Selected quad for the lemma: blood_n

Word A	Word B	Word C	Word D	Occurrence	Frequency Band	MI	MI Band	Prominent
blood_n	body_n	bread_n	transubstantiation_n	7,578	5	11.1962	5	false

Text snippets containing the quad

ID	Title	Author	Corrected Date of Publication (TCP Date of Publication)	STC	Words	Pages
A34261	The confession of the faith and doctrine beleeved and professed be the Protestantes of Scotland exhibited to the estatis of the same in Parliament, and be their publick votis authorized, as a doctrine grounded upon the infallible VVord of God.	Church of Scotland.	1681 (1681)	Wing C5800; ESTC R40864	18,239	16

1 Cor 11 24 1 Cor 10 16 AS the fatheris vnder the law besides the veritie of the Sacrifices had twa chiefe Sacramentes to wit Circumcision the Passeover the despisers and contemners whereof were not reputed of Gods people sa do we acknawledge and confesse that we now in the time of the evangell haue twa chiefe Sacramentse onlie instituted be the Lord Jesus and commanded to be used of all they that will be reputed members of his bodie To wit Baptisme and the supper or Table of the Lord Jesus called the Communion of his body and blude And thir Sacramentes asweel of auld as of New Testament now instituted of God not onlie to make an visible difference betwixt his people and they that wes without his league but also to exerce the faith of his children and be participation of the same Sacramentes to seil in their hearts the assurance of his promise and of that most blessed conjunction vnion and societie quhilk the elect haue with their head Christ Iesus And this we vtterlie damne Rom 6 3 4 5 Gal 3 27 the vanitie of they that affirme Sacramentes to be na thing els bot naked and baire signes No we assuredlie beleeve that be Baptisme we are ingrafted in Christ Iesus to be made partakers of his Iustice be quhilk our sinnes are covered and remitted And alswa that in the Supper richtlie used CHRIST IESUS is so joyned with us that he becommis very nurishment and fude of our saules Not that we imagine anie transubstantiation of Bread into Christes bodie and of Wine into his Natural blude as the Papistes haue perniciouslie taucht and damnable beleeved bot this vnioun and conjunction quhilk we haue with the body blude of Christ Iesus in the richt vse of the Sacraments wrocht be operatioun of the haly Ghaist who by trew faith caryis us above all things that are visible carnal and earthly and makes us to feede upon the body and blude of Christ Iesus quhilk wes anes broken and shed for us quhilk now is in heaven Mar 16 19 Luk 24 51 Act 1 11 Act. 3 21 1 Cor 10 and appearis in the presence of his Father for vs And ȝit notwithstanding the far distance of place quhilk is betwixt his body now glorified in heaven and us now mortal in this earth ȝit we man assuredlie beleue that the bread quhilk we break is the communion of Christes bodie and the cupe quhilk we blesse is the communion of his blude So that we confesse and undoubtedlie beleeue that the faithful in the richt use of the Lords Table do so eat the bodie and drinke the blude of the Lord Iesus that he remains in them and they in him Ȝea they are so maid flesh of his flesh and bone of his bones that as the eternal God-head hes given to the flesh of Christ Iesus quhilk of the awin conditioun of nature wes mortall and corruptible life and immortalitie so dois Christ Iesus his flesh and blude eattin and drunkin be us Eph. 5 30 Mat 2 50 Mar. 15 37 Luk 23.46 Ioh 19 30 Ioh 6 51 ● 53 54 55 56 57 58 give vnto us the same prerogatiues Quhilk albeit we confesse are neither given unto us at that time onelie nether ȝit be the proper power and vertue of the Sacrament onlie ȝit we affirm that the faithfull in the richt use of the Lords Table hes conjunction with Christ Iesus as the naturall man can not apprehend ȝea and farther we affirme that albeit the faithful oppressed be negligence and namelie infirmitie dois not profite sa meikle as they wald in the verie instant action of the Supper ȝit sall it after bring frute furth as liuelie seid sawin in gude ground For the haly Spirite quhilk can neuer be diuided fra the richt institutioun of the Lord Iesus wil not frustrat the faithfull of the fruit of that mystical action bot all thir we say cummis of trew faith qohilk apprehenkis Christ Iesus who only makis this Sacrament effectual vnto us And therefore whosoeuer sclanders us as that we affirme or belevis Sacraments to be naked and bair Signes do injurie vnto vs and speaks against the manifest trueth But this liberallie and franklie wee confesse that we make ane distinctioun betwixt Christ Iesus in his eternal substance and betuixt the Elements of the Sacramentall Signes So that we will nether worship the Signes in place of that quhilk is signified be them 1 Cor 11 28 29 nether ȝit doe we dispise interpret them as unprofitable and vaine bot do vse them with all reverence examining our selves diligentlie before that so we do Because we are assured be the mouth of the Apostle that sik as eat of that bread and drinke of that cupe vnworthelie are guiltie of the bodie and blude of Christ Iesus 23 Of the richt administration of the Sacraments THAT Sacraments be richtlie ministrat we Iudge twa things requisite The ane that they be ministrat be lauchful Ministers whom we affirme to be only they that ar appoynted to the preaching of the word into quhai● mouthes God hes put sum Sermon of exhortation they being men lauchfullie chosen thereto be sum Kirk The vther that they ministrat in sik elements and in sik sort as God hes appointed else we affirm that they cease to be the richt Sacraments of Christ Iesus And therfore it is that we fly the doctrine of the Papistical Kirk in participation of their sacraments first because their Ministers are na Ministers of Christ Iesus ȝea quhilk is mair horrible they suffer wemen whome the haly Ghaist will not suffer to teache in the Congregatioun to Baptize and secundly because they haue so adulterated both the one Sacrament and the vther with their awin inuentiouns that no part of Christs action abydes in the originall puritie For Oyl Salt Spittill and sik lyke in Baptisme ar bot mennis inuentiouns Adoration Veneration bearing throw streitis and townes keiping of bread in boxes or buistes ar prophanatioun of Christs Sacraments Mat. 26.26 c. Mar. 14.22 c. Luk. 22.19 c. 1 Cor. 11.24 and na vse of the same For Christ Iesus saide Take eat c. do ȝe this in rememberance of me Be quhilk word charge he sanctifyed bread and wine to the Sacrament of his halie bodie and blude to the end that the ane suld be eaten and that all suld drink of the vther and not that they suld be keiped to be worshipped honoured as God as the Papistes haue done heirtofore Who also committed Sacrilege steilling from the people the ane parte of the Sacrament to wit the blessed cupe Moreover that the Sacraments be richtly vsed it is required that the end cause why the Sacramentis were institute bee vnderstand and observed asweil of the minister as of the receiueris For gif the opinion be changed in the receiuer the richt vse ceassis quhilk is maist evident be the