Selected quad for the lemma: blood_n

Word A	Word B	Word C	Word D	Occurrence	Frequency Band	MI	MI Band	Prominent
blood_n	body_n	jesus_n	wine_n	12,951	5	7.8966	4	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A72366	Here begynneth a lytell treatyse called the Lucydarye; Elucidarius	Honorius, of Autun, ca. 1080-ca. 1156.; Chertsey, Andrew.	1507 (1507)	STC 13685.5; ESTC S125242	28,310	52

paradys terrester with Helyas Enoch in enstructynge them / that whiche was done as whan he appered ¶ Mayster how many tymes appered he My chylde / he appered fyrst vnto Ioseph of barmathye that had buryed hym the whiche for soo doynge was put in pryson After vnto his moder / after to the blyssed Mawdeleyne / after vnto the .ij. pylgrymes comynge frome the holy sepulcre / after vnto saynt Iames the whiche ne wolde ete tyll that he had seen hym After vnto saynt Peter / after to the two pylgrymes that whiche went to the castel of maulx / after he appered vnto his dyscyples the gates shytte / after vnto saynt Thomas whan he put his hande in the syde of our lorde Ihesu cryste / after vnto his dyscyples in the see of Tyberyon / so my chylde thou sholde vnderstande that our lorde Ihesu cryst appered .xii. tymes before that he ascended in to heuen ¶ Mayster who ascended in to heuen with hym My chylde the soules of the blyssed the whiche than by theyr merytes were saued / also grete multytude of aungelles of heuen the whiche hym accompanyed in syngȳge melodyously yeldynge thankes vnto god ¶ Mayster wherfore abode he .xl. dayes to mounte in to heuen after that he was rysen My chylde for the that he gaue grete payne .xl. houres whan he abode in the erth vnto his frendes dyscyples wherfore he wolde conforte them .xl. dayes / that is one day for euery houre in tokenynge that for payne he gyueth grete Ioye / also he dyde it for to conferme them in the holy fayth / as saynt Thomas other / vnto whome he appered vysybly ¶ Mayster what is that to say / that the sone is set on the ryght hande of his fader My chylde it is to say that the humanyte is in glorye with the dyuynyte ¶ Mayster in what maner fourme ascended Ihesu cryste in to heuen My chylde he styed in to heuen in suche fourme and maner as whan he hym transfygured before some of his dyscyples in the mountayne of Tabor that is to vnderstande that he had the armes stretched lyfte vp in heyght / his face shynynge as the sonne And his vestymentes were whyte as snowe / a fayre and clere clowde descended from heuen / it closed rounde about hȳ so mounted in to heuen in suche wyse that they loste the syght corporall of hym ¶ Mayster wherfore is the sacrament of the awter made of breed of wyne My chylde for as the grayne of the corne hath ben beten and flayled had the sede clouē In lykewyse the precyous body of Ihesus was beten scourged / and hadde the syde opened / out of the whiche yssued blode water / wherfore men put of water vnto the sayd sacrament And as the wyne lepeth frome the grape by force of the wryngynge in the pressoure In lykewyse the precyous blode of Ihesus lepte frome his precyous body on the pressoure of the crosse / and it was not establysshed of the flesshe ne of the blode for a man may haue horroure to drynke blode to ete flesshe / but it was establysshed of brede wyne / that is the moost comune refeccyon that is / and also the breed and the wyne ben the moost comune and the moost prouffytable for to nourysshe the body In lykewyse the sacrament of the auter is the moost comune and the mooste prouffytable refeccyon for to nourysshe the soule ¶ Mayster how shall we vnderstande that it is the body of Ihesu cryste and his precyous blode vnder the kynde of breed and of wyne My chylde as the breed and the wyne that thou eatest drynkest conuerte them in to thyn owne body in to thyn owne blode In lykewyse the sacrament of the awter the brede and the wyne saynge the holy wordes by the wyll of god / also chaungeth them vnto the precyous body blode of Ihesu cryste and also he wolde do it for the grete loue that he hath in vs he wolde euermore be with vs. And it is his power that to do / as of nothynge he hath made all the worlde the whiche is a more grete thȳge Than my chylde that sholdest beleue stedfastly wtout doubte for his pleasure was it to instytute in suche wyse And how be it that thou seest it not corporally / for a body gloryfyed is inuysyble thou haste the more of meryte For fayth is none other thynge but to beleue the thynge that he seeth not The mayster The dyscyple MAyster / what say ye of them the whiche receyueth the sayde sacrament in mortall synne My chylde / they crucyfye of newe the swete Ihesu cryste hȳ receyueth vnto theyr dampnacyō ¶ Mayster the preest that is in mortall synne / may he sacre admynyster the body bloode of Ihesu cryste My chylde ye / for the sacramente ne empeyreth / ne amendeth by the condycyon of the preest / as the sonne whan that it shyneth vpon foule thynges stynkynge lesseth not his clerete / but the preest it dooth vnto his dampnacyon / yf he be wtout synne it is vnto his saluacyon ¶ Mayster how longe abydeth the body of Ihesu cryste in the wombe of hym the whiche hym receyuethe My chylde he there abydeth as longe as the substaunce of the breed there may abyde vndegested and no more / but thou shalt vnderstande that god there is also abydeth euermore with them the whiche ben in thestate of grace ¶ Mayster / whan many prestes syngeth masse / the body of cryste is it ouer all / My chylde / ye / For god is may be ouer all as thy soule the whiche is hole in euery partye of thy body ¶ Mayster sholde a man hate the yll My chylde a man sholde hate theyr cursednesses folyes not to do yll as they done / but we sholde loue our nature / for we ben all the sones of one fader of one moder and bought redemed with one selfe blode / and yf they do the ony wronge thou sholdest pardon them pray for theym vnto the example of Ihesu cryste the whiche prayed for theym that hym crucyfyed put vnto the deth For it is the werke moost merytoryous that we may do ¶ Mayster wherfore haue the yll so many of godes of prosperytees in this worlde My chylde there is not so yll in this worlde but that somtyme dooth some good dede And for as moche as man dyde neuer ony good dede but that it were recompēsed / ne neuer dyde yll but that it be punysshed And for this cause god them sendeth of grete godes prosperytees in retrybucyon of theyr good dede so vnto them gyueth puyssaunce auctoryte vpon the good to th ende that the good ben proued by theym / somtyme god sendeth of trybulacyon vnto the ylle to th ende that they amende them / yf they do it not neuertheles that shall be in