswalde and Oswyn kynges And of Seynt Cuthbert dyuerse thynges thynges be spokyn of this Blessyd man ¶ De sancto Albano martire SEynt Albon dwellyd ī the Towne of verolame that now is callyd seynt Albons And in the tyme of the ꝑsecucyō of dioclesyan seynt Amphibell came into Brytayne and lodged in the house of seynt Albon and exortyd hym to be cōuerted And shewyd hym sumwhat of the beleue of our lorde and he gaue lytle credence to his techynge And the same nyght seynt Albon sawe a vision that betokened the Misteryes of the Incarnaciou Passyon Resurreccion Assencion of our Lorde as in the Legende apperyth And in the mornynge he asked of seynt Amphibell what his visyō betokened whē seynt Amphibell had declared the hole misteryes therof how our Lorde suffred Passyon and Deth And how he Rose agayne and assendyd to Heuyn he sayd it was all trewe that he sayde And anon he Beleued and was Cristened And thenne he was complaynyd on that he was Cristened Wherfore he was sent for and was Takyn as he was prayenge before a Crosse And so he was broughte to the Iudge And there constauntly he confessyd that he was a Cristēmā And so he was put ī prison there he lay .vi. Monethes in all that tyme there felle no rayne And therfore the people thynkynge that the god that Albō worshypped ꝓhibited the rayne toke hym out of prysone and wolde haue lette hym goo And he seynge that 〈◊〉 wold haue let hym goo prayde our Lorde that his martyrdome shuld not be lette And opynly dyspysyd theyr Idollys and soo he was had with great vyolence to be behedyd and as he went a ryuer that wolde haue lettyd theyr passage by his Prayer dryed vppe and oon of the Knyghtys that drewe hym to his marterdome seynge the great Myracles that our lorde shewyd for hym was cōuertyd seynt Albō was behedyd the .x. kalēdas of Iuli the yere of our lorde god CClxxx vi And anon the eyen of hym that strake it offelle owte he was buryed at seynt Albons sumwhat the Legēd leuyth it for a dowte whether he lye now at seynt Albons or at ely but it semyth to be the more lyke that he shuld lye at seynt Albons And in the legend apperith how kynge Offa repayred the monastery ofseynt Albons And how the heresy of Pelagian̄ began at Bangor and how it was extyncte ¶ De sancto Aldelmo episcopo confessore SEynt aldelme was of kynne to Iue kynge of we stesaxōs ī his youthe he ꝓphyted moch ī cōnynge after he was made monke at malmesbury so preest then Abbot And his fame went so ferre that it came to the pope Sergyus he sent for hym to Rome whē he had sayd masse in the Church of lateranēse helde the vestemēt behynde hym to haue takyn it to one of his seruaūtis none was there it hōge vppō a sonne beame a longe tyme a womā that was with Chylde defamed the Pop● therw t And saynt Aldelme herynge that was moch heuy cōmaūdyd the chylde which was but .ix. dayes olde ī the name of our lorde Ihesu criste to shewe if the Pope were his fader he sayd nay And so the Pope was delyuerd of the cryme And seynt Aldelme brought with hym fro Rome an Alterstone which by the way brake with his prayer blessynge it was made hoole And as it is sayd the same stone is yet ī the priory of Briton now callyd Bruton he was a great wryter of Bokes meynteyned moche the due kepynge of Ester he neuer went out of his Monastery without a great cause he gaue great almes wold stonde in the water thoughe it were froste snowe tyll he had sayd a hole psalter And after he was made busshop of Shyryburne and in great age full of good werkes he went to our Lorde the .viii. kalendas of Iune in the yere of our Lorde .vii. hundred .ix. and lyeth in his monastery at Malmesbury ¶ De sancto alredo Ep̄o confessore When seynt Alrede was in his Cradell his face shone lyke the sonne And in his chyldehod he had the spirit of ꝓphecy And tolde the very day of the deth of the Busshop of yorke he was in so great fauoure with Dauyd kynge of Scottys that he was seconde to hym whiche a Knyght enuyed much with great hatred insomoche that somtyme in presence of the kynge he wolde speke opprobrious wordys to hym he toke all paciently so that the Knyght meruaylyd toke penaūce askyd hym forgeuenes he tolde hym that he ought to loue hym the more for by his hatred he encresyd the more in the loue of our lord And by hym his paciēce was prouyd And he was so meke that thoughe he were hurte he was not moche troubled therwith and if any accused hym he was not prouokyd to vengeaunce and he dyd alway good for euyll and when the kynge wolde haue made hym busshope he for●oke it entred into Relygyon at ryeuall which is of the ordre of cisteaux and was mayster of the nouyces a Nouyce that was vnstable was by his prayers twyse brought agayne to the Monasterye when he was goynge away and when he was made Abbot oftymes he counceyled his Bretherne that noo foule worde shulde goo out of theyr mouthe ne any detraccion or o the And he refourmyd the hole coūtrey of gallway and wrote the lyfe of Seynt Edwarde Kynge Confessoure and dyd many other thynges he was of great abstynence and wolde moche rede in Bokes that shulde moue compunccion and he had great sykenes ten yeres before he dyed and toke it in great paciēce and wolde no fysyke and oftymes was visityd with Aungells and he knewe the veray daye of his Deth he sayde to his Bretherne that after he entered into Relygyon he neuer fret in malyce nor detraccyō with any ꝑson that for any cause taryed with hym tyll nyghte and that he had louyd alway peace Broderly loue his owne espirituell quietnes he wente to our lord the day before the firste Idus of Ianuarye in the yere of our lorde god a. M. a hūdred .lxvi. and dyuers thynges be here omytted c. ¶ De sancto Amphybalo martire WHen seynt Amphibell had cōuertyd seynt Albon seynt Albon aduertysed hym to go